الأخبار
أخبار إقليمية
بالصوت: حميدتي .. القوات النظامية متورطة في عمليات السلب والنهب بدارفور
بالصوت: حميدتي .. القوات النظامية متورطة في عمليات السلب والنهب بدارفور
بالصوت: حميدتي .. القوات النظامية متورطة في عمليات السلب والنهب بدارفور


قائد الجنجويد يطالب بإعدام من يتم القبض عليهم فورا
06-16-2015 12:39 PM
الراكوبة - نيالا شنّ قائد مليشيا الدعم السريع المتهمة بارتكاب جرائم حرب وفظاعات ضد الانسانية بدرافور، محمد حمدان دقلو الشهير بـ "حميدتي" هجوما غير مسبوق على الاجهزة النظامية، واتهمها علانية - وبصورة صريحة - بالتورط في عمليات النهب والسلب والسرقة التي تحدث في دارفور. وطالب الدولة بحسم وردع افراد الجيش الحكومي وجهاز أمن البشير والشرطة الذين يتم ضبطهم في عمليات نهب او سلب او سرقة.

واشار حميدتي الى ان غالبية الذين يتم قبضهم في عمليات السلب والنهب، ينتمون الى الاجهزة النظامية، وانهم لا يجدون اي محاكمة، ويتم اطلاق سراحهم بحجة انه لا توجد اي بينة او دليل ضدهم.

وقال قائد مليشيا الدعم السريع المتهمة بارتكاب جرائم حرب وفظاعات ضد الانسانية بدرافور، محمد حمدان دقلو الشهير بـ "حميدتي" في احتفال استقبال والي ولاية جنوب دارفور اللواء ادم الفكي، بنيالا يوم الاثنين، في كل مرة نقوم بالقبض على بعض المجرمين الذين تورطوا في عمليات النهب والسلب والسرقة، ونسلمهم الى الشرطة، لكن يتم اطلاق سراحهم بصورة غريبة ومتكررة.

وكشف "حميدتي" ان ستة من الذين تم القبض عليهم في محلية عد الفرسان مؤخرا، ينتمي خمسة منهم الى الجيش الحكومي. ومضى يقول موجها حديثه الى الوالي: "شغلنا بقى ما فيهو اهمية، والمجرمين الذين نقبضهم يتم اطلاق سراحهم فورا من قبل الشرطة، بحجة عدم وجود بينة او دليل.. والشرطة تعمل بالقانون، ولو الشغل دة بقى شغل قانون كل المجرمين سوف يتم اطلاق سراحهم.. وبالطريقة دي لن نستطيع ان نعمل، ونحن نريد محكمة جايرة "على حد تعبيره"، لتتم محاكمة كل من يقبض عليه في جرائم سلب ونهب، وان يتم ترحيلهم فورا الى بورتسودان".

مشيرا الى انه لابد من محاكمة كل من يتم القبض عليه في جرائم السلب والنهب والسرقة، واردف قائلا: "السيد الوالي، نحن نقول لك بوضوح إن هؤلاء الذين يتم القبض عليهم في جرائم السرقة والسلب والنهب، فيهم منسوبي الاجهزة النظامية الذين يصرفون مرتباتهم من الدولة.. والاجهزة الامنية تعرف كل حرامي في البلد دي، لكن عاملين دي بي طينة ودي بعجينة"، في اشارة الى سكوت الحكومة وغضها الطرف عن الجرائم التي يتورط فيها منسوبو الاجهزة النظامية.

.


تعليقات 69 | إهداء 1 | زيارات 35941

صفحة 1 من 212>
التعليقات
#1288522 [ثورة الزنج]
5.00/5 (1 صوت)

06-18-2015 05:48 PM
بعد انتصار ثورة (قوى السودان الجديد) سوف لن يسمح لمن ينتسبون إلى الشريف النظيف أو الحسيب النسيب أو سلالة المهدي المنتظر أن تعود لتتسلط على رقابنا أو تعبث بثرواتنا أو تختال بيننا و كأننا من رقيق القرن الثامن عشر وهم من سادة قريش و بني أمية.
السودان يعيش لحظات الولادة والمخاض… لمن يسمع أو يرى أو يمعن النظر… السودان يمور مرجله الآن وسوف يخرج المارد من قمقمه … سيأتي للسودان (أهله) ومن هو (مؤهل) لحكمه وفقاً لإرادة (السواد الأعظم و الغالبية الأعم)… فلا مجال لأقلية مزيفة دينياً وثقافياً أن تحكمه مجدداً… انتهى آوان ذلك، وأمامهم خيارين لا ثالث: القتال حتى آخر قطرة من الدم… أو الخضوع والاستسلام والتسليم لإرادة أهل السودان الغالبة و المنتصرة حتماً … فكما تدين تدان.

[ثورة الزنج]

#1288274 [ود قريضه]
0.00/5 (0 صوت)

06-18-2015 11:02 AM
انا ادعو من هذا المنبرالحركات المسلحة في دارفور الي التفاوض مع حميدتي الحاكم الفعلي لدارفور وعدم تضييع الوقت مع نظام الحرطوم في اديس ابابا. الافضل ان تصادق الدبيب وليس ساعي الدبيب. واقعيا ليست هناك قوات مسلحة بل هنالك دعم سريع من يقاتل الحركات ومن يقتل ويحرق القرى هو الدعم السريع بمسماه الجديد ولو هناك قوات مسلحة او رجال في دارفور لما حرقت القري وتم تشريد الابرياء. وللاسف الشديد الحركات المسلحة ليس لديها رؤية ولا تخلو من ممارسات قوات حميدتي ويكفي ان الاقتتال الداخلي بينها سقط فيها مئات العشرات من القادة الميدانيين الشرفاء بدواعي قبلية واطماع شخصية وغيره ويكفي انهم غير قادرون على التوحد ولو ادى ذلك الى فنائهم.

[ود قريضه]

#1288246 [Ali S. Alberjo]
0.00/5 (0 صوت)

06-18-2015 10:26 AM
"لاَ يُكَلِّفُ اللّهُ نَفْساً إِلاَّ وُسْعَهَا" ""فمن شهد منكم الشهر فليصمه" صدق الله العظيم- لا بأس من الاسترخاء قليلاً من الترف السياسي وقطط الإنقاذ السمان الذين يحبون أن يزينوا لأنفسهم الضرورات التي تبيح لهم الخروج عن شرع الله. والرجوع الى الله في أول يوم من شهر الطاعات فأجعلوا كل أعمالكم مليئة بالعطاء والزهد والصحة والنشاط وانظروا بعين الرحمةالى الشعوب التي تصوم الدهر كله من الفاقة والفقر والمرض تحت وابل رصاص الطاغية.

[Ali S. Alberjo]

#1288194 [مجروس ق ش م]
0.00/5 (0 صوت)

06-18-2015 09:16 AM
هذا زمان الحمير في السودان .حميرتي في دارفور والبشر في الخرطوم وأصبح الشعب السوداني مجموعة حمير يقودهم حمار لو كنت مكان قائد الفرقة السابعة لأمرت بتصفية هذا الحمار بدون الرجوع للقيادة العامة وبدون محاكمة

[مجروس ق ش م]

#1288098 [تواه]
0.00/5 (0 صوت)

06-18-2015 12:43 AM
اتهام خطير للجيش السودان وعدم مهنية وانضباط من المدعو حميدتي ده كلام يقال في الغرف المغلقة وليس في الخطب .. واتهام الجيش والشرطة بتورط افرادها في النهب يعني زعزعة الاستقرار وعدم الثقة في الجيش والشرطة

[تواه]

#1288022 [الجعلي الفالصو]
5.00/5 (1 صوت)

06-17-2015 08:37 PM
لاحظ أن حميرتي يريد أن يلغي كل الإجراءات القانونية التي تجعل من كل متهم بريئا حتى تثبت إدانته ، بمعنى أي مشتبه يعلق ويشنق دون تحر ، هذا هو الوجه الجديد الذي تمضي عليه دولة البشير في نسختها الهالكة قريبا ، ثم هل من مهمة حميرتي أن يقبض على المجرمين ، وما دور الشرطة في هذه الحالة يريد حميرتي أن يكون جيشا وشرطة وأمنا ، ثم ماهي صفته التي تجعله يخاطب الوالي وين مدير جهاز الأمن والمخابرات ، والله كل السرقات والنهب والخطف الذي يحدث في نياﻻ كان يقوم به الجنجويد تحت ضوء أخضر من جهاز الأمن عندما كانوا مجرد لصوص حمير ترقوا إلى قطاع طرق ثم صاروا ضباطا في جهاز الأمن ، دنيا!!!!!؟

[الجعلي الفالصو]

#1287974 [سايق الفيت]
0.00/5 (0 صوت)

06-17-2015 06:33 PM
اخبار السودان بقت تضحّك ..

[سايق الفيت]

#1287947 [الهادي]
5.00/5 (2 صوت)

06-17-2015 05:33 PM
حميرتي دا زمنك

[الهادي]

#1287938 [Radi Mohamed Ali]
5.00/5 (2 صوت)

06-17-2015 05:10 PM
من هذا ومن أين أتى وما هى مؤهلاته واللبس الكاكى دا جابو من وين والرتبة العسكرىة من اين حصل عليها ودفعتو ناس منو وما هى انجازاته وما هى منطقته والى اي حزب ينتمى وجنسو شنو وداير شنو قبل رمضان يجى لانو الكلام شوية صعب ؟؟؟؟؟؟؟؟؟؟؟؟؟؟؟؟؟ افيدونا يا ناس

[Radi Mohamed Ali]

ردود على Radi Mohamed Ali
European Union [توفيق صالح] 06-17-2015 11:14 PM
انت في سودان بني كوز
فلا تعجب كثيراً !!!!


#1287878 [ابومحمد]
4.00/5 (3 صوت)

06-17-2015 03:42 PM
ايش الفرق بين الجيش النظامي والجنجويد كلهم حاجة واحدة يقتلون ويسرقون وينهبون ويغتصبون وحرقوا القرى بالتضامن بع بعضهم الطيران في الجو (الجيش) والجنجويد بالبر قريبا انشاءالله سترون عجب العجائب .....

[ابومحمد]

#1287876 [ابو السمح]
3.50/5 (4 صوت)

06-17-2015 03:35 PM
اخبار جبال النوبة شنو ؟
ما قلت ماشي تصيف بهناك

[ابو السمح]

#1287834 [ياسر عبدالله]
0.00/5 (0 صوت)

06-17-2015 02:24 PM
يا أتاذ أب احمد2 انت الان تدثت ودافعت عن حميدتي فاقول لك نحن لن يهمنا هذا الشخص كثيرا لانه في قبضتنا لايستطيع الفرار من العدلة السودانيه والذين ايضا يدافعون عنه وبل ازيدك من الشعر بيتا وأفيدك علما بأن شمس السودان سوف تشرق من دارفور بضرب رقاب كل الحركات المسلحة وخاصة التي يقودها الاجانب دخلاء السودان من تشاد وغيرها فنحن مع شعب دارفور لهم بالمرصاد امثال حميدتي وغيره وهم يعرفون انفسهم جيدا فالشعب السوداني سوف يضرب بيد من حديد كل من تسول له نفسه بالتلاعب بامن السودان والمساس بشعبه

[ياسر عبدالله]

#1287771 [الدود]
0.00/5 (0 صوت)

06-17-2015 12:53 PM
عموما الحصل حصل ..... القواات النامية ردها شنو .... هذا القول صحيح ام كذب

[الدود]

#1287766 [موسى محمد]
5.00/5 (2 صوت)

06-17-2015 12:50 PM
للمرة الأولى يقول هذا الرجل الحقيقة ويلمس مباشرة مكان الوجع، فالذي يحدث في دار فور عموما وفي نيالا تحديداً هو من صنع الأجهزة الأمنية والشرطية، فكم من سيارة مسروقة تفاوض فيها الحرامية مع أصحابها داخل مباني الفرقة السادسة عشرة مشاة بنيالا وتم تسليم الفدية لعساكر الإستخبارات وتم تسليم العربة لأصحابها في بوابة الفرقة، كما أن عساكر حميدتي أنفسهم ضالعين في النهب والسلب وفي وضح النهار.
هي فرصة للحكومة ممثلة في زعيم مليشياتها حميدتي لتبيض وجهها والإعتذار لشعب دار فور عما لحق بهم من جورها وبطشها.

[موسى محمد]

#1287731 [توتو بن حميده آل حميده]
1.00/5 (1 صوت)

06-17-2015 12:12 PM
هو دا حميرتي - هذا زمانك يا مهازل .... فأمرحي

[توتو بن حميده آل حميده]

#1287684 [الناهة]
0.00/5 (0 صوت)

06-17-2015 11:31 AM
للاسف الشديد ان نضطر للحديث عن الفساد الذي طال الاجهزة القومية مثل الشرطة والجيش والقضاء لانها من ثوابت الدولة
ولذلك فان انتماء هذه الاجهزة الى حزب او نظام حاكم مثل ما حدث في السودان خلال ال26 عام الماضية ينظر اليه وفقا لمنظومة الفساد التي تشكل اطارا عاما
لا فاسد يحاكم وغياب تام للمحاسبة والرقابة وتحوير للقانون مع غياب الدستور الذي لايحترمه احد والبعض يمكن ان يبدل ويغير الدستور كيفما شاء واراد

[الناهة]

#1287680 [nasir]
1.00/5 (1 صوت)

06-17-2015 11:26 AM
والله حكم في بلد الطيروا عجم والله تستاهلوا يا جيش يا سوداني الكان زمان ويا قوات نظامية حميرتي يد النظام القذر في دارفور لقتل الابرياء وحرق القري الآمنة واغتصاب النساء وعينوه عميد في جهاز الأمن وهو التشادي واتحدي اي ولد بلد يجي يقول عاصر هذا المجرم في مراحل طفولته داخل حدود السودان تستاهلوا يطلعوا زيتكم والله بكرة حميرتي يعلقكم في المشانق ويقتلكم زي الجراد

[nasir]

#1287674 [الحقيقة]
5.00/5 (4 صوت)

06-17-2015 11:20 AM
نقول أسجنوا الصادق يسجنوا،،، نقول فكو الصادق يفكو؟؟

أوامر واجبة التنفيذ وما في مسؤول في الدولة ولا الجيش ولا الأمن يقدر يقول بغم،،


ولمن الدولة تعمل ليها ديش أنحنا قاعدين،، وما في واحد يعمل مجمجة،، وداك الميدان والذخيرة تورى وشها؟؟؟

وعشان كدة جلدوا العميد المسكين داك خريج مصنع الرجال وما في واحد قال ليه حمدالله ع السلامة.

إنهار الوطن صار يحكمها رئيس مطارد دوليا،، ويسيطر عليها اللصوص ويحميها الجنجويد،، قال إنقاذ قال.

لعنة الله عليك يا الترابى.

البربى المحن يلوليها

[الحقيقة]

#1287527 [محمد النعيمش]
0.00/5 (0 صوت)

06-17-2015 08:50 AM
هذه محاوله من الارعن حميدتي لوضع نفسه وقواته التي اكملت كل المفاسد ومارست كل انواع التطهير في دارفور في جانب الذي يدافع عن الحق ولكن هيهات

[محمد النعيمش]

#1287450 [wad elshikh]
0.00/5 (0 صوت)

06-17-2015 08:02 AM
سبحان الله ياجماعة الأجهزة النظامية بالسودان يتم اتهامها بالنهب والسلب .... وناس الصادق لما اتهموا قوات الدعم السريع قامت الدنيا عليهم ... وييييييين هيبة الجيش الكانت .... يعني نتوقع مواجهه بين الجيش والدعم السريع ولا الموضوع دا ح يمر مرور الكرام وتتواصل بهدلة ومرمطة الجيش السوداني

[wad elshikh]

#1287449 [معاويـــــــــــــــــــــــــــــــــــة]
1.00/5 (1 صوت)

06-17-2015 08:01 AM
هذه بدايات الخريف الذى ستطيح سيوله بالانقاذ لك المؤسف جدا ان نرى البلد امام اعيننا تتهالك ورئيسها كاالقط يهرب من دوله الى اخرى وهو مطارد واصاب بحسره اكثر عندما ارى غندور يبكى فى المطار وتنهمر دموعه على ما حدث للبشير فى جنوب افريقيا ولا يتحسر ولايبكى على مرضى الكلى والسرطان والشباب الذين قتلو قبل يومين فى الجريف شرق اههههههههههههههههههههههههههههههههههههههههههههههه يابلد

[معاويـــــــــــــــــــــــــــــــــــة]

#1287445 [ثورة الزنج]
0.00/5 (0 صوت)

06-17-2015 07:58 AM
بدأ الصراع حول هوية السودان ..بدافع إثبات عروبة السودان دون الالتفات البتة إلى العناصر غير العربية التي تشكل قوام الأطراف في الشرق والغرب، الشمال والجنوب ـ . ـ فكأنها غير موجودة .. حيث بدأ الدفاع عن عروبة السودان وعن إسلاميته من الكثيرين .. دون مراعاة لسكانه الاصليين ما قبل دخول الاعراب الى السودان.... فكان لابد لصوت السلاح ان يصيح حتى يسمع هولاء الغزاة صوت هذه العناصر المهمشة.. رغم انها اصيلة.. في السودان .. وليست دخيلة!!

[ثورة الزنج]

#1287408 [ضروس]
5.00/5 (1 صوت)

06-17-2015 06:58 AM
إذا اختلف اللصان ظهر المسروق!!!!! الحمدلله جات منهم!!!
ح يركبوا الطيارة التي بها عطل فني!!!!!ههههههه.

[ضروس]

#1287395 [سوداني انا]
5.00/5 (1 صوت)

06-17-2015 06:07 AM
كل تحليلات الاخوة غير صائبة في رائ لان قوات الدعم السريع ليست بقيادة حميدتي فقط ولكن بحكم معرفتهم بفنون القتال فكل فرد منهم هو حميدتي وموسي هلال
تصريحات حميدتي تاتي من باب المحافظة علي قواته ووضعها في الجزء الاساسي لانقاذ حكومة الانقاذ من الحركات والمعارضات واي انتفاضة قادمة يعني يا سيادة الريس البشير اذا اردت الاستمرارية في الحكم عليك بقوات الدعم السريع ويجب ترقيتهم ووضعهم في مقدمة السياسيين لان بهم جامعيين ومثقفيين وانت تعلم ياسيادة الريس فساد المؤسسة العسكرية والشرطة والامن وكلهم ديل كيزان يعملوا للاطاحة بك فما عليك الا بالدعم السريع فهمتوا ولازيدكم وبكره تشوفوا وتسمعوا

[سوداني انا]

#1287388 [على دينار]
0.00/5 (0 صوت)

06-17-2015 05:31 AM
اطلع الجبل يامرفعين ماتفك اخرك للاسد

[على دينار]

#1287371 [عودة ديجانقو]
5.00/5 (2 صوت)

06-17-2015 02:20 AM
لأول مره إمتدحك يا حميدتى وأحى شجاعتك ولهذا قررت تعينك المتحدث الرسمى وإحتمال رئيس لو زودت العيار شويه وأنا عارفوا ما بغلبك لأنه شفناك فى الصادق....كما أنا متأكد جدا جدا إنه مافى واحد من تنابلة الجيش حيفتح خشموا لأنك حتملاه ليهو تراب.
وسير سير يا حميدتى

[عودة ديجانقو]

#1287300 [عنفوان]
3.50/5 (3 صوت)

06-16-2015 10:34 PM
سبحان الله الذي جعل الناس في البلد المليئة بأهل الخبرة والعلم والأدب يستمعون وينتظرون ما يقوله حميدتي الذي يطالب بمحكمة "جايرة" ... ولله في خلقه شؤون!

[عنفوان]

#1287297 [عبدالواحد المستغرب اشد الإستغراب!!]
5.00/5 (2 صوت)

06-16-2015 10:26 PM
رغم إمتعاضى وقرفى من الصوره التى اراها امامى فى الموقع إلا اننى سعيد كل السعاده من تصريحاته النارية التى واجه بها الوالى وهى ضمنا موجهة للرجال أصحاب الكروش المدلدله وكأنها تحمل جنى تسعة أشهر وقطعا معهم الشرطه!! وموقفه الجسور هذا ذكرنى بالهالك إبراهيم شمس الدين وهو بنجماته الثلاث كيف كان يخاف ويرتعد منه من كانوا اعلى منه رتبه وهذه حقيقة لايستطيع أن ينكرها أحد من الذين عاصروه والجميع يعلم أن تلك الفتره وما بعدها شهدة ومازالت تشهد إنفراط عقد الضبط والربط والقواعد التى كانت راسخه داخل مؤسسة القوات المسلحه ورحم الله تلك الايام،، ومنذ ذلك الوقت لم تستعيد المؤسسه (عزتها وكرامتها العزه والكرامه التى يتحدث عنها شخص قيل إنه احد علماء الاسلام فى دولة السودان!!) شوفتو المهزله شوفتو كيف ومتى تهان وتزل العزه والكرامه وليتهم علموا أن عزة وكرامة الدوله وعلى رآسها رئيس الدوله تنبع من كرامة جيشها وشرطتها وقضاتها وهذه مناسبه لاهمس فى اذن مهرتل هيئة علماء السودان وهو يتحدث متسائلا لماذا لاتوجه المحكمه الجنائيه التهم او تلاحق رؤساء الدول الاخرى التى تنتهك حقوق مواطنيها على حد الهرتله التى هرتل بها وهو يدافع عن سيده وولى نعمته المجرم الجبان والاجابه بسيطه وسهله هذه الدول لها جيوش ولها من القوه بحيث فى إستطاعتها نزع روؤسائهم من داخل اى معتقل فى الكره الارضيه!! وضعف جيش البشير واضح من هكذا تصريحات ويبدو أن البشير وصلت به قناعته الى أن لافائده من جيشه والآن هو يحتمى بأمثال هذا الصبى وماكان لهذا الصبى أن يواجه والى تم تعينه بقرار من رئيس الجمهوريه ليكون ممثلا له فى الولايه المعنيه إلا إذا (كان مالى يده) وبهذه العلانية وبكل هذا الوضوح !!.

[عبدالواحد المستغرب اشد الإستغراب!!]

#1287296 [سلام يا بلادي]
5.00/5 (2 صوت)

06-16-2015 10:26 PM
يبدو ان حميدتى بدا يتدارك الاخطاء الماضية وان نهب وقتل الابرياء فى المدن والقرى يجب وقفها بكل شفافية وهذا اتجاه جيد وشجاع ويجب على كل اهل دارفور الاعتراف بكل الاخطاء الماضية وضرورة تجاوزها بكل رضا ومهما يكن فهذه خطوة جيدة من حميدتى وعليه فعل المزيد وان يسير فى هذا الاتجاه حتى يعود كل اهل القرى المهجرة الى الى قراهم واراضيهم وبيوتهم ويامنوا ارواحهم واموالهم من النهابين وكون ان ينسب هولاء المتفلتين للقوات النظامية فان تحدى كبير جدا يتطلب وقوف الحكومة الى جانب حميدتى وبصراحة تفكير حميدتى وصراحته احيانا افضل من تفكير ونفاق الافندية.

[سلام يا بلادي]

#1287281 [التوم]
3.00/5 (8 صوت)

06-16-2015 09:42 PM
أها ضباط الجيش العاملين نفسهم محترفين ووطنيين وشرفاء رأيهم شنو فى الاستفزاز والاهانة المتواصلة ليهم من الرباطى النصف أمى حميدتى العملوا ليهم البشير عميد فى عينهم.

[التوم]

#1287254 [غريبة جدا]
5.00/5 (2 صوت)

06-16-2015 08:41 PM
مثل هذا التصريح في هذا التوقيت بالذات له معني بعيد جدا
يبدوا انو موضوع الجنائية سخن جد جد والبشير وعي الدرس جيدا
لذلك تم تلقين حميدتي هذا الكلام ليقوله حتي يتم التضحية باحد افراد النظام ككبش فداء وتحميله ماحدث من جرائم بدارفور علي راي المثل المصري اذا جالك الطوفان حط ابنك تحت رجليك

وخير دليل علي ذلك اقالة وزير الدفاع بالنظر الي المعاش مباشرة بعد عودة البشير من جنوب افريقيا

ويبدو انو لمن سخنت مع البشير هناك قال يشوف اقرب زول منبوذ من الجيش والشعب واتسبب في جزء من المأساة في دارفور ان لم يكن كلها فضلا عن تدني قيمته بالنسبة للحكومة واصبح لايقدم شيئا ويضحي به ومااظن يلاقي من يلبي هذه المواصفات زي عبد الرحيم محمد حسين ونافع علي نافع لذلك تمت احالة عبد الرحيم للمعاش بمجرد العودة للبلاد

اما نافع علي نافع فهو المنافس القوي للرئيس في الانتخابات السابقة بل كاد ان يكتسح الرئيس في ترشيح الحزب ولم نسمع له اي صوت او بقن في اليومين الماضيين سكوت غريب ومريب جدا لم نعهده من قبل وهو اللذي دائما يتكلم كانه اخو البشير او مالك المؤتمر الوطني او حاكم السودان يتوعد ويهاجم ويسئ بسبب او بدون سبب وبالاخص للجنائية وايام الانتخابات والمظاهرات

موضوع محاولة اغتيال وزير الدفاع المكلف اظن ان له علاقة وثيقة بشهادة ضد عبد الرحيم محمد حسين ادت الي اقالته علي الفور

علي كل محاولة اغتيال وزير الدفاع المكلف وتصريح حميدتي لهما علاقة وثيقة جدا بشهادة ادت لاقالة عبد الرحيم محمد حسين وتقريبا حميدتي داير يتغدي بمن يدبر محاولات الاغتيال قبل يتعشي به

العوج راي والعديل راي

[غريبة جدا]

#1287243 [عادل السناري]
4.00/5 (6 صوت)

06-16-2015 07:57 PM
هذه القضية تخص هيئة علماء السودان المحدودة للتجارة بالاديان --- لم يوضحوا للقائد الهمام ( حميدتي ) ان الشريعة المتبعة في السودان تقوم علي ركائز فقه السترة و فقه التحلل --- بمعنى اخر ان لا يحاكم في قضايا السرقة و النهب و الاختلاس من هم ينتسبون لهذا النظام و يجب العمل علي ستر كل الجرائم المنسوبة اليهم --- في حالة السرقات الكبيرة المليارية يمكن للسارق ان يتحلل برد جزء من المسروقات للدولة او الضحية يصبح الجزء المتبقي حلالا طيبا --
يا ( حميدتي ) هذه شريعة الدولة الرسالية الانموزج التي احرزت بجدارة المركز الثالث عالميا في الفساد و لازالت تحتفظ به منذ سنين عددا ---
ما تستغرب و لا تورم فشفاشك ساكت --- سيد ( بشة ) زاتو حرامي عايز تحاكم منو تاني --

[عادل السناري]

#1287237 [عصمتووف]
0.00/5 (0 صوت)

06-16-2015 07:48 PM
ابو كوكتين يضحك علي ابو كوكا انت لا تكذب لكنك تجمل ف وجهك لكن من يحاكم من الا من فوق تضرب القراف جمال تخاف ابدا من فوق عسي ان تغسل زنوبك

[عصمتووف]

#1287219 [سيف الدين الجميلى]
5.00/5 (2 صوت)

06-16-2015 07:12 PM
وعد البشير لموسى هلال ان يتم تنصيب حميدتى وزيرآ للدفاع عشان كده حاولو يغتالو الوزير المكلف حتى يخلو لهم الجو..لكن حميدتى استعجل بعد نجاة الوزبر من المحاولة وحمبدنى كايس سبب مع الجيش

[سيف الدين الجميلى]

#1287184 [Khalid Abdalla Ragab]
5.00/5 (1 صوت)

06-16-2015 06:16 PM
Part of what Hamidity said is true. I used to work at Damazin in 1988 and I live in one building not far from the dam and one night some thieves came to our complex and did many thefts that night. I heard some sort of a noise and I took my gun and looked in the rooms of my apartment and I noticed that some of my coworkers who were not available at that time were scattered in the rooms so I went outside and looked around the complex and I awoke the gatekeeper and I traced the thieves inside the adjacent seasonal Khor which goes near the military camp. All the thefts happened while there were some soldiers or new recruit soldiers in the area. This happens because they don't receive salaries that covers all their needs and mainly because they don't chose the good guys in the army as well as in the police. Most of them have criminal records, but who cares? Even the officials are thieves and despite of their crimes no body is going to criminate them or send them to jail. This does not mean that the Janjaweeds are angles! They do kill and rape and I said many times they are mercenaries from Chad and Central Africa brought by this Tyrant Regime to secure their continuation.

[Khalid Abdalla Ragab]

ردود على Khalid Abdalla Ragab
European Union [RABSO] 06-17-2015 11:49 AM
أنت يت خالد عبدالله رجب سوداني وماخد الجنسية البريطانية وما عارفين ؟؟؟
الناس البتصفحوا موقع الراكوبة ما كلهم بيعرفوا أنجليزي ، عشان كده ما حيعرفوا تعليقاتك الجميلة هذه ، يا ريت ترجع لسودانتك العربية عشان يستفيد المتصفحون من كتاباتك .........
ولك الشكر ، و RAMDAN KAREEM


#1287154 [الصوت صوت حميدتي لكن..]
5.00/5 (1 صوت)

06-16-2015 05:37 PM
لكن...الكلام كلام موسى هلال....

[الصوت صوت حميدتي لكن..]

#1287153 [Omer]
5.00/5 (4 صوت)

06-16-2015 05:36 PM
قال عايزين محاكم (جائرة) الثانية 00:21
سبحان الله هذا الجاهل اصبح له كلمة في البلد دي !!!

[Omer]

#1287146 [ودكركوج]
4.50/5 (5 صوت)

06-16-2015 05:27 PM
العسكرية بقت هاملة. مليون فريق ولواء، اكتر من اكبر جيوش العالم، والادهي والامر، رتبة عقيد للص قاطع طريق وفاقد تربوي واخلاقي زي ده.

[ودكركوج]

#1287141 [zoooool]
0.00/5 (0 صوت)

06-16-2015 05:11 PM
ينبغي أن يكون هذا الرجل والي ولاية جنوب دارفور

[zoooool]

#1287124 [ياسر عبدالله]
5.00/5 (2 صوت)

06-16-2015 04:31 PM
من هو حميدتي التشادي الموهوم بان سوداني كمايدعي التشادي المزعوم الاخر موسى هلال وعملوا لانفسهم هيبه بواسطة المؤتمر الوطني فصبرا لكل تشادي يزعم بانه سوداني متمرد ينهب ويسلب ويسرق من ممتلكات الدوله فكونوا علي يقين أن السودان سوف تشرق شمسه من جديد وسوف تنجلي الحقيقة ويطرد كل دخيل مجرم يتسبب في زعزعة الامن والمواطن السوداني

[ياسر عبدالله]

ردود على ياسر عبدالله
United States [أب احمد 2] 06-17-2015 11:06 AM
يا [ياسر عبدالله] والله ما دمر السودان سوى أمثالك!!!!!!
أنت وأمثالك هن الذين مزقوا السودان الجميل لانكم خونة وتنفذون سيناريو تمزيق السودان لتحقيق حلم "الملك فاروق ملك مصر والسودان"
مع أختلافنا الشديد مع "موسى هلال" والمدعو "حميدتى" ألا أنهم سودانيون أصليون وليس مثلك مشكوك فى سودانيته.
بالله سلم لينا على ناس احمد بلال ودكاترة مصر.

[ابو عزو] 06-17-2015 08:24 AM
يا سمي يا تعبان ... أنت التشادي من اسمك هذا .. هؤلاء هم أصل العرب التي تدعي بأنك تنتمي إليهم فحميدتي هذا الذي تتحدث عنه لو رأيته لوليت هارباً ... وبعدين السودان دا إحنا ما عارفنوا حق ميني يا قاصي الآخرين؟ فمن أنت حتى تقصيهم ومن أي منطقة أنت في السودان حتى أعرف كيف أحكي معك. هؤلاء التشاديين الذي تتكلم عنهم فهم خيرة أهل البلد ولو لا الله ثم هم لكنت الآن في عداد المفقودين


#1287121 [وليد دارفور]
5.00/5 (1 صوت)

06-16-2015 04:28 PM
هههههه وتاني هههه
حميدتي
سبحان الله
الشيطان يعظ!

[وليد دارفور]

#1287096 [احمد البقاري]
5.00/5 (1 صوت)

06-16-2015 03:55 PM
كثيرون يستهينون بمقدرات حميدتي السياسية، ويظنون بأن حميدتي مجرد قائد عسكري بارع وشجاع فقط...

حميدتي إلى جانب قدراته العسكرية والقيادية، جيد كذلك أرسال الرسائل المشفرة لمن يعنيهم الأمر ....
_________________________________


06-16-2015 11:23 AM
الخرطوم:
نجا والي غرب كردفان أبوالقاسم الأمين بركة أمس بعد تعطل المحرك الأيسر للطائرة التي كانت تقل وفده لحاضرة ولاية غرب كردفان الفولة الذي ضم قيادات دستورية من الولاية ونواب برلمانيين وأعيان إدارة أهلية، وذلك لحضور مراسم تنصيبه بعد أن تم تعيينه والياً لغرب كردفان.
وأكد مصدر مطلع أن محرك الطائرة تعطل بعد إقلاعها من مطار الخرطوم أمس عند وصولها لمنطقة جبل أولياء وأن قائدها استطاع الهبوط بها مرة أخرى في مطار الخرطوم، ليستغل الوالي وجزء من وفده طائرة أخرى إلى الفولة.

الجريد

[احمد البقاري]

ردود على احمد البقاري
European Union [almamgoos] 06-16-2015 05:03 PM
هذا زمانك يا مهازل فامرحي قد عد كلب الصيد من الفرسان
الجيد في هذا الخبر ان اجهزه القمع الحكومي قد تشققت واختلفت مع بعضها البعض مما يعني ان مواجه قد تحدث ويتشتت شملها
ان دوله الظلم ساعه و دوله العدل الي يوم القيامه


#1287085 [حمد]
5.00/5 (3 صوت)

06-16-2015 03:43 PM
ربي اشغل اعدائي بانفسهم و عجل بالنصر و بالفرج

[حمد]

#1287084 [ابو شنب]
5.00/5 (1 صوت)

06-16-2015 03:41 PM
يا جماعـــة الزول دا بيكون سمع خبر منع البشير مغادرة جنوب افريقيا وقال البشير دا اعتقلو خلاص وداير يكب زوغة

[ابو شنب]

#1287082 [عتمني]
1.00/5 (1 صوت)

06-16-2015 03:39 PM
حميدتى بيتكلم بعفوائيه شديده...الحكومه عارفه ياحميدتى بس انت الماعارف.

[عتمني]

#1287065 [ابو شنب]
0.00/5 (0 صوت)

06-16-2015 03:17 PM
وشهد شاهد من أهلها بس قالو اذا اخطلف اللصوص ظهر الحرامي هسى انت رتبة العمـــيد دا جتو كيف ولا خلاص الجماعة بقو اشطر منكم وضايقوكم فى الشغلانية ولكن أن تأتي متأخراً خير من أن لا تأتي أبداً فمن هنا سيعرف جميـــع الشعب السودان من هو المسئول والمتورط فى احداث دارفور

[ابو شنب]

#1287064 [المشتهى السخينه]
5.00/5 (1 صوت)

06-16-2015 03:15 PM
حميدتى تاب توبه نصوحه من سرقة الحمير ..واصبح حامى الدولة الاسلاميه وامير المؤمنين .. وهو يتهم القوات النظاميه من جيش وشرطة وامن بالسرقة والنهب واللصوصيه وقطع الطريق .. اى مجمجه او احتجاج من ( لصوص الحيكومه ) الرصاص يتكلم ..

[المشتهى السخينه]

#1287054 [دقش القش]
5.00/5 (2 صوت)

06-16-2015 03:02 PM
سبحلن الله يضع سره في اضعف خلقه . حميدتي يصرح

[دقش القش]

ردود على دقش القش
[محمد علي] 06-17-2015 10:39 AM
أنا خايف بكرة يسرِّح..


#1287050 [ALIIIIIIIIIIIIIIIIIIIIIIIIIIIIIIIIIIIIII]
5.00/5 (3 صوت)

06-16-2015 02:59 PM
اولا-صرح المدعو حميدتي بان افراد القوات المسلحة(المشلعة) وافراد جهاز الامن(الانتهاك) وافراد الشرطة(ابو خديجة) هم من يقومون باعمال السرقة والنهب كويس مابطال
حميدتي عاوز يقول انو قواته بريئة من حوادث السرقة والقتل والنهب وانهم افراد نظاميين ومدربين ومنضبطيين عسكريا ولا تصدر ايا من هذه التصرفات من قبل افرادها والقوات المعنية طبعا هي المسماة بقوات الدعم السريع التابعة لجهاز الامن والمعدود حسب تصريحه مع الجيش والشرطة في انهم يقومون باعمال السلب والنهب

ثانيا-صرح حمدان دقلو(حميدتي انهم اي القوات النظامية لايحاسبون ويطلق سراحهم طيب ماهم بيتم اطلاق سراحهم زي الغنم اللي انت سايقهم والمسمين بالدعم السريع وبقي انتو كلكم في الهوا سوا بافعال السلب والنهب واللي انت بتصريحك الخبيث حاولت فيها تبرئة افراد قواتك حصريا وتجريم الجيش والشرطة وجهاز الامن حصرياياحميدتي

ثالثا-مطالبتك بالاعدام لافراد هذه القوات يظهر انك بقيت حاسي انهم عاملين ليك بلبلة وبقو عاملين ليك حسكنيتة...انت مجرم وقاتل ومغتصب وشيطان اخرس وجبان انت وكل قواتك المسماة بالدعم السريع التي تتبع لجهاز الامن ويقودها ماشاء الله تبارك الله ضباط من قوات الشعب المسلحة..المهم مااردت قوله انكم جميعا قوات دعم سريع قوات شعب مسلحة شرطة جهاز امن كلكم مشتركين في الجرائم التي تحصل في دارفور والنيل الازرق وجنوب كردفان وبقية مناطق السودان..بعدين دي محاولة جبانة انك تحاول تحمل الوزر لغيرك بينما انت نفسك يداك ملطختان بدماء عشرات الالاف انت وموسي هلال وكوشيب وغيركم كثير نعلمهم فردا فردا ياحميدتي او دقلو او ماعارف ايه وسلم لي علي عمر البشير بمناسبة هروبه التي شاهدها العالم اجمع

[ALIIIIIIIIIIIIIIIIIIIIIIIIIIIIIIIIIIIIII]

#1287047 [خالد عمار]
0.00/5 (0 صوت)

06-16-2015 02:55 PM
الطريفي زول نصيحة هذا الجاهل قال لو الشغل بقي بتاع قانون تأمل....
ولكنه قال النصيحة (دي بك سنة ودي بعجينة ) اصدق.. عبر عن الحال فحاميها حراميها..

[خالد عمار]

#1287035 [ابو الجار]
1.00/5 (1 صوت)

06-16-2015 02:36 PM
كل عمليات النهب المسلحة و سلب و قتل الموطنين العزل يتم بواسطة سلاح الحكومة في دارفور.

[ابو الجار]

#1287021 [احمد البقاري]
5.00/5 (2 صوت)

06-16-2015 02:23 PM
هكذا يجب أن يقدم نفسه
القائد حميدتي ومن هنا وصاعداً يجب أن يقدم نفسه كسياسي ورجل دولة مستقل وذو رؤية خاصة به لإدارة شئون الدولة وتنزيل مؤسساتها السيادية منزلتها الصحيحة والألتزام بالقانون وتنفيذه على أرض الواقع...

القائد حميدتي، من هنا وصاعداً يجب أن لا يقدم نفسه كما يفعل الهتيفة، من ولاة ووزراء ووزراء دولة يمجدون البشير ويسبحون بحمده في مناسبة وبدون مناسبة، على أعتبار ولي نعمتهم البشير .. القائد حميدتي الآن ند للبشير وليس هتيفاً له، فهو من يحمي البشير من غضب الشعب وثورته.

[احمد البقاري]

ردود على احمد البقاري
[كبروس] 06-16-2015 08:14 PM
أصح يا بقاري .. فالجهلة و اللصوص لا يبنون مجد أوطانهم
و الا عدنا للعصور المظلمة ..


#1287020 [نكس]
5.00/5 (1 صوت)

06-16-2015 02:22 PM
طيب الصادق المهدي اتكلم في فوات الحنحويد غير النظامية وليست الا عبارة عن عواطلية معظمهم من الرزيقات .قامت الدنيا وما قعدت وبشتنتو بالراجل جنس بشتنة .اهو دا حميدتي بتهم صراحة الجيش والشرطة بالفساد .وبيدخل ايدو في عين الجيش والشرطة السودانية عديل وما اظن نشوف نظامي حيقدر يمجمج .التسوي كريت يظهر في جلدا .هههههههه

[نكس]

ردود على نكس
[غريبة جدا] 06-16-2015 08:41 PM
مثل هذا التصريح في هذا التوقيت بالذات له معني بعيد جدا
يبدوا انو موضوع الجنائية سخن جد جد والبشير وعي الدرس جيدا
لذلك تم تلقين حميدتي هذا الكلام ليقوله حتي يتم التضحية باحد افراد النظام ككبش فداء وتحميله ماحدث من جرائم بدارفور علي راي المثل المصري اذا جالك الطوفان حط ابنك تحت رجليك

وخير دليل علي ذلك اقالة وزير الدفاع بالنظر الي المعاش مباشرة بعد عودة البشير من جنوب افريقيا

ويبدو انو لمن سخنت مع البشير هناك قال يشوف اقرب زول منبوذ من الجيش والشعب واتسبب في جزء من المأساة في دارفور ان لم يكن كلها فضلا عن تدني قيمته بالنسبة للحكومة واصبح لايقدم شيئا ويضحي به ومااظن يلاقي من يلبي هذه المواصفات زي عبد الرحيم محمد حسين ونافع علي نافع لذلك تمت احالة عبد الرحيم للمعاش بمجرد العودة للبلاد

اما نافع علي نافع فهو المنافس القوي للرئيس في الانتخابات السابقة بل كاد ان يكتسح الرئيس في ترشيح الحزب ولم نسمع له اي صوت او بقن في اليومين الماضيين سكوت غريب ومريب جدا لم نعهده من قبل وهو اللذي دائما يتكلم كانه اخو البشير او مالك المؤتمر الوطني او حاكم السودان يتوعد ويهاجم ويسئ بسبب او بدون سبب وبالاخص للجنائية وايام الانتخابات والمظاهرات

موضوع محاولة اغتيال وزير الدفاع المكلف اظن ان له علاقة وثيقة بشهادة ضد عبد الرحيم محمد حسين ادت الي اقالته علي الفور

علي كل محاولة اغتيال وزير الدفاع المكلف وتصريح حميدتي لهما علاقة وثيقة جدا بشهادة ادت لاقالة عبد الرحيم محمد حسين وتقريبا حميدتي داير يتغدي بمن يدبر محاولات الاغتيال قبل يتعشي به

العوج راي والعديل راي

United States [عمدة] 06-16-2015 03:28 PM
فعلا دا السؤال! ودا مربط الفرس، ملحوظة:لقبك شين!!!


#1287017 [رقيب أول]
4.50/5 (2 صوت)

06-16-2015 02:17 PM
حكمة و الله و حكاية ..
منسوبي الجيش و الشرطة لصوص !! بينما حرامية الجنجويد نزيهين من الخطأ !!!

هانت علامة الركن الحمراء و التي يرتديها ضباط الجيش علي ياقة القميص عقب امتحان ماجستير كلية القادة و الاركان .. ليرتديها عميد لص لم يدرس الابتدائي حتي !!!!!!!!!!!!!

[رقيب أول]

#1287008 [badraldin mm]
5.00/5 (1 صوت)

06-16-2015 02:11 PM
تم اعتقال ابراهيم الشيخ والصادق المهدى لانهم تكلمو فى قوات الدعم السريع هل الجيش السودانى خلاص ما عندو وجيع؟

[badraldin mm]

#1286996 [متوكل]
3.47/5 (6 صوت)

06-16-2015 01:57 PM
الذي يفهم من تعليقه انه اعتراف صرييييح أنه مليشيا ولا يتبع للقوات النظامية ؟!(جيش ، أمن ، شرطة).

[متوكل]

#1286990 [سوداني بس]
3.50/5 (2 صوت)

06-16-2015 01:50 PM
هذا الكلب الخبيث تاجر الحمير لا يستحق غير رصاصة في رأسه الفارغ وتففففوووووووووووووووو

[سوداني بس]

#1286981 [algamri]
4.00/5 (2 صوت)

06-16-2015 01:34 PM
حرامى الحمير تلب هووووووولب لب من يحاكم من؟؟؟؟؟؟؟؟؟؟؟

[algamri]

#1286980 [ركابي]
5.00/5 (3 صوت)

06-16-2015 01:33 PM
خلاص فكفكوا ليهو الجيش السوداني نهائيا وتبقي قوات الدعم السريع هي الوريث...الجايي علي السودان خطييير وربنا يستر

[ركابي]

#1286979 [Clicker]
4.00/5 (3 صوت)

06-16-2015 01:33 PM
تحسبهم أجمعين وقلوبهم شتي,هؤلاء المجرمين أصبحوا يتهمون بعضهم بعض كأننا بهم وقد ضاقت عليهم الأرض بما رحبت ,الضربة التي تلقاها البشير ونظامه من الشعب في الإنتخابات الأخيرة كشفت عوراتهم فصاروا لا يلوون علي شيء ثم تأتي فضيحة بيرتوريا لتهزمهم نفسياً إذ لم تخرج المسيرات المليونية كتلك التي خرجت أيام إتهام البشير بالجنائية الدولية. ولما كل شيء يأتي بأمر الله حتي الآن لم يشأ الله أن يخرج الشعب ضد البشير فهل مشيئة الله هذه المرة تجعل هؤلاء القتلة يخربون بيوتهم بأيديهم لا بأيد الشعب؟
اللهم جعل الفتنة بينهم واجعلهم يخربون بيوتهم ونظامهم بأيديهم واسملمنا منهم.

[Clicker]

ردود على Clicker
[Clicker] 06-17-2015 10:16 AM
شكرا لك أخي ( عمدة ) علي النصيحة وعلي تنبيهك

United States [عمدة] 06-16-2015 03:32 PM
معذرة يا هذا، ليس هذا موقع الآية، لا تأولوا القرآن على هواكم كالوهابية والتكفيريين، وتصيروا كاليهود والنصارى الذين حرفوا كلام الله فباءوا بغضبه ولعنته!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة