الأخبار
أخبار إقليمية
لجنة برلمانية برئاسة بدرية سليمان لتعديل لائحة برلمان حزب البشير
لجنة برلمانية برئاسة بدرية سليمان لتعديل لائحة برلمان حزب البشير
لجنة برلمانية برئاسة بدرية سليمان لتعديل لائحة برلمان حزب البشير


06-08-2015 07:59 PM
الخرطوم (سونا)- شكل المجلس الوطني في جلسته اليوم برئاسة البروف ابراهيم احمد عمر رئيس المجلس الوطني لجنه من خمسين عضواً برئاسة الاستاذة بدرية سليمان ومستشار المجلس القانوني مقررا لتعديل لائحة المجلس فيما كونت لجنة اخرى برئاسة الدكتور عمر ادم رحمة وعضوية سبعة وثلاثين عضوا لدراسة الأوامر والمراسيم التي صدرت من رئاسة الجمهورية .
وقد وافق النواب في الجلسة على الاستمرار بالعمل بالائحة الحالية لحين تعديلها لاحقا وقد اعطي رئيس المجلس مهله يومين للجان المشكلة لاكتمال الدراسة ورفع التقارير النهائية في جلسة المجلس يوم الاثنين القادم.
من جانبه قدم الامير أحمد سعد عمر وزير مجلس الوزراء مراسيم جمهورية حول قانون الصندوق القومي للإمدادات الطبية لسنة 2015م واتفاق قرض بين السودان والبنك الاسلامي بجده لتطوير الري الفيضي لدلتا طوكر الى جانب اتفاقية تمويل مشروع نهري عطبرة والستيت من صندوق ابوظبي.
وعرض رئيس المجلس القرار رقم 254 المتعلق بترشيح خمسة اعضاء من المجلس لعضوية مجلس الصحافة والمطبوعات أرجأ للتشاور حوله في جلسة لاحقة.


تعليقات 9 | إهداء 0 | زيارات 2915

التعليقات
#1282501 [جنوبي]
0.00/5 (0 صوت)

06-10-2015 10:52 AM
فصلي ليهم ( جبون ) يا بدرية شان ما يضايقم !!

[جنوبي]

#1282394 [بنت الناظر]
0.00/5 (0 صوت)

06-10-2015 09:06 AM
من البشير لى بدرية الترزية

بعــــــــــرف تومتى ياتـــــــــا
بحـــــــــــــلف بغـــــــــــــلاتـا
اهــــــاجر ليــــها حــــــــــافى
وأزور بيـــــــــــــت الخــــياطــه

زى ما فصلت لى الدستور وظبطته كمان تفصل لى لوائح المجلس على مقاسى..

[بنت الناظر]

#1282307 [الشفت]
0.00/5 (0 صوت)

06-10-2015 07:45 AM
المرة دي عايزة ليها ظعط ليل نهار عشان فهمها يكمل هههههههه مرة غير الحكحكة والكبرتة وشيل الجسم بالحلاوة ما عندها هههههههه

[الشفت]

#1282085 [همت]
0.00/5 (0 صوت)

06-09-2015 05:11 PM
بدرية هي الترزي الخاص للبشير تفصل له القوانين حسب مزاجووووووووووووووو.. لو عاوز يهلك الناس كلها برضو بدرية حتقدر تفصل ليهو مادة في الدستور يقتل بيها الناس... ما هو البشير حالياً بكتل في الناس وما شغال بالدستور حتى!! وإنشاء الله يوم بدرية تفصل ليهو قانون زي توب فرعون وتخلي البشير يطلع الشارع عريان لغاية ما الشفع يأشروا ليهو ويضحكوا فيهو

[همت]

#1281999 [freedomfighter]
0.00/5 (0 صوت)

06-09-2015 03:21 PM
ياخى دستورا دا فصلتو بكينى عديل كدة

[freedomfighter]

#1281796 [محمد علي]
0.00/5 (0 صوت)

06-09-2015 10:18 AM
دستور كباية..
يا معلم بدرية.
بس الكمر 100سم.

[محمد علي]

#1281621 [الهادي بورتسودان]
4.00/5 (1 صوت)

06-09-2015 03:07 AM
غريبة غن خبر مثل هذا لا يجد الإهتمام من المعقلين
بدرية ربية العسكر والدكتاتوريات .. نفصل الدستاتير والقوانين حسب الطلب منذ قوانين قوانين سبتمبر
إنتم موعودون بدستور جديد .وهي حاضرة بلطب الطاغية من هنها في مقبل الايام . طالما كانت هذه رغبة بسن دستور جديد كما يسمية (دائم )، رغم عدم منح الشعب السوداني تفويض له نهائيناً ومقاطعة إنتخاباته

[الهادي بورتسودان]

#1281596 [شمندورة]
4.00/5 (1 صوت)

06-09-2015 12:01 AM
تاااني بدرية الترزية !!! الله يرحم نميري بترويضه لها علي تفصيل القوانين .

[شمندورة]

#1281567 [عبدالواحد المستغرب اشد الإستغراب!!]
4.75/5 (3 صوت)

06-08-2015 09:59 PM
والله حاجه فيها بدرية سليمان أبدا وقطعا وحتما شىء غير مطمئن وانا شخصيا حاولت اعرف (سر الوليه دى مع العسكر) ما قدرة اصل لنتيجه غير انى بعد مرات بربط وجودها مع نظام نميرى ثم مع عمر البشبر علاقتا مع النيل ابو قرون الكان بيحضر الجن لنظام مايو لغاية ما(طرطش الراجل) وما فاق منها إلا بعد ما لقى نفسو بره السلطه وقعد يهضرب (انا الرئيس الشرعى للبلاد!!) الوليه سرها باتع قطع شك والناس دى ما كانت حتتكبكب عليها كده ساكت من فراغ أكيد البلد ما عدم ناس قرو دستور وبالقطع وهم افهم منها بمراحل ولاحظو بدريه دى إتخرجت من جامعة القاهره الفرع فى اواسط سبعينات القرن الماضى يعنى معلوماتها فى علم الدساتير إتغيرة وإستجد فيها كل جديد !! والعجب العجاب أن بدريتنا ما قرت علوم شرعيه والمعلومات العندها إتخرج بيها الاف الطلبه وهى بالذات ما كانت بتتميز بآى شىء غير جمال يبذ جمال هيفاء وهبى ونميرى كان بطبعو راجل حبوب ويحب السمحات وعمل معاها ذى مع ما عمل مع فاطمه عبد المحمود والاخيره كانت جميله ورشيقه وبينما عين الاخيره وزيره للشئون الإجتماعيه وبعدها وزيرة صحه على ما أذكر كان نصيب بدريه شقه مفروشه داخل القصر الجمهورى ما غادرتها إلا ايام الانتفاضه وحكم الاحزاب ويقال ان نميرى كان بيقضى يومو وهو فى قمة الاكتئاب إذا ما صبح على بدريه!! المهم ابحثوا معى عن سر (بدريه سليمان) ينوبكم ثواب !!.

[عبدالواحد المستغرب اشد الإستغراب!!]

ردود على عبدالواحد المستغرب اشد الإستغراب!!
[جنرال زمان] 06-10-2015 02:14 PM
(ولاحظو بدريه دى إتخرجت من جامعة القاهره الفرع فى اواسط سبعينات القرن الماضى)...... والله يا المستغرب بدرية المحامية لو شافت تعليقك دا إلا تناديك وتقول ليك شبيك لبيك خادمك بدرية بين يديك !!!!! ما صغرتها شديد الأمورة دي،، لمعلوماتك هي تخرجت من الفريع في الستينيات مش منتصف السبعينيات يعني عمرها هسع سبعين سنة تقريباً والشغلة كلها من الكبريت والدخاخين واللخوخة وحاجات زي دي، بعدين الولية دي تزوجوها أربعة مرات، أها السبب في دي شنو بصراحة كدي ما عارف و .... بس

United States [مجرب] 06-09-2015 12:23 PM
يا عبدالواحد الكبرتة والبهرجة والدخاخين وكسير التلج تمثل أقوى سلاح للمرأة لتقعيد أي رجل بجانب أن كيدهن عظيم.

[صادميم] 06-09-2015 06:54 AM
بدرية ترزية ماهرة تستطيع تفصيل اي دستور علي مقاس اي دكتاتور



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة