الأخبار
أخبار إقليمية
الحسن الميرغني.. مساعد أول..!!
الحسن الميرغني.. مساعد أول..!!
الحسن الميرغني.. مساعد أول..!!


06-09-2015 03:10 AM
عثمان ميرغني

مولانا (المهندس) محمد الحسن الميرغني، نصيبه في التشكيلة الجديدة (مساعد أول رئيس الجمهورية).. وهو مسمى قريب الشبه بـ(كبير مساعدي الرئيس) الذي أتيح لأركو مناوي أن يجلس عليه بعد اتفاقية أبوجا.. ثم وجد نفسه لا مساعد ولا كبير ولا يحزنون فنفض يديه وخرج..

وخطورة هذا المنصب الذي ناله الحسن الميرغني أنه بلا (وصف وظيفي).. ليس في ما يتعلق بـ(أول) التي وضعت بعد كلمة (مساعد) فحسب.. بل حتى في المتن نفسه.. كلمة (مساعد)..
فالقرار الجمهوري لم يحدد تخصصاً معيناً أو ملفات بعينها لكل من مساعدي الرئيس الأربعة (الدقير، المهدي، موسى، إبراهيم) وخامسهم (المساعد الأول) الحسن الميرغني نفسه.
وفي مثل هذا الوضع يكون (المساعد) مخيراً بين اثنين.. الأول سيناريو المساعد السابق مولانا جعفر الصادق.. وهو السيناريو (صفر) أي تجاهل المنصب تماماً.. والخلود إلى إجازة اختيارية طويلة..

والثاني.. سيناريو العميد عبدالرحمن الصادق المهدي.. الذي وجد نفسه بين مطرقة حزب الوالد المعارض.. والانتماء للمؤسسة العسكرية بانضباطها الصارم.. ففضل منطقة آمنة وسطى تتراوح بين تشريف حفلات التدشين والتكريم والبطولات الرياضية.
من الصعب أن يختار السيد الحسن سيناريو أخيه جعفر بعد كل المعركة الضارية التي خاضها لفرض المشاركة في الانتخابات وأطاح فيها برؤوس كبيرة وعزيزة المنال.. فليس أمامه إذاً؛ إلا البحث عن سيناريو ثالث.. يتناسب مع منصب (مساعد أول) لرئيس الجمهورية.

أن يبحث السيد الحسن لنفسه عن ملفات يصلح لتكون هي (الوصف الوظيفي) لمنصبه.. وينجح الحسن بقدر نجاحه في اختيار الملف المناسب في الوقت المناسب.
في هذا التوقيت لا أنسب من ملف (الحوار الوطني).. فالحسن آت من منصة ليس عليها كثير عتاب أو غبن.. ومسنود بجماهير واسعة.. ويحظى بموقع مقبول لدى كافة القوى السياسية الأخرى..

أكبر مشكلة ستعترض السيد الحسن في هذا الملف ليس خوف المؤتمر الوطني من أن (يفشل).. بل خوف المؤتمر الوطني أن (ينجح) في هذا الملف.. فحسابات المؤتمر الوطني في (الحوارالوطني) قائمة على (مط) الحوار بأطول ما تيسر وتعليقه في حبال بلا نهاية.. ومشكلة للمؤتمر الوطني أن ينضم للفريق من هو قادر على إدارة الحوار الوطني بصورة توصله إلى غاياته السعيدة.
من الحكمة.. ومن أول يوم بعد أداء القسم.. أن يلح السيد الحسن الميرغني في طلب تسلم ملف الحوار الوطني.. فهنا فقط يستطيع أن يحقق خطة الـ(181) يوماً التي بشر بها قبل الانتخابات.

وإذا تولى الحسن الميرغني ملف الحوار الوطني فلن ينقصه العزم الذي ينجح به في اختراق هائل.. يجعل الأمة السودانية تتنفس الصعداء وهي ترى في الأفق وهج شمعة..
الأمر بيد السيد الحسن.. أن يكون فعلاً (مساعد أول) لرئيس الجمهورية..

التيار


تعليقات 35 | إهداء 0 | زيارات 11638

التعليقات
#1282703 [عمر]
0.00/5 (0 صوت)

06-10-2015 03:29 PM
يا مسمي نفسك مجنون مجنووووووون اتقي الله فاذا قال المسلم للمسلم يا كافر فقد باء بها احدهما سب المسلمين الموحدين ورميهم بالشرك فهذا لامر خطير لا يفعله الا امثالك الوهابية الداعشين وارجوا منك ان تبحث في جوجل عن صور اضرحة الصحابة واهل البقيع والحجون في مكة من اهل البيت وامهات المؤمنين والصالحين والامام مالك امام دار الهجرة قبل سبعين سنه تجدها فلا تكذب ايها الداعشي المجنوووون المعلومة اصبحت متاحة الان تقول لم تكن في اضرحة في السعودية يا كاذب وهذه شيمكم والحقد والغل والتكفير ولكن ان وصل الامر الي التعدي لجسد وضريح الحبيب صلى الله عليه وسلم من قبل شيوخكم وهابية نجد قرن الشيطان هيهات ثم هيهات لكم ستتصدى لكم كل الامة الاسلامية وقبلهم الله الواحد الاحد مش بتاعكم العندو يدين وعيون واصابعين وسيقان يامشبه يا اصحاب عقيدة المقبور محمد عبد الوهاب الذي جسم الخالق سبحانه وتعالى (ليس كمثله شيئ وهو السميع البصير)صدق الله العظيم وجلستوا الله في كرسي وحددتوا له مكان مرة طالع ومرة نازل استغفررررر الله العظيم قال حجة الاسلام ابي حامد الغزالي رضي الله عنه وارضاه
قل لمن يفهم عني ما أقول . فصل القول فذا شرحُ يَطول ..
انت لا تعرفُ اياكَ ولا تدري من انتَ ولا كيفَ الوصول ؟ ..
كيفَ تدري من علىَ العرشِ استوى ..
لا تقل كيف استوى .. كيفَ النزول ..
كيفَ تجلَ الله ام كيفَ يُري ؟ فلَعَمّري ليسَ ذا إلّا فَضول
هو لا اينَ ولا كيفَ لهُ وهوَ في كلِ النواحي لا يزول ..
جلّ ذاتّةًّ وصفاتٍ وسما وتعالى قدرةُ عما نقول ..

[عمر]

#1282285 [شقي و مجنون]
0.00/5 (0 صوت)

06-10-2015 06:31 AM
عيب يا اخوان

[شقي و مجنون]

#1282251 [كوز طلس]
0.00/5 (0 صوت)

06-10-2015 02:07 AM
بالله عليكم ده اقتراح يقدمو صحفي ياخي الرئيس بنفسو قاد الحوار وفشل تقولي ود سيدي؟ الزول دا كان فيهو خير يسلمو ملف الوهابية وانصار السنة يا قامو به او قام بيهم .

[كوز طلس]

#1282233 [Mat too]
5.00/5 (1 صوت)

06-10-2015 12:30 AM
بلاش الحسن المرغني يعني رجعنا خمسين سنه ،السيد الحسن والسيد زعيط ومعيط ونطاط الحيط ،،،،ياجماعه اختشوا وخلوا لعب الورق ،سيد منو الهمبول ده .يعني عشان
تحكموا تجمعوا النفايات دي مره سيدي سنونه ومره ولد الصادق عبدو ،خافوا الله وتذكروا الله يا يا يا يا ضلاليه. ياوسسسسخخ!!!!!!

[Mat too]

ردود على Mat too
[ابو محمد] 06-10-2015 07:15 PM
لا اعتقد انك تحسن الوضوء !!!!


#1282206 [محمد الفاتح]
0.00/5 (0 صوت)

06-09-2015 11:01 PM
الرجاء الكتابة والبخط العريض ( باقي 181 ) ( باقي 180 يوم ) ( باقي 179 يوم ) وهكذا 000000

[محمد الفاتح]

#1282162 [mmmmmmmmm]
0.00/5 (0 صوت)

06-09-2015 09:14 PM
هو اسي عليكم الله الزول دى عينو مساعد اول عشان يعمل شنو ولى شنو هو السودان نوع ديل ناس سيدى وسيدك هى دى اساس المشكلة والعنصرية عليكم الله ياال الميرغنى شوف ليكم حاجة غير الكلام الفارغ الضيعتو بيهو اغلب الشعب السودانى فى معتقداتكم الشركية دى زول يتابع ليه شيخ ويتوسل بيهو اتقو الله معتقداتكم دى قلط اتقوا الله ميرغنى شنو وكلام فارغ شنو مادايرنكم مادايرنكم مادايرنكم انتو فارغيين وابوكم فارغ وفاضى هو ماكان قاعد فى مصر الجابو شنو.

[mmmmmmmmm]

#1282104 [جانقي]
0.00/5 (0 صوت)

06-09-2015 05:36 PM
أفتح العداد علي 181 ... و المحصلة سلفآ ( صفر كبييير )

[جانقي]

#1282005 [Khalid Abdalla Ragab]
0.00/5 (0 صوت)

06-09-2015 03:32 PM
The count down of the 181 days from his era started and we will wait and see what is going to happen?

[Khalid Abdalla Ragab]

#1281996 [aldafari]
0.00/5 (0 صوت)

06-09-2015 03:19 PM
والله إن لم يتخلى حكام السودان الحاضرين والقادمين عن تعيين الترضيات وعمي وعمك واخوي واخوك والقربين فان السودان لن يتطور لو بقى العمر كله .

كان عاوزين تطوير السودان ويمشي لقدام على اي حكومة يجب عدم تعيين اي غير مؤهل مهماكانت صلته بالحكام ويجب تعيين الشخص الكفي الذي يمكن ان يقدم البلد لقدام وعمرنا سنكون في ذيل قائمة الدول العالمية في كل شيء .

وان ياتي نظام يحاسب كل من يخطيء في عمله او يختلس مهماكان ومن كان المهم الشخص المعين يجب ان يكون على كفاءة عالية من التعلم .

وعمر البلد لن يتطور إن لم نعمل ذلك وسنكون كاحالنا الآن في الحضيض وكل شيء مخرب ولا احد يحاسب من يخطأ وإن لم يكن هناك حساب في فلن ينصلح حالنا ولو بعد مائة سنة .وسيظل السودان يترنح كالثور المريض للابد بين الشعوب .

[aldafari]

#1281991 [خلانى بارى]
0.00/5 (0 صوت)

06-09-2015 03:15 PM
عمره مساعد الياي مايقارب ياى

[خلانى بارى]

#1281979 [ممغوص]
0.00/5 (0 صوت)

06-09-2015 02:47 PM
احزاب الديناصورات مافي واحد منهم قلبوا على البلد كلهم عايزين المناصب
والمأكلة .
تعيين اولاد المرغني او الصادق في الحكومة دي كلها رشاوي عشان يسكتوا

[ممغوص]

#1281949 [الحق ابلج]
1.00/5 (1 صوت)

06-09-2015 01:45 PM
اﻷخ المتجهجه ﻻيزال الحزب اﻷتحادى هو حزب الحركه الوطنيه . وﻻتزال قواه نائمه ﻷسباب نعرفها كلنا . اقتراح اﻷستاذ عثمان ميرغنى فله جذوره التاريخيه فهو يعلم ان سيادة موﻻنا الميرغنى والراحل قرنق هم اول من ادارا حوارا جادا استمر لشهور وتمخض عنه اول اتفاق جاد بﻻ انفصال وﻻ احتراب .
كلنا يعلم من الذى وقف ضد اﻷتفاق حتى ﻻ يكون مكسبا للاتحاديين كما كان اﻷستقﻻل .
ولم تمض اكثر من شهور حتى وقع هذا اﻷنقﻻب المشؤوم قطعا ﻷى مصالحه سببها اﻷتحاديون دون غيرهم ومات مﻻيين فى الشمال والجنوب وتيتم وترمل المﻻيين بسبب نزعات الساسه وانانياتهم .
اما الوهابيه الدواعش فأمرهم الى زوال قريب .
اما المتشككون فى شرف الساده المراغنه بغض النظر عن السياسه فنقول لهم اقرؤا التاريخ ان كنتم للشرف تجهلون .

[الحق ابلج]

#1281913 [ابو جاكومه]
4.50/5 (4 صوت)

06-09-2015 12:41 PM
هو الولد دا فاز في باتو دائره .معليش يا شعبي اللتسرق لان الانتخابات طلعت فشنك وما فيش حد فاز كل الشغله وما فيها ترضيات وضحك .الله ينتقم منكم يا الكيزان المنافقين.

[ابو جاكومه]

#1281885 [AbuAhmed]
4.75/5 (4 صوت)

06-09-2015 12:12 PM
الولد الأمريكى المغرور ده غلبو يدير جزء من حزب حوالي 30 شخصا معظمهم حيران من السهل قيادتهم كمان عايزنوا يفشل الحوار الفاشل
أحسن يمشى يدور سواقى جدو بتنفعوا ومصاريف للأولاد بكاليفورنيا لان الورثة ما ظنيتها تتوزع قريب

[AbuAhmed]

#1281876 [رقم صفر]
5.00/5 (7 صوت)

06-09-2015 12:01 PM
لا حول ولا قوة الا بالله
بالله شوف حال السودانيين وصل وين!!!




سوداني شايل نعال بنقالي
في ايدو الشمالي
من الفرح سنو يلالي

[رقم صفر]

ردود على رقم صفر
[رقم صفر] 06-09-2015 02:32 PM
البنقالي خدع السوداني
قالو جدي الرسول شيل لي نعالي
السوداني صدق وشال نعلات البنقالي


#1281873 [الناهة]
4.75/5 (4 صوت)

06-09-2015 11:57 AM
اليست مساعد اول هو نفس كبير المساعدين
مني اركو مناوي كان كبير المساعدين
والان ابن مولانا الميرغني الحسن مساعد اول وبقية المساعدين ثاني وثالث ورابع وخامس
منذ ابتداع حكاية المساعدين هذه لم نسمع بانجاز لاي منهم اللهم الا مشاركات خجولة من بعضهم برعاية الماراثونات والمصارعة وتصريحات من بعضهم لا تضر ولا تنفع
هل كل ما يطمح اليه هؤلاء الراتب والحوافز والمخصصات والموكب الذي يصحبهم جيئة وذهابا ام ماذا ؟
نريد ان نعرف مهمة هؤلاء النفر الكرام

[الناهة]

#1281853 [منصور]
5.00/5 (1 صوت)

06-09-2015 11:35 AM
كلو كوم وادعاء الشرف كوم تانى يا عجبي لهؤﻻء الناس الواحد ما يستحى في ان ينسلخ من اصلو ويدعى اصول اخرى اسالكم بالله الناس ديل اشكالهم اشكال اشراف ام اشكال حبش ايهم اقرب لهم والادهى وامر الناس اللى ماسكة نعالاتها في يدها دا نوع من التقديس لهم وﻻ شنو غايتو الخزعبلات دي هناك في السودان انحن في مكة ساكنين مع الاشراف الاصليين وهم اناس عاديين ولم ارى شخص معهم شايل نعال في يده لكن والله يا جماعة دي علامة من علامات القيامة ان يظهر عبد حبشى في صورة شريف من اشراف مكة ،،،،


اذكر قصة حصلت في بخصوص اللذين يحملون نعالهم في ايديهم لتقديس شيخ او عالم او غيره وحصل هذا داخل الحرم المكى الشريف رايت رجلا حاملا نعليه تحت ابطيه ويتمتم بكلمات وبحركات غريبة مريبة وهو بتلك الحالة ﻻحظه احد رجال الهيئة ثم دنى منه في هدوء وسئله لماذا تعمل هذه الحركات والتمتمات فاجابه الرجل انني اقدس الشيخ الفلان الفلانى انتفض رجل الهيئة في وجهه غاضبا ثم صاح باعلى صوته حتى سمعه من بداخل الحرم فاذا فريق من الهيئة ومعهم بعض العساكر فتم القبض على الشيخ اولا ثم على الرجل المسكين الجاهل الذي تم استغلاله لهذا الغرض الدنيئ حكم على ذلك الشبخ بالاعدام ثم خفف الحكم من الاعدام الى الترحيل والابعاد من البلد اتمنى ان ﻻ يفضحنا هذا الحبشي المدعى الشرف وياتى الى السعودية بتلك العقلية الجاهلية لان مصيره السجنهو وزمرته واعوانه ،،،،،

[منصور]

ردود على منصور
[150150] 06-10-2015 10:22 AM
يا ( عبدالواحد المستغرب ) انت لسه من زمن الناس تجئ وتحط فلوس في الاحذية خارج الحرم - ده كان زمان ... الآن تحط حذاءك خارج باب الحرم تجئ ماتلقاهو يكون كشاهو واحد من بتاعين عمال النظافة في الحرم .. تاني الا تمشي تشتري من البرماوية ولا الافارقة خارج الحرم ... زمن .. زمن

[ممغوص] 06-09-2015 02:43 PM
البلد دي مافيها سيد
الحر سيد نفسه

European Union [عبدالواحد المستغرب اشد الإستغراب!!] 06-09-2015 01:22 PM
يامنصور (قم أقف وانت بتكلم اسيادك!!)ده اولا ...وثانياوده الاهم قضيتك فاشله المتعلقه بالجذم لانو فى مكه المكرمه فافى (حرامية جذم) بل الجذم او الشياشب تترك وعند عودتك لإنتعالها ربما تجد بداخلها عدة ريالات وهذا تقليد يقوم به بعض المؤسرين الذين لديهم اعمال بجوار الحرم المكى وحتى القادمين من اماكن بعيده أثناء دخولهم لاداء الفرائض ويحتسبونها صدقات وكمية الريالات تحددها بؤس الحذاء الذى ينبىء بحال سيده!!ونحن عندنا بسم الله..ما شاء الله النظاره بيقلعوها من وشك دعك من حذاء او موبايل او جزلان او جيب ينبىء بما فى داخله والظاهره دى والله لم نشهدها إلا فى هذا العهد البئيس الاجرب .. والسيدين فى هذا المشهد يقولون لك (حرص ولا تخون) وتخيل معى يا صديقى منظرالسيدان وهما متجهان لسيارتهما وهما حفاة؟!!.


#1281841 [aldafari]
5.00/5 (1 صوت)

06-09-2015 11:22 AM
وظيفة ترضية فقط مؤهلاته شنو الزول دا اسم الميرغنية فقط هو الذي وظفه وحتى ياكل من الكعكة الهاملة هو ووالده دا هو كل الموضوع وامثاله كثر في اي حكومة تاتي لحكم السودان مما ادى لتدمير البلد بصورة مجحفة وجعل السودان في ذيل القائمة الدولية في التطور والنماء وهو لا يتسطيع حل او ربط اي شيء سوى سرواله ، فهو لا عالم ولا نال افضل الدرجات العليا في حياته العلمية.

ومعظم الذين نالوا مناصبا في الحكومة الجديدة فقراء وزابلة وجهوههم وتبدوا على وجوههم الضعف والهذال وغدا سيغتنون ويصبحون من ذوي الاملاك والاستثمارات داخل السودان وخارجه .

وكله من جيب المواطن المسكين والضرائب على المواطن المسكين .؟

[aldafari]

#1281766 [خالد]
5.00/5 (1 صوت)

06-09-2015 09:39 AM
مساعد رئيس الجمهورية ؟؟؟

اذكر ان مناوي عندما سئل عن هذا المنصب قال ان مساعد الحله عنده وظيفة عندما يقارن بمساعد الرئيس

كل المسأل المرغنية قبلوا ان يكونوا مساعدي حلل

[خالد]

#1281762 [aboahmed]
5.00/5 (1 صوت)

06-09-2015 09:33 AM
لماذا لم يحضر القسم هل كب الزوغة ولا يريد ان يكون منفردا فى اداء القسم فى الصحف انه غاب عن اداء القسم

[aboahmed]

#1281754 [تربالي]
4.00/5 (3 صوت)

06-09-2015 09:24 AM
يا جماعة زول ما قادر يشيل (نعلاته ) كيف يشيل ليه بلد وحكومة وملفات هامة زي دي!!

[تربالي]

ردود على تربالي
[مفيش فايدة] 06-09-2015 10:22 AM
المشكلة مش في انة غير قادر لحمل نعالة المشكلة فيمن يحمل النعلات وهو فرح بذلك ودا بيدلل علي ان اننا امة لاتستحق الا ان تعيش عيش الضان

[Abo Ahmed] 06-09-2015 09:40 AM
يشيل ليه بلد وحكومة ؟؟
هو في زول قال يبقى رئيس!!

موضوع لمقترح محدد ليس إلا


#1281738 [الهر]
5.00/5 (2 صوت)

06-09-2015 09:07 AM
هي في الاصل المسالة ليست في المناصب ولكن عندما رأي ابوهاشم انه قد شاخ وان هادم اللذات قد دنا فحاول ان يضع ابناءه قريب من مراكز اتخاذ القرار ليتذوقوا طعم السلطة حتى ولو لم يؤدوا اي دور في الدولة حتى لا يفقدوا بريقهم وتنتهي المرغنية الى الابد، فمن ذاق طعم السلطة لا يرضى الا ان يكون في اعلى مراتبها ولا يريد ان يكون خارجها وسوف يسوق نفسه لمنازلة المنايا من اجلها.. لذا كل الموضوع هو ادوار فقد، اسقى ابنه الاول موية السكر ثم عاد وقدمها للثاني والمرة الجاية الدور سيكون للثالث . الم تروا انه عندما كان ابناءه صغار وكان يحيط نفسة ببعض المريدين ويجعلهم ساعدة الايمن بعدما كبر ابناءه قام يكنس كل السواعد وتصعيد ابناءه الى واجهة الكيان مثال ابراهيم المرغنيى و جعفر والحسن وفي نفس الوقت طرد حتى ابوسبيب الذي يعتبر الاب الروحي للتنظيم بعد المرغنى. تلك هي نظرية الابعاد للبقاء في الواجهة واستلام زمام الامور حتى لا يفلت الرسن وتقع الطائفة في يد واحد ليس من بيت المرغنى..

[الهر]

#1281730 [جركان فاضى]
4.75/5 (3 صوت)

06-09-2015 08:51 AM
وهل يحتاج نجاح الحوار الوطنى الى تعيين شخص فى منصب دستورى؟....فاذا كان لابد فان فاروق ابوعيسى هو الانسب وليس الحسن الميرغنى

[جركان فاضى]

#1281725 [خليفة موديل 2015]
3.00/5 (2 صوت)

06-09-2015 08:45 AM
بلا شك ان السيد الحسن الميرغنى هو خير من يدير ملفات الوفاق الوطنى والتى اطلقها مولانا السيد محمد عثمان الميرغنى عند عودته للبلاد والتى كانت دائما وابدا تصطدم بمماحكات ومكايدات الاحزاب الاخرى وعراقيل المؤتمر الوطنى ..وبلا شك ايضا ان ابو الجلابية او السم القدر غدائهم يعلم جيدا ما ينتظره فى القصر الجمهورى وهو ليس بعيدا عن شقيقه السيد جعفر الصادق الميرغنى الذى اثر الابتعاد عن جو القصر الملئى بالمكائد والدسائس وخصوصا بعد مقابلته للسفير البريطانى بالخرطوم ومناقشته لملفات ازعجت القصر..المؤتمر الوطنى يرى انه ادخل الحزب الاتحادى الاصل داخل جيبه ..و نحن نرى ان ابو جلابية سيدخلهم فى جيب الساعة ....

[خليفة موديل 2015]

#1281722 [محلل تعليقات]
4.75/5 (3 صوت)

06-09-2015 08:43 AM
الكلام دا معناه مولانا الحسن جزمته تستحق تقيف وراه وفي مقدمة من في معيته.

[محلل تعليقات]

#1281704 [مدحت عروة]
5.00/5 (2 صوت)

06-09-2015 08:22 AM
كلها ترضيات ورشاوى سياسية لا اكثر ولا اقل ماذا فعل الذين من قبلهم ؟؟؟
الدركسون عند ناس الانقاذ وعند افراد والباقين مساعدين يجمعوا القروش من الركاب فقط لا غير!!!!
كسرة:ح تكون تصريحاتهم وعملهم كالآتى مساعد الرئيس يقول ان للمرأة دور مهم فى الجتمع وهكذا وهلم جرا!!!!!!!

[مدحت عروة]

#1281693 [Ageeb]
4.88/5 (4 صوت)

06-09-2015 08:00 AM
ما هو تاريخ الحسن الميرغني تنظيميا أو سياسيا... أو حتى خبرات في أي مجال؟ الحسن في هذه المعمعة يعتبر "زول ساكت" على قولة السودانيين. والجدير بصحفي مثلك يا عثمان ميرغني أن يكون ملما بالتفاصيل ولا يتعامل بهذا التبسيط المخل!

[Ageeb]

ردود على Ageeb
European Union [إسماعيل آدم] 06-09-2015 12:27 PM
الزول يا عجيب قال بعرف الوسط الأميركي فقد طار فوقه! و له شهادة في الحاسوب علي ما أذكر ! لكن هل بيعرف السودان ؟ و هل معرفته للسودان زي معرفة أخوهو ؟ والذي وعدنا بإطفاء نار الحرب في شمال كردفان و النيل الأبيض ؟
مافيش فايدة!!!


#1281692 [معاويه]
4.50/5 (2 صوت)

06-09-2015 08:00 AM
كلامك فى الصميم يالتلب دى عين الحقيقه التى اصبتها

[معاويه]

#1281683 [المتجهجه بسبب الانفصال]
5.00/5 (2 صوت)

06-09-2015 07:49 AM
اذا ساندته القواعد الاتحادية الحرة الوطنية،،، لكن القواعد الاتحادية يئست منهم فهم ليس بينها وانما بين لندن والقاهرة ،،، كذلك فصلوا من الحزب رجال كانوا لا تلهيهم أموال أو سيارات من الهم الوطني أمثال الدكتور بخاري الجعلي وغيرهم ،،، رحم الله علي أبوسن نصحهم منذ مجيء الانقاذ ولم يسمعوا نصحه ،، بعد كبرنا والله ندمنا على إتحاديتنا خلونا نهبا للاشرار ،،، سلوانا أن هذا الحزب كان فيه رجال مضرب مثل في الرجولة والوطنية الازهري الفضلي الشريف حسين احمد زين العابدين وغيرهم الأمل الان في السيد ( صديق حسين الهندي فلا زال واقفاً كالطود مثل والده رحمه لم ينكسر))

[المتجهجه بسبب الانفصال]

ردود على المتجهجه بسبب الانفصال
European Union [Ab ahmed] 06-09-2015 09:54 AM
الشريف حسين لم يكن له أبناء.، لعلك تعنى صديق ابراهيم الهندي وهو ابن أخيه التحق بالحزب الاتحادي فى الثمانينات بعد ان ترك الاخوان المسلمين ولا امل يرجى منه فهذه المعارك التى دخلها إنما هى غيرة سياسية بينه وبين الدقير.


#1281671 [ٍSalah AL Deen P]
4.50/5 (4 صوت)

06-09-2015 07:32 AM
في فيلم مصري الممثلة تعمل حاجة غريبة وتقول: كووول دا وصغيرة (طبعاً ما في داعي)
أها اخونا الكاشف دا بعد كل الهليمانة دا طلع مساعد ياي

[ٍSalah AL Deen P]

#1281669 [المشروع]
2.50/5 (4 صوت)

06-09-2015 07:29 AM
اولاً: سيد الحسن الميرغني يعمل تحت غطاء احمد سعد عمر والوصف الوظيفي المطلوب له سوف يتم تفصيله له من قبل احمد سعد عمر الذي هو غواصة كيزانية لضرب وتفتيت ما تبقى من الحزب الاتحادي الديمقراطي بعد الشرخ الكبير لمجموعةإشراقة - بلال- الدقير.

ثانياً: التحدي الكبير الذي يواجه سيدي الحسن الميرغني إن اراد خيراً هو الخروج من تحت مظلة احمد سعد عمر والدعوة لتنظيم ما تبقى معه من الإتحاديين وعقد المؤتمر العام للحزب بصورة سليمة وصحيحة لمجابهة حزب الدقير وابو سبيب الذي هو الحزب الذي سيكون حزب اتحادي خارج مظلة الميرغنية.

[المشروع]

#1281668 [مجنووووووون]
4.63/5 (6 صوت)

06-09-2015 07:25 AM
والله نحن محتاجين لى جماعة داعش فى السودان عشان يهدمو لينا ضرايح الشرك الممتدة داخل السودان ونرتاح من سيدى فلان وسيدى علان ياعالم يامشركين بالله من دون علمكم اذهبو اذهبو الى الاراضى المقدسة لتروا مقابر الصحابة والصالحين كيف وضعها وبعد ذلك قرروا اذا كنت تشريكون بالله احد هذا تخلف وشرك عندما يستعيذ المسلم بغير الله ما حكم ذلك فى الدين والشرع

[مجنووووووون]

ردود على مجنووووووون
[مجنووووووون] 06-10-2015 06:53 AM
تشرع زيارة القبور للاتعاظ بها وتذكر الآخرة ، شريطة أن لا يقول عندها ما يغضب الرب سبحانه وتعالى ، كدعاء المقبور والاستغاثة به من دون الله تعالى ، أو تزكيته ، والقطع له بالجنة ، ونحو ذلك .

اولا ياحمير اسيادكم المراغنه انا لست بداعشى
وانا قصدت بمقابر الصحابه انها مقابر متواضعة وبعضها مجهول منذ القدم ولم يمد احد يده عليها وليس عليها بهرجة كما على ضرايح اسيادكم المقبوريين والذين جعلتم منهم انداد لله فى الارض ياوسخ ياحاملى جزم اسيادكم المراغنة والكلام كثير يامتخلفين لكن مافى داعى

[عمر] 06-10-2015 12:32 AM
يا داعشي قبور الصحابة ماهدمتوها واهل البيت وامهات المؤمنيين والصالحين في الحجاز قبل سبعين سنة والان طالب احدكم من (علماء السعودية) بهدم قبة الرسول صلى الله عليه وسلم بل ونقل جسده الطاهر الى مكان مجهول حفاظا على التوحيد الذي لم نعرفه من ابائنا ولكن عرفناه من معلمنا وحاميه هو سيد الخلق عليه الصلاة والسلام وفضحكم الاعلام وكشف نواياكم ومن ضمن من ذكروا هذه الحقيقة صحيفة الاندبندنت وقناة سكاي نيوز والعربية وقنوات مصرية وعربية اخرى ولكن هيهات لكم يا اعداء رسول الله انه المؤيد بتاييد الله وانتم جنود المسيخ الدجال خذلكم الله في الدنيا والاخرة وحفظ سيد الخلق عليه الصلاة والسلام وكل الصالحين من الدواعش امثالكم

[abushanab] 06-09-2015 08:53 AM
تماما كما وصفت نفسك ..

يا هذا ظلت قبور الصحابة رضوان الله عيهم وال البيت على ابيهم وعليهم الصلاة والسلام ظاهرة و تزار الى ان اتى الوهابية (عليهم من الله ما يستحقوا) فطمسوها ..

اهلك الله من كفر المسلمين ..


#1281644 [ali huasain]
4.88/5 (7 صوت)

06-09-2015 06:44 AM
حامل الجزمة سوف يرتقي إلى حامل جزمة مساعد أول

[ali huasain]

#1281643 [التلب]
4.50/5 (4 صوت)

06-09-2015 06:43 AM
ليتيقن الجميع انه ليس هناك مساعد اول ( للرئيس ) او آخر اونائب اول او ثانى ولو كنت دقيقا بعض الشئ لقلت وليس هنالك رئيسا من اﻻصل .. ؟؟
هنالك ( جهة ما ) هى التى قامت باﻻنقﻻب وﻻزالت ممسكه بيدها الباطشه على كل الخيوط وما هؤﻻء واؤلئك اﻻ بيادر شطرنج تحركهم وفق ما يفيد استراتيجية البقاء
وهى - هذه الجهة - فى سبيل ذلك قدمت جيوش من عاطلى المواهب والمنافقين والمحتالين والمنافقين وكل مشوهى الخلق لكى يؤدوا ادوارهم بصمت ومن يغادر المسرح يغادر ايضا بصمت بعد ان يكون قد كون ثروة ما كان ليحلم بها .. !!
اما عماد النظام فهو .. هو .

[التلب]

ردود على التلب
[شقي و مجنون] 06-10-2015 06:49 AM
كلام سليم ١٠٠٪
مؤهلات و خبرات الدستورين ده جانب.
اما السؤال الاهم: مؤهلات و خبرات الشخص البعطي و يتصدق بالمناصب دي شنو؟
بشة مؤهلاتو شنو؟
بكورتي و ابراهام غردون مؤهلاتهم شنو؟
صفر.
متوقعين منهم شنو؟
صفر.

[ركابي] 06-09-2015 10:52 AM
100%


#1281633 [Sam-7]
4.00/5 (3 صوت)

06-09-2015 06:00 AM
و الله يا أبو عفان داير تسوق ( الواو مشددة) الوهم لي ود مولانا

[Sam-7]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة