الأخبار
أخبار إقليمية
عثمان السيد: لا أستبعد تورط المخابرات الأثيوبية في قتل المتظاهرين خلال الانتفاضة
عثمان السيد: لا أستبعد تورط المخابرات الأثيوبية في قتل المتظاهرين خلال الانتفاضة


05-25-2015 04:39 PM

الخرطوم: ماهر أبوجوخ

نفى آخر مدير للأمن الخارجي بجهاز أمن الدولة إبان حكم مايو اللواء عثمان السيد الاتهامات الموجهة لمنسوبي الجهاز بقتلهم المتظاهرين خلال تظاهرات انتفاضة مارس- أبريل 1985م التي أنهت حكم الرئيس الراحل المشير جعفر نميري ولم يستبعد السيد تورط أطراف خارجية كالمخابرات الإثيوبية في إطلاق النار على المتظاهرين باعتباره سيُحسب على النظام.

وقال السيد بأن اتهام منسوبي الأمن بقتل المتظاهرين إبان الانتفاضة هو "ادعاء زنديق وكاذب وأحد المسائل التي لفقت ضد الجهاز"، وأردف: "أنا شخصياً لا أعلم أي شخص قتل وليس هناك ما يؤكد وحسب تقارير الأمن الداخلي آنذاك لم يقتل أي شخص، وهناك مصابون، ولكن لا يوجد شخص قتل".

وأضاف السيد "أين هم هؤلاء القتلى؟ منذ أن قامت الانتفاضة لم نسمع أن شخصاً قتل، ولم تتم محاكمة أي ضابط من ضباط أمن الدولة بتهمة القتل أو الإعاقة"، وقال: "لو قام ضباطنا بإطلاق النار فكان هذا الأمر سيعرض علينا في قيادة الجهاز.. فإذا أخفيت على الناس بالخارج فلابد أن تذكر لقيادة الجهاز ولم يحدث أن أبلغوني بقيام جنودنا بقتل متظاهرين".

ولم يستبعد أن يكون إطلاق النار على المتظاهرين في حال حدوثه قد تم من قبل أطراف خارجية وعناصر مدسوسة تابعة للمخابرات الإثيوبية بحكم العلاقة المتوترة بين الحكومتين السودانية والاثيوبية، وأضاف:" في تقديري المخابرات الإثيوبية لن تتوانى في تلك الأيام في القيام بأي فعل يحسب على نظام نميري"، مستدلاً بقيادة كبار ضباط المخابرات الإثيوبية بالخرطوم بيتاشو يوسف للتظاهرة المنادية بحل جهاز الأمن رغم تنافي ذلك المسلك مع احترافية ضباط المخابرات

الصيحة


تعليقات 14 | إهداء 0 | زيارات 8400

التعليقات
#1273528 [سوداني بس]
5.00/5 (1 صوت)

05-26-2015 03:38 PM
يا زول أنت أهبل ولا عبيط ؟؟؟

طيب :

الفلاشا الهربتوهم ألــــمـــان ؟؟؟ ولا اثيوبيين ؟؟؟

روح يا شيخ الله يقرفك ويحشرك مع عمر محمد الطيب وجعفر النميري في جهنم وبئس المصير - لعنة الله عليك وعليهم .

هو الزول دة جاي من وين وكان وين ومين السألوا ؟؟؟؟ لواء قال !!! الله يلوي رقبتك .

[سوداني بس]

#1273435 [مغبونه]
0.00/5 (0 صوت)

05-26-2015 01:28 PM
المخابرات الاثيوبيه يا مستهبل

انتم من كنتم تجندون الاثيوبيين الموجودين بالسودان للعمل بجهاز الامن واستمر ذلك حتى مجئ الانقاذ وحين اتى افراد الامن لمنزلنا بعد يونيو 1989 لاول مره كانوا مجموعه من 7 افراد خمسه منهم حبش يحملون الاسلحه برغم انهم لا يجيدون التحدث بالعربيه وكان على رأسهم عقيد يسمى البركاوى حسب بطاقته
لكن المره التانيه جونا اتنين سودانيين بس الراس اسمه موسى احمد الطيب

اتذكروا الاسامى دى

[مغبونه]

ردود على مغبونه
[اندروس] 05-26-2015 03:55 PM
يامغبونة انتى راكبة من ياتو محطة؟؟ الزول ده بيتكلم عن انتفاضة ابريل وفى الخبر مذكور انه كان مدير الامن الخرجى ابان ايام مايو ... وانتى بتتكلمى عن وقت تانى خالص ...اصحى يابريش


#1273148 [زول الخلا]
5.00/5 (1 صوت)

05-26-2015 07:01 AM
تاج الدين رحمه الله من أبناء الجريف شرق كان أن هتف عندما رأي بنات غير محتشمات في رأيه يوم إفتتاح مسجد النيلين..ومن يومها تم إعتقاله ولم يعد حتي الآن.

[زول الخلا]

#1273119 [كاره العنصرية]
5.00/5 (4 صوت)

05-26-2015 03:25 AM
انحنا من 1956 ربنا مسلط علينا الخرفان مش عارف انحنا السودانيين عملنا في حياتنا شنو عشان يسلط علينا ربنا مثل هؤلاء

[كاره العنصرية]

ردود على كاره العنصرية
[مجنووووووون] 05-26-2015 01:11 PM
ببساطة ربنا مسلط عليكم الخرفان لانكم نعاج هههههههههههه


#1273118 [كاره العنصرية]
0.00/5 (0 صوت)

05-26-2015 03:22 AM
أنا شخصياً لا أعلم أي شخص قتل وليس هناك ما يؤكد وحسب تقارير الأمن الداخلي آنذاك لم يقتل أي شخص، هههههههههههههههههه التحقيق اصلاً تحقيقكم أو تحقيق الامريكان

[كاره العنصرية]

#1273047 [الوافر]
5.00/5 (1 صوت)

05-25-2015 10:29 PM
يا عثمان السيد فضل السيد أنت صحيح لواء ؟؟؟ من أي كلية عسكرية تخرجت ؟ صحيح أنك تخرجت من الجامعة الأمريكية بيروت فكنت ربيب للأمريكان وعميل لهم وقد خنت اللواء عمر محمد الطيب وتنصلت عن مسئوليتك نحو الفلاشا وكنت مهندسها الأول

[الوافر]

#1273001 [العطار]
5.00/5 (4 صوت)

05-25-2015 08:08 PM
سقوط واضح لجهاز امن النميري كيف يكون هنالك مندسين ومن مخابرات دوله اخري وكيف وصل هؤلاء الي الخرطوم كلام لا يصدقه عاقل ممكن ان يكون المندسين من المعارضه بالذات الاسلاميين انذاك ولماذا النكران ايها السيد التعذيب والقتل وجهان لعملة واحده

[العطار]

#1272985 [عمدة]
5.00/5 (2 صوت)

05-25-2015 07:22 PM
أصحى يا (جنابة). يبدو أنها بقية سطلة!!!!!!!!!!!! وماذا كنت تفعل حينها وأنت مديرا للأمن الخارجى وتعلم أن المخابرات الاثيوبية تستطيع قتل متظاهرين سودانيين بالخرطوم ومدنى وعطبرة وكسلا وبورتسودان وووو .....الخ. من أين يأتى هؤلاء الذين ينطقون بأدبارهم !!!!!!!!!!!!!!!!!!!!!!!!!!!!!!!!!!!!!!!!!!

[عمدة]

#1272971 [abushihab]
5.00/5 (2 صوت)

05-25-2015 06:56 PM
مين العبيط دا؟

[abushihab]

#1272944 [محمد علي]
5.00/5 (2 صوت)

05-25-2015 06:07 PM

والله العظيم أنا أول من هتف فى ميدان البوستة وكان الهتاف (شعب جيعان لكنو جبان) ما تهجمنا على أملاك حد ولا ضربنا حد كنا بنضرب البصات التاتا بأيدنا من الخارج ونقول لى الناس أنزلوا...

[محمد علي]

#1272927 [معاويـــــــــــــــــــــــــــــــة]
5.00/5 (2 صوت)

05-25-2015 05:44 PM
يازنديق انت لمان جات الجبهة الوطنية ودخلت الخرطوم وحصل الاقتتال انت شخصيا كنت مشرف على تجميع كل اهالى دارفور والعمال الموجودين فى دكاكين الغسالين والعمال بالسوق وكنت تشرف على تحميلهم وقتلهم فى صحراء الحاج يوسف والحزام الاخضر انت تنسى لكن الايام والتاريخ لن يغفل والله لن يغفر قتل الروح وانتظر بس ارجا الراجياك ان شاء الله وانت اكبر عميل كنت فى جهاز الامن مع الامريكان ........................................

[معاويـــــــــــــــــــــــــــــــة]

#1272914 [ابوماجد]
4.75/5 (4 صوت)

05-25-2015 05:19 PM
محاولة اغتيال حسني مبارك وضلوعكم فيها هل هى ادعاء زنديق؟

[ابوماجد]

#1272911 [كلام الطير في الباقير]
4.88/5 (4 صوت)

05-25-2015 05:15 PM
يا ناس الصيحه لزومو شنو اللقاء ده
ونفهم شنو من الكلام الفارغ ده كلو
وجايبنو اصلا لي شنو واللواء ده زاتو فارغ
الناس في شنو وانتو في شنو يا ناس الصيحه
ودايرين تصلوا لي شنو ودايرين تفهمونا شنو

[كلام الطير في الباقير]

#1272902 [خالد]
5.00/5 (5 صوت)

05-25-2015 04:55 PM
لا بد انك كنت تغطي فى نوم عميق , احد اقربائي قتله جهاز امن جعفر نميري امام العديد من الشهود , الشهيد ازهري مصطفي الطاهر الذي قتل امام القسم الجنوبي بجوار الامدادت الطبية بطلق ناري اصابه في الحوض , نسال الله له الرحمةوالمغفرة .

[خالد]

ردود على خالد
European Union [عبدالعظيم] 05-26-2015 03:33 AM
هذا الرجل كان مندس وين؟ في ذاك قتل ابن خالي ابراهيم سليمان شمو احمد وهو كان طفل اناذاك في ربيعه السادس عشر واخرون برصاص الخناستك نرجو لهم من العظيم الجبارالذي لا الاله الا هو لهم المغفرة ورحمة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة