الأخبار
أخبار إقليمية
إجراءات صارمة لمنع الوقوف الخاطئ وقطع إشارة المرور بالخرطوم
إجراءات صارمة لمنع الوقوف الخاطئ وقطع إشارة المرور بالخرطوم
إجراءات صارمة لمنع الوقوف الخاطئ وقطع إشارة المرور بالخرطوم


05-18-2015 10:41 AM
الخرطوم: أعلنت وزارة البنى التحتية والمواصلات بولاية الخرطوم عن حزمة من الإجراءات الجديدة لتنظيم وقوف السيارات في وسط الخرطوم وتفعيل القوانين واللوائح بالتنسيق مع شرطة المرور، مبيناً أن الولاية ستتعامل بكل حزم مع الوقوف الخاطئ وقطع إشارة المرور.
وكشف مدير عام الوزارة عبدالقادر الزبير همد عن موقف تنفيذ حزم النقل والمواصلات بالولاية من حيث وسائل النقل المستخدمة والبنى التحتية والسياسات التي سيتم تطبيقها في المرحلة القادمة، معلناً عن إنشاء 4 محطات كبيرة لمواصلات الخطوط الطويلة بمحليات بحري وشرق النيل وكرري والكلاكلة لفك ضائقة المواصلات والمساعدة في انسياب حركة النقل، كاشفاً عن اتجاه لزيادة عدد البصات العاملة في الخطوط الطويلة والإعداد لتشغيل البصات الكبيرة التي ستصل للولاية.
وأعلن همد عن وصول (3) مواعين نقل نهري ومواصلة العمل في المراسي على النيل وتجهيز المجرى الملاحي، و مراجعة الأعمال الجارية في تشييد محطات القطار المحلي الذي سيعمل في قطاع المواصلات، وأكد للمركز السوداني للخدمات الصحفية اتفاقهم مع السكة حديد لتشييد قضيب موازٍ من بحري إلى الكدرو، موضحاً أن القطار المحلي سينفذ (10) رحلات يومياً.

الجريدة


تعليقات 6 | إهداء 0 | زيارات 6516

التعليقات
#1268309 [ولقف لط]
0.00/5 (0 صوت)

05-18-2015 05:54 PM
مدير عام البنى التحتية عبد القادر الزبير ، واضح من كلامه إما أنه يزين الشوارع القبيحة لحكومة السفاح ، أو أنه لا يفقه شيء في مجال المواصلات.
العلة تكمن في ضيق الشوارع ورداءتها وعدم تخطيطها. يا عبد القادر الشوارع تحد بالكتوف وتخطط بالاصباغ وهناك عيون القطط لفصل المسارات. وأنت تعرف هذه العصابة لا تريد تخطيط أو تنظيم ، الهم الاكبر هو أنهب وكذب. أنت تعرف الوالي نقل موقف البصات من السوق العربي لمكانه الحالي بمبلغ 20 مليار. وكما ترى الموقف الحالي ليس به أي تنظيم ، شوية طوب مكسر والسلام والمواطن في 60 ، وكرش الوالي زي المرأة الحامل من أكل السحت.

[ولقف لط]

#1268158 [Abdalla]
4.00/5 (1 صوت)

05-18-2015 01:11 PM
كلام جميل وخطوة في الاتجاه الصحيح والله نفسي اسمع كلام عن مستخدمي الطريق من المارة او الناس لانو الشارع ما عربات بس , والله كل يوم بتجيني نفسيات لما اشوف الناس بتقطع في الشارع ذي الغنم وبقول لو ما نحنا صلحنا سلوكنا واحترمنا الشارع البلد عمرها ما ح تمشي لقدام ! كدي خلونا نفكر كويس ونعمل البنقدر عليهو ونبقي ذي ما كانو اهلنا زمان نفوسهم طيبة وبحترمو بعض وبحترمو الشارع ....اللهم اصلح حال السودان واهل السودان انهم مغلوبون علي امرهم ففرج كربهم واصلح حالهم يا مالك الملك .....اللهم عجل بالفرج

[Abdalla]

ردود على Abdalla
European Union [متأمل] 05-19-2015 01:45 AM
ياخ تقول على الناس غنم وتاني تجي تقول اللهم اصلح حلهم وماعارف فرج شنو كده
انته فاكر انو سودان ده بلد وفيهو اشارات وشوارع يازول شورارع الخرطوم دي معمول ل خمسميه عربيه فقط ما تتوهموا فينا ساي ...


#1268155 [المتجهجه بسبب الانفصال]
5.00/5 (1 صوت)

05-18-2015 01:08 PM
بالله خططوا الشوارع دي اول حاجة،،، شوف الصورة شارع الزلط خطوط ما فيهو،،، هل كتيرة على الناس 20 برميل بوهية للخطوط البيضاء المقطعة عشان الواحد يركز في خط سيروا ويتفادة السيارات المواجهة،،، هل كثير على الشوارع السفرية برميلين بوهية للخطوط البيضاء المقطعة ان شاء الله بعد كل 20 متر ،،، لا نطالب المسئولين بالعواكس المعدنية المضيئة Cat eyes لانها غالية علينا لكن هل البوهية كمان كثيرة على ارواح الناس وين رسوم العبور أم صرفت في حق الفطور:

حتى البوهية غالية علينا
دفعنا ضريبة وما اتغدينا
زكاة الراتب ما شرع نبينا
ندفع فيها سنين وسنينا
وشوارع الظلط البتقتل فينا
نسافر فيها والخوف مالينا
إمكن نوصل ولا نكير راجينا
حكومة تحير عقولنا الفينا
حكومة تكتل عقاب باقينا
عليك اللعنة اليوم الفينا
عليك اللعنة ليوم الدينا

[المتجهجه بسبب الانفصال]

ردود على المتجهجه بسبب الانفصال
European Union [النظيف] 05-18-2015 09:57 PM
عشرين برميل بوهية يسيل لعاب اكبر كوز لذلك على المواطنين ان لا يحلموا كثيرا بطرق ذات مواصفات يحفظ ارواحهم وممتلكاتهم


#1268134 [داوودي]
5.00/5 (1 صوت)

05-18-2015 12:41 PM
هسه الفي الصورة دي كم واحد بنظم سير المركبات بقولو المركب الفيها ريسين بتغرق ديل تلاته

بعدين النسوان ديل ظاهر عليهم ما بتاعين ميدان الا لظروف شوفوني بس .

[داوودي]

#1268113 [عودة ديجانقو]
5.00/5 (1 صوت)

05-18-2015 12:05 PM
شكرا غسان الخليت البهايم دى تفكر وتشتغل ...يومين بس وترجع حليمه لرشاويها القديمه

[عودة ديجانقو]

#1268046 [اب طابوزه]
5.00/5 (1 صوت)

05-18-2015 10:47 AM
كلام سليم جدا ويجب تطبيق اقصى عقوبة ممكنة بمن يقطع اشارة المرور متعمدا ومستهترا وان تكرر منه ذلك يجب ان تسحب رخصته ولا يسمح له بالقيادة ابداً مهما كانت مكانته.
هذه خطوة موفقة تصب في صون حياة الابرياء ...

انهم المترفون ..

[اب طابوزه]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة