الأخبار
منوعات
محمود عبدالعزيز : فنانين (أغاني وأغاني) التكتح ماعندهم. المقارنة بين أفراح وشموس مفقودة..
محمود عبدالعزيز : فنانين (أغاني وأغاني) التكتح ماعندهم. المقارنة بين أفراح وشموس مفقودة..
محمود عبدالعزيز : فنانين (أغاني وأغاني) التكتح ماعندهم. المقارنة بين أفراح وشموس مفقودة..


04-20-2011 12:58 PM
شن الفنان محمود عبد العزيز هجوماً عنيفاً على إدارة برنامج أغاني وأغاني الذي يبث عبر شاشة النيل الأزرق والفنانين المشاركين فيه، وقال في حديث ساخن لفنون أن أسباب استبعاده من البرنامج تعود لاختلاف آراءه مع الموجودين وتابع قائلاً (أن ما يحدث خلف كواليس البرنامج لا يرتقي لمستوى الأخلاق الفنية ولا يتماشى مع رسالتي التي يعرفها الجميع) مبيناً أن أسباب مشاركته في العام الماضي تعود لحرصه على الاستفادة من مقدم البرنامج السر قدور الذي وصفه بالموسوعة مشيراً إلى الحرب التي كانت تدور داخل الكواليس بين المشاركين القدامى والجدد والتي تعرض لها هو شخصياً وزميله الفنان الشاب أحمد الصادق وقال أن أحمد أيضا كان مستهدفاً من قبل بعض الفنانين القدامى الذين أصبحوا محتكرين للبرنامج على حسابهم الخاص ونبه للمواقف الاصطدامية التي حدثت بينه وبين المطرب الشاب طه سليمان وكذلك مع الفنان عصام محمد نور ووصف محمود الفنانين المشاركين بالبرنامج بأنهم ليسوا هم الأداة الجيدة في توصيل رسالة البرنامج قائلاً بسخرية (البرنامج ألفات قام رجالة وكان مليان إخفاقات والمشاركين فيه التكتح ما عندهم) مضيفاً أنهم تعودوا على الهرجلة لذلك لم يتضجروا من الربكة التي صاحبت الفرقة الموسيقية في كثير من الحلقات ومضي قائلاً انه لا يتشرف بالظهور مع هؤلاء وان الإبقاء على طه سليمان نابع من المنافع كما استنكر مشاركة أفراح بدلاً عن شموس مؤكداً أن المقارنة بينهما مفقودة.. ووصف نفسه بالألفة الذي كان يقوم بفرض الانضباط داخل الاستديو وهو الشيء الذي كان يرفضه القائمين على أمر البرنامج..


صحيفة فنون


تعليقات 40 | إهداء 1 | زيارات 22338


التعليقات
#176596 [محمد الفيل]
5.00/5 (2 صوت)

07-11-2011 08:31 PM
;) وانا من محبي الفنان محمود عبدالعزيز


#137190 [سودانى جدا]
4.25/5 (3 صوت)

05-03-2011 01:05 PM
محمود عبد العزيز الصريح جدا انت لا تصلح لتكون فى الوسط الفنى لانه بصراحة عايز ناس منافقين وانت زول واضح وصريح
اما ادخال افراح عصام الموهومة واللتى لا علاقة لها بالغنا مكان شموس فهو فضيحة وسقطة ويوضح حجم التغول للعلاقات الخاصة فى اختيار من سيشارك فى البرنامج
افراح عصام ليست فنانة وليست موهوبة وصوتها مستلف واهل المغنى ادرى ويكفى شهادة محمود صاحب اقوى واجمل واروع صوت سودانى
شموس انت الافضل ولا تحزنى هم الخاسرون


#137065 [Sahar]
4.50/5 (3 صوت)

05-03-2011 08:25 AM
أحيك محمود عبدالعزيز على صراحتك و قوة شخصيتك لو واحد تاني غيرك كان ترجل من غير ما يصرح بي أي حاجه لأنو الفن في السودان مصالح و إنت ما محتاج مصلحه من حد يكفيك صوتك وتاريخك الغريق في مجال الفن و الأغاني الراقية اللي قدمتها في طول مشوارك الفني و محلات الكاست تشهد على ذلك وده جهد كبير بيفتقدهوا كل الموجودين في الساحه حاليا و بيتصارعوا على اثبات وجودهم منو من الموجودين عندو شريط كاسيت فيهو على الأقل 4 أغاني خاصة بيهو جميلة ممكن تسمعها انت كمستمع و مواطن سوداني عاقل منو عندو أغنية في روعة لهيب الشوق ولا في عبقرية الحلم الجميل ولا الفات زمان و ماتشيلى هم برتاح ليك لو بديت ما ح اخلص اتحداهم لأنهم كلهم على قول محمود التكتحه ما عندهم البهاجموا محمود دي ناس ما تعرف فن محمود اساسا انا بنصحكم تستمعو لي اغنية و حده من الاغنيات سابقة الذكر ومامحتاجين منهم و لا حتى اشاده بس اسمعوا علشان تنظفوا اذانكم ومحمود عالى بي جمهورا و أغنياتو وكفايا
و انا من وجهة نظري الخاصة البرنامج يقيف على كده علشان ما يتشوه و يترك أثره الجميل اللي ابتدأ بيهو و ممكن يستفاد من الاستاذ السر قدور في برامج اخرى و بي فكرة جديدة وبعدين الشاب طه ده و هو مابستحي يجي يغني اغاني فنانين عمالقة اسروا الساحه الفنيه و بليل يغني ولع لي نحرقوا و حرامي القلوب و قنبلة أصلا البرنامج بدأ يدمر كمان بوصول أفراح اكتملنت الناقصه من رأي يكون محور الحلقات بعد كده عن أغاني و حيات شكرالله عز الدين وندى القلعة طه سليمان و قرقوري سامي عز الدين علشان يوثق ليهم ...


أحييك محمود و الله عليك و عمري بعدو بالساعات عشان خاطر مواعيدك و منو القال ليك بنتحمل فراق عينيك


#135811 [ابراهيم عبد اللطيف]
5.00/5 (1 صوت)

04-30-2011 10:56 AM
كبير والله يا محمود بس لو تمشى تعالج نفسك برة وتجى بشكل تانى نكون نحن فخورون بك---- لانك انت من علمتنا حب الغناء فى السودان وسوف نحبك الى الابد


#131945 [كوكي]
0.00/5 (0 صوت)

04-22-2011 01:51 AM

سؤاال للاخوه المعلقين هل عاادت عاافيه حسن للغناااء؟؟؟؟؟؟ارجو الاجاابه


وان كانت قد عاادت للغناء فهي فناانه ذاااات مقدره صوتيه عاااليه نتمني استضاافتها

بالبرناامج


#131942 [SOMA]
0.00/5 (0 صوت)

04-22-2011 01:40 AM
الجاان ده منو كماان بسم الله الرحمن الرحيم ؟؟؟؟؟؟؟؟؟؟؟؟؟



#131891 [ياسر]
0.00/5 (0 صوت)

04-21-2011 10:27 PM
وديني يا هندسة وفيت وكفيت وده كلام زول ذوق
الجان مابتجيهو عوجه تب ان شاء الله مدام في ناس زيك يا هندسة وانا متاكد معظم الشعب السوداني بسمع للجان صغير وكبير الا قليل


#131846 [ابو عمار]
5.00/5 (1 صوت)

04-21-2011 08:25 PM
الفنانين كلهم على العين والراس
لكن شوفوا ناس شروق ابوالناس وايمان لندن المفروض الموضوع يكون فيهم هم لانوا وصلوا الغناء السوداني الى اسفل السافلين
عذرا لاني دخلت الموضوع عرض


#131841 [عزالدين يوسف]
0.00/5 (0 صوت)

04-21-2011 08:11 PM
اصلو حب الناس مذاهب


#131804 [مهندس : آدم عبدالرحمن]
5.00/5 (1 صوت)

04-21-2011 06:48 PM
1- محمود عبدالعزيز يتمتّع بموهبة صوتيّة ، تغطّي كلّ المساحات الطربيّة ، يستطيع أن يفتح من خلالها سقف الأغنية السودانيّة ، الذي طالما قفله السابقون حتّى يتناسب مع إمكانيّاتهم الصوتيّة المحدودة .

2- ( صباح ) هي أفضل من أدّى أغنية ثنائي العاصمة ...... التي جاء فيها :
ياااااااا
يا حلينا
يا حليلنا .....
يا حلينا نحنا المُخلصين .

3- أمثال ( محمود عبدالعزيز ) و (معتز صباحي ) و(صباح ) و (نانسي عجاج ) ... من الأجدى للأغنية السودانيّة وللشاعر السوداني والملحّن السوداني والعازف السوداني والمستمع السوداني .... أن يتم تجاوز قيود الملكيّة الفكريّة الغبيّة ، وتوظيف الإمكانات الإبداعيّة لأمثال هؤلاء الموهوبين ، في إعادة هندسة الأغنية السودانيّة ، مع التوثيق للقديم ، من أجل المقارنة والمحافظة على التراث الذي لا يقدّر بثمن ولا يمكن بيعه ؟؟؟

4- أمثال محمود عبد العزيز يحتاجون إلى برامجيّين موهوبين أمثال ( الطيّب عبد الماجد ) ، وعازفين وملحنين موهوبين أمثال الحاوي وبشير عباس وعوض أحمدون ...و وشعراء موهوبين أمثال الحلنقي ..... ويحتاجون إلى الفنان الموسيقار ، مثل الأستاذ محمد الأمين والأستاذ محمد وردي والأستاذ الكابلي والعبقري شرحبيل أحمد ....... حتّى تكتمل الصورة الإبداعيّة للأغنيات السودانيّة ..... ذات الأهداف والقيم والمثل السودانيّة التي يدركها عبد العزيز وأمثاله ..... لكونهم يتمتّعون بحواس عامة وأدوات إحساس خاصة أقوي من حواس وأدوات الآخرين .... ويستطيعون التعبير عن تلك الأهداف والقيم والمُثُل ومكارم الأخلاق والخصوصيّات السودانّة البحتة من خلال الإبداع المتكامل ؟؟؟

5- القوى الإبداعيّة السودانيّة ، ينبغي إشراكها إشراكاً حقيقيّاً ، في كلّ العواصف الذهنيّة ، المعنيّة بتذليل الإشكالات السودانيّة ؟؟؟

6- التحيّة لكلّ الطاقات البشريّة الإبداعيّة السودانيّة ؟؟؟

7- التحيّة للراكوبة الإبداعيّة ؟؟؟






#131762 [gold angel]
5.00/5 (1 صوت)

04-21-2011 05:11 PM
الله يكرمك يا محمود دا برنامج ساقط بكل المقاييس والسر قدور ما تقولى حافظ شعر ولا مؤرخ دا صقر كبير ما عندو اى حاجه


#131725 [سوداني ون]
5.00/5 (1 صوت)

04-21-2011 04:04 PM
الزول دة مصدق انو فنان واللة انت التكتحك ماعندك بس شعب وهم


#131624 [ود الجزيره]
0.00/5 (0 صوت)

04-21-2011 01:31 PM
بما اننى من مستمعى الفنانين الكبار وردى وكابلى وزيدان ومحمد الامين .فبرنامج اغانى واغانى لاباس عليه ويعجبنى جدا الفنان عصام محمد نور وكذلك عصام البنا ونادر خضر .اما الفنانات فيعجبنى صوت الشابه التى تقلد عائشة الفلاتيه عذرا لا اتذكر اسمه فى هذه اللحظه .وكنت اتمنى من السر قدور لو اتحفنا واحضر لنا الفنانه ذات الصوت المتفرد {عافيه حسن} بدلا من تلك الفنانة التى على الصوره.


#131577 [mhad]
0.00/5 (0 صوت)

04-21-2011 12:31 PM
والله يامحمود انت سيـــــدا .. وانت فنان الشباب الاول والمابسمع محمود ((يمشي يتبرع بإضنينه للنمل))


وجمهورك معااااااااك.. ونموت نموت ليبقى الحوووووووووت


#131547 [bahaa]
0.00/5 (0 صوت)

04-21-2011 11:43 AM
ما بقول الا الله يرحم الفن السوداني, من زمن العمالقة عثمان حسين احمد المصطفى التاج مصطفى ابراهيم الكاشف ابراهيم عوض ...... الخ حسي بقينا نتشاكل في محمود وطه واولاد الصادق . سلمو على حرامي القلوب ;( ;( ;( ;( ;(


#131387 [ياسر]
0.00/5 (0 صوت)

04-21-2011 08:25 AM
وديني محمود الاول لو تنططوا
ويعني شنو لو قطع الفنانين ديل!! وردي ما قاعد يقطع الفنانيين والشعراء والملحنيين جات على محمود بقت حرام؟؟؟
قووووووووووووموا لفوووووووووووا


#131351 [Kityman]
0.00/5 (0 صوت)

04-21-2011 04:12 AM
عبدالعظيم احمد فرح
محمود بجمهوره غالى
ولكن ياستاذ محمود دا معقولة مالووووووا مع زملائك ارجع تتصالح معهم


#131321 [اواب]
0.00/5 (0 صوت)

04-20-2011 11:54 PM
محمود ده والله ولد بلد بجد . صحى بيسكر وبتاع بنقو ونسوان لكن ده سلوك شخصى ما عندنا غرض فيهو. المهم صوت جميل واداء رائع واغنيات راقية وما هابطة. وود بلد للاخر بيقف مع اصحابو واهلو للطيش. وزول عفوى والفى قلبو على لسانو عشان كده صدقوا كلامو. طه والشابة الهبلة زوجة احمد المك دخولهم عبارة عن واسطات ومنافع متبادلة. رسالة محمود يا شباب انو عمرو ما غنى اغنية هابطة ما زى طه وغيرو . بيوصل للناس فن راقى واصيل ودى اكبر مهمة بيقدمها الفنان انو يرقى من احساسهم عبر النغم والصوت والكلمة الجيدة والجميلة


#131314 [azmi eltayeb abuksawi]
0.00/5 (0 صوت)

04-20-2011 11:31 PM
alkber kbeer ya hoot


#131303 [عبد الباقى]
0.00/5 (0 صوت)

04-20-2011 10:57 PM
والله الناس المعلقين على الموضوع دا والقاعدين ينتقدوا فى محمود ديل كلهم ما بعرفوا للغنا أى حاجه... أما الزول القال طه سليمان وأحمد الصادق صوتهم أحسن من صوت محمود حقو أنت وطه و أحمد الصادق تشوفوا ليكم شغله تانيه غير الغنا.... وبعداك جمهور محمود بيسد عين الشمس تقوم تقارنو بى جمهور أحمد الصادق كيف؟؟؟؟؟؟؟؟؟؟؟؟؟؟ محمود هو أحسن فنان ... ربنا يحفظو ويزيدو نجاح كمان وكمان....


#131280 [عبد العظيم أحمد فرح]
0.00/5 (0 صوت)

04-20-2011 09:44 PM
انا قريت كل التعليقات اغلب الظن المعلقين متلقين من اجهزة الاعلام المرئي ، لو كنتوا في السودان محمود ده عاملين ليهو هيلمانة ما معقولة.ومش كده وبس ناس المؤتمر الوثني ايام الانتخابات كانوا ساكنو عشان ابقي لوح زيهم والايام دي يعرف باسم \"الحوت\" بعدين قرأ وين غير مركز شباب بحري وانطرد منه شر طرده


#131244 [محمد احمد جبور]
0.00/5 (0 صوت)

04-20-2011 08:27 PM
محمود ومن ذكرهم جميعا لا يرتقوا لمستوى الفنانين الذين يرددوا أغانيهم في هذا البرنامج الاستعراضي والمعايير التي يتم فيها اختيار الفنانين سطحية جدا - كما أنهى عبارة عن عرض ازياء ليس الا -- واذا اراد السر قدور ان ينشر قصص ومناسبات هذه الاغاني فلماذا لا يقدمها بتسجيلاتها فكيف مثلا يستضيف فنان كبير ثم تردد اغانيه امامه باصوات مشوهة


#131227 [mahmoudjadeed]
0.00/5 (0 صوت)

04-20-2011 07:45 PM
والله يا محمود أنا نفسي أعرف رسالتك دي شنو ؟! وبصراحة كدة رسالتك مجهولة وما وصلتنا حتى الآن ويمكن نحنا ما عندنا بعد نظر ورينا الحاصل شنو ؟! بالرجوع لعيونك وتعابير وجهك وسرحانك رسالتك ما مطمئنة يمكن تكون رسالة من تحت الماء عشان كدة ما واضحة . وضح أكثر وما في داعي لما يدور وراء الكواليس وكل الفنانين في السودان أو بالاحرى في العالم العربي كواليسهم زي وشهم تخيل كواليسك لما تكون زي وشك اليلعن قفاك حتكون ايه ؟! حاجة لا تطاق .. بلا كواليس بلا بطيخ .


ردود على mahmoudjadeed
Sudan [الحوت] 04-20-2011 10:02 PM
ياخي عليك الله احترم نفسك , كويس انو كشف السخف البحصل ورا الكواليس , و محمود حاليا فنان السودان الأول و كونو يغني مع اشباه عاصم و طرطور دا زاتو تواضع منو و الله .....
بعدين ياخي لو محمود ما عندو رسالة العندو رسالة منو ؟؟ فرفور بتاع المشكلة ولا طه بتاع قنبلة ؟؟؟ و بالنسبة لموضوع التعاطي دي حياتو الخاصة و نحن بنتكلم عنو كفنان .


#131198 [ِِAbualhassan]
0.00/5 (0 صوت)

04-20-2011 06:40 PM
إلى الفنان محمود عبدلعزيز ، عيب عليك تهاجم زملائك الفنانين ، لأن كل فنان ليه معجبيه وأكيد ما بقبل منك أي تجريح ليه ، أما بخصوص تقييمك لبرنامج أغاني وأغاني فهذا متروك للمشاهدين وليس للفنانين المشتركين في البرنامج - وعيب التجريح لبناتنا المشتركات فهم في بداية الطريق ويجب عليك وعلى غيرك من الفنانين الكبار مد يد العون لهم بدلا من تركهم في حالة إحباط ، وبصراحه شموس طريقها مفروش بالورود لو لقت العون منك ومن غيرك من الفنانين والملحنين ( وأنا أرشح من بناتنا - شموس - منار - رماز ) بالإضافة للفنانه الرائعه صاحب الصوت الشجي سميرة دنيا وحرم لنور - لك التحية والإحترام


#131191 [جاد]
0.00/5 (0 صوت)

04-20-2011 06:17 PM
حتي لايكون الفن كالسياسة كان بلامكان شرح اسباب استبعاد او استبدال بعض الفنانيين بآخريين . ان كان بسبب اعطاء فرصة لفنانيين اخريين كان الواجب تغيير الطاقم باكمله. وعموما الفنانة شموس كانت الافضل اداءا ويبدوا انها بجانب كونها موهوبة ايضا تملك قدر من الثقافة اكثر من معظم الفنانيين . نرجو اعادة النظر في امر استبعاد شموس.( شمس البرنامج الذي يجب ان لايغيب)


#131163 [Haider]
0.00/5 (0 صوت)

04-20-2011 05:29 PM
ياناس لاتبخسو الناس اشياءها محمود انسان دارس موسيقي وفنون ولية الحق في تقييم المطربين ونترك الاشياء لي اصحاب الشان .لكن الملاحظ في حديثو ،المقارنة بين البنات ؟شتان مابين شموس وافراح بس الزمن بقي زمن اللحمة النظيفة لو لا ذلك ماشاع صوت ندوية الشرىف(القلعة)


#131148 [حسن التوم ]
0.00/5 (0 صوت)

04-20-2011 04:55 PM

اقيس الفم بودعة القي الفرق شاسع
بختك ياود المك ;)


#131118 [ابوابراهيم]
5.00/5 (1 صوت)

04-20-2011 03:57 PM
التحية للجميع - اولا اخونا محمود فنان لا شك في ذلك - الرسالة وصلت لكن ما من اللايق انذكر اخوانا الفنانين ونجرحهم ونقلل من شأنهم والبيحصل في الكواليس دي كلها اسرار وانا بفتكر اخونا محمود ما قاصد


#131085 [ودالبصير]
0.00/5 (0 صوت)

04-20-2011 03:10 PM
هههه-بنعرف رسالتك يامحمود زى ماقلته بعرفها الجميع


#131079 [موسى ]
5.00/5 (1 صوت)

04-20-2011 03:02 PM
محمود فنان .. هذه حقيقة لا يتجافاه إلا من لا يتذوق الفن.. لا شبيه لا في الحبال الصوتية بين مطربي السودان إلا الأستاذ محمد الأمين .. فلا تبخسوا الناس أشياءهم ...


#131076 [soma]
0.00/5 (0 صوت)

04-20-2011 02:59 PM

كل المصاايب الواقعه فوق رااسنا من فسااد وغلاء فى الاسعاار وحكومه حرااميه

اظن انها من صنع ايدينا لاننا نجرى ورى الاعاانى والفناانين حتى فى شهر رمضاان!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
(ان الله لا يغير ما بقوم حتى يغيرو ما بأنفسهم)

هيا معا جميعا لمقااطعة هذه البراامج السخيفه ولنتجه فى ذااك الشهر المباارك

الى الصلواات وقياام الليل وقراءة القراّن وندعو فيه الله ان يزيح عن بلادنا ظلم وفسااد

الانقاذ


ردود على soma
Norway [جموعي] 04-21-2011 02:31 AM
امريكا واوربا فيها بوب وراب ووووو ولكن ان الله سبحانه وتعالي يرزق المسلم والكافر بس كما جا في الحديث القدسي الرزق مربوط باالعدل وعدل وين مع اخوان الشيطان ناس الموتمر اللاوطني


#131069 [البرنس]
0.00/5 (0 صوت)

04-20-2011 02:54 PM
عجب يا زمان


#131052 [samir ali almadani]
0.00/5 (0 صوت)

04-20-2011 02:41 PM
لا يتماشى مع رسالتي التي يعرفها الجميع

شديدة دى ياحوت ,, ؟


#131049 [مشاهد ومتابع ]
0.00/5 (0 صوت)

04-20-2011 02:39 PM
محمود عبدالعزيز أثبت فشله العام الماضى وكان أسوأ الموجودين وحتى هيئته وشكله ___

طه سليمان عنده طموحه ومثقف ___

احمد الصادق يرتكز على قاعدة جماهرية عريضة ____

أفراح ماعندهاأى صوت ودخلت المجال الغنائى بالصدفة أو بالاصح بالواسطة __

شموس صوت قوى مميز ___

فرفور مهرجل ____

عاصم البنا فقد شخصيته بمشاركة فرفور الهرجلة _____

نادر خضر واقف فى نفس النقطة ولم يستفد من البرنامج ___

شريف أفضلهم ______

البنات تكملة للديكور ______

الاستاذ السر قدور فعلا موسوعة __ لكن للاسف لم يجد الادوات التى توصل ابداعه للمشاهدين

واقترح عليه هذه الاسماء
==================

سيف الجامعة / عادل مسلم / القادم بقوة أحمد المأمون / اسرار بابكر/ نبوية الملاك/

هؤلاء يمتلكون الاصوات الحلوة والثقافة العالية والقبول ____


دى وجهة نظر ليس الا _______________________________


ردود على مشاهد ومتابع
Saudi Arabia [سودانى انا ] 04-20-2011 06:33 PM
الاخ مشاهد
محمود عبدالعزيز أثبت فشله العام الماضى وكان أسوأ الموجودين وحتى هيئته وشكله ___

طه سليمان عنده طموحه ومثقف ___

احمد الصادق يرتكز على قاعدة جماهرية عريضة ____
انت عقلك دة فيهو انا قال محمود اثبت فشله
ياخ قوم لف من هنا عليك الله
وقال احمد الصادق عندو قاعدة هو
اذا كان احمد نفسو بيسمع محمود
وعادل مسلم بتاعتك والله يجي اغانى واغناى مافى
زول يحضرها عليك قوم لف ياخ عادل مسلم
ههههههههههههههههههههههههههههههههههه


#131046 [faisal]
0.00/5 (0 صوت)

04-20-2011 02:38 PM
حظنا حا نشبع تونا


ردود على faisal
Sudan [waleed ali] 06-12-2011 11:16 PM
دارفور ماذا يريد مفسدي الانقاذا من دارفور هذه الحكومة القاشلة هذه لم نظن اننا سنعيش لنشهد نعامنا للحكم اشد تخلفا من الامامية الهمجية التي اقامها البشير هذا اولا اقام الحرب ثانيا قتل ابناء السودان في هذه الحرب مزق دارفور وشرد اهلها وقتل اهلها ثالثا فصل الجنوب الحبيب وعمق الهوة بين ابنا الوظن الواحد رابعا اتجه الي فتح حرب في جنوب كردفان وهذا لقتل ألنوبه ماذايريد هذا النظام ‏


#131045 [ابونصر]
0.00/5 (0 صوت)

04-20-2011 02:37 PM
للاسف انت كلمة فنان كثيرة عليك يامحمود لانك شخص غير منضبط في المواعيد وسمعتك سيئة وصوتك الان انتهي وجمهورك نساك وفي اخر برنامج اغاني واغاني لم تقنع المشاهد بل صرت عبئا علي الفنانيين والعازفيين . انت في وادي والبقية في وادي . والاهم للفنان ان يحترم فنه وجمهورة وانت للاسف ماعند ذرة احترام حتي نفسك لم تحترمها وشوفك لك شغلة تانية يامحمود . حاول التمثيل اصلوا كل الممثلين في السودان فاشلين ويلايوجد تمثيل مجرد عك تمثيلي وانت تشبههم .


#131028 [AwaadM.Ahmed]
0.00/5 (0 صوت)

04-20-2011 02:23 PM
والله كلام غريب من محمود عبد العزيز الذى ظل خلال اشتراكه فى البرنامج شبه نائم كما ان المقارنه معدومه بين صوته وصوت الفنانن طه سليمان واحمد الصادق وكلاهما يتمتع بصوت جميل مطرب لا يقارن بصوت محمود ، والحقيقه ان كل المشاركين يتمتعون باصوات واداء رائع خاصة عصام البنا وعصام محمد منور وبقية الكوكبه والصوت النشاذ بين المجموعه كان صوت محمود * فعلا يكون فعل خيرا ان لم يشترك فى الحلقات القادمه
اما المقارنه بين افراح وشموس فكلاهما تتمتع بصوت جميل وان كادت افراح تتمتع بجمال اصيل حفظها الله
عوض محمد احمد الرياض


#131023 [ابو احمد]
0.00/5 (0 صوت)

04-20-2011 02:12 PM
والله كلام محمود في محله شتان ما بين شموس و افراح بس الا في حاجات تانية علي العموم البرنامج في كلياته مش بطال بس نبقي الجيد مافي داعي للمجاملات


#131011 [صمت المواجع]
0.00/5 (0 صوت)

04-20-2011 01:53 PM
والله محمود ده لذيذ (لا يتماشى مع رسالتي التي يعرفها الجميع) ههههههههههههههههه


ردود على صمت المواجع
United Arab Emirates [ود الدويم] 05-17-2011 10:05 AM
صراحة البنت المغنية التي تمتلك صوت قوي وخير من غنى لعثمان للشفيع صراحة ظلمت عندما لم تفز بالمركز الاول او على الاقل مركز متقدم في برنامج نجوم الغد .... وكمان عندما كان دورها مهمش عن قصد في برنامج اغاني واغاني ولكن ارجو هذا لا يزعزع من ثقتها فهي كما قال محمود عبدالعزيز لا توجد مقارنة بينها وبين ابنت التي لا تجيد الكلاو ولا الغناء واسالو دكتور سيف او درديري او الماحي او الامبراطور موردي عن امكانياتها ولكن لا تسالوا احمد المك الذي حشرها غصبا عننا في برنامجه السخيف .... ومثل ذكر احد الاخوان مافي داعي للاولاد البتملسوا ديل فمن الافضل ان يستفيدوا من الاصوات الحقيقية وهذا السخل الذي اسمو فرفور فدعوه يفرفر في حفلات الاعراس التي لا يستمع فيها الراقصين الي الكلمات بل الي (التابوت كما قال زيدان ابراهيم - الاورجن) والكل يهيص ويرقص .. بل التلفاز من اخطر الاجهزة التي يجب ان ينتقي لها كل من يدخلها ان كان بالامكانيات او بالشكل المهندم ...ز فيا بنت عد الفرسان شموس لك مستقبل باهر طالما وعدك الموسيقار بشير عباس اما هؤلاء فهم مثل حلاوة قطن سوف ينسوهم قريبا .. فوالله هذا غضب الله على السودان يحكه البشير ونافع وشرذمتهم لمدة 22 عام .... ويخرم اذاننا فنانين كما يتوهمون مثل شروق ابو الناس وافراح عصام وكان في الدين يفتينا مجلس فتوى لا يتملك غير مرجعية محدوددة ...الله الله الله واااااااااااااااااااااااااه .......
كما ارجو من الاخوة ان ينتقد الفنان في حياته الخاصة ولكن في امكانياته الفنية .. من منكم يختلف على فن مايكل جاكسون وبوب مارلى .....ولكننا نختلف على اخلاقهم ونحب فنهم .. فانتقادنا يجب ان يكون دون ذكر الخواص الشخصية


#131000 [ابوملاذ]
0.00/5 (0 صوت)

04-20-2011 01:31 PM
والله يامحمود ياعبدالعزيز انت التكتحك ماعندك وانت انا ما عارف الناس عامله ليك هيلمانه فى شنو فى صوتك الماقادر يخرج من حلقك شوف ليك حاجه تانيه


ردود على ابوملاذ
United Kingdom [امال ] 04-21-2011 11:48 PM
هو المسطول ده كان نايم الوكت كله والله اكان انضباط ما عارفه??

Sudan [عبود] 04-20-2011 02:49 PM
محمود فنان ومبدع ومهما قيل عنه فهو فنان له معجبوه وهو الفنان الوحيد الذى يهتم بتكريم المدعين فقد كرم اسره الفنان محمد احمد عوض والفنان حمد الريح وسيكرم الفنان سيد خليفه محمود عبد العزيز هو الأبداع كله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
9.11/10 (50 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة