الأخبار
أخبار إقليمية
شاهد الصور: القبض على عمال مجهولين يدفنون نفايات مشعة ومسرطنة في منطقة الدامر
شاهد الصور: القبض على عمال مجهولين يدفنون نفايات مشعة ومسرطنة في منطقة الدامر
شاهد الصور: القبض على عمال مجهولين يدفنون نفايات مشعة ومسرطنة في منطقة الدامر


في غياب أجهزة الأمن المشغولة بطحن المواطنين وقهرهم
06-07-2015 08:28 PM
على صفحته بفيسبوك كتب الأستاذ طارق عبدالسلام منذ دقائق معدودة:

القبض على عمال مجهولين يقومون بدفن نفايات مشعة ومسرطنة في منطقة الدامر . تم القبض عليهم بعد ملاحظة راعي فى المنطقة لعملية الدفن وابلاغ الشرطة.

أين حكومة البشير ؟ أين جهاز الأمن والاستخبارات ؟ أصبح السودان بلد فوضي فى عهد الكيزان . سبحان الله الراعي جزاه الله خيرا تنبه للعملية وابلغ الشرطة .
يا تري كم من المواد المشعة والمسرطنة التي تم دفنها فى صحاري ومناطق السودان بعلم او دون علم السلطات الولائية والاتحادية.
شعب السودان دائما يسعي للتعمير , اما حكومة البشير بمكوناتها المختلفة دائما تسعي للخراب والتدمير.

ربنا يكون فى عون شعب السودان و أرضه الطيبة.

حسبنا الله ونعم الوكيل ولا حول ولا قوة الا بالله العلي العظيم . ربنا ينتقم من ظالمي الشعب دنيا وآخرة .

image

image


تعليقات 18 | إهداء 0 | زيارات 12562

التعليقات
#1281524 [كلام غريب]
5.00/5 (1 صوت)

06-08-2015 08:30 PM
كنت دائما أتساءل لماذا الولاية الشمالية هي أعلى نسبة سرطان. لكن بعد هذا الخبر لو تتبعنا راس الخيط يمكن أن نصل إلى (بلاوي متلتلة). الله يكتب السلامة لأهلنا البسطاء هناك.

[كلام غريب]

#1281399 [الكلس]
0.00/5 (0 صوت)

06-08-2015 03:40 PM
"في غياب أجهزة الأمن المشغولة بطحن المواطنين وقهرهم،القبض على عمال مجهولين يقومون بدفن نفايات مشعة ومسرطنة في منطقة الدامر"

يا ناس الراكوبة يا علماءنا يا أحسن ناس وأفهم ناس في الدنيا، من فضلكم فكروا قبل ما تكتبوا، ما من المنطق عنوان يكون نصفه نقد والنص التاني مدح .. طيب خليهم موضوعين منفصلين عشان ما يظهر التناقض .. أسي ناس الشرطة من ناحية مشغولين بطحن الشعب ومن ناحية كمان مشغولين بالقبض على الناس بتاعين النفايات القلتوهم ديل .. انا متأكد إنكم قاصدين النصف الأول لكن النصف التاني جاء من غير ما تشعروا فلو سمحتو ما دايرين شكر .. نبذوهم بس كان اشتغلوا ولى ما اشتغلوا نبذوهم .. كان الامن مستتب أوعى تقولوا مستتب داير معارضة بس .. ما دايرين كلام يحسسهم انهم شغالين .. كان في حاجة بتستحق الشكر طنشوا بس ما تجيبوا سيرتها خلونا عشان ما تمسخوا علينا معارضتنا دي .. وهو عليكم الله المعارضة بلا نبذ شن طعهما ودمتم معارضين متربصين بكل من يدعي خدمة الوطن

[الكلس]

ردود على الكلس
[hatim] 06-08-2015 11:05 PM
افراد الشرطه الواقفين على الامر هذا من حماس رجاء ان تكون عاقل و حقاني


#1281358 [زول]
0.00/5 (0 صوت)

06-08-2015 02:53 PM
كل منازل حي الشعبية بالخرطوم بحري كانت مسقوفة بالاسبستس وعاشت فيها الاسر لعشرات السنين ولا زال البعض يعيش فيها ولم نسمع بحالة سرطان واحدة في تلك الاسر
السرطان الحقيقي هو استيراد الاطعمة المعلبة والاسمدة والمواد الكيميائية بواسطة تجار الاخوان المسلمين دون وازع من ضمير وبمباركة الدولة وهي السبب الاساسي في ظهور السرطان كوباء في هذا البلد الامين

[زول]

#1281346 [التباري]
0.00/5 (0 صوت)

06-08-2015 02:33 PM
الخبر اكيد ولكن المنطقة شرق قرية تيات بنهر عطبرة وعندما ابلغوا مدير شرطة الولاية والذي هو من نفس القرية, للاسف بدلا من ان يتحرك سريعا طلب منهم ان يفتحوا بلاغ في الشرطة

[التباري]

#1281302 [ابومحمد]
5.00/5 (1 صوت)

06-08-2015 01:24 PM
السودان تحكمه عصابة مافيا كان الله في عون الشعب

[ابومحمد]

#1281292 [قلبي على وطني]
0.00/5 (0 صوت)

06-08-2015 01:09 PM
أين ؟!!!!!!!!!!!!وزير الإصحاح والبيئة
نائم نومة أهل الكهف؟؟؟؟؟!!!!!!!!!!!
المشكلة أنو الموظف الحكومي يدوهو الأمانة ويلعب بيها
وسيسأل يوم القيامة عن صحة المواطنين
وعن مايحدث لهم من امراض هو تسبب بها للمواطنين
أين السلطات العليا في هذا المجال؟؟!!!!!!!!!
نائمون ولا يبالون بصحة المواطن المسكين
يقبضون رواتبهم ولم يحللوها
بالعمل الجاد والنظيف!!!!!!!!!
والفتاوى الشرعية تقول
إذا الموظف لم يجتهد ويخلص في عمله المنوط به
فراتبه يعتبر غير محلل
وتدخل فيه الشبهات
لانه لم يؤدي الأمانة التى ائتمنها له رئيسه
وهذا يعني ان إذا كل موظفين الدولة بهذا الإهمال والتسيب
معناها رواتبه غير محلله!!!!!!!!!!!!
وحرام لنهم لم يخلصوا في عملهم!!!!!!!!!!
كما قال بن عثيمين في فتوى موظفين الدوله

[قلبي على وطني]

#1281216 [الطيب]
0.00/5 (0 صوت)

06-08-2015 11:34 AM
إذا كان ما تقولونه صحيحا, لماذا لم توفروا حماية لأفراد الشرطة الذين يحومون حول المواد ويحرسونها؟

[الطيب]

#1281135 [دنقر شيل]
5.00/5 (1 صوت)

06-08-2015 10:19 AM
طيب ما يشوفوا بيوت الشرق معظما مسقوفة بيهو لى اسع ولا داك ما مسرطن
الكسار ده بس ياهو المسرطن

[دنقر شيل]

#1281003 [ابومروان]
5.00/5 (1 صوت)

06-08-2015 07:43 AM
الخبر خبر إثارة العمال اجانب ولا محليين ثانيا مصدر هذه النفايات من الداخل ولا الخارج ودي مامتعلقة بالخبر لكن دفنها في منطقة تعتبر في وسط السودان لو كانت من خارج السودان لدفنت قريب من الطرف وكيف تدخل السودان يبدو انها من داخل السودان وفي هذه الحاله مسؤولة وزارة الصناعه والبيئة والولاية التي تنتج المنتج الذي يخلف هذه النفايات وجزاكم الله خير

[ابومروان]

ردود على ابومروان
United States [badraldin mm] 06-08-2015 01:01 PM
ابو مروان يخيل اليا انك تمثل جه رسمية ..شكل الرد ده رسمى...طيب اذا كانت هذه مسؤولية الولاية او وزارة الصناعة ..طيب الصحف مسوؤلية وزارة الاعلام ..الحرب مسؤولية الجيش المظاهرات مسوؤلية الشرطة ...وبعدين هو كان مجرد سوال هل لها علاقة بكونتنات بورسودان ...انت عرفت الاجابة بسرعة كيف هل لك معلومة عن الكونتنات او عارف مصدر هذه النفايات...وبعدين هل هنالك عرف بقول الجاى من البحر يدفن فى الطرف والجاى من جوة يدفن فى الوسط...

United States [YAHIAKAMAL] 06-08-2015 12:50 PM
انت ماعندك سالفة ياكوز ودائما تبحث عن مبررات واهية ايا كان مصدرها فهى خطرة على المواطن وهذا يدل على كلاب الامن يعرفون عنها ويتقاضوا عنها لان هناك من يدفع لهم والحكومة للاسف لا شاغل لها غير النهب والسرقة فى اموال الشعب وتحريش كلابها لارهاب المواطن ولولا الله ثم هذا الراعى البسيط لدفنت وياترى كم دفن مثلها من قبل.. الشعب ضحية حكومة فاسدة وللاسف هناك من يناصرها من امثالك الجهلاء ..


#1280961 [soso]
5.00/5 (6 صوت)

06-08-2015 04:15 AM
الأسبست أو الأميانت مجموعة معادن من زمرة التريموليت (بالإنجليزية) تتألف من ألياف يتم استخراجها من مناجم خاصة، وهي مواد غير عضوية تحتوي على العديد من المعادن الطبيعية التي يدخل في تركيبها أملاح السيليكات إلا أنها تختلف عن بعضها في التركيب الكيميائي والخواص الطبيعية لاختلاف كميات الماغنسيوم والحديد والصوديوم والأوكسجين والهيدروجين فيها.
يستخدم الأسبست في مجال البناء وتسقيف المنازل والعوازل الداخلية والخارجية وأنابيب صرف المياه والأدخنة والتهوية، وتعتبر صناعة الأسمنت الأسبستي من أكثر الصناعات استهلاكاً للكريسوتايل إذ تصل نسبتها إلى 85%. وتدخل ألياف الأسبست في صناعة أغلفة الأبواب المقاومة للحريق والخزائن الفولاذية، كما تستخدم في صناعة الملابس الواقية من الحريق وكوابح السيارات وبعض أجزاء السيارات وكذلك كمادة عازلة للكابلات والأسلاك واللوحات الكهربائية.
خطورة الأسبست تكمن في نوع المواد المعدنية الموجودة فيه وتعتمد تأثيراته الصحية على المدة الزمنية التي يتعرض لها الإنسان وكذلك على عدد الألياف وطولها ومتانتها، وتبين وجود علاقة وثيقة بين المدة الزمنية للتعرض لألياف الأسبست وشدة التعرض وبين التأثيرات السلبية على صحة الإنسان، إذ تظهر أعراض المرض بعد التعرض المزمن لألياف الأسبست الذي قد يصل إلى أكثر من 20 سنة. أما بالنسبة للتعرض الحاد فلا توجد دراسات تظهر تأثيراته على الإنسان.

منقول....

[soso]

#1280926 [badraldin mm]
5.00/5 (1 صوت)

06-08-2015 12:12 AM
النفايات المشعة خطورتها فى ان الاشعاعات الصادرة منها تسبب السلطان بصورة سريعة وكما ان بضعت جرمات يستمر مفعولها الضار عشرات السنين بالاضافة الى انها توثر فى التربة والمياه الجوفية لعشرات السنين ..وتحتاج الى ميزانيات كبيرة لتخلص من اثارها .اخطر الاشعاعات الت حدثت فى العالم الاشعاعات من مفاعل تشرنوبل وهى بداءت فى الثمانينات وسوف يظل تاثيرها الى مئات السنين ...المهم ما علاقة هذه النفايات بالكونتنات التى تحوي مواد مشعة التى تم ايقافها قبل شهور فى ميناء بورسودان...يجب على جهاز الامن ان ينشط لمكافحة هذه العمليات بدل الانغماس حرب ليست من اختصاصو

[badraldin mm]

#1280834 [منتصر]
5.00/5 (3 صوت)

06-07-2015 09:12 PM
اكبر سرطان ضرب السودان دارفور
اللهم لا بارك في الانجليز والامام المهدي استعان بهم ك مرتزقة

[منتصر]

ردود على منتصر
[قلبي على وطني] 06-08-2015 01:20 PM
اهل دارفور ناس طيبين
ياسلام عليهم وحنينين
وبلادهم حارساها القرآن وآية الكرسي والمعوزتين
وحلقات الذكر بإضاءة النار
ولكن لي وقفة ....
لماذا؟ رغم هذا ؟!!!!!!!!!!
نجد الشعوذة والدجل
يحيط بها وكل !!!!!!!!!!
وكل سكانها يعتقدون بذلك ويلبسون الحجبة في رقابهم
وهى حرام شرعا
(من صدق كاهنا او عرافا كفر بما انزل به ربه من القرآن )
وهنا التناقض العجيييب!!!!!!!!!
وهم اهل القرآن وخاصته.......
ومنهم رجال يدعون العلاج بالرقية الشرعية
ولكنهم يعالحون بالسفلي
ويستعينون بالجن ......
وما يذيدهم الجن إلا رهقا وتعبا ووهنا
وعلاجهم بالتمائم الحجابات
والرسول صل الله عليه وسلم
قال( من علق تميما لا اتم الله له) والتميم
معناهو حجاب
ومفرده تميم وجمع تميم تمائم

United States [YAHIAKAMAL] 06-08-2015 12:54 PM
دارفور ياجاهل والله ان كان هناك سرطان فامثالك ياغبى يامتخلف دارفور تاريخ وحضارة يعجز امثالك معرفتها يامتخلف .. والله ياهو الناس فى شنوا وامثالك الاغبياء فى شنوا صحصح ياحمار واعرف الموضوع وبعدين اتفاصح

[سرطان] 06-08-2015 12:04 PM
اسال الله يجيك سرطان فى مؤخرتك
ويكون علاجك فى دارفور

European Union [سوداني موجوع] 06-08-2015 08:56 AM
ياشباب شكلو قام هسي من النوم مامركز

European Union [كاره الكيزان] 06-08-2015 01:03 AM
يا منفزر رايك شنو في الخبر الفوق ده يا جدادة الجاب الصادق المهدي و الانجليزي شنو هسي ؟ الكلام عن شغل اخوانك كلاب الامن بيطاردوا الشرفاء و سايبين مهمتهم الرسمية . الظاهر لمن كنت صغير في فحل من دارفور عمل ليك عقدة هع هع هع

[بلعوط] 06-08-2015 12:02 AM
الفهم قسم يا منهزم (منتصر) ، ما علاقة المهدي ودارفور بالخبر ؟ بارك الله في الراعي الذي أبلغ السلطات وأتوسل اليه أن يضيفك الى قطيعه من السوام.

European Union [Someone] 06-07-2015 11:48 PM
جنوب قالو سرطان وانفصل وتقول دارفور سرطان برضو ما بعيد من الانفصال وبعدين الشرق سرطان برضو مابعيد من الانفصال وبعد الشرق اقصي الشمال سرطان برضو هينفصل وبعدين ناس الجزيرة هينفصلو وبعدين احكم دولة الخرطوم مع اللمبي الف مبروك!!

European Union [الدرب الطويل] 06-07-2015 11:34 PM
دا شنو دا؟؟!!..
اكيد عندك ملاريا طالعة ليك في راسك الفاضي دا..

United States [دارفورى] 06-07-2015 11:09 PM
لولا دارفور لما كانت سودانكم


#1280827 [ود بلد]
5.00/5 (1 صوت)

06-07-2015 08:59 PM
هسع الله يسالكم وين هي المواد المشعة ؟؟؟؟؟؟

اسبيتوس ؟ ولا شنو ده ..

غير واااضح

[ود بلد]

ردود على ود بلد
United States [بت البلد] 06-07-2015 10:32 PM
هههه انت ما عارف الاسبستوس وعلاقاته بالسرطان يا ود البلد!!!؟ دا من أخطر المواد ومن أخطر مسببات السرطانات في شرق السودان وهم لو ما عارفين ضرر هذه المواد ما دفنوها في الصحراء ... الله يكون في عون السودان في ظل حكومة الكيزان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة