الأخبار
أخبار إقليمية
تجدد الاحتجاجات بسبب الانقطاعات المتواصلة للمياه
تجدد الاحتجاجات بسبب الانقطاعات المتواصلة للمياه
تجدد الاحتجاجات بسبب الانقطاعات المتواصلة للمياه


06-21-2015 04:51 AM
خرج عشرات المواطنين في العاصمة السودانية الخرطوم اليوم السبت، في مظاهرات متفرقة في عدد من مدن الولاية احتجاجا على انقطاعات المياه المتواصلة التي تشهدها العاصمة منذ يومين.

وأغلق المحتجون طريق رئيسي بأم درمان، وقاموا بحرق إطارات السيارات في الطرق الرئيسية الأمر الذي أدى إلى إيقاف حركة المرور لساعات طوال، وأدى ازدياد عدد المحتجين وهتافاتهم الى تدخل قوات الشرطة لفض المظاهرات، ولم تخلف المظاهرات أي خسائر في الأرواح لجهة أن المحتجون لم يدخلوا في اشتباكات مباشرة مع قوات الشرطة.

وذكر محتجون لشبكة “إرم” الاخبارية اليوم السبت، إن الانقطاعات دخلت يومها الثالث وان السلطات لم تشرع في اصلاح الاعطال، وشكا بعضهم معاناتهم من حصولهم على المياه طوال ساعات اليوم.

وطالب المحتجون، السلطات بضرورة التدخل العاجل لإنهاء الازمة وفي أسرع وقت ممكن، مشيرين إلى أن سعر “برميل” الماء الواحد وصل لأكثر من 100 جنية سوداني.

واعتبر المحتجون المسؤولين في هيئة المياه فشلوا في معالجة الازمة، ودعا المحتجين إلى فصل فاتورة المياه عن الكهرباء، ووصفوا ربط الخدمة بالدفع المقدم عمل غير قانوني لجهة عدم وجود الخدمة من اصله، وتعهد المحتجين بأنه اذا لم تقدم سلطات ولاية الخرطوم في اصلاح التيار المائي خلال “24” ساعة سيواصلون في المظاهرات الى ان تحل مشكلتهم.

وشهدت العاصمة الخرطوم منذ أول ايام رمضان ازمة مياه حادة، وكانت الحكومة تعهدت لاكثر من مرة بمعالجة الامر ولكنها لم توفي بوعدها، وهو الامر الذي ادى الى خروج المواطنين من وقت لاخر في مظاهرات تعبر عن احتجاجهم على القطوعات المستمرة وتجاهل المسؤولين لحل ازمتهم من المياه.

ارم


تعليقات 20 | إهداء 0 | زيارات 8448

التعليقات
#1290393 [naselhalfiya]
0.00/5 (0 صوت)

06-22-2015 08:59 AM
اقسم بالله العظيم هؤلاء المسئولين بيقروا التقارير من الورق واحد فيهم عارف الحاصل شنو مافي - معتمدين علي الصغار في ذلك و الصغار اسكتوا ساي حاجة عارفنها ما في و كلهم سادين خدمة إلزامية حدهم ينتهوا و بعدين لسان حالهم يقول عنكم ما شربتوا يا اولاد الكلب - و ما حاصل في حلفاية الملوك من تضارب في الاقوال و الافعال و 3 شركات للمياه و كلو و احدة تكيل للاخري و شغالين شغل الغتاتة تصوروا في واحدة من الشركات دي شركة قديمة جدا ما تفتكروا من العهود الاخري لالا في الزمن الاغبر هذا و هم عارفين اين مكان البلوفة بتاعت الموية و شركات الكيزان الاخري ما عارفه تتخيلوا المعافرة مع بعض النتيجة انو حلفاية الملوك عطشي بسبب تناحر المصالح - مهازل و الله العظيم - الناس طلعت مظاهرات جات الموية لبعض الاحياء - المشكلة الناس صايمة ماقادرة لكن الجايات بس الصبر-

[naselhalfiya]

#1290299 [عملوها ظااااهرة...]
5.00/5 (1 صوت)

06-22-2015 02:27 AM
لافي فيضان في النيل عشان يقولو الطمي...

لا في مشكلة في محطات المياه...عشان تبرر ذلك....

زمان أيام نافع ليهو شنة ورنة...كان بقول ديل الشيوعيين...قفلوا البلوفا...

هسا اليشوفو البقفل البلوفا منو....

[عملوها ظااااهرة...]

#1290284 [ابراهيم]
0.00/5 (0 صوت)

06-22-2015 01:20 AM
تكلفة رخلة البشير كانت كافية لحل مشكلة انقطاع الماء لكن يبدو ان بداية فترة حكمه الجديدة ستكون نارا وسعيرا علة المواطنين .. الله لا يعطيه عافيه ويحشره مع ابو لهب..

[ابراهيم]

#1290141 [د..الزهجان]
0.00/5 (0 صوت)

06-21-2015 08:24 PM
العطش ابتلا من الله . وهذا قدر .. اصبرو واحتسبو ..

[د..الزهجان]

#1290131 [بدونيع]
0.00/5 (0 صوت)

06-21-2015 07:56 PM
الله ياثوره الزنج تتحدث بعنصريه تدل علي حقد شديد علي الشمال وبهدد بالمستقبل بس لازم تعرف انه الشمال ارفع من سزاجه الفاظك عشان كده مافي زول شغال بيك مره واحده خلينا نستفيد من تعليقاتك واشك في ذلك لان هذا كل ماتملك من افكار حاقده اختشي بالله كترتها

[بدونيع]

#1290096 [المتغرب الأبدي]
4.00/5 (1 صوت)

06-21-2015 05:53 PM
البشير وعد ناس بورتسودان بمياه النيل ..

ههههههه
كدي أنت أول أسقي ناسك الواقعين بين نيلين وعطشانين ..

[المتغرب الأبدي]

#1290089 [ثورة الزنج]
0.00/5 (0 صوت)

06-21-2015 05:30 PM
.

[ثورة الزنج]

ردود على ثورة الزنج
[محي الدين الفكي] 06-21-2015 08:12 PM
معلوماتك غير صحيحة في النسبة ونحن في النهاية ابناء بلد واحد متساويين في الحقوق والواجبات . ارجو ان لا تكتب مرة اخرى لانك لم تكن سودانيا بالحب للسودان واهله .


#1290051 [بشة]
1.00/5 (1 صوت)

06-21-2015 03:53 PM
موية مافى!! طيب ما يشربوا بيبسى.

[بشة]

#1289970 [إسماعيل آدم]
0.00/5 (0 صوت)

06-21-2015 02:02 PM
مشكلة المياه حلها ساهل ! مع توفر العزيمة و السياسة الجيدة للمياه! من هذه السياسات المائية:
1- إمداد المدن بنسبة لا تقل عن 50% من المياه الجوفية
2- تخصيص آبار جوفية علي مسافة لا تزيد عن ال 500 متر عن كل منزل للعمل في أوقات الطوارئ و توصيلها للشبكة عند الضرورة.
3- إنشاء خزانات للمياه جنوبي العاصمة أي في المناطق الأعلي لتنساب منها لكافة مناطق العاصمة- الأمر الذي سيوفر علي المواطنين تكاليف المضخات و الخزانات المنزلية المكلفة.

[إسماعيل آدم]

#1289939 [ابو جاكومه]
2.00/5 (2 صوت)

06-21-2015 01:24 PM
والله لو قلتوا الروب مفيش حد حا يعبركم دي حكومة الكيزان يا العطشانين كلما زاد عطشمك زادت فرحتهم لان سيكلوجيتهم هي جوع كلبك يتبعك فما عليكم عمله يا شرفاء بلادي هو ان لا تثقوا ابدا في هؤلاء المتاسلمين مهما اغروكم ومهما تظاهروا بالتدين الكاذب الذي هو من شيمهم .فكبيرهم الذي علمهم السحر اتى للحكم بكذبه وخدعه ماكره ورئيسهم لا مثال له في الكذب والافتراء وقد فاق مسيلمه الكذاب في هذه الصفه البذيئه التي تعلو السرقه والزنى كما ذكر الحديث الشريف .فهؤلاء كذبه وولدتهم امهاتهم كذبه ويعيشوا على الكذب وياكلوا الكذب ويخروا الكذب وهم مصيبه على الكذب نفسه.

[ابو جاكومه]

#1289892 [ودنفاش]
1.00/5 (1 صوت)

06-21-2015 12:19 PM
كذلك مدينة الازهرى ومش عارف ليش الازهري تتبع لمحلية جبل اولياء لماذا لا نقلل الظل الادارى ونفصل الازهرى من ناس الكلاكله .الله يكون فى عون مواطنى الازهرى

[ودنفاش]

#1289845 [ابومجد]
2.50/5 (2 صوت)

06-21-2015 11:29 AM
بالأمس شاهد في قناة النيل الأزرق برانامج أسموا كلام ما كمل وتحدث فيهو معتمد محلية الخرطوم ومعتمد ام درمان ومعتمد جبل أولياء جميعهم قالوا ان الخدمات في محلياتهم تفوق في كل السودان بل وساواهم بمدن في المملكة العربية السعودية من كهربا ومياه وطرق ومدارس وأسواق وحدائق وووووووو الله يكدب الشينة!!!!!!!!!!!!!!!!!!!!!!!!

[ابومجد]

ردود على ابومجد
European Union [هدهد] 06-21-2015 10:43 PM
شاهدت هذ البرنامج واصيبت بالقيء شيء يغيظ ويجلب الحسرة !!!! مسؤلون يتكلمون بهذه الجرأة والثقة العالية والمصيبة كل الحقائق التى ذكروها فرية وكذب والله فعلا البختشوا ماتوا من اين اتى هؤلاء القوم؟؟ يكذبون ولا يستحون لا يخافون الله ولا يخجلون من كذبهم ، هؤلاء يعيشون فى ابراج عالية وفيهم من يعلم بضنك ومعاناة هذا الشعب لكنه لا يفصح عن ذلك ولو بحرف ويتعبر ذلك اشانة لحكم الكيزان . قطع الله دابرهم انى حلوا هؤلاء منافقين درجة اولى والله اليهود افضل واقل ضرر من هؤلاء الافاكين المنافقين .


#1289818 [جركان فاضى]
4.50/5 (4 صوت)

06-21-2015 10:58 AM
يقال ان النيل نهر من انهار الجنة...ماشبعنا فيه فى الدنيا عايزين نشبع فيه فى الاخرة...قال الهجرة الى الله...وطيب كيف يكون شعور سكان بورتسودان وسكان الابيض بأن موية النيل جاياهم جاياهم....الجواب يكفيك عنوانه او كما يقولون

[جركان فاضى]

#1289767 [alwatani]
1.00/5 (1 صوت)

06-21-2015 09:47 AM
the islamaic party shareing in government with littermembers need to tetun the may revelution counter attack ahortage at services and sugare and any things in future if albashir give him more pourtanties inthe the capent of ministeries

[alwatani]

#1289742 [:::بيكو:::]
4.85/5 (6 صوت)

06-21-2015 09:14 AM
حسبي الله ونعم الوكيل برميل الموية 100! والبحر على مرمى حجر
لك الله ياوطن

[:::بيكو:::]

#1289734 [جنو منو]
3.50/5 (3 صوت)

06-21-2015 09:05 AM
والله الحكومه دى غير الكذب والدجل والتهب ماعندها حاجه.. ثوروا ساكت لحدى ماتنقلب أو يجىء واحد ضكر يقلبها فى روؤسئهم ..!! غير كده مافى حل .. انشاءالله
يكون الكلام وقع ليكم ..!!

[جنو منو]

#1289705 [THE JACKLE]
4.92/5 (8 صوت)

06-21-2015 07:40 AM
شعبي الكريم و الله وتالله وبالله الناس ديل ما عندهم حاجه يقدموها ليكم من يوم إستلموا وحلكم أولاد الكلب ديل يمشوا لاهاي لأنهم ما يستاهلوا توسخوا يديكم بيهم .... واصلوا في مظاهراتكم ساكت والله ما عندهم ليكم حل...
يعني راجين الحل من اللمبي و لا من بشه...

[THE JACKLE]

#1289698 [سوداني انا]
4.38/5 (4 صوت)

06-21-2015 07:01 AM
لا حول ولا قوة الا بالله يا ناس الحاصل شنو الحكومة ما قادرة حتي المياه توفرها ونحن يجري امامنا نيلين والله شئ مخجل ومخزي ده لحكومه صارت مثل بني اسرائيل ربنا وفر لهم كل سبل الراحة بل طالبوا الخالق ان ينزل علهم مائدة من السماء
فنحن في السودان متوفر لنا المياه امامنا وتحت اراضينا وفوق سمانا وفي كل ذلك عطشي ماذا فعل الشعب ليلقي منكم كل هذه القساوة حكم مديد حكمنهم تمكين تمكنتم زواج مثني وثلاث ورباع تزوجتم توريث في الحكم اقمتوه شنوا الفضل للمواطن عشان يعطيكم له حتي تكونوا ميسوطين لا حول ولا قوة الا بالله انا لله وانا اليه راحعون في هذه المصائب

[سوداني انا]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة