الأخبار
أخبار إقليمية
الهلال تعادل بملعبه وكسب شخصية فنية.. وبكري خسر الرهان
الهلال تعادل بملعبه وكسب شخصية فنية.. وبكري خسر الرهان
الهلال تعادل بملعبه وكسب شخصية فنية.. وبكري خسر الرهان


05-10-2015 11:45 PM
كووورة- بدر الدين بخيت
مباراة ديربي مدينة أم درمان وكلاسيكو الكرة السودانية التي لعبت مساء الأحد ضمن مباريات الأسبوع 15 من بطولة الممتاز السوداني لكرة القدم والتي صادفت ختام الدور الأول من موسم 2015, أفرزت العديد من المشاهد والتداعيات, يجملها "" في التقرير أدناه.

كانت المباراة هي الثانية بين الفريقين هذا العام 2015, حيث سبقتها مباراة درع الإستقلال التي جرت بإستاد "حليم/شداد" بالعاصمة السودانية الخرطوم, وقد إنتهت بالتعادل 1-1, وإنتهت مباراة الأحد أيضا بالتعادل لكن سلبيا.

ويتوقع يلتقي الهلال والمريخ مرتين أخريين هذا الموسم في المباراة الثانية بالدور الثاني من الممتاز, وفي نهائي كأس السودان.

كل المؤشرات كانت تؤكد أن المريخ سيقدم درسا في فنون الكرة للهلال ويفوز بسهولة وذلك من واقع عناصر الفريقين إستعداد المريخ معنويا بإقصاء الترجي التونسي من دوري مجموعات أفريقيا, وفنيا بما يمكله من عناصر أثببت فعاليتها وقميتها الفنية للمريخ مثل الغانيان أوكرا وكوفي والنيجيري جابسون, والمصري ايمن سعيد, والذين لا مقارنة بينهم نوعيا بمحترفي الهلال الأجانب الذي بدأ النادي التفكير في التخلص منهم خلال هذا الشهر, ولكن الهلال نجح في تقديم شخصية فنية أكثر تركيزا وهدوءا كسب بها ثقة جماهيره في الدور الثاني.

كانت المباراة هي أول ديربي يخوضه التونسي نبيل الكوكي المدير الفني للهلال, بينما تذوق الفرنسي جارزيتو طعم خوض الديربي السوداني منذ عام 2012 حينما كان مدربا للهلال في ذلك العام.

خسر الهلال مباراة الأحد وهو يتعادل بملعبه, وفي ذلك خسارة معنوية, فالتعادل على ملعب الفريق وبين أنصاره يعتبر في حكم الخسارة, لكن بالمقابل أشرك المدير الفني الكوكي في شوط المباراة الثاني ثلاثة لاعبين تقل أعمارهم عن 23 سنة كانوا أصغر لاعبين في المباراة, وهم وليد علاء الدين في الوسط, ومحمد عبد الرحمن وعماد الصيني في الهجوم, إلى جانب الرابع وهو أطهر الذي لعب في المباراة منذ البداية.

بينما اشرك المريخ لاعبا واحدا في الشوط الثاني من تلك الفئة العمرية وهو شرف شيبون, وقد وجد نبيل الكوكي مدرب الهلال الإشادة على جرأته في اشراك لاعبين صغار في مباراة ديربي صعبة ومعقدة.

عدد اللاعبين الأجانب الذين شاركوا في هذه المباراة من الفريقين بلغ 8 لاعبين , بينهم 5 مع المريخ و3 مع الهلال, بينهم حارسا المرمى الأوغندي جمال سالم مع المريخ, والكاميروني ماكسيم فودجو مع الهلال.

لاعب الهلال السابق ومهاجم المريخ الحالي بكري المدينة، والذي أثار تعاقده مع المريخ ضجة كبيرة بداية هذا العام, شارك في اول مباراة في الدوري الممتاز مع المريخ بعد أن إستوفى فترة إيقاف 6 مباريات, ولكنه خسر الرهان هز شباك الهلال, وغادر الملعب مستبدلا وسط صافرات العتاب من جماهير الهلال على تغييره شعار الفريق.

أكبر مكسب خرج به الهلال من مباراة الديربي هو محافظته على سجله خاليا من أي خسارة في الدور الأول, كما أنها المرة الأولى لفريق المريخ الذي يفشل في إحراز هدف منذ أبريل الماضي.


تعليقات 5 | إهداء 0 | زيارات 8264

التعليقات
#1263917 [اب جاكوما]
0.00/5 (0 صوت)

05-11-2015 11:37 AM
اخخخخخخخخ طعلوا الصافراب من هزيمة


قريت تقرير فوق بقول كل المؤشرات كانت تدل على أن المريخ سوف يقدم لوحة فنية عطفا على مباراته مع الترجي(حاجة تضحك) عطف شنو ولا ترجي شنو ولوحة فنية شنو؟؟؟!!

بالله جوا يلعبوا للتعادل وحقق مطلبهم بالتعادل والتعادل بالنسبة لهم مع الهلال هو نصر في حد ذاتو وشرف كبير


اخخخخخ ثم اخخخخ فاخخخخ فاخخخخ أن يطلع المريخ متعادل مع الهلال

لكنها إرادة الله

[اب جاكوما]

ردود على اب جاكوما
United States [اب جاكوما] 05-11-2015 04:44 PM
ذكرتنا زمن جميل ياودفع الله** تذكر المباراة الشهيرة اللي ضربوا فيها الضوء قدم الخير وقاموا باستبداله (بخالد بخيت وقام ركب فيهم قونيين)

هم فرحانيين بقارزيتو** قارزيتو مفلس وانتظر حا يسفروه ليك زيي ما سفروا الخواجات اللي قبلوا( بس شنو روق المنقة)

والله مدرب الهلال التونسي شجاع جدا** مباراة ديربي يخوضها 4 أو خمسة من صغاره وأشباله وواعديه** دي منتهى الجراة من مدرب***

ان شاء بيجي يوم وبنلحقهم ليك الثلاث والاثنينات** بعد بكري المدينة دا لسه اي كان معانا وماامكانيتو زاتها ما حد تزيد اكثر من كدا.. لو امكانياتو ببتطور اكثر من كدا كان طورها في الهلال فالهلال هو صانع النجوم ومنجم النجوم.

نحنا بكري المدينة دا لو سيف مساوي واثير توماس لعبوا معاهو مغمضمين بقوموا بالواجب

United States [إبراهيم دفع الله] 05-11-2015 03:46 PM
أب جاكوما شكيتك على الله لقيت لى زول بكره الوصيف أكتر منى !!!!!!
تصدق يا جاكومة الهلال حالتو نص كم و تعادلو معاه لو مكتمل كان الوالى أستقال قبل مواعيدو .

و الله يا جاكومه لو لعب سيف مساوى إرتكاز و سجل الهلال فى التكميلية ثيردبالك متكم و سجل كمان مهاجم لهلوب زى والى الدين الله يرحمه بس يكون أجنبى الرماد ما بكيل حماد و فترة والى الدين ديك الجماعة قربوا يحردوا النجمه .
أخر خبر والينا ما زى واليكم الله يرحمك ألف مرة يا والى الدين محمد عبدالله .


#1263886 [دفع الله البدوي]
0.00/5 (0 صوت)

05-11-2015 10:58 AM
وكم من مرة فاز الهلال باستاد المريخ الهلال عندما يلعب باستاده او باستاد المريخ فهو يلعب بارضه

[دفع الله البدوي]

#1263856 [ابومحمد]
0.00/5 (0 صوت)

05-11-2015 10:15 AM
رد على ابراهيم دفع الله

تصدق انك فارغ لا تعرف كورة ولا حاجة ولنا معاك لقاء في نهاية البطولة الافريقية

[ابومحمد]

ردود على ابومحمد
United States [إبراهيم دفع الله] 05-11-2015 03:37 PM
أنت شكلك طيب و طيب جدا كمان و عقليتك زى عقلية واليك القال الفائز من الترجى و المريخ يصل النهائى !!!!!!! نهائى يا وهم أنتو أحمدو الله على مفارقة التمهيدى !!
ألى اللقاء بعد ما تخلصو من معمعة الجزائر و تتفرقوا لممتاز و أبو الهل يكون جاهز لهرسكم فى دراكم و غنى يا حرومة.

أسف ممكن انت تكون قاصد نهاية الدورة التانية للممتاز !! قال نهائى أفريقيا قال


#1263723 [زول اسلامي ضد العمانيين]
0.00/5 (0 صوت)

05-11-2015 08:01 AM
بكري وجد التصفيق من جماهير الزعيم...
كما انه كان مراقبا من قبل لاعبين وهذه يكفيه...
المباراه تعتبر نتيجتها هزيمه للهلال لأنها مباراه
داخل استاده...والمريخ تصدر الممتاز...اللاعبين الذين
اضافهم الهلال من الفئات العمريه الصغيره لم يشعر
أحد بوجودهم ماعدا وليد علاءالدين...ولو لا حكم كسلا الضعيف
والجبان لكانت النتيجه اقلها 1/صفر

[زول اسلامي ضد العمانيين]

ردود على زول اسلامي ضد العمانيين
[hilal] 05-11-2015 05:01 PM
انا هلالابى واقول المريخ لم ينتصر على الهلال لانه اختذل كل مقومات الانتصار فى بكرى المدينه

United States [بت الخرطوم] 05-11-2015 12:54 PM
انتو مرجان احمد مرجان لغى قرار لجنة الاستئنأفات الخاص بأعادة مباراة فريقه مع الأمل ولا كيف المريخ متصدر ؟؟؟ طبعا اليس فى الامر عجب بفلوسى بفلوسى أشترى الاتحاد واللجنة المنظمة ولجنة الإستئننافأت ولجنة الحكام والتحكيمية وزي ما حزبى فاز فى الانتخابات كمان فريقى يفوز بالممتاز بأى وسيلة حد أقدر يقول لى لا أنا الوالى رئيس طوالى

United States [اب جاكوما] 05-11-2015 11:34 AM
انت بتتكلم عن مباراة تانية غير الشفناها ولا كيف؟؟ واحد صفر شنو يا زول انت جنيت ولا شنو اها واحد يعني الكان بيجيبوا منو ضفر ولا بكري المدينة


#1263670 [Ismail Ahmed Al Kamish]
5.00/5 (1 صوت)

05-11-2015 06:07 AM
هدي كانت كورة والله ضياع أموال في الفاضي الكورة أخلاق -- الكورة لإصلاح النفوس قبل إحراز الكؤؤس.

[Ismail Ahmed Al Kamish]

ردود على Ismail Ahmed Al Kamish
United States [مدريدي] 05-11-2015 11:37 AM
كلامك صاح تشوف الاعلام تقول ديك ياالفرق تجي تتفرج تلاقي القصة ماتسوي .

United States [إبراهيم دفع الله] 05-11-2015 08:27 AM
الأخ إسماعيل صحافة مزمز و الهياثم يتكلمو عن المريخ كأنو الريال و البرسا و البتوجع قالو المريخ تيمين و الفرنسى حائر يالعب بأى تشكيلة عليكم الله يا أخوان دى فريق سودانى و لا فريق أمم أفريقيا لو جنستو أفريقيا كلها و لهفتو قروش الغلابة كلها حتتبهدلو فى الجزائر أخر بهدلة و حتعرفوا الله واحد والله لا الهلال نافع و لا المريخ نافع رغم خزينة الفلوس المتحركة ( جمال الوالى ) خم يا أخوى دى حكومة البشير ولا عجب ناس فوق تتمرغ فى أموال الشعب الجيعان و ناس محرومه و تسوق و مجرورة و تجر مرة بأجر و مرة بلا أجر .أجمل صورة معبره فى الراكوبه صورة جمال الوالى مقرونة مع صورة وداد ماليزيا و العامل المشترك معروف للكل ( النغنغة ودولارات البلد ) و الساقية لسة مدورة !!!!!!
شكيتكم على الله يا ناس الإنقاذ شحدت ربى يورينا فيكم يوم .............



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة