الأخبار
أخبار إقليمية
أبو عيسى والخطيب يخاطبان جلسة خاصة للبرلمان الفرنسي عن السودان
أبو عيسى والخطيب يخاطبان جلسة خاصة للبرلمان الفرنسي عن السودان
أبو عيسى والخطيب يخاطبان جلسة خاصة للبرلمان الفرنسي عن السودان


05-15-2015 12:55 PM
الخرطوم: محمد أمين يس
كشفت مصادر واسعة الاطلاع عن تخصيص البرلمان الفرنسي جلسة خاصة بشأن الأوضاع في السودان في التاسع عشر من مايو الجاري، يخاطبها قادة من قوى (نداء السودان)، على رأسهم رئيس الهيئة العامة لقوى الإجماع الوطني فاروق أبو عيسى، والسكرتير السياسي للحزب الشيوعي محمد مختار الخطيب، وآخرون.
فيما اعتذر قيادي بارز بقوى الإجماع الوطني عن تلبية الدعوة، وأكد تمسكهم بوثيقة البديل الديمقراطي، بجانب ملاحظاتهم على اتفاق نداء السودان.
وأشارت ذات المصادر أمس الى أن الدعوة لم تقتصر على مخاطبة البرلمان الفرنسي، بل ستكون هنالك لقاءات جانبية بين قوى نداء السودان والجبهة الثورية وحزب الأمة القومي، لبحث مسار جديد للتفاوض مع الحكومة بشأن عملية التسوية السياسية.
وأفادت المصادر أن من القادة الذين سيشاركون في الدعوة، رئيس الهيئة العامة لقوى الإجماع الوطني فاروق أبو عيسى، والسكرتير السياسي للحزب الشيوعي محمد مختار الخطيب، ورئيس حزب المؤتمر السوداني إبراهيم الشيخ، ومن الاتحاديين الأحرار محمد محجوب، ولفتت لوصول الدعوات لبعض قيادات القوى الوطنية للتغيير المعروفة بـ(قوت) بزعامة فرح العقار.

الجريدة


تعليقات 8 | إهداء 0 | زيارات 4037

التعليقات
#1266720 [قيردون]
0.00/5 (0 صوت)

05-16-2015 09:45 AM
غايتو قصة حكومة الانقاذ دي حالة من اتنين الاولى لا فرنسا لا امريكا لا الشعب السوداني قادرين عليها.. والتانية فرنسا وامريكا وما شاكلوهم من مصلحتهم بقاء الحكومة دي في سدة الحكم والى ما لا نهاية وفي الحالتين نحنا الضايعين.

[قيردون]

#1266698 [fatmon]
0.00/5 (0 صوت)

05-16-2015 09:06 AM
وأشارت ذات المصادر أمس الى أن الدعوة لم تقتصر على مخاطبة البرلمان الفرنسي، بل ستكون هنالك لقاءات جانبية بين قوى نداء السودان والجبهة الثورية وحزب الأمة القومي، لبحث مسار جديد للتفاوض مع الحكومة بشأن عملية التسوية السياسية.

أود أن أشير هنا إلى نقطة هامة اللحظة التي يتم فيها أي حوار أو تفاوض مع الحكومة سيفقد نداء السودان والقوى المعارضة الاخرى ما يفوق ال٥٠% على الأقل من مؤيديه
وأقولها صراحة وأنا على ثقة قوية جدا وأكيده هذا المره بعد أن إستنفذ النظام كل فرصه للحوار أي فتح باب لحوار أو تفاوض هو بمثابة القشة التي ستقصم ظهر البعير فحاذاراكم ما وصل إليه نداء السودان من تأييد لم يكن بين ليلة وضحاها وهو إنجاز أن ترمي أغلب القوى المعارضة خلافاتها وراء ظهرها وتجتمع على كلمة واحدة وهذا بمثابة صرح ولكن سيهتز ويتهاوى إذا سولت لكم أنفسكم أن تفتحوا باب أو تشرعوا حتى نافذه لهؤلاء الأوباش مهما كانت المسوقات واللهم إني قد أنذرت اللهم فأشهد
كسرة جبرة
شهر خمسة إنقضى نصفه يا الصادق أين أنت ؟؟؟؟؟؟؟؟؟؟

[fatmon]

#1266663 [جمال]
0.00/5 (0 صوت)

05-16-2015 07:08 AM
خطوة مهمة للغاية من اجل فضح النظام وزيفه وديمقراطيته المزعومة القائمة على الكبت والعنصرية وبث روح الشقاق وتفتيت النسيج الاجتماعي للسودان بسياسة الإسلاميين القائمة على فرق تسد..

والخطوة كما هي مهمة للمعارضة والتي يجب استغلالها في محاصرة النظام فإن فرنسا تريدها لمساومة النظام على تمدده باسم التنظيم العالمي للأخوان المسلمين في دعم الحركات المسلحة في دول الحزام الفرنسي في مالي والنيجر وتشاد وافريقيا الوسطى..

[جمال]

#1266559 [karkaba]
0.00/5 (0 صوت)

05-15-2015 09:54 PM
خطوة جيدة ليعرف الراي العام الفرنسي حقيقة الاوضاع وكسب مهم من دولة كبري لهاوزنها وتاثيرخا واهتراف بقوي المعارضة السودانية

[karkaba]

#1266515 [عماد الدين]
0.00/5 (0 صوت)

05-15-2015 06:51 PM
تفاوض وتسوية يافشله

[عماد الدين]

ردود على عماد الدين
[fatmon] 05-16-2015 09:17 AM
أتفق معاك تماما وأثني وود البلد رد عليك بكلام ضعيف وحتى لو كان صحيح من وجهة نظره لكنه غير صحيح لأي شخص عارف ومقتنع تماما أن النظام الذي يثيب الطلبة على قتلهم أولاد دارفور بالعربات والوظائف والسفر للتدريب كرشاوي وهدايا على ما قدموه لن ولن يسمح لاي شخص خارج دائرتهم أن يهنأ بعيش كريم في يوم من الأيام طالما هم على سدة الحكم فيا ود البلد ما تدفقوا مويتكم على الرهاب ، والبلبلبل بعوم وخلي الجرسه (لبنت خلاص ما تخلوها ياكلها الطير)

[ودالبلد] 05-15-2015 09:42 PM
اسمع يا عماد الدين انا بتكلم معك من النيل الازرق يعني عينا طالعه من المشاكل النظام دا مافي انتفاضه حا تشيلو ولا قوه عسكريه ممكن تشيلو عشان كدي يا اخوي الناس العايشين في النيل الازرق جنوب كردفان ودارفور والله بفتشو لحلول تجيب حقوقهم كان بالتسويه او بالسلاح وتقيف الحرب القضت علي الاخضر واليابس اما الكلام عن اسقاط وازاله نظام خلي ناس ديل يطلعو الشارع يسقطو النظام او يبقو رجال يمشو الغابه يشلو السلاح لكن تاني مافي حرب بالوكاله لانو الجيش دا من اولاد الهامش وفي الخلا ديلك من الهامش يعني من النيل الازرق ودار فور وجبال النوبه مافي ود خرطوم اوشماليه او جزيره قاعد يموت حتي البكتلوم ديل في الجامعات برضو مننا عشان كدي اخوي كان ليقنا تسويه مع الحكومه ما بنرفض عشان كدي ربنا يفق الماشين اوربا يجيبو لينا تسويه.


#1266481 [العجب]
5.00/5 (2 صوت)

05-15-2015 05:24 PM
فيما اعتذر قيادى بارز بقوى الاجماع الوطنى عن تلبية الدعوة وأكد تمسكهم بألبديل الديمقراطى, العواليق ديل مفتكرين الناس أغبياء وجهلة زيهم كده!!!

[العجب]

#1266400 [كسرة بي موية وعصيدة بي لبن]
5.00/5 (1 صوت)

05-15-2015 02:47 PM
يعني ح يمشو يفتوه فت للفرنسين!!

[كسرة بي موية وعصيدة بي لبن]

#1266365 [الجقود ود بري]
0.00/5 (0 صوت)

05-15-2015 01:10 PM
هل عصابة البشير ستسمح لهم بالسفر؟

[الجقود ود بري]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة