الأخبار
أخبار إقليمية
رسالة إلى الشعب السوداني من والدة الشهيد أحمد عبيد الذي اغتالته أجهزة نظام البشير القمعية بالجريف شرق
رسالة إلى الشعب السوداني من والدة الشهيد أحمد عبيد الذي اغتالته أجهزة نظام البشير القمعية بالجريف شرق
رسالة إلى الشعب السوداني من والدة الشهيد أحمد عبيد الذي اغتالته أجهزة نظام البشير القمعية بالجريف شرق


قالت حسبي الله ونعم الوكيل في قاتل أبنها
06-13-2015 09:09 PM
بعثت والدة الشهيد أحمد عبيد برسالة حزينة للشعب السوداني تطالبه بالوقوف مع الحق. وذلك عقب أغتيال أجهزة نظام البشير القمعية لإبنها يوم أمس 12 يونيو 2015 عقب خروج جماهير المنطقة بعد صلاة الجمعة في تظاهرات تطالب بتعوضيات أراضيهم، واضافة للتنديد بانقطاع بعض الخدمات عن المنطقة مثل الماء والكهرباء.
.


بسم الله الرحمن الرحيم

انا احلام ابراهيم التوم بلة أم الشهيد/ احمد عبيد احمد حمد

انا بناشد الشعب السوداني انو يقيف مع الحق ،ويقيف مع الناس المظلومين ، نحن الحمدلله ما شلنا حاجة ما حقتنا وما عندنا نحن ذاتنا حق مع الناس ، لكن الحق حق اهلنا حق جدودنا ، ليه الناس تظلم؟ ليه الناس تقيف ورا الظلم؟ ، الناس جبانين ولما الناس مرقوا للحق عملوا فيها مشاكل وكتل وضرب ، انا ولدي ما عندوا اي حاجة وما شايل اي حاجة في يدو ما شايل سلاح ولا شايل عصاية ولا شايل سيخة ضربوا غدر ، غدروا بيه ، ليه؟ عشان شنو؟ وليه الحكومة تهمل؟ وليه الحكومة تغفل؟ ليه يدخلوا جوه البيوت ضربو الناس فكو البمبان ، ما خلو ليهم زول ، لا خلو صبي لا خلو فتاة ، ليه الما عندو عرض منو؟ بنات فتوات يدخلوهم الحراسة عشان شنو ؟ عشان قالوا كلمة الحق؟ ليه كلمة الحق دي بتوجع ؟ الناس ديل كلهم مظلومين الناس ديل صابرين على الظلم ، الناس ديل ضاق بيهم الحال وصابرين برضو نحن ما اشتكينا ولا بكينا ولا وقفنا قدام زول ، انا الليلة بتكلم لاني ام ولد ، ولدي انا كبيري ، امرق مني في ثواني يجيبوا لي مكتول ، والحمد لله اتكتل في سبيل الوطن ، في سبيل ارضو ، ولدي مات شهيد ، مات شهيد ولدي ، الحمد لله، وانا بشكر ربي انو ولدي استشهد ، استشهد في سبيل وطنو ما في حاجة فارغة والحمد لله دافع عن حقو وعن حق الناس التانين ، حق الناس الما قادرة تتكلم ، حق الناس البسكتوها .


تعليقات 25 | إهداء 0 | زيارات 15606

التعليقات
#1284913 [مجا هد]
1.00/5 (1 صوت)

06-14-2015 01:43 PM
لاتحزنى يا والدتى بمشية اللة حقك وحق جميع السودانين يصلك قبل اربعين ولدك الان السن بى السن
والبادى اظلم 00000 ثورة المنا ضلين كتيبة الشهداء

[مجا هد]

#1284865 [ام بادر]
3.00/5 (2 صوت)

06-14-2015 12:40 PM
احسن الله عزاكم .ونسال الله ان ينزله خير منزله ويتقبله ويلهمكم الصبر وحسن العزاء.وانا لله وانا اليه راجعون.واسال الله ان ينزل بمن اغتال شبابنا وابناءنا ان تكون دماءهم الطاهره كابوس ينزل بهم ويشتت قواهم ويزيقهم مر العذاب.ولن يضيع حق عند الله.

[ام بادر]

#1284800 [المهاجر]
3.00/5 (2 صوت)

06-14-2015 11:22 AM
حسبنا الله ونعم الوكيل فيكم
حسبنا الله ونعم الوكيل فيكم
نحسه شهيد بادن الله ونسال الله ان يصبرك
اللهم ارينا فيهم عجائب قدرتك طال ظلمهم حكومة الشئم والاستبداد

[المهاجر]

#1284795 [وحيد]
1.00/5 (1 صوت)

06-14-2015 11:16 AM
المسالة واضحة: نحن اسيادكم و اسياد البلد ... من يعترض سيقتل في الشارع كما الكلب الاجرب .. اسجدوا لنا و قبلوا اقدامنا و لا ترفعوا و جوهكم لتنظروا الينا ... انتم العبيد و نحن السادة و دماءكم ارخص عندنا من الماء ..

[وحيد]

#1284769 [مدحت عروة]
4.50/5 (2 صوت)

06-14-2015 10:53 AM
اللهم ارحمه رحمة واسعة وتقبله شهيدا وادخل قاتله جهنم وساءت مصيرا والهم والدته واهله الصبر !!!

[مدحت عروة]

#1284764 [kola]
5.00/5 (1 صوت)

06-14-2015 10:48 AM
تاني عشان تنتخبو ناس بقولوا عندهم دين اسلامي

[kola]

#1284670 [zoooool]
4.50/5 (2 صوت)

06-14-2015 08:59 AM
اللهم ارحمه واغفر له واجعله من الشهداء والصديقين

[zoooool]

#1284663 [Tag.]
5.00/5 (1 صوت)

06-14-2015 08:49 AM
قال صلى الله عليه وسلم :( كل المسلم على المسلم حرام - دمه وماله وعرضه).

الهم اغفر له وارحمه وصبر اهله.

[Tag.]

#1284650 [ود السودان]
5.00/5 (1 صوت)

06-14-2015 08:42 AM
كل الشعب السوداني وأغلبيته عارض قرار المحكمة الدولية والقاضي أوكامبو ليس حباً في الإنقاذ ولكن دفاعاً عن مواطن سوداني وبالعاطفة السودانية السمحة ظاهر السودانيين ضد أوكامبو ووقفوا مع الرجل الذي إنقلب على الديمقراطية وسلم الحكم لحزب سياسي وحقق لهم كل المصالح والأهداف ضد الوطن ولكن إذا إستمر وضع ما يسمى بالحركة الاسلامية في معاداة الشعب والسيطرة على مقاليد السلطة والمال والوظائف والصرف على الحزب من أموال الشعب فلا بد من النضال والوقوف مع حكم المحكمة الدولية وضرورة رفع الذين فرضوا الصالح العام ووضعوا آلاف العمال والموظفين على الشوارع وإضافة هذه القضية للمحكمة الدولية وكذلك قضية بيوت الأشباح والضباط شهداء رمضان وغيرهم والآن وضع البشير صديقه على ولاية الخرطوم لترهيب المواطنين وإستمرار حكم الفساد الذي بدأه الخضر وجماعته.

[ود السودان]

#1284605 [الشفت]
4.00/5 (1 صوت)

06-14-2015 07:30 AM
للفقيد الرحمة والمغفرة ربنا يعوض شبابه الجنة انا لله وانا الية راجعون

[الشفت]

#1284593 [الصعب]
3.50/5 (3 صوت)

06-14-2015 06:47 AM
ربنايتقبله شهيدا ويلزمك الصبر

[الصعب]

#1284571 [fatmon]
4.00/5 (4 صوت)

06-14-2015 03:00 AM
الله يعوضه شبابه الجنة يا رب ويلهمك الصبر
إنا لله وإنا إليه راجعون
وكله في رقبتك يا البشير الظالم كله في رقبتك يا السلطان الغاشم

[fatmon]

#1284555 [امين الخذينة الفاضية]
5.00/5 (1 صوت)

06-14-2015 01:16 AM
له الرحمة والمغفرة

[امين الخذينة الفاضية]

#1284548 [ابو الهولبري بري بري بري]
4.75/5 (4 صوت)

06-14-2015 12:47 AM
اننا اصبحنا جميعنا كالاموات ... ف هؤلاء الحثالة بستأسدون علينا ويركبون على ظهورنا ...ف الى متى ؟؟الى مت نسكت على هذا الهوان ؟؟
ابدا ما هنت يا سوداننا يوما علينا ...كالذي اصبح شمسا في يدينا
الى متى يقتلون خيرة شبابنا ؟
الم تكفيهم كل هذه الدماء التي اريقت ةتراق يوميا ؟؟
يا شباب بلادي ...تنظموا ..تنظموا ...توحدوا ..توحدوا
انهم يرتجفون في جحورهم الآن ...

[ابو الهولبري بري بري بري]

#1284536 [عميد معاش د طبيب سيد عبد القادر قنات]
4.38/5 (4 صوت)

06-13-2015 11:45 PM
رحمه الله رحمة واسعة والهمكم الصبر والسلوان وحسن العزاء

كلمة معبرة بحق وحقيقة خرج ضمن اهل المنطقة مطالبا بحقوقها مدافعا عن العرض والارض ومات شهيدا فداء وتضحية من اجل اعلاء كلمة الحق

[عميد معاش د طبيب سيد عبد القادر قنات]

#1284523 [shamy]
4.75/5 (3 صوت)

06-13-2015 10:58 PM
I do not know who are you talking to? .because people of sudan gave up and there are no fight left in them .sorry for you lost.

[shamy]

#1284516 [Shah]
4.50/5 (5 صوت)

06-13-2015 10:32 PM
لا حول ولا قوة الا بالله العلى العظيم اللهم ثبته و اجعل الجنة مثواه والهم والدته الصبر و السلوان
والى متى هذا الهوان يا الله ياعظيم؟

[Shah]

#1284515 [ابو عرب]
5.00/5 (5 صوت)

06-13-2015 10:27 PM
اللهم ارحمه واغفر له واجعله من الشهداء والصديقين يا رب استغرب لاستخدام سلاح حقيقي في مواجهة مظاهر حي شعبي اذا زاد الظلم عن حده انتظروا الفرج

[ابو عرب]

#1284506 [Floors]
5.00/5 (7 صوت)

06-13-2015 10:13 PM
ربنا يرحمه ويجعله من الصديقين والشهداء

أرجو لو لديك ناس يساعدوك لتدويل القضية في وسائل التواصل الأجتماعي يمكن أن تأخذي حقك لأن الشاويش السفاح وبطانته من كلاب الأمن وجزم البوليس لا رادع لهم إلا المجتمع الدولي والان الشاويش يرتعش الأيادي ونايم تحت البطانية!!!

[Floors]

#1284504 [عصمتووف]
4.63/5 (5 صوت)

06-13-2015 10:02 PM
الله موجود ي خالة حزننا اكثر منك وربنا يتقبلة ويشفع لكم ف الجنة ربح البيع ربح البيع هو حي يرزق وهم الاموات الاحياء

[عصمتووف]

#1284489 [عبدالله الحلاوي]
3.00/5 (1 صوت)

06-13-2015 09:31 PM
لا تعليق

[عبدالله الحلاوي]

#1284484 [كلام في كلم]
5.00/5 (3 صوت)

06-13-2015 09:20 PM
لاحولا ولا قوة الاباالله وانا لله وانا اليه راجعون

كلامك كله حقيقه والله والدور لينا واحد واحد حنموت علي ايدي عصابات البشبر

[كلام في كلم]

ردود على كلام في كلم
United States [قلبي على وطني] 06-14-2015 02:04 AM
بدون تعليق............................................................
..............................................................
.............................................................
..............................................................



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة