الأخبار
أخبار إقليمية
رئيس القضاء الأسبق يرفض اخلاء المنزل الحكومي وارجاع سيارات الدولة
رئيس القضاء الأسبق يرفض اخلاء المنزل الحكومي وارجاع سيارات الدولة
رئيس القضاء الأسبق يرفض اخلاء المنزل الحكومي وارجاع سيارات الدولة
جلال الدين محمد عثمان،


05-18-2015 11:23 PM
خاص الراكوبه تفيد متابعات "الراكوبة" من داخل الخرطوم أنَّ السيد جلال الدين محمد عثمان، رئيس القضاء الأسبق، قـد رفض اخلاء المنزل الحكومي والذي ظل يشغله لعدة سنوات حتى بعد تقاعده بعدة سنوات. كما رفض تسليم السيارات الحكومية التي بعهدته تنفيذاً لقرار أصدره رئيس القضاء الحالي دكتور حيدر أحمد دفع الله. وحسب ما أفاد به المصدر أنَّ رئيس القضاء الأسبق ما زال مسنوداً بقوة من جهات عليا في الدولة لدوره البارز في تدجين السلطة القضائية واخلائها من القضاة المؤهلين بجعلها أداة طيعه و رافداً من روافد المؤتمر الوطني تعمل على تغطية فساده وردع خصومه

السياسيين قضائياً من خلال محاكمات تفتقر لأبسط مقومات المحاكمة العادلة. ويأتي هذا التطور في سياق محاولات رئيس القضاء الحالي بذل الجهد لإعادة هيبة السلطة القضائية التي فقدت مقومات استقلالها في فترة السيد / جلال الدين محمد عثمان بإعتباره عـرَّاب الحركة الإسلامية والمؤتمر الوطني في تدمير السلطة القضائية التي فقدت احترامها لدى المواطن العادي. وتفيد متابعات "الراكوبة" إلى أنَّ قرارات سابقة لرئيس القضاء الحالي في تعيين رؤساء أجهزة قضائية بالخرطوم خلال الأشهر المنصرمة قد اصطدمت بمتنفذين عملوا على ابطالها من داخل الجهاز التنفيذي
بالدولة مما يعني تدخلاً سافراً يُـضاف إلى سلسلسة من التدخلات الموجعة في القضاء.
ولم يتسن للراكوبة التأكد من صحة الخبر من أطراف أخرى، كما فشلت كل محاولات الاتصال بالمفوضية القضائية، (المفوضية القومية للخدمة القضائية، وتعرف بإدارة المحاكم سابقاً)، لإلقاء الضوء على الخبر.

ويعتبر السيد/ جلال الدين محمد عثمان أول قاضي شرعي يتولى رئاسة القضائية في السودان منذ الاستقلال في شقها المدني ومنذ دمج القضاء الشرعي والمدني في عام 1983. إذ ظل ذلك المنصب حكراً على قضاة مدنيين تشربوا قيم ومباديء العدل واكتسبوا خبرات من عدة مدارس قانونية. ومنذ تولي الإنقاذ الحكم في السودان كان للسيد/ جلال الدين محمد عثمان بصفته أمينا عاماً لمجلس القضاء العالي ثم نائبا لرئيس القضاء في الفترة من ( 1989 ـ 2001) اليد الطولى والقدح المعلى ومهندس تمكين الحركة الاسلامية وكوادرها في السلطة القضائية على حساب الكفاءات التي كانت تزخر بها
القضائية. وقام بعملية إحلال كوادر الإسلاميين في السلطة القضائية وعملية ذبح للقضاء السوداني لم يشهدها من قبل.
جدير بالذكر ان جلال الدين محمد عثمان تربع في منصبه كرئيس للقضاء لمدة تزيد على عشرة سنوات (2001-2012)، ليخلفه السيد/ محمد حمد أبو سن في يناير 1013 الى حين تقاعده في أبريل 2014. وخلف الأخير دكتور حيدر دفع الله منذ ذلك الوقت.


تعليقات 35 | إهداء 0 | زيارات 18779

التعليقات
#1273062 [دارفورى اصيل]
0.00/5 (0 صوت)

05-25-2015 11:21 PM
والله سودانى اصيل ده بكسر التلج بصوره ممتازه جدا ولا يهمك تصدق بعدد اتنين خروف تاكلهم فى منتجع الامين الطيب الحرامى البليد ... نحن تانى راجين قرار الرئيس بس ونزاهت الحرامى عارفنها من زمن بشيل البلح والفول السودانى من المكتب لى بيتو لكن صحى الما شاف البحر تخلعو الترعه والماشاف هيبه جلال يخلعو حيدر دفع الله ... بالمناسبه رئيسكم الجبان نكر الخطاب الوارد فى المقال اعلاه نكرو حطب قال ده الامين الطيب سواها براه ماكلمنى ما مشكلتو جبان بنسنس زى النسوان ومابقدر يواجه .. ترقبوا عناوين الصحف فى الايام القادمه الراكوبه براها ماكفايه لنشر وساختكم وقذارتكم ... ملحوظه بالله سكرتيره عوض الحسن رسلو صورتها لسيف الدوله عشان يكتب ليكم مقال مظبوط الراجل كيييييف ومن بدرى متعود على ركوب العربات والخطف ....

[دارفورى اصيل]

#1272615 [سودني اصيل]
4.00/5 (1 صوت)

05-25-2015 10:27 AM
شتان بين هذا وذاك ...لنعمل مقارنة بين البروف ومن سبقوه وناخد راي اهل القانون والمستقلين ونشوف بعد داك الاراء

لانحكم بتعليق من (معا لكشف جلال واتباعه الحرامية )
ولا نحكم بتعليق من (مجرم وافتخر)
نترك التعليق للاستاذ سيق الدولة واهل الركوبة المستقلين والشرفاء

ياخ جلال سيدكم دا ما اخجل من دمو راجل عمرو كم وتمنين سنة ولي يوم الليلة متلصق في حق ما حقو ...احسن امشي اتم عمرو واموت في بيت اهلو واخلي الشباب ذوي الكفاءة والنزاهة انضفو الوسخ الخلاهو دا وبشهادة السودان كلو ودا ما كلامي

لكن فعلا السيناريو الحاصل الان مثل عملية الضبيحة للخرفان
الخروف لامن اضبحو بياخد فترة كدا بفرفر وبعداك بموت

وبقت اسي القضائية زي السلخانة ناس بتفرفر فترة وبتموت بعد داك

اتركو خلق الله في حالهم واتقو يوما ترجعون فيه الى الله
وقال الله تعالى في محكم تنزيله (يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِين
صق الله العظيم.

[سودني اصيل]

#1272204 [معا لكشف حيدر الحرمى]
0.00/5 (0 صوت)

05-24-2015 05:35 PM
البينه على من ادعى واليمين على من انكر اليكم المستندات التى فى طريقها للشعب صوره من عقد صيانه المنزل الخاص بحى الواحه للحرامى حيدر دفع الله ، صوره من عقد الصيانه للمكتب الرئاسى مع الشركه المصريه ، صوره من توجيهات الحرامى الكبير حيدر لتابعه المختل نفسيا وعقليا بجنون السلطه الامين العوض بشراء المنزل بالخرطوم 2 وتفاصيل السمسار صاحب العموله الخمسينيه ، صوره من تقرير المراجع العام بالوضع المالى والتجاوزات الماليه بالهيئه القضائيه ،،حتسكتو ولا نزيدكم .. نخلى الشعب يحكم ونشوف ناس الحكومه رايهم شنو ...ونصيحتى للمرتزقه والتابعين احسن تشوف ليكم حته تتخارجو حيدر ده جبان برميها فيكم و مابخارج الا روحو... لانو رئيس القضاء الجايكم لابرحم ولابخاف ...خليكم حرفاء زى السر صالح فهم اللعبه بايظه واتخارج قبل تقع فى راسو ...نقطه سطر جديد يا سودانى اصيل فى دمو جارى اكل الحرام .. كسره .. اخبار الفكى شنو ... كسره تانيه على عثمان مابحلك كفايه الجابك وورطتو ...

[معا لكشف حيدر الحرمى]

#1272083 [مسلم وافتخر]
2.00/5 (1 صوت)

05-24-2015 01:55 PM
نعم حيدر دفع الله هو اسوأ رئيس قضاء فى تاريخ القضاء السودانى فهو معروف بنفاقه وتملقه بشهاده كل من سبقوه حتى يصل لمايريده والوسيله الدنيئه التى وصل بها لعذا المنصب معروفه استغلاله للاسلامين الذى يتملق لهم رغم عدم انتمائه ذلك الشرف الذى لن يطوله ابدا وفرفره المذبوحين التى يتحدث عنها اتباعه المافونين مايعيشه الان فرغم مانهبوه من المال العام الا ان جشعهم وغبائهم لم يهديهم انهم يركضون وراء جثه هامده فاحت راحئتها النتنه ولم يبقى سوى دفنها لان اكرام الميت دفنه ومن يتحدث عن الاسماء نحدثه عن المستندات والشهود حتى السمسار الذى نال عمولته الخمسين مليونا من مال الشعب ... انتهى عهدكم البائد وينتهى العزاء بانتهاء مراسم الدفن وكفى

[مسلم وافتخر]

#1271603 [الزعيم]
4.00/5 (1 صوت)

05-23-2015 10:34 PM
هههههههههههههه والله كلام اضحك ...انتو بالله ممغوسين كدا من انجازات الرجل الخلوق والنزيه والذي انصف الموظفين قبل القضاة وهو الان يتجول حول الولايات ويتفقد احوال القضاء في كل ربوع السودان يكفي ذلك دليل على انه جاء من اجل اصلاح الفساد في القضائية والمحسوبية والكل معه ونحن كقانونيين مغتربين معه بالدعاء ان يحفظه الله من الحاقدين واعداء النجاح وبقايا النظام الفاسد السابق
والجميع يشهد له بالكفاءة والنزاهة
ولكن عملتوها ظاااااهرة يا اولاد جلال ويا سوداني اصيل والله عرفتهم ههههههههههه وانا كمان عرفتهم بالاسماء لكن السترة كويسة

[الزعيم]

#1271589 [سودني اصيل]
3.00/5 (1 صوت)

05-23-2015 10:16 PM
والله ياجماعة الشريف الرضي ....معا لفضح حيدر و غيركم من الاسلاميين الفلول ...والله بالغتو عديل كدا ..عملتوها ظاهرة يا مرتزقة جلال يا ضايعين
اسي انا لو سكران بصدق انو حيدر حرامي
ههههههههه موتو بغيظكم والدور جاييكم يا مذبوحين
دا عهد الاصلاح اسمو معناها اصلاح الوسخ في العهود السابقة
وشكلو باقي انتو بس لكن الدور جاييكم

[سودني اصيل]

#1271156 [الشريف الرضى]
0.00/5 (0 صوت)

05-23-2015 12:35 AM
شر البليه مايضحك والقضائيه بقت جنينه غفيرها ميت فبعد ان فشل حيدر وعصابتو فى طرد جلال من البيت الحكومى ليس لانهم حريصون على المال العام بل لحرص حيدر على دخول البيت الحكومى قبل قرار عزله المتوقع غضون ايام بقى يسابق فى الزمن وتم عقد صفقه بواسطه ذراعه الايمن القاضى الفاسد الامين العوض الذى حول اموال النظام العام بالجهاز القضائى بحرى لمنتجعات سياحيه بعد اصبحت العقوبات الحديه لقضايا السكر والزنا عباره عن غرامات ماليه ليسخرها لصرفه البذخى والولائم والخرفان التى تذبح كل سبت بمنتجعه السياحى وياكلونها سحتا يدخل فى بطونهم من عرق السكارى والعاهرات المهم انو الصفقه تمت مع سمسار عقارات لشراء فيلا بمواصفات تليق بسكن رئيس القضاء الذى لايخاف الله فى المال العام بحى الخرطوم 2 ليليق والغريبانو السمسارحدد رقم فلكى لعمولته بمبلغ (خمسين مليون جنيه بالقديم طبعا) وتم دفعها له مقدما اضافه للمليارات التى ستدفع لشراء الفيلا ومن ثم تجديدها وتأثيثها وبعيدا عن الماليه وعين المراجع العام الذى اصبح لهم بالمرصاد سحبت الاموال من امانات القضايا المدنيه المعلقه بالمحاكم ( غايتو العندهم قروش فى قضايا محجوز لحقو امات طه ) الغريب فى الامر السرعه التى تتم بها اجراءات البيعه يبدو ان حيدر الحرامى قد ايقن عزله مع التشكيل الحكومى الجديد وداير يخش بيت الحكومه سريع لسببين اولهم حتى يستمتع بالبيت الحكومى اطول فتره ممكنه وثانيا حتى يدارى على الصيانه والتاثيث الذى قام به فى منزله الخاص بحى الواحه ( 800 مليون ) وينوم بيها بعدين والجدير بالذكر ان السلطه القضائيه تملك العديد من المنازل الحكوميه بحى المطار والمقرن والخرطوم شرق خاليه يمكن ان يسكن فيها لو مصر على السكن فى بيت الحكومه قدر ده لكن يبدو ان جشعه للمال العام لم يشبعه رغبته الدنيئه ... ولسه ماخفى كان اعظم بس الشىء المؤسف انو البحصل ده فى الجهه المفروض تطبق القانون وتحفظ المال العام وصدق القال حاميها حراميهاااااا

[الشريف الرضى]

#1270544 [معا لفضح حيدر الحرامى]
0.00/5 (0 صوت)

05-21-2015 01:45 PM
عااااااااااااااجل شيخ حراميه القضاء حيدر دفع الله بعد غلبو يقلع البيت من رئيسه الاسبق يشكل لجنه من عصابتو الامين وعبد العزيز لشراء منزل بسرعه قبل قرار عزله المتوقع ف خلال ايام عشان يقعد فيه ويكنكش زى ماعملو قباله وقد تم تحديد منطقتى الصافيه بحرى والخرطوم 2 للبحث عن فيلا تليق بفخامته وتم تصديق المبلغ المليارى من اموال الامانات المحفوظه من القضايا يعنى اموال الشعب عدييييل بعد ان تم نهب كل الموارد الماليه الاخرى وصفرو حساب القضائيه ... الاختشو ماااااتو عديل

[معا لفضح حيدر الحرامى]

ردود على معا لفضح حيدر الحرامى
[سيل الغلابه] 05-22-2015 11:50 PM
شكرا كاشف الاسرار شكرا كاشف الاسرار..نرجو توضيح الاكثر فالاكثر عن شراء منزل شيخ الحراميه الغلبو يمرق شيخ جلال او بالاصح اسيادو قبل شهور ولازم تترفع الحقايق اول بي اول عن البيت وعن الوسيط بين حيدر وبين البيت وعن الشخص الجديد الذي تربع في عرش القضاء بعد كان ذليل تحت اقدام الشيخ وامثاله يقال له الامين منو مامعروف ولله في خلقه شؤن


#1269893 [زول]
0.00/5 (0 صوت)

05-20-2015 05:27 PM
حالتك قاضي
طيب لو كنت فاضي كان سجلت البيت والعربات باسمك
تفو

[زول]

#1269627 [سوداني حيران]
0.00/5 (0 صوت)

05-20-2015 11:03 AM
الله موجود والقبر قدام والحساب ولد ... منكر ونكير قاعدين راجينه ..... الله موجود الله موجود اسكتوا منو ما تخلوه يشيل حسناتكم

الله موجود والقبر قدام والحساب ولد ... منكر ونكير قاعدين راجينه ..... الله موجود الله موجود اسكتوا منو ما تخلوه يشيل حسناتكم

الله موجود والقبر قدام والحساب ولد ... منكر ونكير قاعدين راجينه ..... الله موجود الله موجود اسكتوا منو ما تخلوه يشيل حسناتكم

[سوداني حيران]

#1269303 [سودني اصيل]
0.00/5 (0 صوت)

05-20-2015 12:25 AM
خاف الله يا كاشف الاسرار .مولانا حيدر معروف بالنزاهة والاخلاق
وهو اكبر من ان يكون تركيزه في العربات والمخصصات
وهو يصلح في ما فسدوه جلال واتباعه

[سودني اصيل]

ردود على سودني اصيل
[سيل الغلابه] 05-23-2015 12:00 AM
انته سوداني اصيل لاكن انته مابتعرف اصاله زاااتو والقال حيدر نزيه بيكون هو نزيه زاااتو اسمو شيخ حراميه يعني النزاهه الجابه هنا شنو ولا انت واحد من الصعاليق الحايمين وراه بي سبعه عربات ديك

European Union [دارفورى اصيل] 05-21-2015 12:18 AM
ههههههه من المعروف بالنزاهه والاخلاق ده بطلو كسير تلج يامرتزقه يامعفنين كلكم حراميه سرقتو البلد ولسه كروشكم مااتملت من المال الحرام حيدر الحرامى ده مثال حى لفساد الانقاذ وفشلها حتى ف قضائها اخد منحه الدكتوراه على حساب زملائهو وشحد ناس جامعه الخرطوم شحده عشان يبقى بروفيسر بالله عليكم ف بروفسير فخرى وكمان مابخجل يوسط فى الفقراء والدجالين عشان يخلوه فى منصبو لانو لسه ماشبع (مدد ياشيخ الطاهر )مدد ..وفى الاخر لمن غلبتو بقى يرسل كلابو يكتبو ف الراكوبه والله قول ليه مابحلك والمال العام الاكلتو ووزعتو لناس قندتو فنايل وكور بخلص الشعب السودانى منك يوم الناس يقيفو عرايا وحفايا ومصيرك تتحلل ويركبوك التونسيه زى غسان وامثاله والله نحن نستاهل اذا قضائنا على راسه راجل جبان وواطى زيك لكن يومك قرب وخلى الفكى ينفعك


#1269120 [أحمد سكاك قطيه]
0.00/5 (0 صوت)

05-19-2015 06:22 PM
إنتو ناس الانغاذ ديل نسوا الآخره , ونسوا الموت ولاشنو ؟؟؟ غير اللغفماعندهم شىء , لاخوف من الله ولامن الموت ,, الله قادر

[أحمد سكاك قطيه]

#1269114 [اكاشف الاسرارا]
0.00/5 (0 صوت)

05-19-2015 06:00 PM
اقسم بالله العظيم هذه حقيقة القضائيه في عهد اللص حيدر دفع الله الذي في بداية عهده واول مانصب رئيس للقضاء بعد انا تجاوز من سبقوه قام بصيانة بيته الخاص علي حساب الدوله بمبلغ 800 مليون بالقديم وصيانة المكتب وتغير الديكور فقط بمبلغ 600 ومستعد لنشر العقد والمستندات التي تثبت ذلك.عاااااااجل...
انقلاب مدني قد يحدث وذلك بعد ان ابدي بعض القضاة رغبتهم في تفيذ اضراب مدني وذلك نسبة للفساد الذي انتشر في السلطة القضائيه عقب تعين حيدر دفع الله رئيسا للقضاء و كشف المراجع العام عن تجاوزاته في نهاية العام الماضي ورفع تقريره لرئاسة الجمهورية ولكن الحكومة ابقت عليه من اجل تمرير اجندتها في الطعون الخاصة بالانتخابات وهو الشخص الذي صدر قرار تعينه وتجاوزو فيه جميع الاعراف الخاصه واتو به من اسفل القائمه كونه ينتمي لقبيلة الجعلين ولعلاقته بالرئيس ومدير مكتبه الفريق طه وصداقته من بوزير رئاسة الجمهورية ونسي والرجل منذ ان تعين وهو يعتمد ع الاعلام وقام بتعين رجل الصحافه السابق والقاضي الحالي قاضي شرق النيل السابق وصاحب الفضائح الاخلاقيه حافظ مسؤل الاعلام والعلاقات العامه ومن يومها ورغم حداثته الا انه يتبجح اعلاميا بانجازات من سبقوه ورغم تبديده للاموال السلطه القضائيه في اعمار منزله الخاص ومطالبته من رئيس القضاء الاسبق باخلاء المنزل لكي لا يعلم احد بالصيانه علي حساب الدوله التي قام بها لمنزله الخاص اسطول السيارات الذي قام بشرائه لشخصه عددا واحد لاندكروزر موديل 2015 وعدد واحد كامري موديل 2015 وعدد واحد بوكس دبل كاب للمنزل موديل 2014 وعدد واحد مرسيدس موديل 2014 بالاضافه لسيارتين لكزس وبي ام دبليو من سلفه والمعروف عن الرجل حبه للاعلام و الكذب المفرط وعدم احترامه لسلفه فبالرغم من ذلك قام بارجاع القضاة الذين عملو بجهاذ الامن امثال القاضي محمد مختار واعادتهم للسلطه القضائيه وذلك من اجل تثبيته لقربهم من الحزب الحاكم ولارضائه وذلك رغم ان قواعد وقانون السلطه القضائيه يمنع قضاة المحاكم الخاصه بالتواجد ضمن اصطاف رعاة العدل وقضاة الحق ...
ولم يكتفي بذلك فقط بل قام بتعين اصدقائه من قضاة المحكمه العليا الجدد في مناصب قياديه بالسلطة القضائية امثال القاض الامين العوض رئيسا لجهاز القضائي لشرق النيل والذي قا بانشاء منتجع خاص لرئيس القضاء في الجيلي بقطعة ارض خصصها اهل المنطقه لبناء محكمه خاصه بهم وذلك رغم ان سلفهم بالسلطة قامو بانشاء محكمة شرق النيل والتي لم يتمكنو من تاسيسها ولذلك لتبديدهم الاموال في النزوات الشخصيه..
ولم يكتفي بذلك فقط بل قام ايضا بتعين احد اصدقائه مؤخرا رئيسا عام لادارة المحاكم وتجاهل قضاة المحكمه العليا القدماء وهذه ليست الاولي له فقد قام بالتخلص من جميع قضاة المحكمه العليا من هم اقدم واحق منه امثال مولانا ابوقرون ومولانا النعيم ومولانا شرفي ومولانا برعي ومن المفارغات انه اعفاهم وقام بالتعاقد مع قضاة قدم من هم ليسو ذوي نهم ورغبة بالسلطة الامر الذي ادي الي هجرة عدد كبي من القضاة و ادي ايضا الي غضب معظم القضاة من ذوي الشرف والغيرة علي قضاء السودان..

[اكاشف الاسرارا]

ردود على اكاشف الاسرارا
European Union [سودانى وبس] 05-21-2015 12:26 AM
اختلفو الحراميه وبقو يفتو ورقهم هههههههه دى نهايتكم يامعفنين كمان قال امرر الكلام على الزملاء هو رئيسك ده كان راجل مايفضى بيت الحكومه الحارقو ده ويستلم السيارات البقولوها ومابتخجلو جايين تنشرو وسخكم ف الراكوبه نحن ناقصين قرفكم يامعفنين... قضاء وسخان ومرتشى وفاسد ورئيسو حرامى وجبان

European Union [خبير قانوني] 05-20-2015 12:04 AM
ااضافة اخرى يا كاشف الاسرار
انت كشفت سرك وسر جلال وشرفي وشرفي التاني وكل المذبوحين وفرفرة المذبوح شينة والله
لكن الحياة كدا ربنا دايما بنصر الحق ويعز من يشاء ويذل من يشاء ....
واهو من شئ اصبحتو لا شئ اتركو خلق الله في حاله وخافو حساب يوم القيامة من كلامكم دا .

بكرة حشيل تعليقك ان شاء الله ونمررو على الزملاء في القضائية لنقضى وقتا من الضحك على المذبوحين

ان شاء الله بس دفعو ليك كويس ولا انا بقترح انو اعزموك عشاء في مطعم ولد جلال الدين
المطعم الشهير في الخرطوم (بيتزا كورنر ).

ولا اهدوك عربية تويوتا 2015 من التوكيل الخاص من لولدو برضو

ولا اجيبو ليك شركة المها للتنظيفات وادخلوك شريك معاهم رايك شنو ولا شركة اسبيرات العربات ولا ولا وات

ولا انا بقترح كمان تسأل استاذ سيف الدولة بوريك افضل حاجة ممكن تشاركهم بيها شنو


#1269029 [adil a omer]
5.00/5 (1 صوت)

05-19-2015 04:05 PM
يا اخوانا يمكن الراجل اتحلل ولا يكون ساح عديييييل كده

[adil a omer]

#1268900 [عبد المنعم ابنعوف]
0.00/5 (0 صوت)

05-19-2015 02:05 PM
اخى سمير تحياتى واشواقى الحارة كنت شاهد على مافعلوه بالعالم الجليل محمد محى الدين عوض وفى ندوة بعيدا عن السياسة قال ان الشريعة صعب تطبيقها وفرضها فى بلد كالسودان لانه متعدد الاعراق وبلد شاسع يجمع كل الديانات تقريبا ويجب التطبيق تدريجا بمعنى يمكن ان تبدأ بالشمال ثم دارفور ان سمح الامن فيها وهكذا ولكنهم ارادوا ابعاده بحجة كبر سنه وكان ممكن تكريمه واحترامه بما يليق به وبما قدمه للسودان اكثر من مصر سعينا فى منحه قطعة ارض وبنائها مع الجنسية وتدرى ان هذا الرجل بدأ التأليف والكتابة فى قوانيين السودان منذ الاستقلال وحتى قدوم هؤلاء الانقلابيون وكان التعامل معه بايخ واشبه بالطرد ولم نستطع تقديم اى شىء له وسافر لوطنه مغبونا ولم تعلق على واقعة هنرى رياض وهو لايختلف عن دكتور محمد محى الدين لكنه مسيحى وهكذا يتعامل اهل الانقاذ مع الكتابى بهذه الصورة والسلام عليكم ورحمة الله وبركاته

[عبد المنعم ابنعوف]

#1268810 [Dongulawi]
3.63/5 (4 صوت)

05-19-2015 12:50 PM
جلال قاضي الحيض والنفاس المزوراتي .. كان ما بلد هاملة ببقى رئيس قضاء وكمان يسكن بيت حكومة .. ده عايز ليه عود 7 بوصة

[Dongulawi]

ردود على Dongulawi
[سيل الغلابه] 05-23-2015 12:53 AM
الا ليت ايام شيخ جلال يعود يوما**فاخبره بما فعل الهلاليه والحراميه بالقضاء


#1268773 [جنو منو]
4.50/5 (4 صوت)

05-19-2015 12:14 PM
مازى ما الزبير والى الجزيره السابق اولاده ساكنين فى بيت حكومى من بيوت جامعة الخرطوم
الى الان .. قال أنا ذاتو أحرن وعمارتى مؤجره مافى كوز أحسن من كوز كلنا كيزان .. اشمعنى أنا ..

[جنو منو]

#1268761 [اللدر]
4.00/5 (2 صوت)

05-19-2015 12:01 PM
الدولة مدياهو كم سيارة ؟ جاء فى متن الخبر السيارات الحكومية التى فى عهدته.


السنوات التى اقام فيها فى المنزل الحكومي وكذلك السيارات التى إستخدمها خلال هذه الفترة منذ تقاعده والى الان تحسب قيمتها الايجارية كاملة وتضاف الى خسائر البلد.
تاني شال مننا شنو ؟؟ عشان نضيفه على الخسائر العامة.

[اللدر]

#1268759 [اولاد الهرمة]
4.25/5 (3 صوت)

05-19-2015 11:59 AM
يا جماعة قلنا ليكم زول يكورك لي مولانا سيف الدولة تخصص جلال

[اولاد الهرمة]

ردود على اولاد الهرمة
[سيل الغلابه] 05-23-2015 10:06 AM
طز فيهو يعني يطلع اي جزمه من الجزم سيف الدوله ده


#1268724 [المتنبئ]
4.50/5 (2 صوت)

05-19-2015 11:28 AM
صورة مع التحيه والتقدير للأستاذ/سيف الدولة حمدنا الله

[المتنبئ]

#1268688 [محمد سيف]
4.00/5 (2 صوت)

05-19-2015 10:34 AM
اذا لم يكن رئيس القضاة كان يمكن ان تكون مقبولة ولكن ما بالك باعلي سلطة يفترض ان تطبق الشريعة التي ينادون بها حتي علي نفسها ولكن ماذا نرجو من منافقي هذا النظام غير النكران والجحود والكفر بمقدسات المسلمين واولها تطبيق شرع الله .. والله ينتقم منكم

[محمد سيف]

#1268681 [جنوبي]
4.75/5 (4 صوت)

05-19-2015 10:27 AM
بعد بيعتوه دينه بي دنيته كمان دايرنوا يتنازل ليكم عن دنيته ؟!! يطلع سلاق بيض سااااي يعني ؟!!

[جنوبي]

#1268674 [محمد علي]
0.00/5 (0 صوت)

05-19-2015 10:18 AM
لو سمحتو يا ناس الراكوبة .. الما عندو علاقة بالقضاء(ما يفتئ) يقرأ بس عشان يستمتع بى دق الصفائح ونشر الفضائح... و عجبنى تعليق أبو قرجة قال ليكم دي خرخرة عديييييل كده هههههههاي .. ههههه .. ههه..هه.هه.(لما الشاي مرق بى نخري).إبداع والله إختصرت الموضوع كله وشرحتو يا بو قرجه.

[محمد علي]

#1268566 [A. Rahman]
4.00/5 (4 صوت)

05-19-2015 08:41 AM
من حق جلال محمد عثمان ان يرفض الاخلاء و إرجاع السيارات، فهو لم يشغل المنزل و يستمتع بالسيارات بصفته رئيساً للقضاء، بل بصفته احد كبار لصوص الموتمر الوثني، و قام بعمل جبار في توسيخ الهيئة القضائية، بل كان من كبار تجار الاراضي فيها هو و ابنه. زول عمل دا كله يجوا يطلعوه من حتة بيت و شوية عربات؟

[A. Rahman]

#1268555 [أبوقرجة]
4.00/5 (2 صوت)

05-19-2015 08:34 AM
والله دي خرخره عديل كده ..... هههههههههههههههههههههههههههه

[أبوقرجة]

#1268549 [عبد المنعم ابنعوف]
5.00/5 (4 صوت)

05-19-2015 08:28 AM
هى المسألة زى ماقلت تمكين فى تمكين ولاننسى قصة العالم هنرى رياض سكلا الذى كان له القدح المعلى فى وضع قوانيين السشودان وتنقيحها ورفدها بالمفيد والجيد من الاصدارات رغما عن كونه كان مسيحيا وعندما جاءت الانقاذ رفدوه ثم اخلوه من بيته بالقوة الجبرية وهو لايملك دار طوال مدة خدمته فى القضائية والمنظر الاسؤ انه جلس مع عفشه امام المنزل وكل من يسأله يقول ( امشى وين ) ثم لاننسى د محمد محى الدين عوض الذى تتلمذت على يده وكتبه المشهورة ( القانون الجنائى السودانى والاجرؤاءات الجنائية السودانية) بالشرح المستفيض رغما عن ذلك طردوهو وحاربوه لانو قال رأيه فى الشريعة - لكن الآن يمكن يسجلو البيت لى جلال لانو من تمكن ومكن غيره من الاسلامين الذين يدعون الاسلام ويسترزقون من تحت غطاؤه ولكن لكل اول آخر

[عبد المنعم ابنعوف]

ردود على عبد المنعم ابنعوف
[سمير الحسين / كســــــــــــلا] 05-19-2015 12:38 PM
السلام عليكم أخي و زميلي عبد المنعم ابنعوف وددت أن أعلق على بعض ماجاء بمداخلتك بما عندي و أنا شاهد على ذلك ( د محمد محى الدين عوض الذى تتلمذت على يده وكتبه المشهورة ( القانون الجنائى السودانى والاجرؤاءات الجنائية السودانية) بالشرح المستفيض رغما عن ذلك طردوهو وحاربوه لانو قال رأيه فى الشريعة ) من المعلوم لكثير من القانونيين السودانيين حجم أفضال العالم الجليل و بحق الأستاذ البروفيسور محمد محي الدين عوض فقد قدم للمكتبة السودانية القانونية أكثر مما قدم لها السودانيين تأليفا كما درس بجامعتي القاهرة بالخرطوم و أمدرمان الإسلامية و ساهم في لجان معاينات القضاة بالهيئة القضائية منذ عهد بعيد قد .
تشرفت بأن كنت أحد طلابه الجامعيين و فيما بعد ذلك . بحق الرجل يتجنب السياسة الى أبعد الحدود إلى القدر الذي لايمكن أن يبدي رأيا حول موضوع تتداخل فيه السياسة مع القانون , فقد طلبت منه المشاركة في سمنار علمي عن التعديلات الدستورية المقترحة في فترة مايو الأخيرة لكنه رفض و قال لي ( يا إبني القانون لما يختلط بالسياسة ما يبقاش قانون - لذا لا أستطيع )

أما عن سبب مغادرته السودان وفقدنا له فهذا يرجع لسياسة الجامعة آنذاك و محاولاتها للتطوير و ضم العناصر الجديدة كدماء حارة يمكنها أن تسهم في تحقيق أفضل النتائج مع الأخذ في الإعتبار أن قدامى الأكاديميون لايسعون لتطوير الذات , و هذا هو رأي إدارة الجامعة آنذاك و إن كنت أخالفم و لو على سبيل الإستثناء لهذه القاعدة فيما يتعلق بهذا العالم الجليل .

أما عن موضوع المقال , فإن جلال الدين هذا و ذاك المتوفى بن لطفي هم ركائز و دعامتين أفستدا القضائية حبا في المال و خوفا من بطش النظام الفاسد , إذ يكفي أن لجلال محمــــد عثمان أمنا و جواسيسا يأتونه بكل صغيرة و كبيرة عن أي قاض حيث لايجتمع أو يقابل قاضي إلا و ملفه أمامه و يبداء له بالأسئلة عن تفاصيل خاصة . لعنة الله عليه وعلى النظام من صغيره إلى كبيره البشير و من قبله الترابي .


#1268529 [عسولة]
5.00/5 (1 صوت)

05-19-2015 08:01 AM
من حق مولانا جلال ان يتمتع بمنزل الحكومة وعرباتها حتى بعد تقاعده لان هذا تقليد سائد حتى عندنا لكبار ضباط الجيش والامن احرام على بلابله الدوح حلال على الطير من كل جنس ؟

[عسولة]

ردود على عسولة
European Union [A. Rahman] 05-19-2015 12:06 PM
هذا ليس تقليدا سائدا عندنا، لكن جابوه المعر*** ديل مما خلوا سوار الدهب قاعد في بيت الحكومة زمن طويل الى ان اغتنى و البيت بقى "اقل من مستواه" الكلب. من اول قايد للجيش احمد محمد انتقل لبيته في بحري، و عبود لبيته في العمارات شارع كم و أربعين، و الخواض راح أهله في شندي، الى زمن الباقر انتقل لبيته في بتري، و عِوَض خلف الله لداره في مدينة النيل، و كذلك عبد الماجد، و فوزي لداره في توتي، سامع يا الأسماك عسولة؟ اما التقليد الذي تتحدث عنه فلم يحصل الا في زمن هؤلاء المعرصين.

[تأشيرة خروج] 05-19-2015 10:40 AM
اول مرة اشوف لي جدادة عسولة

Russian Federation [:::بيكو::] 05-19-2015 09:07 AM
يتمتع بعربات الدولة بفهم ما بالقوة والقلع!
يعني ياعسولة الشغلانة ماهاملة


#1268521 [shah]
4.25/5 (5 صوت)

05-19-2015 07:45 AM
يطلع منو ليه ؟... مش حقو؟ ... قلعوا بى إيدو من مال الشعب السائب؟ ... الم يعين قاضيا وعمره 17 عاما حسب شهادة ميلاده المضروبة؟ يمكن بعدين يشيل مفتاح البيت ومفاتيح العربات معاهو للآخرة.

[shah]

#1268508 [يا خبر بفلوس]
4.00/5 (2 صوت)

05-19-2015 07:25 AM
هذا الامر يحتاج لمقال توضيحي من مولانا سيف الدولة .. ما تستعجلوا

[يا خبر بفلوس]

#1268498 [كنفوي]
4.50/5 (5 صوت)

05-19-2015 06:55 AM
يا مولانا حيدر من فساد جلال كله ما لقيت غير انك تطالبه باخلاء البيت عشان تسكن فيه انت ؟؟ عشان تثبت انك رجل صاح اول حاجة عليك ان تسترجع بيت الرياض السجلو جلال في اسمه واشتراه بقروش القضائية وبعدين تفتح تحقيق في باقي الفساد من مباني وعربات وعمولات وكلها حاجات معروفة للقاصي والداني

[كنفوي]

#1268495 [Avocato]
4.50/5 (2 صوت)

05-19-2015 06:34 AM
يا حيدر دفع الله كلم ليه صاحبك سيف الدولة والله يطلعوا ليك يخليه يجري جري

[Avocato]

#1268493 [اولاد الهرمة]
5.00/5 (5 صوت)

05-19-2015 06:32 AM
جلال ليس وحده .. القضائية كلها لصوص .. عبدالمجيد حرامي مدني وأسامة حسن ويحي الحلفاوي ويحي الترس الجابوه لجهاز الخرطوم.. كلهم أبناء جلال .. والله فساد القضائية يوازي فساد بقية أجهزة الدولة كلها .. بس مغتغتة ..

كلكم عفن ومرتشين

[اولاد الهرمة]

ردود على اولاد الهرمة
European Union [برعي] 05-19-2015 09:15 AM
كلام صاح ، من افسد الهيئات في السودان ، بس شغلهم منظم وبتاع ما فيا من ايام نميري ، وفي عهد الانقاذ كملت الناقصة.


#1268441 [mazkoom]
5.00/5 (2 صوت)

05-19-2015 12:44 AM
كبيرهم الذي علمهم السحر بس يمشي وكله بيتصلح مادام البشكير قاعد عمرها ماحاتنعدل ولو عملتوا شنو داك.

[mazkoom]

#1268439 [كاسـترو عبدالحـمـيـد]
5.00/5 (4 صوت)

05-19-2015 12:39 AM
كل ثلاثة قضاة , أثنان منهم فى النار .

[كاسـترو عبدالحـمـيـد]

ردود على كاسـترو عبدالحـمـيـد
[mabo] 05-19-2015 09:01 AM
بس عندنا التلاتة فى النار وجلال فى اسفل جهنم


#1268428 [العطار]
5.00/5 (1 صوت)

05-18-2015 11:50 PM
ست الودع ارمي الودع لي كشكشي بالامس كنا نتحدث عن هيبة الدوله واليوم عن هبة الدوله يامدير القانون انت لو دست قرارات الدوله تحت جزمتك نحن نموت يعني وهنا المحك يا مولانا حيدر ونحن علي بعد ايام من العهد الجديد اثبت لينا جدارتك يا الزول ده ينفذ
القرار يا قدم استقالتك

[العطار]

ردود على العطار
European Union [الاسود] 05-20-2015 08:45 AM
شوفو يا شباب الكلام الانتو بتقولوه دا لا يقدم ولا يأخر للبلد والكلام في الناس غير انه يحملنا واياكم الذنوب لا يزيد من ذلك اما ان تقومو وتتحركواو تتركو حيدر دفع الله وتتركو جلال في حالهم وان لم يحاسبو من طرف الدولة فهناك خالق يحاسبهم يوم لا ينفع منصب ولا مال، فشوفو شغله تاني غير الكلام الذي لا معنى لهم وشوفو اشغالكم احسن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة