الأخبار
أخبار إقليمية
نافع : حزب «سيسي» لم يدخل الحكومة حتى ينسحب منها
 نافع : حزب «سيسي» لم يدخل الحكومة حتى ينسحب منها


«ومنو الولع للصادق المهدي الضوء الأحمر»
06-23-2015 02:25 PM
البرلمان: ثناء عابدين :

أعلن مسؤول ملف دارفور د.أمين حسن عمر عن انتهاء أجل اتفاقية الدوحة لسلام دارفور في 13 يوليو المقبل، مرجحاً تمديد الفترة المنصوص عليها في الاتفاق، وقال إن الحكومة ستنظر في إمكانية التمديد الزمني أو انقضائها بحسب المدى المنصوص عليه، وقطع أمين في تصريحات بالبرلمان أمس بأن د.التجاني سيسي لازال رئيساً للسلطة الإقليمية لدارفور.

من جانبه كشف القيادي بالمؤتمر الوطني د.نافع علي نافع عن حوار يجري بين حزب السيسي وبين النائب الأول للرئيس ونائب رئيس الوطني حول مشاركتهم في الحكومة، متوقعاً أن يفضي إلى نتائج إيجابية لإنهاء الخلاف، وفيما يتعلق بانسحابهم من المشاركة قال نافع« هم مادخلوا عشان ينسحبوا». وفي سياق آخر ترك القيادي بالمؤتمر الوطني د. نافع الباب مفتوحاً أمام عودة الإمام الصادق المهدي للبلاد، وقال في رده على الصحفيين حول منحه الضوء الأخضر للعودة «ومنو الولع ليه الأحمر»، مؤكداً في الوقت ذاته بأن الحوار مع القوى السياسية سينطلق قريباً، كاشفاً عن اتصالات جارية مع الحركات المسلحة للمشاركة إلا أنه نفى علمه بموافقتها على المشاركة.

اخر لحظة


تعليقات 9 | إهداء 0 | زيارات 8052

التعليقات
#1291426 [Shah]
3.00/5 (2 صوت)

06-23-2015 08:01 PM
مش قالوا الشياطين فى رمضان ... مصفدة؟؟؟؟

[Shah]

#1291421 [على]
0.00/5 (0 صوت)

06-23-2015 07:48 PM
كيف الصادق ماهارب امال طيلة هذه الشهور بيعمل فى شنو اصلا الاجازة دايما بتكون مدتها شهر الا اذا كان فى العلاج والنقاهة لكن الصادق مامشى للعلاج مشى للنقاهة وفاتورته والله اعلم مدفوعة من الحكومة والسفارة فى القاهرة مامقصرة معاهو وولدوه مستشار الرئيس كل فترة بيجى بالدولارات اخ يابلد ولاتنسوا حلايب سودانية

[على]

#1291392 [ساره عبداالله]
5.00/5 (2 صوت)

06-23-2015 05:30 PM
الصادق ما فى يدك عشان تولع ليه ضوء اخضر من قال ليك من طلوع الصادق عشان انتم ولعتو ايه ضوء احمر انت مين بتتكلم عن الصادق انت مكروش
من الحكومة لو كانت عندكم كرامة انت والذين كرشهم عمر البشير كنتم تولوا فيه ضوء احمر لكن سكنوا زى النسوان مش نسوا ن السودان اليوم الصادق المهدى ما هارب الخزى والعار فى رئيسكم عمر البشير
انت الحس كوك الصادق رجل وطن وعمه بلده اسكت سكته حسك

[ساره عبداالله]

ردود على ساره عبداالله
European Union [ود الضعين] 06-23-2015 07:23 PM
يا ولية اسكتي سكت حسك
هو الصادق اول مرة يهرب ويزوغ بطلي غلبة بقي مين قاليا الصادق عمة بلدو ؟
ومال عمم ترباس وحسين خوجلي بسون في شنو ؟
خليها عمة ود الجبل علي طرف
بعدين منو القاليك الصادق مافي يد ناس نافع والمانافع؟؟
ديل مولعين لي الصادق واولادوا كل الكشافات اتي قاعدة وين يا سارة عبدالله؟؟
بعدين الصادق حقك دة يا وهمة اول من قال لي المحكمة الدولية جلدنا ما بنجر في شوك والبتقولي علي هارب دة. صادقك رسل رسالة واتصل بي جنوب افريقيا وقال ليهم ما بجوز تسلموهو وهات يا اسانيد واتفاقات وبروتوكولات التقول ناس الحكومة عينوهو محامي لي البشير
اوع تتفاصحوا يا اتباع الصادق كلكم نفس الدقة والرصة تمنكن يا قروش ومناصب يا تخويفة

هههه قالت الصادق رجل وطن،، هو وينو الوطن؟
ياهو الفرط في الصادق حقك دة البلعلع ليهو ربع قرن وخايف يقول انا الرئيس الشرعي؟؟
ولا نسي الانقلاب لما كان هو وأركان حكومتو في حلفة حي الزهور بهيصوا؟؟
اسكتي أحسن ليك بلاش فضايح أمامك دة خلاص بقي في الطريقة التلموا علي وليداتو باقي عمرو دة


#1291390 [جبل مرة]
5.00/5 (1 صوت)

06-23-2015 05:28 PM
عدد الوزراء ووزراء الدولة في التشكيلة الحكومية الأخيرة 77 ثم زادوا عليها 1 هو الفريق كدة ما عارف مجير مكتب الرئيس بدرجة وزير دولة فصار العدد 78 وبعدين زادوها موية بعدد 8 وزراء دولة فطار العدد إلى 86 إضافة إلى 16 رئيس لجنة بالبرلمان بدرجة وزير دولة و8 بالمجلس الوطنى يكون العذذ 110 وياهو السيسى ياخد ليهو وزارتين دولة مثل الثروة الحيوانية والتربية السمكية أو السياحة بتاع أنصار السنة عشان يفرحوا السيسى،، يا جماعة الزول دة بقى رخيص رخصة.

[جبل مرة]

ردود على جبل مرة
European Union [AbuAhmed] 06-23-2015 09:15 PM
لو تعرف الفريق ده من أغنى الفاسدين فى البلد و فساده فى جميع المجالات والسلع و كمان سعران وظالم فى العمولات


#1291348 [اقلام رصاص]
4.50/5 (3 صوت)

06-23-2015 03:44 PM
ما عندك اي صلاحيات تتكلم بيها
لكن جهل الصحفيين البجيبو تصريحاتك
نفكر نعمل محو امية للصحفيين ولا ايه يا جماعة

[اقلام رصاص]

#1291322 [حسن على]
3.00/5 (2 صوت)

06-23-2015 03:04 PM
والله يا نافع سيحاسبكم التاريخ حسابا عسيرا , وستطاردكم اللعنات الى ما بعد حدود الدنيا ولن يهنأ اى منكم بما فعلتموه بهذا الوطن لا انتم ولا ذريتكم .

[حسن على]

#1291309 [ابو جاكومه]
2.75/5 (5 صوت)

06-23-2015 02:52 PM
هؤلاء المتاسلمين لا عهد لهم ولا ذمه .الباب مفتوح الباب مقفول تنسحب تاتي بارادتك غصبا عنك او لا تاتي كل ما بيفرق معاهم طال ما هم في الحكم والنعيم الذائف .السلطه والمال هما ما يصبون لهما وباي وسيله وهذه سيكوجيتهم في الحياة لقد امتطوا الاسلام للوصول لمبتغاهم .هؤلاء شياطين الجن وليس شياطين الانس قاتلهم الله .

[ابو جاكومه]

#1291299 [زول]
5.00/5 (2 صوت)

06-23-2015 02:46 PM
الزول دا بيتكلم بأي صفة دي المشكلة ان الحكومه لديها اكثر من ناطق باسمها مع ان نافع ليس لديه اي تفويض بالتصريحات نيابة عن الحكومة او الحزب وليس لديه اي منصي يؤهله للتصريح

[زول]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة