الأخبار
أخبار إقليمية
باكستاني يدخل البلاد عبر مطار الخرطوم بأوراق مزورة
باكستاني يدخل البلاد عبر مطار الخرطوم بأوراق مزورة
 باكستاني يدخل البلاد عبر مطار الخرطوم بأوراق مزورة


06-20-2015 04:00 PM
الخرطوم: عمار محجوب
تمكن مواطن باكستاني من دخول البلاد بأوراق ثبوتية مزورة فجر أمس الأول قادماً من باكستان عبر الخطوط الخليجية، ووجهت السلطات بمطار الخرطوم بالتحقيق في حادثة هروب الباكستاني من المطار. وأبلغ مصدر مطلع - أن مواطناً باكستانياً يحمل جوازي سفر أحدهما باسم «ناب أحمد» والآخر «خالد أحمد» وفيزا تحمل الرقم (327575) وإذن دخول بالرقم (4147) وصل مطار الخرطوم فجر أمس الأول. وأضاف المصدر أن الباكستاني تمكن من الهرب من المطار بعد اكتشاف السلطات أن أوراقه مزورة وقررت إرجاعه لبلاده، وأكد المصدر أن سلطات الجمارك وجهت بتشيكل مجلس للتحقيق في الحادثة.
من جهة أخرى كشف ذات المصدر عن استبعاد السلطات الإسرائيلية (3) سودانيين من أراضيها دخلوا بطرق غير شرعية، وقال المصدر إن المبعدين وصلوا مطار الخرطوم أمس قادمين من تل أبيب عبر القاهرة

اخر لحظة


تعليقات 21 | إهداء 0 | زيارات 12521

التعليقات
#1290015 [مجروس ق ش م]
5.00/5 (1 صوت)

06-21-2015 03:01 PM
دة كويس كلف نفسه وجاء بأوراق مزورة في تشادين .حبش .إريتريا. دخلوا البلد دي كداري لأن يحملون الجنسية والجوازات الدبلوماسية وواحد منهم أصبح من كوادر المؤتمر الوطني ووزير اتحادي .بلد هامله ما عندها وجيع

[مجروس ق ش م]

#1289954 [موسي]
5.00/5 (1 صوت)

06-21-2015 01:42 PM
بلاد أصبحت مستباحة وملاذ وملجأ لكل منبوذ ومطرود من وطنه أو من لا وطن له
أصحوا وأفيقوا يا سودانيين قبل ما تصبحوا لاجئين في بلد كان أسمه السودان ..

[موسي]

#1289932 [الكردفاني العدييييييييييييييييييييييييييييييييييييييل]
5.00/5 (1 صوت)

06-21-2015 01:17 PM
لا تفتشوا عن الباكستاني ..... ولكن عمن فتح له الزريبة ...حتى يخرج .... وكم تقاضى لذلك ..... ناس تشوف الفيل وتطعن ظله ...

[الكردفاني العدييييييييييييييييييييييييييييييييييييييل]

#1289877 [kola]
5.00/5 (1 صوت)

06-21-2015 12:00 PM
اكيد ارهابي يبحث عن بلد هملة

[kola]

#1289797 [cool]
0.00/5 (0 صوت)

06-21-2015 10:35 AM
بكره يطلع جزار لحوم بشريه يطلع من البلد بى
قلوب واكباد وكلاوى وبالمطار ده لو ماتطلع بى
جواز امريكى,بلد ماليها وجيع.

[cool]

#1289796 [Clicker]
5.00/5 (2 صوت)

06-21-2015 10:34 AM
وفيها أيه لما يهرب ؟ عمر البشير قائدنا وأسد أفريقيا هرب برضو حتي ومن دون إجراءات مطار؟

[Clicker]

#1289791 [الفونجي]
5.00/5 (1 صوت)

06-21-2015 10:17 AM
بس نفسي أعرف العباقرة الصمو الشوارع دي وليه عاملين أربعة مسارات بدل مايعملو مسارين في كل مسار 6 حارات ويكون في فاصل واحد بين الإتجاهين زي بقيت بلدان العالم بدل مايكون في ثلاتة فواصل بين الإتجاهين على الأقل كانو يجنبونا مخاطر التحويلات من جهة لي جهة أخرى في الطريق السريع .. لا حولة ولا قوة إلا ب الله العلي العظيم وإنا لله وإنا إليه راجعون ... عشان كدة في وجهت نظري أي حاجة في البلد يعطوها لي شركات سودانية ممكن تنفدها ب إتقان إلا الطرق و مجاري صرف المياه وال صرف الصحي لابد إن لا تنفدهم إلا شركات عالمية .

[الفونجي]

ردود على الفونجي
[ود الامام] 06-22-2015 09:02 AM
اخي الفونجي الطريقة صحيحة قالمسارات الجانبية تسمي بطرق الخدمة فهي تخدم المحلات التجارية والمساكن علي جانبي الطريق وعادة تستغلها بصات وحافلات الركاب لانها تتوقف كثيرا لنزول وصعود الركاب وكل من يريد ان يتوقف لزيارة محل تجاري او غيره وكل من يريد ان ينعطف يمينا عليه دخول طريق الخدمة اولا والحركة فيها عادة ابطأ ولكن تصميم المداخل والمخارج لطريق الخدمة لم يتم بالصورة الصحيحة وفي كل البلدان المتقدمة موجودة


#1289781 [سامي]
0.00/5 (0 صوت)

06-21-2015 10:04 AM
البلد مليانة باكستان كل واحد شايل شوال في كتفو مليانة عطور مغشوشة وحتى وصلوا القرى كمان مااصلها عايرة وادوها سوط

[سامي]

#1289664 [ALIIIIIIIIIIIIIIIIIIIIIIIIIIIIIIIIIIIIII]
4.75/5 (3 صوت)

06-21-2015 03:12 AM
عادي ماانتو اصلا فضايح وفشل لفشل ده معناتو الواحد ممكن يدخل فيل مافيل بس ديناصور زول دخل المطار وزاغ يلا يااخوانا اي واحد يزوغ عادي والله السودان ده بقي مراحة غنم عديل كده قصدي جمال لالا قصدي ارانب لالا قصدي جاموس غايتو انتو تحيرو ابليس ذاتو من تقصيركم هسع بكرة يجي واحد ويصرح انو الموضوع عادي جدا جدا والتحقيقات جارية لمعرفة الحقيقة وكلو تمام التمام يابقر الزول ده بكون زاغ

[ALIIIIIIIIIIIIIIIIIIIIIIIIIIIIIIIIIIIIII]

#1289612 [ركابي]
0.00/5 (0 صوت)

06-21-2015 12:32 AM
طرنقاحة

[ركابي]

#1289609 [تمهيد...]
0.00/5 (0 صوت)

06-21-2015 12:16 AM
عشان بكرة...

تحصل طامة كبيرة في البلد....

يقولو ليك طوالي....ده الباكستاني الهرب من المطار....

تقوم تصدقم على طول...

[تمهيد...]

#1289604 [mohammed]
5.00/5 (7 صوت)

06-21-2015 12:07 AM
يهرب كيف ؟؟؟ زول ولا ضب !!! قال هرب قال!! الزول دا صاحب البشير عارف الدريبات

[mohammed]

ردود على mohammed
United States [Abu] 06-21-2015 10:10 AM
Thanks lad... Indeed we need a laugh right now..

United States [ود التوم] 06-21-2015 09:10 AM
ههههههههههههههههههههه قويه دي


#1289599 [خالد]
0.00/5 (0 صوت)

06-20-2015 11:55 PM
جمارك ه8هههههههه8ههههههه بضاعة باكستانية

[خالد]

#1289583 [الخبير]
4.00/5 (1 صوت)

06-20-2015 11:26 PM
يا سلام على النباهة والدقة, بعد ما مرروهو ودخل البلد اكتشفوا أنو أوراقه مزورة, ده يكون مبعوث من القاعدة لمهمة ما وتانى ما حتلموا فيهو.

[الخبير]

#1289453 [العبيدى]
0.00/5 (0 صوت)

06-20-2015 06:15 PM
عدم موضوع ليس إلا ...

[العبيدى]

#1289440 [بت البلد]
5.00/5 (1 صوت)

06-20-2015 05:53 PM
ولماذا التعب والتزوير, مادام السودان بقى زير كبير داخل فيه كل كيزان العالم وكيزان عمر البشير, يعني الباكستاني دا ياهو الوحيد الخطير؟؟؟!!!

[بت البلد]

#1289432 [A. Rahman]
4.00/5 (1 صوت)

06-20-2015 05:42 PM
باكستاني دخل البلاد بأوراق مزورة، و هرب من المطار؟ و عايزيننا نصدقكم؟ تلقوها عند الغافل، و ما عينوه وزير قبل ما يكتشفوا انه دا الباكستاني الجابوه بأوراق رسمية من بلاده؟ بعدين لو اوراقه مزورة، العاجبو شنو في السودان؟ قال مزورة قال.

[A. Rahman]

#1289420 [أحمد سكاك قطيه]
5.00/5 (2 صوت)

06-20-2015 05:14 PM
طيب الباكستانى فبضوه ولا ولا؟؟؟؟

[أحمد سكاك قطيه]

#1289418 [محتار]
5.00/5 (4 صوت)

06-20-2015 05:11 PM
قبيل علقت على الموضوع و لما رجعت تانى قريتو اتصدمتا اكثر لما قريت انو الجمارك وجهت بتشكيل مجلس للتحقيق ...ما هو دخل الجمارك فى هذا الحادث...و زى ما كتبت انو فى اكتر من جهة داخل المطار و مل واحدة عاملة المطار تحت سلطتا ...بعدين ما اهو الصوماليين لتقبطوا فى ليبيا و يحملون جوازات الكترونية ....اكيد دا خبير اجنبى من طالبان و طلعوا زول نافذ لا يسأل

[محتار]

ردود على محتار
European Union [adolf] 06-21-2015 03:11 PM
الكلام واضح انو الباكستاني استطاع الدخول بشيء ممنوع رغم انف الجمارك و بعد ان اوقفته. و الامر ليس له علاقة بفيزا رقم كدا و اذن دخول رقم كدا.
اصلا يزور عشان يجي السودان لي شنو.
السؤال هو: ما هو الشيء الذي ضبطته الجمارك مع الباكستاني و استطاع ادخاله؟

European Union [ود الركابي] 06-21-2015 11:42 AM
ممكن يكون دخل بالهيروين بتاعه .


#1289414 [محتار]
5.00/5 (5 صوت)

06-20-2015 04:48 PM
و ايه الغريب اذا المطار فيهو 10 سلطات و كل واحدة شغالة براها تجى صالة الوصول يلاقيك اتنين تمشى الدخول تخلص يلاقوك اتنين انت واقف فى السير بكون فى اكتر من عشرة بتلفتو فى الناس و لما تسال يقول ليك دا من المباحث و داك من جهاز الامن و داك من الطيران المدنى و داك من الهدف و قصة فى النهاية لا توجد تدارة واحدة ليهم

[محتار]

#1289398 [hasmad]
5.00/5 (5 صوت)

06-20-2015 04:18 PM
هرب من المطار؟؟؟
هههههههههههههههههههههههههههههه
وتانى ههههههههههههههههههههههه
وتالت هههههههههههههههههههههههه

فلاحتكم يا ناس المطار فى السودانيين بس
بلا يخمكم يقطع طاريكم ببركة شهر الصيام

[hasmad]

ردود على hasmad
[احدي] 06-21-2015 02:54 AM
المطار فيو فساد معروف وظاهر وحيكون دخل عن طريق طباط اكيد ياخي هو قبل كده كارلوس دخل عن طريق منو بعدن جمارك شنو وين مباحث المطار وين الجوازات لانو هم الدخلو وكلنا عارفين وردية المطار بي مليون جنبه مية دولار تشتريها كلها ده كلام فارغ ساي حاميه حراميه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة