الأخبار
أخبار إقليمية
السودان يؤكد حاجته للتوليد النووى للكهرباء
السودان يؤكد حاجته للتوليد النووى للكهرباء
السودان يؤكد حاجته للتوليد النووى للكهرباء


05-12-2015 11:24 PM
الخرطوم (سونا)- أعلن المهندس عثمان احمد عبدالكريم المستشار الفني بالشركة السودانية للتوليد الحراري حاجة السودان للتوليد النووى للكهرباء لمقابلة متطلبات الخطة لشح الموارد الاخرى ولخفض التعريفة .
> وقال المهندس عثمان فى تصريحات صحفية انه بالرغم من ارتفاع التكلفة الانشائية الا انها تنافس بشدة انواع التوليد الحراري الاخرى مشيرا الى حاجة السودان لبدائل اخرى لمقابلة الطلب المتزايد بما فيها الربط الشبكى مع اثيوبيا كمرحلة اولى ومصر تحت طور الاعداد .
> وأضاف أن السودان استعان بالوكالة الدولية للطاقة الذرية فى المرحلة الاولى لدراسة تحليل الطاقة وتعاقد مع استشاري لتحديد امكانية ادخال محطات الطاقة النووية فى منظومة الكهرباء .
> وأشار الى تحديث خطة الطاقة انتاج (8000) ميقاواط مؤكدا جدوى خطة التوليد النووى( 2019-2039م) منوها الى وجود دراسة جدوىاولية لاول محطة نووية تم اعدادها بواسطة فريق وطنى ومستشار متخصص مكونةمن وحدتين سعة كل واحدة منهما 600ميقاواط فى الفترة من (2019م -2024م ).


تعليقات 21 | إهداء 0 | زيارات 2799

التعليقات
#1265414 [ALIIIIIIIIIIIIIIIIIIIIIIIIIIIIIIIIIIIIII]
4.00/5 (1 صوت)

05-13-2015 09:04 PM
شبكة كهربائية كلو فترة في امية طاقة وحارقة ليها كم عمود الشوارع وكانك تعيش علي المريخ الصرف الصحي عبارة عن عشم ابليس في الجنة تصريف مياه السيول ههه هذا حلم بعيد المنال ايضا شبكة المياه يجي لوري يكسرها وكلو مرة في انبوبة مكسرة وفي خط انابيب برة الشبكة بعض المناطق شغالين بالكارو لحدي هسع والمناطق التي يوجد فيها موية تشفط عن طريق الموتور شبكة الاتصالات اسرع انترنت لاتتجاوز سرعته 512 كيلوبت وكمان يطبقو ليك فيهو سياسة الاستخدام العادل علي بالايمان تحلف تقول الشغلة شحدة بلد لايوجد فيها شبكة طرق مسفلتة حتي وان وجدت حدث ولا حرج....السودان يفتقر الي البنية التحتية يابهايم ياكيزان البلد تفتقررررررر الي البنية التحتية وانتم تقولون توليد بالطاقة الذرية وانتم فاشلون في ابسط الحاجات عشان يجي كوازيمودو ((النيل الفاضل)) هذا المعاق البليد المتخلف ذهنيا وعقليا ليتحدث عن الايرباص هذا الحشرة النكرة والله توليد بالطاقة النووية غايتو بقترح عليكم تمسكو كلو واحد في الحكومة كديسة وتخلوهم يسرحو في الكدايس احسن مش كدة

[ALIIIIIIIIIIIIIIIIIIIIIIIIIIIIIIIIIIIIII]

#1265268 [محمد علي]
5.00/5 (2 صوت)

05-13-2015 03:46 PM
طاقة نووية عشان تصهرونا بيها ولا شنو؟ غايتو أنا بعد العصر والحرق بجيب ليكم وقيه ثانى أكسيد الكربون بس.

[محمد علي]

#1265238 [عبد الله]
5.00/5 (1 صوت)

05-13-2015 02:49 PM
السودان يحتاج الي حل جزري لمشكلة الكهرباء

وبما ان الدولة اصبحت تدرسة وتعد دراسات جدوي مع منظمات متخصصة


فهذا يعني اننا في المسار الصحيح ،، نسأل الله التوفيق

[عبد الله]

#1265233 [امونة]
5.00/5 (3 صوت)

05-13-2015 02:35 PM
لماذا لا نفكر مثل بقية دول العالم ونعمل لينا محطة نووية ذي الناس

[امونة]

#1265228 [التفكير قبل التعليق]
5.00/5 (1 صوت)

05-13-2015 02:29 PM
الطاقة النووية هي الحل الامثل لانتاج كهرباء مستقرة وكافية ورخيصة .

نعم لدينا توليد مائي نظيف لكن محدود ، الاحتياطي الذي لم يستغل بعد لايزيد عن 2000

ميقاواط فقط بكل من ( خزان كجبار والشريك ودقش و مقرات ودال والسبلوقة ) بالاضافة

لترع الري بمشروع الجزيرة ،، والسودان يحتاج الي 8000 الف كما ذكر بالمقال .

بالنسبة للطاقة الشمسية كثير من عامة الناس يعتقد انها رخيصة لكن العكس فهي عالية

التكاليف وتعمل خلال ساعات النهار ،، واذا تم تخزينها ترتفع التكلفة كثيرا لذلك لجأت

دول مثل دولة الامارات العربية لانشاء محطة نووية بطاقة 4200 ميقاواط بالتعاون مع كوريا

الجنوبية بالرغم من وجود فرص الطاقة الشمسية بدولة الامارات

لذلك نجد دول مثل كينيا تنزانيا وتونس ومصر وباكستان تتجة لانشاء محطات نووية لامداد

الكهرباء.

[التفكير قبل التعليق]

#1265173 [متسكع]
5.00/5 (4 صوت)

05-13-2015 12:58 PM
الرد الرد بالسد السد ... وين ده اسع

بصراح لو عملتوا توليد نووي برضو ح تقطع

السودان من الدول القلائل التي تمتلك

افضل المقومات لصناعة الكهرباء ولكن

المشكلة في الفساد والفاسدين امثال

المهندس اسامة سدود هذا الفاسد بفلوس

بفلوس الشعب السوداني يمتلك سد كامل

وقرض هذا السد فاتورة على فقراء هذا

الوطن اذا هذه العقول حتي لو اصبحت

اعمارهم الف سنة ما ببنوا اهم صرح

يستفيد منه احد لا هم!!!!!!!!!!

[متسكع]

#1265161 [الناهة]
5.00/5 (6 صوت)

05-13-2015 12:40 PM
ضحكت حتى وقعت على قفاي من شدة الضحك
يالهذه العبقرية .. انهم يقولون اي شئ وكل شئ دون حساب
ربنا حبى السودان باطول نهر في الهالم وارخص كهرباء بدون عناء ولا جهد
من سيشغل المحطات النووية هذه ياترى
بلد عاصمتها توصيلات الكهرباء فيها ريفية على الاعمدة وطرقها متسخة وشعبها جائع ومريض وينعدم فيها كل شئ
عموما نووي نووي ما علينا
بس ما يطلع زي الطيارة بدون طيار التى وقعت على راس حمام في الحارة 17 ولم تحدث به اي خسائر
بس اعملواحسابكم ما تعملوا محطة نووية صينية زي سد مروي تمشي تنفجر تودي افريقيا كلها في 60 داهية

[الناهة]

#1265087 [فرتكان فلافل]
3.00/5 (2 صوت)

05-13-2015 11:17 AM
ههههههه،جغجغجغجغغغغجججاااااااااااك،الضحك شرطني

[فرتكان فلافل]

#1265077 [sudani]
5.00/5 (1 صوت)

05-13-2015 11:05 AM
التوليد النووي مهم جدا لدولة كالسودان تكلفة الكهرباء المولدة بالطاقة النووية هي الارخص عالميا وتنتج كهرباء تكفي لتشغيل مصانع عملاقة

[sudani]

ردود على sudani
[المهندس النووي؟ يوسف بن عبد الله؟ يوسف عبد الله محمد حمد الن] 08-31-2015 08:18 PM
ﻻ ريب أن الطاقة النووية وسيلة فعالة لتوليد الطاقة وأن المستقبل لها.
ولكن اﻷمر يحتاج لتضافر الجهود وعمل كثيف تخلص فيه النوايا وتتوحد الغايات وتجد المساعي وترك الخبز لخبازيه من أهل اﻻختصاص.
للتعرف الموجز على الطاقة النووية، والتخطيط اﻻستراتيجي لها يرجى اﻻطﻻع ( الطاقة النووية: لمحة تنويرية ) و( استرتيجية الطاقة النووية ) بمركز ابن عبد الله للدراسات والبحوث والمعلومات واﻻستشارات و التقنية kenanaonline.com/yamhnd

دمتم في رعاية الله وحفظه.
إعﻻم المهندس النووي؟ يوسف بن عبد الله؟ يوسف عبد الله محمد حمد النيل؟
المفكر المسلم؟
واضع نظرية الغبار؟
المخطط اﻻستراتيجي؟
المرشح لرئاسة جمهورية السودان؟
مؤسس مركز ابن عبد الله للدراسات والبحوث والمعلومات واﻻستشارات و التقنية kenanaonline.com/yamhnd
هواتف : 00249122069342، 00249961173490، 00249998308897

European Union [ود الركابي] 05-13-2015 11:45 PM
واذا انفجر المفاعل نقول يامنو .. دولة زي اليابان اذا ما مساعدة اميركا في اخماد مفاعلها الانفجر كان الحديث عاوز ليهوا حديث . طبعأ جماعتنا دائمأ يكوسوا للرخيص . مفاعل معناه صيني . يوم ننوم يقوم ينفجر نلغي نفسنا في بوركينا فاسو منصهرين ..احسن يخلونا في حالنا ..


#1265075 [الحجاج]
5.00/5 (1 صوت)

05-13-2015 11:00 AM
ديل زي حشاش بدقنه :

البلد البتحتاج للنووي هي الدولة التي تملك صناعات متقدمة جدا وهذا لا يتوفر في سودان البشير ، نحن مصنع تعليب فاكهة ما عندنا ومعظم المحصولات الزراعيةالموسمية بتخرب في مكانها لصعوبة ترحليها لمناطق الاستهلاك المختلفة بولايات السودان المختلفة.

نحن صناعات بسيطة ما عندنا غير الطحنية والملابس التعبانة صناعة جلود ما عندنا رغم توفر المود الخام .

قال طاقة نووية محتاجين ليها ما عندكم صناعات ثقيلة يا البشير ابرة ما قدرين تثقبوها .


والبلد الآن غير محتاجة لنوووي يا جماعة محتاجة للطعام والعلاج وهو المفقود في حياة المواطن .وفروها هي فقط الآن .

خليكم من الفلسفة الخربتو بيها السودان ودمرتموه بها انتم فاشلين كحكومة ومعارضين كلاكم فاشل .

[الحجاج]

#1264956 [انقااذي سادر في فساده]
5.00/5 (3 صوت)

05-13-2015 08:49 AM
دائما تفكرون فى التكلفةالارخص حيث ان المواطن هو الارخص في نظركم والمانيا في طريقها للتخلص من المفاعلات النووية لما لها من خطورة وماحدث في اوكرانيا كان اشبه بهيروشيما ونجازاكي وانتم لستم بافضل من الاتحاد السوفيتي ومازلنا نعاني من الاتكالية واللامبالاة وستأتي الكارثة ان انتم فعلتم ذلك
علينا بتطوير البحوث في التوليد المائي وما اكثر ماعندنا من خزانات مائية تكفي حاجتنا وتزيد ان نحن احسنا استغلا لهاوعملنا على تطويرها وماذا عن الطاقة الشمسية والتى قطع اليابانيون فيها شوطا طويلا ويمكن الاستعانة بهم ان احسنتم التعامل مع العالم الخارجي

[انقااذي سادر في فساده]

#1264935 [حران أحمد]
5.00/5 (3 صوت)

05-13-2015 08:35 AM
الطاقة النووية عاوزة دولة تديرها محطاتها بوعى وأساليب ومراقبة علمية وإنتفاء أى عوامل إهمال وقدرة على مواجهة أى تسرب او مشكاكل وقدرة على التخلص من الوقود المستنفذ بفاعلية ...كيف تحققون ذلك وانتم غير قادرون على غزالة القمامة من طرقات الأسواق ؟؟؟؟!!!!

[حران أحمد]

#1264934 [moe]
5.00/5 (2 صوت)

05-13-2015 08:33 AM
وسد النهضة وسد النهضة

[moe]

#1264927 [لواي سلسلن]
5.00/5 (4 صوت)

05-13-2015 08:21 AM
من العشوائية أن نتحدث عن الطاقة النووية ونحن بلد حباها الله بمقومات الطاقة الرخيصة والبديلة:
لديناالنيل للطاقة المائية
لدينا الرياح لتوليد الطاقة بالرياح
لدينا مساحات شاسعة وصحراء لتوليد الطاقة الشمسية
أما الطاقة النووية:
عالية التكلفة
لها مخاطرها البيئية وعلى الانسان
محتكرة لبعض الدول (مثل امريكا وروسيا وفرنسا) فلن تكون هناك حرية في استغلالها واستدامتها (احتكار اليورانيوم المخصب الذي تحتاجه هذه المحطات)
***
فأي تفكير استراتيجي لدينا؟؟؟؟؟؟؟؟؟؟؟؟؟؟؟؟؟

[لواي سلسلن]

#1264923 [amir]
5.00/5 (3 صوت)

05-13-2015 08:17 AM
طبعا نحن في السودان لن نحتاج الى كارثة طبيعية مثل اليابان عشان يحصل تسرب نووي يكفي ان المهندس المسؤول يسافر الى قريته للعزاء في زوجة ود عم مرتو

[amir]

#1264910 [khalid]
5.00/5 (1 صوت)

05-13-2015 08:08 AM
ايدك والبركة بس الموضوع ده بالذات ما لعبة

[khalid]

#1264889 [quickly]
4.75/5 (3 صوت)

05-13-2015 07:32 AM
تتاجروا بالدين والكلام
احلام زلوووط

[quickly]

#1264887 [محمد علي الاسد]
5.00/5 (3 صوت)

05-13-2015 07:24 AM
طيب ممكن نعرف سد مروي عملوه لي ، مش قولتو انو سد مروي انو حيكفي احتياجات السودان في الكهرباء و ممكن يصدرو منو لي اثيوبيا كمان و لا ده حيكون مشروع جديد لي انو تسرقو اموال سلة غذاء العالم

[محمد علي الاسد]

#1264867 [الخواجة]
4.94/5 (7 صوت)

05-13-2015 06:50 AM
عمر البشير يناشد كل دايات السودان بالتوجه الى سد مروي لتوليد الكهرباء

[الخواجة]

#1264842 [ككك]
5.00/5 (4 صوت)

05-13-2015 03:15 AM
الطاقة النظيفة مابتنفع ولا عايزين الإبادة تكون سريعة الوتيره!!
هناك الطاقة الشمسية وطاقة الرياح وطاقة حركة الامواج.
يعنى فى الوقت الذى بدأت فيه بعض الدول الأوربية فى إغلاق مفاعلها
النووية ووضع خطط ممرحلة لأغلاقها تمامآ والإعتماد على الطاقة صديقة
البيئة!!!

[ككك]

ردود على ككك
Russian Federation [حكم] 05-13-2015 07:14 PM
الدول الأوربية البتتخلص من مفاعلاتها النووية دى حتوديها وين ؟؟

لازم يكون فى واحد قال ليهم تدونى كم مليون وانا اوديها ليكم افريقيا
بعدين يجى يشيل التمن من الحكومة يقول ليهم انا حاشترى ليكم المفاعل من اوربا
ويكون قبض من الجهتين وانعل ابوك بلد
نفس السيناريو اتعمل فى حاجات تانية اصغرها التور الضبحوه يوم الإفتتاح
المسؤول انبسط والزول بعد ما شال قروش التور من الحكومة ،اجر التور من الجزار
وانتهى الموضوع بنهاية الإفتتاح

وقس على ذلك باقى الحاجات

[NIL] 05-13-2015 11:14 AM
يا أستاذ عباس حديثك عن انقطاع كهرباء الطاقة الشمسية او طاقة الرياح و من يريد ان يعرف فل يبحث بالعربية ليكون ملم

[عباس] 05-13-2015 10:22 AM
طاقة الرياح والطاقة الشمسية وطاقة حركة الامواج هي فعلا طاقات نظيفة

لكن الامداد او التوليد منها غير مضمون ( متقطع) خلال اليوم وخلال السنة فمثلا

- طاقة الرياح موسمية خلال العام تزيد وتنقص وتنعدم في بعض الاحيان خلال ساعات اليوم

- الطاقة الشميسة معروفة خلال النهار فقط، وتحتاج الي معدات لاجل التخزين

لاستخدامها بعد مغيب الشمس، ومن ثم تحتاج الي محولات لتحويلها من تيار مباشر الي تيار متردد وهي

مكلفة جدا .

- طاقة حركة الامواج ايضا متقطعة ترتفع في فترات الليل وخاصة في الليالي التي

يرتفع فيها المد والجز ، بصورة عامة

يحتاج الانسان الي تيار مستقر طوال اليوم يمكن التحكم فية لضمان الامداد الكهربائي المستقر الي كل القطاعات الاستهلاكية
توليد مائي ( محدود بحسب توفر المساقط المائية)
توليد حراري (تقليدي ديزل ، غاز فحم)
توليد من الطاقة النووية (وهو الخيار الامثل خاصة وان محطة التوليد النووي تعمل لمدة 18 شهر دون توفق)


#1264825 [ابو شوك النقلتي]
5.00/5 (6 صوت)

05-13-2015 01:35 AM
ترقبوا شيرنوبل الثانية في السودان اذا حدث هذا

قال نووي قال
عالم وهم

[ابو شوك النقلتي]

ردود على ابو شوك النقلتي
United States [ابوشوك] 05-13-2015 05:49 PM
الجماعه ماقادرين يوفروا مويه في بلد فيها نيلين قال نووي قال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة