الأخبار
أخبار إقليمية
سعاد الفاتح تتراجع عن مقترح لتوفير سيارات للنواب
سعاد الفاتح تتراجع عن مقترح لتوفير سيارات للنواب
سعاد الفاتح تتراجع عن مقترح لتوفير سيارات للنواب


06-23-2015 02:17 PM
أم درمان: صابر حامد

تراجعت عضو المؤتمر الوطني ممثل ولاية الخرطوم في مجلس الولايات البروفسير سعاد الفاتح عن مقترح دفعت للمجلس يطالب بتوفير سيارات للنواب، وعدلت المقترح بتخصيص ترحيل لأعضاء المجلس، بدلا عن توفير العربات، حتى لا "يتكابسوا" في المواصلات مع عامة الناس. وأرجعت سعاد سحب مقترحها بأنها تخشى أن ينقل الصحفيون بأنها طالبت بسيارات لنواب مجلس الولايات.

وأشارت سعاد في جلسة مجلس الولايات أمس، الى ضرورة أن تكون لعضو المجلس هيبته ومكانته في المجتمع، وقالت: يجب أن يحترم عضو المجلس لأن في إمكانه أن يقول لأي وزير اذهب، وأيدت سعاد المقترحات الداعية لصيانة قاعة مجلس الولايات، بما يتماشى مع مكانة المجلس.

الصيحة


تعليقات 39 | إهداء 0 | زيارات 5522

التعليقات
#1292167 [ابو الخير]
0.00/5 (0 صوت)

06-24-2015 09:46 PM
دي قبل يومين وعدتنا بخير كتير جاي من البشير
الخير انو جاي للكيزان عربات النواب طبعا
الناس ديل طبعا جنة دنيا وآخرة
ونحن باي باي

[ابو الخير]

#1292077 [WATANI ADEEL]
0.00/5 (0 صوت)

06-24-2015 05:53 PM
ازكر لى اسم واحد من اعضاء مجلس الولايات لايمتلك عربة تايوتا اوباما

[WATANI ADEEL]

#1291993 [سوداني بس]
0.00/5 (0 صوت)

06-24-2015 03:41 PM
الحيزبون الشمطاء أخت أرم وعاد , لعنة الله عليك في الأولين والآخرين وإلي يوم الدين ببكرة هذا الشهر الفضيل .

[سوداني بس]

#1291934 [telsir24]
0.00/5 (0 صوت)

06-24-2015 02:20 PM
حسبي الله ونعم الوكيل.

[telsir24]

#1291877 [ALIIIIIIIIIIIIIIIIIIIIIIIIIIIIIIIIIIIIII]
3.00/5 (1 صوت)

06-24-2015 01:29 PM
ومايركبو المواصلات زي بقية الناس عندهم قنابير يعني ولا احسن من بقية الناس يافوقية ياسطحية يامسطحة الفكر والعقل خليهم يركبو المواصلات عشان يحسو بمعاناة الناس

[ALIIIIIIIIIIIIIIIIIIIIIIIIIIIIIIIIIIIIII]

#1291798 [الراجل]
0.00/5 (0 صوت)

06-24-2015 12:16 PM
بختك ياحجة اتفسحى فى البلد الهامل ده.اللة يطراك بالخير المناضلة العفيفة فاطمة احمد ابراهيم

[الراجل]

#1291750 [توتو بن حميده آل حميده]
5.00/5 (2 صوت)

06-24-2015 11:24 AM
((وأشارت سعاد في جلسة مجلس الولايات أمس، الى ضرورة أن تكون لعضو المجلس هيبته ومكانته في المجتمع،))

اسمعي يا حجه انتي والكيزان بتاعينك تدعون بأنكم اسلاميينن - ومن ابسط مستلزمات الاسلامي انه يقتدي برسول الاسلام - اسمعي يا حجه رسول الاسلام لا يتعالى على الناس - رسول الاسلام لا يميز نفسه عن الناس - احب مكان لرسول الاسلام هو اماكن تجمع الفقراء والبسطاء والمساكين حتى انه قال اللهم احيني مسكينا وأمتني مسكينا وابعثني مسكينا - فإذا كنت انتي وجماعتك الكيزان تعملون عكس افعال رسول الاسلام - لماذا تسمون انفسكم اسلاميين ؟ اجيبي يا حيزبون يا شمطاء - اذا كنت بكماء ولا تستطيعي الاجابه على مثل هذه الاسئله الصعبه - فأي تلميذ في مرحلة الاساس يعرف الاجابه الا وهي انكم تسمون انفسكم بالاسلاميين ذرا للرماد في العيون وخداع الناس باسم الاسلام من اجل الحصول على ملذات الدنيا وهذا الذي يعرفه القاصي والداني لا اكثر ولا اقل وحسبنا الله عليك ايتها الشمطاء الحيزبون وعلى اخوانك الكيزان....

[توتو بن حميده آل حميده]

#1291681 [ابو سارا]
0.00/5 (0 صوت)

06-24-2015 10:13 AM
اظنها قاصدة العضو العضو

[ابو سارا]

#1291675 [ميم كاف]
0.00/5 (0 صوت)

06-24-2015 10:05 AM
هكذا الكيزان دايما حلول المشاكل بطريقه سعاد الفاتح يا وليه يا مخرفه انتي ما تحلي اساس المشكله وهي مشكله المواصلات عشان تكون وسيله حضاريه للنوام بتعانيك ولعامه الشعب لكن انتو الشعب ما بهمكم لعنه الله عليكم

[ميم كاف]

#1291651 [جنو منو]
0.00/5 (0 صوت)

06-24-2015 09:03 AM
يخسى عليك ياسعاد .. أجى يابرى ..!!

[جنو منو]

#1291614 [زول الله]
0.00/5 (0 صوت)

06-24-2015 07:39 AM
يادكتورة من الذي انتخبكم كاعضاء في برلماناتكم الصورية دي انتم لاتمثلون الشعب السوداني الفضل ووجودكم في هذة البرلمانات كموظفين لا لخدمة الشعب بل لخدمة انفسكم ومصالحكم وسوطوا سواطتكم واركبوا العربات المكندشة والمظللة وللشعب السوداني رب يحمية

[زول الله]

#1291531 [Bakrico]
3.00/5 (1 صوت)

06-24-2015 01:09 AM
God bless this nation this is a PhD holder or ???????????? headless chicken, school leaver can do better than that senselessness

[Bakrico]

#1291453 [nagatabuzaid]
4.50/5 (2 صوت)

06-23-2015 09:35 PM
زمن النائب يقول للوزير امشى كان زمااااااان انت ما مواكبة نظامكم ؟؟ مجلسكم ده منتخب ؟؟ انتم بتخدعوا روحكم انت جيتى منتخبة ؟؟ انت بتمثلينا ؟؟ كدى جربى بنفسك وقولى لوزير امشى كان ما مشيتى انت ابقى مزعمطة زعميط السواد كدى قولى لبدرية امشى وشوقى كان تقعدى انت وكل البرلمان

[nagatabuzaid]

ردود على nagatabuzaid
[nagatabuzaid] 06-24-2015 06:07 PM
همهسع مفتونين مع بعضهم فتنة السواد وحزبهم اتفتت بقى هريسة وحنشوف فيهم يوم ان شاء الله

[telsir24] 06-24-2015 02:13 PM
هم ديل اصلا مجبولين علي سياسة نفسي والطوفان وهتافاتهم بتاعت هي لله يموصوها ويشربوا مويتها لانهم متاكدين انو هتافاتهم دي حاجات للشو فقط.
طولوا بالكم بعد شوية ربنا حيفتنهم في بعض وحتشوفوا الضرب تحت الحزام.


#1291439 [ركابي]
5.00/5 (5 صوت)

06-23-2015 08:16 PM
يابروفيسيرة يامن تدعي انها اسلامية ..الاسلام الحقيقي دين الايثار وعدم الانانية ...عايزين تركبوا عربات مكندشة والشعب السوداني مجدوع في الشارع في الحر ما لاقي مواصلات.......اتذكري سيدنا عمر بن الخطاب في رحلته الي بيت المقدس بعد فتحها وكيف كان بيتبدل ركوب الدابة مع غلامه ...انتوا ناس دنيا وبس

[ركابي]

#1291424 [العبيدى]
0.00/5 (0 صوت)

06-23-2015 07:57 PM
"وأشارت سعاد في جلسة مجلس الولايات أمس، الى ضرورة أن تكون لعضو المجلس هيبته ومكانته في المجتمع، وقالت: يجب أن يحترم عضو المجلس لأن في إمكانه أن يقول لأي وزير اذهب"

ها ها ها ها هاااااااي، والله قطعت مصارينا من الضحك يا سعاد !!!
اللهم لا إعتراض علي حكمك ابداً.

[العبيدى]

#1291397 [ابو احمد]
4.88/5 (4 صوت)

06-23-2015 05:41 PM
سؤال بري : لنفترض انك من رواد الاسلام في السودان - حسب ما تدعون - هل في الاسلام مثل هذا القول لتمييز فرد عن اخر؟ هل راجعت بعض الكتب الدينية الاسلامية والتي تتحدث عن المساواة في الاسلام والعدل وكيف ان الخليفة كان ينزل عن دابته ليمتطيها محتاج اخر وهو الخليفة وعن ملبسه ومأكله ومشربه لماذا لم يقول انني الخليفة ولي ان اركب وان البس وان اشرب واكل احسن من غيري ثم هؤلاء النواب من اين اتوا اليس هم من الشعب الذي انتخبهم ان كانت فعلا هنالك انتخابات !!! اتقي الله وخافي يوما ترجعين فيه اليه.

[ابو احمد]

ردود على ابو احمد
[ياسر هاشم] 06-23-2015 08:40 PM
رئيس الوزراء البريطاني بركب المترو وحاكم شيكاغو الامريكية ايضا عجبا الكرور اللي عندنا في السودان ما مفروض يتكابسوا في الماصلات مع عامة الناس وعشان امثالك يا بروف نحن راجعين وراء


#1291386 [hasmad]
4.72/5 (6 صوت)

06-23-2015 04:59 PM
وعدلت المقترح بتخصيص ترحيل لأعضاء المجلس، بدلا عن توفير العربات، حتى لا "يتكابسوا" في المواصلات مع عامة الناس.

عامة الناس ديل هم البتتمتعى من كل مقومات الحياة من ضهرهم يا غبية يا شمطاء

[hasmad]

#1291379 [شهنور]
4.75/5 (3 صوت)

06-23-2015 04:49 PM
حتى فى رمضان تاكلو الحرام الله يلعنكم فى الدارين ويحشركم نار جهنم .

[شهنور]

#1291378 [شهنور]
4.88/5 (4 صوت)

06-23-2015 04:44 PM
يا فطيسه هيبة ومكانة الانسان ليست بالعربه الفارهه والباقى تم براكى .

[شهنور]

#1291363 [قبضت الريح]
5.00/5 (2 صوت)

06-23-2015 04:20 PM
هذه الحيزبونه الشمطاء الي متي تريد ان تكون في السلطه وما دور مجلس اولايات وماذا يقدم للشعب وحتي البرلمان نفسه عباره عن جهاز تابع للحكومه لان 75% من اعضائه مؤتمر وثني لا حول لهم ولا قوه ما عليهم الا ان يبصمو علي قرارات الحكومه فقط ومالو ما يركبو مواصلات مفروض يجو بالحمير زاتو كتير عليهم

[قبضت الريح]

#1291360 [هميم]
5.00/5 (1 صوت)

06-23-2015 04:15 PM
هي طالبت وانتهت. كنا نحسبها من الأخيار لكن اكتشفنا أنها جزء من ماكينة الفساد التي يديرها عمر البشير وزمرته والتي تضطلع بتبديد أموال الغلابى على المرفهين. ناس البشير لو أرادوا بناء كشك لأمن وزير فسيفرضوا ضرائب على الناس أو يرفعوا سعر سلعة أو عدد من السلع الضرورية فماذا كانوا سيفعلون إذا أرادوا شراء سيارات لنواب الحكومة (الذين يفسدون في الأرض ولا يصلحون)؟

[هميم]

#1291356 [محتار]
5.00/5 (2 صوت)

06-23-2015 04:11 PM
لا و الله اكيد المرة دى ضربت الزهايمر ..بتين كان فى عضو برلمان بيركب حافلة و بصات ..الناس دى ما متذكرة الاجال

[محتار]

#1291354 [بيرم]
4.88/5 (4 صوت)

06-23-2015 04:08 PM
رئيس وزراء هولندة يمشي للوزارة راكب عجلة.وهو يدير ميزانية سبعمائة مليار يورو سنويا.قدر ميزانية السودان لمائة سنة. وهو الرجل الاول فالدولة بعد الملك الوظيفته تشريفية.قالت هيبة ومكانة العضو في المجتمع!!!! ضحكتينا والله.

[بيرم]

ردود على بيرم
European Union [ابومحمد] 06-23-2015 06:19 PM
الفرق يابيرم .هناك يعتبروا الوظيفة تكليف لخدمة الوطن اولا واخيرا.ام هنا يعتبروها في المقام الاول تشريف للشخص.واول شئئ يعمله يصرف نص الميزانية العنده في تجديد السيارة والمكتب والباقي فى بنودالمكافاة


#1291345 [جنوبي]
5.00/5 (1 صوت)

06-23-2015 03:37 PM
" الى ضرورة أن تكون لعضو المجلس هيبته ومكانته في المجتمع، وقالت: يجب أن يحترم عضو المجلس لأن في إمكانه أن يقول لأي وزير اذهب،"


فهم عجيب خلاص !! يعني نحنا ننتخب زول عشان يمثلنا ويقوم ما يقدر يملثلنا الا يتكبّر علينا ولا المرا دي فهمها شنو ؟

[جنوبي]

ردود على جنوبي
[fatmon] 06-24-2015 07:49 AM
عايزانها نصدق إنهم عندهم مشكلة ترحيل لو والله صدقناك


#1291342 [اقلام رصاص]
5.00/5 (1 صوت)

06-23-2015 03:30 PM
الجهالة الجهلاء
هي عضو المجلس يمكن ان يقول لاي وزير اذهب . وماذا يعني هذا الكلام ؟
يبدو انه لازال عمر البشير يمسك بقرون بقرة جمهورية السودان
و ناس حزب الجبهة الالسلامية يحلبوا
سؤال: متى يكون عمر البشير رئيسا" لكل السودانييين؟

[اقلام رصاص]

#1291307 [زول]
5.00/5 (6 صوت)

06-23-2015 02:51 PM
عجوز الغابرين دي لمتين قاعدة تصرح ومالهم عامة الناس يتكابسوا في المواصلات لماذا لم توفروا للعامة هؤلاء المواصلات المريحة التي تحفظ كرامتهم وتقيهم شر المكابسة

[زول]

#1291294 [shah]
5.00/5 (5 صوت)

06-23-2015 02:40 PM
ومالهم لوالنواب يتكابسوا مع الناس فى المواصلات يا متخلفة ... زعيم المعارضة فى بريطانيا كان بيصل البرلمان بالبص العام ويدفع تذاكره.

[shah]

#1291292 [adil a omer]
5.00/5 (1 صوت)

06-23-2015 02:37 PM
شكلو حيشتروا ليهم طيارات

[adil a omer]

#1291289 [خالد]
4.50/5 (4 صوت)

06-23-2015 02:36 PM
يا جماعة المرة أم وشا زي أم دلدوم دي ما تكابسونا بيها في رمضان الله يهديكم

[خالد]

#1291284 [عثمان عبده]
5.00/5 (4 صوت)

06-23-2015 02:34 PM
سلام..
لم لا يكابس النواب في المواصلات مع العامة...هم الذين أوصلوهم لمقاعدهم في البرلمان ثم من أين لك التمويل اللازم لتوفير سيارات للنواب..ثم ما دور البرلمان..جلهم نيام في الجلسات والباقي هرطقات وكلام لا يقدم ولا يؤخر
إتقوا الله فينا..

[عثمان عبده]

#1291282 [ABOALKALAM]
5.00/5 (2 صوت)

06-23-2015 02:32 PM
سيارات شنوا ونو اب شنو ديل عتدهم السيارات والطيارات

بله خلينا من ده قولي تغيير نوع السيارات من لأند كروزر الي

ليكزس خلينا من الكلام الفارع

[ABOALKALAM]

#1291277 [الشحروره]
5.00/5 (5 صوت)

06-23-2015 02:27 PM
ههههههههههههههههههههههههههههههههههههههههههههه قطعت قلبي من الضحك نواب شنو يا ام نواب ديل ملقطنهم من شوال المؤتمر الوطني واحزاب الفكه دوائر موزعة قبل الانتخابات بشهور والاستمارات تم اعدادها في اليوت تقولي نواب شعب ومايحتكوا بالعوام!!!!!!!!!!!! بالله دي كلام و\احدة كانت شيوعية وتم فصلهالحسن السلوك.

[الشحروره]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة