الأخبار
أخبار إقليمية
"التجاني السيسي" يُعلِّق الشراكة مع حزب البشير
"التجاني السيسي" يُعلِّق الشراكة مع حزب البشير



06-17-2015 11:58 PM
الراكوبة - الخرطوم قرر حزب التحرير والعدالة القومي، برئاسة التجاني السيسي، تعليق شراكته السياسية والتنفيذية مع حزب البشير.

وقال الناطق الرسمى باسم الحزب احمد فضل، في بيان تلقته (الراكوبة) إن حزبه اتخذ القرار بالاجماع في إجتماع طارئ عقده للتشاور حول الراهن السياسي، مشيرا الى ان الحزب قام بتقييم الشراكة مع المؤتمر الوطنى، وتوصل الى انها لا تسير على ما يُرام، مؤكدا ان تعليق الشراكة جاء بُناءً على تقارير دقيقة باشراف المكتب السياسى للحزب.

واحجم فضل عن ذكر اسباب تفصيلية عن قراره الذي بتعليق الشراكة مع الوطني، واكتفى بالقول: "إن الكشف عن كل التفاصيل سيكون في مؤتمر صحفي يعقد اليوم الخميس"


تعليقات 52 | إهداء 0 | زيارات 21501

التعليقات
#1288805 [عمارجادالكريم]
0.00/5 (0 صوت)

06-19-2015 10:46 AM
الاختشوا ماتوا جوعآ واغتصابآ حول معسكرات طينة والحسكنيتة والطويلة وووووووو.ثم اين انت وحزبك منهم؟؟؟سيب قصرك الفخيم في كافوري وروح إعتصم مع اهلك في معسكرالسلام مع ابو الشراتي ..ولا اقولك قوات عبدالواحد قريب منك في شرق الجبل.

[عمارجادالكريم]

#1288715 [ود الفور]
0.00/5 (0 صوت)

06-19-2015 02:45 AM
اطلع امشي خليهم أخير ليك انت زول ود فور ما تساوم بي اسمك ولا قبيلتك في الفاضي لما عملت ندوه لندن قالو ليك الدكاتره واعيان القبيله انو الناس ديل ما وراهم خير قالو ليك في تجربه مني اركو مناوي قبلك بس ركبت راسك لو كنت ماسك منصبك في الأمم المتحده أخير ليك كان علي الأقل احتفظت بي احترام اهلك ليك لكن سمعت كلام الامريكان علي أساس انو الخواجات بتهمهم مصلحتنا يعني وشوف اخرتا شنو انت فوراري ودارفور دي حقت منو زاتا عشان نقعد نستني الجلابه يدونا فيها سلطه ولا ثروه ارجع بريطانيا واقعد مع عيالك احسن ليك وخليها تجي زي ما تجي احنا حتي الانفصال ما بضرنا ولو انفصلنا بنرجع مملكتنا زي ما كانت هو وينو السودان البجرو وراهو بلد معاقبه من كل ناحيه وممنوع منها حتي ماكدونالدز ارجع لي اهلك ياود امي وخلي الجلابه في طغيانهم يعمهون

[ود الفور]

#1288704 [ali]
5.00/5 (1 صوت)

06-19-2015 01:37 AM
خلو امشى لا اسفا علية ودارفور لو مشت يكون افضل زى ماقال الاستاذ ترهاقا ~ دا كلام فارق كدا البلد ما بتمشى لقدام مصلحة البلد فوق مصلحة اي سيسي

[ali]

#1288703 [مراقب]
0.00/5 (0 صوت)

06-19-2015 01:32 AM
هذه نتيجة بديهية للحلول الفردية التي توصل اليها المؤتمن علي ملف دارفور المهرج أمين حسن عمر .. ادخال مني أركو مناوي للفصر .. تنصيب السيسي .. توزير أبو قردة .. و القادم الجديد دبجو و جلاكوما و غيرهم .. بينما لم تراوح أزمة دارفور مكانها بل تزداد تعقيدآ بمرور الأيام طالما ارتضينا نهج خلق مراكز قوي كصنيعة حميدتي و استمرار بذر نار الفتنة بين ابناء الاقليم مثلما يحدث الآن بين المعاليا و الرزيقات مع تأجيج الصراع بين الزرقة و المستعربين .

[مراقب]

#1288676 [ALIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

06-19-2015 12:24 AM
ترهاقا
تعليقك تعليق عنصري بدرجة ممتاز..انت تحمل دارفور وزر المشاكل اللي دخل فيها السودان حاليا جنائية ويوناميد ومش عارف ايه طيب ماذا تسمي جلب عمر البشير لعرب من النيجر وتشاد وموريتانيا واحلالهم محل القبائل الاصلية وقتلهم وتصفيتهم بدم بارد..علي حسب كلامك ده حقو نقول انو الجعليين والشوايقة والمحس ديل مصريين وماليهم علاقة بشمال السودان اطلاقا مش كده وبس برضو نقول انو البني عامر ماسودانيين ديل اريتريين وحبش مش كده وبرضو حقو ينفصلوا بلا جبهة تحرير شرق بلا اسود حرة وبرضو النوبة في جنوب كردفان ديل ماسودانيين خليهم يمشوا الجنوب ديل جنوبيين لا بشبهونا لا بنشبهم مش كدة وهم سبب مشاكل وقلاقل بل وفتنة مش كده ده رايك..لمعلوماتك مشكلة دارفور بدت في السبعينيات بمشكلة تصحر وعندها بدء الاحتكاك بين القبائل العربية اللي انت وامثالك من العنصريين بتسموهم عرب وبين بقية القبائل الافريقية اللي انت وامثالك برضو بتسموهم زرقة ده سبب المشكلة بل هو احد اسباب المشكلة من تهميش وعنصرية انت عارف الكلام ده كويس ماتحاول تعمل لي فيها مافي عنصرية ومش عارف ايه..جنوب السودان مشكلته تقريبا هي نفس مشكلة دارفور بالمناسبة شوف انا قلت تقريبا ok الحاجة التانية السودان مكوناته العرقية معروفة وانت ايا كان انتمائك العرقي لو عايز تقول لي انحنا برضو مهمشين طيب وصلو صوتكم كن باعتصام او بحمل السلاح او اي طريقة تانية وكلو زول بوصل صوتو بالطريقة اللي بتناسبو كلو زول حر الحاجة التانية السودان ده ممكن يسع الجميع كن عرب كن زرقة كن شنو لكن انت وامثالك ليسوا الا معول هدم ودمار وتدمير للسودان وبعد ده كلو مسمي نفسك ترهاقا

[ALIIIIIIIIIIIIIIIIIIIIIIIIIIIIIIIIIIIIII]

#1288658 [ابو قنايه]
0.00/5 (0 صوت)

06-18-2015 11:42 PM
خلاص رطب وعمل قريشات حلوه وآمن مستقبلو
بعد يومين يعمل لينا فيها بطل قومي
وتاني ترجع حليمه لعادتها ويجينا يسب ويسخط في الجلابه

[ابو قنايه]

#1288630 [ابو عرب عرابي (عبدالله)]
2.00/5 (1 صوت)

06-18-2015 10:48 PM
يا جماعة الخير السلام عليكم ورحمة الله تعالئ وبركاته
اول حاجة الصين فيها المستقبل ثروات تعادل 93% من المواد الموصلة المهمة لصناعة المستقبل عشان كدا ما تلعبوا فيها
دارفور فيها يورانيوم وارضها طاهرة ممكن تتزرع كذلك وفيها ذهب وغيره
توزيع عادل للسلطة وحصر لمن قتل في الحروب وتعويضهم بالتدريج
الذهب ينشئ له صندوق قومي للذهب ولا يخرج يتاجر فيه المرء ويضارب فيه عبر الصندوق باتفاق
السودان ما راح ينفصل منه دارفور والجنوب سيعود ان شاءالله
وكفئ الله المؤمنين شر القتال
رمضان كريم والله اكرم
الزموا الاستغفار فهو ما ينجي وما كان الله معذبهم وانت فيهم وما كان الله معذبهم وهم يستغفرون
السلام عليكم ورحمة الله تعالئ وبركاته

[ابو عرب عرابي (عبدالله)]

#1288547 [ترهاقا]
5.00/5 (1 صوت)

06-18-2015 06:31 PM
علشان نعرف نقيم الوضع لأبد من تقييم الأوضاع الأقتصادية والأجنماعية ... ماذا تنتج دارفور فاهم منتجاتهاهى التبغ ( تمباك ) والبنقو وبعض الصمغ العربى وبعض الكركدى وقليل من الثروة الحيوانية مقارنة بكردفان والنيل ا الأبيض والجزيرة واابطانة والشرق عموما فهو اقليم فقير يعتمد فى غذائه على بقية السودان كما انه اقليم طارد لأبنائه هم موزعون على كل اقاليم البلأد فهو عاجز عن اعالة ابنائه ومن هنا يتضح مدى التضليل الذى مورس على المواطن المسكين عن ثروات دارفور ومواردها فولأياتها الخمس تمتص موارد الدولة بالاضافة على الصرف على السلطة الأقليمية وجيشها الجرار من الادارات التشريفية والتى لا تقدم ما يفيد المواطن فى شىء اضافة الى التكلفة الأمنية الباهظة ثم اشانة سمعة البلاد والسودانيين بصفة عامة ولأ ننسى ان دار فور ثغر ة يدخل عن طريقها كثير من التشاديين وغيرهم فهم بدءا يحصلون على الجنسية من سلطات دارفور ومن ثم يسهل تسللهم الى مفاصل الدولة ويتمتعون باكثر مما يتمتع به السودانى انا اعرف تشاديين يمكتلكون عقارات فى وسط العاصمة حصلوا عليها باعتبارهم مواطنين ..... اذن من هنا نخلص الى ان اقليم دارفور عالة على السودان وان لا فائدة من هذا الصرف الامنى الهائل وعلى الحكومة ان تفكر جديا بالانسحاب من الاقليم تدريجيا واعادة الوضع الى ما كان عليه قيل عام 1917 وذلك دون اجراءاستفتاء لآن الاستفتاء لن يأتى باالنتيجة المرجوة والتى ينتظرها جميع اهل السودان جميعا.... بالله شوف ولاية صغيرة لا يتجاوز سكانها المليون تغمر الاسواق السودانية بمنتجاتها المتنوعة من القمح والفول والثوم والبصل وانوع التمور والتوابل واصناف الفواكه وترفد الوطن بالعلماء والمبرزين فى كل مجال ........قال ايه قال توزيع السلطة والثروة .....خموا ...... يريدون توزيع ثروة لم يساهموا فى صنعها وغدا نواصل ........

[ترهاقا]

ردود على ترهاقا
[ابو محمد] 06-19-2015 01:56 AM
البشير قال مشروع الجزيرة عالة على البلاد. هو الكذب في زمن الانقاذ بي قروض.

لماذا يتضايق السودانيون من سودنة التشاديين او الاثيوبيين و اي سوداني يفتخر انو ليهو قريب بقى امريكي جاهو اللوتري او بقى اوربي او استرالي
و هو ذاتو لو بلاد الواق واق قالت تديهو تجنس لطار فرحا
لو جا مصري او سوري او اي ملقط من سقط لقط لونه ابيض لفرحوا بتجنيسه لتغيير نسلهم
البنات اصابهن مرض سلخ الجلد و اصبحن مسوخ مشوهة لا تستطيع من القرف ان تنظر اليها مرتين
امة عايشة تناقضات و تحتاج لعلاج نفسي وده كلو بسبب الانقاذ التي جعلتنا بلا كرامة ننكر الحق و نموت في الباطل
ترهاقا ليس نسيج وحده هو نتاج لمجتمع انقاذي مريض

European Union [Bakrico] 06-19-2015 01:32 AM
Darfur is The Sudan Is land of Tiarab many settllers Arabs and Africans made it their home and that is what known The Sudan now. Darfur here to stay and the ashes can go. Darfur single handed stood defending Sudan 1898-1917 when the rest joined the invaders as category III traitor to destroy Darfur

[كلام عين العقل] 06-18-2015 10:25 PM
كلام صح يا ترهاقا؟؟ قايتو بتاعين الناس اللي استغلت مشكلة دارفور ودخلوا السودان واستوطنوا في الخرطوم على انهم من دارفور من تشاد؟ كمية كمية وخير شاهد على ذلك سوق ليبيا؟ معظم الذين يعملون فيه من دولة الولايات التشادية المتحدة اشتروا اراضي ودكادكين وطين واراضي؟

European Union [الرواسي] 06-18-2015 09:58 PM
ننصح كاتب التعليق الذهاب لدارفور وأن يطّلع شوية عن الجغرافية و التاريخ وكمان يكون احسن قليل من (الحساب) .
وتوزيع السلطة والثروة ما ضروري يكون الاقليم مكتنز بالثروات و الخيرات مع أن هذا هو حال دارفور (العالة) في نظركم .
ما وريتنا الولاية الصغيرة (الهائلة) التي تأتي بالتوم والشمار و الشطة والعلماء !!!

[نكس] 06-18-2015 09:29 PM
لا حولة ولا قوة الا بالله ترهاقا دا اكيد اسم مجاز .انت نفسية مليانة بالاحقاد وضيق الافق احسن شي تعيش وتعلق في الراكوبة بس نسال الله انك ما تولي امر ناس يوم لانك زو فكر خطر علي نفسك وافق ضيييييق شديد .اتمني ان ترتقي المرة الجاية باسلوب خطابك وتكتب من العمق .طبعا ما حارد ليك وانت بتكرس للعنصرية وبتحتج انو في مشكلة في دارفور .حاول اطلع كتير عن تاريخ السودان وبعض كتب التهذيب زي كتاب منهاج المسلم وبعدين احتك مع بعض الكتاب وابهاتك الكبار بيوروك كان بيتاجرو شنو .

United States [ALIIIIIIIIIIIIIIIIIIIIIIIIIIIIIIIIIIIIII] 06-18-2015 09:27 PM
الكلام اللي بتقول فيه انت وامثالك طيب ليه مانقول علي الجعليين والشوايقة والمحس والسكوت والدناقلة وغيرهم انهم مصريين وليبيين وليه مانقول عن البني عامر انهم اريتريين وليه مانقول عن النوبة في حنوب كردفان انهم جنوبيين وليه مانقول عن الفور والزغاوة انهم تشاديين زي مابتقول انت كلامك ياعزيزي تفوح منه رائحة عنصرية نتنة وعفنة ككلامك كله الذي تقوله اولا ياعزيزي الجنوب ودارفور اللي انت بتقول عليها انها عالة علي السودان في ناس غيرك ومن نفس الطينة بتاعتك قالوا الكلام ده عن جنوب السودان وهسع كمان قامت حكاية تشاديين وماتشاديين واريتريين وماعارف ايه لمعلوماتك ايا تكون انت وايا تكون الجهة اللي انت بتنتمي ليها السودان ده ماحقك براك كويس للمرة التانية السودان ماحقك براك ok حاسب في كلامك لو سمحت دارفور وجنوب السودان مناطق حروب ونزاعات جنوب السودان منذ الاستقلال وماقبله ولمعلوماتك دارفور مشكلتها ليست من 2002 بل هي تقريبا ترجع الي السبعينات منذ ان ضربها التصحر فظهرت المشاكل بين القبائل الرعوية والقبائل الزراعية اللي انت وامثالك بتنادوهم زرقة وعرب وزفت ومش عارف ايه..ختاما بقول ليك لو انت عايز تنفصل امشي انفصل ((((عليهم يسهل وعلينا يمهل))))


#1288526 [ابوصلاح]
0.00/5 (0 صوت)

06-18-2015 05:57 PM
اولا للجميع رمضان كريم وان شاء الله فى قادم السنين سودانا والمواطن ينعم بالخير والسلام . اتمنى صادقا ان يجنب الله بلدنا ويلات الحروب والانقسمامات لان الضحيه فى الاول والاخر هو المواطن المسكين سواءا كان فى حلفا او الفاشر واو المناقل .
واتخايل لى نحن ماناقصين يا السيد السيسي ويا سادة المؤتمر الوطنى .مفروض تحكموا صوت العقل وتحاولوا تحلوا مشاكلكم دى بالحوار وان تضعوا مصلحة الوطن و المواطن فوق كل شئ رغم انى اشك فى زلك يا سادة المؤتمر الوطنى.
سواءا اتفقنا مكع الحكومه او اختلفنا .وسواءا اتفقنا مع القوى المعارضه بكل الوانها او اختلفنا, نحن كمواطنين ما دايرين نشوف سودانا زى سوريا او ليبيا .و عزتنا وكرامتنا لا ترضى ان نكون لاجئين مثل اهل سوريا.ويكفينا جراحات مواطنى دارفور العز ودارفور تقابة القران.ا
للهم انت الحافظ فاحفظ وطنا امنا بفضل وركات شهر رمضان.

[ابوصلاح]

#1288490 [سكران لط]
4.50/5 (2 صوت)

06-18-2015 04:49 PM
واضح اغلب التعليقات هنا من جداد المختمر البطني لانو حرقهم شديد موقف السيسي وفض الائتلاف معاهم عموما المعارضة ترحب بأي فصيل ينشق عن المختمر البطني مالم تكون ايديهم ملطخة بدماء الابرياء خطوة السيسي نباركها ونرجوه ان يسرع اعلان الانضمام لنداء السودان
كل الاحداث تشير ان المختمر البطني فقد الشارع السوداني ويعتمد فقط على طلاب الخلاوي ومليشياته الطلابية في اظهار شعبيته وامامكم صور مناسباتهم اخرها عودة رئيس هاربا

[سكران لط]

#1288486 [سنهوري]
0.00/5 (0 صوت)

06-18-2015 04:42 PM
داير شوية دولارات .. بدوّها ليهو ما بقصروا .

[سنهوري]

ردود على سنهوري
[عمارجادالكريم] 06-19-2015 10:25 AM
يعني إيه هل من الكرسي الكان قاعد فيهو ؟؟؟؟؟؟؟

[مدرسة يستهبلون (اوضة وبرندة )] 06-19-2015 12:47 AM
بعد ان وصل البشر قام الاطباء بعمل فحوصات عامه له
وكانت النتيجة كويسة عدا الركب سايحة
والفسحة تمام
فرد الرئيس بس انا الفسحة ما اديتكم ليها
فرد عليه احد الاطباء معليش يا سعادتك انحنا شيلناها من الطيارة


#1288444 [امونة]
0.00/5 (0 صوت)

06-18-2015 03:22 PM
استغفر الله العظيم اللهم انى صائمة

[امونة]

#1288438 [مواطن]
4.50/5 (2 صوت)

06-18-2015 03:10 PM
قروش القطريين خلصت وبدأ الخلاف.

[مواطن]

#1288423 [من الخرطوم سلام]
4.87/5 (8 صوت)

06-18-2015 02:45 PM
يدور همس في الخرطوم أن السيسى كان يتوقع تعيينه نائب لرئيس الجمهورية أو على الأقل يكون كبير مساعدى الرئيس وحجته في ذلك أنه إدعى أنه كان الشخصية الرابعة في سلم السلطة بعد الرئيس والنائبين بالرغم من أن وثيقة الدولة لم تدمج أصلا في الدستور إلى قبل شهر من نهاية الحكومة لكنه تفاجأ أن المنصب ذهب لإبن الميرغنى بينما لم يحصل حزبه إلا على وزارة الشباب والرياضة حيث تم تعيين حيدر جالاكوما الذى لا يعرف الفرق بين إستادى الهلال والمريخ أما هو فقد دق الدلجة.

الأمر الثانى هو تحول البشير المفاجئ من تحالف إيران قطر تركيا إلى حلف مصر السعودية الإمارات ولم يسكت على ذلك بل هاجم وتبرأ من التنظيم العالمى للإخوان المسلمين فثارت ثائرة قطر وعندما زار بن محمود السودان مؤخرا للمشاركة في تنصيب الرئيس كان لقاءه فاترا تجاه السيسى وبدا أن قطر إنسحبت من رعاية تنفيذ الاتفاقية وفى الحقيقة أن القطريين أصيبوا بإحباط كبير من السيسى نسبة لإدارته الضعيفة والفساد الذى ضرب أطناب السلطة الإقليمية وتذكروا تصريح السفيرة الأميريكية أن إتفاقية الدوحة ماتت وشبعت موتا والأمريكان يعرفون جيدا تحرك الأموال على الساحة العالمية ولا تخفى عليهم شاردة ولا واردة.

الآن السيسى واقف في الحاحاى لا أموال قطرية لمواصلة اللهط ولا أموال بشيرية حيث خزانته مفلسة وقد بنى فيها العنكبوت فقال أخير يتمرد ولكن كيف يفعل ذلك وليس له جيش وسلاح كما أن حزبه الذى يهدد به المؤتمر الوطنى يعيش به على حساب الحكومة فماذا سيفعل؟؟

لديه جواز بريطاني وفيلا وحسابات مليونية في لندن فسيهرب إلى هناك وستين ألف داهية لأهله النازحين واللاجئين الذين تاجر بدمائهم ومعاناتهم.

[من الخرطوم سلام]

ردود على من الخرطوم سلام
European Union [mokoom] 06-18-2015 11:43 PM
انت اشتغلت مع الناس السيسى لعلا عرفت كل صغيرة وكبيرة.... تحليلك عين الحقيقة

[واحد عاقل] 06-18-2015 05:47 PM
تحليلك واقعى ..
اؤيدك فى ما ذهبت اليه
وفعلاء قاده حركات دارفور ...يبحثون عن السلطه والمناصب ..

[جركان فاضى] 06-18-2015 03:14 PM
شكرا من الخرطوم سلام...اكيد انت ملم ببواطن الامور لذلك جاء تحليلك واقعيا وفى الصميم


#1288404 [كل اهل الحركات اهل مصالح شخصية ومادية وامتيازات لانفسهم]
1.00/5 (1 صوت)

06-18-2015 02:04 PM
خرج من التشكيل الوزاري الجديد، القضية كلها مصالح وامور شخصية ومادية وامتيازات

شوف قبل التشكيل الوزاري كان بتجدع كيف؟
وبعد التشكيل الوزاري شوف الصورة كيف

[كل اهل الحركات اهل مصالح شخصية ومادية وامتيازات لانفسهم]

ردود على كل اهل الحركات اهل مصالح شخصية ومادية وامتيازات لانفسهم
[واحد عاقل] 06-18-2015 05:48 PM
انا اوافقك


#1288393 [مجا هد]
3.00/5 (1 صوت)

06-18-2015 01:53 PM
السيسى اقوى سلطة فى دارفور وراجل واضح وصا دق رجع من لندن عشان اهلو فى السودان خلة كل شى من اجل السودان

[مجا هد]

ردود على مجا هد
United States [عنفوان] 06-18-2015 09:17 PM
صحيح هو كان في لندن ورجل عنده مؤهلات أكاديمية عاليه .. ولكن في لندن مفيش للاسف أي قروش سايبة .. كل قرش (بنس) لازم تجتهد وراه وتتعب فيه .. سمعنا أن بلير بعد ما نزل من رئاسة الوزراء راح وسكن في شقة عادية .. الآن متعيش على المحاضرات داخل وخارج انجلترا .. وفي أي يوم لو اكتشفوا أنه عنده قرش واحد من المال العام ما حيسيبوه أبدا .. دا الفرق .. فما تقول لينا حكاية أنه السيسي كان في لندن دي... فعلا هو كان منتظر منصب في الوضع الجديد ولمن ما لقاه عمل فيها إنه الشراكة ما ماشة كويس وأيه ما تعرف .. هي لمن كانت ماشة كويس هو عمل شنو؟ فقط كلهم خموا من اموال الاعانات والإغاثات وأموال الدولة حتى امتلأت أشداقهم بالسحت وربنا ابتلاهم بعد دا بعدم الشبع فيقولون هل من مزيد؟ نعم مزيد من جهنم الحمراء إن شاء الله بدعوات المظلومين..التي لا ترد.. سلامي


#1288384 [adil a omer]
1.00/5 (1 صوت)

06-18-2015 01:40 PM
بس حيعلقوها مكويه ولا مكرفسه !!!

[adil a omer]

#1288377 [متى تنفصل دارفو]
1.00/5 (1 صوت)

06-18-2015 01:31 PM
.

[متى تنفصل دارفو]

#1288343 [ابو الهادي]
3.00/5 (3 صوت)

06-18-2015 12:44 PM
رجعونا اقاليم و بس تسلم الجرة

[ابو الهادي]

#1288334 [Al ryesha]
4.88/5 (4 صوت)

06-18-2015 12:26 PM
كان الله في عونك ايها الشعب السوداني المبتلاء بالفاشلين مهنيا وسياسيا

[Al ryesha]

#1288316 [ترهاقا]
4.13/5 (5 صوت)

06-18-2015 12:01 PM
وما وزن السيسى ومن يمثل واعتقد ان نفوذه لأ يتعدى جوقته المنتفعة والتى تحيط به والمعروف انه لم يكن يملك قوات فاعلة على الأرض عند توقيع اتفاقية الدوحة وانما قام بتجميعها بعد توقيع الأتفاقية وهو فى الحقيقة مثال حى من تراجيديا مسلسل دراما اسمها.....دارفور . فقط ما يؤسف له هو التبديد غير المرشد لأموال تبرعت بها دول اخرى شوفوا القيادات الدارفورية عايشة كيف واهلهم موزعين بين معسكرات تشاد والسودان......فمن الواضح انهم خلأص وصلوا الميس علشان تعرفوا انو ما كان فى قضية يحاربوا من اجلها اصلأ فقد كان الهدف هو الوصول الى بناء الفلل على شواطىء النيلين والزواج من جلأبية وهذه غاية طموحهم ففبئس الطموح......والحكومة لأتخفى تلهفها لتوقيع اى اتفاق ومع اىشخص يحاول تعكير صفو نومها العميق بل وباى ثمن وباى شرط ولسان حالها يقول ( دا انت ـأمر وبس يا بيه)...كان الله فى عون البلأد والعباد .والله اعلم بما يوعون .

[ترهاقا]

#1288313 [واحد عاقل]
3.75/5 (3 صوت)

06-18-2015 11:54 AM
موضوع اولاد دارفور مناصب واستوزار
بسبب دارفور دخلت اليونميد
وافقرت الجزيره
وتدهور الاقتصاد
انا مع انه يعطوهم حق تقرير المصير
واتمنى ان ينفصل اقايم دارفور

[واحد عاقل]

ردود على واحد عاقل
European Union [ابو احمد] 06-18-2015 02:28 PM
انت والله انسان ما عاقل ومسمي نفسك واحد عاقل كيف سمح لك عقلك حتى بالتفكير في فصل دار فور اهو نوعكم دا ذاتو الفصل الجنوب وحا يفصل باقي البلد عشان عمالتكم26 تزيد يا مرتزق يا عميل

[سوداني بس] 06-18-2015 02:03 PM
دارفور هي السودان يا ما عاقل !!!

European Union [عبد العظيم] 06-18-2015 01:53 PM
رمضان كريم يا الاخ مدعو العاقل موضوع الانفصال ليس من حق اي انسان يتنمي للوطن خالي لن لا تنسي بان هذا الجزء الخالي هو الذي اسهم في تحرير وشكل الخارطة السودانية و اول شخص الذي رفع علم السودان هو دارفوري. دارفور الذي تكرهه لقد اسهم في الاقتصاد السوداني ومزال يقدم ولولا الحرب الطاحنة التي اكلت الاخضر و الناشف. يا اخي اقرءالتاريخ قبل عن تكتب اي شيء عن هذا الوطن الجريح. ورمضان كريم!!ـ

[abdullye] 06-18-2015 12:45 PM
يا اخى انت مسمى نفسك واحد عاقل لكن شكلك عقلك ملحوس يا اخى فى واحد عاقل يتمنى بتر وطنه تبقى دارفور ينفصل دا زى عشم ابليس فى الجنة انا من دارفور واقول بالواضح انفصال مافى انشاء الله الحرب تستمر مليون سنة مسالة انو فى قلة من ابناء دارفور انتهازيين دا حقيقة وموجودة فى كل الدنيا مش فى دارفور وكل الثورات التى تطالب بالمساواة مرت بنفس الظروف
غايتو مساله ان تتمنى انفصال دارفور شيلوا من دماغك وانسى


#1288297 [رمضان كريم]
4.75/5 (5 صوت)

06-18-2015 11:36 AM
ما عندنا مشكلة تنفصل دارفور ...
ولكن ........
قبل انفصال الجنوب قالوا الفقر في البلد سببه حرب الجنوب لأنها بتكلف الدولة أكثر من مليون دولار يومياً وأكلت موارد الدولة، ومن غير جنوب حا نكون أحسن.
بعد انفصال الجنوب قالوا الفقر في البلد سببه إنه 80% من موارد الدولة ذهبت للجنوب بعد الانفصال.
لم يعتذروا إنه حساباتهم كانت خاطئة.
المشكلة ليست في هؤلاء وإنما المشكلة في الشعب السوداني الذي رضي أن يسمع الكذب بالليل والنهار ولا يقول هذا كذب، ولا يرد على الكذاب، عشان كدا تجرأوا عليه وأصبح كذبهم من العيار الثقيل وبدون أي تحفظ.

[رمضان كريم]

ردود على رمضان كريم
[جركان فاضى] 06-18-2015 03:17 PM
لعن الله قوما ضاع الحق بينهم....صحيح ماتقوله يا رمضان كريم فى شعب استسهل الذلة والفقر والمرض


#1288296 [ود الشبارقة]
4.00/5 (2 صوت)

06-18-2015 11:35 AM
البلد ناقصة ازمات يكفيها ما فيها ... السيسي ..مشكلته الاساسية ابو قردة ... وهلال مشكلة كبر وازاحه ... السيسي صرح صراحة ابو قردة او المكتب الاقليمي ... هي صراعات فردية ومصالح ذاتية بين افراد والنظام والخاسر في النهاية الشعب السوداني

[ود الشبارقة]

#1288263 [aldafari]
5.00/5 (1 صوت)

06-18-2015 10:44 AM
الانقاص دا اصلا جاءت لعذاب اهل السودان وقتلهم وتشريدهم وانفصال جنوب السودان لا لشيء اخر اتت من اجله؟

هؤلاء نبت شيطاني والدليل خراب البلد بمن فيه؟


وفي نيتهم احكموا فقط الخرطوم وباقي السودان يصبح دويلات فقط لا يهمهم الكلاب.

[aldafari]

#1288260 [جرى]
5.00/5 (1 صوت)

06-18-2015 10:42 AM
حليله الراجل كان عشمان فى وزارة فى المركز
كفاية التوظيف لهم عبر السلاح كفاية
كل واحد كونه عشرة وقال انحن الحركة لتحرير انسان دارفور وهم سبب دمار دارفور

[جرى]

#1288258 [ود قريضه]
5.00/5 (1 صوت)

06-18-2015 10:41 AM
التجاني سيسي هو صناعه النظام صناعه خالصة تصوروا رئيس حركة مسلحة يقابل رئيس الدولة اللي يحارب فيها ثلاث مرات سرا قبل الاعلان عن تكوين الحركة نفسها وعلي فكره هو لم يرى الميدان لا من قبل ولا بعد اتفاق الدوحة وليس لديه جيش اصلا.
وكما قال اخرون انتهى دوره وسبقوا ابوقرده وتاج الدين نيام في الانبطاح وحمل المباخر للبشير وبالتالي يحاول ان يلملم اطرافه ويعود الي عمله السابق في الامم المتحدة او يعود لسيدي الصادق ابوكلام فارغ.

[ود قريضه]

#1288241 [علي احمد جارالنبي المحامي والمستشار القانوني]
3.50/5 (3 صوت)

06-18-2015 10:25 AM
.
واضح ان سناريهات دارفور لا زالت تسير على خطى سناريوهات الجنوب الذي انتهى الى الانفصال ..... قريباً سنسمع اتفاق ( تقرير المصير لدارفور ) الذي سينتهي الى الانفصال حتماَ ، والبشير وصحبه حاضرين لتنفيذ ذلك طالما ان الأمر سينتهي الى ما انتهى اليه الجنوب من إضرابات كثيراً ما وجد فيها نظام الإنقاذ مدخلاً للمتاجرة والمساومات الرخيصة ...... وتبرير تمديد امد استكرارهم في السلطة مستبدين وجائرين ......................
والله يستر على السودان الفضل ( ارضاً وشعباً ) .......

[علي احمد جارالنبي المحامي والمستشار القانوني]

ردود على علي احمد جارالنبي المحامي والمستشار القانوني
[واحد عاقل] 06-18-2015 05:41 PM
انا لم ادعو لفصل دارفور
واعرف دورها التاريخى والحالى
واعرف جغرافيتها وثرواتها وسكانها وتنوعهم
ولكن ..ادخلت السودان فى دوامه من الاحتراب والاقتتال و عطلت تمميتها وتنميه كل السودان
سياسها غير جادين ....ولا يملكون خطه او استراتيجيه واضحه لحل مشاكلهم
الان دارفور 5 ولايات
الان اغلب الوزراء من دارفور ارضاء لاهلها
كل من حضر وووقع على اتفاقيه اعطى مناصب ودمجت قواته فى الجيش
امس دى تم توقيع اتفاقيه تجعل من زالنجى عاصمه كبيره..
البرضيكم شنو
اين مدنى والحصاحيصا والمناقل من التنميه ...

[faris] 06-18-2015 11:00 AM
ياريت


#1288240 [aboahmed]
5.00/5 (3 صوت)

06-18-2015 10:24 AM
يعلق او لايعلق هؤلاء مجموعة اشخاص استفادوا من النظام والنظام استفاد منهم . ولكن لا النظام ولا مجموعة السيسى مهمومين بقضية البلاد والعباد

[aboahmed]

ردود على aboahmed
European Union [الراجل] 06-18-2015 11:38 AM
كلام مظبوط


#1288234 [الدود]
5.00/5 (2 صوت)

06-18-2015 10:19 AM
الصبر ماقلتوا الدوحة دي اخر الوثائق ..... كده ادوها صبر شوية

[الدود]

#1288230 [عقلي طار]
5.00/5 (1 صوت)

06-18-2015 10:11 AM
هههههه شر البلية ما يضحك
بعدما بصمنا في الدوحة
علي اتفاقية هم كتبوها
وغضضنا الطرف عن تنكيل اهلنا
وحتي الطلبة في الخرطوم وبل روجنا
لمهزلت البشير الانتخابية
فكان جزائنا جزاء سمنار
ما كان افضل نشاور مني اوركاوى
طيب شنو نسوى بعدما دمجنا الجيش

[عقلي طار]

ردود على عقلي طار
[الكجور الأسود] 06-18-2015 12:11 PM
أنا بشوف ما مفروض الحكومة تتجاهل السيسي بالطريقة دي ،بعد العملو معاها في الدوحة،وإلا فإن الذي حصل له سوف يحصل أيضاً لـ "عبدالعزيز الحلو" و"مالك عقار" وغيرهما من قطاع الشمال أو الجبهة الثورية إذا إتفقوا مستقبلا مع الحكومة.


#1288223 [شيردمان]
4.00/5 (2 صوت)

06-18-2015 10:07 AM
اتمني ان تنفصل دارفور ويحكمها أبناؤها وينتهي هذا المسلسل البائس الذي لا يفيد لا اهل دارفور ولا بقية مناطق السودان ... دارفور أدخلت البلد عامة في نفق ضيق وعصفت بالاقتصاد .. ماذنب بقية الأقاليم ليعيشوا بائسين بسبب إقليم دارفور .. فالينفصل دارفور ويحكمها أبناؤها .

[شيردمان]

ردود على شيردمان
European Union [ibrahim] 06-18-2015 11:28 AM
ياشيردمان دي طريقة تفكير عقيمة وفيها شي من قصر النظر نحنا اسع دايرين الجنوب نرجع الجنوب تقول اتمني تنفصل دارفور انشاءالله امنياتك دي ما تتحقق اصلا

[كنكنيته] 06-18-2015 10:43 AM
اليس هذا هو نفس تبريركم لفصل الجنوب ؟؟؟
سبحان الله ،،،،،،،،،،،،،،،،،،،،،،،،،،
وغدا سيكون نفس التبرير لفصل الشرق ،،


#1288217 [Ali S. Alberjo]
5.00/5 (2 صوت)

06-18-2015 09:58 AM
"لاَ يُكَلِّفُ اللّهُ نَفْساً إِلاَّ وُسْعَهَا" لا بأس من الاسترخاء قليلاً من النصب وهمبتة الاستوزار السياسي والرجوع الى الله في أول يوم من شهر الطاعات فأجعلوا كل أعمالكم مليئة بالعطاء والزهد والصحة والنشاط وانظروا بعين الرحمةالى الأهل سكان الفاقة في معسكرات الذل والهوان.

[Ali S. Alberjo]

#1288205 [samer]
4.50/5 (3 صوت)

06-18-2015 09:37 AM
الانقاذ دائما بتعمل اتفاقيات عبور وقتيه , و بتعمل ليها هيلمانه , الظروف اختلفت و اتفاقية الدوحه فى الوقت الراهن دورها انتهى لعدة اسباب منها التحول من الدوحه الى الرياض , شروط موسى هلال , وقف التعامل مع ايران , الحكومه لازم تتفق مع الحركات المسلحه , بعد تفريق جيش السيسى و ابوقرده و كان دا الهدف الاساسى من الاتفاقيه اذن دور السيسى انتهى , تزوج و بيت فى كافورى و هذا سقف الانقاذ لحاملين السلاح

[samer]

ردود على samer
[خايوت بعانخى] 06-18-2015 10:04 AM
انت صادق يا سمير فعلا بيت السيسى من ثلاثة طوابق فى كافورى مربع 7 الان فى مرحلة التشطيب


#1288202 [أم قوقسي]
4.00/5 (1 صوت)

06-18-2015 09:31 AM
أكيد يرومون المناصب العليا لكن خاب المنى في التشكيلة الأخيرة. إذا ما عايزين خليهم يمشوا الغابة ولن يستطيعوا لأن كل قواتهم من الجنجويد زرعهم المؤتمر الوطني

[أم قوقسي]

ردود على أم قوقسي
[الهر] 06-18-2015 10:14 AM
ام قوقسي ياتو فسي .... السيسي فسي... ههههههههههههاي


#1288192 [ابو هاجر]
4.00/5 (2 صوت)

06-18-2015 09:15 AM
تجربة اركو مناوي كانت خير دليل تستخرج منها العبر وقيل العاقل من اتعظ بغيره ولكن هل هناك رجل رشيد ؟

[ابو هاجر]

#1288191 [الكردفاني العدييييييييييييييييييييييييييييييييييييييل]
4.50/5 (2 صوت)

06-18-2015 09:15 AM
خلونا نشوف ..... لانو نصحوكم ... وما سمعتوا .... حتى جربتم المجرب .... كدي اسالوا .... مناوي ..... بيديكم المختصر المفيد .....

[الكردفاني العدييييييييييييييييييييييييييييييييييييييل]

#1288176 [امين]
0.00/5 (0 صوت)

06-18-2015 08:54 AM
الله فى

[امين]

#1288158 [كاره الكيزان]
4.50/5 (4 صوت)

06-18-2015 08:25 AM
سيسي شنو وعفن شنو حرامية كلكم مع بعض بشيركم على غيركم

[كاره الكيزان]

#1288157 [الحالم]
5.00/5 (1 صوت)

06-18-2015 08:17 AM
السيسي لا يجيد قراءت ما بين السطور والكلام قالو الرئيس عمر البشير بصورة واضحة وضوح الشمش وظائف عن طريق البندقية ثاني مافي والسيسي عامل رايح لحدي ما وصله راس السوط

[الحالم]

#1288153 [ابراهيم مصطفى عثمان]
5.00/5 (2 صوت)

06-18-2015 07:59 AM
هذه هي نتائج الاعتماد علي الغش والخديعة وشراء الذمم بالمال والمنصب وفشل سياسة (فرق تسد) ابار الاموال نضبت والتعيين في المناصب تشبعت لدرجة كبيرة وبعد كل ذلك يطلبون من المسلحين القاء السلاح دون النظر في سبب حملهم للسلاح سياسات قصيرة النظر والمدي لكسب عدة شهور للبقاء في السلطة لتاتي ساعات انسداد كلي .

[ابراهيم مصطفى عثمان]

#1288142 [ابو كلبشة]
4.00/5 (1 صوت)

06-18-2015 07:15 AM
حركات نهب وسلب ومحتاجين بنكنوت وبس والا رجعوا للنهب من جديد , اصلا مواقف الحافلات والموانئ البرية ما فيها شئ

[ابو كلبشة]

#1288139 [ابو الجار]
4.00/5 (2 صوت)

06-18-2015 06:41 AM
هذا جزاء من يتاجر بدماء النازحين و الغلابة من اهل دارفور، يوميا اغتصاب و قتل و النهب و اختطاف تحت ظلال وثيقة الدوحة للسلام. ابواق النظام من سيسي لابو قردة يقولون الامن مستتب و ناس يعيشون في الجحيم الجنجويد. ابو قردة محظوظ ما زال يكد في العظم الصحة لان من خلفية كيزانية المزروع وسط اهل دارفور لتشتيتهم اما سيسي فلا بواكي عليه لان قروش دوحة مافي خلاص شوف ليك جبل اطلع فيه

[ابو الجار]

ردود على ابو الجار
[البصيرة ام حمد] 06-18-2015 01:08 PM
اخونا المحروق اتق الله،كلامك شين خلاص، مين قال ليك ان الاغتصاب اثناء الحروب والنزاعات مربوط بجمال المراة اوقبحها؟وحتى في الاحوال العادية مين قال ان المغتصب يبحث عن المرأة الجميلة ليرتكب جريمته؟ الاغتصاب في اثناء النزاع المسلح يستعمل كفعل عدواني وسياسة ممنهجة لتدمير شعب او مجتمع محلي .ولاذلال وتخويف النساء ووسيلة من وسائل الضغط وإخضاع الأفراد والجماعات والسيطرة والتفريق وتهجير المدنيين بالقوة.الاغتصاب في دارفور مورس ويمارس لاذلال قبائل بعينها، الاغتصاب في دارفور انتقل من جريمة عادية الى جريمة حرب وجريمة ضد الانسانية عندما تم الاعتراف انه ممارس بشكل ممنهج وواسع النطاق ويعبر عن سياسة رسمية للدولة ضد مجموعة سكانية لها طابع عرقي او قومي او اثني، اعتبر الاغتصاب في النزاعات المسلحة الدولية وغير الدولية بموجب اتفاقية جنيف جريمة حرب وجريمة ضد الانسانية وايضا الاغتصاب معترف به الآن بوصفه عنصرا من عناصر جريمة الابادة الجماعية ، عندما يرتكب بقصد التدمير الكلي او الجزئي لجماعة مستهدفة.ارتكب الصرب جرائم اغتصاب فظيعة ومروعة ضد نساء البوسنه والهرسك وقد فعلو ذلك كسياسة ممنهجة ومبرمجة لبث الرعب في مجتمع البوسنة والهرسك اجمع، لقد سجلت لجنة متابعة التحقيق في مشكلة المغتصبات التي شكلتها الحكومة البوسنية ستين ألف حالة اغتصاب من النساء والفتيات البوسنيات وفي بعض الحالات سجلت إجبار الأباء والرجال على مشاهدة اغتصاب بناتهم وزوجاتهم لتبقى صورة بشعة في ذاكرتهم، وكان الاغتصاب يتم في أكثر الأحيان بشكل جماعي بصورة تتقزز منها النفوس حتى أن الرجال لم ينجوا من الاغتصاب ولا الفتيات المعاقات وكان اغتصاب النساء عملية مخطط لها تتبناها قيادة الصرب وجنودها حتى تظل المسلمات بعد ذلك ذليلات منكسرات ومهانات ،الاغتصاب في دارفور الآن يدرس في الجامعات كنموذج لانتهاكات معاصرة، ولكن للأسف انت تنكر ذلك، بس ان شاء الله ما تكون بتاع امن مدسوس في الراكوبة.

[محروق] 06-18-2015 10:28 AM
اغتصاب وكلام فارغ ..اين النساء والجمال اللذى يغرى الانسان للاغتصاب هل درافور لبنان ..يا اخوان معروف فى تشاد والاماكن المجاورة لو ما كنت بتاع حريم يعتبروك ماراجل ودى ما عاداتهم وكل اللذين يحملون السلاح قطاع طرق وليس لهم صله بدارفور على دبنار وبعدين حكاية تدمير المدن ..هى وين المدن كلها بيوت قش تحمل على ظهر دابة وشتات وباقى سيجارة تاتى على كل شىء..عاملين دوشة وكذب اغتصاب وحرق المدن ..اين العمارات والمبانى الثابتة واين الحريم..جنس قباحة قال اغتصاب قال..


#1288133 [hassan]
4.50/5 (4 صوت)

06-18-2015 06:06 AM
ادوهم بمبا تستاهلو

شكلو الكيكة الادوها ليهم

قدر وزنهم

[hassan]

#1288132 [awad]
5.00/5 (1 صوت)

06-18-2015 05:55 AM
كتتتتمممممتتتت

[awad]

#1288126 [Faten Ahmed]
4.75/5 (3 صوت)

06-18-2015 04:04 AM
مؤتمر صحفي دايرين تقول فيه شنو؟
القصه واضحه وما محتاجه مؤتمر
طبعا البشير ما اداكم حقائب وزاريه
كنت تحلموا ببها

[Faten Ahmed]

#1288115 [ركابي]
4.94/5 (5 صوت)

06-18-2015 02:28 AM
طلاق بالتلاتة ههههه الجميع استشعروا دنو اجل الانقاذ وبدأوا بالقفز من السفينة الغارقة

[ركابي]

ردود على ركابي
[محروق] 06-18-2015 10:30 AM
بتحلم خليك نائم وانشاء الله مائة سنة اخرى..تمكين ..تمكين

[أبوهاشم] 06-18-2015 09:50 AM
استنتاج رائع ...تمام ياركابي.

European Union [بكره الكيزان] 06-18-2015 08:24 AM
اجل شنو يا زول
ديل بيتشالكو في الغنائم


#1288114 [ود الشكابة]
4.75/5 (4 صوت)

06-18-2015 02:24 AM
الكﻻم واضح . الكيكة ما حصلو فيها حاجة . السيئ سيئ كان عايز نائب رئيس وبالعدم والى دارفور . اهملوهو لدرجة مستشار درجة خامسة ما لقاها . عالم عفن

[ود الشكابة]

#1288103 [الثورى]
4.69/5 (9 صوت)

06-18-2015 01:17 AM
بعد دا وثيقة الدوحة بلوها واشربو مويتها

[الثورى]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة