الأخبار
أخبار إقليمية
وفد شعبي سوداني يزور أمريكا
وفد شعبي سوداني يزور أمريكا
وفد شعبي سوداني يزور أمريكا


06-05-2015 06:24 PM
يتوجّه وفد من رجال الإدارة الأهلية وزعماء قبائل بالسودان، الجمعة، إلى أمريكا، في إطار مبادرة شعبية يقودها رجل الأعمال عصام الشيخ، لحث الإدارة الأمريكية على رفع العقوبات الاقتصادية عن السودان، ورفع اسمه من قائمة الدول الراعية للإرهاب.


وعبّر نظار القبائل المغادرون ضمن الوفد في تصريحات لـ"الشروق"، عن أملهم في أن تسهم المبادرة الشعبية في حث الإدارة الأمريكية على رفع العقوبات الاقتصادية عن السودان، مشيرين إلى أنهم يهدفون للتعريف بالوجه الحقيقي للسودان.


من جهته أوضح صاحب المبادرة عصام الشيخ، أن وفد الإدارة الأهلية يضم 14 ناظراً من قبائل السودان المختلفة، وأن البرنامج سيستمر لمدة أسبوعين، وتشمل الزيارة واشنطن والمسسبي ودافون.


وأضاف الشيخ في مؤتمر صحفي بمنزله بضاحية سوبا جنوبي الخرطوم، مساء الخميس، أنهم سيعقدون لقاءات رسمية مع الكونغرس والخارجية، لافتاً إلى أن تركيز البرنامج سيكون على اللقاءات الشعبية لتحسين العلاقات بين الشعبين.


وأفاد أن السودان موعود بزيارات متبادلة من مجلس الشيوخ الأمريكي، للوقوف على الأوضاع في البلاد خاصة فيما يتعلق بدعاوى التطرف والإرهاب.


قبول أمريكي

من جانبه أكد نائب رئيس البعثة الدبلوماسية الأمريكية بالسودان بنجامين مولينق، استعداد الولايات المتحدة لقبول أية دعوة تأتي في إطار تعزيز الدبلوماسية الشعبية بين البلدين.


وأشار -بحسب سودان تربيون- إلى أن الشعب الأمريكي يرحب بزيارة زعماء القبائل السودانيين، مضيفاً أن أمريكا مضت في اتجاه الدبلوماسية الشعبية، بدعوة الشباب والإعلاميين ورجال الأعمال لزيارة الولايات المتحدة.


وتجدّد الإدارة الأمريكية سنوياً وبشكل روتيني منذ العام 1997 عقوبات فرضتها على السودان بموجب العمل بقانون الطوارئ الوطني، كما تضع الخرطوم ضمن قائمتها للدول الراعية للإرهاب.


وتطالب الخرطوم بتناول ملف العلاقات الثنائية وإلغاء العقوبات الاقتصادية ورفع السودان من قائمة الدول الداعمة للإرهاب، وتذكِّر بتعاونها في ملف الإرهاب واعتراف الإدارة الأمريكية بذلك.


شبكة الشروق


تعليقات 27 | إهداء 0 | زيارات 5442

التعليقات
#1280262 [كاره الكيزان الملاقيط]
0.00/5 (0 صوت)

06-07-2015 08:21 AM
امريكا دي يا بجم بدل ما تمشو ليها كان تمشو الصين والا روسيا والا كوريا
انتو قايلين امريكا دي لسه ماسكة العالم والا الخوفة الخشت فيكم ما طلعت

[كاره الكيزان الملاقيط]

#1280066 [WAD HASSAN ALSALEHI]
0.00/5 (0 صوت)

06-06-2015 10:06 PM
الناس ديل دراويش ولاشنو ؟؟؟؟؟؟؟؟؟؟؟؟؟؟؟؟؟؟؟؟؟

[WAD HASSAN ALSALEHI]

#1279961 [مفجوع]
0.00/5 (0 صوت)

06-06-2015 05:49 PM
إتحولت الهجرة الى الله إلى أمريكا والله إيه ..

[مفجوع]

#1279813 [aldafari]
0.00/5 (0 صوت)

06-06-2015 11:59 AM
الحكومة الامريكية يحكمها الكونغرس مافيش دولار بطلع دون ازنه لا اوباما لا يحزنون اهلنا ديل فئران بشرية بناطحوا في جبل امريكا العالم دا كله لو جاها لن ترضى عن الشعب السوداني وهي ضمنيا مع ناس البشير رغم النبيح من قبل نظام البشير والله ما تقعد معها دقيقة لو عاوزة تطير البشير من الدنيا كانت طيرته، لكن لها مصلحة معهم .

الوفد الشعبي نتمنى بواسطته ان يرفع الحصار لانه تضرر منه المواطن في المقام الاول والدولة لم تضرر منه ابدا عايشين وماكلين ومتعالجين واغنياء لكن الشعب اصابه الفقر والجوع والجهل والمرض .

اللهم لك لجأنا يالله ان ترفع عن بلادي البلاء والغلاء .

[aldafari]

#1279803 [محمد علي]
5.00/5 (1 صوت)

06-06-2015 11:35 AM
ما فى داعي..
أمشو عمرة..
أبكو وأتمختوا وتعالوا..

[محمد علي]

#1279778 [المنجلك]
0.00/5 (0 صوت)

06-06-2015 10:57 AM
دبلوماسية شعبية سفراء نوايا حسنة منظمات حقوق أنسان كل ذلك لتجميل مياه الوجه ولكن الحقيقة هي صراع الغاب

أمريكا تعلم انها لاتعاقب عصابة البشير فقط ولكن تعاقب معها الشعب السوداني ولكن مصالحها الاستراتجية فوق كل شيئ

وانتم تعلمون أن الاقربين أولي بالمعروف فلماذا لا تذهبوا للبشير وتطلبوا منه فك الحظر عن الشعب السوداني

نعم أنه صراع الغاب ومن يمتلك القوة امام من لا يمتلك شيئاً وكل شيئ اصبح بالمقلوب نعيب امريكا والعيب فينا وما لامريكا عيباً سوانا

هل القبلية تمثل الشعب السوداني أين ذهبت منظمات المجتمع المدني اين ذهب تاريخنا السياسي وحضارتنا السودانية وهل رفعت هذه القبائل علم الاستقلال ام بنت الحضارات القديمة

هذه قبائل لا تمثل الا نفسها ومصالحها الخاصة التي ليست بالضرورة تصب في مصلحة الجميع. فهي تذهب الي امريكا طمعاُ في مكاسب اقتصادية تعود علي مناطقهم بالدولارات

الكلام واضح ما تبقي من السودان سيتم تقسيمه علي اساس قبلي وستتحول العاصمة الي مقديشو

[المنجلك]

#1279740 [almur]
5.00/5 (1 صوت)

06-06-2015 09:37 AM
من هو عصام الشيخ ؟؟؟؟ وبيعمل فى شنو ؟؟؟؟؟؟؟؟؟؟؟؟؟؟؟؟؟؟ سمسار اراضى البطاحين

[almur]

#1279726 [محمد]
0.00/5 (0 صوت)

06-06-2015 09:03 AM
الاخوه كفوا ووفوا ولكن اود ان اشير الى ان اتحاد المراة لا يعرفاللغه العربيه شايلينها على عينك ياتاجر يافطه كبيرة وكاتبين لن نزل بالزاي وليس لن نذل يامه القران جل تضحك عليه الامم

[محمد]

#1279700 [FCC]
2.50/5 (3 صوت)

06-06-2015 07:53 AM
مرحب بيكم فى امريكا على الاقل تشوفو انو اوسخ حمام عندنا فى امريكا انظف من غرفة نوم راييسكم وشوفو اولوياتكم وين اذا كان مازال الناس بتقضى حاجتها خلف اى حايض وسط الخرطوم

[FCC]

ردود على FCC
European Union [كاره الكيزان الملاقيط] 06-07-2015 08:17 AM
هههه شكلكم مشيت لوتري وما مشيت البرونكس والا هارلم والا ساوث ايست دي سي
صحي اللوتري مصيبة جاب ناس من القرى لامريكا


#1279688 [السوداني]
5.00/5 (1 صوت)

06-06-2015 05:48 AM
بدل القروش دي تضيع في الفاضي, ياناس اتقوا الله وتوبوا الى الله, الدنيا رمضان, استغفروا ربكم انه كان غفارا. الفرار الى الله اسرع طريق للانفراج والشكوى لله مفتاح الفرج الا تعلمون ان الشكوى لغير الله مزلة. اسألوا الله العفو والعافية والمعافة في الدنيا والاخرة وان يفك اسر الشعب السوداني والوطن الشودان من هؤلاء الشرزمة الضالة البشير وزمرته ومن الكيذان وشيعتهم ومن الحركة المتاسلمة زنادقة هذا العصر, نسأل الله ان يرينا فيهم مايستحقونه, الهم اخرج السودان والسودانيين من بينهم غير مفتونيين ولامبدلين, الهم سلم السودانيين والسودان من التقطع والتمزق, الهم يالله ليس لنا سواك ياعزيز يافهار ياجبار يامتعال سلمنا وسلم سوداننا. وبلغنا رمضان معافين من سرطان الحركة الاسلامية, وارينا الحق حقا وارزقنا اتباعه وارينا الباطل باطلا وارزقنت اجتنابه - آمين يارب العالمين.

[السوداني]

#1279662 [عدو الكيزان]
3.75/5 (3 صوت)

06-06-2015 01:27 AM
دى أخر ما تفتقت به عقولكم للحس مؤخرة العم سام , زعماء القبائل لاستدرار عطف الامريكان وبعد شوية سوقوا معاكم بعض العجزة والاطفال البعانوا من سؤ التغذية وأعرضوهم على الامريكان, ومين عصام الشيخ ده العاوز بمادرته يخترق السياسة الخارجية الامريكية ويحرز هدف ضد لوبيات الكونغرس المؤثرة فى رسم السياسة الامريكية, على كل حال اذا نجح حأحلق دقنى بقزازة وطبعا بشة حيعملو وزير الخارجية بدل الفاشل كرتى.

[عدو الكيزان]

#1279661 [fatmon]
2.75/5 (4 صوت)

06-06-2015 01:21 AM
هي أمريكا بالعقلية الساذجة دي يا متخلفين في كل شيء؟؟؟ يا سذج والمرسلنكم دكتوراه في الغباء الجيش بدله ناس الجنجويد ، وناس كرتي دبلوماسيتهم بدلها ناس عصام الشيخ
والله عشنا وشفنا الخمسة سنوات الجاية فيها معدل من من الغباء أعلى من مستوى ال٢٦ سنة السابقة زي ما بقولوا بموية وكملت

[fatmon]

#1279648 [الزين]
2.94/5 (6 صوت)

06-05-2015 11:50 PM
دي شنو الونسه دي وشغل المشاطات ده ماقلتوا رجال
وامريكا وروسيا ح تعزبوها
اها يا اسحق فضل الله الفهم شنو؟
شايف الناس رقدت
والسته وعشرين سنه طلعت بالعادم!
ياخي عزبتونا ساي منو البرجع لينا نص عمرنا ده؟
اهو كده الامريكان ح يركبوكم ويدلدلو ا رجلينهم
من زمان كان بقيتو زي قابوس ده الله كان بحاسبكم؟

لغة تفتش عن اراض خصبة
شمسا تغير طعم فاكهة الشتاء


نص الشعب مات من اجل لا شي
ماكان في قضيه
كوم بتاع حراميه ونهابين سطوا علي السودان
عاملوا شركات وعمارات ونقلوا نفسهم من القاع الي القمه بي كل الطرق الغير مشروعه
وافسدوا ماستطاعو

[الزين]

#1279644 [احمد مبارك]
2.75/5 (3 صوت)

06-05-2015 11:32 PM
اها ما قلت ليكم دا شعب كرور ؟ زول قاعد 25 سنة فى السلطة هو وطاقمو من اللصوص والمجرمين . ارهاب اكتر من كدا كيف . والله انا لو من امريكا ازيد الحصار عشان تكملو يا كرور لانكم شعب زيادة على العالم وما منكم اى رجاء

[احمد مبارك]

#1279628 [الحق ابلج]
2.63/5 (4 صوت)

06-05-2015 10:41 PM
كم ستكلف هذه الزيارة القبلية ؟؟؟
وطبعا على حساب الخزينه بﻻ شك .
اذا كان امريكا انتو فصلتو ليها الجنوب ماعبرتكم . تقول لى وفد قبلى .
غايتو فسحه طويله على حساب أطفالنا .

[الحق ابلج]

#1279618 [حمزة بابكر]
2.75/5 (4 صوت)

06-05-2015 09:40 PM
وماذا ستفعلون ما لم يستطع وزراء الغفلة المتعاقبون فعله ؟؟
وماذا ستفعلون ما لم يستطع فعله اللوبيات التى إستأجروتها طوال السنين الماضية بعشرات ملايين الدولارات (من اموال الشعب) لتحسين صورتكم البشعة فى امريكا ؟؟

الحكاية فيها لهطى و تذاكر سفر مجانيه و نثريات دولارية لكيزان الشيطان ..

و نتيجة الزيارة معروفة منذ الآن قبل ما تركبو ال بوينغ لواشنطن و هى تعب و صرف فى الفارغ و أمريكا بلد مؤسسات لا تغير سياساتها بالمزاج و بالترضيات .. ف خلو الاموال المُهدرة دى يستفيد منها مرضى الكلى الذين لا يجدون مكنات غسيل كُلى , أو أطفال السودان المرضى فى كل مكان .

[حمزة بابكر]

#1279615 [شاهد علي فعل اللئام]
2.50/5 (3 صوت)

06-05-2015 09:25 PM
والله امريكا بقت ليكم جميله ومستحيله ياكيزان الواحد عمل ليهو قريشات داير اكاوش علي كل شي اراضي وفسح ياعصام اراضي وتحسين.

[شاهد علي فعل اللئام]

#1279610 [سوداني مهاجر]
3.00/5 (3 صوت)

06-05-2015 09:12 PM
لا اهلاً ولا مرحباً بكم فى امريكا بلدي الجميل بالله ديل ناس لا نريدكم بامراضكم الجهوية

[سوداني مهاجر]

ردود على سوداني مهاجر
European Union [كاره الكيزان الملاقيط] 06-07-2015 08:19 AM
ياخي ههههه بقيت يانكي والا نيقر؟
بلدك شنو يا رمة دي بلد الاباتشي واللادوكا والكواشي والشيروكي
اكيد طبعا ما سمعتة بالاسامي دي، لانه الواحد فيكم زي شوال الرز
مشى امريكا واترمى في اقرب شغلانة وما عارف هو وين وامريكا دي حقت منو


#1279596 [سيكو]
3.00/5 (4 صوت)

06-05-2015 08:33 PM
أولاد أم زقدة،، إنتو فاكرين الكونغرس الأمريكى زى المجلس الوطنى؟

[سيكو]

#1279595 [مناضل للحرية]
4.00/5 (2 صوت)

06-05-2015 08:29 PM
الله يكضب الشينه

[مناضل للحرية]

#1279581 [مدرسة يستهبلون (اوضة وبرندة )]
3.00/5 (3 صوت)

06-05-2015 07:23 PM
الحكومة التى رفضت انتخاب الوالى بسبب القبلية هاهى تسمح لوفد يحمل صفة قبلية ليتحدث بسم الشعب
فى تكريس محكم للقبلية والجهوية
وكان الاسلم ترك عمل مثل هذا يدار بواسطة منظمات المجتمع المدنى ذات الطابع العادى الذى يمثل اطياف واسعة من الشعب وليس ذا طابع قبلى او جهوى

[مدرسة يستهبلون (اوضة وبرندة )]

#1279575 [ودكركوج]
2.72/5 (10 صوت)

06-05-2015 07:08 PM
ههههههه. امشو اتفسحو واتسوقو في المولات زي ماعمل الدباب كرته وتعالو راجعين. بس ماتفضحونا وتطلبو لجوء والبسو كويس.

[ودكركوج]

ردود على ودكركوج
[أبو ياسر] 06-06-2015 05:59 PM
ومين قالكم مبادرة شعبية ..؟
ديل كيزان معفنين مصلحجية ..
مدفوع لهم من مال الشعب السوداني المنكوب ولن يقدموا أو يؤخروا في الأمر شيء اللهم إلا يفدوها فسحة وفشخرة وكل من يدافع عن رحلتهم فهو كوز مشارك في الجريمة.

[الطريفي] 06-06-2015 08:59 AM
البسو كويس؟ خلاص ياااااا ود باريس .ديل زعماء قبائل الواحد فيهم يسواك مائة مرة. انا لا اؤيد الفكرة لكن ما في داعي للاساءات هؤلاء برضه اولاد بلدي . نحن نظار قبيلتنا شافوا امريكا من قبل ميلدوك . قال البسوا كويس قال. المسيد وربط المجانين وتنشيقهم الشطة كيف؟ نظف المسيد اول وبعدين تعال اتكلم.

[yahia ahmed ya] 06-05-2015 09:45 PM
انت ياوليد كركوج ماعندك حاجه غير السلبية ديل زعماء قبائل أرجو وهي مبادرة شعبية وليست حكومية . ايش لجوء لعجايز زي ديل. يبدو انت العملت لجوء كاذب علي امريكا. وكمان البسو كويس . انت عاطل وفارغ وناطي لينا في كل مقال بما لا يفيد قوم شوف ليك شغله ولا احسن ليك ترجع كركوك بتاعتك ديك وتغكها فيهم .


#1279567 [adel]
2.50/5 (4 صوت)

06-05-2015 06:52 PM
وين شعار امريكا قد دنا عذابها و الموت لامريكا وخلافه

[adel]

#1279566 [ابو سكسك]
2.50/5 (4 صوت)

06-05-2015 06:47 PM
اها دايرين كمان تنقلو مرضكم بتاع القبلية ده لي امريكا؟!!!!

[ابو سكسك]

#1279564 [عبدالمجيد حسنين]
2.99/5 (7 صوت)

06-05-2015 06:44 PM
ارفض بشده رفع العقوبات عن نظام الكيزان لان الكيزان لا رحمة لهم بالشعب السودانى و يستأثرون بخيرات السودان للكيزان فقط و ندعو الدول الغربيه لتشديد العقوبات على نظام الكيزان

[عبدالمجيد حسنين]

#1279563 [وداللواء]
3.00/5 (3 صوت)

06-05-2015 06:41 PM
هههههههههههاي ياحليله امريكا بقت زى عيد بابكر

[وداللواء]

#1279562 [ALIIIIIIIIIIIIIIIIIIIIIIIIIIIIIIIIIIIIII]
4.94/5 (5 صوت)

06-05-2015 06:36 PM
طبعا قصدهم ماشين سياحة وفرجة وبعدين يرجعو الشغلة سياحة علي بالايمان مايسووا اي شئ زي مامشو زي ماحيرجعوا

[ALIIIIIIIIIIIIIIIIIIIIIIIIIIIIIIIIIIIIII]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة