الأخبار
أخبار إقليمية
التيجاني سيسي : البلاد تعاني أزمة اقتصادية تتطلب المعالجة
التيجاني سيسي : البلاد تعاني أزمة اقتصادية تتطلب المعالجة
التيجاني سيسي : البلاد تعاني أزمة اقتصادية تتطلب المعالجة


06-06-2015 01:29 PM
الخرطوم - رندا عبد الله

أكد التيجاني سيسي، رئيس السلطلة الانتقالية رئيس حزب التحرير والعدالة القومي، أهمية تعزيز علاقات السودان الإقليمية والدولية في الفترة المقبلة، واعتبر أن علاقات السودان مع دول الخليج تسير بطريقة ممتازة، وأمن على ضرورة تعزيز العلاقات مع دول الجوار والتواصل وبناء جسور الثقة مع دول غرب أوروبا والولايات المتحدة، وقال إن من شأن ذلك أن يضعف حلقة مجموعات الضغط الأجنبية التي تستخدم لتغذية الحركات المسلحة، منوها إلى أن العلاقات مع أمريكا شهدت انفراجا بعد زيارة غندور، من جانب آخر دعا سيسي إلى دعم القطاع التقليدي في السودان بشقيه الرعوي والزراعي، ورأى أن مشكلة السودان تمثلت في إهماله للقطاعين بعد اكتشاف النفط، وقال السيسي إن البلاد مواجهة بتحديات اقتصادية كبيرة، مشيرا إلى وجود أزمة اقتصادية بالبلاد ينبغي مراجعتها، وقال إن المستثمرين الأجانب يشكون مر الشكوى مما سماها بالإجراءات البيروقراطية الموجودة في السودان.

اليوم التالي


تعليقات 12 | إهداء 0 | زيارات 2743

التعليقات
#1280712 [مراقب]
0.00/5 (0 صوت)

06-07-2015 05:11 PM
الزول ده هو شنو بألضبط!! لابد زى أم سيسى ما منو خبر وفجأة يطلع بكلام خارم بارم نسف قروش القطريين هو والكيزان الحرامية وما سووا لدارفور التكتح.

[مراقب]

#1280458 [شايبو مصطفى]
0.00/5 (0 صوت)

06-07-2015 11:11 AM
الجديد شنو في حديثك هذا ما كل العالم يعرف ذلك وانت قبل ان تنضم للمجموعة كنت تقول نفس الكلام ودخلت الحكومة بثمن بخس دراهم محدودة على حساب اهلك في المعسكرات طيب وجهه هذا الحديث لناس المعسكرات . اترك الحديث عن الاستثمار وتحدث عن المعسكرات ما انت ممثلهم ودول اهلك خلال خمسة سنوات القادمة تعمل لهم شنو

[شايبو مصطفى]

ردود على شايبو مصطفى
United States [الحقيقة] 06-07-2015 04:51 PM
ما بقدر يدخل أي معسكر لأنه عارف الحيحصل له فناس المعسكرات كلهم موالين لعبد الواحد وهذا من ضمن أسباب فشل إتفاقية الدوحة.


#1280192 [سفروك]
0.00/5 (0 صوت)

06-07-2015 06:44 AM
سرقت أرواح ودماء وتضحيات الحركات المسلحة أصحاب الجلد والراس عبدالواحد وخليل وميناوى وعرضتها رخيصة للبشير في قصره بعد إجتماعات نصف الليل من أجل وظائف تافهة بعت أهلك وأهل دارفور من أجلها لكن الله في وستدفع الثمن يا خايب الرجاء.

[سفروك]

#1280178 [NjerkissNjartaa]
0.00/5 (0 صوت)

06-07-2015 05:30 AM
مشيرا إلى وجود أزمة اقتصادية بالبلاد ينبغي مراجعتها!!!
ده اسمه كلام بقى!!! زي مابقولوا المصاروه.

[NjerkissNjartaa]

#1279998 [هميم]
0.00/5 (0 صوت)

06-06-2015 07:31 PM
البلاد تعاني من السيسي وأزمة الفساد والمفسدين والرئيس المزور. السيسي وأمثاله جزء أساسي من الأزمة نفسها

[هميم]

#1279992 [عبدالواحد المستغرب اشد الإستغراب!!]
0.00/5 (0 صوت)

06-06-2015 07:12 PM
والله الظاهر علينا فعلا وقعنا مع شلة مجانين وإيه الجديد فى كلام المخبول ده؟ الشعب السودانى كلوا بيعرف الكلام ده وحافظو صم لم وعاى رآى عادت (مش إنتو الحكومه؟!!) الناس دى ظنيتم ما عارفين حدود مسئولياتهم !! وما قادر اعرف السر فى إفتتان الناس دى بحكاية التصريحات (سعادالفاتح البدوى تقول لينا عير تصريحات إنها عايزه توحد لغة الافارقه عشان يتكلموا كلهم لغه واحده بدون ما تكشف على إية لغه إستقر الرآى والبشير يقول ما عارف إيه كده وكلام إعتقد متعلق بالفساد دون ان يوضح لينا إذا كانت النيه متجهة للمكافحه ولا المحاربه!! ونحن نعرف أن المكافحه فى مفهوم الريس يعنى (تكريس) الفساد والمحاربة تعنى (توطين) الفساد المهم نرجو من عضوية المؤتمر الوطنى إبلاغنا حينما يستقرو على رآى وخاصة أنهم الاحسن فهما لنصريحات الرئيس بتاعهم!!.

[عبدالواحد المستغرب اشد الإستغراب!!]

#1279967 [نفسى درداقه ملك]
0.00/5 (0 صوت)

06-06-2015 05:59 PM
ياريت تقول الحق

[نفسى درداقه ملك]

#1279943 [صقر الجبل]
0.00/5 (0 صوت)

06-06-2015 05:05 PM
صار يتكلم زى صعاليك ولصوص المؤتمر الوطنى ومن عاشر قوما أربعين ليلة صار منهم وهو الآن عضو لجنة 7+7 وفرز عيشته بحزب يسترزق من المؤتمر الوطنى.

كدة بالله خلينا من السمسرة بتاعتك دى وقول لينا عملت شنو لتنفيذ وثيقة الدوحة والتى إنتهت فترتها قانونيا الأسبوع الفات،، كدة طلع لينا كشف عما حققته لعودة النازحين لقراهم، المصالحات القبلية، مشاريع الإعمار، ألخ،، عملت كلها مؤتمرات فارغة ولهط وفساد ثم بزنسة مع أمين حسن عمر كل يوم والتانى سفر إلى الدوحة وبعد أن أفشلت الوثيقة سكت زى الكديس وما بتجيب طاريها أبدا وياهو القطريين إنسحبوا لقذارة سلطتك وفسادك الشخصى ولقد كان الأمريكان أذكياء عندما إكتشفوا مبكرا أن إتفاقيتك ماتت وشبعت موتا، كل ما قام على باطل فهو باطل.

[صقر الجبل]

#1279931 [ود بلد]
2.00/5 (1 صوت)

06-06-2015 04:27 PM
هذا النكرة امتطي قضية دارفور وبعد ان حقق مراده من منافع شخصية ركل دارفور واهله وقضاياه

[ود بلد]

#1279888 [جنقولي]
5.00/5 (2 صوت)

06-06-2015 02:39 PM
السيد الكتور رئيس السلطة الانتقالية اقليم دارفور ورئيس حزب التحرير والعدالة القومي التجاني سيسي. سألتك بالذي فطر السماوات والارض ،حلقة مجموعة الضغط الاجنبية والمجموعات المسلحة التي ذكرتها بماذا تطالب ؟ الم تكن مطالباتك هي جزء من مطالبهم ؟
بعيدا عن مكايدات حلقات الضغط الاجنبية والمجموعات المسلحة نريد وطنا مستقرا يتوفر فيه متطلبات الامن والامان الوطن الذي يسع الجميع.

[جنقولي]

#1279879 [ابوصلاح]
0.00/5 (0 صوت)

06-06-2015 02:29 PM
تبا لك الهذا دعوتنا

الجبن وسيله جيده للاكل العيش فى السودان

[ابوصلاح]

#1279867 [ابو الدردوق]
0.00/5 (0 صوت)

06-06-2015 01:57 PM
وقال ان المستثمرين الاجانب يشكون مر الشكوي مما سماها بالاجراءات البيروقراطية خليهم يشتكو علي كيفهم القالهم تعالو السودان منو دي بلد يبيعوا فيها جركن

[ابو الدردوق]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة