الأخبار
أخبار إقليمية
اكتمال دراسة جدوى بنك المغتربين وتسليمها بعد غد الأحد
اكتمال دراسة جدوى بنك المغتربين وتسليمها بعد غد الأحد
اكتمال دراسة جدوى بنك المغتربين وتسليمها بعد غد الأحد


05-29-2015 09:16 PM
الخرطوم (سونا) - يتسلم الأستاذ جمال محمود إبراهيم وزير الدولة بمجلس الوزراء، المشرف على جهاز تنظيم شئون السودانيين بالخارج ورئيس مجلس الإدارة والسفير حاج ماجد محمد السوار الأمين العام للجهاز بعد غد الأحد بقاعة مركز دراسات الهجرة، يتسلمان دراسة جدوى بنك المغتربين التي أعدتها شركة الإقبال للاستشارات تحت إشراف اللجنة المكونة بقرار وزير الدولة برئاسة الدكتور محمد خير الزبير وتضم في عضويتها عددا من الاقتصاديين.
وينظم الجهاز احتفالا بهذه المناسبة يخاطبه كل من وزير الدولة والأمين العام لجهاز شؤون السودانيين بالخارج ويتم فيه تقديم تقرير أعمال اللجنة المكلفة بدراسة الجدوى واستعراض نتائج الدراسة ويختتم بافتتاح صالة الجوازات الجديدة بمقر الجهاز.
وأعلن السفير حاج ماجد السوار أن فكرة إنشاء بنك المغتربين تأتي انطلاقا من توصيات مؤتمرات المغتربين المتخصصة لتهيئة الظروف لإدماج اقتصاد الهجرة في الاقتصاد القومي.


تعليقات 24 | إهداء 0 | زيارات 2545

التعليقات
#1276149 [داوودي]
0.00/5 (0 صوت)

05-31-2015 11:18 AM
لا يستحق التعليق ..

[داوودي]

#1275766 [Zuhair]
0.00/5 (0 صوت)

05-30-2015 06:04 PM
هؤلاءالبشر يريدون سلخنا ونحن أحياء ، نحن لانريد بنك للمغتربين ونريد عدلا فيه رحمه لأبنائنا المغتربين والذين يودون الدراسه بالسودان وهذه الوزيرة التي لاتعرف الرحمة حسبيَ الله ونعم الوكيل فيها وكذلك السماح لنا بإدخال سياراتنا الشخصية في حال العودة النهائية بدون النظر لموديل السيارة لأن ده شقاء عمرنا ويا أمين عام المغتربين جابوك لينا فزع وبقيت لينا وجع وتذكر أنت ومن سبقوك بأنكم مصيتونا مص في قروشنا ولسه عاوزين الزيادة خافوا الله نعالى فينا وتذكروا دعوة المظلوم ليس بينها وبين الله حجاب وكلنا نحن المغتربين نرفع أكفنا بالدعاء والتضرع لله تعالى بأن ينصفنا ويأخذ حقنا منكم جميعآ وتذكروا سوف تقفون يومآ أمام المولى عز َوجلَ في يوم لاينفع فيه مال ولابنين إلا من أتى الله بقلب سليم وحسبيً الله ونعم الوكيل فيكم جميعآ

[Zuhair]

#1275602 [ود احمد]
0.00/5 (0 صوت)

05-30-2015 10:46 AM
نحن لا نريد بنوكا الذي نريده من هذا الجهاز هو الدفاع عن حقوق المغتربين وخاصة مساواة الناء المغتربين في المنافسة في الجامعات اما هذا النظام الجديد 80 في المئة من التحصيلي و20 في المئة من التراكمي فهذا الظلم بعينه انتم حكومة تجيدون حلب المغترب وتنشيق ريقه ان كان له ريق اصلا لا نريد منكم بنوكا ولا استثمارا نحن عندما خرجنا من البلد اخذنا هذا القرار ونتحمل تبعاته ولا مريد منكم شيئا ونريد ان ننال حقوقنا كمواطنين لا نزيد ولا ننقص مع ان المغتربين هم يدخلوا لهذه البلد العملات الصعبة فضلا عن ذلك فانهم يقومون باعالة ومساعدة كثير من الاسر التي عجزت حكومتكم عن توفير ابسط مقومات العيش لها

[ود احمد]

#1275601 [عماد]
0.00/5 (0 صوت)

05-30-2015 10:42 AM
تلقوها عند الغافل المؤمن لا يلدغ من ............................

[عماد]

#1275598 [سوداني حر]
0.00/5 (0 صوت)

05-30-2015 10:40 AM
دي مالكلة وسرقة جديدة لاموال المغتربين .. بعد ما خلاص باعو البلد كلها مافضل الا نهر النيل قبلتو علي المغترب المسكين الشقيان ياحرامية ياتجار الدين.. الله لا كسبك
م

[سوداني حر]

ردود على سوداني حر
[موسي] 05-30-2015 01:23 PM
شكلك يا حر نائم وما جايب خبر ... ما فضل في البلد شئ حتى نهر النيل بقوم سد النهضة والجماعة بقبضوا عمولتهم ويسلوا جوازاتهم الاجنبية ويطفشوا ساعتها تعرف الحقيقة.....


#1275595 [ولد موريتان]
0.00/5 (0 صوت)

05-30-2015 10:36 AM
عشرات البنوك بالسودان تعاني وضعا مأذوما - في سني الانقاذ العجاف -- ففضيحة تاجر الخيش - وصقر قريش --- التي كانت قيمتها تفوق راسمال اكثر من نصف البنوك العاملة بالبلاد --- وطفت للسطح مايدور ببنك فيصل ولعل الايام القادمات تكشف الكثير --------

كم توزع بنوكنا السودانيه لمساهميها بل كل شركات البلاد عدا شركتين اوثلاث تحديد--- واين شركة المهاجر واين الاسواق الحرة-------------- املك حوالي ال7الف سهم ببنك سوداني منذ حوالي 17 عاما وقيمتها وقتها قيمة ارض بمنطقة صالحة والارض الان قيمتها بالضبط حوالي بالالاف من الجنيهات لايقل عن خمسين الف او بالقديم خمسين مليون لكن قيمة الاسهم الان اقل من مبلغ الشراء ولاتتجاوز 500جنيه --------------اين هموم المغتربين الحقيقية-عاملوا المغترب في سفاراتكم بمايرضي الله وحقه كمواطن -- سفارات الضرب وةالاساءه -- اكرموا المغترب بسواكن بدل ان يعمل العسكري بعصاه لايراعي ادبا وسنا ولا احتراما-- كفي النظرة للمغترب انه ينبوع دخل فقط -------------------------------

[ولد موريتان]

#1275591 [عابر سبيل]
0.00/5 (0 صوت)

05-30-2015 10:30 AM
بنك مين والناس صاحين .. اولا حاج ماجد لايخدم الا نفسة والمغتربين ضاقوا من الزل والحرمان ما يكفي وهم اجدر بحفظ مايخصهم وليسوا بحاجة لامثال هذا البنك وما فية

[عابر سبيل]

#1275574 [العطار]
0.00/5 (0 صوت)

05-30-2015 09:54 AM
انا من المغتربين العائدين نهائيا الي البلاد ولدي سياره خاصتي بالمملكه وذهبت الي المغترببن لتكملة الاجراءات وطلبوا مني احضار رخصة السير واحضرت فاتوره شراء السياره موثقه من السفاره السودانيه والخارجيه السودانيه ولكن تم رفضه لان الجمارك اصدر تعليمات للمغتربين ايقاف العمل بالفواتير واريد ماهو دور المغتربين وعلما بان قرار مجلس الوزراء يسمح بادخول سياره لاي مغترب عائد للبلاد نهائيا ولم اتمكن من ادخال سيارتي حتي الحظه يعني انا ما استفدت من حقي الخاص كيف حستفيد من حق العام ياسوار عارفنك انت زول دباب ادينا حقنا او اخذ لينا حقنا وتعال عشان نفتح البنك

[العطار]

#1275547 [prince]
5.00/5 (1 صوت)

05-30-2015 08:59 AM
هههههههههههه دايرين تاكلونا زي سندس قروشنا برانا بنلمها

[prince]

ردود على prince
[عماد] 05-30-2015 10:41 AM
هههههههههههههههههههههههههههههههههههههههههههههههههههههههههها


#1275544 [الوطن العزيز]
2.50/5 (2 صوت)

05-30-2015 08:52 AM
يا ريت لو عملنا بنك ونسميهو ( بنك ستات الشاي) ... أيدي نظيفة وسترة وأكل عيش حلال لا فيهو غش ولا عايز ليهو موظيفين عشان يسفوهو ...
بنك المغتربين قال ... هو العذاب الضاقوه المغتربين منكم شويه...
وكمان بت أبو كشوة تعرفوا حاقدة على المغتربين ليه؟ عشان زمان كانت مكيسة ليها واحد مغترب وأداها شاكوش عشان كدة عملت الحكاية دي انتقاما من المغتربين. ..

[الوطن العزيز]

#1275518 [عبدالرحيم وقيع الله]
0.00/5 (0 صوت)

05-30-2015 07:23 AM
رغم ان البنك ليس اولوية ولكن سسنتظر ان شاء الله حتى صباح الغد الاثنين 1 يونيو 2015م وهو موعد (حفل التسليم والتسلم) لدراسة جدوى وهو تقليع جديد لأول مرة نسمع بحفل لتسليم دراسة جدوى
المهم سننتظر حتى نشوف ماذا قالت دراسة الجدوى وكيفية المساهمة في البنك والتي بناء عليها سوف يتحدد موقفنا من البنك وسبق ان قلت انه يجب تتحول الضريبة او جزء منها او الزكاة او جزء منها التي يدفعها المغترب تلقائياالى مساهمة من المغترب في رأس مال البنك وان يعطى شهادة اسهم تلقائيا بذلك وان تزداد عدد الاسهم التي يملكها سنوياً بنسبة معينة دون الحاجة ان يدفع المغترب رسوم للحصول على شهادة اسهمه بالبنك وبهذه الطريقة يعتبر جميع المغتربين تلقائيا مساهمين بالبنك.

المهم نأمل ان لا يكون احتفال التسليم احتفال مراسمي فقط تتبادل فيه كلمات الثناء والتقدير كما نأمل من ناقل الخبر او الذي يحضر المناسبة ان يقدم لنا ملخصاً لأهم النقاط بصدق وشفافية وأن يملك للمغترب المعلومات المطلوبة..

[عبدالرحيم وقيع الله]

#1275507 [زيتونة]
0.00/5 (0 صوت)

05-30-2015 06:50 AM
اهانشوف منو اللى بيحوليكم

[زيتونة]

#1275506 [zaino]
0.00/5 (0 صوت)

05-30-2015 06:45 AM
صدقوني أي واحد مقترب يتعامل مع البنك يكون جنا على نفسة و الامثلة كثيرة جامعة المغتربين مشروع سندس وكم وكم وكم من مشاكل المغتربين لا يتجاوب احد لها - ديل كلهم حرامية من البشير للغفير - خلو اموالكم عشرة في جيوبكم وصدقوني الاستثمار خارج السودان افضل من الداخل - عندي احد الاقرباء فكر يعمل مشروع شركة نظافة ورفع دراسة الجدوى للوالي وبع فترة تم تكوين الشركة من الوالي واهله كما قدم دراسة لمحطة وقود تم انشاء المحطة ولكن من قيل ابناء الوالي - دا السودان دمار اقتصادي واخلاقي ممنهج ؟؟؟

[zaino]

#1275472 [صابر محمد صابر]
0.00/5 (0 صوت)

05-30-2015 02:11 AM
يا أمين جهازنا - أيها الأمين الهمام سوار أنت في واد والمغتربون في واد - أي بنك هذا الذي تتحدث عنه ؟؟!!! ومن يكون جمال محمود إبراهيم وزير الدولة بمجلس الوزراء، المشرف على جهاز تنظيم شئون السودانيين بالخارج ورئيس مجلس الإدارة - نحن لم نسمع به وحتى مؤتمرات المغتربين التي تعقد في دهاليزكم المظللة لم نسمع بها -- أيها الأمين - أين الأمانة ؟؟ لماذا تريدون ذبحنا ألا يكفي ما تفعلونه بنا طيلة السنوات الماضيات ماذا قدمتم لنا ولأبنائنا لاشئ سوى زيادة الضغوط و المتاريس - أرحمونا أيها الأمين وأرحموا أبناءنا طلاب الشهادة العربية فهم يستغيثون و يستصرخونكم وأنتم في عاالم آخر

ما دوركم أيها الأمين سوار في الكارثة التي ستحل بأبنائنا طلاب الشهادة العربية ؟؟ ماذا فعلت لإحتواء هذه الكارثة ؟ ألم تسمعوا بها ألم تكن حضورا حين صدر قرار الوزارة أم أنك أبلغت الناس بالقرار الكارثي ثم ما لبست أن أختفيت وتركتنا وأبنائنا في مهب الريح أهذه هي الأمانة أيها الأمين ؟؟!!

وبأختصار أيها الأمين سوار هذه البنك (( ليس بأولوية)) إتق الله فينا أنت ومن معك أرحمونا وكفانا إستخفافا !!

[صابر محمد صابر]

#1275465 [moe]
3.00/5 (2 صوت)

05-30-2015 01:10 AM
هذا البنك سيتعامل معة المغتربين ناس جهاز الأمن المندسين فقط. يعني أي مغترب يشجعك لهذا البنك يكون جهاز أمني جاسوسي.

[moe]

#1275464 [نمو]
0.00/5 (0 صوت)

05-30-2015 01:04 AM
اي مشروع فيهو الحاج سوار فاشل بدل بنك المغتربين
امشي حل مشكلة السودانيين العالقين في الحدود
اليمنيه العمانيه ولو ما عاوزين تخسرو تكلفه تذاكر
الطيران قدموا عريضه طالبو فيها العمانيين بتحمل تكلفه
الطيران وهو اصلا حاج سوار نفع في الرياضه لمن
ينفع في المغتربين بس شغالين نهب وسرقه

[نمو]

#1275463 [Lila Farah]
0.00/5 (0 صوت)

05-30-2015 12:52 AM
التي أعدتها شركة الإقبال للاستشارات تحت إشراف اللجنة المكونة بقرار وزير الدولة برئاسة الدكتور محمد خير الزبير وتضم في عضويتها عددا من الاقتصاديين.
وينظم الجهاز احتفالا بهذه المناسبة .!!!!!!


أولا من هي اقبال دى العملت الدراسه ؟ ومن هم أصحابها ؟ ومنو الكلفها تعمل الدراسه؟
وبعدين الجهاز بتاع السفاح الدباب الارهابي سوار طوالي كده هاينظم احتفال بمناسبة
الدراسه ؟ مايستني شويه لغاية ماالناس تقول رأيها في الدراسه ومن الناس من هم أحرف
وأفهم وأكثر علما من كل شركة اقبال المشبوهه دى .!!!!!

ليه بس اتو مصرين تنصبوا وتضحكوا علي المغتربين بحكاية البنك الماليهو اى لازمه ولا
معني ؟ اتو ماتصلحوا حال البنوك الفاشله العامله الآن في السودان بدل ماتعملوا بنك
مصيره ينضم بعد شويه لقطيع البنوك الفاشله وعلي رأسها بنك السودان اس البلاء والفشل.


ويتسلم الأستاذ جمال محمود إبراهيم وزير الدولة بمجلس الوزراء، المشرف على جهاز تنظيم شئون السودانيين بالخارج ورئيس مجلس الإدارة والسفير حاج ماجد محمد السوار الأمين العام للجهاز بعد غد الأحد بقاعة مركز دراسات الهجرة،


آل يعني المغتربين خلاس اتغشوا ليكم باستلام الاستاذ جمال وزير الدوله وحاج ماجد
سوار اللي لي هسع مصر انو سفير .

والله دراستكم دى لو استلمها السفاح الارهابي الكبير المطلوب دوليا عمر البشير ذاتو
مغترب واحد هايدقس ليكم ماف يالصوص ياسفله وسيظل الدباب الارهابي ماجد سوار ينتقل
من فشل الي فشل .

[Lila Farah]

#1275461 [مراقب]
0.00/5 (0 صوت)

05-30-2015 12:35 AM
سوف يتم توريد كل الاموال التى تجبى من المغتربين فى هذا البنك. اؤكد لكم بعد افتتاحه سوف يطلب من كل مغترب ان يورد كل التزاماته فى هذا البنك بحجة انه بنك المغتربين. والله يستر ما يقولوا بالعملة الحرة كمان. وبدل هذه الاموال تصب فى الخزينة العامة مباشرة وربما يستفيد منها المواطن تكون اتقنطرت فى مكان واحد وعينك ما تشوف الا النور. هؤلاء لا يفعلون شىء لله والعياذة بالله. ما هو الداعى لوجود بنك والبنوك على قفا من يشيل؟

[مراقب]

ردود على مراقب
United States [قيردون] 05-30-2015 09:38 AM
نورّد وين يافردة؟ ومن ياتو فايض؟ هي كلها على بعضها واحد قاعد والتاني واقف.. القاعد حناكلو في بطنا والواقف نقرّي بيهو الولد في بلاد الله الواسعة.. بعد جريمة ال80% حقت التحصيلي .. يعني ما حيشموا مني انا بالذات التكتح.


#1275443 [Adolf]
0.00/5 (0 صوت)

05-29-2015 11:28 PM
طبعا و الخطوة الجاية و بحكم معرفتنا بطرق تفكير الجماعة و لمعرفتنا بنهمهم للقرش و بحاجتهم الي الدولار. ستكون الخطوة القادمة اصدار قانون يفرض على المغتربين تحويل اموالهم او جزء منها عن طريق هذا البنك لأن مسألة المساهمة في رأس المال لن خدعة لن يقع فيها احد

[Adolf]

#1275411 [د .الزهجان]
0.00/5 (0 صوت)

05-29-2015 09:55 PM
نسيت اقول حلاتو حاج ماجد بقي حليو وصغير ..
ولسه العقل زي ماهو

[د .الزهجان]

#1275409 [Malik]
0.00/5 (0 صوت)

05-29-2015 09:50 PM
بمناسبه بنك المغتربين المزمع قيامه ولا اود الدخول في مدي جدوي البنك ولكن الشي بالشي يذكر جامعه المغتربين اسم ارجو ان يعاد النظر فيه وليس كل الطلاب مغتربين والاغتراب حاله يمكنان تتغير ورد الله غربتكم لوطن حدادي معافي يسعكم جمعيا

[Malik]

#1275406 [د .الزهجان]
0.00/5 (0 صوت)

05-29-2015 09:47 PM
ياقوم الواحد لوعايز يعمل ليهو بقاله بيشوف الزباين وقابليتهم الشرائيه وانواع مشترواتهم ..وبنك االمغتربيين معظم المغتربين رافضين الفكرة بالتلاته ...وهل دراسة الجدوئ اشتملت سوق البنك الهو المغترب .وربما تكون للبنك مارب اخري .كتبييض الفراخ .و ....و

[د .الزهجان]

#1275399 [fatmon]
0.00/5 (0 صوت)

05-29-2015 09:38 PM
وأكيد كل مغترب عارف ده كله سرقة وكذب كعادتهم هؤلاء خائني الأمانات لا أحد يصدقهم معجنون بالكذب والخداع والفساد يشوفوا ليهم ناس تانين يغشوهم لكن ما المغتربين93

[fatmon]

#1275393 [العطار]
0.00/5 (0 صوت)

05-29-2015 09:33 PM
بنك المغتربين سيمول اهل سوار فقط الذين يتوافدون يوميا الي مكتب سوار بجهاز المغتربين بعد الدوام . ماذا يريدون هؤلاء في المغتربين

[العطار]

ردود على العطار
United States [abubaker] 05-30-2015 07:10 AM
اولا ياخي اهل سوار ما محتاجين زي ما تقول وانت ما قدهم اوعاك خليك مع الحاج سوار بس

[بعاتي] 05-30-2015 04:56 AM
بعد كل العملتوهو في السودان دا وضعنا اموالنا عندكم . نصبح نحن عالم زباله

[زول الخلا] 05-29-2015 10:57 PM
هو من وين في الاهل علشان نعرفهم وما يغبو علينا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة