الأخبار
أخبار إقليمية
نواب مستشفى امدرمان يضربون عن العمل، احتجاجاً علي تحرش افراد الشرطة بطبيبتين أثناء أداء عملهما
نواب مستشفى امدرمان يضربون عن العمل، احتجاجاً علي تحرش افراد الشرطة بطبيبتين أثناء أداء عملهما
نواب مستشفى امدرمان يضربون عن العمل، احتجاجاً علي تحرش افراد الشرطة بطبيبتين أثناء أداء عملهما


06-03-2015 04:36 PM
على صفحتها بفيسبوك نشرت الدكتورة سارة النور منذ ساعة من الآن التدوينة التالية:

في كافتريا مستشفى أم درمان..
حر شدييد.. يزيده حرارة تصل درجة الغليان إحساس الإهانه الواصلنا كلنا فى الإجتماع..
وقفت أختنا وزميلتنا ودموعها فى عيونها "أنتو حتعملوا شنو؟؟ ومتين؟؟ راجين شنو؟؟ لمن يغتصبونا!!"

سكت الجميع.. حتى الكانوا يبينادوا لا لإضراب الطوارئ.. لحظة صمت أشعرتنا جميعاً بالذل الوصلنا له.

لما طبيبتين يمشوا للعنبر عشان يعملوا مرورهم المسائي يتعرضوا للتحرش الجنسي اللفظي من مريض ومرافقينه لثلاث مرات وتمشي احداهن تطلب الأمن تلقي معارضة من الممرض المناوب.. تمشى تفتح بلاغ يعاكسوها من الملازم لوكيل النيابة ويحاولوا يخلوها تتنازل..

لما تطالب ببلاغ تحرش أثناء تأدية عمل يقوم يتعمل بلاغ تحرش فى مكان عام.. نفهم شنو؟؟
لما يخلو سبيل المعتدين الثلاثة ويطلعوا من قسم الشرطه بركشة يدفع حسابها الشرطي.. نفهم شنو!!

لما يرجع المريض المعتدى المستشفى وتطرده الإدارة من المستشفى يجي راجع تاني بعربية الشرطه وهو يتبسم للأطباء الإشتكوهُ ويدخل يرقد فى غرفته.. نفهم شنو؟؟

لما فى النهايه يتم تحويله لمستشفى الشرطه.. نسأل روحنا الشرطه ديل الدكاترة داسو ليهم على ياتو طرف؟؟

كونه الشرطه مصنفه المريض لأسباب أمنيه " VIP" دى مامشكلتي كطبيب..

لما زميلتي دى تقيف تبكي وتقول حتعملو شنو.. هل مطالب أنا أعلق همومى على شماعة الإنسانيه وألبس كوتى وأدخل الطوارئ أشتغل!!


نواب مستشفى أم درمان.. متضامنون كامل التضامن مع زميلتنا وإضراب عام عن العمل.. عدا الحالات الحرجه..

...

أعتقد القبض على هذا المعتدى.. وان يأخذ القانون مجراه.. وإعتذار رسمى من رئاسة الشرطه عن الإهانه التى ألحقتها عناصرهم بالأطباء دا أقل حاجه ممكن يتقبل بيها..

ساره النور.. نائب باطنيه.. م. أمدرمان


تعليقات 24 | إهداء 0 | زيارات 16072

التعليقات
#1279377 [alwatani]
0.00/5 (0 صوت)

06-05-2015 09:33 AM
to morow we are sudanese bring docoters from india or bangladish because you want to make clash from no clash

[alwatani]

#1279167 [عمر]
0.00/5 (0 صوت)

06-04-2015 05:40 PM
الاطباء مواطنين سودانيين طالهم الترد العام زى ما الصحفى و المعلم والتاجر و موظف الولاية و متحصل النفايات و الشرطى ووووووووو اتردى ؛ الاطباء طالهم الترد: مالهم ما ناس

[عمر]

#1279008 [زول]
1.00/5 (2 صوت)

06-04-2015 12:48 PM
الاطباء والشرطة يتعاملون بتعالي عير مبرر مع عامة الشعب لابد ان تكون الطبيبة قد تعاملت بازدراء مع المريض والمرافقين مما نتج عنه ردة فعل منهم وكذلك الشرطة تعاملت باذدراء مع الطبيبة

[زول]

#1279000 [:::بيكو::]
3.75/5 (5 صوت)

06-04-2015 12:35 PM
أريتو كان إغتصبوكم كلكم وريحونا منكم

والله الطب مما دخلوه البنات أمات بناطلين مجبصة والأولاد أبان بناطلين ناصلة إنتهى رسمي وشعبي

الطب في بلادي بقى أزفت مهنة مهنة من لا مهنة له
مهنة ابناء المتنفذين والقارين بقروشهم عديمي الاخلاق والانسانية مهنة زول داير يتموضع ويملا برنامجو

الاطباء إنعدمت فيهم الرحمة والانسانية والمروءة
أصبحتم تكتنزون الاموال وتتلذذون بعذاب المواطن العينو طالعة
لا اهتمام بمريض ولا اهتمام بمرضى وفلهمة وعنطزة في الفارغ.

وصلت لهذه القناعة بعد معاناة أليمة وقاسية مع الاطباء وفي أخطر مناطق وجودهم (الحوادث)وفيأربعة مستشفيات -خاصة وحكومية- الطبيب تجيب ليه عيان عينو طالعة تلقاهو شغال بالواتساب ولا بتمسخر مع زميلتو أم بنطلون مافي أي إكتراث!!

الطبيب منكم إتعلم ليهم كلمتين بالانجليزي طالع وداخل يكرر فيهن

وقطع شك إذا صحت رواية هذه الطبيبة -وأشك إنها رواية مسمكرة- هي الغلطانة وهي السبب لأنو بتكون وصلت المريض أو أهلو إلى مرحلة فقدان الأعصاب.

[:::بيكو::]

ردود على :::بيكو::
European Union [الجن الكلكي] 06-05-2015 07:34 AM
والله عيب تقول كلام مثل هذا لانه نحنا سودانيين معروفين بالشهامة والخصال الكريمة مافي زول سوداني بيرضي الاغتصاب أو التحرش كان مفروض تقول اريتهم لو ناكوهن وانا بتفق معاك ان الطبيب تجيب زول كس امو طالع وهو بلعي بالواتساب وبنطلونو ناصل وجعبتو في السهلة والواحد حافظ له كلمتين انجليزي يلولو في خشمه تقول هو العالم النطاس مبروك الحشوكم

European Union [الطيب] 06-04-2015 01:57 PM
الرد دا ما بيشبهك يا بيكو! إيميلك اتهكر ولا شنو؟ ليه تسيب الموضوع وتهاجم الناس في حتة تانية دا ما وكتها؟

European Union [عزيز] 06-04-2015 01:39 PM
اتق الله !!!
ماعندك اعراض أنت ؟

European Union [سوداني حزين علي حال البلد] 06-04-2015 12:58 PM
والله عيب تقول كلام مثل هذا لانه نحنا سودانيين معروفين بالشهامة والخصال الكريمة مافي زول سوداني بيرضي الاغتصاب أو التحرش لأي بنت حتي ولو كانت لابسه فاضح لأنه في النهاية سودانية وذي أختي وبعدين متين نتطور الطبيب في أي دولة محترم بواسطة القانون لذلك يجب أخذ الحق لهذة الطبيبة وبعدين قصة الطب منظره وأطباء غير مكترسين هذا لاينطبق علي الكل فمثل هولاء موجودين ومثل المحترمين برضوا موجودين فالتعميم خطاء


#1278968 [بلبل الشرق]
4.00/5 (2 صوت)

06-04-2015 11:46 AM
لا زلت اعتقد بان افراد الشرطه السودانيه اولاد حرام.. لديهم حقد كبير علي المجتمع بكافة فئاته .. لم نجد بعد اجابة لسؤال الطيب صالح من أين آتي هؤلاء

[بلبل الشرق]

#1278949 [الامين المبارك]
4.50/5 (2 صوت)

06-04-2015 11:18 AM
شرطة ظالمة ونظام مستبد عروض الناس مش لعبة لكن ﻻنهم بدون اعراض الدنيئين ديل

[الامين المبارك]

#1278872 [الجعلى]
4.00/5 (2 صوت)

06-04-2015 09:31 AM
لن يسلم الشرف الرفيع عن الاذى ====حتى يراق على جوانبه الدم 00على اهل الطبيبة فى مثا هكذا اسنهنار من الشرطة وتلاعب بالعروض عليه الحضور للمستشفى ومنازلة الشرطة والفيها جاز التولع لان العرووض خط احمر

[الجعلى]

ردود على الجعلى
European Union [ابو نوف] 06-05-2015 03:02 AM
اي صاح الشرطه الشرطه بقت اولاد حرام لكن اخوان الطبيبه لورجال صحي يفتشو العسكري العاكس بتهم وما عندهم شغلها بباقي الشرطه بس عليهم بالحقير دا لازم يمسكوهو يوروهو عروض الناس ما لعبه عشان يكون عبره لغيرو ..


#1278858 [BAD BKRY]
0.00/5 (0 صوت)

06-04-2015 09:22 AM
المصيبه اكبر من ذلك الى الله المشتكى وعند الله تجتمع الخصوم

[BAD BKRY]

#1278844 [sami]
0.00/5 (0 صوت)

06-04-2015 09:08 AM
ولد خالي اخصائي اطفال والله مرة سايق عربيتو في الكلاكله اللفة وفي حملة مرور لما العسكري شاف بطاقتو لقاه طبيب قال ليه امش عشان كونك طبيب مع انو كان عليه مخالفة
يمكن تكون هنالك تجاوزات
لكن التجاوزات في كل القطاعات موجوده
ليه التركيز علي الشرطة
دا لا يعني وقوفنا او موافقتنا لمن تخرشو بالطبيبة بس كمان تعميم الشر علي كل الشرطة غير سليم وفيه ظلم لافراد وضباط شرفاء
مع احترامي للجميع

[sami]

ردود على sami
European Union [الجن الكلكي] 06-05-2015 07:36 AM
يا اسيف البتار ود خالتو عنده دقن انا ودعمتي عنده شعره خلوه يمشي اهو قولك شنو

United States [الـــســــيـــف الــبـــتــــــــار] 06-04-2015 11:53 AM
ولد خالتك عامل ليه دقن علشان كدا خلوه مشى .

United States [aboahmed] 06-04-2015 10:03 AM
اكثر من 97 فى المائه من الشرطة ضباط وافراد لا يحترمون الشعب ويتعاملون معه من موقف قوة لذا هم مكروهين من الشعب


#1278816 [العيسابي]
5.00/5 (4 صوت)

06-04-2015 08:43 AM
ياوزير الداخلية ... أخجل وخلي عندك دم وقدم إستقالتك فوراً .

[العيسابي]

ردود على العيسابي
[هو دا ما الخجل زاتو] 06-04-2015 09:10 AM
يخجل شنو هو دال الخجل زاتو يمشي على اربع مش اثنين

الزول دا من ما مسكوه الداخلية سوا فيها شنو؟؟ ما يقدر يسوي اي حاجة ودا زول جايبنو وختوه ديكور يمضي بس** لكن الناس الدايرة الشرطة ناس مدنية ملكية لا علاقة لها بالقانون ولا بالنظام** فقط يجلسون في الواجهة امثال هذا المدير ويعوسوا هم ويفركوا هم


#1278813 [الحقيقة المرة]
3.00/5 (2 صوت)

06-04-2015 08:41 AM
اخبرني ممن اثق فيهم بأنه كان سائق عربته المستوبيشي شحن وكان بها طوب مرحله لصاحبه ومرة على مكتب الشرطي ليكي يدفع الجباية ونزل من سيارته لان باب غرفة التحصيل كان مغلق فتح يد الباب واذا به يجد العسكري صاحب التحصيل محتضنا احد الفتيات انخلع الشرطي ، وقال لصاحب السيارة كيف دخلت وداير شنو ؟ فاخبره بأنه قد دخل ليتأكد هل هناك شخص بالداخل ليكي يدفع الجباية طائعاَ !! ماذا تريد من هؤلاء ؟؟

[الحقيقة المرة]

#1278774 [محمد خضر بشير]
4.50/5 (3 صوت)

06-04-2015 07:47 AM
دولة الفساد ورئيسها حامي الفساد

[محمد خضر بشير]

#1278746 [ابو الطماير]
5.00/5 (1 صوت)

06-04-2015 06:52 AM
حسبي الله ونعم الوكيل

[ابو الطماير]

#1278678 [ود بلد]
4.00/5 (3 صوت)

06-03-2015 11:44 PM
في زمن الكيزان زمن المهانة والذل واللا اخلاق
كل شيئ متوقع ...

لا بد ان يستشعر الجميع الخطر ويتوحد الشعب الفضل للثورة الشاملة

او

انتظروا الالسوا ...

[ود بلد]

#1278673 [عميد معاش طبيب. سيد عبد القادر قنات]
3.50/5 (6 صوت)

06-03-2015 11:31 PM
بسم الله الرحمن الرحيم
وجهة نظر
إلي متي تستمر ذلة وملطشة الأطباء
عميد معاش طبيب سيد عبد القادر قنات
ظروف ممارسة الرسالة الانسانية في المستشفيات السودانية طاردة وبيئة ومناخ العمل متدني لابعد حد ويجتهد الطبيب السوداني بكل ما يملك من انسانية وقيم واخلاق سودانية اصيلة ان يسخر العدم لخدمة اهله ووطنه وهم في اسوا حالة – المرض-
ولكن هنالك نفر اعترتهم موجة من الحقد الطبقي والاستعلاء الوظيفي علي قبيلة الاطباء وهم يقومون باداء رسالتهم الانسانية في هذه الظروف السيئة وخير دليل علي ذلك ما قام به احدهم الاسبوع الماضي في المستشفي الاكاديمي الخيري من صفعه لطبيبة اثناء ممارستها لواجبها، ولم نسمع بأي إجراء قانوني تجاه هذا التصرف الغير قانوني وغير أخلاقي ويفقد أبسط القيم والمثل والتقاليد السودانية الاسلامية ، ما اكرمهن الا كريم وما اهانهن الا لئيم،ثم بالأمس وبمستشفي أمدرمان التعليمي تحرش مريض ومرافقيه بطبيبة مما دعاهم لفتح بلاغ ضدهم ولكن لم تتحرك الجهات الرسمية فدخل اطباء المستشفي في اضراب عن العمل بما في ذلك الحوادث
اذا ما العمل للجم هؤلاء المتفلتين الذين ياخذون القانون بيدهم ولا يعيرون القيم والمثل والاخلاق السودانية التفاتا ويذلون ويستصغرون حرائرنا الطبيبات وهن يؤدين رسالتهن الانسانية في اسوا ظروف خدمة لاهلهم المرضي
لا نتعشم كثيرا في اتحاد اطباء السودان فبالامس تم طرد الطبيبات من اكثر من ميز بالقوة واخلاء الميزات ولم تتحرك الوزارة ولا اتحاد الاطباء بل ان ريئس الاتحاد في ندوة في الاردن تحدث عن السياحة العلاجية والمريض السوداني لايجد حق دواء الملاريا الذي يفترض ان يكون مجانا في كل السودان ولم يتحدث
عن هجرة الاطباء بعشرات الالاف التي فاقمت مشاكل تقديم الخدمات الصحية في كل السودان ووزير صحة الخرطوم يقول خليهم يهاجرو بجي غيرم وانو الهجرة لاتقلقه وغير مزعجة بل يسيء للطبيب العمومي ويقول الطبيب العمومي بيعمل لي حساسية واتحاد الاطباء سادي دي بي طينة ودي بي عجينة
وصل السيل الذبي وما ضاع حق وراءه مطالب والاطباء هاجروا مرغمين فكيف بربكم بيئة ومناخ عمل طاردة وفوق ذلك ذلة ومهانة واساءات للطبيب حتي وهو يقوم بأداء رسالته الانسانية في ظروف هي قمة الاحباط،
الاطباء وطنيتهم وتجلدهم وصبرهم وايمانهم بان القانون والحق سينتصر ولهذا فهم يمدون حبال الصبر فهل من مخرج، يدركون أنهم مستهدفون ولكن هم أكبر من ردود الافعال وياملون في انصافهم ولو بعد حين ولن ياخذوا القانون بايديهم بل انهم يملكون العقل والتدبر والتفكر فيما |آلت اليه الحال وغدا سينتصر الحق وان سجنوه وراء سدود بأيديهم سيعود وستشرق شمس الحق تحمل العدل معها لأنه أقرب للتقوي، فهل من ينصف قبيلة الأطباء والمرضي والوطن؟؟؟ بغير ذلك سياتي يوم لن تجد فيه قيادة الصحة من تقوده من الاطباء ولا من الكوادر والعودة ستكون للطب الشعبي والتجبير وغيرها فهل الي ذلك الحين نقيم سرادقا للعزاء ؟ من يتقبله؟؟؟
اللهم استر فقرنا بعافيتنا

[عميد معاش طبيب. سيد عبد القادر قنات]

#1278653 [مهاجر]
5.00/5 (1 صوت)

06-03-2015 10:40 PM
{وَٱلَّذِينَ هَـٰجَرُواْ فِى ٱللَّهِ مِنْ بَعْدِ مَا ظُلِمُواْ لَنُبَوّئَنَّهُمْ فِى ٱلدُّنْيَا حَسَنَة وَلأَجْرُ ٱلآخِرَةِ أَكْبَرُ لَوْ كَانُواْ يَعْلَمُونَ} [النحل:41].
{ثُمَّ إِنَّ رَبَّكَ لِلَّذِينَ هَـٰجَرُواْ مِن بَعْدِ مَا فُتِنُواْ ثُمَّ جَـٰهَدُواْ وَصَبَرُواْ إِنَّ رَبَّكَ مِن بَعْدِهَا لَغَفُورٌ رَّحِيمٌ} [النحل:110].
{وَمَن يُهَاجِرْ فِى سَبِيلِ اللَّهِ يَجِدْ فِى ٱلأرْضِ مُرَاغَماً كَثِيراً وَسَعَةً وَمَن يَخْرُجْ مِن بَيْتِهِ مُهَـٰجِراً إِلَى ٱللَّهِ وَرَسُولِهِ ثُمَّ يُدْرِكْهُ ٱلْمَوْتُ فَقَدْ وَقَعَ أَجْرُهُ عَلىَ ٱللَّهِ وَكَانَ ٱللَّهُ غَفُوراً رَّحِيماً} [النساء:100]

[مهاجر]

#1278608 [د .الزهجان]
5.00/5 (1 صوت)

06-03-2015 09:24 PM
يا دفعه .معني حديثك انو العملية ما هي مره واحده .من الممرض والملازم .وما سمعنا شي عن المدير ولا رئيسك المباشر . وياتو ممرض البعارض فتح بلاغ ..اما انك بتهولي الموضوع او انك عاجزة علي السرد ..ممكن .التانيه ..لا نستبعد عن الشرطه اي غزارة من الاقوال والافعال

[د .الزهجان]

ردود على د .الزهجان
United States [ود الارباب] 06-04-2015 08:21 AM
قزارة ام غزارة يادكتور!

[العتباني] 06-04-2015 08:09 AM
غزارة يا دكتور !!!
(قذارة)


#1278590 [ود امدرمان]
4.50/5 (3 صوت)

06-03-2015 09:11 PM
الشرطه حثاله المجتمع عيشهم علي الابتزاز والسرقه والنهب المسلح وغير المسلح..البلد راحت خلااااااص!!!!!...بلد ما ليها وجيع ...بلد ريئسها غير الرقيص ماعندو شئ كيف عاد يكون حال الشرطه ..بلد ناسا كلهم رحلو منها وغادروها ...تصرف افراد الشرطه ماهو غريب عليهم لانهم بقايا الشوارع وقطاعين الطرق واللقطاء ودا اكيد لانهم ماعندهم اخوات في بيتهم....يا ويلك ياااااااا ويلك يا ودالبشير من دعاء المظلومين ومن سؤال الله لك وانت الان كراع في الدنيا والاخري في القبر.اللهم املاء قبورهم نارا.... وحرم مدير المستشفي ما يقفل المستشفي امو ما والداهو... ومن اليوم ناس الشرطه ديل بقو اعداء الشعب لانهم ما بتاعين الشعب ديل بتاعين المؤتمر الوطني ولازم تكون هناك حمله قويه ضدالشرطه المرتزقه ديل ولازكم نحمل االسلاح ونحمي بيوتنا ضدهم..والزارعا الله في الظلط تقوم.

[ود امدرمان]

#1278555 [ياحليل الشرطة وايام الشرطة]
4.75/5 (4 صوت)

06-03-2015 07:56 PM
شرطة منتهى التفاهة والوقاحة والصعقلة وقلة الأدب!! شرطة معظم منسوبيها جيء بهم خصيصاً من الحضيض والشوارع والزبالة لكي ينفذوا ما امروا به. شرطة زبالة وبنت زبالة، لكن صراحة احي فيها اخوة لنا شرفاء ونزيهين ونحي كل شرطي شريف عمل في جهاز الشرطة والله اعرف في السابق مئات من يعملون في الشرطة وكانوا قمة في الانضباط والتهذيب والأدب

لكن شرطة في هذه الزمن بقت لامة...


شاهدت بام عيني قبل خمسة أو أربعة أشهر وكنت في اجازة وأنا كنت جائي من سوق الخضار اللي جنب موقف بحري وكان جئت بالطريق الذي فيه إدارة الشرطة ومعها الاحتياطي المركزي أو شيء من هذا القبيل لا استحضر بالضبط.. وفي اثناء مروري مررت بعسكري جالس على الكرسي وهو يتكلم بالجوال والشيء الذي لفت انتباهي ضحكة ضحكة غريبة ومريبة مع من يحادثه فانا ركزت (وكان بعدها أن قال لها أن فلان بلقبه وليس باسمه جاء وجاء معاهو كبشين بُيض) ووقعت الجملة في اذني ولم اهتم وعندما تعديته صادفني عسكري ومعه حبشيتين جميلات جمال مبالغ فيه،، وعندما مروا من جانبي لم اكن في الأول مركزاً لانه كان يمشي امامهم وعندما وصل العسكري بجانبي قال مخاطباً الفتاتين ايوة ما عندكم بطاقات ولافين مجهولين.. وكانت الفتاتين تتوسلان بطريقة فيها من الحوجة والانكسار والقهر.. فربطت كلام العسكري الأول اللي جالس في الكرسي بما اتى بت صاحبه من كبشين، فقررت ان اتدخل في الموضوع ولكن عرفت ان الشغلة سوف تكون منتهية لان البنات مقبوض عليهن بعدم حملهن بطاقات.


لكن والله والله انا اؤكد ان البنات الحبشيات ديل معزولات عزل، هذه الشرطة وهذا القانون الذي يحمي الانقاذ واهلها، وهؤلاء هم الصعاليك وارباب السوابق والجرائم صاروا يحلمون صفة منفذ القانون وحامي النظام الذي هو بالامس كان خطر على القانون والنظام والأمن!!!!! ياسبحان الله يا سبحان الله ياسبحان الله

[ياحليل الشرطة وايام الشرطة]

#1278549 [Hafiz]
0.00/5 (0 صوت)

06-03-2015 07:34 PM
ابقي راجل اطلع عشان تشوف

[Hafiz]

#1278519 [العبيدى]
5.00/5 (1 صوت)

06-03-2015 06:25 PM
إنا لله وإنا إليه راجعون، أيتها الدكتورة الماجدة سارة النور وزميلاتك العفيفات الشريفات: اقول لكن وبكل تجرد وأسف وذل: مافي رجال ولا مرؤة ولا نخوة ... إنتهت كل هذه "العنتريات" وفشلت في زمن الغفلة والإنحطاط.

ما ترجي شيء من شرطة فاسدة "معفنة" وقضاء منهار ولا حتي من طبيب (زميل) أو حتي من خيابة من أمثالنا (ناس خال فاطنة ... الزمان)
والله عار وخزي... لا أدري ماذا اقول بعد (وبأي وش) غير الدعاء لكم: ربنا ينصركم علي كل جبار متكبر وينتقم لكم من هذه الزمرة الفاسقة، ويحفظكم وأهليكم واولادكم.

[العبيدى]

#1278515 [ابوالبكور]
5.00/5 (1 صوت)

06-03-2015 06:23 PM
والله أنا شفت زمان العسكرى لما يشوف الطبيب يضرب تعظيم سلام ,, سبحان الله الآن الطبيب أصبح ذليل ومهان كمان ,, والله إياها الفضلت ,, لارواتب ولاتقدير , وإذلال وإهانه كمان , اللهم لطفك

[ابوالبكور]

#1278476 [سوداني بس]
5.00/5 (11 صوت)

06-03-2015 05:12 PM
أي شرطة ؟؟؟
شرطة البشير !!! شرطة الجنجويد !!! شرطة أفرادها أراذل الناس اللقطاء والصعاليك من كبيرها وإلي صغيرها ! شرطة محمية بالقانون ؟

آآآآآآآخخخخخخخخ يا بــلــد !!!!!

الخروج للشوارع بالسلاح ولتسيل الدماء حتي الركب , هذا لمن أراد الــكــرامـــة والشرف والــعــزة .

[سوداني بس]

ردود على سوداني بس
[musa] 06-04-2015 01:23 AM
حاجه مخزيه جد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة