الأخبار
منوعات سودانية
المريخ يفاجئ جماهيره بقائد الهلال السابق ومدافع الأهلي شندي
المريخ يفاجئ جماهيره بقائد الهلال السابق ومدافع الأهلي شندي
المريخ يفاجئ جماهيره بقائد الهلال السابق ومدافع الأهلي شندي


05-21-2015 10:55 AM
كووورة - بدر الدين بخيت
فاجأ المريخ جماهيره في آخر يوم للتعاقدات الصيفية قبل ساعة من منتصف الليل الذي تغلق فيه التعاقدات، وذلك بتعاقده مع قائد الهلال السابق ولاعب الأهلي الخرطوم الحالي عمر بخيت، وذلك بعقد لمدة عامين، وذلك بعد أنهى علاقته بالأهلي اللخرطوم الذي تعاقد معه في ديسمبر 2014 بعدما رفض الهلال تجديد عقده.

وقد حضر توقيع عمر بخيت عضو مجلس إدارة المريخ وزملاءه اللسابقين بالهلال والذين يعلبون حاليا للمريخ بكري عبد القادر وعلاء الدين يوسف.

وقال عمر فيي حدديثه لوسائل الإعلام بعد التوقيع: "المريخ نادي كبير، وأنا سعيد بالتعاقد معه، وأسال الله التوفيقوالدعم من الجمهور والإعلام".

كما حصل المريخ على خدمات مدافع الأهلي شندي محمد سيلا العاجي بالإعارة لمدة سنة.

وأعاد الأهلي شندي مدافعه السابق النيجيري مالك إسحاق لمدة عام والذي ألغى المريخ تعاقده، وقد عبر اللاعب عن سعادته بالعودة لأهلى شندي وقال انه عاد الى بيته، وهو النادي الذى قدمه كلاعب كرة، وقال أن كل الناس فى شندى تحبه.

وأضاف مالك: "لم اكن مرتاحا فى المريخ وأعود بعد عام ونصف وقادر على العودة لمكانى فى الفريق وأنا فى غاية السعادة".

الأهلي مدني لساحة التعاقدات مجددا وتعاقد مع اوسو أنتوني من بنين، وإلى النيجيري أدي بولا.

وقال ياسر حداثة المدير الفني للأهلي مدني قال لوسائل الإعلام التي كان لموقع ، من بينها: "سجلنا لاعبين مميزين وانا سافرت الى بنيين بنفسى لأختبرهم وواثق من أنهم سيكونوا افضل من المحترفين الذين استجلبتهم كثير من الاندية الكبرى واتوقع نجاحهم وظهور الاهلى بصورة افضل من الدور الأول".

وأكمل الرابطة الإتفاق المبدئي مع النيجيري عبداللطيف حمزة الذي يلعب في وظيفة الظهير الأيسر، وبالمقابل أعار حارسه الأساسي عبد العزيز عبدالقادر قِدِلِّي لنادي النهضة من مدينة رَبك الذي يشارك في منافسة الدوري العام.

مريخ كوستي جدد عقد لاعبه أيمن عبد القادر امبدة لمدة 4 سنوات، بينما كان النيجيري مصطفى محمد عمر من جزيرة الفيل، من نصيب الميرغني لمدة 4سنوات.

وضم هلال كادوقلي اللاعب احمدابراهيم احمد من وادي النيل، وسجل رديف الأهلي شندي إسامة السر من أهلي الخرطوم، وأعاد هلال كادوقلي قيد لاعبه المهاجم المالي فودي ديباتي لمدة اربع سنوات.


تعليقات 17 | إهداء 0 | زيارات 12705

التعليقات
#1270852 [mmm]
4.19/5 (6 صوت)

05-22-2015 08:52 AM
اول مرة في التاريخ يمثل فريق في دوري المجموعات ب فريقين..

[mmm]

ردود على mmm
United States [اب جاكوما] 05-24-2015 08:41 AM
هههههها والله تصدق دا الحاصل الراقي مشاطيبو اساسييين


#1270781 [نمو]
3.94/5 (5 صوت)

05-22-2015 01:20 AM
رد علي اب جاكوما
علاء الدين يوسف لعب للمريخ ثم
شطب ولعب للهلال ورجع بيته
المريخ هو لاعب مريخي اصلا
ارجع للتاريخ

[نمو]

ردود على نمو
United States [اب جاكوما] 05-22-2015 04:25 PM
لكن نحنا لقيناها مكنة قديمة وعمرانها واديناها عمرة واتجلى ميتن علاء الدين لحدي ما لعب في الهلال [الراقي ولحدي ما انصهر دا يا نمو اسمو الهلال شعاره[ الله الوطن الهلال]


#1270758 [ماسورة]
4.07/5 (5 صوت)

05-21-2015 11:15 PM
اكرام المشطوب دفنو ...في المريخ

[ماسورة]

#1270661 [اب جاكوما]
4.07/5 (5 صوت)

05-21-2015 06:03 PM
لكن يا ناس المريخ من اسه لو لعبتو في دور الأربعة ولا طلعتو من دور الأربعة السبب كلو مشاطيب الهلال ومدرب الهلال (علاء الدين يوسف هيثم مطصفى المعز محجوب وجايكم لسه مهند الطاهر، وخليفة اصبروا بس.. وبكري المدينة وعمر بخيت والمدرب)

اي شخشخة نحنا بنضرب في المليان** من دوري الأربعة وتتكلوا وقشة ما تعتر ليكم** اي شخشخة بنسحب لاعبينا المشاطيب ديل وبنفككمم عكس الهواء.

دي البطولة بتاعت اللصيق بطولة بالمشاطيب حتى لو دخلتوا دوري الأربعة ولو طرتو وإن شاء بتطيروا بإذنه تعالى بطولة ما ليها طعم لانكم ملقطين ليها مشاطيب الزعيم الراقي


اي شخشخة في البطولة دي بحقنا وبأولادنا وبانتاجنا وبفننا وبلعبنا وباخلاقنا (بعمر بخيت وبالمعز محجوب وببكري المدينة وعلاء الدين يوسف وبهيثم مصطفى زمان وبكلاتشي زمان وهيثم طمبل ) اي شخشخة اي كاني ماني الاولاد اولادنا ومتعودين يلعبوا في البطولة دي من زمان.

عندنا مشعجعين كدا قناعين منهم لو دايرنهم ولو برضو عندكم ازمة في التشجيع عندنا مشجعين (بحننو النملة وبعملوا الكحل في عين البعوضة وبضربوا منكير لام شبتو)
كان دايرين مشجعين قولوا عووووووك**

البطولة دي انتو داخلنها برأس مالكم وبمجهود اولادنا المشاطيب الأساسيين في تشكيلتكم حتى لو الواحد اتمرن ولا ما اتمرن برضو اساسي لانو دهب وجائي من الدهب.

عندنا لاعبين زيي الفل ما دايرنهم[ واحد اسمو سيف ميساوي وواحد اسمه نزار حامد وعندنا شفع كدا ممكن يلحقوا خمس ولا ست بدقلوا الكورة بلسانهم.. قال دايرين قولوووو عوووووك عشان نعمل ليكم اعارة.. بس انتو ما تخجلوا لو دايرين اي واحد ما تخجلوا قولوووا طوالي نحنا دايرين هناي دا.. ونحنا طوالي بنفكم ليكم هناي دا.

زمان العتالة في السوق بكوركو[ جائي ليه ما بتقدر جائي ليه ما بتقدر] ولنا لقاء بعد الفاصل

[اب جاكوما]

#1270652 [احلام طائرة]
4.07/5 (5 صوت)

05-21-2015 05:50 PM
دا اكبر ماسورة هو ونسيبه ديل فاقد تربوى

[احلام طائرة]

#1270634 [ساري عبدالرحمن]
4.19/5 (6 صوت)

05-21-2015 04:54 PM
عمر بخيت أضافة للعدد 12 لاعب في المريخ يلعبوا في نفس المركز + اضافة 2 لاعبين شباب ناشئين ( ابراهومة وشيبون) تم تدمير هؤلا الشباب بالعدد الكثيف وما منهم فائدهم خالص والافضل والاسلم للمريخ الاعبين الشباب اساس المستقبل في المريخ من كل 12 لاعب ( علاءالدين + اكراء + ضفر+ ايمن + مجدي + كوفي + رمضان + الباشا+ راجي + والبقية ) يا ادارة المريخ مامصير هؤلاء الشباب والي متي يستمر الوالي وحدة في دفع مستحقات الاعبين والجهاز الفني ؟؟؟؟ وانتم تتفرجون بل توضعون التشكيلة بمزاجكم في احاديثكم وأراكم قال عمر بخيب ومحمد سيلا قال

[ساري عبدالرحمن]

ردود على ساري عبدالرحمن
[مغترب] 05-27-2015 04:30 PM
هو الوالي دافعها من جيبه؟


#1270622 [برعي]
4.19/5 (7 صوت)

05-21-2015 04:28 PM
بختو غايتو بي قريشات التسجيل دي ، لكن المريخ ما حيستفيد منو اي حاجة.

[برعي]

#1270597 [هلالابي مراقب لسلوك ادارة المريخ]
4.13/5 (7 صوت)

05-21-2015 03:29 PM
اقول لك وللمريخاب والله المريخ لم يفاجئ الا نفسه في هذه الصفقة الباهتة لان عمر بخيت لاعب مشطوب من كشوفات الهلال اي عمره الافتراضى الرياضى انتهى خالص ولكن من المؤسف جدا ان هوس ادارة المريخ دائما بقت تفتش عن مشطايب الهلال واعتقد انها حالة نفسية وعقدة رياضية دامغة يقع على عاتق جمهور المريخ ان يعالج مرض ادارته ، اعتقد ان فريق المريخ حتى الان لم يرقى ويتطور الى الاحسن يلعب فقط 50 دقيقة لا لياقة له لان قاعد وجالس الى مسألة الندية للهلال بدلا ان ينصرف الى تطوير فريقه ويترك مسائل الجهل الرياضى السوداني القديم وكما ذكر مدرب مازنمبي لهم في لقاءرياضى صحفى سابق

[هلالابي مراقب لسلوك ادارة المريخ]

#1270582 [الجـزيــــــــــرة ابا]
4.11/5 (7 صوت)

05-21-2015 02:43 PM
غايتو المريخاب ديل حيرونى فى حنانى
عقدتهم شنو مع ﻻعبى الهلال ؟! وبنبزونا ليل ونهار ههههههههههههههه وفى اثناء الدورى يشبكونا فلان ولدنا فلان ولدنا
محتاجين اطباء نفسانيين للانفصام الواقعين فيه دة .. غالبهم يشجعوا الهــــــلال خلاص خليهم يغيروا اسم المريخ
او لو عليهم يفرتقونا ايدى سبأ

الهلال ( أ ) = ( المريخ ( ب )

وبهذه المنافسة الغير سعيدة : هلالابى نايم وحلم انه مريخابى اول ما صحى مخلوع مشى جاب خروف ضبحو

[الجـزيــــــــــرة ابا]

#1270561 [أبو ميعاد]
4.18/5 (7 صوت)

05-21-2015 02:06 PM
أنا مريخابي لكن اعشق المريخ الكيان وليس المريخ الذي يملأ الدنيا كتابات وبطولات على الورق ، هي صبغة العقلية السودانية لا نفكر لا نخطط لا نرسم اجندة على المدى البعيد ماذا يفيدكم هذا اللاعب لكن يكون عطاء بمستوى تاريخ مضى اخفق فيه ونجح حتى وصل لقمة النجومية ولكن فيها ما يرتجى لما شطبه الهلال ، انظروا لهيثم وجوده الحالي باهت ، العجب باهت النجومية لها بريق ينطفي مع قدرة اللاعب على العطاء ، المريخ اصبح بعض الاداريين فيه تخصص ايواء مشاطيب الهلال السودان في كل قراه وهجره وخيامه هنالك مواهب فقط تحتاج للصقل ولا يحتاجون كثير مال ، ارحموا المشجع المسكين ، وبكل اسف اللاعب عندما يحس ان نجمه افل وتغيب عنه الأضواء يبحث حتى لو يلعب في فريق حارة ليراه الجمهور وتكتب عنه الصحف و ينال قسطا من أموال تتدفق بلا حساب ، ولا أعتقد ان الهلال والمريخ الحاليين سوف يجلبون بطولات حتى لو بالتحكيم ،،، العقلية مفلسة من ثقافة كروية ناضجة تعرف متين تبقى المطر ومتين تطفي الحريق

[أبو ميعاد]

ردود على أبو ميعاد
[مغترب] 05-27-2015 04:33 PM
قلت فأصبت


#1270556 [Almisahir fi izallail]
4.10/5 (6 صوت)

05-21-2015 01:58 PM
ما شاء الله خلاص انحلت مشاكل السودان.. بس فضلت على احراز كاس العالم.. اما انكم امة ضحكت على جهاها الامم!! قال ايه قال.. مريخ.. هلال.. برينس.. والى.. ريشيليو.. عمر بخيت من الاهلى لابس فنيلة المريخ... تهليل.. تكبير .. !! غار زيتو.. كوكا.. الله يرحم عبدالفتاح حمد ومنصور رمضان.. ويمد ايام سيد سليم!!!

[Almisahir fi izallail]

#1270525 [زول نصيحة]
4.07/5 (6 صوت)

05-21-2015 01:27 PM
يا مريخ بى الجد انت بقيت هلال بى لون احمر
خلو عندكم دم

[زول نصيحة]

#1270511 [طائر الفينيق]
4.13/5 (6 صوت)

05-21-2015 01:08 PM
+ بخيت لاعب محمور متميز وخبرة وله سمات قيادية في الملعب.. لكن المريخ به محاور كتيرة.. أعتقد أكرا الموهوب لم يشطب..لكن شطب كوفي..وحسرة كبيرة عليه بسبب تميزه ودوره الكبير الذي لعبه في صعود المريخ لدوري التمانية..وواضح المريخ اضطر لشطبه اضطرارا بسبب عدم وجود خانة للمدافع المالي الذي أصر عليه غازيرتو..وحمدنه في بطنه !!

+ على كل وجود عمر بخيت يمكن أن يجعل أيمن سعيد في الوسط المهاجم بدلا من المدافع وهو ما يمكن من الاستفادة منه بشكل أكبر بسبب اجادته لبناء الهجمات بطاقة ومهارة كبيرة !!

[طائر الفينيق]

#1270497 [مريخابى]
4.07/5 (6 صوت)

05-21-2015 12:35 PM
والله انا مريخابى شنو الحكاية مليتوا كشوفات المريخ بمطاريد الهلال خلاص الغوا اسم المريخ ونسميهم هلال 1و هلال 2

[مريخابى]

ردود على مريخابى
[اب جاكوما] 05-21-2015 06:07 PM
انت يادوووب عرفت الحاجة دي الليلة نحنا من زمان بنقول أولادنا بتاعين المريخ..
ولسع حنديكم كتييييييييييييير** نحنا ما العطاء زاتو انت ما سمعت[ الله الهلال الوطن] طيب انتو ما في الوطن عشان كدا بنعمل معاكم واجب الوطن


#1270488 [سيف]
4.10/5 (6 صوت)

05-21-2015 12:25 PM
هو عمر بخيت عمل شنو في الهلال لمن يمشي المريخ . كورة الواسطة دي الخربت الكورة ..
وللمعلومية احسن ناس بلعبو كورة في السودان مامسجلين في اندية .

[سيف]

#1270459 [مجا هد]
4.19/5 (7 صوت)

05-21-2015 11:41 AM
انا مريخابى لاكن الجهاز الفنى للمريخ حا يضيع الفريق بعد ما قنا الفريق بقى يلعب كورة وخطة وتكتيك نتفاجة بشطب ونقا وكوفى وكرة وكمان يسجل عمر بخيت 000000

[مجا هد]

#1270457 [الراصد]
4.00/5 (5 صوت)

05-21-2015 11:38 AM
حليلك يا شداد... سيرة وزفة جوة مباني الاتحاد العام و(العريس ) غائب ...

[الراصد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة