الأخبار
أخبار إقليمية
الجمعية السودانية لعلوم الفلك: (17) أو (18) يونيو المقبل أول أيام رمضان
الجمعية السودانية لعلوم الفلك: (17) أو (18) يونيو المقبل أول أيام رمضان
الجمعية السودانية لعلوم الفلك: (17) أو (18) يونيو المقبل أول أيام رمضان


دعت لاستغلال تعامد الشمس على الكعبة للتأكد من اتجاه القبلة
05-21-2015 09:46 AM
الخرطوم: سارة تاج السر
أعلنت الجمعية السودانية لعلوم الفلك والفضاء أن أول أيام شهر رمضان لعام ١٤٣٦هجرية، سيكون يوم الأربعاء (17) يونيو، أو الخميس (١٨) يونيو المقبل، وأكدت أن رؤية القمر بالعين المجردة لن تكون ممكنة إلا بعد مغيب شمس الأربعاء ١٧ يونيو.
وقالت الجمعية في بيان - إن الاقتران المقبل للقمر حسب توقيت السودان سيتم في حوالي الساعة (١٧:٠٥) مساء الثلاثاء ١٦ يونيو، وبه ينتهي الشهر القمري القديم ويبدأ الشهر الجديد، وعليه حددت الجمعية تاريخين ليكونا أول رمضان بالدول العربية والإسلامية وهما الإربعاء ١٧ يونيو وفق معيار الاقتران قبل الفجر، أو الخميس حسب معيار الاقتران قبل مغيب الشمس.
وفي سياق آخر دعت الجمعية الى ضرورة استغلال تعامد الشمس على الكعبة يوم الخميس الموافق (28) مايو الجاري، في تمام الساعة (12:17:55) ظهراً، للتأكد من اتجاه القبلة، وذلك بوضع قائم حيث سيكون اتجاه القبلة عكس ظل القائم، وأشارت الجمعية الى أن القبلة أصبحت موضع خلاف في كثير من مناطق السودان، واعتبرت الجمعية أن أجهزة الهواتف المحمولة الذكية يمكن بواسطتها تحديد القبلة بصورة صحيحة وسهلة في شتى الأماكن.

االجريدة


تعليقات 7 | إهداء 0 | زيارات 4050

التعليقات
#1270967 [سوداني شديد]
0.00/5 (0 صوت)

05-22-2015 03:06 PM
رمضان كريم
والله اكرم لكل المسلمين وبمختلف اﻻجناس والجنسيات.هذا ما يهمنا ان نبلغ رمضان وان يلهمنا الله اجره.

[سوداني شديد]

#1270675 [محمد علي]
5.00/5 (1 صوت)

05-21-2015 06:57 PM
رمضان هوي ..أوعك تجي السودان أسمع كلامي دا ...حرم السودانيين مجهزين ليك كترة حكامات..ومغنواتية..حرم ماتفرز البقرة من الفيل..وعييييييييييييييك ليلة القدر(مش قالوا الملائكة ما بتدخل بيت فيهو صور ...يعنى شواطين (أها ديل جايبين أبوهم الما بكبر دا..أظن سقوهوا زئبق أحمر قالوا الزئبق الأحمر ببقى الجنى شاب ..أها السر قدور من الجن الشربوا الزئبق).

[محمد علي]

#1270620 [برعي]
5.00/5 (1 صوت)

05-21-2015 04:24 PM
طيب ما تحددوا اتجاه القبلة بالجوال وعمموا علي كل مندوب في اي مدينة يعرف ااتجاه القبلة بالجوال وهكذا ..
يعني دايرا ليها افتاء وشرعي كمان ... جننتونا .

[برعي]

ردود على برعي
United States [عودة ديجانقو] 05-22-2015 01:43 AM
يا برعى يا أخى ليه إنت دائما صدرك ضائق وماعندك سعه فيهو حتى للتنفس....ياأخى إذا ما إستفدت إنت خلى غيرك يستفيد وهذة هى الديموقراطيه بعينها...هل بتفتكر إننا كشعب عندنا استعداد لممارستها ولا نخلى البشير يواصل.
تحياتى


#1270600 [ابو عرب]
1.00/5 (1 صوت)

05-21-2015 03:36 PM
بصراحة خطوة هامة جدا لان ريح المسلمين بتتاثر باتجاه ما يصلون والله اعلئ واعلم

[ابو عرب]

#1270533 [أبو نور]
5.00/5 (2 صوت)

05-21-2015 01:36 PM
بحسب الجمعية السودانية لعلوم الفلك والفضاء" أول أيام شهر رمضان لعام 1436هـ سيكون يوم الأربعاء 17 يونيو [أو] الخميس 18 يونيو المقبل"!!!
دا صحيح بحسب التقويم الهجري وكل المسلمين عارفين أن أول ايام رمضان هو يوم 17 أو 18 يونيو القادم.
يعني بالعربي كده كلام مستهلك ما شايف فيه أي دور أو مجهود لعلوم الفلك والفضاء السودانية الموقرة .. اللهم إلا إذا كان القصد تذكيرنا بوجود هكذا جمعية في السودان!

[أبو نور]

#1270495 [عمرابي]
5.00/5 (2 صوت)

05-21-2015 12:33 PM
جابوا الرايحة يعني ؟؟

ما هو اول رمضان يا يوم 17 أو 18 يونيو .. الجديد شنو ؟؟

حسي يجوكم مقلعين يقولوا ليكم عيد الفطر يا يوم 17 أو 18 يوليو ..

كمن فسر الماء بعد الجهد بالماء !!!!!!

[عمرابي]

#1270410 [Kudu]
3.00/5 (2 صوت)

05-21-2015 10:48 AM
كيف تتعامد الشمس على الكعبة فقط نسبة لكبر حجم الشمس مقارنة بالأرض أظن أن الشمس سوف تتعامد على مساحة جغرافية كبيرة ممكن تشمل كل المنطقة الغربية من المملكة وجزء من البحر الأحمر؟؟؟ دلونا يا علماء..

[Kudu]

ردود على Kudu
United States [sas] 05-21-2015 10:04 PM
الكلام دة ما جديد كل فترة بظهر شرح ود الجزيرة صاح

European Union [نجم الليل] 05-21-2015 02:23 PM
الله يزيدك علم يا ود الجزيرة .....شرحك ابان لي ما خفي علي

European Union [الطيب] 05-21-2015 12:28 PM
أنا أيضا لم أفهم شيئا. هل كانوا يصلون خطأ والله لا يراهم كل هذه المدة؟ يفترض في هذا الخبر أنه موجه للعامة, لماذا الغموض؟

United States [ودالجزيره] 05-21-2015 12:13 PM
والله ضحكتنى وانا زعلان ...مصطلح تعامد الشمس بيعنوا بيهو ان الجسم فى منتصف النهار مابكون عنود ظل...يعنى الكهبه فى لحظه معينه محدده بالساعه والدقيقه مابكون عندها ظل وكل البنايات القريبه منها برضوا ما بكون عندها ظل ...والحاله دى بسموها تعامد الشمس على المنطقه المعنيه او اى منطقه اخرى تقع داخل المدارين الجدى والسرطان ...بس لانو الكعبه هى قبلة المسلمين فتعامد الشمس عليها بيعنى ان المناطق الاخرى التى تقع شمال وجنوب وشرق وغرب الكعبه زى السودان ومصر والخليج واليمن اذا وضعت عمود اونظرت لظل عود الكهرباء الجنبك فى نفس لحظة تعامد الشمس على الكعبه ..يمكنك رسم خط على ظل العمود وبالاتجاه المعاكس لاتجاه الظل تكون تلك هى القبله الصحييحه.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة