الأخبار
أخبار إقليمية
حميدة: الخرطوم تستقبل نصف مرضى الولايات
حميدة: الخرطوم تستقبل نصف مرضى الولايات
حميدة: الخرطوم تستقبل نصف مرضى الولايات


06-10-2015 11:59 PM
كشف وزير الصحة في الخرطوم مأمون حميدة استقبال مستشفيات الولاية ما بين 40% إلى 60 % من مرضى الولايات يومياً. وعدَّ الخرطوم الأكثر كثافة من بين ولايات السودان، إذ يوجد بها أكثر سبعة ملايين مواطن.


ونظمت وزارة الصحة الاتحادية يوم الأربعاء حفل استقبال للوزير بحر إديس أبوقردة الذي تم تجديد الثقة فيه، ووزيرة الدولة سمية إدريس التي كانت تشغل مدير إدارة الطوارئ.


وقال أبوقردة إن وزارته أضحت من أميز الوزارات بالدولة، ولها شراكات دولية وإقليمية وعالمية. وأضاف "السودان أصبح من صانعي القرارات الصحية في أعلى المؤسسات الصحية العالمية".


وأشار إلى تفرد العلماء السودانيين على نطاق العالم في شتى المجالات خاصة المجال الطبي، حاثاً العاملين في القطاع الصحي على تجويد العمل.


ودعا أبوقردة إلى التنسيق والتعاون بين الوزارة الاتحادية والوزارات في الولايات. وتعهد بمواصلة الجهود لتطوير وترقية العمل الصحي بالبلاد


من جهته، عبَّر وزير الصحة بالخرطوم عن أمله بأن يترك لوزارته ملف الطورائ، لكونها الأقدر على إدارته، وجلب المعينات الفنية واللوجستية له.


وأكد حميدة أن الفترة المقبلة ستشهد تقديم خدمات كثيرة للمواطن، على رأسها خدمة الصحة تنفيذاً لخطاب الرئيس البشير الذي دعا إلى تحسين معاش الناس وتقديم الخدمات لهم.


شبكة الشروق


تعليقات 19 | إهداء 0 | زيارات 2308

التعليقات
#1283467 [algandawi]
0.00/5 (0 صوت)

06-11-2015 02:44 PM
يعني يا حبايبي الحلوين كل أفكاركم واقتراحاتكم الممتازة دي قايلنو ما عارفها..
ديل مجرمين بتاجروا بصحة المواطن الغلبان....منهم لله.

[algandawi]

#1283456 [الجـزيــــــــــرة ابا]
0.00/5 (0 صوت)

06-11-2015 02:34 PM
بل فيها اكبر مرضى سياسيين على الكرة اﻻرضية .. فايروس واصابنا

[الجـزيــــــــــرة ابا]

#1283383 [ود امبدة]
0.00/5 (0 صوت)

06-11-2015 01:27 PM
في زول جا شحدك قال ليك كرامة لله ولا قعونجة لله؟
بتعالجو بي حقم وفي بلدم

[ود امبدة]

#1283378 [husseinmusa]
0.00/5 (0 صوت)

06-11-2015 01:23 PM
ارحلوا عنا ..ارحلوا عنا.. ارحلوا عنا..مجرمين قتلة ماصي دماء فاشلين..لعنة الله عليكم محل ماتقبلوا دمرتوا البلاد والعباد..

[husseinmusa]

#1283302 [Sudani 1988]
0.00/5 (0 صوت)

06-11-2015 11:57 AM
الزول ده لسه وزير صحه ولا شالوه ؟؟؟؟؟؟؟؟؟؟؟؟

[Sudani 1988]

#1283261 [المتجهجه بسبب الانفصال]
0.00/5 (0 صوت)

06-11-2015 11:17 AM
ده زول تاجر عشان كدة ما بنتوقع منو أكثر من الكلام ده،،،

[المتجهجه بسبب الانفصال]

#1283236 [جنو منو]
5.00/5 (1 صوت)

06-11-2015 10:46 AM
بالله عليك يابروفسور الهناء ده كلام بصرحو بيهو .. يعنى مستشفيات الولايات أصبحت
لافتات فقط .. وبعدين تعال نقول ليك ناس الاقاليم بمشوا المستشفيات الخاصه وليس
مستشفياتكم الخربه .. ياوهم ..!!

[جنو منو]

#1283229 [نكس]
5.00/5 (1 صوت)

06-11-2015 10:41 AM
الناس دي بجيبوها من وين .صدق القال لعبور بوابة المؤتمر الوطني يشترط الغبا .والتبلد . لمن انت عارف والقرد انو نص سكان السودان بتعالجو في الخرطوم طيب وين التخطيط لتوطين الخدمات الطبية بالولايات .الواقع في الصحة مستشفيات لا ترقي لابسط حقوق الحيوان ناهيك عن الانسان .وساخة قلة تدريب .قلة الكادر المدرب .تفتغر لابسط معينات الحياة .عارف ليه لانو حتي الطب عملتو ليهو جامعات مجاملة تخرج الكيزان ويتمو التدريبفي ادم الغلبان ما اصلو الشعب دا حققكم وجربتو فيهو كل شي وقفت علي الطب . نسال الله ان ياخذك وما تلقي البداويك انت والقرد

[نكس]

#1283193 [خالد فارس]
4.00/5 (1 صوت)

06-11-2015 09:52 AM
سبحان الله عندما عُينا مامون حميدة وزيراً للصحة قلت في نفسي البشير اعطي الخبز لخبازو لكن والله زلابيا ما بعرف يعملها طيب يا ديك وتور ما سالت نفسك الناس بتجي الخرطوم لية عشان يشوفوا طلعتكم البهية انا ما عارف بتقابلوا ربكم كيف يوم لا ينفع مال ولا بنون

[خالد فارس]

#1283125 [الفحل]
4.00/5 (3 صوت)

06-11-2015 08:42 AM
ياحميدة تصريحك ينم عن جهل بالادارة والسياسة وموغل فى التخلف .. كونك تاكد ان 60% من السودانيين يفدون للخرطوم للعلاج هذا دليل بانكم اجهل الحكام الذين حكمموا السودان .. لانكم للاسف ركزتم كل الخدمات الضرورية للمواطن من صحة وتعليم وغيرها فى عاصمة الفساد . وركلتم الاقاليم . هل تعلم يامتخلف ان اي مواطن يحضر للخرطوم للعلاج يكلف ذويه ملايين الجنيهات حينما يتم نقله على اسعاف الحكومة ان وجد .. وفى الغالب يتوفى المريض قبل وصوله الى مستشفياتكم . يعني ميته وخراب ديار .. اشمعنى قبل مجيئكم لحكم البلاد كان العلاج متوفر حتى فى حلفا القديمه .. وكان العلاج مجاني للكل . انتم مأساة السودان وانتم بلوة المواطن .. رحيكم واجب وطني ..

[الفحل]

#1283120 [ود المهدي]
5.00/5 (2 صوت)

06-11-2015 08:37 AM
يا دكتور وطنوا العلاج وابنو مسشتفيات جديدة في كل الولايات الاكثر كثافة ومدوها باحدث الاجهزة والاطباء المؤهلين واصلحو ما خرب منها واعملوا صيانات لها لن يأتي احدمن اي ولاية للعلاج في الخرطوم ابداً. كان انتو مخلصين وحكومة جادة اعملوا هذا الطرح (لكن للاسف جاي تقول الكلام دا ليمنو انتم اصحاب القرارات والحكم والجلاد طيلة سنوات الانقاذ العجاف لماذا لم تفكروا في ذلك اليس لك يا عقل يا دكتور نفكر لكم نحن البسطاء وانتم بصفتكم اطباء ودكاترة وعلى بصيرة ولكن ايضا انتم غير مخلصين للوطن والمواطن للاسف الشديد.
كان المفروض هذا الكلام يتم منذ عشرات السنين مضت ولكن اين العقول التي تنفذ انتم ما فاضين من الجري خلف استمثارات واعمالكم الخاصة تاركين الوطن والمواطن للعدم والفقر والجوع والمرض .
يكن اين تذهبوا يوم الحساب يوم يحشر الناس ضحى.

كرهنا في الدنيا الذهاب للخرطوم ولو لا الحاجة لما قدموا لها معظم اهل السودان لان الخرطوم فيها شنو ولا تنسى اعملوا مطارات دولية في اي ولاية من ولايات السودان ولن تجد من يسافر عبرمطار الخرطوم مهما كانت الاسباب خليناها ليك اشبع بيها وشيلها معك يوم تقبر .

[ود المهدي]

#1283112 [صلاح عبد القادر]
2.50/5 (2 صوت)

06-11-2015 08:31 AM
((كشف وزير الصحة في الخرطوم مأمون حميدة استقبال مستشفيات الولاية ما بين 40% إلى 60 % من مرضى الولايات يومياً)......طيب يا وزير الهنا ....سالت نفسك لماذا ياتو للخرطوم؟؟؟؟؟ ايها المنافق.......ما هي مشكلة البلد من عشرات السنين وما خربت الا
في عهدكم البيغض وسياسة التشريد........الله ينتقم منك ومن كافة خبثاء النظام الاسلاموي الفاجر.........وانه يمهل ولا يهمل.

[صلاح عبد القادر]

#1283091 [شقورة]
5.00/5 (1 صوت)

06-11-2015 08:19 AM
هذا اعتراف بانكم اهملتم الولايات مما جعل اهلها يبحثون عن الخدمات الصحية خارج ولاياتهم رغم العناء الذى يواجهونة من صرف فى نفقات السفر والاعاشة .....الخ

[شقورة]

#1283063 [abdalla Ibrahim]
5.00/5 (2 صوت)

06-11-2015 07:54 AM
الخرطوم تتسلم 78% من الدعم الحكومي المخصص للولايات وباقي الولايات تنال 22% اليس من حقهم العلاج في الخرطوم؟؟؟؟؟؟؟؟؟؟

[abdalla Ibrahim]

#1282996 [د..الزهجان]
0.00/5 (0 صوت)

06-11-2015 06:16 AM
لانكم نهبتو واردات البلاد والعباد كان من المفروض تتوزع لبناء الاقاليم صحيا وعمرانيا واجتماعيا ..والناس جايه لي حقها .وليس لك فضل علئ احد ...
انا المكتوب ايه ما قريتو لاني زهجان من عنوانو

[د..الزهجان]

#1282972 [Former Sudanese]
0.00/5 (0 صوت)

06-11-2015 02:57 AM
You are a big lier
First people sell their homes to cure their sick loved ones at the private hospitals you and government owns
Your time is UP.
Death is awaiting you

[Former Sudanese]

#1282945 [عميد معاش دطبيب سيد عبد القادر قنات]
5.00/5 (1 صوت)

06-11-2015 01:13 AM
من جهته، عبَّر وزير الصحة بالخرطوم عن أمله بأن يترك لوزارته ملف الطورائ، لكونها الأقدر على إدارته، وجلب المعينات الفنية واللوجستية له.

[عميد معاش دطبيب سيد عبد القادر قنات]

#1282943 [متحير]
4.50/5 (2 صوت)

06-11-2015 01:04 AM
و الافضل كان عمل احصائية لعدد الاخصائيين و المراكز التخصصية و الخدمة المرجعية بالاقاليم و لانو مافى وحدة مرجعية غير مدنى و حتى التفكير فى التطور فهمو فى السودان مبانى و الات لكن 90% من خدمة الصحة تعتمد على الكوادر الكوااااادر عشان كدا بعثوك زمان يا وزير للتخصص و كمان رسلوك بى مرتبك فافعل 0.001%لهذا الجيل

[متحير]

#1282907 [حسن عوض]
5.00/5 (4 صوت)

06-10-2015 11:09 PM
((كشف وزير الصحة في الخرطوم مأمون حميدة استقبال مستشفيات الولاية ما بين 40% إلى 60 % من مرضى الولايات يومياً.)) .

هذا له عدة اسباب منها:
- صرفكم على الصحة لا يتجاوز ال 1% فى ميزانية الدولة و أغلبه متمركز بالخرطوم .. فى حين يتحصل أجهزة الامن المختلفة و القوات المسلحة لأكثر من 70% من ميزانية الدولة .

ثم ثانياً أليسو هؤلاء المرضى سودانيين و لهم الحق الذهاب الى أى جزء من السودان بما فيه العاصمة القومية ؟؟ أم أنهم قادمون من كوكب آخر ؟؟
أترك التهرب من مسئوليتك يا سيادة الوزير و قومو بتوفير العلاج لكل موطنى البلاد و قومو برفع حصة الاموال التى تذهب للصحة فى ميزانية البلاد و خفضو ميزانية الامن و الدفاع , و زيدو من بناء المستشفيات بالولايات و عندها سوف لن يأتى لكم مرضى من الولايات ..
هل دى دايرة ليها درس عصر يا سيادتك ؟؟

[حسن عوض]

ردود على حسن عوض
[hamad] 06-11-2015 07:56 AM
الاخ حسن انت بتنفخ فى قرربة مقدووودة


دي وزراء الواحد زرارته ما بعرف يخيطا يجى يخدم ليك انسان الوطن
لله درك يا سودان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة