الأخبار
أخبار إقليمية
الترابي ينقل نشاطه من المركز العام لمنزله بالمنشية
الترابي ينقل نشاطه من المركز العام لمنزله بالمنشية
الترابي ينقل نشاطه من المركز العام لمنزله بالمنشية


06-10-2015 06:04 PM
الخرطوم: الهضيبي يس

نقل الأمين العام لحزب المؤتمر الشعبي د. حسن عبد الله الترابي نشاطه السياسي من مقر حزبه الى منزله بضاحية المنشية الذي فتحه لاستقبال السياسيين من مختلف الأحزاب للتفاكر والتشاور حول قضايا البلاد وحول مقترح "النظام الخالف" .

وقال الأمين السياسي للشعبي كمال عمر إن الهدف من المقترح توحيد الأحزاب السياسية في كتلة أو كتلتين لتفادي الترهل السياسي الذي تعيش فيه البلاد، وأشار إلى أن حزبه يعمل لمرحلة ما بعد الحوار الوطني.

وأوضح أن الترتيبات التي يعمل عليها الترابي تؤكد على وجود نظام يبني على التداول السلمي للسلطة بعيداً عن الانقلابات العسكرية.

الصيحة


تعليقات 21 | إهداء 0 | زيارات 6390

التعليقات
#1283520 [adil a omer]
0.00/5 (0 صوت)

06-11-2015 04:12 PM
هذه امور عائليه لا تخص الشعب

وكده يبقى زيتنا فى بيتنا

[adil a omer]

#1283507 [مواطن]
0.00/5 (0 صوت)

06-11-2015 03:51 PM
سؤال : هل حج حسن الترابي وهل حج الصادق المهدي ؟
لأن أفكارهما تشبه أفكار الخميني ...

[مواطن]

#1283338 [المشروع]
0.00/5 (0 صوت)

06-11-2015 12:35 PM
بعد ان خرج من المولد بدون حمص وان المركز العام مراقب ومتصنت وان اسلامي العالم المتعطشين الى السلطة نجمهم بدأ في الافول لأن نيتهم لم تكن صادقة ولم يتسلحوا بالعلم الشرعي ..

وحيث ان كرت (الشريعةالاسلامية) حملته جهات اخرى اشد بأسا وأشد تنكيلاً مثل داعش والقاعدة والذباحين فهجر الناس الأخوانيين الى السلفيين وانصار السنة فحركة الكيزان تريد ان تدخل الى الناس مرة اخرى من هذا الباب ...

ويحاول الكيزان الان عن طريق ما يسمى بالحركات ذات التوجه الاسلامي الدخول من باب السلفيين والطرق الصوفية ولعلكم تذكرون احتفال النائب الاول علي عثمان مع الطرق الصوفية فهي كلها محاولات يائسة فإن هذا الرجل هو الذي زرع الفتنة في السودان وادى الى تهجير 11 مليون نفسا برئية تحب وطنها الى خارج البلاد.

[المشروع]

#1283337 [أب راسن غليد]
5.00/5 (1 صوت)

06-11-2015 12:35 PM
عجز ولا خرف ما بتحلو ... الزول دي حياته كلها كانت بالخسارة مع السودانيين .. اتخيل معاي انو ما كان في زول اسمه الترابي .. شكل السودان كان حيكون كيف؟ ... إتخيل بس!

[أب راسن غليد]

#1283277 [الكردفاني العدييييييييييييييييييييييييييييييييييييييل]
0.00/5 (0 صوت)

06-11-2015 11:26 AM
وأشار إلى أن حزبه يعمل لمرحلة ما بعد الحوار الوطني. !!!!!!!!!!!!!!

كده هسه .... خلونا نخلص من الشيطان الرجيم .... عصابات الاجراس ...اولا ...

[الكردفاني العدييييييييييييييييييييييييييييييييييييييل]

#1283207 [محمود]
0.00/5 (0 صوت)

06-11-2015 10:16 AM
ياالهضيبى اسمك بسبب عشراقه بالله حاول غيرو

[محمود]

#1283162 [جبران]
0.00/5 (0 صوت)

06-11-2015 09:13 AM
اخخخخخخخ انا منك كلو منك يا ثعلب يا مكار يا خبيث ضيعت السودان بأفكارك البالية استفدت شنو الرئيس الأهبل
دخلك الماسورة وانت قائل ابو سطله يترك ليك الحكم بخبثك وكلكم خبثاء ونسأل الله ان ينتقم منكم

[جبران]

#1283130 [ALMAHI]
0.00/5 (0 صوت)

06-11-2015 08:46 AM
سنة 1985 م دى كنا اطفال صغار الان شاب الرأس وركبنا راحت والحمدلله وصرنا كأنما مثلهم فى العمر هؤلاء لا يشيخون ولا يكبرون سبحان الله العليم الله يلطف بالمسلمين ويولى فينا خيارنا .

[ALMAHI]

#1283068 [ابراهيم مصطفى عثمان]
0.00/5 (0 صوت)

06-11-2015 07:59 AM
صحيح ان الترابي انتهي سياسيا ولن يستطيع جمع حزب سياسي/ديني ويحصل علي خمسة مقاعد في اية انتخامات تعددية نزيه وصحيح انه جفف (بئر الدجل) حتي بدا (الدلو) ياتي بالحصي .غير ان ذلك لا يمنع من قدرته في لم شمل الاخوان المسلمين الذين تشننوا خلف مغانم الدنيا ولا تنسوا انه بارع جدا للانحاء للعواصف وقاد جماعته تحت احلك الظروف ومنع من ان تتطالهم شبح المذابح والقتل التي تعرضت لها مؤسسات سياسية اقوي من حزبه تنظيما وعددا .

[ابراهيم مصطفى عثمان]

#1283017 [ابو الطماير]
0.00/5 (0 صوت)

06-11-2015 06:56 AM
قال اعتكف قال

[ابو الطماير]

#1283008 [التلب]
0.00/5 (0 صوت)

06-11-2015 06:41 AM
اوﻻ نتمنى من الله سبحانه وتعالى ان يكون خروج بدون عودة .. يعنى يمشى يقعد فى بيته بقية ايامه ويستغفر الله .. عل الله يغفر له ما تسبب فيه على الشعب السودانى .. !!
ثانيا كيف يتداول الناس السلطه ويبعدوا عن اﻻنقﻻبات العسكريه وهو من اتى بأسوأ
انقﻻب عسكرى فى تاريخ اﻻمم .. ؟؟ فليصلح هذا الخطأ اوﻻ .. !! ويجلس لمﻻقاة ربه .. !!

[التلب]

#1282957 [ابوصلاح]
0.00/5 (0 صوت)

06-11-2015 01:48 AM
اولا علاجوه من نشاط الغدة الدرقيه

[ابوصلاح]

#1282941 [مسطول]
5.00/5 (1 صوت)

06-11-2015 01:00 AM
بقى ما بيتحمل هزهزة اللاندكروزر
الله يحضرنا يوم موتك

[مسطول]

#1282935 [عبده عبدالله]
5.00/5 (1 صوت)

06-11-2015 12:51 AM
ياخوانا نشاط شنو للترابي بعد سن اربعه وتمانيين دي انتو مصدقين الترابي بيمارس نشاط الان الترابي لو قدر بلع حبه الضغط وحبوب الفيتمينات ونام تاني ماقصر اخبرنا ابن اخونا دكتور امام من المقربين للترابي قال ليا انا بضحك اشد الضحك في السودانيين لما يقروا خبر مفبرك من كمال عمر او احد الجماعه انو الترابي عمل او الترابي .الترابي من تلاته سنين قال نادر مايشارك او يصرح الراجل تعبان عديل كده وشغال مقويات وكده ياناس باختصار شديد ناس كمال عمر مدورين اللعبه باسم الترابي

[عبده عبدالله]

#1282866 [عصمتووف]
0.00/5 (0 صوت)

06-10-2015 09:45 PM
يحي الغظام وهي رميم سبحانك ي رب

[عصمتووف]

#1282859 [Amin]
5.00/5 (1 صوت)

06-10-2015 09:37 PM
إتهد خلاص

[Amin]

#1282843 [AbuAhmed]
0.00/5 (0 صوت)

06-10-2015 08:59 PM
و نضمن مين انه تاب من الانقلابات ومن المسؤول من الصالح العام والفساد
لو مافى حساب لكل من اجرم فى حق البلد مافى سودان و يا دنيا عليك السلام

[AbuAhmed]

#1282838 [المشتهى السخينه]
4.50/5 (3 صوت)

06-10-2015 08:48 PM
المفروض ان ينقل الخيش حسن الترابى نشاطه الى المقابر ..فقد انتهى دوره فى الدنيا بتوليته الرئيس الدائم امير المؤمنين الابدى المشير البشير لمقاليد الحكم ...

[المشتهى السخينه]

#1282809 [عبدالواحد المستغرب اشد الإستغراب!!]
4.75/5 (6 صوت)

06-10-2015 07:42 PM
لاحول ولا قوة إلا بالله الراجل ده حكايتو حكايه !! وانا بقرا فى الكلام ده رجعت بى الذاكره الى الوراء لعام 1985تقريبا نفس التخطيط نفس التدبير نفس المكر!!الترابى وكان خارج لتوه من السجن بعدما كان نميرى القى عليه القبض هو وجماعتو ووصفهم بإخوان الشيطان والقت داك الاخوان كانوا قليلين وبعد هجوم نمبرى عليهم كانوا تفرقوا شزر مزر كل واحد فى إتجاه وبعد الانتفاضه تفتقة عبقرية الترابى الثعلبيه ودعاء لمؤتمر جامع دعى ليهو ناس الطرق الصوفيه على وجه الخصوص (طبعا شريعه وكده زى ما كلكم عارفين!!) والجماهير الما ليها إنتمائات والاعضاء الرخوه التى كانت تنتمى للحزبين الكبيرين والنساء البحبن الظهور كان ميتم ولا بيت طهور والدعوه كانت فى نادى الآسره وانا اتذكر الدعوه كانت عبر اجهزة الاعلام المختلفه ومنها الصحف والدعوه كانت تحتل صفحه كامله مع ملاحظة ان مصانع السكر والاسمنت وقتها ما كانت عندها إمكانية عمل دعايه فى صفحه كامله (شيل الله يابنك فيصل طبعا) ومن هناك اطلق الاسم الجديد لتنظيمه القديم (الجبهه الاسلاميه القوميه) ليحل بديلا (لجبهة الميثاق) ولاحظو الترابى ده راجل مكار الشياطين ما بفكرو زيو بينما الحزبين الكبيرين وقتها وقبلها كانوا بيكنكشوا فى الاسامى الورثوها من اجداد جدوهم وبسبب هذا تكلست افكارهم الترابى كان بيخطط ويدى الناس خيارات مثلا (اذا كانو كارهين جبهة الميثاق وقبلها جماعة الاخوان المسلمين نحن الان فى عهد جديد لا فيهو جبهة ميثاق ولا اخوان مسلمين نحن الان جبهه قوميه وكمان عشان خاطر الطرق الصوفيه ضيفنا الاسلاميه!!) طبعا الهبل صدقوا ووررررر دخلوا الحزب الجديد!! ماشين بعيد ليه الجماعه بعدما إستولوا على السلطه ما بتذكرو عمر البشير لمن ذى كماسرة الحافلات فى ميدان جاكسون كان بيكورك بمناسيه وبدون مناسبه (قطار الانقاذ..قطار الانقاذ خلاص حيتحرك يلا ..نفر..نفر !! والشعب بعدما كشف اللعبه ووجدو نفسهم معزولين إبتكرو قصة (الزكر والزاكين) وعملو مؤتمرات وفى النهاية اسسو ليها مفوضيه او شىء من هذا القبيل !!والآن الترابى يستدعى التاريخ ليعيدمسرحياته التى يآلفها وينتجها ويخرجهاويمثلها ايضا مع شوية الكومبارس المعاهو وقطعا سوف يجد المغفلين والانتهازيين وهم مازالوا يعيشون بيننا بكل آسف !!ولا حول ولا قوة إلا بالله العلى العظيم ،،،

[عبدالواحد المستغرب اشد الإستغراب!!]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة