الأخبار
أخبار إقليمية
حرس (بكري) يعتدي على ثلاثة صحفيين ويشبعهم شتما
حرس (بكري) يعتدي على ثلاثة صحفيين ويشبعهم شتما
حرس (بكري) يعتدي على ثلاثة صحفيين ويشبعهم شتما


قاموا بإنزالهم من الطائرة بالقوة الجبرية
05-26-2015 06:49 PM
الراكوبة - الخرطوم اعتدى الحرس الخاص بتأمين النائب الاول لرئيس الجمهورية بكري حسن صالح، على ثلاثة من الصحفيين بصورة وحشية، وقاموا بإنزالهم بالقوة الجبرية من الطائرة التي تقله الى منطقة اللعيت جار النبي بولاية شمال دارفور.

وقالت مصادر مطلعة لـ (الراكوبة) إن أفراد الحرس الرئاسي تعمّدوا ترك الصحفيين آدم محمد احمد من صحيفة (اليوم التالي) واحمد حاجوك من صحيفة (الوفاق) ومحمد كباشي من صحيفة (الصيحة)، في منطقة اللعيت جار النبي بولاية شمال دارفور، بعد ان انزلوهم من الطائرة المروحية التي تقل بكري حسن صالح الى هناك، وهو ما جعلهم عُرضة لمصير غامض، خاصة انهم لا يملكون وسيلة تعيدهم الى الخرطوم، خصوصا ان المنطقة تعاني من فلتان أمني كبير، الامر الذي يمكن ان يعرّضهم للخطر.

واشارت المصادر الى ان مدير حرس بكري حسن صالح، امر بانزال الصحفيين عنوة من الطائرة المروحية. في وقت هدد احد الضباط برتبة ملازم أول باتخاذ أجراءات قانونية ضد الصحفيين الثلاثة.

وقالت المصادر إن مدير الحرس طلب من الصحفيين النزول من الطائرة ليصعد اليها حرس النائب الاول الذين قدموا إلى المنطقة قبل 24 ساعة، لكن الصحفيين رفضوا بحجة انهم جاءوا بنفس الطائرة وبالتالي سيعودون بها، الا ان مدير الحرس تعامل معهم بقوة وامسك بملابسهم وقام بركلهم خارج الطائرة عبر الباب.

ولفتت المصادر الى الحادثة تمت في حضور قائد المنطقة العسكرية بولاية شمال دارفور، ومدير جهاز امن البشير بالولاية، ومدير الشرطة ووزير المالية بولاية شمال دارفور عبده داؤود. ونوّت المصادر الى ان الصحفيين انتظروا في اللعيت جار النبي التي تبعد عن الفاشر بحوالي 10 ساعات، وعن الابيض حوالي 6 ساعات بالرحلات البرية.

وأبدى الصحفيين تزمرهم واستياءهم من الامر، واعلنوا مقاطعتهم لتغطية فعاليات زيارة بكري حسن صالح. خاصة بعد ان استخدم الحرس الرئاسي القوة المفرطة المصحوبة بالالفاظ الجارحة وغير المسؤولة، لإنزالهم من الطائرة.

وفي الخرطوم وجدت الحادثة استهجان الكثير من الصحافيين، على اعتبار ان التعامل المسئ ظل ديدن قادة حزب البشير مع الصحفيين، وهو ما اوجد حالة من الغبن لدى طيف واسع من منسوبي السلطة الرابعة.

وقالت المصادر إن الصحفيين الثلاثة يخططون للعودة الى مدينة الابيض او الفاشر ومنها الى الخرطوم، بعدما تم التعامل معهم بصورة غير لائقة وغير كريمة.


تعليقات 36 | إهداء 0 | زيارات 15302

التعليقات
#1274353 [لاهاى... هاي]
0.00/5 (0 صوت)

05-27-2015 08:25 PM
و الحله دي بنص كرت يعني كان بكرت كامل كان نكون ف بيت الشراش حسه

[لاهاى... هاي]

#1274348 [nagatabuzaid]
5.00/5 (1 صوت)

05-27-2015 08:17 PM
الصحفيين ديل سمعنا قالوا عندهم اضراب اليوم ووقفة احتجاجية طيب مرافقين بكرى ديل ما تبع الصحفيين المضربين ؟؟ الوداهم شنو ؟ زاغوا من الاضراب اكرموهم بالضرب يستاهلوا بالله عليكم فى زول عاقل يبارى بكرى حسن صالح ولا اى واحد من المخلوقات دى ؟؟

[nagatabuzaid]

#1274301 [الرفاعي الكاهلي]
0.00/5 (0 صوت)

05-27-2015 06:35 PM
الله المستعان مع حكم البشير حسبي الله عليهم

[الرفاعي الكاهلي]

#1274267 [جركان فاضى]
5.00/5 (1 صوت)

05-27-2015 05:11 PM
الواحد ماحزن لطردهم بهذه الصورة المهينة...لانهم مش صحفيين بل شكارات للفاسدين

[جركان فاضى]

#1274255 [أحمد سكاك قطيه]
5.00/5 (3 صوت)

05-27-2015 04:51 PM
كدى بالله حكموا عقولكم ,, العساكر ديل يسيبوا زملائهم ويركبوا الصحفيين اللوايق ديل ؟؟ والله كان مفروض يرموهم من الطياره وهى في الجو ,, عشان تانى ما يباروا العساكر ,, تستاهلوا وعجبنى ليكم , يا صحافة الهندى عز الدين ,, إن شاء يكون معاهم,, اللهم لاشماته

[أحمد سكاك قطيه]

ردود على أحمد سكاك قطيه
United States [nagatabuzaid] 05-27-2015 08:11 PM
اسماء الصحفيين مكتوبة ما بينهم اسم الهندى عز الدين والهندى عز الدين البوديهو اللعيت جار النبى شنو ؟؟ ده لندن طوالى مع ناس الوالى والجلوس فى الهايد بارك


#1274226 [ابو مازن]
5.00/5 (1 صوت)

05-27-2015 03:48 PM
انتو الوداكم شنوووووووو

[ابو مازن]

#1274197 [أبو ميعاد]
3.50/5 (3 صوت)

05-27-2015 03:02 PM
بالله عليكم وبكل أمانة ماهو الجديد الذي سوف يأتي بها الصحفيون ، الناس دي عاملة مسرحية طويلة ونفس الكلام الممجوج والعبارات والهتيفة والطبالة والراقصون مسبقي الدفع ولا شى يخرج بنا من مشاهد فرضت علينا شاهدوا القنوات واقرأوا الصحف محلك سر اجترار لمشاهد ثابتة لا جديد ، هل كتابة مانشتات عن زيارة بكرى سيدر دخلا لمبيعات الصحف في اليوم التالي

[أبو ميعاد]

#1274187 [Shamet]
5.00/5 (1 صوت)

05-27-2015 02:48 PM
You asked for it

[Shamet]

#1274165 [adil a omer]
3.00/5 (2 صوت)

05-27-2015 02:16 PM
ما قلنا ليكم البنقو بتاع واو ده ما بتقدروا عليهو ما سمعتوا الكلام

ده خاص بالمعلم بس

تستاهلوا فى زول ببارى ليهو مسطول

[adil a omer]

#1274157 [أبو السارة]
2.50/5 (2 صوت)

05-27-2015 02:09 PM
يعني يخلوا الحرس ويركبوا الصحفيين أمثال الهندي.

[أبو السارة]

#1274082 [صديق الشيخ حمد النيل]
0.00/5 (0 صوت)

05-27-2015 12:26 PM
ويعنى عادى

[صديق الشيخ حمد النيل]

#1274075 [مدحت عروة]
3.00/5 (2 صوت)

05-27-2015 12:17 PM
صحافة شنو فى انظمة شمولية؟؟؟انتو بى صحكم؟؟؟؟
فى الانظمة الشمولية مافى اى نقاش الا بالكلاش فقط لاغير عندك كلاش وقوة عسكرية فانت محترم وممكن تدخل القصر الرئاسى كمان عندك راى او صحيفة او فكر تاخد بالشلوت وعلى قفاك وماى زول بحترمك !!!
والكلام ده انتو قايلنو ما حاصل ما من زمان الانقاذ قالت العنده سلاح وقوة عسكرية مستعدين نتفاوض معه الما عنده يزح غادى دستور شنو وقانون شنو ومؤسسات شنو بلد استلموها بالقوة ومستعدين يتقاسموها مع الناس العندهم قوة اذا رضوا واذا لم يرضوا فالقتال انهم ليسوا رجال دولة بل رجال عصابات ساكت!!!رجال الدولة البيؤسسوا لدولة القانون والحكم المدنى والحريات ومافى جنس مخلوق يخالف القانون والناس الوحيدين المخول لهم استخدام العنف فى الدولة هو الجيش القومى والشرطة والسجون اى القوات النظامية ولا تدخل سريع ولا بطىء ولا مليشيات حزبية او قبلية وكله تحت القانون والدستور!!!!!والحرية هى الاساس الا من خالف الدستور والقانون الوضعوا بالتراضى والوفاق القومى مش البيضعهم حزب او عسكر استولوا على السلطة بالقوة!!!!!
كسرة:حكومة الانقاذ اصلا غير شرعية وقاعدة بقوة السلاخ وليس بقوة القانون!!!!

[مدحت عروة]

#1274067 [الكجور الأسود]
0.00/5 (0 صوت)

05-27-2015 12:04 PM
هل السبب هو أن الطائرة سوف لن تسع الجميع بعد ظهور ركاب إضافيين هم الحرس النائب الأول؟

[الكجور الأسود]

#1274049 [badraldin mm]
4.00/5 (1 صوت)

05-27-2015 11:37 AM
يجب على قوات الشعب المسلحة الاطلاع بدورها فى حماية وحدة وتراب الوطن ..يجب عليها ازالة السبب الرئيسى الذى يدفع الناس الى المطالبة بحق تقرير المصير ..اذا كان لدي قادة المؤتمر الوطن ادنى وطنية عليهم تسليم الحكم الى حاكومة انتقالية تعالج هذه المشكلات...

[badraldin mm]

#1273997 [خالد الكردفاني]
4.99/5 (8 صوت)

05-27-2015 10:30 AM
اللهم لا شماتة تستاهلوا يا مطبلاتية. عشان تعرفوا بأن هؤلاء المعتوهين المساطيل لا يهمهم زيد أو عبيد

[خالد الكردفاني]

#1273994 [Muawia khater]
0.00/5 (0 صوت)

05-27-2015 10:28 AM
هذا عمل إجرامي نناشد كل المنظمات الحقوقية الدولية التصدي لمثل هذه الجرائم ضد الإنسانية وحرية التعبير والصحافة

[Muawia khater]

#1273961 [عثمان عبده]
0.00/5 (0 صوت)

05-27-2015 09:48 AM
هذه زمانك يا مهازل فامرحي
قد عد كلب الصيد في الفرسان

[عثمان عبده]

#1273925 [جنو منو]
5.00/5 (10 صوت)

05-27-2015 09:14 AM
الببارى الجداد بوديهو الكوشه .. وفعلا تم تشليتكم ورميكم فى الزباله .. تانى باروا
الجداد .. يا جداد الصحف..!!

[جنو منو]

#1273872 [عبدو]
5.00/5 (5 صوت)

05-27-2015 08:39 AM
دي ما بعملا زول صاحي
اكيد مخدرين .. ديل البلفوها لي سعادتو

[عبدو]

#1273862 [Locolo]
5.00/5 (8 صوت)

05-27-2015 08:33 AM
تستاهلو ياريت لو كان كتلوكم ؟؟!

لقد ظلت تلك الصحف الصفراء تدافع عن وتخفى جرائم النظام طيلة ال 26 عام دون وازع دينى آو آخلاقى والان جاء دوركم لتشربوا من نفس الكاس ...

[Locolo]

#1273833 [المتغرب الأبدي]
5.00/5 (8 صوت)

05-27-2015 08:09 AM
والله تستاهلوا ..
عشان تاني تجروا وراءهم بالأقلام والكاميرات ..

[المتغرب الأبدي]

#1273831 [Babiker Shakkak]
5.00/5 (3 صوت)

05-27-2015 08:06 AM
الأمر وصل مرحلة الصعلكة و قلة الأدب و الفتونة وخرجت عن طور القانون و الأدب و الحياء و هذا واضح من السلوك الذى إنتهجه هؤلاء الصعاليك مع الصحفيين

[Babiker Shakkak]

#1273809 [شليل]
5.00/5 (3 صوت)

05-27-2015 07:44 AM
مهما تحسرنا لن يفيد في شيء ، من يهن يسهل الهوان عليه ، من زفة السلطان المخجوجة التي تهافت لها كل مصاصي الدماء لتمجيد تابع الإنقاذ الوالي كبر و ختاماً بمزاره المشرف اللعيت يجب ان تدفعوا ثمن صمتكم ركلاً و سبا لأن معسكر ابوشوك لا يبعد عن القصر الرئاسي الذي تمرغتم في فراشه الوثير ، البؤس الذي تعيش الفاشر ظاهر للعيان و لكن الإنتهازية و عرض المفاتن جعلتكم تلتصقون بطائرة انزلوكم منها و كأنها القيامة بينما الفلتان الأمني و الخوف يخيمان فوق افق دارفور الحبيبة و كل مناطق الصراع في السودان و لكنكم صامتون .
نصيحتي لكم ان تحزموا امتعتكم و تعودا للبندر و كفاكم مهانة و قاطعوا يا معشر الصحافيين مراسم تنصيب المشير لتلقنوا الاوباش معنى أن تكون صحفي

[شليل]

#1273771 [كلحية]
5.00/5 (1 صوت)

05-27-2015 06:13 AM
يا أهل السودان أنتم في كل يوم ترذلون !كل هذا الكم من المهانة وهذه الحمولة من المذلة والناس صم بكم!@ متى تثوروا وتستعيدوا كرامتكم المهدرة وكبرياؤكم المجروح !! أين يا تري هو شعب السودان الذي كان هناك قبل 1989 ؟؟؟؟

[كلحية]

#1273695 [نمو]
0.00/5 (0 صوت)

05-26-2015 10:59 PM
عندما هم امير المؤمنين عمر بن الخطاب
السفر الي بيت المقدس سافر علي ظهر ناقه
واحده وكان معه غلام اسمه سليم
اشار الي الغلام بالركوب علي الناقه تعجب
الغلام كيف يركب سليم وامير المؤمنيين يمسك
بحبل الناقه قال له امير المؤمنين عمر اركب
واانا امسك بالحبل واقرا جزء من القران وبعدها
انت تنزل وانا اركب علي الناقه حتى
وصلا بيت المقدس من المفروض بكري ينزل ن الطائرة
والصحفيين يركبو الطائرة صاح ولا غلط

[نمو]

ردود على نمو
European Union [البروس] 05-27-2015 08:32 AM
صــــــــــــــــاح ؟ وبكري اقرأ جزء من القرآن إلي أن تصل الطائرة الي الخرطوم
فعلاً ( نمو ) ولكنه سرطاني.
صباحات الهنا المافي . اللهم ارحم شعب السودان وابدل الارض خير من عليها فأنهم جنحوا الي سو المصير .

زول ساكت ما مع زول زول بروس

European Union [الحقيقة المرة] 05-27-2015 07:42 AM
اين هؤلاء من ابن الخطاب واقصد النائب الاول لرئيس الجمهوريةوحراسه ، هؤلاء حرامية باسم الدين .


#1273665 [ودالحمر]
5.00/5 (5 صوت)

05-26-2015 09:31 PM
يعني لمن تركبوا الذول دى في الطيارة والدنيا خريف وغيمة سحاب ورزاز مطر وبكوره عايزمزاجه ما يتعكر يلفها ليكم وين؟؟؟؟؟؟؟؟؟افهموها ياوهم.

[ودالحمر]

#1273656 [عصمتووف]
4.63/5 (4 صوت)

05-26-2015 09:16 PM
صحف تصادر وتتعرض للخسارة صحقيين يمنعون من الكتابة واخرون يسجنون و يضربون علي قفاهم و بعد هذا كله تزحفون وراء اخبارهم نعمل ليكم شنو ادانة وشحب واستنكار لن تجدوه ان شاء يفروموكم فرم شخصيا لا اشتري ولا اطالع اي صحيفة ولا اشاهد محطة سودانية ولو ب الغلط تعيشوا وتاحدوا غيرها كمان وكمان
دي صحافة فائدة ورقها ف مسح الزجاج

[عصمتووف]

ردود على عصمتووف
European Union [البروس] 05-27-2015 08:38 AM
صباح الرزاز ومطر ام قزاز هذا هو القول لمن أراد أن يعارض ولكنهم مع القوم .
وهل انا غلا من غزية .........................

ملحوظه : الدعاء الجديد والمفيد والصاح للناس النصاح : ( اللهم ابدل ارض السودان بقوم غير القوم يعبدزنك فيها ولا يكذبون ) عصمتوووووووف . لا عاصم لكم اليوم .

زول ساكت ما مع زول زول بروس


#1273647 [hassan]
5.00/5 (6 صوت)

05-26-2015 08:40 PM
تستاهلوا يضربوكم ويركلوكم

الوداكم شنو ومالكم ومال اخبار الكلاب ديل

[hassan]

ردود على hassan
[hanankokoabas] 05-27-2015 11:48 AM
قول ليهم احمدوا الله الما رموكم والطيارة طايرة فى الجو لا ما عملو ليكم طيارة قامت

European Union [ميم كاف] 05-26-2015 11:57 PM
كلامك صاح الصحفي الحر بسافر من مال الصحيفه ليكون حر في رايه لكن دي صحافه الانظمه الشموليه


#1273646 [ود اب زهانه]
5.00/5 (3 صوت)

05-26-2015 08:40 PM
المفروض كان يشيلوكم ويرموكم للتماسيح في البحر تستاهلوا بدل ماتتضامنوا وترفضوا التغطيه من اساسسه تعبيرا عن رفضكم للخنق والقهر الحاصل جارين تتطبلوا وتملوا كروشكم وبعدين وين سعادتوا ماسمع الجوطه دي معقوله ؟؟؟ والله مناطق انتاج الصنف والموسم الممتاز خلت سعادتوا اعمي واطرش خبر يحمل تناقاضات لا اتصور سعادته ماسمع الجوطه دي ما اير باص هي

[ود اب زهانه]

ردود على ود اب زهانه
European Union [البروس] 05-27-2015 08:46 AM
ههههههههه لا هلكوبتر . هههههه ود ابو زهانه ( يقال انه كان رجلاً ياكل في اللكوندة وينام في الجامع )

زول ساكت زول بروس


#1273640 [واحد رايح]
5.00/5 (1 صوت)

05-26-2015 08:30 PM
نداء هام وعاجل موجه لكل الاخوه بالسودان والابيض على وجه الخصوص الرجاء على كل من يملك اى معلومه عن اسرة عبد التام سالم ان يتصل بهذا الرقم211956779576+ وجزاكم الله كل خير

[واحد رايح]

#1273633 [Badr]
2.75/5 (3 صوت)

05-26-2015 08:12 PM
تستاهوا يا صحفى الغفله من اساسو ايه اللوكيميا مع ابو صيده ده

[Badr]

#1273629 [ودالبلد]
4.94/5 (7 صوت)

05-26-2015 07:59 PM
تسأهلو يا كلاب ما انتو شغاليين ليهم تطيل 25 سنه

[ودالبلد]

ردود على ودالبلد
[abdullye] 05-26-2015 08:55 PM
يستاهلوا عجبنى ليهم


#1273626 [شلنكو]
5.00/5 (3 صوت)

05-26-2015 07:55 PM
عاد دا كلام يا اخوانا
تجيبونا وما ترجعونا
مخير الله

[شلنكو]

#1273620 [النتروجين]
5.00/5 (2 صوت)

05-26-2015 07:40 PM
(إنت يا مايو الخلاص)

[النتروجين]

#1273617 [المهند]
5.00/5 (1 صوت)

05-26-2015 07:34 PM
عله لا يرجع هو ومن معه والى الجحيم

[المهند]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة