الأخبار
أخبار إقليمية
بلاغ سُـكر الموت ..
بلاغ سُـكر الموت ..
بلاغ سُـكر الموت ..


05-23-2015 11:46 AM
محمد أحمد

على صفحته نشر محمد أحمد (ود قلبا) موضوعاً يستحق المتابعة ...

في نيابة مختصه أسمها (نيابة حماية المستهلك) ..
وفي شرطة مختصه أسمها (شرطة حماية المستهلك) ..
أها .. يقبضوك بتقلي في طعمية بزيت مضروب مثلا" ..
يفتحو ليك بلاغ .. وأحتمال يشربوك الزيت وهو بيغلي ..
لكن ..
لما يتفتح بلاغ في مئات الألوف من أطنان زيت بذرة القطن المحور وراثيا" .. مرفق مع البلاغ تحليل المعامل (الحكومية) .. يعني ما معامل (أعداء الوطن وشذاذ الآفاق) والبتقول أنه الزيت ده مسبب للسرطان ..
يقوم السيد وزير العدل يسحب البلاغ من النيابة ..
والزيت يتوزع عاااااااادي .. للمستهلك العادي ولحدي ضباط القوات النظامية ..
وكلو ورد الورد .. ونحن ضربناه زماااااااان وكملناهـ ..
ليــــــــــه ؟؟؟
لأنه البلاغ بهبش ريسين كباااااار ..
أها .. الجديدة كرت .. بمناسبة رمضان .. ربنا يبلغنا ليه ..
ضبط (60 ألف) شوال سكر وزن 50 كيلو فااااااااااسد ..
أيوه ستين ألف .. ما سته شوالات .. وفي قلب الخرطوم ..
وإتفتح بلاغ في نيابة حماية المستهلك .. مدعم بتحاليل المعامل (الحكومية) البتقول أنه (السكر لا يصلح للأستخدام الآدمي و مسبب للسرطان) ..
وكالعادة السيد وزير العدل سحب البلاغ .. وغمتو في درجو ..
لحدي ما يجي رمضان ويتوزع السكر عااااادي ..
ليـــــــــه ؟؟؟
لأنو السكر تابع لـ (شركة السكر السـودانية) .. أو هكذا يبدو ..
لأنو المخزن تابع لشركة السكر السودانية ..
مالم يكون حق تمساح من التماسيح الكبار ..
مامهم السكر حق منو .. كلهم حراميه مجرمين ..
المهم ..
فاسد .. ما فاسد .. حيوزعوهـ لينا ..
ونحن حنشـربو سااااااي .. حنكملو كلو ..
وكل رمضان وأنتو بخير ..


تعليقات 9 | إهداء 0 | زيارات 6763

التعليقات
#1272377 [منى عبد المنعم سلمان]
0.00/5 (0 صوت)

05-25-2015 01:13 AM
اوع يكون دا السكر اابتوزع فيهو الحكومة للمؤسسات للموظفين بالتقسيط ثمن شوال السكر ب 260 جنية

[منى عبد المنعم سلمان]

#1272220 [عاطف ضوالبيت]
0.00/5 (0 صوت)

05-24-2015 06:06 PM
السكر دا يودوه شركة سكر كنانة لمصنع الوقود الحيوي ويتم تحويله لبنزين حيوي والعائد سيكون عالي جدآ ، ولن يتضرر مواطن بالسرطان ،،
(مالكم كيف تحكمون ) ،،،،،

[عاطف ضوالبيت]

#1271844 [Mohammed Ahmed Kashan]
0.00/5 (0 صوت)

05-24-2015 09:15 AM
الدوام لله !!!!

[Mohammed Ahmed Kashan]

#1271442 [العطار]
0.00/5 (0 صوت)

05-23-2015 04:12 PM
من يحاكم من . اقال البشير المدير السابق للامن صلاح قوش والخلاف كان عمل شريف من قبل صلاح قوش طبعا مافي زول حيصدق لو قوش عمل عمل شريف لكن هذا العمل اعتبره البشير عمل كيدي وقال له انت داير تجسس علي اهلي قدم استقالتك يعني هم اهل البشير الجايبين الكفوه للمواطن

[العطار]

#1271407 [جورج وسوف]
0.00/5 (0 صوت)

05-23-2015 02:10 PM
اللهم عليك بالظالمين اللهم دمرهم شر تدمير
اللهم اضرب الظالمين بالظالمين ونجنا من بينهم
سالمين غانمين اللهم انصر شعب السودان المظلوم
ودمر البشير وحكومته وازلامه ومن شايعه ومن والله ومن ايده اللهم ارنا في الانقاذ ومن ساندها يوما كيوم بدر

[جورج وسوف]

#1271401 [محمد علي]
0.00/5 (0 صوت)

05-23-2015 01:57 PM
ما قلنا ليكم لما قلتو السكر الجاي من بره بسبب كساد للإنتاج المحلي قلنا ليكم أو ما يقرب رمضان التماسيح بتفتح مخازنها..بس المرة دي لقوهو منتهي الصلاحية(دا مخزن ليهو كم سنة؟) ولا مخزن مع اليوريا؟ ولا مع المبيدات؟ يا ربي المخازن الكان فيها السكر دا كان سكر بس ولا معاو مصيبة تانية(كونتينر نفايات جايا من اليونان ولآ ألمانيا)يعنى بعد ماموهوتو بي السكر ولغفتو الدولارات تقومو تدونا السكر عشان(.........)؟أها يا إسحق السكر جاك طلع المسدس:

سكر..سكر سكر وحات عينيا سكر
وأخطر .. ياأحلا موت فى بمبر..
تيرم ترم..ترررررررم..

[محمد علي]

#1271385 [واحد شفت]
5.00/5 (1 صوت)

05-23-2015 01:29 PM
‏ ‏ يا حليلك يا سودان

[واحد شفت]

#1271369 [المُحـــرات]
0.00/5 (0 صوت)

05-23-2015 12:43 PM
اصلها البلد من يوما خربانة وتجار عديمين زمم اتحكموما في راس مالة الدقيقة والسكر في المخزان منو اصبحت ملايانة والمواطن حالتو بقت غلبانة وتعبانة وعيانة والمصيبة كل بعد كم سنة مصنع جديد والسعر للمواطن يذيد والسكر شبه معدوم إلي ماتلومتا ياحاكم الخرطوم تقولو السكر مافي افتحو الباب للإستيراد والمخازن بكثرت ما مردومة السكر فيها اصبح ضارب إلي ياناس الخرطوم احمد الله السكر مازي الفطيسة .... كان الرائحة وصلت جبل اولاية ريحة السكر الفاسد وكيف السكر مايفسد إذا كان صاحبنة ذاتو فاسد....!؟

[المُحـــرات]

#1271359 [عصمتووف]
0.00/5 (0 صوت)

05-23-2015 12:21 PM
يعني م نصوم تاني وبل شنو انه فاكهتنا الوحيده بعدما عز الزيت للفول

[عصمتووف]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة