الأخبار
أخبار إقليمية
السفير السوداني بمصر : قواتنا تعاملت مع الطائرة الاسرائيلية على الفور بعد اختراقها للمجال الجوي، وهناك العديد من المحاولات اليائسة لاختراق سمائنا،
السفير السوداني بمصر : قواتنا تعاملت مع الطائرة الاسرائيلية على الفور بعد اختراقها للمجال الجوي، وهناك العديد من المحاولات اليائسة لاختراق سمائنا،


الكل مهتم بالمشاركة في مسرحية حزب البشير حتى السفير
05-07-2015 03:14 AM
قال السفير عبد المحمود عبد الحليم، سفير السودان في القاهرة، إن اختراق طائرة استطلاع للمجال الجوي للسودان ليس الأول من نوعه، وسيتم الإعلان عن المعلومات الكافية بعد إجراء التحقيقات وتحليلها.

وأضاف في مداخلة هاتفية ببرنامج "90 دقيقة" المذاع عبر فضائية "المحور"، الأربعاء، أن القوات المسلحة السودانية قامت بالتعامل مع الطائرة على الفور بعد اختراقها للمجال الجوي، مشيرًا إلى أنه "نحن لا ننزعج من مثل تلك الأحداث لأن هناك استهدافا لبعض المعسكرات والمخيمات".

وذكر السفير أن بلاده مستهدفة من الكيان الصهيوني، وهناك العديد من المحاولات اليائسة لاختراق سمائها، لافتاً إلى أنه تم ضرب مجمع اليرموك العسكري قبل ذلك وتنفيذ هجمات أخرى على أهداف عسكرية.

وكان المتحدث الرسمي باسم القوات المسلحة السودانية، العقيد الصوارمي خالد سعد، أكد رصد دخول طائرة إلى المجال الجوي السوداني عبر البوابة الشرقية في ولاية البحر الأحمر.

النهار


تعليقات 43 | إهداء 0 | زيارات 10649

التعليقات
#1262062 [badraldin mm]
5.00/5 (1 صوت)

05-07-2015 05:56 PM
اسد على وفى الحروب نعامة .... لقد رقصتم على اشلاء قتلاكم فى دارفور واقمتم ليالى النصر وتبجحتم بان مواطنكم جابو الذيت واخترعتم بعدم دفن قتلاكم فى وطنهم مع انكم انتم من دعوتهم الى الحرب (نحن جبناها بالبندقية العاوزه اجيب بندقيتو واجينا... وهددتم الكل بقطع اليد ولحس الكوع وشذاذ الافاق ....حتى الطلبة لقد ماتو فى عهدكم وما معروف السبب شنو .. لكن عندما ياتى من يستحق الرد تتوارون وما عندكم الامكانية للرد او الصد بس كواريك...وكواريك

[badraldin mm]

#1262048 [محتار]
4.00/5 (1 صوت)

05-07-2015 05:43 PM
" نحن لا ننزعج من مثل تلك الاحداث لان هناك استهدافا لبعض المعسكرات و المخيمات " فهمتوا حاجة!!!!!

[محتار]

#1262017 [بارجقل في بطنو شغل]
4.00/5 (1 صوت)

05-07-2015 04:13 PM
ياجماعه حيرتونا دا كلام ياعبدالمعطي والله حاجة تضحك

[بارجقل في بطنو شغل]

#1261980 [همت]
1.00/5 (1 صوت)

05-07-2015 03:08 PM
الصهاينة والأمريكان اخترقوا القصر الجمهوري في السودان فهل يعجزون عن اختراق الفضاءات السودانية؟ هناك امريكان يحتلون مناصب دستورية وتأكد أن من يحمل الجنسية الأمريكية يسهل كثيراً استخدامه كجاسوس وإن لم يكن منتبهاً لذلك وأسهل من يتجسس عن غفلة لهو السوداني وليس بالضرورة أن تكون عميلاً لتتجسس، كما قالوا، يكفي أن تكون غبياً وانظر إلى رئاسة الجمهورية وستجد الغباء والعمالة معاً

[همت]

#1261959 [:::بيكو::]
5.00/5 (1 صوت)

05-07-2015 02:41 PM
شكلو كان لافيها بي كرتين ونص

[:::بيكو::]

#1261951 [ali alfred]
4.00/5 (2 صوت)

05-07-2015 02:29 PM
عجيب أمرك سيد السفير ها ها ها أول مرة بأعرف انك عبيط ومش فاهم في السياسة الدولية

[ali alfred]

#1261936 [adil a omer]
3.00/5 (1 صوت)

05-07-2015 02:09 PM
شكلو غير الصنف من ويسكى بقى يشرب فودكا

والفودكا دى قويه ولا تقول لى عرقى ولا جن

[adil a omer]

#1261916 [سكران لط]
3.50/5 (2 صوت)

05-07-2015 01:49 PM
بالله دا سفير والا ادم ..... معلوماتو بايته وما متابع ياخي الصوارمي ذات نفسو اعتذر عن الكلام دا وقال جسم مضيئ او طيارة بدون طيار جايي طاير جوز وعايز يسجلل بطولة في مرمى الجيش الاسرائيلي
قوم لف لفاك قطر

[سكران لط]

#1261905 [المظلوم]
0.00/5 (0 صوت)

05-07-2015 01:29 PM
الشغلانة ذاتها مي ديرالا طائرة إستطلاع إي كويز عفين بيدفعواليه ممكن يتعاون مع الجن ذاتو خلي الكيان الصهيوني والبعتوهو ماشوية ياكيزان

[المظلوم]

#1261868 [الحقيقة]
4.50/5 (4 صوت)

05-07-2015 12:45 PM
وهناك العديد من المحاولات اليائسة لاختراق سمائها، لافتاً إلى أنه تم ضرب مجمع اليرموك العسكري قبل ذلك وتنفيذ هجمات أخرى على أهداف عسكرية!!!!!!!!

كيف تكون محاولات يائسة وقد تم تدمير مجمع اليرموك؟؟؟؟؟ كيف تكون يائسة وقد تم تدمير قافلة شاحنات محملة بالأسلحة إلى حماس ومصرع مئات الأشخاص تكتمت عليها الحكومة حتى كشفتها جريدة الشروق المصرية بعد شهرين من الحادثة؟؟؟ كيف تكون يائسة وقد تم مصرع أحد قادة حماس عبر قصف جوى في بورتسودان كان ينوى تهريب أسلحة إيرانية إلى غزة؟؟؟ كيف تكون يائسة وقد تم قصف سيارة أخرى ببورتسودان ومصرع سودانى عميل لحركة حماس؟؟؟ كيف تكون يائسة وقد تم تدمير سفينة إيرانية قبل دخولها ببورتسودان كانت محملة بالأسلحة لحركة حماس؟؟؟

إسرائيل لو أرادت تدمير غرفة نوم البشير لفعلتها بدقة 100 بالمائة،،، هل سمعتم بالأسلحة الموجهة بأشعة الليزر؟؟ دة بدرى على الليمبى.

[الحقيقة]

#1261866 [ابن الشذاذ الأفاق]
4.00/5 (1 صوت)

05-07-2015 12:43 PM
يا ناس
الزول ده بصحوا
والزول ده صاحي
ولا قايل الناس ما عارفة الحتانة وين
ديه جوات أمدرمان
يعني المضادات قاعدة مستنية لمن تصل الطيارة لغاية الحتانة
والله عجيبة فعن أي نجاح بيقوله
يا ناس لمن تصل طيارة العدو إلى قلب أمدرمان ويتم التعامل معها فوق حي سكني يبيكون فشل ولا ما فشل في المضادات بتاعتهم ديه
وبالطبع هي كذبة مايو اللي حاولوا يختلقوها
وصحي من الممكن أنهم يطلقوا المضادات وما يهمهم يقع صاروخ على أي زول في الحي السكني
والمضحك بيان المتحدث الصوارمي أنه أبلغوا العمليات في المطار للتأكد من أنه مافي طيارة مدنيةعابرة وتم التأكد ثم أطلقوا النيران،
ما شاء الله عليكم ده تنسيق عالي المستوي والطيران المعادي مستنيكم علشان التنسيق ده \
ولا تلفوناتكم شغالة بسرعة
والقرار أسرع
يا خي اتلموا ما تضحكوا علينا وبلاش غش الحقيقة ظاهرة وما يهمكم شعب

[ابن الشذاذ الأفاق]

#1261855 [nagatabuzaid]
4.00/5 (1 صوت)

05-07-2015 12:30 PM
( محاولات يائسة لاختراق اجوائنا ) دى حلوة من سبهلل لكنها مرة من سفير دبلوماسى اصيل ارتضى ان يكون للمؤتمرجية ذيل نحن اجوائنا متين كانت مغلقة ومحروسة حتى تستعصى ما هى ساااااااااااااااااااااااااايبة . ارجع لنفسك يا عبدالمحمود وارتق بها مثل شقيق زوجتك السفير هاشم محمد صالح صهر الاسرة الراقية الفاهمة

[nagatabuzaid]

#1261851 [moiez]
4.00/5 (1 صوت)

05-07-2015 12:24 PM
قامت بالتعامل مع الطائرة على الفور بعد اختراقها للمجال الجوي ... يعني مجالنا الجوي ببداء من امدرمان ؟ لو دخلت الشرق . من بورسودان لي الخرطوم دا ماتابع لينا ؟

[moiez]

#1261813 [sasa]
0.00/5 (0 صوت)

05-07-2015 11:44 AM
ياجماعة ترجموا للجيل الجديد والموضوع ماهو الا ((( حجوة ام ضبيبينة)))

[sasa]

#1261811 [RABSO]
5.00/5 (1 صوت)

05-07-2015 11:43 AM
المسافة من ميناء عثمان دقنه لقايت بيتنا بالخرطوم بالظبط 1450 كيلو ، وكل هذا الطريق مرورا بهمشكوريب وكسلا والقضارف ومدني ولقايت سوبا واجهت نيران صديقة من قطاع طرق الأنقاذ وهي الجبايات التي يخلعونها خلع من العابرين في هذه الطريق أنشاء الله سايق عجله ..
ولو فرضنا أنو الجسم المشع المضئ دخل عن طريق بوابات حدودنا الشرقية جيشنا الهمام ترك الجسم المشع المضي ينور كل سماء بلدنا من بور سودان حتي وصل وادي سيدنا ورشوه بمضاضاتهم الجوية وفرتقوه حته حته بعد ما وصل كل المعلومات للجهة التي أرسلت هذا الجسم .....
كدي كدي يا قواتنا ويا جيشنا كفيتو ووفيتو ....
ما صحيتو اللمبي من النوم عشان يطبع نظرتو القال فيها القتال بالنظر ....
سجم أمكم الفكرتكم رجال .. طلعتو خرفان .
وأنت يا سفير الخيبه بطل العبط والهباله وخليك في حالك وأقبض راتبك كل شهر وأنطم ....

[RABSO]

#1261786 [حٌقة طايرة]
4.74/5 (7 صوت)

05-07-2015 11:23 AM
هذا المعتوه الكريه لا شاف ولا سمع بس شلاقة عليهو زي وجهو القبيح ده. والسودان فيهو شنو عشان إسرائيل تهاجمو . فيهو الغاز - فيهو الدواء - فيهو الموية - فيهو الكهرباء - فيهو رئيس دكتاتوري مركب ركب بلاستيك معاهو شلة حرامية ما عارفين كوعم من بوعم ، وأشطر واحد فيهم حرامي يصلي الصبح حاضر ثم ينهب أموال الشعب.

[حٌقة طايرة]

#1261778 [RABSO]
4.00/5 (2 صوت)

05-07-2015 11:12 AM
والله العظيم حيرتوا يا الأنقاذ !!!!! الصوارمي يفول أستهداف جسم مشع وسفير الأنقاذ يقول أستهداف طائرة أستطلاع أسرائيلية ...
والله حكومة هايصه ولايصه ، وما عارفه كوعه من بوعه ، ويقولوا وبشير الأنقاذ بيقول ألحسوا الكوع ....!!!!!!!!!!!!!!!!!!!!!!!!!!!!!!!!!!!!!!!!

[RABSO]

ردود على RABSO
European Union [ود الشيخ] 05-07-2015 03:57 PM
اللمبي رايو شنو ,, المرةدي حيقول موتر سوزوكي طاير ,,


#1261753 [Inb_Alport]
4.75/5 (4 صوت)

05-07-2015 10:40 AM
القبيح ده مابيعرف ان حدود السودان علي بعد اكثر من الف كيلو من كل الجهات من موقع الحدث؟؟
يعني جيشنا فاكر ان السودان هو الخرطوم؟؟
لو فعلا عندنا مضادات ليه ما نحمي بيها الحدود بدل حماية الخرطوم لمصلحة الحرامية الكيزان في الخرطوم

[Inb_Alport]

#1261740 [ابومحمد]
3.00/5 (1 صوت)

05-07-2015 10:23 AM
خليك في الكورة احسن لك وتكريم المريخ على فكرة انا مريخابي لكن الحق حق فانت دبلوماسي كروي شنو الحشرك في التعليقات حاجة حصلت في السودان ولا علاقة لها بمصر خلي الجهات المختصة في السودان تقول وتعلق

[ابومحمد]

#1261693 [اب درق]
3.69/5 (5 صوت)

05-07-2015 09:53 AM
حتبقى عليكم قصة محمود الكذاب (هجم النمر هجم النمر) لما يجيكم النمر
صحى صحى !! اها حتمشوا وين بتطيروا ولا بتجروا

[اب درق]

ردود على اب درق
[nagatabuzaid] 05-07-2015 03:12 PM
والمصيبة يفتكروه نمر الكرتون فى محافظة الخرطوم


#1261687 [الحلو]
3.50/5 (3 صوت)

05-07-2015 09:45 AM
الزول دا كلما اشوفه راسي بياكلني هههههههههههههههههه

[الحلو]

#1261685 [أب راسن غليد]
3.25/5 (5 صوت)

05-07-2015 09:43 AM
انتو في الطيارة و لا في الزول الجاي من السبعينات دا ... دحين جنب السفارة مافي حلاق يريحه و يريحنا من القفة الخاميها دي ...

[أب راسن غليد]

#1261680 [صلاح عبدالمنعم]
2.63/5 (5 صوت)

05-07-2015 09:40 AM
لا حولة و لا قوة إلا بالله , اللهم لا إعتراض على حكمك و على إبتلائك لشعب السودان بمثل هذه الكائنات التى لا حياء ولا إختشاء لديها ..
الله يرحم السودانيين فى ذهاب بلدهم و يلهمهم الصبر و حسن العزاء ..

فى كل يوم يمر يثبت لنا كيزان الشيطان بأنهم أحقر و أوطى و أنذل من مشى على الارض , لعنكم الله فى مذاهبه الاربعة يا كيزان الشؤم يا ملاقيط ..

كضِبو و فبركو و خادعو كما يحلو لكم لكنكم لا تضحكون على عقولنا يا وهم .. غداً تشرق شمس الحرية و الإنعتاق و حينها ستبدأ المسآئلة و القصاص و ستُنشر المشانق بالميادين .. ان غداً لناظره قريب .

[صلاح عبدالمنعم]

#1261646 [زول مقهور]
2.94/5 (5 صوت)

05-07-2015 09:02 AM
لاتعليق..............نبكى بس!!!!!!!!!

[زول مقهور]

ردود على زول مقهور
[nagatabuzaid] 05-07-2015 03:24 PM
تعليقك ده ذكرنى واحده ابنها وعامل ليهم فى البيت عنتر وصعب اما خارج البيت استغفر الله وعينه طايرة وزوجته طيبة طيبة مضرب مثل وزارتنى الام يوما ما واخذت تتحدث عنه من بين كلامها قالت فلان ده انا خايفاه يعرس فى البنية قلت ليها اها حتعملوا شنو ردت ( نبكى بس انا والبنية) . وحدث ما توقعته من ابنها مثنى وثلاث اصلوا مبارى الكيزان و(الببارى الكيزان بكثر العرس ) اها يا المقهور نبكى بس ونكثر الدعاء عليهم


#1261636 [الدرب الطويل]
4.50/5 (5 صوت)

05-07-2015 08:51 AM
الزول دا دايماً تصريحاتو خارم بارم تقول عايش فى عالم براهو .. بقى سفير كيف وما بيعرف شيء فى الدبلوماسية ؟

[الدرب الطويل]

#1261628 [ahmedali]
4.13/5 (5 صوت)

05-07-2015 08:46 AM
الكيزان بهائم لاتنتظرون منهم خيرا
وجوههم ليس بها حياء ولاذرة من الخير

هبو لاقتلاع هذه الزبالة من ارض السودان
هبو الان هبو الان هبو الان لم يعد هناك مجال للانتظار
التضحيات هي وقود الثورات
الكيزان ابناء الزنا لن يتركوا السلطة الا بالقوة فماذا انتم فاعلون

علي الجميع حمل السلاح والانخراط في فصائل المقاومة

النصر قريب باذن الله

[ahmedali]

#1261623 [kokab]
4.00/5 (3 صوت)

05-07-2015 08:44 AM
دا كلام فارغ. بكرة حنعرف الحقيقة من استخبارات الدول الاخرى. يجب ان تحترم الدولة عقول رعاياها و تقول الصدق.

تضارب في التصريحات !!!!! مرة طائرة ومرة جسم غريب.

جسم غريب طائر يعني انه اتى من خارج السودان وقطع الاف الكيلومترات دون ان تلتقته رادارات المراقبة الجوية. يعني مر من فوق كل المرافق الاستراتيجية بما فيها الخزانات و المواني و مصافي البترول و فوق رؤوس الاشهاد. أين رقابتكم الجوية التي تدعونها.
لو تحالفتم مع المصريين بس، خلي الامريكان ! كانوا اخطروكم بالحاصل قبل دخوله الاراضي السودانية.

قال لجنة دفاع في البرلمان.!!!!!!

[kokab]

#1261619 [habbani]
4.75/5 (4 صوت)

05-07-2015 08:42 AM
ما الهدف من هذه الفبركة ؟ سنعرف لا حقا حتما .. ولكن دائما يبدأ نظام البشير بكذبة وهى إستراتيجية متبعة منذ بداية الإنقلاب المشئوم وهى عنوان وتمهيد لأفعال وفعائل قادمات .. بالطبع لا تسر .. مليئة بالخزائن الممتلئة بالحقد والجهل وادوات التدمير والروائح الكريهة .

[habbani]

#1261618 [AbuAreej]
4.00/5 (2 صوت)

05-07-2015 08:41 AM
هل هذا الجزء المتحرك ام واحدة ثانية؟؟

[AbuAreej]

#1261577 [kentoona]
4.75/5 (3 صوت)

05-07-2015 08:08 AM
يمكن بداوا يعملوا شات مع الطيار الالي من الحدود حتى وادي سيدنا

[kentoona]

#1261564 [سراجا الدين الفكى]
4.63/5 (4 صوت)

05-07-2015 07:57 AM
يا اسعث يا اغبر يا المابتشبه السفراء بل هم براء منك, يااخى منظرك غير لائق وغير كريم ولا تشرفنا ان تمثل السودانين, كما يشرفنا جدا وحتى النخاع ان تمثل هذه السلطة والعجينة واحدة.
ثم ثانيا انت عسكرى سفير ونحنا ما عارفنك؟؟؟؟
ياخى مالك ومال الامور العسكرية دى, دى غلبت العسكرين بالداخل, عايز تقطع الشك انت وتنور عسكريى الداخل يا جناب الاشعث الاغبر؟؟؟؟؟؟
ولا عايز تظهر وتقول اى كلام والسلام؟؟؟؟؟؟
ياخى روح الله لا عادك ولاعاد حكومتك يا"بلباص" ضارب الجوخ لعمر الممجوخ. وكفى .................

[سراجا الدين الفكى]

#1261553 [القريش]
5.00/5 (2 صوت)

05-07-2015 07:50 AM
ياسعاده السفير احسن تقولو دى ايران

[القريش]

#1261552 [Salah ALdeen P]
4.00/5 (2 صوت)

05-07-2015 07:47 AM
الحمد لله بقى يسرح شعره

[Salah ALdeen P]

#1261526 [المتجهجه بسبب الانفصال]
4.50/5 (2 صوت)

05-07-2015 07:22 AM
يعني بتصريحك يعني يا سعادة السفير عايز تقول للمصرين من حلائب ارمو لا وراء حدودنا من الشمال تبدأ من وادي سيدنا ،،، الواحد شكلو زي القائم من النوم وكان مشغول بالتجارة والبزنس ويجي يعلق في موضوع أخير منو تعليقات الناس العاديين في الواتساب وتويتر وكل تطبيقات الاندرويد،،،

[المتجهجه بسبب الانفصال]

#1261522 [الغاضبة]
3.50/5 (2 صوت)

05-07-2015 07:18 AM
يا جماعة حكومة البشير وعصابته عاوزين يعملوا فيها مهمين ويشغلوا الشعب عن ثورته بأمور فارغة، اتركوهم وأكاذيبهم ودعونا نمضي نحو مسيرة التغيير ....

[الغاضبة]

#1261518 [الجاحظ]
4.25/5 (4 صوت)

05-07-2015 07:14 AM
مجرد سؤال
ماهي المسافة التي تقطعها الطائرة بدون طيار للوصول الي اهدافها بدون التزود بوقود؟
يبدو ان المسافة من بورتسودان او قل الساحل الي العاصمة فقط 50 كلم.
و يبدو ان الطائرات الاسرائلية تحلق فوق سماءنا كما تريد.
فاي مسرحيه هذه؟ يكون ابطالها بعض من افراد النظام المتنفذين بالجيش السوداني.
المسرحية ان الشعب السوداني قال كلمته في الانتخابات الاحاديه الفائتة, و ارسل رسالة اظنها قوية بما فيها الكفاية , ان لن نذهب الي صناديق الاختراع ما زلتم جاثمين علي صدورنا و تقتلون الشعب الاعزل و تفتتون السودان.
فالمسرحية سيئة الاخراج ان قال قائلهم كيف لنا ان نجعل الشعب السوداني يلتف حولنا. قال قائلهم اخرجو واحدة من الطائرات الايرانية بدون طيار وسوف نجري مناورة عسكري سرية في خلاء وادي سيدنا او قل منطقة غرب امدرمان, حتي اذا استووا سمع و راي اهلنا المساكين في المساكن القريبة من الحدث دوي انفجارات و نيران.
و هنا حصل المراد حيث ياتي و سوف ياتي كل المتحدثين اللبغين من جانب الحكومة ليدلو بدلوه في هذه المسرحية سيئة الاخراج. و اعيد كلام الاخ A.Rahman
كيف يعني "تعاملتم معها (فورا) عند دخولها المجال الجوي؟ وين دخول مجالنا الجوي و وين وادي سيدنا؟ وادي سيدنا دي في نص البلد يا سفير الهنا، و مجالنا الجوي يبدأ من عند الحدود.
من اي كوكب هبطوا.... فليمد الجاحظ رجله

[الجاحظ]

#1261516 [معاويـــــــــــــــــــــــــــــــــــة]
5.00/5 (4 صوت)

05-07-2015 07:13 AM
ههههههههههههههههه عشان تعرفو كويس قال مجالنا الجوى هو زاتو ما عارف المجال الجوى ببدا من وين رحم الله المحجوب وزروق ...................................................

[معاويـــــــــــــــــــــــــــــــــــة]

#1261515 [معاويـــــــــــــــــــــــــــــــــــة]
4.00/5 (2 صوت)

05-07-2015 07:11 AM
هههههههههههههه اقسم لكم انو عبد المحمود كان ضارب الكبنقه ولا عارف الهدف زاتو شنو يا خى ده زمان جنو يحتل اللحمه من الحله عامل خشمو الكبير ده وراسو الزى الخروف ده كلو عرقى عائشه وكر كملو وهسع قام من سكرتو دى سمع الموضوع وطوالى خش بالجمب بالله ما تقوم تلف عليك الله بالله دى بلد حارسنها سكرجيه ومساطيل وهبل تفو عليك ياقذر .......

[معاويـــــــــــــــــــــــــــــــــــة]

#1261506 [د. هشام]
4.00/5 (1 صوت)

05-07-2015 07:01 AM
السفير لم يتهم إسرائيل صراحةً....لماذا تضعون عنوان الموضوع بهذه الصيغة يا ناس الركوبة؟

[د. هشام]

ردود على د. هشام
[مواطن.] 05-08-2015 09:34 PM
انت دكتور متخصص في ما ذا يا دكتور هشام ؟؟ في السفسطة والفلسفة ام ماذا يادكتور ؟؟ومن اين تحصلت عليها ؟مع الئكر.

[د. هشام] 05-08-2015 06:27 AM
يا قاضي أشبيلية:هل فهمت تعليقي؟ هنالك فرق بين الإستهداف الصهيوني والإتهام الصريح لإسرائيل!! وهل الصهيونية في إسرائيل فقط؟....الصهيونية حركة عالمية قد توجد في أميريكا و قد توجد في السودان!!

[قاضي إشبيلية] 05-07-2015 10:59 AM
(وذكر السفير أن بلاده مستهدفة من الكيان الصهيوني، وهناك العديد من المحاولات اليائسة لاختراق سمائها، لافتاً إلى أنه تم ضرب مجمع اليرموك العسكري قبل ذلك وتنفيذ هجمات أخرى على أهداف عسكرية.)

دا كلامو يا د. هشام !!!


#1261503 [حاج علي]
5.00/5 (2 صوت)

05-07-2015 06:57 AM
خريج الفرع زي بدرية

[حاج علي]

#1261496 [متسكع]
5.00/5 (1 صوت)

05-07-2015 06:49 AM
الرجل السخيف
او اريدك الحس المكوة
هذا الرجل علبة الالوان ده
صاحب القمصان والبدل وكرفتات الملونة
هذا الرجل الارقوز غي مظهرهو
ايضا ارقوز في خطابهو
المسافة من الدخول في اجواءالسودان
الي منطقة الحتانة و الواحة بضاحية ام درمان 1200 كيلو !!!!!!
يبقي الاختراق قبل هده المسافة
والتعامل معها يكون قبل دخول الاجواء
مش بعد وصولها مطار وادي سيدنا العسكري

رحم الله امة عرفة قدرها

[متسكع]

#1261473 [الجعلي الفالصو]
5.00/5 (4 صوت)

05-07-2015 05:30 AM
هل هذا الرجل مسطول

[الجعلي الفالصو]

#1261468 [A. Rahman]
4.88/5 (12 صوت)

05-07-2015 05:19 AM
كيف يعني "تعاملتم معها (فورا) عند دخولها المجال الجوي؟ وين دخول مجالنا الجوي و وين وادي سيدنا؟ وادي سيدنا دي في نص البلد يا سفير الهنا، و مجالنا الجوي يبدأ من عند الحدود.

[A. Rahman]

ردود على A. Rahman
European Union [المكتول كمد] 05-07-2015 07:37 AM
ما هم كانوا راصدنها مما دخلت البحر الأحمر لغاية ما وصلت وادي سيدنا ... عشان ما تقوم جارية !!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة