الأخبار
أخبار إقليمية
إيقاف تصاديق الركشات كوسيلة لنقل الركاب
إيقاف تصاديق الركشات كوسيلة لنقل الركاب
إيقاف تصاديق الركشات كوسيلة لنقل الركاب


05-20-2015 11:16 PM
قررت حكومة ولاية الخرطوم، إيقاف التصاديق الجديدة للركشات كوسيلة لنقل الركاب، وشدّدت على منع الأجانب من قيادة وامتلاك الركشات، داعية للتعامل بحزم مع مرتكبي المخالفات من سائقي الركشات، وإصدار لائحة واحدة لتقنين عمل الركشات بالولاية.


واستمع مجلس وزراء الخرطوم، برئاسة عبدالرحمن الخضر يوم الأربعاء، لتقرير حول دراسة اللجنة المختصة بآثار استخدام الركشات، برئاسة وزير البنى التحتية والمواصلات، الذي تحدث عن آثارها من النواحي البيئية والفنية والاقتصادية والاجتماعية، والأثر الأمني والسلامة المرورية.


وأكد المجلس على ضرورة تنفيذ قراره بمنع الأجانب من قيادة وامتلاك الركشات، والتشديد في جميع المخالفات التي يرتكبها سائقو الركشات، وإصدار لائحة واحدة لتقنين عمل الركشات الموجودة حالياً بالولاية، بالإضافة إلى تشجيع تغيير غرض استخدام الركشة للأغراض الأخرى خلاف نقل الركاب.


ودعا لمخاطبة الجهات المختصة لتفعيل تطبيق المواصفة السودانية الخاصة بالركشات، بالإضافة إلى رفع الوعي وتثقيف سائقي الركشات للالتزام بالضوابط المرورية، وترقية السلوك الحضري بالتنسيق مع نقابة الركشات.


شبكة الشروق




تعليقات 19 | إهداء 0 | زيارات 6225

التعليقات
#1270659 [احلام طائرة]
0.00/5 (0 صوت)

05-21-2015 05:58 PM
هذا القرار لاينفذ لانو بكرة حتكون فى رقشات لمسؤولين حتى فى المرور نفسه ثم ثانيا انتم عملتم لهم نقابة يعنى اعضاء النقابة ديل حيتشردوا اكيد لا نريد ضمانات لنجاح الفكرة وبما انها ممنوعة فى العاصمة معناها فى الولايات غير ممنوعة وممكن تتسرب للعاصمة مع اى شخص ينوى الرحيل مع امتعته من ضمنها الركشة من يمنعه نتمنى ان يمنع الاستيرادلاعاصمة لاولايات والله المستعان

[احلام طائرة]

#1270648 [هاني]
0.00/5 (0 صوت)

05-21-2015 05:46 PM
انا حابي ارد ع نجاة ابوزيد حاولت ارد ع التعليق في محلو بس ما قدرت .... انا بتكلم عن حقائق بس نحنا ك سودانيين دايما تفكيرنا وردي... فعلا الركشات لمن جات كانت مصدر دخل و الى الآن في أسر عايشة بيها لكن للأسف الفترة الأخيرة بقت حاجة تانية و الكلام لايقتضي التعميم لكن للأسف الحاجات دي موجودة و بكثرة وبالذات في الولايات...انا الحمد لله عارف نفسي كويس ومافي زول بفضح نفسو و ما أطلقت اتهام ع عواهنو وغرضي من كلامي التحذير لأنو و الله بقت الحاجات دي بقت السمة السائدة ولو مالاقتك حاجة زي دي معناها ماعيشة معانا كدي اعملي بحث براك وسط العالم دا و بعدين ارجعي لي

[هاني]

ردود على هاني
United States [nagatabuzaid] 05-21-2015 10:39 PM
يا هانى مرحب بردك . نعم جميعنا نعلم ان هناك سلبيات بل جرائم وهناك ناس طيبين وعلى خلق عظيم لكن من يقراء تعليقك يجدك كلت الكيل بالمكيال الثقيل ولم تذكر حسنة واحدة على العموم ربنا يستر على الجميع


#1270619 [محمد علي]
0.00/5 (0 صوت)

05-21-2015 04:21 PM
يلا بلا رقشات:
نحنا عاوزين كواروا عشان الحصين والحمير يبعرن فى العاصمة ولما يجي الخريف تخدر.. ويقوم التغر والموليتة..

رقشة رقشة اليوم نمدو..
وإنت ماعارف حميرك لما تسرح
وين بودو .. وين وين بودو .

[محمد علي]

ردود على محمد علي
[زول الخلا] 05-26-2015 07:20 AM
موليتة قال موليتة تقوم ليك في رأسك يا إنصرافي.


#1270614 [nagatabuzaid]
0.00/5 (0 صوت)

05-21-2015 04:11 PM
منع الاجانب نعم فوسائل النقل يجب ان يعمل بها المواطنون . اما منعها فهناك اسر تعيش منها ولا لمحاربة المواطنين فى عبشهم الخضر ده جنوا ابتكارات لتعذيب الناس .
مسؤولين من الخير كان هناك قرار بانزال الشباب من الحافلات وحلق رؤوسهم فى الشارع بامواس مستعملة وبعد بهدلتهم رؤسيا يطلقوا سراحهم اها القرار ده كان من منو ؟؟ واستمروا فيه ولا وقف ؟ وان وقف وقف ليه ؟؟ مخلوقات مقرفة بلاء يخمها

[nagatabuzaid]

#1270575 [ابو اسامة عبد الله]
0.00/5 (0 صوت)

05-21-2015 02:23 PM
طيب ادونا حلول بديلة الرقشة دى فاتحة بيت وماسكة اسرة سواق الرقشة يمشى وين يسرق ولا يدخل الغابة ولا يمشى يلتحق بداعش ولا ولا ولا

[ابو اسامة عبد الله]

ردود على ابو اسامة عبد الله
European Union [NSHEMALEEA] 05-21-2015 07:17 PM
انتو مابتفهمو تصاديق يعني العندو ركشة من الاول عادي بس مبيعملو تصاديق جديده افهمو

[nagatabuzaid] 05-21-2015 03:52 PM
يمشى ويشتغل فى مكتب الوالى بوظيفة كبش فداء يا ابو اسامة


#1270491 [مجهول]
0.00/5 (0 صوت)

05-21-2015 12:29 PM
أفضل قرار عملتوا حكومة الخرطوم. اركشات أسرارها كثيرة وبالذات الدخان الذي يخرج منها

[مجهول]

#1270434 [ٍSalah AL Deen P]
0.00/5 (0 صوت)

05-21-2015 11:13 AM
هسي بالله الركشة تدافع عن نفسها كيف؟ وتستأنف القرار الصادر من حكومة الولاية دي كيف؟
بالله يا حكومة الولاية اي زول عندو ركشة ادوهوا عربات الكامري وروزا رايس وشوفوهو بعد دا لو ركب ركشة على الحرام تب ركشاي حايمة ما تلقوا

[ٍSalah AL Deen P]

#1270398 [:::بيكو::]
0.00/5 (0 صوت)

05-21-2015 10:36 AM
إقتباس: (بالإضافة إلى تشجيع تغيير غرض استخدام الركشة للأغراض ""الأخرى"" خلاف نقل الركاب)

في حد فهم شي؟؟

[:::بيكو::]

#1270340 [ابو التيمان]
5.00/5 (1 صوت)

05-21-2015 09:40 AM
الرقشة ضحكت علي قدرة الفول في الاحياء دي اخر الشماته ...
وفر البديل للشباب وظائف ودعم مشاريع الاسر المنتجه والمواد الاستهلاكية اليومية وبعدين فكر في النواحي البئية والاقتصادية والاجتماعية .

[ابو التيمان]

#1270271 [المكتول كمد]
0.00/5 (0 صوت)

05-21-2015 08:39 AM
ما تقلقوا يا أحباش ... بس خلو جيوبكم مليانة وإنتو سايقين... كل قانون يصدر وليهو خلفيات ... يظهر ناس الشرطة دخلهم قل بعد ما رخصو الترخيص فكان لازم يعوضوهم بمصدر دخل آخر ...

[المكتول كمد]

#1270242 [abubaker]
0.00/5 (0 صوت)

05-21-2015 08:16 AM
ممكن منع الاجانب من ذلك ولكن ما ذنب المواطن المسكين المغلوب امره من الجرائم التي تحدث وهل جميع الجرائم سببها الركشات - ممكن ضبط سلوك سائقي الركشات - قرار غير صائب - هل اجريت دراسة عن الاثار السالبة التي تترتب على قرارك هذا - اوعاكم ما تفتروا على الشعب المغلوب دا والله الناس دي لو قبلت عليكم التكم العسكرية ما بتعمل ليكم حاجة - كل يوم تقيموا في المؤتمرات ما سالتو نفسكم يوم كيف تعامل حكومات تلك الدول مواطنيها -؟؟؟؟؟؟؟؟؟؟؟؟؟؟

[abubaker]

#1270231 [zoooool]
0.00/5 (0 صوت)

05-21-2015 08:05 AM
this is a right decision

[zoooool]

#1270226 [زول الخلا]
5.00/5 (1 صوت)

05-21-2015 08:01 AM
قطع شك في واحد منهم دهير يسويلو شركة تاكسي ولا ليموزين..قال بيئة قال.

[زول الخلا]

#1270173 [صادميم]
0.00/5 (0 صوت)

05-21-2015 06:53 AM
كلام و السلام بكرة ستخرج الجامعات آلاف الخريجين ولن تجدوا لهم فرص عمل كالعادة وحلكم لهذه المشكلة هو خلوهم يسوقوا ركشات و سيزداد عدد الركشات رغم انفكم.

[صادميم]

#1270165 [كلحية]
5.00/5 (1 صوت)

05-21-2015 06:30 AM
أكيد عبد الرحمن الخضر لديه مشروع جاهز لنوع آخر من الركشات أو بديل تقوم عليه إحدي شركاته أو شركات أبنه المدلل .لانه مستحيل أن يقدم علي خطوة دون أن يكون العائد منها له شخصيا وهكذا المتعافي وعبدالرحيم وغيرهم .

[كلحية]

#1270153 [هاني]
4.00/5 (1 صوت)

05-21-2015 05:46 AM
بصراحة رغم اختلافي سياسيا مع الحكومة لكن دا أكتر قرار ممكن نشجعو الركشات عندها عالم سري براهو و نادرا بتلقى ناس بالنسبة ليهم الركشة مجرد وسيلة رزق ...اكتر وسيلة معروفة بتسهل الدعارة و الانحلال بقت الركشات تحت غطاء المشاوير الخاصة وبتلقاهم ع نوعين في البصطاد الفتيات او حتى المتزوجات باعتبار الخصوصية و السهولة البتوفرها الركشة لسائقها والراكبة معاهو من حيث توفير المكان الملائم للتعارف بدون حواجز بين السائق و الساذجات او حتى الراغبات و بالذات عندما يعرض سيد الركشة خدماتو مجانا او بأسعار رمزية بواسة الطلب بالتلفون وما يخفى عليكم تعدد اللقاءات و المشاوير الطويلة بتكسر الحواجز كيف وخاصة اننا شعب ساذج بنثق في اي زول و ع قول واحد لاقيتو قال بعد ما اشترى الركشة ارتاح من مساققة البنات في الشوارع بتجيك لحدي عندك بس اعمل فيها ود ناس في البداية و شوية كلمة من هنا وهناك الحنك بسلك.... ومنهم البسهل ترحيل راغبات المتعة بدون مشاققة الشوارع ع الأقدام ودا بمعلومو طبعا يعني دلفري ...و أكتر حرامية الا من رحم ربي سواقين الركشات وتلقاهم بتفاخرو بيناتهم منو أكتر واحد بقدر يغش الركاب و بتحصل ع مبالغ اكتر من المفروضة للمشوار الواحد و ع حسب مخالطتي للمجتمع كل الفاقد التربوي يا اما خش البوليس او ساق ركشة عشان كدة مرتك بتك اختك اعمل حسابك الا لزول بتثق فيهو شديد لأنها حتى لو ما من النوعية دي ما حلوة في حقك واحد يحاول بالعامية كدا يحنك معاها.... و بالنسبة للناس التفكيرهم وردي صاحب ليك كم سواق ركشة كدا و بعدها حتنصدم من الحتعرفو من المسكوت عنه.... الهم يستر ع بناتنا من بتاعين الركشات ومحلات الكريمات

[هاني]

ردود على هاني
[nagatabuzaid] 05-21-2015 03:58 PM
يبدو انك بتعمل كدة يا هانى !!! انت بتحكى لينا عن ممارساتك ولا شنو ؟ هناك اولاد ناس شغالين فى الركشات مسؤولين بعولوا اسر والسىء سىء ان فى طيارة او ركشة


#1270146 [نمو]
5.00/5 (2 صوت)

05-21-2015 04:59 AM
لا اوافق الراي سائقو الركشات
لهم بيوت ومسئوليات واطفال
يسال الوالي نفسه من اين ياكلون
ويربون الاطفال ويتعلاجون علي
الوالي ان يتمعن في دراسه الموضوع
جيدا قبل هدم البيوت وقتل الاحياء

[نمو]

ردود على نمو
[nagatabuzaid] 05-21-2015 04:02 PM
من متين الوالى بيدرس ويتمعن ؟؟ تهف له فى راسو او اى من الكرور التابعين له وفى رمشة عين ينفذ ؟؟؟ كم بلغت خسارة موقف شرونى


#1270121 [Former Sudanese]
0.00/5 (0 صوت)

05-21-2015 02:50 AM
Is there any alternative transport ?
I believe the buses produce more fumes than the Tuk-Tuk
But its looks like El Khidir want to import more buses
I feel sorry for the people in Sudan :-(!

[Former Sudanese]

ردود على Former Sudanese
United States [STILL SUDANESE] 05-21-2015 07:32 AM
Hey , don't feel sorry for us , we are still happy to live among our own families and people , we love our country , and we won't trade it for anything , anyway it seems like you are proud to be A former sudanese , then please stop checking on us , this news are for us not for you


#1270118 [عودة ديجانقو]
5.00/5 (2 صوت)

05-21-2015 02:35 AM
الركشه هى علامة الفقر والأنحطاط لأى بلد

[عودة ديجانقو]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة