الأخبار
منوعات سودانية
ثعبان يهاجم المصلين بمسجد الزوارق بالخرطوم
ثعبان يهاجم المصلين بمسجد الزوارق بالخرطوم



06-23-2015 02:58 PM
الخرطوم: مي علي آدم

هاجم ثعبان عدداً من المواطنين داخل مسجد نادي الزوارق بالخرطوم قبالة العمارة الكويتية عندما هم المواطنون بأخذ قسط من الراحة داخل المسجد بعد أداء صلاة الظهر، وتسلل الثعبان إلى داخل المسجد فأصاب المواطنين بحالة من الذعر والهلع وخرجوا عن بكرة أبيهم حيث تمكن عدد من المواطنين بمحاصرة الثعبان وقضوا عليه وأخذ بعيداً من المسجد، وقال أحد المواطنين إن الثعبان ربما تسلل من الأشجار الكثيفة وهجم عليهم وأصابهم بحالة من الذهول وتدفقوا نحو الشارع إلى أن تم القضاء عليه.

اخر لحظة


تعليقات 10 | إهداء 0 | زيارات 7941

التعليقات
#1301478 [Shafo]
0.00/5 (0 صوت)

07-10-2015 11:39 PM
يا جماعة دا اسمه انسحاب تكتيكي

[Shafo]

#1292005 [سوداني بس]
4.00/5 (3 صوت)

06-24-2015 04:03 PM
طيب شنو المشكلة يعني ؟ قاموا جارين !! ما هو الريس ذااااااااااتو قام صوووف من جنوب أفريقيا ,,,,,,,,,,,,,,,,,,,, .

[سوداني بس]

#1291763 [ابو عزو]
4.40/5 (7 صوت)

06-24-2015 11:38 AM
لو كانوا صبروا شوية لنالوا الشهادة ... دول إيمانهم ضعيف لو كان إيمانهم قوي لما اشتغلوا بالعثبان وواصلوا صلاتهم .. هذا إختبار حقيقي للإيمانيات

[ابو عزو]

ردود على ابو عزو
[ممغوص] 06-24-2015 03:24 PM
صلاة شنو قال ليك عايزين ينوموا


#1291740 [ليالى الخير]
4.57/5 (6 صوت)

06-24-2015 11:15 AM
ديل رجال ديل ياخ يوم داك بتاع بقاله بسخن فى اللبن جا واحد دقش الخرطوش بتاع الاسطوانه قامت النار بقت فى ناس كان واقفه كميه وحريم وكدا بشتروا الناس كلها قامت جاريه زول فكر اقفل الانبوبه مافى لمن جا واحد قفله .

[ليالى الخير]

#1291650 [مواطن]
4.76/5 (9 صوت)

06-24-2015 08:59 AM
قبضوا علي الثعبان و اجذوه الي مكان بعيد، والله دي قويه عديل كدا

[مواطن]

ردود على مواطن
European Union [مجهول] 06-24-2015 01:40 PM
قضو،الباء جبتها من وين ولا السكر عندك نقص،رمضان كريم وتصوم وتفطر علي خير
ودعتك الله.

[عبدالرحيم] 06-24-2015 10:34 AM
(قضو) الباء دي من عندك رمضان كريم


#1291582 [ركابي]
4.57/5 (7 صوت)

06-24-2015 04:14 AM
الرجال ماتوا في كرري هههههههه

[ركابي]

#1291468 [عصمتووف]
4.60/5 (8 صوت)

06-23-2015 10:14 PM
رجال اخر زمن يفرون من ثعبان السؤال هل المصلين بنادي الزوارق اولاد ميكي رجال الغد بفرون من ثعبان لا يملك غير نابان اوجة هؤلاء السحاسيح مشاهدة قناة ناشنوينال جغرافيك ليتعلموا صيد الثعابين ي تري لو اتاكم تمساح ح تعملوا شنو امثالهم لا يفكرون ف مستقبلهم وتكوين حياتهم لو طلبت المعارضة منهم العمل علي اسقاط الحكومة ي نري ماذا يحصل

[عصمتووف]

#1291461 [مجهول]
4.19/5 (11 صوت)

06-23-2015 09:54 PM
كالعهد بهم،وهذا دليل بقاء الانقاذ 26سنة،وهذا الخوف المزروع فينا هو اكبر مهدد للامن القومي والحريات ومستقبل السودان،لانو كل من هب ودب سوف يطمع في مقدرات البلد لانو كل المجعجعين اولاد حريم(i.e)بيت مافيهو راجل فماذا تتوقع من الصقور والمجبنين

[مجهول]

#1291427 [الفحل]
3.97/5 (6 صوت)

06-23-2015 08:03 PM
يا اخوان البنات الجري دا ماحقي حقي المشنقة والمدفع ابسكلي وحالف يمين اعز بنات اهلي والله محن يعني الغنا دة لو سمعو في حفلة تعال شوف العرض والمبالغة الزائفة في اظهار الشجاعة لكن وكت الجد وكت الحارة يكون في كلام تاني بالواضح جري عديل كدة رجال في زمن الانقاز رجال اخر زمن ياخ دا ماكان ثعبان

[الفحل]

ردود على الفحل
[ممغوص] 06-24-2015 03:27 PM
هو كان الرئيس براهو جاري كم مرة لمن فكرنا نشركوا في الاولمبياد الجاية


#1291359 [الواضح ما فاضح]
5.00/5 (1 صوت)

06-23-2015 04:13 PM
ما معروف احتمال في كيزان معفنين وسط المصلين والتقل الرقاص كان ما عمل حسابه الثعبان بيلتصق في كراعه المعوج ده والحمدلله الجماعه فروا كلهم بالسلامه.

[الواضح ما فاضح]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة