الأخبار
أخبار إقليمية
بعد الانباء عن حدوث حالات اغتصاب للتلاميذ..خريجات لقيادة مركبات ترحيل الطلاب
بعد الانباء عن حدوث حالات اغتصاب للتلاميذ..خريجات لقيادة مركبات ترحيل الطلاب
بعد الانباء عن حدوث حالات اغتصاب للتلاميذ..خريجات لقيادة مركبات ترحيل الطلاب


05-25-2015 03:57 PM
الخرطوم: إبتسام حسن

أرجع وزير التربية والتعليم في ولاية الخرطوم الدكتور عبد المحمود النور تدني الطلاب أكاديمياً إلى أسرهم، موجهاً المسؤولية الكاملة للأسر وعدم متابعة الأبناء من قبل الوالدين، مشيراً إلى وجود قضايا انصرافية أدت إلى التدهور الأكاديمي منها التلفاز والتلفونات على حد تعبيره، مستنكراً تحميل وزارته عبء التدهور، لكنه عاد وقال إن وزارة التربية أفردت ورقة للقياس والتقويم في ورش الملتقى الأول للتعليم المبتكر بغرض الوصول إلى مستوى تحصيل الطلاب .

وكشف النور خلال مؤتمر صحفى أمس عن تعامل وزارته مع الشرطة التربوية لحماية الأطفال من المخاطر، مشدداً على وجود مشكلات في ترحيل الطلاب، وكشف عن اتجاه لتشغيل خريجات لقيادة مركبات الطلاب وأعلن عن وقف تصديقات المدارس الخاصة لحين حصرها وإلزام المدارس الخاصة بعدم زيادة الرسوم الدراسية والرقابة عليها عبر لجان تمر على المدارس، وحذر المدارس الخاصة من مغبة تحصيل رسوم دمغة التعليم وإيقاع عبئها على المواطن، مؤكداً أن الدمغة غير مفروضة من وزارته، وأعلن عن مباحثات مع جهات عليا لإمكانية إلغاء تلك الدمغة، مبدياً عدم رضائه عن الميزانية المخصصة للتعليم، لكنه عاد وقال نقدر ظروف الدولة وتحملها لقضايا النزوح والطوارئ والأمطار، معلناً عن مقترح لزيادة النسبة التي يدخل بها طالب كلية التربية الجامعة على أن يصرف له مرتب منذ دخوله الجامعة، وذلك لتحسين شروط خدمة المعلم. وأقر الوزير بتدهور مستويات الطلاب في اللغتين الإنجليزية والعربية.

الصيحة


تعليقات 11 | إهداء 0 | زيارات 9340

التعليقات
#1273376 [سوداني بس]
5.00/5 (1 صوت)

05-26-2015 12:31 PM
طيب وين ( ثورة التعليم ) ؟؟؟

يا وسخ

تفووووووووووووووووووووووووووو

[سوداني بس]

#1273268 [مريم]
5.00/5 (1 صوت)

05-26-2015 10:01 AM
المسؤولية الكاملة للأسر وعدم متابعة الأبناء من قبل الوالدين،بالعكس والله نحنا من كترة ما متابعين بنقرب نمشي نتضارب مع المدرسين . وطبعاً حالياً في ظاهرة في المدارس الخاصة بالذات يقولوا ليك ولدك تعبان وكسلان وما مركز عشان يعملوا ليهو حصص خاصة والحصة ساعة بي 130 جنيه أضرب في عدد المواد والساعات والايام والشهور والله الذي لا إله إلا هو حتى الرياض أصبحت فيها دروس خصوصية وهذا غير المحسوبية والتفريق بين التلاميذ في المعاملة.آآآآآآآآآآآآآآآآآآآآآآآآآآآه من التعليم في السودان.

[مريم]

#1273247 [Abdo]
0.00/5 (0 صوت)

05-26-2015 09:31 AM
بالله عليك يا عبد المحمود يا دكتور يا وزير الله بسألك يوم القيامة يوم لا ينفعك رضا عمر البشير و الكيزان في هذه الدنيا الدنية يا دنئ ، هل كان تأهيل المعلم و قدراته و اهتمامه أيام دراستك مثل ما هو حادث اليوم ، و هل كان والديك يراجعون معك الدروس و يشرحون لك ما لم يقم المعلم بشرحه و إفاهمه لك ، حتى لا يتدنى مستواك و تصبح دكتوراً؟ أم تراها دكتوراتك هو دكتوارة هذا الزمان التي صارت على قارعة الطريق و تجميع من الأسافير ؟ عالم ناكره للحق و جاحدة .

[Abdo]

#1273022 [ود القبائل]
5.00/5 (1 صوت)

05-25-2015 09:15 PM
والله والله والله الناس ديل من ما غيروا السلم التعليمي ... المستوي اتدهور ..
ياااااا حليل مريم الشجاعه وأمل وبدر وأندرو الأسد وكلب عبد الجليل.

[ود القبائل]

#1272998 [لحظة لو سمحت]
0.00/5 (0 صوت)

05-25-2015 07:53 PM
الجامعات التى لها سمعة جيدة تقوم بعمل اختبار مستوى و تفرض نسبة تحصيل معينة لكل كلية اما نحن مدارسنا اقصد جامعاتنا مستوى خلوة ام ضبان

[لحظة لو سمحت]

#1272987 [عصمتووف]
0.00/5 (0 صوت)

05-25-2015 07:24 PM
وكشف عن اتجاه لتشغيل خريجات لقيادة مركبات الطلاب
= قل للطالبات
== طيب ولو اغتصبت سائقة خريجة طالبا ما العمل
=== ومافائدة دراستي وتخرجي وحملي للشهاده ولا اجد عملا طيبا بناسب تطلعاتي وامنياتي واملي انه الاعدام لكل خريجة وخريج
=== مبروك علي الولادكم الوظائف المكتبية ف البنوك والوزارات وشركات البترول
حليل الباع عنقريبو وقام بليلو والباقين ليهم الله و السوق وبيع الطايوق

[عصمتووف]

ردود على عصمتووف
[ودالباشا] 05-25-2015 10:08 PM
بيع الطايوق فى السوق خرج اطباء ولاااان يملكون عدد من الشركات الكبيرة


#1272937 [nagi]
5.00/5 (1 صوت)

05-25-2015 05:58 PM
اولا المواد الدراسية كتيره وهنالك مواد لاحوجة لها مثل ملبسنا و مسكنناوتقنيةهذه المواد تحصيل حاصل
ثانيا حجم الكتاب وعدد الدروس اكبر من العام الدراسى
ثالثا سور القران الكريم طويله وتحتاج الى ايام للحفظ تخيل عندك ثلاثه او اربعه اطفال وكل واحد اخد صوره لحدى مايحفظو الصوره قول خمسه ايام الخمسه ايام دى فيهااليوم الدراسى ب8 حصص فى5 ايام يساوي40 حصه فى4 اطفال يساوى160 حصه كلها على الام الكلام دا كتير شديد

[nagi]

ردود على nagi
United States [150150] 05-26-2015 11:17 AM
تصحيح ( لزوم التنبيه فقط )
سورة وليس ( صورة ) - يقال مثلا سورة الاخلاص


#1272936 [جنوبي]
5.00/5 (1 صوت)

05-25-2015 05:58 PM
" مشيراً إلى وجود قضايا انصرافية أدت إلى التدهور الأكاديمي منها التلفاز والتلفونات على حد تعبيره , "


ده كان عصروه شوووية كان قال لينا هو زاتو ( بوكو حرام ) !!!!
طلبة السودان ديل دوناً عن باقي العالم مرفهين شديد ياخ !! تلفزيونات وتلفونات !!!

[جنوبي]

ردود على جنوبي
[ودالباشا] 05-25-2015 10:10 PM
كلام يخجل يا الجنوبى وكمان وزير لله الدرك


#1272925 [Almisahir fi izallail]
3.00/5 (2 صوت)

05-25-2015 05:43 PM
قال ايه قال "النزوح والطوارى والامطار"! يا سلام..اها وعربيات الكوروللا لأتحاد الطلاب
وباقى الاشيا ..شى شرطه تربويه (ودى بدعه ما نسمع بيها.. موش برضو بقروش ولآ تطوع لله) والعيون اللى اعلن مدير ثانوى واحده من محليات ولايتك عن تعيينهم كجزء من منجزاتو التربويه(الجاسوسين ألأكحلين فى كل فصل فى كل مدرسه اولاد وبنات) مجانا؟.. برضو لله؟ *موش حيديهم حوافز عشان يجيبو معلومات طازجه ودسمه تثبت نجاحهم ونجاح المدير.
*هم الآباء فاضيين من الجرى واللهثى لتوفير الاكل والمويه النضيفه..
*انت مدرسينك فى المدارس ما برضهم جارين من مدرسه لمدرسه عشان يتمو لناقصه..
*التلفاز يا عبدالنور موجود من زمان! لاكين اسأل روحك العمل القنوات الكتيره اللى بتشغل الاولاد والبنات عن قرايتن منووو!
*المهم كمّلتو صيانه المرافق الضروريه فى المدارس؟ الكراسى مكتمله..
*ألأأزيار مليانه مويه نضيفه.. الشبابيك بتفتح وتقفل لزوم التهويه المطلوبه.. *المدرسين ما فى نقص..؟ كتب كم طالب فى كتاب واحد؟..طباشير فى؟ الواح اردواز بّى؟

*بس والله ما فهمنا حكاية تقديم"ورقه للقياس والتقويم فى ورش الملتقى الاول للتعليم المبتكر" الملتقى دا الالتقوا فيهو منووو؟ وقالو شنووو؟ وتوصلوا ليشنو.. توصياتو شنو.. طبعن محتاجه ل "آليه" لأنزال التوصيات لأرض الواقع!
*التعليم المبتكر دا ياتو؟ ووين؟ وألأبتكرو منووو؟
* السنه السبدراتيه ألأأثناعشريه.. اضفتوها للاساس على اى اساس؟ والمرحله المتوسطه عملتلّنا فيهو ايه يا عبمحمود ؟ حيرجع تانى ولآ ننساه! وعليه العوض ومنّو العوض.

[Almisahir fi izallail]

#1272898 [الصبار]
0.00/5 (0 صوت)

05-25-2015 04:51 PM
ادا دا كله حاصل والناس اصلا عارفاهو فائدة ظهورك وتصريحاتك شنو ياوزير السجم ولا بس عشان ترفع نسبة الضغط للناس المساكين ديل وقال بوضح قال

[الصبار]

#1272889 [bodo]
0.00/5 (0 صوت)

05-25-2015 04:32 PM
كلام فارغ ساكت

[bodo]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة