الأخبار
أخبار إقليمية
ولاية الخرطوم تعلن جاهزيتها لاستقبال فصل الخريف
ولاية الخرطوم تعلن جاهزيتها لاستقبال فصل الخريف
ولاية الخرطوم تعلن جاهزيتها لاستقبال فصل الخريف


05-29-2015 08:41 PM
الخرطوم (سونا) -أعلن د. احمد قاسم وزير البني التحتية والمواصلات بولاية الخرطوم عن اكتمال كافة الترتيبات والتجهيزات الادارية والفنية واللوجستية لاستقبال فصل الامطار (الخريف) للعام الجاري .
وقال قاسم فى تصريحات له اليوم فى برنامج (مؤتمر اذاعى) باذاعة ام درمان انه تم انشاء الغرفة المركزية لطوارئ الخريف منذ الاول من مارس الماضى وتضم هياكل الحكم المحلية والولائية والاتحادية في إشارة الى وزارة الري والارصاد الجوي ووزارة الصحة ووزارة الشؤون الاجتماعية .
واوضح قاسم ان الغرفة مسؤولة عن كافة التحضيرات وإعداد مختلف التنبؤات بمستويات الامطار والقيام بأعمال الصيانة الدورية للمصارف وتطهيرها ونظافتها إضافة إلى الاشراف على العمل الطوعي والصحي والاجتماعي وتوفير المعينات الهندسية اللازمة لمواجهة الامطار والسيول .
وكشف وزير البنى التحتية والمواصلات بولاية الخرطوم بأنه تم الان تطهير ونظافة المجاري الكبيرة والفرعية والتي تبلغ الفي كيلومترا مشيرا الى انتهاء عملية النظافة خلال اسبوعين فقط حتى تستقبل موسم الامطار الذي يبدأ جغرافيا فى الخامس عشر من يوليو القادم .


تعليقات 15 | إهداء 0 | زيارات 2652

التعليقات
#1276089 [ابودعد]
0.00/5 (0 صوت)

05-31-2015 09:51 AM
يعني الفاتح جبرا راحت عليهو والخريف ما جاء فجأتن

[ابودعد]

#1276064 [abu ahmed]
0.00/5 (0 صوت)

05-31-2015 09:06 AM
الموية تكضب الغطاس

[abu ahmed]

#1275797 [ALIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

05-30-2015 07:20 PM
قاققققققققققققققققققق نفس الكلام الفارغ والسخيف عديم المعني والمعاني كلو سنة بتكومو الوساخة جنب الخيران يمكن عشان تجو تنضفوها السنة البعدها مش كده ولالا انا ماعارف دي عوارة ولا كالعادة مسرحيتكم البايخة اياها كلو سنة نفس الكلام وكلو سنة فاشلين الحل هو كالاتي انشاء شبكة مصارف في كل شارع من شوارع العاصمة ومراعاة الارتفاعات والانخفاضات وسفلتتها بحيث تتصرف المياه لكن خيرانكم الفارغة دي اللي من زمن سيدنا ادم عليه السلام دي مابتخارجكم بالله عاصمة في القرن الواحد والعشرين ومناظر للشوارع وكانك في الريف ولست في العاصمة بالله يااحمد قاسم استحي استحي ياهذا بنية تحتية هي وينها البنية التحتية الخيران المردمة جنبها الوساخة دي البنية التحتية اتوا غايتوا والله العظيم عايزين اعدام اعدام اعدام انت والرمة عمر البشير وين تعميرك وعمارك ياعمر زفت 95 بالمئة من العاصمة لاسفلتة للطرق فيها اصلا 90 بالمئة من الطرق والشوارع مجاريها ريفية هي ليست مجاري بل ترع ترع ياسجم انا نفسي اعرف الناس دي قاعدة تسوي شنو بالضبط بلهطو بس لهط

[ALIIIIIIIIIIIIIIIIIIIIIIIIIIIIIIIIIIIIII]

#1275782 [سوداني حزين علي حال البلد]
0.00/5 (0 صوت)

05-30-2015 06:47 PM
هههههههههاي نحنا بعد وزير المالية ماقال لن يؤثر فينا أنفصال الجنوب وجاهزين للأنفصال عرفن الفوله ومافيها

[سوداني حزين علي حال البلد]

#1275760 [زول مستغرب]
0.00/5 (0 صوت)

05-30-2015 05:41 PM
بس مافى زول يجى يقول لينا الخريف فاجئنا

[زول مستغرب]

#1275734 [ابو العينيين]
0.00/5 (0 صوت)

05-30-2015 04:41 PM
د. احمد قاسم وزير البني التحتية ههههههههههههههه الخريف مابعيد كلها شهر ونص
شكلك معتمد علي ذاكرة الشعب الخربانه لكن بجي الخريف والسواق بقول ماراجع

[ابو العينيين]

#1275647 [الناهة]
5.00/5 (1 صوت)

05-30-2015 12:41 PM
يشهد الله
ان التعليق ادناه ظللت اكتبه مايزيد على 15 عام وهو:
ظلت المحليات بحكومتنا الرشيدة تقوم بنكت المجاري الخاصة بتصريف مياه الامطار وتضع الاوساخ التي تنكتها بجوار هذه المصارف فتهطل امطار الخير والبركة فتختلط بهذه الاوساخ وتزحف على شوارع الاسفلت او تبقى مكانها فتكون بركا من المياه الآسنة فيتوالد الذاب والبعوض فتنتشر الامراض مثل الملارياوالدوسنتاريا ومن المرجح ان يكون العدو الاسرائيلي ةامريكا هي وراء هذا العمل التخريبي وان لها عملاء وطابور خامس بالمحليات يعملون معها بغرضابادة الشعب السوداني المسلم
السؤال
هل استطاعت الحكومة ان تتعرف على هؤلاء العملاء الطابور الامس اعداء الدين والوطن والشعب السوداني وتطهير الصفوف منهم ام مازالوا باقون
عموما لوصعب الامر على الحكومة عليها ان تقتفي اثر شركات والمقاولين الذين يقومون بتنظيف المجاري ويتم ارساء العطاءات عليهمكل عام فهؤلاء عملاء الصهاينة

[الناهة]

#1275559 [abo mohammed]
5.00/5 (2 صوت)

05-30-2015 09:23 AM
بيكلامكم دا قايلين بتخوفوا الخريف ولاشنو .

[abo mohammed]

#1275457 [انقاذي سادر في فساده]
5.00/5 (1 صوت)

05-30-2015 12:22 AM
Lying addiction

[انقاذي سادر في فساده]

#1275435 [حزب الراكوبة]
5.00/5 (1 صوت)

05-29-2015 10:58 PM
بكرة بي الخريف واللوراي بتقيف

[حزب الراكوبة]

#1275402 [fatmon]
5.00/5 (2 صوت)

05-29-2015 09:42 PM
المية تكدب الغطاس، بكره نشوف الجاهزية دي

الناس مساهرة الليل كله في قلب العاصمة لا ماء في قلب العاصمة فما بالك بالأطراف والأقاليم

[fatmon]

#1275391 [د .الزهجان]
5.00/5 (1 صوت)

05-29-2015 09:32 PM
ولو بدا قبل كدا ..اربع سنوات ونحنا يا نا نحنا كلامكم تشيلو اول هبوب وترمو اللوم مرة علي المطر ومره علي المواطن

[د .الزهجان]

#1275389 [عودة ديجانقو]
5.00/5 (1 صوت)

05-29-2015 09:24 PM
انه تم انشاء الغرفة المركزية لطوارئ الخريف منذ الاول من مارس الماضى
********************************************************************

يعنى يا قاسم أفندى نقول 2015 اول مره للخريف فى السودان؟؟؟ ياخى ده كلام شنوووو إذا كان انا مره بنفسى شاهدت لما الملك بعانخى كان فى السلطه نزلت مطره فى شهر 7 وقام الملك المفدى بأعلان حالة الطوارئ فى البلد وشاهدته بنفسه يدير الازمه من غرفة عمليات انشأت خصيصا لهذا الغرض..تجى إنت فى 2015 تقول لى تم إنشاءها فى مارس وفى مارس بالذات عشان إتذكرتوا إنه شهر الكوارث.

كارثه تاخدك إنت و المعاك بما فيهم البشير يا حيوان

[عودة ديجانقو]

#1275388 [Toto]
5.00/5 (2 صوت)

05-29-2015 09:22 PM
النشوف ههههههه.يا عثمان قلابك ده تعبان ما بوصلك الدكان ... يا خي ما تغيرو " لكن ده ماالوالي الاصصصلي "

[Toto]

#1275382 [Toto]
5.00/5 (2 صوت)

05-29-2015 09:13 PM
النشوف ههههههه

[Toto]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة