الأخبار
أخبار إقليمية
إجراءات جديدة وضوابط بشأن حظر استيراد السيارات المستعملة
إجراءات جديدة وضوابط بشأن حظر استيراد السيارات المستعملة
إجراءات جديدة وضوابط بشأن حظر استيراد السيارات المستعملة


مسودة قرار "رئاسي" حول استيراد السيارات
06-08-2015 01:52 PM
ضوابط جديدة تمنح استثناءات في استيراد السيارات المستعملة

الخرطوم: سعدية الصديق
أصدر مجلس الوزراء قراراً رقم (203) لسنة 2015 بموجبه تم فرض ضوابط جديدة للحد من استيراد السيارات. وأشار نص القرار بعد الاطلاع على احكام المادتين 58 (أ ) ،(د) و72(ز) من دستور السودان لسنة 2005 وقرار مجلس الوزراء لسنة 2010، أجاز مجلس الوزراء الضوابط الآتية: التأمين على استمرار حظر السيارات الصغيرة المستعملة، استثناء العربات الجديدة غير المستعملة الموجودة في المناطق الحرة والموانئ من الحظر، شريطة استيفائها للمواصفات الفنية على أن تتولى سلطات الجمارك التأكد من سلامة المستندات التي تثبت تاريخ إدخال تلك العربات إلى البلاد، اعتماد سنة الصنع بدلا عن موديل السنة، لا يشمل الحظر الحفارات والتراكتورات والرافعات والشاحنات، شريطة أن لا يتجاوز تاريخ صنعها خمس سنوات من العام الذي تصل فيه العربة الموانئ أو المناطق الحرة، يسمح بدخول عربات النقل الكبيرة "عربات نقل الركاب" شريطة أن لا يتجاوز تاريخ صنعها ثلاث سنوات سابقة، تعفى العربات المستوردة بواسطة الوكلاء من شرط الموديل إذا كانت العربة غير مستعملة وموجودة من قبل صدور هذا القرار بالموانئ والمناطق الحرة، لا يسمح بدخول العربات المستعملة للبعثات الدبلوماسية، يقتصر استثناء السيارات المستعملة على أربع شرائح هي الدبلوماسيون، المبعوثون، المعارون، المغتربون العائدون نهائياً للبلاد. ويسمح للفئات المذكوة باستيراد سيارة واحدة وفق الشروط الآتية: يسمح باستيراد سيارة واحدة صالون أو بوكس أو مركبة نقل عام أو نقل مواد، أن لا يتجاوز عمر السيارة خمس سنوات وفق الشروط والضوابط، بالنسبة للفئات الأربع تكون الضوابط على النحو التالي:
الدبلوماسيون تقدم خطابات معتمدة من وزارة الخارجية، لا تتعدى فترة سريان الاستفادة من هذا الاستثناء عاما واحدا من تاريخ العودة إلى السودان، أما للمبعوثين لا تقل فترة البعثة سنتين . بالنسبة للمغتربين العائدين نهائياً أن لا تقل فترة العمل عن ثلاث سنوات وتقدم صورة من تأشيرة العودة النهائية.
وبموجب القرار الممهور بتوقيع رئيس الجمهورية المشير عمر البشير، يتم تشكيل لجنة من مجلس الوزاء للنظر في الطلبات المقدمة لاستثناء عربات وآليات المشروعات الاستثمارية من شرط الموديل.

التيار


تعليقات 52 | إهداء 0 | زيارات 72148

التعليقات
#1543348 [الحلو مر]
0.00/5 (0 صوت)

11-09-2016 04:40 PM
والله التكاليف الجمركية مبالغ فيها
يعني المغترب خدم الوطن ويدفع ضرائب ويصرف لاهله حرام عليه سيارة بدون جمارك
ياخي الجمهورية اليمنية افقر مننا ومسموح ليهم دخول جميع الموديلات بدون جمارك
يعني فهمك يا الجمارك للمغترب اشتري سيارة لك وادفع ثمن سيارتين للحكومة
حسبي الله ونعم الوكيل فيكم شكيناكم لي الله القوي هذا ظلم ظاهر باين

[الحلو مر]

#1478888 [Ahmed]
0.00/5 (0 صوت)

06-21-2016 09:50 PM
الله يلزمنا الصبر والله عندنا العربيه لكن مافي حق الجمارك لي سنه

[Ahmed]

#1395754 [محمد عثمان]
0.00/5 (0 صوت)

01-05-2016 06:06 AM
بخصوص التركترات المستعملة تم إصدار هذا القرار يوم 31/5/2015 وتم تطبيقه في نفس اليوم وتم حجز جميع التركترات المستعملة الموجودة في الميناء وتم تطبيق القرار بأثر رجعي..ظلم غاية في الظلم.. والآن الي اليوم4/1/2016 ما زالت التركترات محجوزة وعليها ارضيات لشركة الشحن وللموانئ البحرية بما يعادل 100000او مائة مليون للحاوية...حسبنا الله ونعم الوكيل

[محمد عثمان]

#1290258 [الدغري]
5.00/5 (2 صوت)

06-22-2015 12:33 AM
يا جمااااااعة في زمتكم عمي متورط ليهو بي كوريلا 2010
الجمارك اخذوا مننا 150.000 جنيه وهي لحدي السودان مكلفة 35.000 ريال
يا اخوااااانا دي يركبوها بي ياتوا راس ....
يركبهم دق من البشير لي الغفير

[الدغري]

#1289222 [ودالمطر]
5.00/5 (1 صوت)

06-20-2015 10:32 AM
يااخواناهووووووووى يابشرهووووووووى ياالبشيرهوووووى سؤال عاوز إجابة
شنوالفرق بينى وبين جياد المستفيدين منها؟
أنالمن أغترب عشان أحسن وضعى و نفسى وألقى نفسى مغترب عشان أساعد الأسرة كلهامن الكبارللصقار. أليس هذامساعدة للحكومة؟ ناس عجزة لايملكون قوت يومهم رجال ونسأولاتوجد دولة تعرف من هم كل ماتعرفه الدولة عنهم بواسط رئيس اللجنة الشعبية والذى يمثل دور رئيس الجمهورية وحتى رئيس اللجنة الشعبية لايكلف نفسه الوصول للبيت فيكفيه أن تصله معلومة بأن هذاالبيت فيه مقترب وبس .أليس هذامساعدة للحكومة؟؟ وناس قصر لايعرفون ماذايدورحولهم فقط يريدون الأكل والشرب والملبس والعلاج ومصاريف المدرسة والمواصلات ولعلمك ليس كلهم أبنائى من صلبى ولكن أبنأأخوات مطلقات ,وأخوان لايستطيع أن يقوم بئعبائهم وكل هذا أليس مساعدة للحكومة ...
طيب السؤال البطرح نفسه هل أنا اله ميكانيكية ستستمر إلى الأبد لإمداد هؤلأ ؟؟
هل أنا عندى إسبيرات لجسمى ‘عشان ابدل الذى عجز بإسبير جديد عشان أواصل إمداد هؤلأ ؟فرضنا بدلت الكلة بتاعتى فهل أستطيع أن أبدل السن والعمر؟؟
طيب ياخى فنشونى من الشقل وماعندى وراولاقدام وأدونى حقوقى وأناعامل بسيط مادبلاسى ولادكتور ولامهندس ولاوظيفة مرموقة أناحارس فقط وحقوقى كلها مابتجيب لى سيارة فارق خمسة سنة البتقولوهادى لكن ممكن تجيب لى سيارة فارق عشرة سنة ورأ
طيب قول حقوقى جابت لى فارق عشرة سنة وقول ناس الجمارك أستسنونى فمن وين أنا أدفع ليهم جمارك ؟؟,وانا أصلا فنشونى وماعندى شقل ولابرة ولاجوة وأنا وأعوز بالله من الأنا الكنت ماسك مجموعةعوائل ماخليتهم يقولوا نحن فى السودان جيعانين ولامرضانين ولاأميين . كل هذا يكون جزاى أن أرجع لبلدى بلا مصدررزق أعف به باقى عمرى

سؤال عاوز إجابة منكم ياناس..أشتريت السيارة وفالوادايرين منى جمارك فمن أين لى هذا؟؟أرجو الإجابة من السيد رئيس الجمهورية ولوماجاوب لى عرفونى لماذا لم يجاوب؟؟
ورمضان كريم وتصومواوتفطروا على خير إنشأالله

[ودالمطر]

#1284832 [قلبي على وطني]
0.00/5 (0 صوت)

06-14-2015 11:53 AM
عجييييبب ياناس الجمارك!!!!!!!!!!!!
حيرتونا !!!!!!!!!!!!!!!!
وفلستونا !!!!!!!!!!!!!!!!!!!

[قلبي على وطني]

#1284562 [قلبي على وطني]
0.00/5 (0 صوت)

06-14-2015 01:56 AM
قايلين المغترب بيلقى الفلوس مجدعه فى شوارع
دول الأوبك
دول الخليج
وقايلنو قاعد على تل فلوس ودهب
عظم الله أجرك يامغترب
وضريبة المغترب مرض
فى بلاد الإغتراب من ضغوط ماديه
لأسرتو زضغوط ماديه من ناس السودان
الما بيعرفوا حقيقة المغترب أو يكونوا عاملين نفسهم
مطنشين وهم عارفين الحقيقة
ولا يلقاها من ناس الجمارك ولا يلقاها من الكفيل
وأشياء أخرى نخليها مستوره.........
الإغتراب ده
أيناهو إسم
(الحاجه مستوره)
الغربة سترة حال ذي مايقولوا..........
ولكن ناس الجمارك ماعايزين يستروا المغترب الغلبان
عظم الله أجرك يامغترب
الفاتحه الفاتحه يامغترب
نعذيك فى راتبك
أحسن الله عزائك
ولا أحد يعزيك
الميت الله يرحمو
وفى النهايه قد يرجع ويعود المغترب
إلى وطنو
قد لايملك بيت يستر حاله فيه
والضيافة فى السودان عند الأهل
لغاية مالمغترب يدبر حالو
ثلاثة أيام فقط وبعده يعطوك الأهل
الكنتا بترسل ليهم الوجه الآخر
كأنو مايعرفوك
دي النهاية............
الله يرحمك يا راتب المغترب
كنتا كريما مع ناس السودان
ولكن عندما وافتك المنية
لم تجد منعهم من يتذكرك بالدعاء ويكفنك
نهاية مغترب قضى سنوات عمر الإغتراب فى تلبية
أهل السودان أهل البوبار
ونكران الجميل.

[قلبي على وطني]

ردود على قلبي على وطني
[ودالمطر] 06-16-2015 01:31 PM
أسمح لى أخاطب البشير الأخ قلبى على وطنى
يارئيس عمر البشير أنامغترب 12 سنة عشان اكون نفسى لقيت نفسى بحل مشاكل الأسرة الاولى كلهاوهكذا لأن لايوجد من يعينهم غيرالله وشخصى الضعيف فشهريا لهم مطالبهم الضرورية ووظيفتى حارس امن فقط
يعنى الراتب ضعيف وبرسله لأهلى كله حتى اكل فى بطنى بالدين
طيب يعنى أنا مادبلماس ولامعار ولامبعوث زول مسكين ساااكت من اسرة مسكينة ساااكت وإغتربت بالدين وبسدد فى الدين أكثر من سنتين وبصرف على قاصرات وقاصرين وعجذة وماقادر اشترى عربية لأن راتبى بنتهى لما اوزعو للمساكين والفقرأناس البيت
طيب يعنى مكتوب لى العذاب إلى مالانهاية
ليه مايسمحوا مثلا لقاية موديل ألفين عشان أقدر أشترى لى بوكسى ولاسيارة استرذق منهافى السودان باقى عمرى ده
ليه يمنعونى اكل عيش عشان التجار الكبار
وليه اشيلوامنى تانى فى السودان مبالق ٌقدرثمنها
طيب أنا ماعندى القروش البدفعها هناك ولا عندى ورأ ولاقدام
يعنى أرجع السودان أعمل شنو؟ ومنو البستحملنى وأناماعندى أى حاجة
البيت كلو يستحقون الذكاة ولكن رئيس الجمهورية ممثله رئيس اللجنة الشعبية يقول لاديل مايستحقوالأن عندهم من يعولهم فى الإغتراب
أليس هذاظلما؟
لاحياة لمن تنادى

[ودالمطر] 06-15-2015 04:35 PM
والله ياغلبى على وطنى إنت ممكن شرحت ليهم بصورة عامة معاناتنا.وأنامتأكد إنهم بقولوا ديل مستهبلين ساكت ....عندهم القروش ومادايرين يدفعوا وواضح ذلك من معاملتهم ليك وأنت فى الشباك
اناعاوز احكى ليك نوع من المعاناة البعانيهاأنا شخصيامغترب لأكثرمن 12سنة


#1282856 [ودالجزيره]
5.00/5 (1 صوت)

06-10-2015 09:28 PM
ياناس الفهم شنو الا موديل السنه يعني السودان احسن من السعوديه تطورا واكثر عدد السيارات الخاصه السعوديه بدخل 5 مودسلات اشي معي الحراميه ديل الله اصرفكم من السودان

[ودالجزيره]

#1282616 [سوداني بس]
5.00/5 (4 صوت)

06-10-2015 01:27 PM
شرط ( العودة النهائية ) ينم بالفعل عن العقلية الحاكمة في السودان - عقلية أخوان الشيطان المتأسلمين تجار الدنيا والدين .

لماذا ؟؟؟؟؟

أنا مغترب مثلا ( 20 ) سنة ودفعت الضرائب والمكوس والجبايات والزكاة ووووو , لدي أسرة في السودان وما زالت الأسرة في حوجة ( طلاب جامعات ومدارس ) .... . لماذا أرجع نهائي ؟؟؟؟؟ وماذا أفعل ؟ هل تؤمنون للعائدين عمل ومصدر رزق ؟ في نفس الوقت أسرتي المستقرة بالسودان في حوجة ماسة للسيارة - فلماذا لا يسمح لي الآن بذلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وطبعا سوف أعود للسودان حياً أو ميتاً !!!!!!!!!!!!!! فلماذا لا يسمح لي الآن ؟ ويتم تسجيل ذلك بأنني قد استفدت من هذه الفرصة (( وهي فرصة واحدة بالطبع )) !! ماهي الفائدة من الإصرار علي العودة النهائية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما هو السبب والمنطق في ذلك ؟؟؟؟؟؟؟؟!!!!!!!!!!!

الله لا كسبكم في الدنيا والآخرة - وشكيناك يا عمر البشير لله عزّ وجل , ينتقم منك ومن عصابتك في الدنيا والآخرة . قولوا آميييييييين يا مغتربين .

[سوداني بس]

ردود على سوداني بس
[ودالمطر] 06-15-2015 04:47 PM
امين يارب العالمين والله مثلك ياسودانى بس ومامشينا إجاذة إلايسلخوناسلخ عديييل كدة جيب جيب جيب
نحن ماسكين الاسرة كلها وغيرنا غير الله مافى مساعد يعنى نحن البنهدى فى الشعب مايثور ولساالحكومة طمعانة فينا

الله فى

United States [علي] 06-11-2015 12:58 AM
آمين ,آمين .آمين .............................

[صديق ضرار] 06-11-2015 12:56 AM
اللهم آآآآآآآآمييييييييييييين

United States [ابزرد] 06-10-2015 10:44 PM
امين

[عاشق الحرية والديموقراطية] 06-10-2015 07:01 PM
آمين يارب...

[مغترب مظلوم] 06-10-2015 06:28 PM
آميييين
آمين
أمييييييييييييييييييييييييييييييييييييييييييييييييييييييين

United States [Abubaker Ibrahim Eidam] 06-10-2015 04:53 PM
اللهم ااامين

[وحيد] 06-10-2015 04:26 PM
اللهم آمين


#1282549 [ود الحاجة]
5.00/5 (1 صوت)

06-10-2015 11:45 AM
اساس المشكلة هي انه هل تخدم اجراءات الجمارك الاقتصاد الوطني ؟
لماذا التضييق على المغترب الذي فقد فرص العمل في البلاد بعد عودته النهائية فنجن لا يوجد لينا نظام -كما ففي بعض الدول - بحيث يرجع المغترب الى وظيفته التي كان فيها نظير دفع مبلغ اقل مما يدفعه السوداني المغترب للحكومة كضريبة تسمى مساهمة وطنية و كخدمات و رسوم تجديد مبالغ فيها ( حوالي سبع اضعاف الى عشرة اضعاف ما يدفعه مغتربوا البلدان الاخرى )
نحن نستور السكر و الزيوت و بعضا من المواد الغذائية والتي من المفترض اننا اكتفينا منها ذاتيا و نصدر الفوائض , ماذا فعلت الجمارك؟ هل حمت الاقتصاد و البلاد و العباد من فاتورة الاستيراد؟

بالمقابل يتم تصدير بعض الثروة الحيوانية بطريقة لا تخدم مصلحة البلاد , فاين الجمارك؟

سؤال لهيئة علماء السودان : ما حكم الضرائب و الجمارك و الرسوم المبالغ فيها حيث انه حسب علمي فان هذه تعتبر من المكوس و اخذ المكس محرم كما هو معلوم

حيث ذكرالعلامة المُحَدّث الألباني رحمه الله في رد على سؤال :هل الضرائب حلال؟
فاجاب
( الضرائب هي مكوس ، وهي مما لا يجوز في الإسلام...)اهـ.
(سلسلة الهدى والنور)شريط(36).
و قال – رحمه الله تعالى – في معرض كلامه عن المصالح المرسلة :

واقع الدول الإسلامية اليوم الذين يفرضون على الشعوب المسلمة ضرائب ! و أموال يأخذونها منهم رغم أنوفهم ! لماذا؟
يا أخي مصلحة الدولة تقتضي ذلك !! كيف الدولة تريد أن تحقق مصالح الشعب بدون مال ؟!! فهؤلاء يقال لهم :
خذوا الوسائل المشروعة في جميع الأموال من الزكوات المعروفة في الحيوانات مثلا ، الثمار ، وفي بعض النباتات المفروف حكمها في الإسلام ، و التركات ونحو ذلك مما لا وارث لها ، طبّقوا هذه الأحكام الشرعية ، واجمعوا الأموال في خزينة الدولة ، حينذاك إذا لم تكف هذه الأموال للقيام بالمصالح الدولة ، ومصالح الشعب المسلم ، ممكن أن تفرضوا فريضة جديدة تتناسب مع الحاجة ، أما و أنتم أعرضتم عن الأسباب التي شرعها الله عزوجل لإغناء خزينة الدولة! و جئتم بعد أن عطّلتموها بأسباب و قوانين فرضتموها من عندكم ، هذه لا يجوز الأخذ بها بدعوى أنها تحقق المصلحة ، لأن هذه المصلحة قد حققها الشارع بشرع أعرضتم عنه)اهـ.
ا

[ود الحاجة]

#1282527 [منتصر حلفا]
5.00/5 (1 صوت)

06-10-2015 11:19 AM
القانون يطبق على الجميع هناك بعض من هذة الشرائح المزكورة تحاول التحايل على القرارات التى تصدر من الجهات صاحبة القرار (وهم السماسرةالداء الأكبر الذى أستفحل فنسأل الله التوفيق والسداد(

[منتصر حلفا]

#1282339 [لواي سلسلن]
5.00/5 (4 صوت)

06-10-2015 08:35 AM
اما سيارات الكيزان فبتدخل على اساس انها "استثمار" وبالتالي فهي معفية من الجمارك.

[لواي سلسلن]

#1282338 [الطرادة الحمراء]
3.00/5 (2 صوت)

06-10-2015 08:34 AM
أين الجالية السودانية بالرياض منذ عام 1980م لم نسمع بعقد إجتماع للجالية في الرياض ماذا قدمت هذه الجاليات وهي يصرف عليها من السفارة لماذا لا تحاسب هذه الأسماء من رؤساء الجاليات وماذا قدموا قبل أن نحاسب الحكومة وهم أيضا ساعدوا الحكومة في تغطية المؤتمرات وأين نتائج المؤتمرات بل أين كلام د الجزولي دفع الله للمغتربين بعد الإنتفاضة ووعوده بصراحة المغتربين هم من أضاعوا ذلك بسبب تهاونهم الكبير وعدم الجري وراء حقوقهم مثل بقية شعوب العالم .

[الطرادة الحمراء]

ردود على الطرادة الحمراء
[halffaa] 06-15-2015 01:06 AM
سلام ناس اليكزان ما دايرين حاجه اسمو جالية عشان عارفنكم ناس مثقفة وعارفة القانون الله ينتقم من اي كوززززززززززز وعمر البشير كان ريحونا منو الله ينتقم منو


#1282332 [الحالم]
4.50/5 (3 صوت)

06-10-2015 08:24 AM
الناس سواسية امام القانون بالله عليكم هذا القرار يشمل النافذين في الحكومة او الموردين الذين يحتكرون استيراد السيارات المغتربون هم الذين يكتون بنيران قراراتكم الفاشلة ولكن الظلم ظلمات

[الحالم]

#1282275 [ودالباشا]
5.00/5 (3 صوت)

06-10-2015 06:12 AM
هو فى سيارات قديمة عقد تخش البلد بالله ولا شنووو

استثناء المغترب العائد نهائ دى اكذوبة مفضوحة

[ودالباشا]

#1282124 [محمد علي]
0.00/5 (0 صوت)

06-09-2015 07:12 PM
بعير..

[محمد علي]

#1282123 [المغترب في اوربا]
5.00/5 (2 صوت)

06-09-2015 07:04 PM
اها وبالنسبة للمغتربين في اوربا وكدا ديل لا عندهم خروج نهائي ولا وجع القلب بتاع البلاد العربية دا اها يعملو كيف ولا ما مسموح ليهم بادخال عربية كلو كلو

[المغترب في اوربا]

#1282109 [ممغوص]
5.00/5 (6 صوت)

06-09-2015 05:50 PM
القرار ده ببساطة بكون في جماعة منهم عندهم عربات في الميناء وعايزون يدخلوها وبعد كده يلغوا القرار وحكاية المغتربين دي للتمويه

[ممغوص]

ردود على ممغوص
[المستعرب الخلوى] 06-10-2015 08:02 AM
بالضبط كدا يا ممغوص دا إسمو الفساد المقنن ..واذكر إنو فى قرار طلع فى 25 يوليو 2010 يوضح سياسة إستيراد كافى الآليات والعربات من السيد وزير التجارة وفى يوم 5 أغسطس 2010 صدر قرار بإلغاء القرار السابق .. وكانت واضحة إنو فى حد من جماعتهم عندو باخرة واقفة برة الميناء محملة بالعربات ومنتظرة إذن الدخول ..لأنو من غير ممكن إنو الزول يشترى ويشحن فى ظرف 15 يوم ..
ولا يسعنا إلا ان نقول حسبنا الله ونعم الوكيل ..


#1281880 [عاشور على عاشور]
5.00/5 (1 صوت)

06-09-2015 12:04 PM
السيارات المصرح بها للشرائح الأربعه هى الصالون و البكاب ... لماذا لا تشتمل على سيارات الدفع الرباعى ؟؟؟

[عاشور على عاشور]

ردود على عاشور على عاشور
[محمد علي] 06-10-2015 09:01 AM
دفع رباعي..لا
تهريب....لآ.
جمل دفع رباعي..نعم.


#1281862 [عصام]
5.00/5 (11 صوت)

06-09-2015 11:50 AM
الدولة تمارس أقصي درجات قلة الحياء مع المغتربين الذين طلع زيتهم وهم يدفعون الضرائب ورسوم الخدمات التي لم نري منها شئ ورسوم المضاعافة باعشرات لدراسة الأبناء في الجامعات وبهدلة وإزلال في جهاز نهب المغتربين ومطارات الهم ..
والمصيبة ينال الآخرون إستحقاق مالايحق في خلال فترة بسيطة أمثال الدبلوماسيون والمبتعثون والمعارون ...
لماذا لا تسمح الدوله بسيارة للمغترب دون ربط ذلك بالعوده النهائية ( مرة واحدة خلال فترة إغترابه ) حتي تستفيد منها العائلة الموجودة بالسودان مثل الوالدين والأولاد كمصدر دخل أو تنقل ...لماذا أيها الجهلة أفرض أنني مت هنا ولم أستفد من هذا الإستثناء فهل يسقط حق هولاء الأيتام أو الأبوين ...
والمصيبة كل عام ينعقد مؤتمر للمغتربين ...لكن نعلم تماما أن الحضور هم جلهم من المنتفعين من النظام والذين أخذو إستثناءات باللفه ...
لذلك لايهمهم أحد ولا معاناة أبناء المغتربن في القبول للجامعات ...
فهم غير مستعدين لمناقشة قضايا المغتربين بجدية وحزم
وهذا يظهر من خلال عدم تقديم أي شئ ملموس للمغتربين وأبناءهم
حسبي الله ونعم الوكيل ..

[عصام]

ردود على عصام
[طارق احمد] 06-10-2015 12:48 PM
رأي سديد مية مية وخاصة نعاني في الاجازات من اسعار الايجار الخيالية لعربات ده اذا توفرت

[Abu Omr] 06-10-2015 12:03 PM
أثني علي كلام الأخ عصام يجب أن تكون السيارة مرة واحدة في العمر ( يعني مثل الحج والعمرة) وألا يكون هناك شرط كشرط العودة النهائية , و كما ذكر الأخوة حتي تستفيد الأسرة من السيارة وتخفيف عبء مصاريف الأهل ورسوم الدراسة علي المغترب. ومن هنا نطالب المغتربين التمسك بهذا الشرط إضافة للإلغاء النهائي لأي رسوم وجمارك لهذه السيارة أو أن تكون هناك رسوم إسميه وليست كالتي تفرض الآن وهي ضعفين سعر السيارة نفسها.

ولضمان أن تكون السيارة لمرة واحدة في العمر بالنسبة للمغترب وحتي لا يتم التلاعب أن تقوم السفارات السودانية في كل العالم بإنشاء سجل خاص للمغتربين فيه بيانات المغترب الذي أخذ فرصته في شحن سيارة إلي السودان, وألا يتم دخول السيارة إلي السودان إلا باحضار ورقة تبين أن هذا المغترب نال فرصته أم لا.

[المغبون] 06-10-2015 11:46 AM
كلامك مظبوط ونسأل الله ان ينتقم لنا من كل ظالم ظلمنا ولم ينصفنا رغم اننا وفينا ما علينا من حقوق لهذه الدولة الظالمة ولكن لكل اجل كتاب وربك يمهل ولايهمل .

[الغريب ## سبحااان الله] 06-10-2015 10:33 AM
كلام منطقى جدا
لماذا لايكون الاستثناء للمغترب مره واحده فى فترة اغترابه حتى يتثنى له الاستفاده منها ولاسرته فى السودان كما تفضلت انا اقف معك فى هذا الراى وياريت كل المغتربين وابناء السودان فى الخارج يقفو وراءك فى هذا المطلب ويناشدو به جهاز نصب المغتربين وحتى ان يصل بهم الامر الى اعلى الجهات فى الدوله وحتى ان وصلو الامر الى رئاسة الجمهوريه فهذا حق من حقوق المغترب الذى نشف دمه بالضرائب والخدمات وهلم جره من رسوم ودمغات ...
واما بالنسبه للاخ الذى عرض فى كلامه عن الجاليه فى الرياض اقول لك ان هذه الجاليه لاتظهر الا فى تاريخ معينه واماكن معينه فى شاشات التلفاز وفقط لاوجود لها ولاحضور الا عند الطلب فقط

[ودالباشا] 06-10-2015 05:40 AM
ي عصام لا تستلم ابدا دق على الحديد حتى يلين واكيد يظهروا لك اخوة فى نصف الطريق او بديته مكتوين مثلك ولا تعتمد على الكيبورد او الذين يثنوك ثم ينبطحون

[الساحلي] 06-09-2015 08:26 PM
والله كلامك صاح مئة بالمئة - ولكن لاحياة لمن تنادي


#1281860 [عصام]
5.00/5 (6 صوت)

06-09-2015 11:49 AM
الدولة تمارس أقصي درجات قلة الحياء مع المغتربين الذين طلع زيتهم وهم يدفعون الضرائب ورسوم الخدمات التي لم نري منها شئ ورسوم المضاعافة باعشرات لدراسة الأبناء في الجامعات وبهدلة وإزلال في جهاز نهب المغتربين ومطارات الهم ..
والمصيبة ينال الآخرون إستحقاق مالايحق في خلال فترة بسيطة أمثال الدبلوماسيون والمبتعثون والمعارون ...
لماذا لا تسمح الدوله بسيارة للمغترب دون ربط ذلك بالعوده النهائية ( مرة واحدة خلال فترة إغترابه ) حتي تستفيد منها العائلة الموجودة بالسودان مثل الوالدين والأولاد كمصدر دخل أو تنقل ...لماذا أيها الجهلة أفرض أنني مت هنا ولم أستفد من هذا الإستثناء فهل يسقط حق هولاء الأيتام أو الأبوين ...
والمصيبة كل عام ينعقد مؤتمر للمغتربين ...لكن نعلم تماما أن الحضور هم جلهم من المنتفعين من النظام والذين أخذو إستثناءات باللفه ...
لذلك لايهمهم أحد ولا معاناة أبناء المغتربن في القبول للجامعات ...
فهم غير مستعدين لمناقشة قضايا المغتربين بجدية وحزم
وهذا يظهر من خلال عدم تقديم أي شئ ملموس للمغتربين وأبناءهم
حسبي الله ونعم الوكيل ..

[عصام]

#1281780 [زول ساي]
4.96/5 (7 صوت)

06-09-2015 09:56 AM
دبي مدينة اصغر من الحاج يوسف و مسموح باستيراد جميع انواع السيارات حتى لو موديل صفر للاستفادة من ايرادات الاستيراد الجمركية و توسيع فرص العمل للشركات و الافراد و ايرادات الصيانة و اعادة تصديرهاو غيرها وليس الموضوع كله متعلق بحركة هذه السيارات القديمة علي الشوارع لان هذا يكون متعلق بادارة الترخيص فادارة دبي لا ترخص السيارات اقل من 20 سنة تقريبا و في السودان يمكن العمل بهذا الاسلوب بدلا من عقلية الكيزان المتعفنة و التي لا توضع الا لزيادة معاناة البشر

[زول ساي]

#1281764 [ابوهاني]
5.00/5 (7 صوت)

06-09-2015 09:36 AM
المهم المفروض على الحكومة إعفاء المغترب الذي لديه خروج نهائي من الجمارك نهائياً نسبة لأنه دفع الكثير من المساهمات التي كانت تفرض عليهوأن يتم احتساب الإعفاء بالمدة التي قضاها في الإغتراب يعني مثال شخص مغترب وله عشرون سنة يجب أن يعفي نهائياً من الجمارك .

[ابوهاني]

#1281753 [سليمان]
5.00/5 (2 صوت)

06-09-2015 09:23 AM
طبعا انا كنت مغترب عدت نهائيا 2004 لم استفيد من الحصول على سيارة مستعملة والان لقيت هذا البرنامج .عايز اعرف هل ممكن احصل على سيارة مستعملة وماهى الجهات التى اقابلها او استفسر منها ت 0912347756

[سليمان]

ردود على سليمان
[مدرسة يستهبلون (اوضة وبرندة )] 06-09-2015 09:35 AM
الجمارك فى فلسطين المحتلة اقل قيمة من السودان
والتأكد من المعلومة اصبح سهل فى عصر النت
فلسطين المحتلة الما مكملة دولة الجمارك اقل فيها من السودان
طبعا الجومة العاطلة عن الانتاج والعمل عايشة على عرق الناس
اللهم انتقم منهم


#1281748 [babo]
5.00/5 (5 صوت)

06-09-2015 09:17 AM
غريب ما يدور في هذا السودان ولماذا تصر الحكومة على سلعة واحدة فيما يخص المغتربين وملاحظاتي تتلخص فيما يلي :
1/ لا توجد قاعدة بيانات حقيقية للمغتربين عددا ومددا
2/ كيف يتساوى المغتربون في الاعفاء فمنهم من اغترب بعشرات السنين ومنهم أقل فكيف يتساوى الجميع وكان من المنطقي أن يتدرج الاعفاء حسب سنوات الاغتراب وسداد الالتزامات الضريبية بالكامل فمثلا أنا مغترب منذ عام 1979م وقمت بتسديد الالتزامات الضريبية منذ فرضها في عام 1981م بالكامل حتى تاريخه ولم ادخل للسودان حتى مكنسة كهربائية والآن ساسافر نهائيا فكيف أتساوى مع مغترب له خمسة سنوات في سلعة واحدة .
3/ يجب أن لا يكون العفاء حكرا على السيارة فقط بل يطال كل السلع حسب احتياج المغترب وفق معادلة تأخذ في الاعتبار مدة المغترب وتسديد الضرائب

[babo]

ردود على babo
[استثناء..وليس إعفاء] 06-10-2015 12:16 PM
يا بابو...ركز كويس

القرار إستثناء...وليس إعفاء...

يعني حا يسمحو ليك - استثناءً - تدخل سيارة مستعملة بس حا تدفع جماركها

ركزت معاي؟...

حا تدفع الجمارك على داير المليم...فرطاقة ما بخلوها ليك..وقع ليك!

[المغبون] 06-10-2015 11:42 AM
الى ود الباشا يعنى تفتكر ظلمنا ده ناس جهاز المغتربين ما عارنو فات اضانم غادى وناس الجاليه كلهم مؤتمر وطنى امورم ماشه عشان كده ما بيطالبوا باى شئ من اجل الاخرين وانحنا صراحة دائرين نتخارج من الغربة ولكن تفتكر وطن به ناس ظالمين امثال هاؤلاء الواحد بيكون متشجع يرجعليهو .

European Union [أبو المعارف] 06-10-2015 09:29 AM
المغترب له ايضا اعفاء لجميع أدواته المنزلة من ثلاجة فرن غسالة غرفة نوم جلوس ألخ

[ودالباشا] 06-10-2015 05:45 AM
انتوا وكت موجوعين كدا ما تكون جسم من داخل الجالية يوصل صوتكم ويعكس هذا الظلم للرئيس ابركب مباشرة او ابلعوا وجعكم وابقوا مارقين

[المغبون] 06-09-2015 06:36 PM
كلامك صاح وكلنا متضررين من هذه المعادلة الجائرة الظالمة ولكن الشكوى لمن لمن المشتكى ناس الحكومة ديل الواحد يشتكيهم لمين واحد مغترب له ثلاثون او اربعون عاما يتساوى مع من له ثلاث سنوات كلامك يابابو صاح وانا والله من الناس المغبونين غبن شديد من مثل هذه القرارات الظالمة ولكن نشكو بثنا وحزننا الى المولى عز وجل عسى ان يرفع عننا وعنك هذا الظلم .


#1281723 [SUDANESE]
4.97/5 (7 صوت)

06-09-2015 08:43 AM
الموضوع ببساطة ياجماعة .. القوانين دي قاعدين يسنوها لاسباب اهمها :
(1) حماية شركة جياد لانها حقتم وبالتالي عاوز تشتري عربية جديدة تمشي جياد .
(2) حماية الرأسمالية البنتمو ليهم وعندهم معاهم مصالح زي ناس البربري ودال وغيرم .
(3) الجمارك بقت المورد الاساسي لخزينة الدولة لانو الدولة عاطلة لا فيها زراعة لا فيها صناعة .
(4) دفع فواتير الحرب والرواتب لناس موسى هلال وحميدتي وغيرم من المرتزقة .

الحل شنو ؟؟؟؟؟؟؟؟؟؟؟؟؟؟؟؟؟؟؟؟؟؟
الحل انو الشعب السوداني ده يوعى ويعرف انو البشير وعصابته ديل لابد من قلعهم الليلة قبال بكرة .. لانو اي يوم زيادة لحكمهم بترجع البلد 10 سنين لورا .. فالناس تشد حيلا وتمرق الشوارع دي ونموت في الشارع احسن من نموت من القهر والحقارة والاستهتار في بيوتنا .

[SUDANESE]

ردود على SUDANESE
[ودالباشا] 06-10-2015 05:55 AM
* ديل من شافوا الموت وتأكد لهم دموية الكيزان فى سبتمر اى واحد لزم بيته
وبقوا فراجة .

* على المغتربين عدم افادة الجمارك بقدر المستطاع بالعربى الناس تمشى عكس خططهم

[كاره الشيوعيين والكيزان] 06-09-2015 01:35 PM
نظرة السودانيين عامة تجاه المغترب هي نفس نظرة الحكومة ومن زمن نميري إلى يومنا هذا ما في حكومة أنصفت المغتربين .


#1281716 [FCC]
0.00/5 (0 صوت)

06-09-2015 08:36 AM
واللة شى غريب مع انو متوسط عمر غالبية الزبالة الحايمة فى شوارع السودان يتراوح مابين 40 ل 50 سنة من تاريخ الصنع

[FCC]

#1281702 [محمد]
3.50/5 (2 صوت)

06-09-2015 08:21 AM
السلام عليكم ورحمة الله تعالي وبركاته
خليكم متفاءلين القرار ده من الحكومة السابقة .. انتظروا يمكن الحكومة الجديده فيها واحد قلبو محدثو يراعينا شوية في حكاية الجمارك .. أما حكاية الموديل دى لا بتودى ولا بتجيب وانما لزيادة سطور القرار (القديم) ..
يا حكومة ويا جهاز المغتربين اهتموا لينا بالمفيد بس بتخفيض الجمارك الجمارك الجمارك ...
وخلو النطيط حول مالا طائل منه.. الجمارك عالية عالية عالية جدا اتقوا الله ..

[محمد]

#1281699 [شقورة]
5.00/5 (5 صوت)

06-09-2015 08:14 AM
ياناس ويا مغتربيين زعلانيين مالكم الحل فى يدكم ما تنزلو بى سيارة السودان لاقديمة ولاجديدة عشان اصلا ما استفيدو من الجمارك 200% فى المئة دى وتمشى فى جيوب الحرامية جيب قروشك وتعال شوف ليك حمار حر اركبو وباقى قريشاتك استفيد منها فى مشروع تانى

[شقورة]

#1281685 [soso]
5.00/5 (4 صوت)

06-09-2015 07:52 AM
وصلت سيارتي ميناء سواكن بالباخرة قادمة من جدة. سيارة جديدة لم تقطع 10 آلاف كيلو. ولكن تم إرجاعها مرة أخرى بحجة موديل السنة. سيارتي في ذلك الوقت فرقها من موديل السنة 6 أشهر لا غير. وبالرغم من أني عائد نهائياً للبلد بعد اغتراب 11 سنة تم إرجاع السيارة . وبقيت في بورتسودان عشرة أيام أجري من مكتب الضرائب لرئاسة الميناء للشرطة لمكتب العميد رئيس الجمارك لمكتب المغتربين............. الحمد لله الأخ السوداني الذي شحن السيارة من جدة تابع الموضوع ولم يتركه. وكذلك أنا حتى حصلت على موافقة من رئيس الجمارك بشحن السيارة مرة أخرى. وعندما وصلت السيارة، إدارة الجمارك طلبت منى دفع 30 مليون جنيه سوداني. ودفعت..... بالمناسبة كان ذلك في عام 2010

[soso]

ردود على soso
United States [ابواسراء] 06-09-2015 01:57 PM
يا سوسو

الـ30مليون جنيه كم فى المائة من قيمة السيارة؟؟
وقيمة السيارة كيف تحدد؟ هل بفاتورة شراء السيارة ام من تحدد من الجمارك؟ وعلى أي اساس؟
الرجاء التكرم بالاجابة من واقع تجربتك مع الجمارك.
ولك جزيل الشكر.


#1281655 [المتجهجه بسبب الانفصال]
5.00/5 (1 صوت)

06-09-2015 07:02 AM
الفائدة ترجع للمحتكرين لتجارة السيارات،،، نصيحة لا تشتري سيارة من الخارج وتجيبها السودان،، جيب قروشك وتعال اشتري السيارة من السودان ،،، تلقة نفسك وفرت سعر سيارة تانية كان حا تدفعها للحرامية الحاسدين ديل،،،

[المتجهجه بسبب الانفصال]

ردود على المتجهجه بسبب الانفصال
[ابوزقم] 08-31-2015 10:53 PM
والله الفكره دي خطرت ع بالنا لكن اسعار السيارات هناك مبالغ فيها
اكسنت ممشاها 70 الف كم ب 193 مليون
للعلم موديل 2014 (مستعمله)
في السعوديه اكسنت ممشاها 40 الف كم ب 28 الف ريال . ما يعادل 70 مليون مع العلم انه موديلها 2015 دفعه اولى ،
فما بالك لو كانت الاكسنت جديده و ممشاها اصفار.
عشان كذا السودان مخطط ع ان فكرت العربيه لازم تشيلها من راسك ،
وشكرا ،

[سليمان] 06-09-2015 09:18 AM
تحية
هل المغتربون العائدون نهائيا فى 2004 يحق لهم الاستيراد .ولم يستفيد من سيارة وماهى الجهات التى يتم الاتصال معها
ت 0912347756


#1281646 [ناجى الامين منوفلى]
3.50/5 (2 صوت)

06-09-2015 06:48 AM
لاسف قرار جائر وظالم لشريجة المغتربين والشىء الادهى بان جهاز العاملين بالخارج فى امكانه برفع مزكرة لمن صدروا هذا القرار اذا كان رئيس الدوله الاخ البشير او غيره لانه واضح تظلم جل المغتربين من هذا القرار المجافى لوضع المغتربين وهل الامور بتاخذ بالدراسة والمنطق ومصلحة المواطن ام عنتريات وجبايات مثقلة على المواطن وعليه كل يوم غضب اخوتنا المغتربين فى زيادة ولا العملية تصفية حسابات لان تصويت المغتربين جاء ضعيف لانكم لم تلتزموا وتهتموا بمصالح المغترب وكم ساهم ودعم الدولة وهل هذا هو الوفاء ورد الاعتبار للمغتربين الهاربين من قسوة الوضع المتردى فى وطننا الحبيب وعليه امل بان تكون هناك قرارات استثنائية وفورية لرد الاعتبار لنا واعطانئنا حقوقنا وليسي كمواطنيين درجة ثانية ولا حد بسمع صوتنا ولا الاخ سوار ما زال يماطل فى اتخاذ قرارات بمرجعية سابقة ومعروفة وبنك النيلين الامر تخدير؟ ولم يرى النور وهناك اصحاب الاموال ولا داعى لزكر الاسنماء ومن هم المستفيدين من مدخرات المغتربين بالسوق الموازى وربما الدوله؟؟ والله المستعان فى حق المواطن المغترب وهل نسمع وثبة فى حقوقنا ولا الامر خداع والخ والله المستعان واصبحنا لا نثق فى حكومة الانقاذ نحن معشر المغتربين وهذا حق مشروع والبيان بالعمل وهو اصدق الحكم على ارض الواقع؟ لا شىء يذكر توسعة مبانى والغرض منها الجباية فقط وممكن مجموعة شبابيك تفى بالغرض ؟ ما دام هذه رؤيتهم فى التحصيل ؟

[ناجى الامين منوفلى]

#1281637 [أبوالمها]
5.00/5 (2 صوت)

06-09-2015 06:16 AM
ما يخص المغتربين الشرط مجحف أن تكون عم ر السيارة خمسة سنوات المفروض أي موديل طال ما العودة نهائية

[أبوالمها]

#1281624 [ابو سيد]
5.00/5 (4 صوت)

06-09-2015 03:51 AM
عشان تتاكدو انهم جهله ديل عاملين قرار لسيارات التربتك المده المماثله يعنى السياره قعدت فى السودان مثلا 6 شهور لازم ماتدخل السودان تانى قبل 6 شهور خرق واضح لقانون التربتك الدولى والسودان موقع عليه..
انا اقترح المغتربين فى كل انحاء العالم مايدفعو الضرائب ويمتنعوا مايسافرو للسودان والله يرفعو ليكم الرايه البيضاء خلال شهر..

[ابو سيد]

ردود على ابو سيد
European Union [عثمان الشيخ] 06-10-2015 03:07 PM
الأخ ابو السيد تعليقك هو التعليق الوحيد من بين كل المعلقين حسب وجهه نظري هو التعليق الايجابي .ماذال من بين القراء من يستعطف الحكومه في اعطاءهم حقوقهم.انتم من غير ماتشعرون تعطوهم شرعيه اصلا هي مسلوبه منهم.انظروا للحقوق الجماعيه وليس الفرديه.انتم تعرفون جميعا الغايه من اصدار هذه القرارات .حمايه لمصالحهم وتجارتهم.اذا انتم ماقادرين تغيروا الوضع اصمتوا ولا تعطوهم شرعيه باستعطافكم.قاطعوا دفع الضرائب في السفرات من غير ان يتخاذل شخص .


#1281587 [رياض]
4.88/5 (6 صوت)

06-08-2015 11:24 PM
بحكم انك معايش كل الجاليات لمن تحكي ليهم عن القوانين التي يتقيد بيها المغترب السوداني الالتزامات البتدفعها وما تقدمه الحكومة مقابل ماتدفعه يستغربون يقولو انتو عايشين في ياتو كوكب وهل هذه الدولة ضمن خارطة العالم ربنا يورينا فيكم يوم يا الخليتونا مسخرة للبسوا والمابسوا

[رياض]

#1281534 [سودانى]
5.00/5 (3 صوت)

06-08-2015 08:56 PM
تمنيت ان بكون هنالك قرار بإيقاف استيراد السيارات نهائياً والعمل مثل الحكومة الصينية بإنشاء مصانع سيارات محلية بنفس شكل السيارات العالمية يعنى سيارات BYD وسيارات الشيرى وJAC تجد هيكلها نفس شكل الكروزر ونفس ألمارسيدس ونفس BMW وسعرها رخيص ورفاهيه وقليلة استخدام الوقود وسحبها جيد وشخصيا انا الان ممتلك سيارة شيرى 2015 هيكلها وتصميها مثل K5 والله سعرها ما يعدل 10 الف دولار بالتأمين والترخيص وزيادة على ذالك كل المصالح الحكومية والمسؤولين فى المقاطعة التى نعيش فيها ( زنجيان ) ملزمين باستخدام سيارات صينية الصنع فنجد ان الحكومة وفرت دولار الوارد للسيارات واسبيراتها وعملت هل تشغيل أيدى عاملة فى المصانع والان نسمع بان الحكومة الإماراتية وقعت عقد باستخدام عربات BYD للشرطة الإماراتية فهنا ياتى السؤال اين جياد وماذا حدث لها لابد من إيجاد قرار بإنشاء مصانع للسيارات واسبيراتها وهنا كانت لدى دراسة جدوى لعمل مصنع لخطرات وإنوار السيارات بالسودان والله وجدته الجمارك اكثر من سعر المكنة الحاقنة ومكنة الرسايكل

[سودانى]

ردود على سودانى
United States [3d] 06-09-2015 10:46 AM
BYD موجودة فى السودان وهى ماركة صينية مصنوعة فى جياد , الجودة بتاعتة ما بطالة ,السرعة تتجاوز ال200 كيلو ,السيارة واسعة بشكل مريح ,سعرها 200 مليون بالاقساط(غالى جدا بالنسبة لسيارة محلية الصنع) وشايف معظم الناس استخدموها تاكسى , الظاهر استثمار كويس .

[تأشيرة خروج] 06-09-2015 08:37 AM
هههههههه قلت لي شرطة الامارات حتستخدم BYD ؟ قوم لف

[بومحمد] 06-09-2015 07:26 AM
سيارت جياد مفترض تتطور لكن اكيد محتاجة جودة عشان تثبت وجودها في السوق لانو المنافسة قوية بين الشركات المصنعة


#1281532 [salieh]
5.00/5 (3 صوت)

06-08-2015 08:51 PM
للاس ف الشديد كل القرارات الصادرة بخصوص حظر السيارات هى زيادة لمعانات المواطن والمواطن الكادح الذى يسعى لا متلاك سيارة مستعملة لتساعده فى دخله اليومى وهى اساسية وليست كمالية اما المقتدرين والحرامية من كلاب النظام يستمتعون بالسيارات الفارهة الحكومية والخاصة بحجت وظائفه اللهم كل من شق على امتى اشقق عليه

[salieh]

#1281501 [MUHTAR]
5.00/5 (4 صوت)

06-08-2015 07:31 PM
بالوااااااااضح كده الجماعة دايرين قروش يا جماعة التنصيب ده خرب جيوبهم ولو عاوز تشيل عربية يا مغترب خت فى حساباتك انك تشترى اثنين واحدة ليك وواحدة للحكومة وتدفع برضو تانى لانو بتاعة الحكومة دى محتاجة لى حاجات مسؤول منها انت برضو .... العاقل يتعظ من غيرو والما مصدق يشيل عربية واحدة . الا بلغت اللهم فاشهد

[MUHTAR]

#1281455 [عابر سبيل]
5.00/5 (2 صوت)

06-08-2015 05:22 PM
رغم أن المغتربين شريحة كبيرة ومهمة وتساهم في ضريبة الوطن وحملت هموما أهلها سنينا عددا إلا أنه للأسف الشديد مازال هنالك تجاهل بالعنية من قبل الحكومة حتى لايفكروا في العودة

[عابر سبيل]

#1281442 [quickly]
5.00/5 (3 صوت)

06-08-2015 05:03 PM
كلام جرائد كالعادة تمشى بكرة عشان تخلص سيارتك يطلعوليك بي كلام تاني
بلاش سلفكة ولخمة معاكم نصابين

[quickly]

#1281430 [البعاتي]
0.00/5 (0 صوت)

06-08-2015 04:31 PM
اسي الناس ديل عملوا شنو

[البعاتي]

#1281420 [خالد]
4.69/5 (5 صوت)

06-08-2015 04:15 PM
هذا كلام قديم مافيهو شي جديد ومعروف سلفا ..فى ناس عندها عربات فى ميناء جدة ودبى دفارات وحافلات اشتروها المغتربين بعد فك الحظر قبل سنة والان بدفعوا ارضيات فى الموانى ماذا يكون الحل لهم ياحكومة القرارات الفاشلة علما بان البلد فى اشد الحاجة للمواصلات وهناك حوالى 300 حافلة واقفة فى ميناء جدة ممنوع نزولها.؟؟؟؟؟

[خالد]

ردود على خالد
[يوسف] 06-09-2015 03:19 PM
الاخ خالد السلام عليكم انا واحد من الناس عندى سيارة واقفة فى جدة من قرابة العام وعندها استثناء طالع من وزارة التجارة لو عندك معلومات تفيدنا بيها حول الموضوع نكون شاكرين وهل نحن ليش لنا اى معالجات لوضعنا لانه قبل فترة حسب علمى تم حصر السيارات الموجودة باستثناءات فى ميناء جدة عن طريق القنصلية فى جدة والى الان لا حس ولا خبر


#1281415 [modther farah]
4.88/5 (6 صوت)

06-08-2015 04:09 PM
المغتربون العائدون عودة نهائية غير معفين من الجمارك وانما فى فرق الموديل

[modther farah]

ردود على modther farah
United States [:::بيكو::] 06-09-2015 09:33 AM
بالضبط كده..وفرق الموديل ياهو حق الجمارك

United States [quickly] 06-08-2015 05:08 PM
اها شفتا النصب كيف ؟!!
والجمارك 200% ديل مفتكرين نفسهم بضحكوا علينا


#1281410 [عنتر]
3.75/5 (3 صوت)

06-08-2015 03:59 PM
هههههههههههههههههههه هو نفسو القرار القديم

[عنتر]

#1281407 [abu Ahmed003]
0.00/5 (0 صوت)

06-08-2015 03:55 PM
الصورة دى وين؟ وكيف؟
اليافطه دى راكبه وين؟

[abu Ahmed003]

ردود على abu Ahmed003
[دافور بلدنا] 06-08-2015 11:22 PM
شكلك مطول شديد من السودان اليافطة دى فى الخرطوم وكل شوارع الخرطوم فيها يافطات زى كدة .

European Union [ياسر] 06-08-2015 09:18 PM
شارع القصر و أنت متّجه شمالا من تقاطع شارع القصر مع شارع البلديّة ( صينيّة بريش سابقا ) و متّجه نحو تقاطع القصر بالجمهوريّة !

United States [المهند] 06-08-2015 07:04 PM
اللافتة راكبة في جامعة الخرطوم يا باشا ههههههههههههههه فيها تورية طبعا


#1281402 [ود الامير]
4.48/5 (9 صوت)

06-08-2015 03:47 PM
هذه الضوابط لا يسندها منطق غير حب الاذية والتضييق على خلق الله

[ود الامير]

#1281397 [كدوس]
5.00/5 (12 صوت)

06-08-2015 03:38 PM
خليناها العربات دي زاتو كرعينا ديل زاتو لو بتجمركوهن بنقطعن .

[كدوس]

ردود على كدوس
[ودالباشا] 06-10-2015 06:10 AM
كدوس انت راجل ذكى جدا

[المشتاقه للوطن الغالي] 06-08-2015 09:27 PM
في دي كلامك صح
خلاص المغتربين حيشتروا حصين أصيله
ويسفروها معاهم
أها حنشوف ناس الجمارك كمان حيجمركوا الحصين والحمير !!!!!!!!!!!!
حاجه غريبه.
وحيقولوا لينا الحصان ده إتولد متين طلعوا شهادة ميلادو
وموديلو سنة كم !!!!!!!!!!
والله ياالمسؤولين عن الجمارك
حيرتوا الشيطان ذاتو من عمايلكم دي
وحيرتوا جنية البحر حقت سواكن
وجنون سواكن ذاتا!!!!!!!!!!!
بس أذيه للمغتربين !!!!!!!!
جاكم البلاء..


#1281389 [اب طابوزه]
4.00/5 (3 صوت)

06-08-2015 03:28 PM
كلام ساااااااااااااااااااااكت

[اب طابوزه]

#1281380 [سوداني]
5.00/5 (1 صوت)

06-08-2015 03:20 PM
هل المغتربون العائدون نهائي معفون من الجمارك في هذا القرار ماواضح القرار

[سوداني]

ردود على سوداني
European Union [ابن الشذاذ الأفاق] 06-08-2015 05:46 PM
لا أبدا معفوون من حظر الموديل، بشرط أن يكون موديل قديم بواقع 5 سنوات فقط، يعني احنا هسي في سنة 2015 يمكن دخول 2010 م.

[جار الزمان] 06-08-2015 05:14 PM
يا سوداني ، غير معفي من الجمارك ، وإنما تم السماح للسيارات بعمر 5 سنوات ، ده الجديد في الموضوع. ورسوم الجمارك الجديدة ربما تفوق قيمة السيارة 3 أضعاف. يبقى على المغترب أن يسأل كم تكون الجمارك ؟ حتى لا يعجز بسداد الرسوم الباهظة فيكون فريسة سهلة لحكومة السفاح ويفقد سيارته داخل حظيرة الميناء ، وهذا هو مقصدهم.


#1281361 [مثقف]
5.00/5 (8 صوت)

06-08-2015 02:57 PM
يعني عدلتو شنو من عندكم في القرار القديم ؟!! فسر الماء بالماء
الله ياخدكم واحد واحد ببركة هذا الشهر الفضيل

[مثقف]

ردود على مثقف
European Union [مثقف] 06-09-2015 09:15 AM
الأخ قلبي علي وطني ..
الجمارك حسب موديل العربية ونوعها وحجم الماكينة .. إلخ
ممكن تدخل علي موقع الجمارك السودانية وتشوف تكلفة الجمارك .. طبعا ما خاتين علي الانواع لكن بتقدر تاخد فكرة تقريبية عنها

[قلبي على وطني] 06-08-2015 09:37 PM
طيب موديل 2010م
جماركها كم ؟ مليون ؟
افيدونا ؟
احسن نعرف قبل ما نسافر بحصان
ونبيعو في السودان
بجيب لينا حق عربيه موديل 2010م


#1281357 [ابو القاسم]
5.00/5 (11 صوت)

06-08-2015 02:53 PM
الحكومة مافضل ليها الا تقول للناس ماتجو السودان

[ابو القاسم]

ردود على ابو القاسم
European Union [RABSO] 06-09-2015 02:42 PM
خليك من الحكومة ......... أهلك يقولوا ليك تعال لينا بروحك وما محتاجين لأي شي غيرك أنت ..... ترجع وأنت مبسوط من كلامهم الجميل وتستقر في بلدك بدل الغربة الما جايبه حقها .....
علي بالطلاق أهلك يدوك شهرين ثلاثه وأنت مبسوط معاهم وتلقط حق اليوم باليوم وتداقش بدل من القعاد ساي وتعال شوف ما تكمل معاهم سته شهور ...
يقلبوا عليك ووتمني أن تكون مع داعـــــــش أحسن ما تكون وسط أهلك .....

[المشتاقه للوطن الغالي] 06-09-2015 12:53 AM
كفايه على المغتربين بهناك في السودان
ناس البوبار رسلوا لينا ريالات
والواحد منهم يملك بيت وسياره
والمغترب لايملك غير ملابسو
المغترب بقى محاصر من ناس الجمارك وأهلو في السودان والبوبار
عظم الله أجرك يامغترب
في وفاة راتبك الشهري
وحصاد عمر غربة وطن غالي
وأهل بهناك مابيقدروا تعب المغترب الفاني
أحسن الله عزائك يامغترب في حصاد غربتك

[قلبي على وطني] 06-08-2015 09:33 PM
والله ما فضل ليهم إلا يقولوا للمغترب تعال كداري احسن
لوطنك وماتخاف ما بنجمرك ليك كرعينك!!!!!!!!
وممكن تجي بلدك بحمار ولا حصان احسن ليك
وأنتا جاي من دول الخليج!!!!!!!!!
!!!!!!!!!!!
عجبا ياناس الجمارك ........
خلاص الحصان لو باعوه في السودان يمكن يجيب ليهو ثمن عربيه
خلاص حنرجع للعصور الوسطى
عنتر ممطي على ظهر جوادو وعبله ممطيه على ظهر جوادها
وأصبح المغتربون يمتطون ظهور الحصين
من اجل قوانين الجمارك العقيمة.

[القلم الحر] 06-08-2015 08:36 PM
مش فضل ليها تقول ماتجو السودان بل قالت للموجودين داخل السودان اخرجوا منه .مادام ساووا المغترب الغلبان البدفع ضرائب بالدبلماسى .هم قايلين المغترب ده شنو اصلوا مليان فلوس ولاشنو .

United States [المهند] 06-08-2015 07:07 PM
هو المنو القال ليك البلد فيها حكومة بلد يحكمها قانون الغاب وشوية جهلاء والدليل اهو بلد تتجازبه الصراعات والنعرات القبلية وفيه الجهل والجوع والفقر والمرض إلا الكيزان ومن وآلاهم .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة