الأخبار
أخبار إقليمية
الانقاذ ويوم الزينة
الانقاذ ويوم الزينة
الانقاذ ويوم الزينة


05-31-2015 05:42 PM
حسن احمد الحسن

بعد ربع قرن من الحكم المطلق والهيمنة المطلقة على السلطة والثروة والسلاح وبعد مرور اكثر من خمسة وعشرون عاما على تولي الرئيس عمر البشير رئاسة الدولة وبعد مسلسل من الأزمات والفساد الاقتصادي والسياسي والحروب والصراعات والعقوبات والاعتقالات ومصادرة الصحف وبعد ان هاجر ثلث الشعب السوداني إلى مدن العالم بحثا عن حياة كريمة آمنة يعلن عن تنصيب البشير وسط حشد من الرؤساء والأمراء على نحو ما اعلن عنه وكأنه يتولى السلطة لأول مرة وفق انتخابات حرة ونزيهة على الطريقة الأميركية مع الفارق في الشكل والمضمون بالطبع .

ومهما كانت أسباب استمرار هيمنة النظام الحاكم سواء من خلال القبضة الأمنية والسياسية او بسبب ضعف المعارضة وآلياتها أو بسبب صبر السودانيين على الإنقاذ خوفا من مواجهات تجر على بلادهم خطر التمزق والانزلاق إلى ما آلت إليه الأوضاع في بعض الدول من حولنا وليس خوفا منها ، إلا أن نظام الإنقاذ لم يستفيد من كافة الفرص والدروس التي توافرت له للانتقال بالبلاد إلى واقع جديد ينفي كل صور الواقع البائس الذي صنعته في البلاد لربع قرن مضى بل كان كل هم قادته تثبيت اركان سلطتهم دون اعتبار للأثمان التي ستدفعها البلاد وذلك بهدف الاستمرار لأطول فترة ممكنة مستفيدين من تحالفات مجموعات انتهازية تحمل لافتات سياسية وهمية وتحالفات من سماسرة وطفيليين لا تهمهم مصالح البلاد العليا بقدر اهتمامهم ببيع كل شيء ونهب كل الموارد العامة حتى أضحت ملفات الفساد لتنوء بالعصبة اولي القوة .

لم يتسنى لأي نظام ان يحكم السودان بالقدر الذي حكمت فيه الإنقاذ وهي فترة كانت كافية ان تنقل السودان إلى مصاف الدول المصدرة والمنتجة والمستقرة سياسيا واقتصاديا في العالم والأولى في افريقيا والعالم العربي لكنها حقبة من الدموع والدماء استهلكت في صراعات ومكايدات سياسية وحروب داخلية ودمار للمشاريع الحيوية التي كانت قائمة فلم يعد للسودان أن يفاخر بمشروع الجزيرة او السكة الحديد او الخطوط الجوية او البحرية بعد ان أصبحت كغيرها من المشروعات الأخرى الأقل من حيث الأهمية اثرا بعد عين .

أما على الصعيد السياسي فا حدثت تشويه كامل للتجربة السياسية السودانية التي رسم ملامحها المحجوب والزهري ورفاقهم ولكل ماحفلت به من قصص النزاهة والشفافية والغيرة على الوطن وموارده وماله العام ونكران الذات وأصبحت السياسة في السودان نهبا لكل من هب ودب أسماء وأحزاب وهمية لا يدري أعضائها على قلتهم أسماء قادتها كأقصر وسيلة لنهب المال العام .
يأتي يوم زينة الإنقاذ الذي سخرت له كل موارد الدولة كما سخرت للانتخابات المعزولة من قبل كدلالة على عقدة الشرعية والعزلة الداخلية التي يعاني منها النظام وكان الأجدى للرئيس ان ينظر إلى الحقائق على الأرض وكيفية معالجتها وأن ينتهز فرصة صبر السودانيين على نظامه خوفا على بلادهم لاتخاذ قرارات تاريخية ومفصلية وهي اهم من كل هذه الدعاية السياسية الوهمية المكلفة والتي لا تغير حقيقة ان الإنقاذ قد فشلت في ربع قرن وأن مالم تحققه في ربع قرن لن تحققه في خمسة أعوام إن ضمنت وجودها .

إن الفرق بين تنصيب الرئيس في الدول الديمقراطية ودول أنظمة الحزب الحاكم فرق كبير أهمه أن الذي يتم تنصيبه في دولة ديمقراطية كما فعل أوباما يعد شعبه بتنفيذ برنامجه في فترة رئاسته المحدودة التي يستشرفها ويصبح خطابه حجة عليه . اما التنصيب في بلاد أنظمة الحاكم فيتم بعد ربع قرن من ممارسة السلطة يعتذر فيها الرئيس عن فشله ويعد بخمسة أعوام أخرى لإعادة المحاولة مرة أخرى .


[email protected]


تعليقات 5 | إهداء 0 | زيارات 3212

التعليقات
#1277401 [ود الريف الحريف]
0.00/5 (0 صوت)

06-02-2015 01:23 PM
تنصيب الملك العريان النصاب

ليس بالضرورة أن يكون معنى كلمة العرى بالمعنى المتعارف عليه ,,,, فمن الممكن أن يكون الإنسان عاريا أخلاقيا كما هو حال النظام المتهالك الذى يسيطر على كل أمور البلاد منذ ستة وعشرون عاما ... النظام ليس عاريا أخلاقيا فقط ،،، هو عاريا فى كل مناحى ومعاملات الحياة وهذا ما ترك أثراً بليغا على الحياة السودانية ...الآن داخل السودان اصبح التعامل بين العامة من الأمور المستعصية ،،، فالأخلاق إنهارت تماما إلا من رحم رب العباد ... السوء يضرب أركان الجول فى كل إتجاه ... الوزير والمدير والموظف الصغير وحتى درجة الغفير ،،، كل هؤلاء همه كروشهم وجيوبهم ،،، لأنه.... إذا كان رب البيت بالدف ضارب ××××× فشيمة أهل البيت كلهم الرقص
إخوان رئيس العصابة أثروا وأغتنوا على حساب الشعب الكسيح ..
هل كان لهذا أن يكون لولا أن رأس العصابة وهو حامى حمى الحرامية ...
عبدالرحيم محمد حسين وعياله يعربدون فى حطام المملكة بينما المتسولون يسدون الطرقات والمرضى يفترشون أرض المستشفيات المهترئة ....
الوعود الكاذبة من العصابة الباغية مازالت تملأ سماء البلد الصريع ...
ماهو الشىء الذى يعتزم النظام وزبانيته تقديمه بعد ستة وعشرين سنة ضياع ..
ماهى التنمية المزعومة التى يريدون إستكمالها ؟؟؟ هؤلاء النصابون دمروا المشاريع التى كانت يانعة ومخضرة ،،، فكيف يقومون بنهضة ماهو فى عالم الغيب ؟؟؟
من أين لهم بالكفاءات قبل المال ؟ لأن غالبية أهل المعرفة والدراية فروا بعقولهم إلى الخارج ...
لقد ولى زمن المنح المجانية التى كانت تهبها الدول للآخرين ... حتى لو قمت بالإشتراك فى عبثية خارجية فهذا لن يجدى فتيلا ...
لكن يبقى السؤال الكبير ..... لماذا كل هذا الإهتمام غير المسبوق بتنصيب رجل
إنقلابى ظل يحكم بقوة السلاح وجهاز الأمن الفاسد منذ ستة وعشرون عاما بعد أن هجم
على جكم ديمقراطى حر ؟
بالنسبة لى يبدو أن الهدف من كل هذا التضخيم وهذا الزحم الوهمى ...
1- يريد النظام المتهالك أن يلفت نظر الدول المحيطة والبعيدة ( الغربية ) .... أن الكلام عن الشرعية وما أدراك ما الشرعية ،،، هاهى نحن نثبتها لكم بإنتخابات جرت أمام أعينكم ... فماذا أنتم قائلون يا ايها الغربيون الكافرون ...؟؟
2 -- يريد النظام أن يزيد من مكايدة المعارضة التعيسة ،،، ويقول لهم مهما تقولوا ،ها نحن موجودون سواء بإنتخابات قاطعتموها أو قلت ما قلتم عنها فالأيام بيينا وبينكم وسوف نريكم مالم ترونه خلال الفترة التى سلفت ....
غير ذلك أنا شخصيا لا أرى أى ما يدعو النظام الهزيل لكل هذا التحشيد الداخلى والخارجى .....

[ود الريف الحريف]

#1277247 [المتغرب الأبدي]
0.00/5 (0 صوت)

06-02-2015 09:54 AM
تتشرف حكومة المؤتمر الوطني بدعوة سيادتكم لتناول وجبة الغداء بمناسبة تأهيل
إبنها / عمر حسن أحمد البشير على كريمتنا / سودان ..هي قصدي سوزان .. وذلك
بصالة القصر الرئاسي الجديد ..
والعاقبة عندكم في المسرات ..

ما أن وصلت كروت الدعوة من المطبعة إتلملم أهل العريس للتفاكر في توزيع
الكروت على المعازيم ..وبدت الإقتراحات
- أعزمو السيسي ..
-- لالالا لا ياخ السيسي ده زول بيت ما محتاج كرت ..
- لالا ياخ ما قصدي السيسي حقنا قصدي عبد الفتاح داك ..
-- أهاااا أااي والله الزول جارنا وما ظريفة ما نكلمو لكن ما أظنو محتاج كرت
الجيران ديل بنكلمهم بي الخشم ساي نرسل ليو واحد من الشفع ديل يكلمو ..

تتواصل الإقتراحات ويجي صوت من ورا هناك :
* يا جماعة إدريس ده نكلمو ؟
** إدريس منو ؟
* إدريس دبي ياخ ..
** إدريس ده دقيقة النتأكد ليكم زي الكلموهو ..يا وداد ..ياااا وداااااد ..
إنتي بت موسى دي مش أمبارح كانت بتتكلم معاك بالتلفون عشان الخبيز ؟
*** اااي ..
** يعني إدريس عندو خبر؟
*** والله ما عارفة لكن هوووي أحسن تكلموهو براااكم ..الراجل ده معققد وقاعد
على الهبشة ..المرة الفاتت جاب بت موسى دي لحدددي خشم الباب موية ساي أبا يشرب
قال عشان ما كلموهو بي الرحول للقصر الجديد ..
** لالا خلاص الزول ده أعملو ليو كرت عليكم الله ما ناقصين مشاكل في الغرب
نحن ..

صوت اخر بيسأل بي عفوية أها يا جماعة ناس الخليج ديل كيف ؟؟ نعزمهم ؟؟
يرد مصطفى عثمان إسماعيل بي سرعة ..ناس الخليج ديل خوني بكلمهم ليكم انا ..
يقاطعه علي كرتي ..لالالا انا البكلمهم ..
يعلو صوت مصطفى عثمان لالالالالا انا البمشي أكلللمهم أدوووني الكروت حقتهم ..
علي كرتي بصوت فيهو حدة وبي نهرة ...انا إسمي علي (كرتي) يعني الكروت من مسئولياتي ..
مصطفى عثمان بنوع من التريقة والإستظراف يرد : لالالا علي (كرتي) دي جاية من
(الكرتة) يعني بعدين بعد انا أمشي للخلايجة ديل بخلي ليك الكرتة ها ها ها ها
ها ..
علي كرتي يرد ..يعني خلاااااس الود عامل ظريف ؟؟
يتدخل صوت صارم لحسم الفوضى ..يا جماعة هوووي ناس الخليج ديل كروتهم
براهم ..كروت VIP ..الناس ديل بيدفعو في الكشف كويييس ..خلوني بمشي ليهم انا براااي بي نفسي أديهم الكروت حقتهم ..
يقاطعه صوت المتعافي ..يا ريييس بمناسبة الكشف دي ياخ انا بقعد جمب باب
الخيمة بخت كرسيني جمب الأباريق وبشيل الكراس أمسك الكشف ..
يرد الرييس .. منو ده ؟ إنت ده ؟؟ بري بري بري ..
قهقه كل من بالصالون وتعالت الضحكات حتى بانت النواجز..قطعها المتعافي
بقوله : إنتو قايلني كييشة !!؟؟
ساد الصمت المكان لبرهة .. كدي يا جماعة خلونا من الهظار البايخ ده أسة وتعالو
نخلص كروت المعازيم دي سريع عليكم الله ...

* أها يا جماعة الأفارقة ديل نكلمهم ؟؟
** هوووي الإفارقة ديل ما بيدفعو ..يجو يضربو الضلع والكستر وبالليل الكوكتيل
ده الواحد فيهم يشيل ليو صحنين والبارد ده يشرب لممن يقول بس وفي الكشف جنيه
ما يختوهو ..ده إذا ما الواحد فيهم قال ليك عليك الله أعمل لي كيس فيو أكل
أشيلو للأولاد في البيت ..
*** يا جماعة انا بقترح ما نشيل وش القباحو ساي ..الناس ديل نخليهم اااخر
شي ..لو المعازيم إعتذرو نقم بعد داك نرسل ليهم نكلمهم ...نحن عاملين الأكل ده
كتير يقوم يبوظ لينا ساي ..
**** والله انا مع رأي نافع ده يا أخوانا ..لكن قصة الأكل دي يا نافع ما تشيل
همها بنوزعو علينا لو فضل باقي..
***** يا شيخ علي انا قصدت المخلل والبيض المسلوق والبطاطس ..ديل النديهم
للإفارقة ما الجداد والباسطة والبوفتيك ..
***** اهاااا كده معليش ..خلعتني ساي يا نافع ..
أها والخواجااااات ..؟؟؟ ديل حنكهم شنوووو ؟؟؟؟؟
صننننن الناس صنننت ..وأييي زول بقا يتلفت على التاني ..
حاول شيخ علي يكسر الصمت بي ظرافة مخاطباً الريس ..:
يا رييس حقو تشيل إنت الكرت بي نفسك تمشي لي أوكامبو فيي بيتو وتخجججلو
والله .. ها ها ها ها ها ها ..
** لأ ضحكتني ..يعني عامل الود بيتظارف ..
هوي الخواجات ديل ريحونا منهم عليكم الله ..بيخربو لينا الحفلة ساي ..يجو
سكرانين ويشاغلو لينا بناتنا ناس رجاء وسامية ديل ويقعدو يبحححتو ليك في
الحاجات القديمة كلللها وتتذكرو لمن سويتو وتتذكرو لممن الفعلتو ولمن التركتو ..
بعدين الفنان الأشتر ده يقوم يغني لينا أمريكا روسيا قد دنا عذابها ونتحرج مع
الضيوف ديل ساي ..فأنا شايف نجلي الفكرة ..
-- روسيا منو وعذاب شنو يا رييس ..والله إلا كان قاصد عوضية عذاب ..إنت من
زمن بنجيب في العرس فرقة الصحوة وشنان ؟؟ يا رييس معانا إنصاف مدني وفرفور وطه وحسين الصادق وحمد الريح..
--- هوووي النبي فيكم كان تجيبو حمد الريح ده ..الزول ده بيكلفت لينا الحفلة
دي سريع ونحن عندنا تصريح لحدي بعد الساعة حداشر وحمد ده حفلتو بي جريهو
ومساككتو للغنا دي مننن 9 بتنتهي ..ويشبكنا ليك شالو الكلام وجابو الكلام وشغل
الشمارات ده ..ونحن ما ناقصين قالوا وقلنا في اللمة دي ..
المهم نرجع لي موضوعنا الأساسي ..الخواجات ديل ما تعزموهم ..
--- أها والصينيين يا رييس ..؟؟
--- يا زول الصينين ديل ضهب ساي ..النوع البيجيك قاااشر من المغرب ولا بتعرفو
من أهل العروس لا أهل العريس ..هي قصدي الرئيس ..
--- طيب يا رئيس ناس سيدي ديلك كيف نكلمهم ؟؟وباقي الأحزاب السياسية ؟؟
---- لالالا ديل ما ترسلو ليهم ..ديل النوع الكده كده بيجو ويخشو بي تحت
الخيمة ويخشو بعد داك حتة الرقيص يسكسكو مع الناس ويهججو والواحد فيه يظهر في تصوير الفيديو أكتر من العريس ..الرئيييس قصدي يااخ ..
*** طيب ناس المعارضة ديل الحنك شنو ؟؟
***** لالالا ديل نرسل ليهم شريط الفيديو بتاع العرس بعد الحفلة تنتهي ..
*** بمناسبة شريط الفيديو بتاع العرس ده يا ريس ..حيكون في رقيص عروس؟؟ هييي قصدي رقيص عرييس؟؟ واااي قصدي رقيص رئيس ؟؟ عشان ما نخلي المعازيم يخشو بي موبايلات فيها كاميرا ..
يرد البشير قائلا: والله ما بضمن ليك ..حسب الهجيج و الغنا .. لو جبتو فنان بهجج الغنا وبجقجقا برقص النصييحة ..

-- يا جماعة أظن بعد ده غطينا كل المعازيم مش؟
---لالا ياخ نسينا أهههممم ناس ..
--منو ؟؟
---الشعب...
---- يشموووها قدددحة ..انا زول ما جاااني في إنتخاباتي ..ما بخليو يجي عرسي
كان نطط .

[المتغرب الأبدي]

ردود على المتغرب الأبدي
[القلم الحر] 06-02-2015 07:25 PM
انت مجنون رسمى والله انت عجيب خيالك واسع جدا الله اديك العافيه


#1276496 [كاسـترو عبدالحـمـيـد]
0.00/5 (0 صوت)

06-01-2015 02:32 AM
يارب المستضعفين انزل عليهم ما يستحقونه من عذاب ومهانة وخزى وعار وندامة جراء فسادهم وطغيانهم وظلمهم للعباد فى يوم زينتهم كما انزلت عقابك على قارون فى يوم زينته . اللهم افسد عليهم يومهم هذا كما فسدوا فى البلاد , قولوا آمين يا رب العالمين .

[كاسـترو عبدالحـمـيـد]

#1276372 [ساره عبداالله]
0.00/5 (0 صوت)

05-31-2015 06:43 PM
الأخ كاتب هذا المقال الإنقاذ ويوم الزينه
لابد ان نعلق على هذا الإنقاذ ويوم الزين على الإنقاذ يوم الحزن والدمار وتنصيب شخص البشير فى انتخابات كسابقتها كلها يعرفها الغرب برمته مزور أم الفترة الزمن يقضوا هؤلاء الذين اتو حافة عراة غنو من قوت الشعب تزوير ولا ننسى كادر البشير واخوته
اما عن ما فكر فيه ان يحل دائرة الفقر إلى المستوى الذى هو عليه
بالأمس تحدثت إلى احد الاخوات عن اولاد الإنقاذ من وزراء سبائك الذهب فى أيديهم وطائرات الخطوط الجوي تنقل فيهم من منتجع إلى الآخر مؤهلات هؤلاء ايس لديهم مقدور على كتابة لغته عربيه اسقط ثانوى عالى السودان يريد الخلاص من هذه ألمه ليس بالمقابل لكن بالعمل باكتوبر من أبناء الوطن

[ساره عبداالله]

#1276364 [Tash Ma Tash]
5.00/5 (1 صوت)

05-31-2015 06:23 PM
هولاء لا يستحون وقلوبهم ماتت ..
لايفكرون إلا في أنفسهم وما يكنزون ..
وبشة قلبه مااااااات من كثرة الفلوس والرقص في الاحتفالات !!
يصرفون علي الاحتفالات والشعب جائع يحتاااج الي لقمة تسد الرمق!!
حسابك يا بشة عسير ..
وأخيرا هذا تنصيب للشحذة ما اكثر من ذلك ..

[Tash Ma Tash]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة