الأخبار
أخبار إقليمية
ادارة الاستثمار بالمغتربين تدرس مشروعاً إسكانياً للمغتربين وتطرح مشاريع استثمارية مختلفة
ادارة الاستثمار بالمغتربين تدرس مشروعاً إسكانياً للمغتربين وتطرح مشاريع استثمارية مختلفة
ادارة الاستثمار بالمغتربين تدرس مشروعاً إسكانياً للمغتربين وتطرح مشاريع استثمارية مختلفة


05-08-2015 08:19 PM
الخرطوم (سونا) تعكف ادارة الاستثمار وخدمات المغتربين بجهاز تنظيم شئون السودانيين بالخارج على دراسة الخطط الاستثمارية المطروحة للمغتربين للخروج برؤية ترمي لدمج اقتصاديات السودانيين بالخارج فى الاقتصاد الكلي .
وقال الاستاذ حسن بابكر احمد مدير ادارة الاستثمار بالجهاز فى تصريح صحفي ان ادارته تعمل حاليا على دراسة مشروع إسكان المغتربين كأحد الركائز المهمة لمشروع العودة النهائية والاستقرار النفسي ،اضافة الى تأسيس تجمع لكل الجهات العاملة فى الاراضي والمخططات السكنية بغرض التأكد من خبراتهم ومصداقيتهم والترويج لها بشكل مزدوج الى جانب إانشاء شبكة للعلاقات مع جميع ولايات السودان بهدف تسهيل العمليات الاستثمارية للمغتربين والترويج للفرص المتاحة فيها .
واواضح انهم يعملون حاليا على تأسيس شراكات مع مؤسسات تمويل وطني واجهزة استشارية بغرض تطوير مجالاتهم بما يتلاءم مع قدرات ابناء الوطن بالخارج ،اضافة الى تطوير رؤية تبسيط الاجراءات بالنظام الآلي .
وكشف عن ترتيبات لتأسيس حاضنة استثمارية يبدأ العمل فيها خلال العام الجاري بغرض الشراكة وتشجيع المغتربين فى الاستثمار الزراعي والخدمي والمشاريع ذات الجدوى الاقتصادية الكبيرة وتشجيع الاستثمار الجماعي .
وابدى حسن استعداد ادارة الاستثمار لتقديم كل دعم ممكن للمشاركة في التجربة والعمل على تطويرها كما كشف عن اتصالات مع عدد من الجهات لتخصيص صندوق استثماري توظف عائداته لتعليم ابناء المغتربين .
وأبان أن ادارته قطعت شوطا مقدرا فى تطوير الرؤية حول الحوافز والامتيازات الخاصة بالمغتربين والخدمات المقدمة لهم خاصة السيارات والامتعة الشخصية الجديدة ومواد البناء وغيرها ،هذا الى جانب بنك المغتربين والذى يعتبر اضخم فرصة استثمارية يمكن من خلالها انجاز كثير من المشروعات الاستثمارية للمغتربين على المستويين الجماعي والفردي .


تعليقات 32 | إهداء 0 | زيارات 8249

التعليقات
#1263550 [ودالعمدة]
3.25/5 (3 صوت)

05-10-2015 09:31 PM
هم يريدون بيع مخططات اراضي المطار الجديد ولنا تجربة معهم في اراضي الوادي الاخضر لها سنين لم توصل لها الخدمات منسية الي الان علي الرغم من توصيل الخدمات لكل جيراننا ,,ومشروع سندس الزراعي لا يمكن الدخول والخروج منه الا بسيارات الدفع الرباعي وفي الخريف لا يمكن ابدا تسويق مزروعاتك لعدم وجود الطرق المعبدة ,,في الاستثمار الزراعي ستواجهك مشاكل الارض وملاكها الحكومة نزعت اراضي المواطنين دون موافقتهم وباعتها للمثتثمرين وملكت جزء كبير منها لضباط الجيش والشرطة والامن وموالي الانغاذ ولكن الاهالي لهم بالمرصاد وقتل الكثير من الاهالي والملاك الجدد في نزاعات الاراضي فاصبح المستثمر في حيرة من امره هل يشتري الارض من الحكومة ولن يتركه الاهالي ام يشتري من الاهالي وتعتبرها الحكومة حيازات ويدفع دم قلبه من الرشاوي لكي يثبت ارضه ويملكها ! ,,,غالبية المستثمرين المغتربين يريدون ان يستثمروا في وطنهم السودان ولكن الطاقة الكهربائية وعدم وجود الطرق المعبدة ومشاكل ملكية الاراضي والبروقراطية والفساد الحكومي لهم بالمرصاد ,,هذا الكلام ليس عن بعد ولكن تجربة مريرة واقعة خضناها نحن المغتربين عند استثمارنا في الزراعة وتربية الحيوان في السودان ,,,نقول لوزير الزراعة والاستثمار وموظفيهم خافوا الله في مواطنيكم والاجانب اللذين يريدون الاستثمار في السودان عيب عليكم النصب علي العباد وفساد الرشوة المستشري بينكم من الوزراء الي الخفراء

[ودالعمدة]

#1263385 [هميم]
3.00/5 (1 صوت)

05-10-2015 02:47 PM
سندس أخرى في الطريق يا مغتربين فاعملوا حسابكم وانفدوا بجلودكم ... إن كانت قروش عاصفة الحسم قد وفرت لطلاب المؤتمر الوطني سيارات كرولا بمبلغ 22 مليار فالواضح أن أموالكم قد خصص لها مجارمة الكيزان بند إنفاق قبل أن تدخل جيوب الكيزان حتى. والويل ... الويل لكم يا مغتربين إن صدقتمو الحكومة مرة أخرى

[هميم]

#1263377 [مغترب]
3.25/5 (3 صوت)

05-10-2015 02:25 PM
أتمنى لو ان جهاز المغتربين يعملو ترشيح للمغتربين (فقط) لرئاسة هذا الجهاز والذين هم اولى وادرى بحال الغربية والاغتراب المر.
يعني بالجد تعب وشقى السنين دي كولها بيضيع من الواحد في طرفة عين

والله العظيم انو اكبر فايدة مسويها المغترب للسودان هي (السمعة) الطيبة والجيدة للسودان الحبيبو خليك من القروش والضرايب والنصب والاحتيال اللي حاصل عليهو

[مغترب]

ردود على مغترب
European Union [alomda] 05-10-2015 07:58 PM
الأمين العام السابق د. تاج الدين المهدي، كان شنو ماكان مغترب في السعودية دي معانا .. أها عمل لينا شنو ضرب ضربتوا زي الباقين وشاتوه برة .. نحن عايزين زول وطني راضع لبى أمو زي مابيقولوا .. ديل مابيعينوا إلا ناسهم ناس المؤتمر اللاوطني عشان يلبعوا ويلبعوهم معاهم ياحبيب دي مافيا الإنقاذ


#1263339 [اب طابوزه]
1.00/5 (1 صوت)

05-10-2015 01:32 PM
انا والله ما محتار فى الحكومة ولا في هيئة استثمار المغتربين
انا محتار فى المغتربين العندهم مئات الالاف من الدولارات لقوها وين ؟؟
ياخى زي ديل يستاهلوا الحكومة تنصب عليهم ..

[اب طابوزه]

#1263335 [حضرس]
3.00/5 (2 صوت)

05-10-2015 01:25 PM
حتي الغش والكذب ما بتعرفوا تحبكوهوا كويس .. والله البجيكم يستاهل البيحصل ليهو

[حضرس]

#1263310 [جملون]
4.50/5 (2 صوت)

05-10-2015 12:41 PM
يا جماعه اى واحد عاوز ارض او اى اثتثمار يمشى عديل سوق الله اكبر ويختا مشروعات الجهاز عشان فى السوق بضربو نص قروشك لكن فى الجهاز بلخوك لخ هها العبو غيرا

[جملون]

#1263307 [جملون]
2.50/5 (2 صوت)

05-10-2015 12:36 PM
يا جهاز المغتربين لا يلدغ المؤمن من جحر مرتين بس عشان نحنا ايمانا ضعيف لدغنا من جحر جهاز المغتربين عدة مرات بس الحمد لله المناعه تمام يا ....

[جملون]

#1263249 [الأشــعــة الـحــمــراء]
3.00/5 (1 صوت)

05-10-2015 11:32 AM
بـسـم الله الـرحـمـن الـرحـيـم ..

(( كيف وإن يظهروا عليكم لا يرقبوا فيكم إلا ولا ذمة يرضونكم بأفواههم وتأبى قلوبهم وأكثرهم فاسقون )).
:
و جـب عـلـيـكـم الحـذر .. كـل الحـذر .. مـن شــرك .. وشــرك جـهـاز المـغـتـربـيـن .

[الأشــعــة الـحــمــراء]

#1263214 [مجا هد]
5.00/5 (1 صوت)

05-10-2015 10:50 AM
مستعد اسكن فى اى منتطقة بس كيف تكونو صا دقين قبل كدة اشترينا ولقينها حقت واحد والمختربين ما فا ضين الى محاكم بى الواضح كدى بيوت الاسكان فى الثورات شوفو لينا فيهن طريقة لان جا هزات

[مجا هد]

#1263185 [galal]
3.00/5 (1 صوت)

05-10-2015 10:19 AM
يا عالم المغترب الوحيد في الغالم دائما مضحوك عليه عشان طيب حرام عليكم تضيع شقه السنين في الغربه والحراميه يستولوا عليه سبق وان اخذنا اراض للمغتربين في بولرتسودان 25الف دولار ده كلام قديم والله الارضي ده الجن مايسكن فيها وعاوزه1000000000سنه عشان توصلها الخدمات كفايه حرام في حين في ذلك الوقت في الدرجه الاولي حي المطار كانت ب 6 الف جنيه الارض للاسف ما حصل اي مشروع قام به جهاز المغتربين اله بهدل المساكين دو الله يهديكم

[galal]

#1263167 [مالك]
2.50/5 (2 صوت)

05-10-2015 09:58 AM
عاوزين وطن امن حدادي مدادي فيه العداله والامن وخالي من المفسدين بعد كده شوفو البحصل شنو وخلونا من مشاريع الفساد وما تبيعو للناس الوهم يا وهم وده مشروع للفساد واعملو حسابكم

[مالك]

#1263146 [سيف الله عمر فرح]
3.00/5 (1 صوت)

05-10-2015 09:24 AM
أيهما أكثر غباءآ ، المغتربين المستثمرين فى السودان أم مسئولى النظام الحاكم فى السودان ، الذين يوعدون ولا يوفون بوعودهم ؟ .

المؤمن من إتعظ بغيره وبماضيه .. المسئول الحكومى لو إنسان صادق وأمين ، كان سيحدث المغتربين عن إخوانهم الذين استثمروا فى المجالات المختلفة ، خلال ربع قرن الماضية ، ونوعية التسهيلات والدعم الحكومى الذى وجدوها.. المغترب ما شايف أى نموذج يحتذى ويقتدى به للإستثمار فى السودان ، إنما شايف أعداد كبيرة من إخوانه المغتربين الذين رجعوا للسودان برأسمال محترم ، وفشلوا فشلآ ذريعآ فى الإستثمار بسبب السياسات الحكومية الظالمة والمجحفة نحوهم ، ونادمين لحسن ظنهم بوعود المسئولين الحكوميين !!!.

يا سعادة مسئولى الاستثمار فى السودان ، أيهما أفضل للمغترب ، الإستثمار فى مشروع زراعى أو صناعى فى السودان ، أم الاستثمار فى شقة بالقاهرة أو فى دبى ؟ .
أيها المسئول الإستثمارى ، لماذا هرب بعض رجال الأعمال السودانيين من السودان ليستثمروا مليارات الدولارات فى اثيوبيا ؟ .. وهل يوجد رجال أعمال اثيوبيين يستثمرون فى السودان بالمليارات ؟ .

بصراحة الثقة مفقودة بين إدارة الإستثمار للمغتربين ، ووزارة الاستثمار ، وبين المغتربين أينما وجدوا ؟ . فرجاءآ ورجاءآ كفاكم خداعآ وغشآ للمغتربين . يا ناس اتقووا الله .

[سيف الله عمر فرح]

#1263134 [muhmmd555]
4.00/5 (1 صوت)

05-10-2015 09:11 AM
ههههههههههه دي كوسوها عند غافل انا نزلت السودان واشتريت قطعه وسجلته بشهادة بحث جاءات الحكومة لغفتها قالو كان في تزوير روحو منكم لله يا تجار الدين وحسبي الله ونعم الوكيل فيكم ياحرامية

[muhmmd555]

#1263060 [سراجا الدين الفكى]
2.00/5 (1 صوت)

05-10-2015 07:55 AM
(ترتيبات لتأسيس حاضنة استثمارية للمغتربين)

بالله............ عليكم الله........... حاضنة قال.. انشاء حاضنة استثمارية جديدة للمغتربين . باللهى.
انتو قايلين المغتربين ديل "طير" زيكم. تنشئوا حاضنة جديد استثمارية للمغتربين عشان تشيلوا "شقى عمرهم" وتضربوهوا. دى اخر ما توصلتوا له ياجهاز المغتربين, ثم ثانيا اصلا جهاز المغتربين السودانين عمرو ما كان "وجيع" المغتربين, ولا يوم من الايام عمل ما فية مصلحة للمغترب, بس كل هم جهاز المغتربين ان يتحصل وبشتى السبل مبالغ طائلة من المغترب دون وجه حق.
اليوم ياجماعة جهاز المغتربين تفكيركم وصل الى انشاء (حاضنة جديدة استثمارية للمغتربين), عشان "تكوشوا" على باقى "قرشات المساكين".
ياخى ما تخلونا ياحثالة المؤتمر الوطنى, يالصوص, انتو قايليل فى مغترب واحد "يثق" فيكم؟؟؟ كلا والف كلا, والله مش لو عملتوا "حاضنة جديدة لضرب مدخرات المغتربين" لو طلعتوا السماء, مافى اى مغترب سينضم اليكم, لان كل المغتربين ينعتونكم بفقد الثقة كليا فى هذا الجهاز الذى يعتبر رافد اساسى للجبايات الغير مبررة لصالح البشير واعوانه,بل جل المغتربين قد كرهوا السودان وهم عازفين عن العودة ولو اجازات, امشوا شوفوا ليكم لعبة جديدة العبوها, وكل "لعباتكم التعلبية لضربهم" صارت معلومة تماما لديهم, فابشركم من الان فشل هذه الحاضنة, ولو اسمعتم الى نصيحتى, انسوا هذا الموضوع الغير ذات جدوى يالصوص ومدبرى لصوصية المؤتمر الوطنى. زكفى .............

[سراجا الدين الفكى]

#1263058 [هدى]
2.50/5 (2 صوت)

05-10-2015 07:55 AM
سالت كثيرا من المغتربين عن رايهم في الدعوة للاستثمار في السودان فكانت اجابتهم دائما واحدة ---- الابتسام--- والصمت --- وكأن الأمر لا يستحق مجرد المناقشة --- أيها المغتربين هذه السلبية تضركم واذا كان هناك فاسد تعلموه فقولوا وآتوا ببرهانكم فالقضاء السوداني ما زال ثقة على ما اظن.

[هدى]

ردود على هدى
[اب طابوزه] 05-10-2015 01:29 PM
هههههههههههههه
ضحكتيني وانا زعلان ....

European Union [الطيب] 05-10-2015 01:12 PM
الثقة تكتسب بالممارسة لا بالكلام. لذلك تجد أن مواطني الغرب لا يكذبون ولا يغدرون ولا يستغلون الضعفاء.


#1263041 [اعلي الغبشاوي]
4.50/5 (2 صوت)

05-10-2015 06:40 AM
والله المغتربين خايفين من الوضع السياسي في البلد.. لان الموتمر الوطني غير قادر يعمل تغيير حتى ولو من داخل الحزب كما بيحصل في الدول مثل الصين وايران .. ومافي واحد يحاسب الفاسدين لان الرئيس هو نفسه في وضع ضعيف نسبة لانه مطالب من المحكمة الجنايات الدوليه والمؤتمر الوطني يريد ان يحنفط بالبشير على حساب الشعب .. مين حيرمي ييضو في خطر مثل هذا؟
والله على الاقل لو المؤتمر الوطني قدم شخص اخر غير البشير في الانتخابات القربية الماضية لكان الاحزاب الاخرى كلها شاركت في الانتخابات والاقبال على التصويت كان يكون كثيف جدا والضع السياسي كان يكون افضل بكثير مم هو عليه الان .

[اعلي الغبشاوي]

ردود على اعلي الغبشاوي
European Union [هميم] 05-10-2015 02:52 PM
إنت فعلاً طيب جداً يا غبشاوي. الفساد ليس في البشير فقط. البشير هو راعي الفساد بل ورئيس الفاسدين وأشدهم فساداً لكن المؤتمر الوطني ككل فاسد حتى النخاع ... حتى المتعالمين - دينياً - من الكيزان قد فسدوا وليس في المؤتمر الوطني حالياً إلا سارق أو مرتش أو فاشل أو عميل أو **** أو زناء أو مغتصب أطفال أو من يتحلى بكل ما سبق من صفات

European Union [الحــــداحيد - أم عويدات] 05-10-2015 07:45 AM
انت راجل طيب جدا جدا


#1263033 [zaino]
1.50/5 (2 صوت)

05-10-2015 06:25 AM
كيف اثق في دولة رئيسها فاسد فما بالك برئيس هئية المغتربين - تلقوها عند الغافلين حتى اظن الغافلين ماحيصقوا لان كثير من المغتربين انكو بناركم.

[zaino]

#1262900 [ابو عرب]
4.00/5 (1 صوت)

05-09-2015 07:38 PM
بصراحة صاحبي شائيقي قلت لو عربيتك سمحة بتجيب لك ثروة في السودان قال ههههههه بخوف وقفل السكايبي بصراحة خفت وقتها علئ البلد بجد لانه شائيقي يا جماعة الشوائيقا لمن يسيبوا البلد البيحرسها لينا منو حرام عليكم انا غايتو مستبشر خير بس ساعدونا في الاسعار شقة في القاهرة وهي تعتبر رديف مقبولا لحدا ما لمن يملك عقار في السودان ويريد التثينة مثلا بقيت بخمسين الئ 100 الف دولار في السودان المفروض يكون في منافسة يعني خمسين الئ 100 كويسة مش تعكسوا الاية لمن يملوكن عقار اصلا غايتو اذا مستهدفين اراضينا ما بنبيعها بنرهنها بس للحلوين وبس :)

[ابو عرب]

ردود على ابو عرب
European Union [عبد الخالق أحمد] 05-10-2015 01:18 PM
هههههههههههههههههههههه

ترجم لينا أبو عرب

ما فهمنا شئ

European Union [الحــــداحيد - أم عويدات] 05-10-2015 07:47 AM
بالله عليك ده كلام ؟؟؟؟؟
انجليزي يا مرسي
كلام الطير في الباقير
مافيش جملة مفيدة
هــــــــــــــردبيس

United States [التشيلاوي] 05-10-2015 07:19 AM
شائيقي !!!! الشوائيقا !!!! غير اسمك الى أبو الأكراد ..

[سم القدر البيفور] 05-10-2015 07:07 AM
ابو عرب انت كاتب الكلام ده بي ترجمة قوقل وللا شنو ياخوي


#1262867 [رحمة العباد]
4.00/5 (2 صوت)

05-09-2015 06:12 PM
واضح من تعليقات المغتربين ، أن هذه الحكومة ومنذ 25 عام بقيادة السفاح وشيطان السودان ، واضح إنها لم تقدم للمغتربين فائدة قط ، بل العكس ، تاريخهم يقول أن ما فعلته الحكومة مع المغتربين ، يكاد يفوق ما تفعله إسرائيل مع العرب. وإلى الآن المغتربين يمثلون الصيد الثمين والهين بالنسبة للحكومة، التي بيدها القانون والبطش ، أيهما يصلح قامت بتطبيقه.
مع العلم الهجرة في ازدياد مخيف ، جزء يخرج عن طريق القنوات الرئيسية والغالبية تخرج عن طريق التهريب. فلو وجد شخص يخاف الله وذو خلق يوضع في رئاسة جهاز المغتربين ويبدأ بمنحهم التسهيلات والحوافز. مثلا يبدأ بمنحهم إعفاء لإدخال مواد غذائية ، ليستفيد أهلهم وذويهم وبالتالي يسهم في الرخاء ويتعدى الرخاء لغير أهلهم ، لأن العدد ليس بالصغير. ثم إعفاء لمواد بناء حتى يمكن أن تتدرج وتصل لقطع غيار السيارات . وهكذا ينمو الاقتصاد تدريجيا ، وتكون الحكومة وفرت عملتها الصعبة لاستيراد هذه المواد ، ومن جهة أخرى يكون المغترب بذل عملته الحرة في شراء هذه المواد ليستفيد منها داخل السودان بالعملة المحلية.
أما أن تظل الحكومة تشهر سيف الجمارك في وجه القادمين بهذه الإتاوات القهرية والخرافية ، فهذا ما يجعل الكل مندهش من أفعال هذه الحكومة لتتويج حياتهم برغد العيش أمام هذا الشعب الصابر.
ما هو رايكم يا مغتربين !!!!

[رحمة العباد]

#1262737 [سهير]
2.00/5 (2 صوت)

05-09-2015 01:24 PM
يسمكم يا أولاد الكب

[سهير]

#1262706 [الحسن البصري]
3.50/5 (2 صوت)

05-09-2015 12:18 PM
حقراء ، طردتوا اهل البلد وكمان مواصلين في خطط السرقة دمرتوا البلد ونهبوتها وقبلتوا على الفروا بجلودهم منها ، اسال الله ان تشوي جهنم جلودكم النتنة

[الحسن البصري]

#1262697 [تعبان من النوم]
4.00/5 (3 صوت)

05-09-2015 12:00 PM
الاستاذ / حسن بابكر ، يبدو إنه واحد من الصعاليك الجدد الجيعانين فكر وقدر يقول نطلع بقرشين. والراجل متواضع ، يعني أستاذ فقط ، يعني ما عندو دكتوراة حتى زي دكتوراة حاج صاطور . برضو غريبة حاج ماجد النحس ما فتح خشمو يمكن متألم من علقة الخليج .
سبق المغتربين أعلنوا عن رغباتهم الملحة مرارا وتكرارا ، يرغبون في إعفاءات عند زياراتهم للسودان ، سيارة ،أغراض منزلية ، تعليم الابناء ، ثم بعد كده ينظروا في المشاركة في الاستثمارات. والآن وضع السودان لا يوصف من التدهور والانحطاط ، ولا يوجد قانون ، والبلد يحكمها رجال الامن هذه الفئة المعروفة للجميع. الآن عمر البشير ما عاد يعلم ماذا يحدث حوله. وزير الدفاع إلى الآن يجهل ما حدث بامدرمان ليلا وأصلا ما عندو درجة من العلم تؤهله للمعرفة. أحسن واحد قال دي النجمة أم ضنب. وعجبي على اللذين قالوا دي إسرائيل. كأن السودان أصبح في مصاف الدول الصناعية المتقدمة. إسرائل تعلم جيدا ناس العاصمة في الخرطوم ما عندهم موية و ما عندهم خبز والدواء في الصيدليات مغشوش والغاز قاطع والطلبة في الجامعات صاروا مليشيات يتناحرون واللصوص في مواقف البصان ينهبون شنط النساء ، وبالليل النيقرز ينهبون المواطنين ، ووالي الخرطوم بعد صلاة الصبح يختلس أموال الشعب ، والجقور هدمت الكباري ، وحميدة قال إستفيدوا من القعونج والبشير قال علمناكم أكل البتزا .
ارقص أرقص حتى لو تكسر ركبة البلاستيك راقد!!!

[تعبان من النوم]

ردود على تعبان من النوم
[seen] 05-10-2015 02:48 PM
يا تعبان من النوم والله شهادة لله حسن بابكر ده ماصعلوك والله ولد كويس جدا جدا لكن والله كلامك الباقي كلو عجبني شديد وكلو حقائق الا بس حسن دا ولد كويس لكن انا ماعارف هل هو مؤتمرجي ام لا، لكن والله اكان مؤتمرجي الرماد كال حماد .


#1262691 [أبو أحمد]
2.00/5 (2 صوت)

05-09-2015 11:53 AM
يكفي المشاريع الفاشلة السابقة .

[أبو أحمد]

#1262648 [كركاب]
2.50/5 (4 صوت)

05-09-2015 10:24 AM
ياجماعة باختصار انحنا دايرين شقق بالاقساط لانو 80% من المغتربين عندهم اراضي ماقادرين يعملوا فيها حاجة لارتفاع تكاليف البناء وعدم وجود الشخص الثقة للمتابعة ....وناس الشرطة والجيش والقضاء اجتهدوا وسكنوا جماعتهم ....اما استثمارات المغتربين انسوها لانو المغترب لايثق في اي حد

[كركاب]

#1262633 [عماد]
3.25/5 (4 صوت)

05-09-2015 09:54 AM
الصورة معبرة عما يجيش بخاطرنا حول هذه المراضيع وامشاربع ..... كفاية اراضي الزراعيين التي تقلصت من 5فدان الي 400 متر سكنية ويا عالم متي يتم استلامها علي الطبيعة

[عماد]

#1262581 [جمال]
5.00/5 (3 صوت)

05-09-2015 07:47 AM
بسم الله الرحمن الرحيم

عندما تسمع كلمة (استثمار) من هذه الحكومة .. فلا تتفاعل عزيزي المواطن السوداني وعندما تسمع كلمة (استثمار) او (شراكة) من جهاز المغتربين ليس المطلوب منك التفاؤل بل يجب ان تطلق ساقيك للريح ايها المغترب وان تفكر في الامر بدل مرة الف مرة وان لا تصدق كل او بعض ما يقال.
1- فكلمة استثمار تعنى (استغفال) تماما.
2- وكلمة شراكة تعنى (شرك) كبير تنصبه الدولة ممثلة في جهاز المغتربين لأيقاع اكبر عدد من الناس في الفخ وبالتالي لا عذر لمن انذر

هذه الحكومة لا تعمل الا لمصلحة فئة معينة من الناس هم من يطلقون عليهم الاخوان المسلمين او الاسلاميين او اعضاء المؤتمر الوطني وبالتالي فإن فكر الدول وخطط الدولة كلها تتجه لدعم التمكين فالخططة الاستثمارية موجهة في الاساس لفئة معينة من الناس والشراكة موجهة لتلك الفئة اما بقية الشعب والمواطنين والمغتربين فهم (كومبارس) لخدمة تلك الطبقة وخدمة البرجوازية الاسلامية وخدمة من يطلقون على انفسهم تميزاً عن الآخرين (بالاسلاميين).

وبالتالي عليك ان تعلم عزيزي المغترب ان كلمة المشاريع او العودة الطوعية ليست بذات المدلول الجميل الذي تحمله هذه الكلمات فهي في الفكر الحكومي الحالي لها مدلولات اخرى ومعاني بعيدة لا تصب في مصلحة المواطن او المغترب لان الدولة بصراحة ليست همها المغترب او المواطن بقدر ما يهمها تمكين الحزب الواحد..

ولما كان المغتربين فريسة سهلة للحكومة وان الاغتراب من الوطن يفعل فعلته في المواطن فأن لحكومة تستسهل صيدهم وتستهدف هذا الصيد للإيقاع به في كل لحظة وزمان ومكان وحين.

اقول في الختام اخي المغترب انت غير معنى بأي استثمار او عودة طوعية وعليك ان تسأل الله من فضله فقط ولا تعول على حكومة لم تعرف معنى العدل في قرار واحد بل ان كل فرد من مسئولي الحكومة يتنافسون في سب الآخرين وشتمهم واظهار الغل والحُرقة عليهم كأنهم هم اعدائها الوحيدين .. كما ان هذه الحكومة مصصمة اصلاً لخدمة فئات معينة من الناس مستغلين اسم الدين وتدين السودانيين للأيقاع بهم بإسم الاسلام..

اللهم اغننا بحلالك عن حرامك وبرحمتك عمن سواك ...واقول لجهاز المغتربين انكم لستم اهلاً لإقامة المشاريع الاستثمارية او الشراكات الذكية ولن تستطيعوا ان تقدموا الدعم لأي فرد من الناس سواء لإنفسكم ومنتسبيكم وكوادركم النائمة في بلاد المهجر وان الاقتصاد الكلي الذي تتحدثون عنه انما هو موجه فقط لدعم البرجوازية الإسلامية..
الله اكبر ولله الحمد

[جمال]

#1262522 [عدو المنافقين والظالمين واللصوص]
4.00/5 (5 صوت)

05-09-2015 12:48 AM
ما هب كوز الا للسرقة واللصوصية.
حتى ولو كنتو صادقين(وهذا اكبر مستحيل على وجه الارض) برضو ما فى حد عايز شئ منكم يا حصب جهنم.

[عدو المنافقين والظالمين واللصوص]

#1262518 [قرفنا]
3.50/5 (2 صوت)

05-09-2015 12:33 AM
انتو بتشبعوا متين ؟؟؟؟؟؟؟
الوادى الأخضر ؟؟؟؟
سندس ؟؟؟؟؟
تلقوها عند الغافل

[قرفنا]

ردود على قرفنا
[fatmon] 05-09-2015 09:11 AM
مره غشوا أكثر من ٣٠٠ دكتور بيطري بينهم عدد كبير من المغتربين كم غشه وآخر غشه قلعوا منهم مزارعهم الغشوهم بيها بعد ما دفعوا بالعملة الصعبه التي هي أصلا الهدف وعوضوهم بغشه أخرى قطعة سكن في منطقة صخرية لاتنفع أن تكون شيء على الإطلاف وسموها سكنية في الخلاء وأخري في خبر قطعة زراعية غرب أم درمان وطبعا دي نوم يا حمار لما تقوم النجيلة أمكن لأحفادهم لأنه حتى أولادهم وصلوا التلاثينات وهم في الغشغشة دي من زمان متعودين على كده والمشكلة الجماعة ديل مصدقين روحهم براهم ولكن ما هاميهم ما دام دي وظائف وبياخدوا عليها قصور وفارهات وطيارة قائمة وطيارة نازله
بس الجديد إنه تاني زول بصدقهم مافي ده الشيء المفروض يعرفوه


#1262504 [Khalid Abdalla Ragab]
5.00/5 (2 صوت)

05-08-2015 11:55 PM
As one of the people deceived by this Government so many times. Experienced and paid very big amounts of money for even a simple certificate or signature which cost nothing, I am sorry I will trust you no more. Sundoss is enough to make me think about any Agricultural Investment. What happened to ElGazira, ElRahad & Girba alone will change any future thoughts of this kind. Even ElSilate, and ElWaha where are they?? You want me to put my money in your banks and tomorrow it will be wired to Malaysia, Dubai or even Teran! Do you think that we are fools and believe you more than we did before??You are really nuts!!

[Khalid Abdalla Ragab]

ردود على Khalid Abdalla Ragab
[الوطن العزيز] 05-09-2015 08:05 AM
الأخ/ خالد ردك جميل لكن لو كان باللغة العربية سوف يقرأه معظم المتصفحين ، أما أذا كانت لوحة المفاتيح باللغة الانجليزية فيمكن استبدالها بواحد ثنائية اللغة..أخي مجرد ملاحظة لأنك سوداني .


#1262465 [Zooooooooool]
3.50/5 (4 صوت)

05-08-2015 10:08 PM
ي رب بعد الوادي الأخضر الناس دي حيودونا للوادي الأحمر ولا الأصفر

[Zooooooooool]

ردود على Zooooooooool
[syroora] 05-10-2015 11:59 PM
وادي الجن الاحمر


#1262451 [خاطره]
5.00/5 (3 صوت)

05-08-2015 09:27 PM
إن في الامر لمأكلة به .

[خاطره]

#1262450 [sasa]
3.50/5 (2 صوت)

05-08-2015 09:18 PM
هههههههههه هههههههههااااااااااا ااصدقك وهذا اثر فاسك تلقوها عند داقس

[sasa]

ردود على sasa
European Union [abuahmed] 05-10-2015 09:43 PM
مفروض يكون الامين العام لجهاز المغتربيين منتخب من قبل المغتربيين لماذا لم يكن لدينا اتحاد عام قوي لادارة شئوننا ومنها نكون حزب المغتربيين لادارة البلاد بنمط جديد والغاء الاحزاب والانظمة البائدة التي ضيعت السودان منذ الاستقلال
من اراد الانضمام للاتحاد المواصلة عبر البريد الالكتروني [email protected]
ابو احمد السعودية الرياض



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة