الأخبار
أخبار إقليمية
الشفافية تطالب حزب البشير بالكشف عن مصدر تمويل صفقة السيارات
الشفافية تطالب حزب البشير بالكشف عن مصدر تمويل صفقة السيارات
الشفافية تطالب حزب البشير بالكشف عن مصدر تمويل صفقة السيارات
هل من ورثة على نافع أم محمد حسين أم حسن أحمد البشير


قالوا للحرامي أحلف -
05-12-2015 06:03 PM
الخرطوم : عواطف إدريس

طالب رئيس منظمة الشفافية السودانية الدكتور الطيب مختار الطيب حزب المؤتمر الوطني الحاكم بتوضيح الحقائق للرأي العام والإجابة على التساؤلات المطروحة حول شراء الحزب حوالي "50" سيارة بما يقارب الـ "22" مليار جنيه لبعض عضويته من الطلاب.

وقال الطيب إن المنظمة اطلعت من خلال وسائل الإعلام ووسائط التواصل الاجتماعي خلال الأيام الماضية على أخبار هذه الصفقة " لافتاً إلى أن الخبر أثار الكثير من اللغط والجدل وتناوله عدد من كتاب الأعمدة بالصحف اليومية، وطالب الحزب الحاكم بتمليك الحقائق للرأي العام.

الصيحة


تعليقات 23 | إهداء 0 | زيارات 6978

التعليقات
#1265652 [Lila Farah]
0.00/5 (0 صوت)

05-14-2015 09:13 AM
الطيب مختار .!!!!
ياراجل اختشي علي دمك ودم الخلفوك ياحرامي
اتا نسيت نفسك والا شنو .؟
لو اتا نسيت نحن مابننسي ويوم الحساب هانذكرك
وهانذكر كل الحراميه واللصوص ومصاصي الدماء.

شفافية شنو العامل فيها رئيسا واتا حرامي بشهادة؟
شفافيه دى تبقي حبوبتك يالطيب مختار ياحرامي .

[Lila Farah]

#1265172 [المؤتمر الوطني يجيب]
0.00/5 (0 صوت)

05-13-2015 12:57 PM
كما تعلمون ان عضوية المؤتمر خلقت من طينة تختلف عن الطينة التي خلق منها سائر السودانيين وقد مكنهم الله من السلطة والمال لينشروا الدين الاسلامي لذلك فان مايتم تجنيبه من مال الدولة لا يذهب في الفساد كما يعتقد بعض المرجفين اعداء الدين والوطن الطابور الخامس انما يذهب لتحقيق الرفاهية لهؤلاءالابطال الذين ربطوا العصابة الحمراء في عزة السودان زقدموا نفسهم فداء للدين والوطن للحفاظ على دين الله الاسلام وحماية وحدة البلاد من الخونة والحركات المسلحة التي تنازعهم في المال والسلطة علىالنحو الذي تشاهدون وقد قال الشعب كلمته في الانتخابات النزيهة الشفافة بكل ديمقراطية التي شهد بها كل العالم عدا القلة من اعداء الدين والسودان وحتى نستطيع تاديب من قاطع الانتخابات من المواطنين فاننا نوفر لهؤلاء الابطال الاشاوس السيارات والمرطبات والسلفيات والهبات ودونها المهج والارواح ولا لدنياقد عملنا وهي لله فداء للدين وللوطن وعين الحسود فيها عود ومن اراد لحس كوعه فليحسه وحتى يطلق عزرائيل صافرته ويقوم الحساب فانهم معقود لهم (عقد نكاح) على بنات الحور
والله اكبر

[المؤتمر الوطني يجيب]

ردود على المؤتمر الوطني يجيب
European Union [ود الركابي] 05-13-2015 11:53 PM
الجنون فنون .. حظك ماكويس . طه بعشر ومات اذا كان عايش كان اعطاك حقنة في راسك الكبير ده كانت فكت ..


#1265092 [الحــــداحيد - أم عويدات]
5.00/5 (1 صوت)

05-13-2015 11:22 AM
"ارفع رأسك.. أنت سوداني"
07-10-2014 12:37 AM
بوخارست - عصام محجوب الماحي

في عددها الصادر يوم الاثنين 7 يوليو الجاري نشرت الصحيفة الرومانية اليومية واسعة الانتشار (أديفارول) بالقلم والصورة، تحقيقا صحافيا على صفحة كاملة، جاء فيه: هشام تاج الدين، 44 سنة، طبيب سوداني استطاع في عام 2008 بمجهوده الخاص أن يرمم ويعيد تأهيل مركز صحي دائم بقرية "فراتسيا" في محافظة "دولج" في إقليم "أولتينيا" جنوب رومانيا. وفي 2011 نجح في الحصول من مجلس بلدي "بوزيشت" الذي تتبع له القرية، على سيارة إسعاف غير أنه اكتشف أن نقالة المرضى التي في المركز لا تدخل فيها.

ويقول هشام: كثيرا ما ننطلق لحالة مستعجلة بسيارة الإسعاف الصغيرة ويأتي خلفنا أحد المواطنين بسيارة كبيرة أخرى حاملا النقالة، وكل ما نفعله عندما نصل المريض نعمل على استقرار حالته بما لدينا من معينات في الإسعاف وننتظر في الطريق قدوم إسعاف آخر من مدينة كرايوفا لاستلام الحالة. ويحكي سكان القرية ما أكده للصحيفة الدكتور تاج الدين، أنه في عام 2009 ولتأهيل المركز بالمعدات الطبية المطلوبة، حصل الطبيب السوداني على قرض مصرفي باسمه الشخصي بلغت قيمته 65 ألف رون روماني، (أكثر من 14500 يورو)، انتهى من تسديده كاملا الشهر الماضي.

[الحــــداحيد - أم عويدات]

#1265084 [ALI ALALI]
5.00/5 (1 صوت)

05-13-2015 11:12 AM
السيد رئيس منظمة الشفافية السودانية يرجى عمل موقع الكتروني لهذه المنظمة وعمل نظام أساسي والمضي قدما نحو تحقيق الاهداف

[ALI ALALI]

ردود على ALI ALALI
[alwatani adeel] 05-13-2015 06:29 PM
دا ما طيب الاوقاف ولا واجد تانى


#1265051 [ٍSalah AL Deen P]
5.00/5 (3 صوت)

05-13-2015 10:30 AM
شفافية ايه وبطيخ ايه؟ انتو ما دايرين تفهموا انو دا نظام انقلابي قائم على اذهب الى القصر رئيسا واذهب الى السجن حبيسا

[ٍSalah AL Deen P]

#1265048 [Babiker Shakkak]
5.00/5 (3 صوت)

05-13-2015 10:26 AM
يعنى أن إتحادات الطلاب أصبحت مؤسسات حكومية و أصبح المنتسبون اليها يتمتعون بأمتيازات مثلهم مثل الموظفين بالخدمة المدنية من وزارات و مصالح و مؤسسات و هيئات . والله عشنا فى زمن المشروع الحضارى و شفنا من البدع ما لا عين رأت و اذن سمعت و لا خطر على بال بشر. هذا ما يؤكد أن الخراب الى نزل بالبلاد فى ربع القرن الأخير لا يمكن إصلاحه و كاذب من يقول أنه قادر عليه. هذا خراب إصلاحه فوق طاقة العقل البشرى.

[Babiker Shakkak]

#1264969 [السودانى الاصيل]
5.00/5 (3 صوت)

05-13-2015 09:03 AM
هذه الاموال اولى بها تاهيل مراكز غسيل الكلى والناس بتموت من تسمم الدم . بالله ديل ناس عندهم دين . اسلم حل الثورة لاقتلاع هؤلاء الاراذل.

[السودانى الاصيل]

#1264950 [وحيد]
5.00/5 (4 صوت)

05-13-2015 08:46 AM
اسالوا بشبش و حلفوه ... بس ما يحلف بالله لانه سمعناه حلف قبل قسم مغلظ و احنث زي المافي حاجة، و مرة سمعناه حلف طلاق بالتلاتة و برضو حنث زي التسالي و نسوانو الاتنين واحدة اتطلقت مافي ... حلفوه بي بله الغايب خلوا يقول و حات بله الغايب قروش العربات دي حقت الحزب و ما جات من قروش الدولة

[وحيد]

#1264900 [ماسورة]
4.94/5 (5 صوت)

05-13-2015 07:57 AM
الشفافية !
هسة انا قايلا (مرة ) عمر البشير الجديدة !

[ماسورة]

#1264873 [غريبه]
5.00/5 (3 صوت)

05-13-2015 06:58 AM
وبعد مايوريها الحزب مصادر التمويل حتعمل شنو منظمه الشفافيه دي؟ حصل شفتو شفافيه في ظل نظام دكتاتوري اسلامي فاشستي قابض؟ ارحمونا ا يادكتور الطيب

[غريبه]

#1264826 [النورس]
5.00/5 (4 صوت)

05-13-2015 01:41 AM
هلا هلا ياالطبب مختار جماعتك خلوك زي درويش الحلقة

[النورس]

#1264821 [متسكع]
5.00/5 (3 صوت)

05-13-2015 01:26 AM
انتو زعلانين ليه
حد قال ليكم ماتنضموا للحزب
بدل ما تحسدوهم كان اجدر تشكروهم
وهم شباب المؤتمر الوطني
هم ابناء هؤلاء الزاهدين
هم ابناء من رفع اسم بلدكم عاليا
اسع لو طلبوا من ابنائكم ان يحملوا
العصي والسواطير والسيخ في الجامعات
وقتل طلاب دارفور وحرق داخلياتهم و
داخليات طالبات دارفور وتركهم في الشارع
بدون ماوه اولادكم يقدروا على ذالك

زمان كان العالم بيعرف بلد اسمه السودان

الان الاول في العالم في جلد النساء
. و الثالث في العالم في الفساد
. و الثالث في العالم في تدهور التعليم
و الثالث في العالم في تدهور الصحة
و ~ ~ في حرية الصحافة
و و و
و و و

اتحده منذ خروج الاستعمار حقق السودان مثل هذه الارقام حتي لو ذهبوا هؤلاء الصحابة ان يحقق من ياتوا من بعدهم
ب واحد ٪ مما حققه هؤلاء الاتقياء

مالكم بتتكلموا ساكت
الحسادة العندكم دي شنو

[متسكع]

#1264804 [ناصر حدربي]
5.00/5 (6 صوت)

05-12-2015 11:32 PM
الشفافية:القروش بتاعت العربات دي جبتوها من وين؟
المؤتمر الوطني:من شركاتنا الاستثمرنا فيها
الشفافية:آآآآآه نحن ما نسسينا شركاتكم ..أتاري .. ما كان تقولو كده من الأول ..مع السلامة
المؤتمر الوطني:الله يسلمك

[ناصر حدربي]

#1264785 [fatmon]
5.00/5 (4 صوت)

05-12-2015 10:01 PM
أنا لما أشوف ناس يستغربوا على فساد ولا سرقة الجماعة ديل بستغرب طيب الناس ديل لو ما عملوا كده يكونوا هم كيف
ومن زمان هم بسرقوا وبفسدوا وما هاميهم شيء بالمره فعلام الإستغراب يا جماعة الخير
يعني أكثر العربات ولا زوجة الرئيس تشتري بيت ب٦مليون ونص دولار وهي كما تعرفون لا بتودي ولا بتجيب كما الهبر والسرقة والفساد

[fatmon]

#1264770 [جمال]
5.00/5 (7 صوت)

05-12-2015 08:50 PM
منظمة الشفافية دي كمان جات من وين؟؟؟ اذا كان معين من الحكومة:
مثل الطيب ابو قناية رئيس مفوضية مكافحة الفساد
ومثل المراجع العام
ومثل بروفسيرات مفوضية الانتخابات الصم البكم العمي الذين لا يعقلون
ومثل رئيس لجنة حقوق الانسان في السودان
ومثل مفتي الحكومة
ومثل مجلس الفقه الاسلامي
ومثل ائمة المساجد الكبيرة والصغيرة بعد ان احكمت الحكومة قبضتها على المساجد ودور العبادة

ومثل بقية التنابلة الذين يساعدون الظالم على ظلمه
ويساعدون المؤتمر الوطني والحركة الاسلامية لضرب الاسلام والمسلمين وغير المسلمين في السودان.

والسؤال لإتحاد الطلاب
هذه الاموال اولى بها داخليات الطالبات في الفاشر ونيالا والجنينة والابيض وكسلا والخرطوم ودنقلا.
والاولا بها دعم صندوق الطلاب المحتاجين وليس تركبوها عربات الله يعلم الي اين تذهبون بها؟؟؟

وهذه القروش من ستات الشاي واطفال الدراداقات والمغتربين الذين عصرتموهم حتى لم يبقى مكان للعصر والمصر ؟؟

سألت الله ان يجازيكم بما تستحقون أمين يا كريم

[جمال]

ردود على جمال
[alwatani adeel] 05-13-2015 06:31 PM
اين تفاصيل ريالات اوقاف السعودية السودانية


#1264768 [ود الماظ]
5.00/5 (5 صوت)

05-12-2015 08:44 PM
والله يا جماعه الناس ديل بي صراحه ليهم الحق اعملو العاوزنو في البلد مدام نحنا السودانييين ديل اجبن مخاليق الله . عزر واحد امنعنا نطلع الشارع اونطرد الكيزان مافي لكن للاسف لي تابين محمود عبد العزيز نمشي الاستاد بي الاف وساعه الجد ناس تعليقات ساهي

[ود الماظ]

ردود على ود الماظ
[issa] 05-13-2015 06:51 AM
واللة حقيقة ..


#1264746 [قساس فادي]
5.00/5 (4 صوت)

05-12-2015 07:29 PM
قال شفافية قال ديل ممكن يجلفوا بكل الكتب السماوية كما يفعل رئيسهم

[قساس فادي]

#1264740 [قاسم الامين عبود]
5.00/5 (1 صوت)

05-12-2015 07:05 PM
موتوا بمغصتكم ايها الشعب السوداني والما عاجبوا يشرب من البحر بلاش كلام فاضي اقعدوا اتحسروا علي اموال الشعب السوداني وكانوا منتفين وكانوا اولاد فقراء دا مصماص ما بملا قرب امورقوا الشارع ولا موتوا كمد خلونا من الكلام الني

[قاسم الامين عبود]

#1264738 [المسلمي]
5.00/5 (2 صوت)

05-12-2015 07:00 PM
ما ياكل الحرام الا من تربي بالحرام

[المسلمي]

#1264734 [ابو جاكومه]
5.00/5 (4 صوت)

05-12-2015 06:56 PM
انت يا د/الطيب مختار اكيد مائة في المائة وقعت على الشيك .وكمان بطالب بتمليك الحقائق للشعب انت وجاعتك ناس المؤتمر البطني لا ترون ولا تعترفون اصلا ان في السودان شعبا انكم لا ترون الا انفسكم .كمان قال انا رئيس منظمة الشفافيه السودانيه لعنة الله تغشاك انت وحكومتك

[ابو جاكومه]

#1264724 [babo]
5.00/5 (3 صوت)

05-12-2015 06:29 PM
أكيد من اشتراكات عضوية المؤتمر الوطني ... طيب ايه الداعي في تكوين لجان وفروع لاحتفالات تنصيب الرئيس في ظروف الوضع الاقتصادي للبلد

[babo]

#1264721 [ود احمد]
5.00/5 (2 صوت)

05-12-2015 06:19 PM
22 مليار اما كان بها اولى الارامل والمساكين واصحاب الحاجات
لكن هذه اموال الشعب
تعلمون ايها الاخوة ان الدولة يدها من كل شيء منذ ان جاءت حتى الرواتب صارت على المحليات ولالتالي فان اموال الضرايب وغيرها كلها تذهب للمؤتمر الوطني اما اذا قالوا انها اموالهم فهذا الغلط بعينه فمعروفين قبل الانقاذ انهم منتفين ولا يملكون حق السن وتش
اجعوا اموال الشعب

[ود احمد]

#1264716 [ود الركابي]
5.00/5 (6 صوت)

05-12-2015 06:11 PM
كدي اول حاجه اسئلوا الكيزان الكبار كلهم . من اين لكم كل هذه الاملاك المأهولة . مع انكم كلكم اولاد فقراء ..

[ود الركابي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة