الأخبار
أخبار إقليمية
مشاعر : الجاليات الوافدة لظروف استثنائية ضيوف أعزاء على السودان
مشاعر : الجاليات الوافدة لظروف استثنائية ضيوف أعزاء على السودان
مشاعر : الجاليات الوافدة لظروف استثنائية ضيوف أعزاء على السودان


06-19-2015 08:58 PM
الخرطوم (سونا) - أعلنت الأستاذة مشاعر الدولب وزيرة الرعاية والضمان الاجتماعي ترحيبها بالجاليات التي وفدت للسودان في ظل ظروف استثنائية تمر بها بلادهم مثل سوريا الشقيقة و دولة جنوب السودان وخاصة خلال شهر رمضان الكريم ، واعتبرتهم ضيوف أعزاء بالبلاد.
وأوضحت الدولب لبرنامج (مؤتمر اذاعى) بإذاعة أم درمان اليوم أن وزارتها نسقت مع ديوان الزكاة بتخصيص نصيب معين (جعل) للمساهمة به للجاليات الوافدة والطلاب .
وحثت الوزيرة كل مكونات المجتمع السوداني المعروف بقيمه وعاداته وكرمه الأصيل بإكرام وفادة هؤلاء الضيوف الأعزاء وإشعارهم بأنهم بين أهليهم .
ووجهت وزيرة الرعاية والضمان الاجتماعي إشادة وتحية لمنظمات المجتمع المدني التي تؤدي دورا تكافليا واجتماعيا وإنسانيا كبيرا يجد كل تقدير واحترام ، وحيت المبادرات الشبابية والنسوية والطلابية التي تنتظم هنا وهناك في الشهر الكريم إضافة إلى دور المسؤولية الاجتماعية للشركات التي أصبحت تساهم بقدر كبير في فعل الخيرات خاصة خلال شهر رمضان .


تعليقات 13 | إهداء 0 | زيارات 2676

التعليقات
#1289643 [mohamed adeeb]
5.00/5 (1 صوت)

06-21-2015 01:50 AM
يا وزيرة الغفله لو مطار الخرطوم اخترقه باكستانى فانه من السهل دخول منظمين من داعش والملصقات فى الكلاكله مؤشر ومافى دخان من غير نار . بعدين المثل بقول لو ما كفى اهل البيت يحرم على الجيران. هو منو وزير الداخليه حسى والله جبانه وهايصه.

[mohamed adeeb]

#1289439 [Brins]
5.00/5 (1 صوت)

06-20-2015 05:51 PM
ايتها الأخت السخيه مشاعر الدولاب اسمك على مسمى .. نحن الخارجون وهم الداخلون

[Brins]

#1289283 [khalid]
4.22/5 (6 صوت)

06-20-2015 12:01 PM
ستظلوا الى متى فى هذه السذاجة !! (باوزيرة الغفلة راجعى شعارات داعش فى اعمدة انارة شارع الكلاكلة شرق لتعرفى ماذا ينتظرنا.

[khalid]

#1289237 [cool]
4.07/5 (5 صوت)

06-20-2015 10:50 AM
اذا كان دخول هؤلاء الاجانب بصوره رسميه
فمرحبا بهم اما اذا كان دخولهم بطرق غير
رسميه سواء لهؤلاء او غيرهم من جميع الجنسيات
فلااهلا ولاسهلا فهمتى يالسيده حليمه.

[cool]

#1289215 [خالد فارس]
4.07/5 (5 صوت)

06-20-2015 10:05 AM
هههههههه هو السودانيين نفسهم ضيوف اعزاء في السودان في عهدكم والله يا الدولب انت خارج السرب

[خالد فارس]

#1289187 [أبو زيد قنب]
4.19/5 (6 صوت)

06-20-2015 08:55 AM
الزكاة تمنع من مستحقيها الاصليين أصحاب العوز المزمن ، وتقدم للجاليات التي وفدت . مستوى من الادارة النسائية عقيم ونموذج سيئ لهؤلاء النسوة الجاهلات كجهل رئيسهم الهارب. فوضى وعبء على الشعب السوداني ، نسأل الله أن يجعل كيدهم في نحورهم .

[أبو زيد قنب]

#1289123 [SESE]
4.19/5 (7 صوت)

06-20-2015 01:05 AM
قالوا من يكبر شبكته في البحر تجيب له سمك القرش ومن يكبرها في النيل تجيب له التمساح. احذري اللميمة بدون تمحيص وإلا دخلتونا في حيص بيص لما الدواعش يطرقوا الابواب......

[SESE]

#1289109 [الحق ابلج]
4.60/5 (7 صوت)

06-20-2015 12:49 AM
مرحبا بهم ضيوفا كرام . برغم كل شئ فان وقوفنا معهم فى محنتهم ومواساتهم هى التى ستجلب لنا الرحمه باذن الله . فعندنا اضعاف اعددادهم من السودانين اﻻجئين والمشردين فى كل مكان حتى فى اعالى البحار .
فيها حاجه لو الوزيره اقترحت تبرع يومين تﻻته لصالحهم من الدستوريين فى هذا الشهر الكريم ؟؟؟؟؟

[الحق ابلج]

#1289094 [تواه]
3.94/5 (5 صوت)

06-20-2015 12:21 AM
صنفوهم وشوفوا مهنهم لو مازارعين على النيل نستفيد منهم لو مهنيين على السوق طوالي الدولة ما تكلف نفسها قروش اصلوا تفتح ليهم فرص العمل وتخليهم يجنوا ثمار عملهم .. اي دخول في مساعدات مالية وغيرها خطر جداً ممكن يكون عرضه للفساد على الدولة استعجال الخطط وعدم اهمال الموضوع لانه له ما عليه ..

[تواه]

#1289084 [سوداني كاره ابو خا....شا]
4.19/5 (7 صوت)

06-20-2015 12:16 AM
خلاص يامشاعر انا اريحك ادوهم الجنسية والجواز والرقم الوطني وكمان بالميلاد كويس بالاخص للاخوة العرب تمام ديل اصلو ماتقصرو معاهم اما الجنوبيين ديل مامحتاجين طبعا ديل اصحاب بلد جيران الحيطة بالحيطة وعليك الله كمان السوريين ديل كلو واحد منهم اديهو كمان فيلة ولا اقول ليك فلتين كمان ومعاهم كمان الاخوة المصريين ولا اقول ليك حاجة يامشاعر الدوليب اديهم السودان كلو صدقة كده لوجه الله تعالي...غايتو ملعون ابوها بلد ذاتو كرهتونا الله يلعنكم تطردو فينا وتجيبوا الوهم الكوشة ديل

[سوداني كاره ابو خا....شا]

#1289066 [jamal]
4.07/5 (5 صوت)

06-19-2015 11:46 PM
nice pic

[jamal]

#1289056 [ثورة الزنج]
4.57/5 (8 صوت)

06-19-2015 11:30 PM
..............وهذا ما أدى الى تهتك النسيج الاجتماعي السوداني...وتقسيم البلاد .. وما يزال الحبل على الجرار...بسبب (ثقافة المجتمع الرعوي) بنظرته الاستعلائية ونرجسيته واحتقاره للأخر (الأسود او الاسمر).. وهي ثقافة محتقرة للذات والصفات الأفريقية.. التي خلقها رب واحد... وهذا شكل من أشكال الفصام النكد.. الذي يعيشه السودان اليوم تحت حكم (دولة الفصل العنصري) ...وهو ناتج عن الاعتقاد الواهم بالانتماء لشجرة النسب العباسي القرشي... ذلك الوهم الذي يسيطر على العصابة الحاكمة من مشيرها الى خفيرها... فمن يصف السودانيين بالحشرات ... يسهل عليه ابادتهم من الوجود وليس فقط حرق قراهم واغتصاب بناتهم ونسائهم... وقتل اولادهم وشيوخهم... ولكنه دين مؤجل ... سيقومون بدفعه غاليا.. وكأس حنظل دائرة ..سيتجرعونها في نهاية المطاف... وأظنه قريبا... ولن يطول.

[ثورة الزنج]

ردود على ثورة الزنج
[kola] 06-21-2015 12:14 PM
ما فاهمين ! الترجمة لو سمحت؟!!!


#1289020 [nagatabuzaid]
4.60/5 (9 صوت)

06-19-2015 10:08 PM
مرحب بهم سوريين جنوبيين احباش ونتقاسم معاهم النبقة بس يا مشاعر عليك الله انتبهى السوريين ديل بعضهم داعشيون يضللون ابنائنا وبناتنا ويصدروهم لداعش وهم يقعدوا مكانهم نظام اخلاء اماكن وكدة اما الاثيوبيين عليك الله كلميهم يبطلوا شنق انفسهم او شنق بعضهم كل يوم والثانى نحن مخلوعين ومرعوبين ديل جننوا الشجر ذاتوا الشجرة المثمر عقر والعاقر اثمر وطرح وليداتوا نان هى خلعة نصاح ؟؟؟

[nagatabuzaid]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة