الأخبار
أخبار إقليمية
وزارة التربية والتعليم بولاية الخرطوم تعلن عن كامل استعدادها لبداية العام الدراسي غدا
وزارة التربية والتعليم بولاية الخرطوم تعلن عن كامل استعدادها لبداية العام الدراسي غدا
وزارة التربية والتعليم بولاية الخرطوم تعلن عن كامل استعدادها لبداية العام الدراسي غدا


06-06-2015 07:33 PM
(سونا ) - أعلنت وزارة التربية والتعليم بولاية الخرطوم عن كامل استعداداتها لبداية العام الدراسي الجديد يوم غد الاحد بجميع محليات الولاية .
وقال الاستاذ محمد عبد الله خريف مدير المركز الاعلامي التربوي بولاية الخرطوم في تصريح لسونا ان قرع الجرس سيكون بمدرسة النيل الثانوية بنات النموذجية بمحلية كرري .وذلك بمشاركة الدكتور عبد الرحمن الخضر والي ولاية الخرطوم ووزير التربية والتعليم بالولاية الدكتور عبد المحمود النور ومعتمد محلية كرري وعدد من المسؤولين بالوزارة .
واضاف خريف ان هذا العام سيكون مستقرا وذلك بعد التجهيزات التي قامت بها وزارة التربية والتعليم في مجال توفير الاجلاس والكتب ومعينات الدراسة المختلفة .مشيرا ان العام سيشهد مشروع حقيبتي صديقتي الذي يهدف الي تخفيف العبء عن حمل الحقيبة الدراسية وذلك بمشاركة مجموعة جانا بالتعاون مع وزارة التربية والتعليم .


تعليقات 9 | إهداء 0 | زيارات 1929

التعليقات
#1280817 [القلم الحر]
0.00/5 (0 صوت)

06-07-2015 08:41 PM
مافاهم الوزاره هو عناد ولاغباء منهم دراسه فى فصل الخريف اتقوا الله ياناس بكره بقفلوها من المطر والفصول وقعت ولسلامة الطلاب اوقفنا الدراسه مش ده كان العام الماضى والطريق انقطع وشارع الظلط شالته المطره وجيبوا الخيم والمتضررين ياناس ادونا راى معاكم نحن برضوا سودانيين .ضرب الجرس قال كيف اضرب الجرس مع الرعد والصواعق ما الذى يضر اذا غيرتم زمن المدارس وكل الزمن موحد اولاد وبنات وزحمه مواصلات .ما المانع اكونوا الاولاد قبل البنات فى بداية اليوم الدراسى والعكس فى نهاية اليوم .بلدنا محتاجه لعقول فقط المواصلات كافيه لكن مين اخطط .

[القلم الحر]

#1280420 [Ageeb]
0.00/5 (0 صوت)

06-07-2015 10:33 AM
أي استعدادات وأي سخافات هذه التي يتحدثون عنها وأكملوها!

هل سيحجبون حرارة الشمس التي ستسيح نوافيخ الطلاب؟ أم ترى أنهم قد أعطوها أوامر لتنزل بردا وسلاما على الطلاب؟

[Ageeb]

#1280390 [الصعب]
0.00/5 (0 صوت)

06-07-2015 10:04 AM
انتهى فصل الانتخابات وبدأ الفصل الدراسى (وكلو صينى)

[الصعب]

#1280237 [عمر أحمد حسن]
4.75/5 (3 صوت)

06-07-2015 07:55 AM
السودان الدولة الوحيدة في العالم التي تفتح فيها المدارس في عز الصيف مع أن فصولها غير مكيفة ولا بها مراوح .. والدولة الوحيدة التي تفتح مدارسها والطلاب والمعلمين يستقبلون شهر رمضان بعد أسبوع ..

[عمر أحمد حسن]

#1280234 [احمد]
4.50/5 (3 صوت)

06-07-2015 07:51 AM
في زمنا وطيلة فترة السبعينات والثمانيات حيث درسنا الابتدائي والمتوسط والثانوي لم تفتح المدارس قط في الأسبوع الأول من يونيو بكل كانت تفتح إما في منتصف يوليو أو بداية أغسطس ، قرارات ارتجالية ناس المؤتمر الوطني البد يعلبوا بيها زي ما عايزين

[احمد]

#1280111 [adil a omer]
0.00/5 (0 صوت)

06-07-2015 12:18 AM
فصول مكيفه قال ليك سبليت يونيت

[adil a omer]

#1280057 [موت يحمار!!!!!]
5.00/5 (1 صوت)

06-06-2015 09:43 PM
مستعدين مستعدين!!!!!!!!

بكره الرواكيب بيهزها اللين!!!!

وبتقاع فصول الطين!!!!

كترو في الكضب معا المعتمدين!!!

ونشوف ماصلو نحنه هايفين!!

منصدق كضبكم طالما انتو قاعدين!!!!

وصبي ياميطيره خلينا نشوف كلام المصرحين!!!!

[موت يحمار!!!!!]

#1280043 [Almisahir fi izallail]
5.00/5 (1 صوت)

06-06-2015 08:57 PM
كمااان مدير المركز الاعلامى التربوى اسمو "خريف"!!! فال الله ولا فالكم يا ناس التعليم ..ما لقيتو غيرو ! الله يستر من خريف السنه دى!
*اها اعلنتو وتبجحتو ان كل شى جاهز وتمام.. بكره المطره بتنزل والعوّه بتقيف وحيبين مدرب الهلال"....." عند المخاده! وبيظهر كضبكم ويزيد حرجكم!
*هى وزارة التربيه دى لقت الوقت الكافى وين عشان ما تكمّل كل متطلبات السنه الدراسيه الجديده؟
*وايه الجديد يعنى فى بداية العام الدراسى.. ماهو كل سنه بيبدا وينتهى! ايه لزوم "الظيطه والظمبريطه) .ز قال ايه قال "حيضرب الوزير الجرس فى مدرسة النيل" فى حضور "المحافظ ومساعدينو والمسؤولين كمااان! الخلق دى ما عندها شغل فى ذلك الصباح الاغر؟ ما تقولو لينا دا شغلهم؟
وانتو يا مسؤولين لما كنتو طلبه ايام التعليم تعليم والمدارس مدارس و"السكّر كان بالراس" هل العام الدراسى كان بيبدا بالطريقه اللى بتكّلمو عنها دى؟ ولآ ها "اعادة صياغة الانسان السودانى"! مو هيك؟
*وباى صفه المحافظ ومساعده السيد الوزير يوم بداية الدراسه حيمشو المدارس دى عشان يفتتحو السنه الدراسيه؟ موش تم اعلان اعفائهم خلاص! نظار او ناظرات المدارس او الضابط النبطشى (انا قاصد المدرس موش بتاع (بدعة) الشرطه التربويه) ما كل يوم وكل 40 دقيقه وكل شهر وكل فصل دراسى بيدى تعليماتو لضرب الجرس!
*انتو يا المسؤولين عايزين تحققو شنووو! الآ يكون شيتن آخر ما تعرف من قديم الزمان..هل هو اكتشاف نظريه تربويه جديده!يا ترى .. يكونش التأكد من تعيين "عيون" الرصد والمتابعه للطلاب والطالبات والمعلمين اصحاب الاجندات الخارجيه الخونة والمارقين والملحدين حسبما اعلن مدير المرحله فى احدى محليات الولايه عن توجيهاتو لذلك الاختيار من بين انجاوات سيادته التربويه والتعليميه !
* المرحله المتوسطه رجعت فى السلم التعليم! ولآ ما حترجع!

[Almisahir fi izallail]

#1280031 [fatmon]
0.00/5 (0 صوت)

06-06-2015 08:33 PM
طبعا الكلام ده خاص ببعض المدارس المرضي عنها هذا لا يخص أبناء السودان في كل بقاع السودان الحبيب فقط بعض المدارس لزوم الإعلام أما الغالبية لا كراسي ولا حتى فصول وجدران لحوش المدرسة أما الأساتذة والكتب بالنسبة لهم يعد من البذخ الذي لا لزوم له فالمبذرين إخوان الشياطين وحاشاهم هؤلاء من التبذير والسرقة الله يرحمك يا غسان

[fatmon]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة