الأخبار
أخبار إقليمية
اجتماع سري لقادة "حزب البشير " يثير حفيظة الدائرة العسكرية المقربة من البشير
اجتماع سري لقادة "حزب البشير " يثير حفيظة الدائرة العسكرية المقربة من البشير
اجتماع سري لقادة


06-15-2015 03:06 AM
الراكوبة - الخرطوم تفجرت الاوضاع بصورة غير مسبوقة، داخل الحكومة السودانية، وبرزت نذر خلافات عاصفة، على خلفية حكم المحكمة العليا في دولة جنوب افريقيا الذي قضى بمنع البشير من مغادرة جوهانسبيرج والعودة الى الخرطوم.

وشهدت اروقة حزب المؤتمر الوطني تحركات كثيفة، لدراسة الحادثة ومتابعة تطورات الاوضاع. وبناء على ذلك انعقد اجتماع كبير بالبرلمان، حضره نائب رئيس حزب المؤتمر الوطني الجديد ابرهيم محمود حامد، الذي لا علاقة له بالبرلمان.

وباغت دخول المهندس ابراهيم محمود حامد الى مبنى البرلمان، الصحفييين والمراقبين قبل ان ينخرط في اجتماع مطوّل مع رئيس البرلمان ابراهيم احمد عمر.

وقالت مصادر مأذونة لـ (الراكوبة)، إن الاجتماع الذي ضم نائب رئيس حزب المؤتمر الوطني ورئيس البرلمان، ناقش تطورات الاوضاع في دولة جنوب افريقيا عقب صدور الحكم بمنع البشير من مغادرة جوهانسبيرج الى الخرطوم.

واشارت المصادر الى ان الاجتماع لم يتم بعلم كل قادة حزب البشير، وانه انحصر على الوجوه التي تولت امر الحزب والبرلمان مؤخرا.

وفي الاثناء نشطت المجموعة العسكرية والامنية المقربة من البشير، في اجتماعات ومشارورات مستمرة، لتقييم الوضع، واتخاذ القرار المناسب في الوقت المناسب.

وعلمت (الراكوبة) من مصادر موثوقة أن المجموعة العسكرية انخرطت في مشاورات مكثفة، بعد اجتماع المجموعة السياسية، مشيرا الى ان الخلية العسكرية تبدو كمن لا يثق في المجموعة السياسية، وقال المصدر إن الاجتماع انعقد بصورة سريعة، عقب اجتماع المجموعة السياسية في البرلمان.

واكدت المصادر ان اجتماع الخلية العسكرية، وجه بضرورة استدعاء الضباط اصحاب الرتب الرفيعة، وطالبوهم بان يكونوا على اهبة الاستعداد متى ما طُلب منهم ذلك.

ورجح مراقبون ان يكون اجتماع المجموعة الامنية جاء بقيادة نائب الرئيس بكري حسن صالح، ووزير الدفاع بالنظر عبد الرحيم محمد حسين. وان الاجتماع ربما يكون قد تم بسبب تشكيك الدائرة العسكرية المحيطة بالرئيس في احتمالية حدوث تحرك سياسي مسنود من جماعة علي عثمان أو تيار نافع علي نافع، لذا سارعت الى ضمان ولاء الوحدات العسكرية، خصوصا ان السياسيين فشلوا في تحريك اي مظاهرة، ولو من خمسة اشخاص فقط، لرفض ومناهضة المحكمة العليا في جنوب افريقيا التي اصدرت حكما بمنع البشير من مغادرة جوهانسبيرج.


تعليقات 28 | إهداء 0 | زيارات 46893

التعليقات
#1286211 [nagatabuzaid]
1.00/5 (1 صوت)

06-15-2015 05:59 PM
اين انت يا ابو ريشة الاصلى اظهر علشان اهلك فى الراكوبة يطمئنوا عليك

[nagatabuzaid]

#1286205 [سوداني زهجان من بلدو]
2.00/5 (3 صوت)

06-15-2015 05:53 PM
البلدي دايرا رجال البشير تقول حاكم غنم ما رجال ابنا المهدي ونساء اخوات نسيبة انتو قاعدين تكوركو في الكيبورت بس اموشو اطلعو في الشارع البموت يموت والبحيا الاتمتع بحياة افضل في سودان افضل مابقنب نكورك ساي والبشير ممكن من 1000 محكمة زي دي طال مافي قروش الشعب الضعبف دا

[سوداني زهجان من بلدو]

#1285980 [حنين]
1.75/5 (6 صوت)

06-15-2015 02:05 PM
قصة عجيبة و حيكومة تحير ... في البداية نهائي قالوا بشة ما بمش جنوب أفريقيا الغير ليه رأى و خلاه ينفعل و يعرض ويمش منو ... الشكية لله بعد المساعدين الكتار و النواب زول ساي ينصحه ما في أحرج نفسه و أحرج جنوب أفريقيا الكفوة جاتهم في صمة خشمهم .. نشوف بحلوها كيف ... أسد أفريقيا لما يلقي روحه في قفص الجنائية .

[حنين]

#1285942 [nagatabuzaid]
2.00/5 (3 صوت)

06-15-2015 01:13 PM
طيب يا ناس الحكومة عسكريين وسياسين تعيين جديد والاخرين من انتهت صلاحيتهم ان قلبكم حار ومحكمة جنوب افريقيا سببت لكم خمة النفس والبتباتة خلتكم اجتماعات قايمة واجتماعات قاعدة واجتماعات ام غمتى واجتماعات بالدس وانفسمتوا اجتماعات سياسية واخرى عسكرية كان من الاول قبل ما يسافر تقعدوه فى بطن الواطا وترسوه وتدوه عقلوا وان دعى الامر تجبروه لانه قالوا ريسكم عنيد مثل بعض مخلوقات تتميز بالعناد بسبب الغباء وكنتم ريحتم انفسكم وحفظتوا له ماء وجهه على اى حال نحن كشعب ماء وجهنا محفوظ لانه لايمثلنا ولم ننتخبه فهو رئيس روحه ورئيسكم . واحتمال اجتماعاتكم دى علشان تجهزوا البديل انتم اصلكم غدارين وما عندكم خوة والتسوى كريت تلقاه فى جلدها والسواها رئيسكم فى غيروا حتعملوه فيه هو ونحن نتفرج ونقول سبحان الله

[nagatabuzaid]

ردود على nagatabuzaid
United States [nagatabuzaid] 06-15-2015 05:38 PM
تسلم . وربنا يريحنا من الاحن والمحن والبلاوى والابتلاء

European Union [برتاحــــــــــــــليك] 06-15-2015 04:15 PM
برتاح لــــــــــــــــيك يابت ابوزيد


#1285915 [Lila Farah]
1.00/5 (1 صوت)

06-15-2015 12:44 PM
اتو وين بدريه الترزيه وساميه شلوفه وعفاف تاور واميره الفاضل واشراقه
الكانن كل يو ناطاط بصورهن يصرحن تصريحات اخير منها تصريحات الخال الرئاسي

وينن من البهدله والمرمطه الحاصله علي بشه في جنوب افريقيا؟

[Lila Farah]

ردود على Lila Farah
United States [nagatabuzaid] 06-15-2015 05:57 PM
الكريمة ليلى فرح تحياتى

بدرية قاعدة شايفاها بتفصل وتشرع قوانين ولوائح المجلس التشريعى . اما سامية فارجو عزيزتى ان نكون افضل من المخلوقات دى ونبتعد عن التعيير بخلقة ربنا فى تعليقاتنا ونهاجمهم فى تصرفاتهم وسلوكياتهم واخلاقهم ونوصلهم الحد لكن نبتعد عن الاعراض رغم لسانهم الطويل فى الفاضى نديهم فى المليان وباصول طيب وممن سالتى عنهم عفاف تاور دى باعت قضية المراة فى منطقة النزاعات وباعت اهلها وبدل ما تتبنى ليها طفل يتيم من منطقتها تبنت طفل او طفلة لا اذكر بيضاااء اميرة الفاضل دى احسن واحدة فيهن ما تستاهل تكون كوزة بعد ما فرحنا لانها تركتهم وقلنا نجت بنفسها تاااانى عملت( رجعنالكم ) والمرض القديم بتاور سيدو اما اشراقة زغرادة الجنجويد الله لا طراها هى اصلا جسما غريب منهم بفكوها عكس الهواء وقت ما يدورو ويرجعوها وكت ما يدوروا تزغرد لهم غايتوا ما قصرت مع حميدتى لكن موسى هلال مابعرف زغردت ولا لا

اها يا ليلى قصرت معاك ؟ يللا نمشى المطار نتفرج على استقبال الريس الهارب


#1285877 [الناهة]
3.00/5 (2 صوت)

06-15-2015 12:01 PM
الشق المدني من الانقاذ ويتمثل في جماعة الاخوان المسلمين .. زائدا .. الشق العسكري المتحالف معهم قد وضح جليا ان كل منهما لا يامن لصاحبه ولولا ان الشق العسكري بيده البندقية لكانت الامور بغير ماهي عليه الان

[الناهة]

#1285809 [عواد]
5.00/5 (3 صوت)

06-15-2015 11:06 AM
السيسى رفض الذهاب للمؤتمر خوفا من الاخوان والمنظمات الحقوقية اما البديرى الحمش الاسد النتر مابيخاف وذهب وسوف يرجع منتصر

[عواد]

ردود على عواد
[جيفارا] 06-15-2015 11:21 PM
ياعواد شايف في غنم قاعده تعقب علي كلامك

[abushanab] 06-15-2015 02:39 PM
ما الذى يجعل السيسى يخاف من السفر..فهو ليس مطلوبا لاى محكمة فى العالم ناهيك عن لاهاى ..

السيسى زار فى عام واحد عدد من الدول لم يحلم التور النتر بزيارتها طوال الستة وعشرين عاما التى قضاها فى الزريبة..

European Union [العازة] 06-15-2015 12:52 PM
قول للأسد النتر /البديرى الحمش المابيخاف / ما يخاف شديد حتى لا تصيبه نوبة قلبية / الجماعة لو عايزين كان أخدوهو زمان / بس يخاف شديييييييييد من الثعالب الجيعانة - في الخرطوم * جماعتو / يا صاحب الأسد النتر سلامة عقلك

[كاره الكيزان محب السودان] 06-15-2015 12:24 PM
من حق السيسي ان يخاف على نفسه وبلده فالسيسي لم يتجاوز حكمه العام إلا بقليل وموته في هذه الفترة قد يعرض مصر لهرج ومرج يقضي عليها كليا. كما ان الكيزان قوم إرهاب ولا يخافون الله في قتل الذمم، كما انهم بارعين في التخطيط الاجرامي والارهابي فهو لا يأمن شرهم لذا فضل عدم الذهاب.

أما بخصوص البشير، فالامر مختلف تماما البشير، طل يحكم السودان لمدة ستة وعشرون عاما لم تثمر غير القحط والجدب والمآسين. وقد مكن حزبه من السيطرة على مفاصل السلطة في كل شبر من السودان مما يمكنهم من السيطرة على اي تداعيات قد تنجم من جراء إعتقاله او موته. اللهم سوف يققد نفسه في الحالتين إن شاء الله.

اللهم إن خرج من هذا فدبر له ما لا يتستطيع الخروج منه، اللهم خذه وعصابة الجبهة الاجرامية اخذ عزيز مقتدر وأرح الشعب السوداني عن شرورهم يا قادر يا كريم.


#1285804 [فريد عبد الكريم محمد]
5.00/5 (1 صوت)

06-15-2015 10:59 AM
يا أخون هو البشير دا الشلاقة ليهو شنو هو عارف أنو في سفروا هذا مخاطرة وتهور أرعن وهو يعرف إنو الكيزان ممكن يبيعوا بدولار واحد يعني ماعندو البنصحوا لو وداد بابكر مثلاً ليه مورط نفسو كان يرسل المدعو حسبو هذا لانو بحب الكلام والفشخرة وهذا إجتماع علاقات عامة لا بيودي ولا بجيب

[فريد عبد الكريم محمد]

#1285784 [Floors]
1.63/5 (4 صوت)

06-15-2015 10:47 AM
يا عالم ياغجر المحكمة الجنائية لاترغب في القبض على الشاويش السفاح وقلناها ليكم مليون مرة ولو أرادت ذلك لتم القبض عليه في حوش بانقا وإنما ذلك عبارة عن مسرحية من المجتمع الدولي وأمريكا لإدخال الرعب في قلب الشاويش والذي هو أصلاً مرتعش الإيادي من صدور الحكم !!! أما تجديد الطلب مرة اخرى إنما هو الضغط عليه لتقديم تنازلات جديدة بفصل الغرب والشرق وجبال النوبة ولهم جراً ، لذا يعتبر السفاح خطر على ماتبقى من السودان ننصحك الكسالى المحنطين التخلص منه للحفاظ على الجزيرة والخرطوووووووووووووووووووووووم!!!!!!!!!!!!!!!!!!!

[Floors]

ردود على Floors
[Safsafhaba] 06-15-2015 12:16 PM
يا سيد ياواطي السودان دا فيه فقط الخرطوم والجزيره


#1285775 [شاهد اثبات]
4.00/5 (3 صوت)

06-15-2015 10:43 AM
ماذا بعد حقبة البشير ورهطه المفسدين؟؟
نحن سودانيين ديموقراطية وست منستر نحن مريدين السيد عبدالرحمن المهدي"الاسطورة" الذين بنو الخليج وسلطنة عمان وكثير من الدول الافريقيةفي الزمن الجميل ...وليس سودانيين "الاستحمار "المصري والصاغ صلاح سالم من ناصريين وشيوعيين واخوان مسلمين وامجد الان الدكتور منصور خالد اخر ما تبقى من هذا الجيل الذهبي النقيالذى قال اتفاقية نيفاشا هي خارطة الطريق الوحيدة للسودان الحقيقي الضاع 60 سنة لذلك اعتبر ان اتفاقية نيفاشا ودستور 2005 ومشروع السودان الجديد هو المرجعية والوحيدة التي تعيد العصر الذهبي للسودان وتعيد دولة الجنوب لحضن الوطن عبر برنامج باسيط جدا يمكلك للشعب السوداني عبر وسائل الاعلام
1- تفعيل المحكمة الدستورية العليا برفدا بتسعة قضاة محترمين ولتقوم بمهتها في الدستور في استعادة النظام والقانون ودارة المرحلة الانتقالية بعد سقوط النظام باي كيفية
2- قومية المفوضية العليا للانتخابات لاشراك الشعب في التغيير
3- استعادة علم الاستقلال والشعار عبر استفتاء شعبي
4- الغاء الولايات واستعادة الاقاليم بتاعة العصر الذهبي"اديس ابابا 1972" واجراء انتخابات حاكم اقليم ونائب اقليم
5- تفعيل مبادرة نافع عقار 2011 للمنطقتين
6- تفعيل سلام دارفور مع المشورة الشعبية لكل سكان الاقاليم دون وصاية فوقية
7- تفعيل الحريات الاربعة والجنسية المزدوجة مع دولة جنوب السودان وليس مصر
8- العدالة الانتقالية من اختصاص المحاكم بعد انتخاب حكومة دائمة ودستور دائم ولا مجال لتصفية حسابات في مرحلة انتقالية...من اناس نهم نفس الارث الاخلاقي والسياسي المشين من 1964-2015

شفتوا البرنامج بسيط كيف بعيدا عن جعجعة نخب المركز المزمنة والعاطلة عن المواهب...لابد من تجهيز البديل قبل ان تغرق البلد في الفوضى الخلاقة..

[شاهد اثبات]

ردود على شاهد اثبات
European Union [شاهد اثبات] 06-16-2015 10:20 AM
يا ابو محمد
اتفاقية الميرغني /قرنق 1988لم تحل مشكلة التوزيع العادل للسلطة وللثروة لان انقلاب الانقاذ بتاع الاخوان المسلمين بتاع البشير "خادم المصحف الشريف" قطع الطريق امام المؤتمر القومي الدستوري ...الذى كان سياتي بنفس اتفاقية نيفاشا ودستور 2005

فقط ازمة المعارضة القديمة بتاعة حقي سميح وحق الناس ليه شتيح وجماعة "دعوني اعيش" من ناحية اخرى وهم اخر ما تبقى للبشير الناجح بي 94% في انتخابات الرجرجة الاخيرة هم من افسد اتفاقية نيفاشا ودستور 2005 والقواعد المضللة لا تقرا ولا تفهم...ارجع لكتاب منصور خالد "السودان تناقص الاوتاد وتكاثر الزعازع2010"اذا كنا ما قادر تقرا نيفاشا ودستور 2005 بنفسك...ولمن تقرا نيفاشا والدستور حستوعب النقاط المفصلية الثامنية الفوق دي وهي البتغيير السودان جذريا...والبشير فاقد اهلية والشرعية الدستورية والمعارضة الغبية لا تدير الصراع في مستوى الدستور"ثورة دستورية" لذلك انصرف عنها الشعب والاقليم والعالم..وبقينا مع الملسلسل المكسيكي المدبلج بتاع المحكمة الجنائية والبلد البقت المذبلة..

[ابو محمد] 06-15-2015 01:46 PM
كل مرجعية قانونية او دستورية او اتفاقية غير اتفاقية الميرغني / قرنق لا تصب في مصلحة الوطن والمواطن وهذه حقيقة لا ينكرها الا مكابر !! واي اتفاقية او قانون او دستور او اجراء قام به الكيزان يرمي في المقام الاول والاخير لتثبت سلطان الكيزان وتقنين النهب والسرقة وتجاوز القانون !! ويهدف الى تقسيم السودان والحروب الدائرة الان دليل على ذلك !! والعدل لا ياتي من الظالم الكذوب صاحب المصلحة الشخصية التي يراها فوق المصلحة العامة ومصلحة الوطن والمواطن!! واي تواجد لاي من كولدر هذه الجماعة الارهابية السمتعمرة لا يصب في مصلحة الوطن ووحدة الوطن ورفع الظلم عن الشعب السوداني !!


#1285726 [الدبلوماسي]
5.00/5 (3 صوت)

06-15-2015 09:47 AM
السلام عليكم
نتمعن الموقف بنظرة حصيف، الاحتمال الأول : صدقوني المسألة في نظري الشخصي ضغوط لتقديم تنازلات اكثر لتمزيق الوطن ولنيل الرضى وتشريد الكوادر وخلق حلقة من الفراغ ،وفي نفس الوقت تلميع لشخص البشير لعدم خضوعة لمحكمة العدل الدولية في حالة اطلاق السراح، وعلما بأن السيد قد فاز في انتخابات حرة كما يدعون ، ودي تنبيه يعني لو منتخب ولا ما منتخب وشعبك مرحب بيك ولا غير مرحب بيك ( انت في نطاق المحكمة الجنائية مهما طالت الفترة )يعني قرصة اضان وفكو.
الاحتمال الثاني : لمع نجم آخر ويستطيع هذا النجم الجديد تمرير اجندة فصل الدولة إلي دويلات وعدم استقرار اقتصادي وجعل الدولة في حالة عدم تنظيم وهو المطلوب لعدم الاستفادة من موارد البلاد لحين حوجة الغرب اليها.
وتعميق شرخ القبلية والجهوية وتميز بالقبيلة وذلك طمس الهوية والروح الوطنية أتمني من كل قلبي أن ترجع اللُحمة كما كانت لا لقبيلة ولا لحزب فيكون انتمائي إني ســـــــــوداني ))

(( تتغير الانظمة إن طال أمدها ،، لكن السؤال هل يرجع حال السوداني كما كان احلاق - صدق - كرم - حب الاخر قبل الذات - الروح الوطنية- الغيرة علي كل شبر من الوطن إن رجعت هذه سقطت لعبة الساسة القذرة في مستنقعاتهم ؟؟؟

[الدبلوماسي]

ردود على الدبلوماسي
[سوداني غيور علي بلدي] 06-15-2015 01:57 PM
الاخ الدبلماسي انت و الله تستحق الاشادة لانك فاهم بالجد السودان و تاريخه ودي العقلية المفروض تكون في المرحلة الجاية


#1285717 [محمد الفاتح]
5.00/5 (2 صوت)

06-15-2015 09:43 AM
وصل الرئيس المحبوب أسد إفريقيا وقائد معارك بدر الكبري بالسودان وصل سليما معافي يحاكي في مشيتة صولة الأسد وصوته كزئير الأسد الذي تخافه الجرذان فلله الحمد والمنة وله الركوع والسجود فشكرا لك ياربي بما أنعمت علينا بالإسلام وطبقت فينا شرعك

[محمد الفاتح]

ردود على محمد الفاتح
[halffaa] 06-16-2015 04:25 AM
هههههههههه انت مسكين يا تعلب لانك تابع ذليل لازم تقول لسيدك شبيك لبيك اسال الله ان ينتقم منكم كلكم

European Union [abdelrahman ali] 06-15-2015 09:57 PM
خاف الله يامحمد الفاتح....
وين الشرع المطبق فيك?
لا تقصد شريعة الكيزان?

European Union [أسامة] 06-15-2015 01:37 PM
ونعمة بالله، طال ما أنتم أيها الكيزان مؤمنين بأن المولى عز وجل أنعم عليكم
بالإسلام وطبق شرعه فيكم لماذا تتاجرون بدينه من أجل المال والسلطة ؟
لماذا تحرمون الخلال وتحللون الحرام ؟ لماذا تقتلون الأطفال وتغتصبون النساء؟ دين أبوكم أسمه أيه يا ود الفاتح ؟

[abusami] 06-15-2015 10:28 AM
صوته كزئير الأسد الذي تخافه الجرذان رئيسك النعجة وكفي .


#1285705 [محمد الفاتح]
5.00/5 (2 صوت)

06-15-2015 09:30 AM
عاوزين تعملوا فتنة هاهاهاهاهاهاهاهاها (هئ هئ هئ عليكم)

[محمد الفاتح]

#1285695 [جركان فاضى]
3.00/5 (2 صوت)

06-15-2015 09:18 AM
تلقى امريكا تحت تحت تقول لى بكرى نط فيها نط فيها...لكن بكرى ماحينط فيها لسببين: الاول: خواف بعد جسمو الكبير دا....والثانى ان الرئيس لازم يكون كلامو كتير وبكرى لايحب الكلام ذاتو

[جركان فاضى]

ردود على جركان فاضى
[عزة عبد الكريم] 06-16-2015 12:25 AM
يا ابوي اسكت انت طلعتة اكبر ماسورة في الراكوبة
انا لو منك بغير اسمي.


#1285692 [الغرباوى]
5.00/5 (3 صوت)

06-15-2015 09:16 AM
متين الراكوبة دى توقف كضب ؟

[الغرباوى]

ردود على الغرباوى
[nagatabuzaid] 06-15-2015 01:26 PM
لما انتوا تقولوا الصدق ّ!ّ!ّ!ّ!ّ!ّ!ّ!ّ!ّ!ّ!ّ!ّ!ّ!ّ!


#1285670 [وجهة نظر]
5.00/5 (2 صوت)

06-15-2015 09:03 AM
انت يا جماعة ما سمعتوا تسجيل المناضلة تراجي الاخير و لا شنو
ما قالت ليكم ناس المعارضة و الحركات ديل بضحكوا عليكم و يبيعوا ليكم الهواء
و لا تسمعوا كلام البضحكم بس

[وجهة نظر]

#1285650 [وجهة نظر]
0.00/5 (0 صوت)

06-15-2015 08:49 AM
الردحي الردحي الردحي

[وجهة نظر]

#1285648 [المستعرب الخلوي]
3.00/5 (2 صوت)

06-15-2015 08:48 AM
دي لحظة مفصلية بينا و بين إنسانيتنا لحظة تاريخية عشان نعمل على تحقيق العدالة لمئات الألف الذين قتلوا على يد عمر البشير و بتعليمات مباشرة منه أوامر عسكرية بالإبادة الجماعية والاغتصاب وإهدار الكرامة الانسانية لاهلنا في دارفور في خلال الساعات القادمة لو استطعنا خلال ان ندعم مجهودات المعارضة الجنوب افريقية وخاصة حزب التحالف والوطني بقيادة الشاب مموسي مايمان زعيم المعارضة هنالك والذي يمثل أمل جديد لجنوب افريقيا وإفريقيا لتحقيق العدالة ومناهضة العنصرية وحزب التحالف الوطني يحتاج الى دعمنا من اجل الوصول تحقيق العدالة والوقوف في وجه رؤوساء الاتحاد الأفريقي وعلى رأسهم جاكوب زووما و الذين يقومون بحماية عمر البشير المتهم بالإبادة الجماعية وعدم تنفيذ مذكرة التوقيف الخاصة به والصادرة من قبل المحكمة الجنائية الدولية ...
توجه هذا الخطاب في الصفحة الشخصية ل مموسي مايمان في الفيس بوك
وفي صفحة الحزب ايضاً
ثلاثة دقائق منك تصنع الفارق في تاريخنا وتقوى موقف مايمان في وجه الطغاة
وننشر على أوسع نطاق أمامنا ساعات فقط
...
دي صفحة الحزب
https://m.facebook.com/DemocraticAlliance?ref=context_row
دي صفحة ماميان
https://m.facebook.com/mmusimaimaneforjohannesburg
ده الخطاب باللغة الانجليزية


June 14, 2015

Open letter to H.E. Mmusi Maimane

Chairman of the Democratic Alliance

South Africa

Dear Sir,

We are addressing your Excellency regarding the decision of the supreme court of the Republic of South Africa to abandon President Omer Hassan Ahmed Al-Bashier from leaving South Africa’s territories until the court decides the request of detention made against him made by the ICC. And there by we would highlight the following:

1. We as Sudanese believe that general Omer Hassan Ahmed Al- Bashir, and during his period in office as a president of Sudan is responsible of committing war crimes, ethnic cleansing, genocide and crimes against humanity, especially in Darfur, Nuba Mountains and other parts of Sudan. These allegations against him are proved by many committees formed by the ICC and other independent entities.

2. As far as we know that the republic of South Africa is part of the Rom Declaration, and there by the decision made by the Supreme Court is in line with South Africa commitment and policies.

3. Based on this, we would to express our appreciation to the decision of the court and we as Sudanese activists believes that, this decision serves justice and by the end of the day general Al-Bashoer should face the justice where it could be to defend himself against all atrocities that he and his government made in Sudan since the 30th of June 1989.

4. Finally, we believe that justice will prevail, and all South African people and its political forces are committed to serve justice, prevalence of human rights and peace in Africa. In Addition we know that the judiciary system in South Africa is independent and this decision is taken upon its commitment to justice, and we hope that the court will stick to its commitment and hand General Al- Bashier to the ICC.

Signatories
إنهاء الدردشة

[المستعرب الخلوي]

#1285622 [habbani]
2.47/5 (9 صوت)

06-15-2015 08:33 AM
يقومون بمظاهرة على حكم قضائى فى القاهرة على مصريين ولا يخرجون فى مظاهرة على حكم فى بريتوريا على رئيسهم ورئيس الحركة الإسلامية .

[habbani]

#1285556 [المتجهجه بسبب الانفصال]
2.97/5 (8 صوت)

06-15-2015 07:07 AM
الاسلامويون باعوا البشير ،، وضح ذلك في الانتخابات الاخيرة وعدم حشدهم كالعادة لعضويتهم والرجرجة والدهماء في العملية الانتخابية،، أتمنى أن يكتشف العسكر ذلك ويوجهوا ضربة قوية لهذا التنظيم الشيطاني وتصفيته كما فعل عبدالناصر في مصر حتى يعلم الذين ظلموا أي منقلب سينقلبون،،، ثم بعد ذلك سيكون التخلص من العسكر والمليشيات أسهل بكثير،،، هل الثعلب علي عثمان يستحمل ان يبقى بعيدا عن السلطة،، وهل نافع الشتام يستحمل ان يكون بعيدا عن المايكرفونات ليشتم شمال ويمين،،، التخلص من الترابي بيد أبنائه،، ثم التخلص من أبناء الترابي بيد العساكر الذين أتوا به ،،، الاسلامويون سيحركون الشارع اذا شعروا بالخطر على انفسهم حتى يستبقوا ضربة العسكر لهم،،، ولكن الامر اكثر تعقيدا من أيام نميري الاخيرة هذه المرة.......

[المتجهجه بسبب الانفصال]

#1285554 [علي]
2.00/5 (4 صوت)

06-15-2015 07:02 AM
هذا نسج خيال ليس الا

[علي]

#1285533 [محمدالمكيتبراهيم]
1.96/5 (7 صوت)

06-15-2015 06:07 AM
وقع العصفور في الشرك وعلى الصيادين ان يسرعوا لذبحه واكل لحمه .العسكر والكيزان ليسوا الورثة الوحيدين فنحن ايضا لنا في التركة نصيب,مطلوب مبادرة شبابية تثبت حقنا في التركة

[محمدالمكيتبراهيم]

#1285523 [ابوقنفد]
1.00/5 (1 صوت)

06-15-2015 05:45 AM
Sources have confirmed that the South African government and Sudanese president Omar el Bashir have struck a deal, allowing the alleged war criminal to leave the country on Sunday night.

IOL understands that Bashir will leave tonight despite a court order banning him from leaving.

وأكدت المصادر أن حكومة جنوب افريقيا والرئيس السوداني عمر البشير قد التوصل الى اتفاق، مما يتيح للمجرم حرب مزعومة لمغادرة البلاد ليلة الاحد.

أون لاين.نت IOL
يدرك أن البشير سيغادر الليلة على الرغم من أمر من المحكمة بمنعه من مغادرة البلاد.


هوي ياناس زولكم دي طلع منها باتفاق٠ الاتفاق دي بنود ِشنو٠ زولكم دي كدي قلبو و فتشو شمال و يمين كويس المره دى ما يكون اداهم كردفان و ددارفور٠
زوما بتاع ج افريقيه شكلو مامريح وسمعته ماكويسه٠

[ابوقنفد]

ردود على ابوقنفد
[الجقديب] 06-15-2015 08:45 AM
ود أبو القنوووت .. يسلم ضراعك وصح لسانك ..

أساساً المعلم أداهم دارفور وأنا أقسم بالله على ذلك ..

سمعتو مباشر من واحد صديقنا شغال في السي آي إيه في قسم معني بالشرق الأوسط وشرق أفريقيا ..

ههععع عامل فيها عنتر لكن هو ما عنتر ,,


#1285521 [عمرابي]
1.75/5 (4 صوت)

06-15-2015 05:42 AM
يعني مافي حل من الكيزان
فات عمر اجي نافع وله علي عثمان

[عمرابي]

#1285512 [zolah]
1.30/5 (8 صوت)

06-15-2015 04:46 AM
هههههه ده بمليون روح الله الوحيد القادر علي خلاصنا منه ....
ساعتين ويجيكم ناطي

[zolah]

#1285502 [kenneth]
1.85/5 (6 صوت)

06-15-2015 03:53 AM
الكلام دخل الحوش

[kenneth]

#1285499 [أسامة]
1.82/5 (6 صوت)

06-15-2015 03:46 AM
اها يا الكيزان يا أولاد الكب لو صحي انتم رجال قولوا جنوب أفريقيا دنى عذابها .

[أسامة]

ردود على أسامة
[nagatabuzaid] 06-15-2015 12:59 PM
رد على بدر :

اكاد اجزم انك لا من المعارضة ولا من الحكومة تعليقك يدل على ذلك لانه مخلوقات الحكومة رغم انها ابلد من البلادة لكن لا يمكن يعلقوا بالاسلوب ده على الاقل فى الظروف دى انهم ايضا امكر من المكر و_(هبل) بتاعهم لسه هناك غايتوا تكون جدادة رايحة مررت بكوشة لقيت جداد الجماعة بلقط اتلميت عليهم اعمل حسابك ديل كان لموا فيك بعدموك الريشة سجم خشششششششششششمك

[واحد عاقل] 06-15-2015 09:17 AM
جنوب افريقيا مع البشير قلبا وقالبا والسعوديه ومصر والخليج

[badr] 06-15-2015 08:49 AM
اعلم ان لو حصل اعتقال ان سبحصل ما لا يحمد عقباه وان اي دبلماسي غربي سيفقد روحة ويموت سدا ونحن غير ملزمين يتوفير الحماية لا فرد


#1285497 [كاسـترو عبدالحـمـيـد]
2.94/5 (16 صوت)

06-15-2015 03:36 AM
البشير اصبح الآن فى حكم المنتهى كونه رئيسا للسودان مستقبلا سواء عاد او لم يعد . يجب الأتفاق على شخصية قومية محايدة تكون رئيسا لفترة مؤقتة لحين اجراء انتخابات نزيهة ولا يجب ترك الأمور بعد الآن فى يد الماسكين فى الحكم . يجب اشراك المعارضة السلمية والمسلحة ولو لاحقا فى وضع السودان داخليا ويجب اشراك الجميع مؤيدين ومعارضين لأن البلد لن تتحمل اى فوضى خاصة وان وضع السودان اقتصاديا ردئ وهو سوف يشعل غضب المواطنين ورمضان على الأبواب .

[كاسـترو عبدالحـمـيـد]

ردود على كاسـترو عبدالحـمـيـد
[واحد عاقل] 06-15-2015 09:16 AM
احلام
وين المعارضه المسلحه اياهم ناس دارفور الكلو مره يرسلوا بعضهم للسلام والاخر يقاتل وهكذا
وين اراضيهم ويسيطلرون على كم من مساحه السودان

European Union [يوسف] 06-15-2015 07:36 AM
المنطق والواقع يقول ان المعارضة الان اسؤ مليون مرة من الحكومة والحركات المسلحة كل خمسه افراد كونو ليهم حركة واذا كان هدف المعارضة ونواياهم سليمه كانو كلهم يكونو متفقين بقيادة موحدة ولكن اتحدى ان تتفق حركتين فقط على راى واحد ما بالك بالف حركة اذا كان الفصيل الواحد كل اسبوع ينشق منه فصيل اخر هل يرى منهم خير للبلد الشئ الوحيد المتفقين عليه هو ذهاب حكومة البشير طيب تذهب حكومه البشير كيف تضمن من هولاء الاتفاق على مصلحة السودان وكل واحد يرى انه صاح والباقين غلط ويا خوفى من ان يصير السودان اذا جاء هولاء اسؤ من الصومال

[observor] 06-15-2015 06:16 AM
يا كيزان يا اولاد الهرمه يوجد صاروخ موجه بأحد صواني ام درمان المهترئه نحو الشمال في اتجاه مصر - من الان فصاعداً نرجو منكم توجيه هذا الصاروخ الرهيب في اتجاه الجنوب نحو دولة جنوب افريقيا عسى ان يصيبهم الرعب ويفكوا عمر بشكير من الاسر ....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة