( ماسورة )
( ماسورة )


05-19-2015 01:23 PM
الطاهر ساتي

:: لمشاهير الغرب - في مختلف ضروب الحياة - مشاريع وأعمال خيرية تستلهم أهدافها من (تجاربهم الخاصة) .. على سبيل المثال، لأشهر علماء الطب النفسي، الدكتور فيل، مؤسسة خيرية تعمل في مجال صحة الطفول.. ولنجم كرة السلة العالمي كوبي براينت منظمة خيرية تعمل في مجال دعم ورعاية الأسر المتعففة.. أما نجم موسيقى الروك العالمي جون جوفي، فله مؤسسة خيرية يساهم ريعها في توفير الغذاء للمتشردين .. ولنجم الكوميديا تايلر بيري مؤسسة خيرية تخدم الشباب الذين بلا مأوى .. وهكذا.. والجدير بالتأمل إنهم مروا بتجارب ودروس مؤلمة في مرحلة ما قبل (الشهرة والثراء)، ولذلك سخروا منظماتهم الخيرية لصالح من يمرون بذات التجارب والدروس ..!!

:: ولذلك، في سبيل الإستفادة من تجارب الآخرين لإثراء الساحة السودانية بأعمال الخير، إقترح للأخ الدكتور ربيع عبد العاطي، الخبير الوطني و القيادي البارز بالحزب الحاكم، بالشروع في تأسيس مؤسسة ربيع الخيرية لمكافحة الدجل والشعوذة.. فالرجل - حسب صحيفة الصيحة الصادرة بالأمس - تعرض لإحدى عمليات الدجل والشعوذة والإحتيال من عصابة (تنزيل الأموال).. إتصل به ثلاثة أجانب ينتسبون لدولة إفريقية، ودعاهم إلى مكتبه و أكرمهم، وصلوا معه الظهر والعصر، ثم أقنعوه بقدرتهم الخارقةعلى إستثمار أمواله، فسلمهم - عداً، نقداً - مبلغ (68.000 جنيه)، فلاذوا بالفرار ..( مسكوه الماسورة)، أي خدعوه بلغة الشباب ..!!

:: وبالمناسبة، في ذات الصحيفة، أجرى الخبير الوطني تعديلاً في الحدث وقال بالنص الغريب : ( ثلاثة أفارقة زاروني في المكتب بعد أن تحصلوا على رقم هاتفي من أحد الأشخاص، وتعرفوا بي و صلوا معى الظهر والعصر، ثم طلبوا مبلغاً لإستثماره وذكروا أن لهم عفش في الميناء ويجب تخليصه، ولذلك سلمتهم المبلغ - 68.000 جنيه - و عندما لاذوا بالفرار دونت بلاغاً ضدهم في قسم شرطة العمارات)، هكذا تعديل الحدث بلسان الخبير الوطني في الشأن السوداني وربما (دول سيكافا).. وعليه، بعد التأكيد على أن ( عفش الدجال داخل الميناء على مسؤولية صاحبه)، نسأل أولى الألباب : كيف لإنسان بالغ وعاقل و راشد - وكمان خبير وطني - أن يُسلم مبلغاً كهذا لأشخاص لايعرفهم ولا يعرف لهم عنواناُ، والأدهى - حتى - ليسوا من أبناء شعبه، ليستثمروه ..؟؟

:: المهم.. نفهم أن يقع البسطاء من عامة الناس فريسة للدجل والشعوذة والإحتيال من قبل بعض ضعاف النفوس الذين يحترفون (الخداع والدجل).. قد نجد العذر للبسطاء لحين يتعلموا ويكتسبوا المعرفة التي تبين لهم الحلال والحرام وما بينهما من أمور مشتبهات.. ولكن، كيف نفهم أن يتعلق قلب وعقل رجل بقامة خبير وطني و أستاذ جامعي بمثل هذه العمليات المخالفة للشرع والمتناقضة مع العقل؟.. نعم، رجل في قامة ومقام ربيع يرجى منه أن يكون (قدوة مجتمع )، فالرجل سياسي وإعلامي و أستاذ جامعي وخطيب مسجد، أي يُرجى منه أن يعظ الناس و يخاطب عقولهم ويجنبهم شر الدجل والشعوذة والإحتيال .. ونأمل أن يكون هذا درساً، ليتعلم منه ربيع شخصياً ثم يكون الدرس نواة لمؤسسة الخبير الوطني لمكافحة الدجل والشعوذة..!!
[email protected]


تعليقات 73 | إهداء 0 | زيارات 12172

صفحة 1 من 212>
التعليقات
#1270130 [اتجاه واحد]
0.00/5 (0 صوت)

05-21-2015 03:50 AM
هههههههههههه
التحية و الاجلال للحرامية ديل. و الله انتوا الخبراء. رجال و الله.
هههههههههه

[اتجاه واحد]

#1270080 [كاره ابو الكيزان]
0.00/5 (0 صوت)

05-20-2015 11:37 PM
انتو قايلين العفش العفشو بي دا موبيليا ؟ دي مخدراااات كلهم شغالين في الشغلا دي البلد عدمانة التعريفة انتاج مافي بترول بح القصور والعربات الفارهه دي يجيبوها منييييين

[كاره ابو الكيزان]

#1270003 [kumi]
0.00/5 (0 صوت)

05-20-2015 08:33 PM
كلامك صحيح يا جنوني لو فعلا قالو ليه عندهم عفش في الميناء زي ما هو قال خبير بقامته ما كان يسال من الورق بتاع البضاعه ده ابسط حاجه يعملها الولد الصغير خليك من الناس الكبار ده كلها الاعيب الموتمرجيه الوسخانين الدجالين مافي زول يصدق كلامهم ولا ننشغل بجنس الترهات اللمعندها معني دي علينا ان نسخر كل نفكيرنا و اجتهاداتنا في اقتلاع هذا السرطان من السودان و من جسم الشعب غير كده ما شايف في حاجه تاني ابقوا زي الاشاوس الموجودين في الارض المعارك

[kumi]

#1269837 [خالد حسن]
5.00/5 (1 صوت)

05-20-2015 03:36 PM
اصلي ورا شارون ولا اصلي ورا بعرة الغنمايه ده
قال امام قال .. الصلاة خلفك باطله بفتوي مني انا وغير عضو في هيئة علماء الحيض والبيض
زول قال المواطن دخله 1800 دولار بالكضب اصلي وراه
انت زاتك ماعندك موضوع الصدقت كذبة الدجال ده

[خالد حسن]

#1269822 [منير البدري]
0.00/5 (0 صوت)

05-20-2015 03:02 PM
انا خاتي احتمالين

الاول عبعاطي ده اكون كضاب

الثاني اليوم داك اكون كان الجو نايروبي يعني اروبي

و ضرب لي سجارة قوية كافن دبي ، اها يلا و الناس ديل عارفين
الحكاية دي و دخلوا عليهوا في الوكت ده ، يلا مع السطليبة القوية دي

سرح بخيال المسطول و داير الثمينة اموال مضاعفة دولارات و و و و و

قال خبير !!!!!!!!
في خبير في الدنيا بدقس دقسه زي دي

و يذهب الحرام من حيث اتي يا لص يا منافق يا مسطول يا عبعاطي يا متعاطي

[منير البدري]

#1269803 [مندهش]
0.00/5 (0 صوت)

05-20-2015 02:39 PM
ههههههههههههههههههههههههههههههاهههههههههههههههههههههههههها .... ده مش طلع ماسوره ده طلع الاسد ذاتوا

[مندهش]

#1269793 [Fahim]
0.00/5 (0 صوت)

05-20-2015 02:24 PM
يا أخونا هو العائلة بتاعتهم كلها وسخانة ده قبيح عبد الواطى أخو عمر عبد الواطى الكوز الغواصة السرق الانتفاضة مع ناس سوار العفن وبقية المعصابة القذرة - الله يعينك يا شعب سودان يا أجمل ناس .

[Fahim]

ردود على Fahim
[اندروس] 05-20-2015 04:46 PM
اهو بالله اخو عمر عبدالعاطى المحامى الواطى ؟؟؟؟ فعلا الطبيعة جبل زي ما بتقول حبوبتى


#1269780 [ابودعد]
0.00/5 (0 صوت)

05-20-2015 02:05 PM
تمانية وستين قاعدة في الدرج ؟؟ طيب في البنك كم وفي البيت كم وبره كم؟؟؟ أدعو جميع حرامية السودان يركزوا علي الزول دا أكيد في البيت في كمز وريحوا خلق الله التعبانين تكونوا قدمتوا خدمة للوطن (مرة في عمركم عليكم الله)

[ابودعد]

#1269757 [الطاهر على الريح]
0.00/5 (0 صوت)

05-20-2015 01:31 PM
أعتقد صلاة الجمعة خلفه ستكون موضع شك فى قبولها وأستطيع أن أقول اِنه ستيرك اِمامة الصلاة فى مسجد جبرة

[الطاهر على الريح]

#1269749 [خالد الكردفاني]
0.00/5 (0 صوت)

05-20-2015 01:22 PM
لا حول ولا قوة إلا بالله العلي العظيم. بالله دا أستاذ جامعي وكمان خطيب مسجد اللهم لا نسألك رد القضاء ولكن نسألك اللطف فيه. خبير وطني (دا حق الكيزان ما عندنا بيهو شغلة) لأنهم كلهم فاقد تربوي ومنحوا درجات علمية وهم أبعد ما يكونون لكن إمام مسجد دي يفهموها كيف
هههههههههههههههو الله شر البلية ما يضحك عجببببببببببببببببببببي

[خالد الكردفاني]

#1269728 [قورو فايده]
0.00/5 (0 صوت)

05-20-2015 12:59 PM
غايتو يااستاذنا " اهل العوض" لو كنت جادى فى تعليقك بانو ربيع كان يسعى لتحسين وضع الجنيه السودانى ؟ ثم فشلت التجربه تكون تكون حمااأ......عديل وليك أضنين كبااااار !!!!!!!

[قورو فايده]

ردود على قورو فايده
[اهل العوض] 05-21-2015 02:24 AM
معقولة ودي تجي كيف يا( قورو فايده) باين عليك من توتو ماتا سكنو فلاته لك تحياتي يا ظريف


#1269711 [صابر محمد صابر]
0.00/5 (0 صوت)

05-20-2015 12:39 PM
الدكتوووووووووووووووور ((( ربيع عبد العاطي))) في أي جامعة تخرج ؟؟؟ ومن الذي أشرف على الدكتورررررررررررررررررررررررررراه بتاعتو ؟؟

هههههه عجبي ... من أين أتى هؤلاء ؟؟!!!

[صابر محمد صابر]

#1269682 [ابو ساري]
0.00/5 (0 صوت)

05-20-2015 11:54 AM
لماذا لا ينهار السودان اذا كانت دي العقول الحاكماهو؟؟؟؟؟؟؟؟؟؟!!!!!!!!!!!!!!!!!!

[ابو ساري]

#1269668 [اكرم]
0.00/5 (0 صوت)

05-20-2015 11:43 AM
رجل في قامة ومقام ربيع يرجى منه أن يكون (قدوة مجتمع )، فالرجل سياسي وإعلامي و أستاذ جامعي وخطيب مسجد، أي يُرجى منه أن يعظ الناس و يخاطب عقولهم ويجنبهم شر الدجل والشعوذة والإحتيال .

الراجل دا خطيب مسجد كيف ، والله ربيع دا لو بقى خطيب لى جامع تكون دى كبيرة دى الماسورة الجد جد .
ربيع مدخن شرش للسجائر ... وشخصيه غير متسامحه ... ماجنه ممكن تعمل اى حاجه عشان ترضى غرورة . واكبر دليل الاحتيال الاخير دا .
بس فكرة ربيع خبير دى زااااته فيها وقفه

[اكرم]

#1269590 [محمد علي]
2.00/5 (2 صوت)

05-20-2015 10:31 AM
والله كلام... يسرقوا ال.....؟

ما دايرالك السرقة أم قروشاً شح...
دايراك يوم كجور بى خراك تتمسح..
شيخك مسلوب وفى العرق يكتح..
أحيَّ علي الناس أم حقوقاً تح..
...
مو سيدالبكار بس تجارتو تيوس..
ود التك ربيع أب ذكراً دوام منحوس..

[محمد علي]

#1269578 [عبدالمنعم العوض]
5.00/5 (1 صوت)

05-20-2015 10:20 AM
اللهم استرنا ولا تفضحنا

[عبدالمنعم العوض]

#1269572 [اهل العوض]
5.00/5 (5 صوت)

05-20-2015 10:15 AM
كل الخبراء والمستكشفين والمخترعين يصادفون الفشل . الدكتور ربيع كان يريد ان يقوي اقتصادنا بطريقه غير تقليديه وقد جازف بحر ماله في تجربه محفوفه بالمخاطر لكن حبه لوطنه دخل التجربه وتخيلوا معي لو نجح التنزيل وتضاعفت الاموال . وبدا ربيع ادخال التجربه هذه حيز التنفيذ علي الاموال في البنك المركزي . في غضون ايام سوف يساوي الجنيه 1000 دولار ونضرب اقتصاد اجعص دوله وبذلك تكون انتهت مشكله انهيار الجنيه

[اهل العوض]

ردود على اهل العوض
United States [الفطقي] 05-20-2015 01:40 PM
هو أصلا عارف أن المسألة دجل وشعوذة ونسبة لأنه خبير لذلك كانت فكرته إثبات التجربة عمليا حتي لا يدعي كل شخص مثل هذه المقدرات (بيان بالعمل زي ما بقولو ناس الديش) .. ويحمد له أن المال المستخذم للتجربة العامة هذه كان من حر ماله وليس من الخزينة العامة هاهاهاهاهاااااااي يكا


#1269524 [ود الفنكوك]
4.50/5 (2 صوت)

05-20-2015 09:48 AM
إنه خابور وطني وليس خبيرا .

[ود الفنكوك]

#1269473 [السندباد]
5.00/5 (1 صوت)

05-20-2015 09:16 AM
(ربيع تنزيل ) !! انت شفت حاجة؟ لسه الجاييكم اكبر لما نرمي صنمكم زي صنم (الشهيد صدام) -مع الاختلاف البين بين المشبه والمشبه به - وتاخدوا بالجزمة زي القذافي ؛وقتها ما حنخليكم تهربوا زي بن علي ، بص صبركم!!

[السندباد]

#1269469 [الحقاني]
5.00/5 (1 صوت)

05-20-2015 09:12 AM
لمن يدعون التدين من اتى دجالا او عرافا فصدقة لن تقبل صلاته اربعين يوما
حسبي الله ونعم الوكيل في كل تجار الدين واعداء الدين

[الحقاني]

#1269454 [اب الرقاص البشير]
5.00/5 (1 صوت)

05-20-2015 08:54 AM
احلفكم يا ناس الراكوبة ان تكلموا القيادة السودانية بعد سقوط حكومة الكيزان ان تسلموني ربيع عبدالعاطي ... عشان اوريكم بسوي فيه شنو....

[اب الرقاص البشير]

#1269443 [hanankokoabas]
5.00/5 (1 صوت)

05-20-2015 08:47 AM
.( مسكوه الماسورة)،دة ركبوه ماسورة

[hanankokoabas]

#1269428 [النبيل]
5.00/5 (2 صوت)

05-20-2015 08:32 AM
كلب حقير سافل ملوع هبيل خنزير زبالة وسخ عفن **** معتوه حرامي كضاب تاجر دين إلخ

[النبيل]

#1269420 [m. ayyoub]
4.50/5 (2 صوت)

05-20-2015 08:20 AM
ونحن بدورنا نتساءل يا حضرة الصحفي الهمام الطاهر ساتي
"كيف لصحفي مثلك أن يصدق أن هذا العبد العاطي خبير"

أعتقد بأن الدولار (أبوصلعة) وراء الموضوع وهو الذي ذهب به للماسورة...

[m. ayyoub]

#1269404 [الراصد]
3.00/5 (1 صوت)

05-20-2015 07:54 AM
هههههههههههههههههههههههههه... والله بنشرتوا بالبارد...

[الراصد]

#1269363 [ود اب زهانه]
5.00/5 (3 صوت)

05-20-2015 06:28 AM
عليك الله ياربيع شوف كترة التعليقات شمتانه فيك عرفت كراهية الناس ليك سببها قلة ادبك وعدم احترامك وكذبك وتزويرك للحقائق آخرها علي ابو عيسي اللي ماتجي ضفر من كقامه وتاريخ واسره فعليك الله راجع نفسك وتوب الي ربك الناس دي يومها التنقلب وشكلك معروف ومكروه بقطعوك حتت

[ود اب زهانه]

#1269349 [سكران لط]
5.00/5 (3 صوت)

05-20-2015 05:17 AM
انتو ايه حكاية التخليصات الواقعين فيها الجماعة ديل ببوزم شي تخليص بضاعة وشى تنزيل وشي تاجير طيارات تجيب قروش!!

[سكران لط]

#1269294 [لاهاى... هاي]
4.50/5 (2 صوت)

05-19-2015 11:43 PM
دي ماسوره مربعه مقاس 8*16

[لاهاى... هاي]

#1269200 [عوض الله جابر]
4.33/5 (11 صوت)

05-19-2015 08:44 PM
النجيضة...الجماعة ديل باعوا ليهو دولارات بسعر خلاهو يريل...
بعد داك إكتشف أنو الدولارات مزيفة..وحصلت الجلبغة..والمسرحية والإخراج الساذج..

[عوض الله جابر]

ردود على عوض الله جابر
[عوض الله جابر] 05-20-2015 06:21 PM
كاك كاك..حرقتكم الحقيقة..النجيضة...ربنا يحرق................... واللعنة مردودة عليك يا حقير..أنت وعبد العاطي ومن لف لفكم..كاك كاك

[ثائر] 05-20-2015 08:10 AM
أنت كاذب ...لعنة الله عليك


#1269169 [عصمتووف]
5.00/5 (1 صوت)

05-19-2015 08:07 PM
رجل في قامة ومقام ربيع يرجى منه أن يكون (قدوة مجتمع )، فالرجل سياسي وإعلامي و أستاذ جامعي وخطيب مسجد،
واقسم ب الله العظيم لا يملك هذا المدهو قامة ولا مقام ولا شهادة حتي هل انت مصدق ب كامل قواك العقلية انه خبير واستاذ وسياسي وخطيب
لن اعترف به خبيرا وسياسيا ووطنيا
لو كان استاذي لتركت مقاعد الدراسة واحب الي ان اكون متشردا اتعاطي المخدرات واجمع الفوارغ من القارورات ولا يكون لي معلما
لو كان يوجد مسجدا واحد وعو خطيبة لتركت الصلاة
ده قدوه ده ولا حجوة قبحة الله ابو القنفد

[عصمتووف]

#1269141 [هميم]
3.50/5 (2 صوت)

05-19-2015 07:19 PM
بالصوت والصورة المؤتمر الوطني أكبر ماسورة ...طول عمرهم يوظفون الدجالين لضمان ولاء الناس لهم فناس المؤتمر الوطني الفاسد لا إنجازات لهم (غير السرقات) لتضمن ولاء الناس لهم وأول من زار قصر الرئيس الفاشل البشير كان بلة الغائب - بلة الغائب هو الفكي الخاص للبشير الغائب

[هميم]

#1269138 [kaka]
5.00/5 (1 صوت)

05-19-2015 07:14 PM
عجبني ليه

[kaka]

#1269134 [الدرب الطويل]
5.00/5 (1 صوت)

05-19-2015 07:08 PM
اب قنفوط مسك ماسورة!!..

بس يستاهل!!.. مش متوسط دخله 1800 دولار؟؟..

[الدرب الطويل]

#1269129 [بركل بدر]
3.00/5 (2 صوت)

05-19-2015 06:50 PM
إنتو لسع شغالين بمقاييس السودان ق.ش. (توضيح: ق. ش. يعني قبل الشريعة) ؛ المقاييس دي انتهت ؛؛ فالمقاييس الآن أن ربيع عبد العاطي يسرق ويكذب وإمام جامع وشعوذي ونافذ في النظام دي المقاييس الهسع..

المستغربين من القراء الفوق ديل أي واحد منهم يعمل مقاييس ب. ش. (توضيح: ب. ش. يعني بعد الشريعة) يبقى نافذ وطني وخبير ومشعوذ وإمام جامع. (أ.هـ. يعني انتهى كما في كتب التراث).

[بركل بدر]

#1269128 [علي اعيسر]
3.00/5 (2 صوت)

05-19-2015 06:49 PM
هذا هو الشخص الذي قال بلسانة في قناة الجزيرة ان دخل الفرد في السودان اي مرتبات في شهر 1800 دولار هذا كاذب ومنافق كيف يجلس منافق ويدعي انة خبير وطني ام انة خبير في الكذب

[علي اعيسر]

#1269097 [ابوماجد]
5.00/5 (1 صوت)

05-19-2015 05:35 PM
البضاعة (قورو) .بلا عفش بلا تنزيل.

[ابوماجد]

#1269093 [متسكع]
3.00/5 (2 صوت)

05-19-2015 05:29 PM
ده خطيب مسجد
اول مرة اعرف هذه المعلومة
اي زول صلى خلفه عليه اعادة صلاته

[متسكع]

ردود على متسكع
[big cheater] 05-19-2015 06:09 PM
yes you are right


#1269077 [Almisahir fi izallail]
5.00/5 (1 صوت)

05-19-2015 04:58 PM
هل من الممكن بعد قصتك يا ربيع يا عبعاطى ان يبقى انسان بكامل قواهو العقليه فى مسجد او زاويه فقف فيه الخطيب المفوّه ربيع بن عبدالعاطى متحدثا عن اى امر من الامور؟
لو صحت روايتك يا بن عبدالعاطى يا اللى عامل فيها "حبير بنو لهب" ..(1) تلاته اشخاص من دولة افريقيه قلت لا تعرفهم !!!..(2) يتصلو بسيادتكم(ما سألتهم عرفو نمرة تلفونك كيف) (3)وافقت على حضورهم الى مكتبك!!(4) صلّوا معك الظهر والصلاة الوسطى"(دا زمن طويل صيفا)
(5)ايه اللى خلآّك تصدقهم انهم عايزين يستثمروا ليك قروشك..ما سألت نفسك ليه انت "بزات" عاوزين يستثمرو ليك قروشك ("بزّات" هى جمع "بزّه" فقد اثبت انك فعلن "بزّه" (6) كم حتدفع ليهم عموله نظير الاستثمار دا؟ (7) الم تسألهم عن الصلة او العلاقه بين استثمارهم لقروشك نيابة عنك وبين البضاعه اللى عاوزين يعملو ليها تخليص! (8)هل سالتهم فى اى مجال سيتم استثمار قروشك او عن اى طريق ان كان(مرابحه.. مزاوجه.. مخابره..مرابعه ولآ تعاطى .. موش انت خبير واسمك ربيع عبعاطى ) عشان فى الآخر تستثمر قروشك براك مستقبلا وتقلل من منصرفات الاستثمار قبل ما يسمع بيك وزير الاستثمار ويعرف انك تملك تمانيه وستين الف جنيه زياده عن حاجتك عاوز تستثمرها ويقوم يطالب العاوزين يستثمرو اموالهم (زيّك مع الافارقه ال3 ديل او عن طريق امثالهم) بضريبة استثمار!(9) انت طبعن دستورى وخبير ووطنى ما ممكن تدخل مع الكانو شحّادين واغتنوا فجأة ويطالبوك بدفع صريبة من كل جنس ونوع او صنف!
(10) ختّها فى بالك "ان الله يمهل ولا يهمل".. وين فصاحة حديثك وبلاغة عباراتك وذكاءك الوقّاد اللى كنت غاطس فيهم لما كنت بتحكى زورا وبهتانا فى المحكمه عن اجرام فاروق ابو عيسى وامين منى مدنى!

[Almisahir fi izallail]

#1269059 [big cheater]
3.50/5 (2 صوت)

05-19-2015 04:44 PM
thank you our brother who took our money from thisdevil creature thesecond game i hope will be clumsy man nafie.

[big cheater]

#1269043 [حامد عوض]
5.00/5 (1 صوت)

05-19-2015 04:20 PM
يا ود باقير ماقلت خبير .... وين السلبه وين درب البير

[حامد عوض]

#1269042 [مــــــــــــــــــــــــــــدادي]
4.00/5 (1 صوت)

05-19-2015 04:19 PM
النقعد ليكم الكلام ... الناس ديل فعلا كان عندهم بضاعة في الجمارك ... واتفق معاهم ربيع أنو يخلص ليهم البضاعة بطريقته من غير جمارك وفعلا تم تخليص البضاعة ومادفعوا فيها مليم واستلموها لكن وقت الدفع ما دفعوا ليهو وفكو الزوغه بالبضاعة .. أها زولكم حرقتوا ... قام دور فينا المكنة دي ...

[مــــــــــــــــــــــــــــدادي]

#1269035 [يا بلد]
5.00/5 (2 صوت)

05-19-2015 04:08 PM
هذا الشخص عبارة عن كتلة من النفاق

[يا بلد]

#1269023 [عمرابي]
5.00/5 (1 صوت)

05-19-2015 03:58 PM
سلامات يا عطعط ..

اقم الصلاة بالله ظهر وعصر .. جمع أي حاجة .. وقصر تلاتة دورين ..

[عمرابي]

#1269017 [محي الدين المسبعاتي]
5.00/5 (2 صوت)

05-19-2015 03:46 PM
أذا ما أسموه بالربيع العربي طلع خاذوق وخريف وحريق عربي.... يبقى إسم على مسمى .... ونحب أن نقول .....(easy come easy go........).

[محي الدين المسبعاتي]

#1269014 [أحمد مصططفى]
5.00/5 (1 صوت)

05-19-2015 03:39 PM
كان تكتب على المقال ماسورة ربيع

[أحمد مصططفى]

#1269009 [لا تصدق...كل ما يدعون]
5.00/5 (9 صوت)

05-19-2015 03:33 PM
يا الطاهر... عساك بخير

وإنت أوع تكون صدقت...حكاية التنزيل دي...!!

ياخ القصة واااضحة.... وضوح التشكيل الوزاري الجديد..!!

عمك ده...أداهم القروش...عشان ( ينزلوهو بي شحمو و لحمو ) في إحدى الوزارات..!

أها...لما نما إلى علمه...إنو خارج التشكيلة....طلب يسترد قروشو..!!

شفت كيف..!!!

الجماعة ديل معروفين...بتوظيف الدجل و الشعوذة...لكل الأغراض..!

لاحظت حكاية صلوا معاهو...الضهر...و العصر..!!

عمك بكون....كتر المحلبية يا ساتي

[لا تصدق...كل ما يدعون]

#1268994 [عبدالمجيد حسنين]
5.00/5 (2 صوت)

05-19-2015 03:14 PM
المؤتمر الوطنى يعذب و يستغل الشعب السودانى لكن ما ياخذونه باليمين سرقة يذهب بالشمال للاخرين او خصما على صحتهم و صحة ابنائهم

[عبدالمجيد حسنين]

#1268993 [ابو عبد الله]
5.00/5 (2 صوت)

05-19-2015 03:14 PM
لايك ـ للمقال اليوم يا ساتي

[ابو عبد الله]

#1268974 [عمر عبد الله عمر]
5.00/5 (4 صوت)

05-19-2015 02:57 PM
كلها عرفناها، لكن أمام مسجد دي واسعة شوية!
ربيع عبد العاطي؟

[عمر عبد الله عمر]

#1268971 [كردفاني]
5.00/5 (1 صوت)

05-19-2015 02:56 PM
كيف يحكمنه هؤلاء والان تأكدنا بأن من المصعب القضاء علي هذه العصابة التي تسعي من اجل المال بشتي الطرق

[كردفاني]

#1268968 [ود الزين]
5.00/5 (1 صوت)

05-19-2015 02:50 PM
حلوه وملعوبه منك 😉والمعني وااااااضح .. أللهم أرفع عنا البلاء أن تمكن منا من لايخافك او يخشاك خطيب جامع !!! حسبنا الله ونعم الوكيل !!!

[ود الزين]

#1268967 [أحمد]
5.00/5 (5 صوت)

05-19-2015 02:48 PM
والمال لا يخرج من كف الفتى *** الا من الباب الدي منه أتى .. درس تعلمناه من نشيد الغراب والثغلب في أولى ابتدائي .

[أحمد]

#1268959 [ودود]
3.00/5 (1 صوت)

05-19-2015 02:41 PM
انت كمان مالك بتحكها لغاية ما تجيب الدم

[ودود]

#1268956 [جنرال زمان]
3.25/5 (3 صوت)

05-19-2015 02:40 PM
(نعم، رجل في قامة ومقام ربيع يرجى منه أن يكون (قدوة مجتمع )، فالرجل سياسي وإعلامي و أستاذ جامعي وخطيب مسجد)!!!!!!! دحين دا ربيع موظف الاستقبال بتاع الشقق المفروشة داك ولا واحد تاني؟؟؟؟ جننتونا والله يا ناس دفع الله... انت عارف صاحبك دا دقس ليه؟ لأنه خبير وطني هههههههههه حرم اكثر زول يستحق كالوت القذافي هو ربيع الأغبر دا

[جنرال زمان]

ردود على جنرال زمان
European Union [جورج وسوف] 05-20-2015 12:52 AM
اي والله تصدق مصيبة مش يا بامكار

European Union [بامكار] 05-19-2015 04:15 PM
معقول الزول ده كان شغال فى شقق مفروشه


#1268952 [لحظة لو سمحت]
5.00/5 (1 صوت)

05-19-2015 02:36 PM
و ربي يا الطاهر انت داقس الدجالين ديل غسالين و له معهم تجربة بس الموضوع طلع بعصت مدنقر و على ربيع ان يحملها

[لحظة لو سمحت]

#1268942 [ٍSalah AL Deen P]
0.00/5 (0 صوت)

05-19-2015 02:27 PM
ههه قيادي وخبير وطني دي داير ليها عمر دفع الله يرسم الخبير الوطني دا ماسك ضنب الككو ويلف بيهو محل ما عايز ، الككو لازم ياخد راحتو

[ٍSalah AL Deen P]

#1268940 [المتجهجه بسبب الانفصال]
4.85/5 (6 صوت)

05-19-2015 02:25 PM
هذا هو ربيع عبدالعاطي اراد الله ان يفضح نفاقه وادعائه الطهرانية ،،،،، يا جماعة الزول العايز يغلط أحسن يغلط بشكل علماني بعيدا عن التستر بالدين فضيحتو بتكون خفيفة،، لكن العايز يغلط باستخدام الاسلام ستار فضيحتو بتكون بجلاجل والناس بتشمت فيهو والفضيحة بتباريهو ،،، اللهم اغفر لنا واسترنا ،،، نتمتى أن تكون اخطاءنا علمانية لا تتخفى باسم الدين حتى لا نكون من الذين يقولولون ما لا يفعلون ،،، وحتى لا نعمل العملة وبعدين نجر واطي ولا ما كدة يا ربيع عبدالعاطي ،،،

[المتجهجه بسبب الانفصال]

#1268934 [الخبير الوطني]
3.00/5 (1 صوت)

05-19-2015 02:21 PM
والله يالطاهر اضحكت سني اضحك الله سنك بس نحنا بنجو مع العفش

[الخبير الوطني]

#1268933 [Amin]
5.00/5 (2 صوت)

05-19-2015 02:20 PM
يريد الله أن يجعلهم مسخرة - كما سخروا من دينه - قبل أن يعذبهم.

[Amin]

#1268931 [Expertise]
3.50/5 (2 صوت)

05-19-2015 02:18 PM
والله قصة ماتخش العقل!! مافي زول عاقل يتصرف التصرف داء، يجيك واحد مابتعرفو ويقنعك بأنه ممكن يضاعف ليك قروشك المليون يصبح 10 مليون. بتصدقو !!؟.. غايتو ربيع داء طلع ماسورة صاااح؟ اذا كان كل اعضاء المؤتمر الوطني بالعقلية دي ربنا يعوضنا في وطنا .

[Expertise]

ردود على Expertise
United States [abushihab] 05-19-2015 05:31 PM
عقلية مين يا عزيزي 90% من حملة الدكتوراة في السودان شهاداتهم مضروبة. خاصة شباب المؤتمر الوطني.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة