الأخبار
أخبار إقليمية
فرق جديدة مشتركة لإستخراج الجواز الالكترونى بالخارج
فرق جديدة مشتركة لإستخراج الجواز الالكترونى بالخارج
فرق جديدة مشتركة لإستخراج الجواز الالكترونى بالخارج


05-14-2015 03:32 PM
الخرطوم (سونا) تستعد هذه الايام أتيام مشتركة بين جهاز تنظيم شئون السودانيين بالخارج ووزارة الداخلية للتوجه الى المحطات الخارجية لاستخراج الجواز الالكتروني وذلك إنفاذاً لتوجيه النائب الاول لرئيس الجمهورية الفريق اول الركن بكري حسن صالح ابان انعقاد المؤتمر العام السادس للسودانيين بالخارج الذي انعقد بالخرطوم فى اغسطس من العام المنصرم .
واوضح مصدر مسئول بالجهاز ان الفرق تستهدف عدداً من الدول تشمل الهند ، باكستان ، كوريا ،الصين ، اليابان ، ماليزيا ، الاردن ، لبنان ، سوريا ، العراق ، السعودية ( جدة ، الرياض وما حولها ) قطر ، الامارات العربية المتحدة .
ويقف جهاز المغتربين على اوضاع السودانيين ببعض الدول والمشاكل التى يواجهونها خاصة الموقوفون بالسجون ، كما سيقدم مبعوثو الجهاز تنويرات حول المشروعات المختلفة المتعلقة بخدمات المغتربين فى المجالات الختلفة والتحولات التي حدثت فيها .


تعليقات 20 | إهداء 0 | زيارات 11368

التعليقات
#1267037 [عــــــــــــــــادل]
3.00/5 (2 صوت)

05-16-2015 09:34 PM
رقم وطني ... رقم وطني ... رقم وطني ... جواز وطني ... مواطن وطني ...مؤتمر وطني يأكل حقوق المواطن الوطني بكل أنواع الفساد الوطني .. حزنا على وطني الذي أضاعه المؤتمر الوطني ......... صراحة بقيت أتعقد من كلمة وطني دى لأنها بتصحي جواء كل أنواع الاحباط الوطني

[عــــــــــــــــادل]

#1266800 [هيثم]
0.00/5 (0 صوت)

05-16-2015 12:22 PM
يا جماعه المشكله في الاتيام الموجوده ما في نظام في الشغل الواحد يدخل السفاره زي سوق سته في مايو من البوابه حتى الضابط لاستكمال الاجراءات وضع مزري ومهين مع عدم احترام الرجال كبار السن والنساء والاطفال.
الرجل الموجود في الاستقبال في السفاره لا معنى لوجوده اذا بدات الاجراءات لزم تمشي للضابط يوقع على ورقه لا معنى لها وترجع لرجل الاستقبال لمنحك الاستماره ومن ثم تبدا رحالة المعاناة .
الحل بسيط منح المراجع ورقه صغيره عليها رقم وتاريخ اليوم تحت موعده والتوجه الى الضابط لبدء الاجراءت اما قصت الحضور الساعه السابعه والإنتظار فيه عدم مراعاة لمشغوليات المراجعين

[هيثم]

#1266790 [78887]
0.00/5 (0 صوت)

05-16-2015 11:56 AM
طيب الناس المقيمة في السعودية في مدن صغيرة مثل تبوك وحائل والجوف وعفيف ويتبع وغيرها ديل كيف بتصلوهم ياناس الجواز الالكتروني الجديد ولا يتركوا أعمالهم ويجوا يرتموا أمام السفارة بالايام ... ومن سيسمح لهم بترك أعمالهم ... حسبي الله ونعم الوكيل .

[78887]

#1266778 [عماد]
0.00/5 (0 صوت)

05-16-2015 11:29 AM
المصيبة ان الجواز اخره شهر 2015/11 ودي مشكلة عشان الرقم الوطني فقط عايز ليك 3شهور ما بالك اجواز مع الشيكة الطاشة يعني لو انت مغترب وحصل لك طارئ وعليك السفررللسودان انسي الي حين استخراج الجواز

[عماد]

#1266525 [محمد الامين المشرف]
0.00/5 (0 صوت)

05-15-2015 07:24 PM
بصراحة وللحق حضر وفد مملكة البحرين وتعاملوا بكل رقى واحترم فلهم منا كل التحية والتقدير وقد كان خاصة الضابط المسئول خلوق يهتم بأدق التفاصيل

[محمد الامين المشرف]

#1266490 [barracuda]
5.00/5 (1 صوت)

05-15-2015 05:47 PM
ربطوا استخراج الجواز الالكتروني بدفع الضرائب والزكاة ومحطة فضائية واشتغلت الجباية ، السؤال هل المواطن السوداني داخل السودان لازم يدفع الضلارائب حتى يتم استخراج جواز الكتوني ولا هيرولغليفي له ، ولا لازم حلب المغترب حتى ينقط زيت عشان يستخرج مستند مهم مثل الجواز والذي يعتبر من اقل حقوقه الدستورية. شلة حرامية ، وسفارات فوضه وهرجلة ، والله مفروض الانجليز يستعمروا السودان تاني ونهائي .

[barracuda]

#1266444 [ودالباشا]
0.00/5 (0 صوت)

05-15-2015 04:38 PM
فعلا كما قال الاخ سيكو تجااااارة واثبت لك ذالك عندما اتت هذه الفرق الامارات تنزل فى الاندية السودانية فى كل امارة ثم تفرض 70 او 60 درهم للجواز دا حقهم فى كل جواز اضف على ذالك النادى يستغل الظرف كما حدث بالتحديد فى النادى السودانى بالفجيرة ويفرض هو الاخر 150 درهم دى للنادى كعضوية كسر رقية حتى يرى التيم فى اجراءاتك واذا رفضت تدفع تترزع وسط الزحمة الى اخر اليوم ثم تدفع ال70 بتاعة التيم العامل يعنى اذا مرقت من همبتة النادى ما بتمرق من حق التيم وهكذا يحلب المغتربين الكادحون الصابرين

[ودالباشا]

#1266291 [نظرة منك]
0.00/5 (0 صوت)

05-15-2015 09:48 AM
يا حليل ايامك

[نظرة منك]

#1266155 [ود احمد]
4.82/5 (6 صوت)

05-14-2015 10:34 PM
عايز تطلع الرقم الوطني خارج السودان ثلاث شهور ونسبة للزمن اضطررت لان استخرج جواز عادي مدته سنة وبنفس الرسوم بتاعت الجواز الذي مدته 10 سنوات اذا كانت البلد ما فيها امكانية لاستخراج جوازت الكترونية قولوها بوضوع واعرف دواة ليس لها امكانية هناك دولة اهدت اليها هذه التقنيات والان الجواز عندهم يوم او اقل من يوم ان تستلم جوازك مع العلم ان المغتربين عندهم اضعاف اضعاف السودانيين
سيبوا المكابرة والعنطزة الفاضية بصراحة نحن لم نصل مرحلة الجواز الالكتروني لانو تمشي يقولك الكهرباء قاطعة ومرة الشبكة طاشة ده في السودان اما خارج السودان عشان تحجز موعد ثلاث اشهر بجدة
المهم الله يكون في عون المغتربون يلاقوها من وين ام من وين

[ود احمد]

#1266148 [ود الفاضل]
5.00/5 (6 صوت)

05-14-2015 10:09 PM
السؤال هو ليه بس يتم تسليم هذا الجواز فى ستين يوما ؟؟؟؟؟؟؟؟؟؟؟؟؟؟؟؟؟؟؟؟؟؟؟ حدثونا واخبرونا ياناس ابو عرام ياخبراء الادارة والخدمة الكيزانية التي لايوجد لها مثيل فى الكرة الارضية ...
جمهورية الهند سكانها يزيدون عن المليار بني ادام والمغتربين منهم فى دول الخليج اكثر من سكان جمهورية السودان قبل ان يكسر الكيزان عظم الظهر بتاعها وتنقسم الى نصفين , يعني الهنود ممكن يكونوا اربعين مليون فى دول الخليج الستة ورغم ذلك الهندي يستلم الجواز فى يومين ويدفع فقط مائتان ريال ( 200 ريال ) والجواز صلاحيته عشرة سنوات بالتمام والكمال .. وللمعلومية سفارة الهند فى الرياض بالكاد ترى فيها عشرة اشخاص خلال ساعات الذروة . وسفارة السودان فى الرياض على مدار العام والشهر والاسبوع الزحمة لاتقل فيها عن زحمة حوش الخليفة فى ايام المولد بامدرمان . نساء جالسات على مساطب البلك تحت الاشجار الشايطة والبعض منهم تحت هجير حر الرياض والرجال فى معركة ليس فيها غالب ولا مغلوب والكل يتمنى ان يفوز بالرقم الوطني العزيز لبد اصبحت للاسف ذليله بفعل سياسة الكيزان ؟؟؟؟؟ وسفير السودان الذي لايمثل السودانيين وانما يمثل الجناب العالي فى كافوري (والطيور على اشكالها تقع ) هذا السفير لم ينزل من علاه يوما ليرى البؤس والمهانة التي تتم بها اجراءات القنصلية الضيقة الكئيبة ذات الاثاث البالي المكسر وذات المكاتب الكئيبة ذات الممرات الضيقة ، اذا قدر لك ان تتخطى الحراسات وولجت الى داخل المكاتب فانت تسير فى ممرات لايزيد عرضها عن ابواب سفينة باعبود التي تنقل البشر والبقر بين جدة وبورسودان .. نحن امة ضحكت من جهلها وعبطها الامم نحن امة لاتتطور ابدا ولا نواكب العالم ولا نستفيد مما درسناه ابدا ,نحن امة غاية الواحد فينا ان ينال شهادة جامعية ثم يحضر للدراسات العليا حتى يصل الى درجة دكتور ثم يعيش على هذا الوهم حتى يموت ..
نحن فى دول الخليج كل ستة شهور تقريبا نلمس تطورا جديدا فى الخدمة المدنية ،والان يمكننا فى المملكة العربية السعودية الشامخة ابدا الى المعالي يمكننا ان نقوم بتجديد اقاماتنا واستخراج تاشيرة الخروج والعودة من منازلنا وعمل الحجزعلى رحلات الطيران وسداد الرسوم من منازلنا ... هل يصدق السيد/ ماجد سوار مثل هذه الاجراءات انا المواطن السوداني يمكنني ان اعمل تاشيرة الخروج من منزلي فى السعودية واذا دخلت الى وطني السودان اعاني ثلاثة ايام او يومين على الاقل حتى استطيع تخطي عقبات وحواجز ونهب جهاز العاملين بالخارج للحصول على تاشيرة خروج من بلدي .. وعليكم ان تقيسوا التطور الذي وصلت اليه دول العالم بما انتم مقيمين من تخلف عليه ياوهم يابجم ..

[ود الفاضل]

ردود على ود الفاضل
[hbrahim] 05-15-2015 09:49 PM
ود الفاضل و الله أنت زول حربى !!!!!!!!! كلامك صحيح 1000000%

[ودالباشا] 05-15-2015 04:26 PM
ياود الفاضل فى الخليج هؤلاء يخدمون اوطانهم اما فى وطننا المنكوب يخدمون جيبوهم فقط والفرق كبيييييير


#1266137 [adam]
5.00/5 (2 صوت)

05-14-2015 09:13 PM
في اليوم الواحد كم جواز بطلعو فالنفترض في اليوم كل المراكز مجتمعتا او في مصر ما يقارب المليون ونصف ياتري كم شخص يطلع جواز وكم الرسوم زايد الضرائب الجماعه فلسو وعاصمه الحزم ما جاب ولا جوال بلح

[adam]

#1266091 [ظلال النخيل]
5.00/5 (5 صوت)

05-14-2015 06:37 PM
في الدنيا ما كرهت حاجة زي ما كرهت اسم ومصطلح (الوطني )

بلا رقم وطني بلا مؤتمر وطني ..............

[ظلال النخيل]

#1266074 [عطوى]
5.00/5 (5 صوت)

05-14-2015 06:00 PM
واحده من بدع حكومات السودان هى تاشيرة الخروج والجواز يتم تجديده كل سنتين واخيرا خمسة سنة مع انو هناك دول فقيرة تجددد الجواز بعد 10 سنة ..
.. وماف زول بقول بغم اى حاجة تعملا الحكومة حتى لو ما موجوده فى كل اعراف الدنيا السودانى يرفع جلابتو ويدفع وهو يضحك نمشى حالنا .. نحن لدينا مشكلة عويصة فى الاحساس والتفكير الجمعى ... خلص نفسك عشاان كدا بتلقا ناس كتار بفتخرو انهم بنو مدرسة لقريتم او حيهم او انهم قامو ببناء مستوصف وتم تمويلة من ابنائهم فى الخارج ؟؟؟؟؟؟ طيب مادام اى واحد عايز يقووم بواجبات الحكومة البدفع ليها الضرايب من دم قلبو ... الحكومة مالا ومالك فانت شخص يستمتع ان يقووم بخدمات الحكومة ...

... هل هذا شعب ام قطييع ...

[عطوى]

ردود على عطوى
[ود الحاجة] 05-15-2015 08:11 PM
لاول مرة اتفق معك

[حامد عوض] 05-15-2015 01:19 PM
Aboalarba شاديها مع عطوي كده مالك .. الراجل يعلق وانت تشب ليه في خلقوا ومطاردو من مقال لي مقال .. والله زول غريب انت والله.

[Aboalarba] 05-14-2015 09:38 PM
الناس عملت مستوصفات في قراهم ، نسبة لخب اهلها ، لكن القطيع البتتكلم عنهم ديل والزيك ديل زريبة قطيع ما بعملوها
عطوي!!!!!


#1266073 [الحقيقة]
5.00/5 (1 صوت)

05-14-2015 05:54 PM
الجوازات الجديدة إلكترونية أم القديمة بتاع الشخبتة ديك؟ والله فضحونا أمام العالم

[الحقيقة]

ردود على الحقيقة
[ودالباشا] 05-15-2015 11:15 PM
الجديدة الكترونية دى ذاااتا مافضحوك فيها انت ما شفت الجبش والصوماليات القبضوهم فى شاحنة مهربنهم داخل قش ومعاهم جوازك الكترونى الجديد دا ظااااااتو


#1266055 [معتز الدقير]
5.00/5 (1 صوت)

05-14-2015 05:14 PM
نرجو ربطنا باهم الاخبار

[معتز الدقير]

#1266053 [ود الشريف]
4.50/5 (2 صوت)

05-14-2015 05:08 PM
للاسف من يعملون فى الجوازات لا يمتلكون الخبرة والتدريب الكافي وليس هناك مدققون مع العلم هذه وثائق رسمية ويتعامل بها دوليا اخطاء فى الاسماء واختلاف فى الجد للاسرة الواحده شغل دفن الليل ابو كراع بره ليس هكذا يكون العمل فى جهاز حساس مثل استخراج الجوازات ولا ينفع فيه المحسوبية والتعينات بالواسطة لابد ان يكون من يعمل فى استخراج هذه الوثيقة انسان مؤهل ومدرب ولابد ان يكون هناك مدققون للاسماء تجنبا للاخطاء واهدار للمال العام فى اخطاء كهذه وهذا الكلام من واقع تجربة ومع انى سجلت الاسماء فى صور الوثائق بالغتين لهم وبعد ذلك حدثت الاخطاء من يتحمل هذه الاخطاء وطرق العلاج وخاصة المغتربين وظروف عملهم واحتياجهم للوثيقة انا شخصيا ما عندى استعداد اراجع لتصحيح الاخطاء ومضر امشي حالى رغم الاخطاء الا ان اقوم بتجديد اوراقى واقامتى وبعد داك نشوف ماهى الحلول لذا اتمنى على ادراة الجوازات ان تتنبه لهذه الاخطاء وان ترسلاتيام مدربة جيدا وتعلم ماذا تفعل ولك الله يا وطن

[ود الشريف]

ردود على ود الشريف
[على ابوالتيمان] 05-14-2015 07:44 PM
كﻻم صحيح واضيف لذلك يجب كتابة اﻻسماء متطاقة مع شهادات الميﻻد او الدراسة - وكتبة اﻻسماء باﻻنجليزية يجب تعليم هوءﻻء الموظفين كتابة اﻻسماء صحيحة وبالذات اﻻسماء الشائعة فى السودان .


#1266035 [بامكار]
5.00/5 (2 صوت)

05-14-2015 04:39 PM
الرقم الوطنى والجواز وما ريجعوا والا انجزوا مهام جميع العالقين

[بامكار]

#1266017 [غلبان]
5.00/5 (1 صوت)

05-14-2015 03:53 PM
ناس الأتيام المشتركة ديل كلموهم يتعاملو مع الناس بى أدب عسى و لعل يمسحو الصورة السيئة عن السفارات.

[غلبان]

#1266014 [غلبان]
5.00/5 (3 صوت)

05-14-2015 03:51 PM
فى الأول أختارو موظفين مناسبين يتعاملو مع الناس, بعض الموظفين يتعامل مع الناس كانما عليه الامر و عليهم الطاعة, فظاظة فى التعامل, عدم نظام, ليه ما يكون فى ارقام و كل زول ينتظر دوره؟ واسطات و شغل تحت الترابيز, شئ مقرف.

[غلبان]

#1266010 [زول]
5.00/5 (5 صوت)

05-14-2015 03:46 PM
كم عدد السودانيين باليابان والصين وكوريا والهند حتى تسافر هذه الفرق لهذه الدول؟ انه صرف في غير محله اما بخصوص السعودية ودول الخليج يمكن ان تقوم السفارة السودانية بهذه المهمة بدلا من سفر الوفود والاعداد الجرارة وما يتطلبه ذلك من اقامة ونثريات وتذاكر سفر وحوافز او يمكن ان يتم ذلك تدريجيا عند تجديد الجواز القديم يمنح الجواز الجديد

[زول]

ردود على زول
United States [طارق] 05-14-2015 07:00 PM
عدد السودانين يمكن ماكتير بس من شهر 11 تانى مافى مسافر فى العالم سودانى ولا غيره حايسافر بجواز غير الكترونى ومن هنا لحد شهر 11 معظم المغتربين لا يتمكن ان يرجع للسودان والجواز الالكترونى محتاج اجهزه ومعدات غير موجوده فى السفاره عليه كان سفر الوفود وكله بحقه علما بان رسوم الجواز قريب 120 دولار يعنى بالسعر الموازى اكثر من المليون جنيه

United States [سيكو] 05-14-2015 05:52 PM
المسألة فيها تجارة وبدلات سفر وخمس فوائد يا زول، لازم يفهموك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة