الأخبار
منوعات سودانية
بعد أن قرر اللجوء للمحكمة وتصعيد مشكلته مع سلمي سيد المنتج ياسر عركي: هذه (...) حقيقة الخلاف
بعد أن قرر اللجوء للمحكمة وتصعيد مشكلته مع سلمي سيد المنتج ياسر عركي: هذه (...) حقيقة الخلاف
 بعد أن قرر اللجوء للمحكمة وتصعيد مشكلته مع سلمي سيد المنتج ياسر عركي: هذه (...) حقيقة الخلاف


(الأجاويد) يمتنعون!
06-24-2015 04:12 PM
بعد أن قرر اللجوء للمحكمة وتصعيد مشكلته مع سلمي سيد
المنتج ياسر عركي: هذه (...) حقيقة الخلاف.. أثار خبر تصعيد المنتج التلفزيوني ياسر عركي لخلافه مع المذيعة سلمى سيد ونقله للمحاكم، آثار الكثير من الجدل، خصوصاً والبرنامج -مثار الخلاف- لا يزال في طور فرض نفسه على المشاهدين، الأمر الذي يمكن أن يهدد بنسف أي نجاح يمكن أن يحققه في مقبل الأيام بسبب تلك الخلافات، (السوداني) جلست مع عركي وسألته عن الموضوع وحيثياته، فماذا قال؟...
* ماهي حقيقة الخلاف بينك وسلمى سيد؟
الخلاف يدور حول مطالبتي بأثبات حقي الأدبي والمادي، فسلمى سيد قامت بوضع اسمي في برنامجها كـ(باحث)، مع العلم أن اتفاقي معها كان على وظيفة (المنتج)، وحتى الأدوار التي كنت ألعبها في البرنامج لم تكن أدوار باحث بل كانت أدوار منتج.
* لماذا لم تحاول حل المشكلة معها ودياً؟
قبل التصعيد قضائياً اتصلت بها لحل المشكلة ودياً، لكنني تفاجأت بتعامل (استعلائي) منها.
* هل من ضمن أفراد طاقم العمل من يعاني من نفس مشكلتك هذي؟
نعم.. هناك المنتج عطا شمس الدين والذى يعمل بقناة الشروق فهو أيضاً وجد نفسه في البرنامج في وظيفة (مدير إنتاج) وهي وظيفة أقل من وظيفته الحقيقية، وعندما اعترض قالت له سلمى إن الشروق هي التي قامت بتحديد اسمه ليعمل معها، وقالت له إن كان الوصف الوظيفي لا يرضيه فستخاطب الإدارة لتمنحها أحداً غيره.
* أنت تقول بأنك غاضب من وضعك كـ(باحث) بدلاً عن (معد).. ماهي الإدوار التي قمت بها لتُقيم الموقف بهذه الطريقة؟
نحن البنجيب الضيوف والبنضرب ليهم والبنخت الخطوط العريضة للحلقات، وسلمى بتجي تقدم وبس، معقولة في النهاية نطلع (باحثين) والسلام؟
* هل كنت تضع لها محاور أسئلة الحلقات؟
هي قالت لي إنها لا تريد محاور مباشرة، وكانت تطالبني بمعلومات عن الشخصيات وبإضافات في مواضيع الحلقات.
* متى قررت اللجوء للمحكمة؟
عندما شاهدت اسمي في البرنامج مرفق بوظيفة (باحث)، وعندما فشلت في حل المشكلة معها ودياً، وقررت اللجوء للمحكمة أيضاً عندما تفاجأت بتعاملها المتناقض تماماً معي، فهي في البداية كانت حريصة على التعاون معي بأي شكل وكانت تصفني بأنني افضل منتج، وعندما جاء الدور على الانصاف غيرت كل ما كانت تقوله.
* التفاصيل المالية.. حدثنا قليلاً عنها؟
في التفاصيل المالية "قلت ليها أنا ما بضغط عليك، أنتِ شوفي المنتج في الشروق بدوهو كم، واديني ليهو".
* وهل تم تقييمك مادياً كما يجب؟
لا.. أنا اتظلمت مادياً، فالحلقات مفروض تكون (30) حلقة لكنها قامت بتقليصها إلى (15) حلقة، حتى المبلغ الذي منحتني له كان ضئيلاً، وهو مبلغ اتقاضاه أنا في البرامج العادية ناهيك عن البرامج الرمضانية.
* من وكلتّ لاسترداد حقوقك في المحكمة؟
وكلت المحامي كمال الجزولي.
* ومن سيدفع أتعاب الجزولي؟
بالتأكيد سيدفعها الطرف الثاني، والتقييم المادي سيكون كبيراً جداً لأننا سنعيد النظر مرة أخرى في الرعايات وسنعيد الحسابات من جديد وفق المسمى الوظيفي الحقيقي لي في ذلك البرنامج، وليس وفق المسمى الوظيفي الذي منحته لي سلمى.
* لماذا لم تلجأ لقناة الشروق لتجد لك حلاً؟
أنا خاطبت مدير الإنتاج عطا شمس الدين وقال لي "مابقدر أعدل ليك أي حاجة؛ لانو دا الوصف الوظيفي الوضعتو لينا سلمى سيد"!
* أخيراً؟
أخيراً أنا مندهش جداً من ذلك التعامل الذي وجدته من سلمى، بينما تتصاعد دهشتي وأنا أشاهد في أيام تسجيل البرنامج كل الصحف تورد خبر برنامج سلمى وهي تضعني في وظيفة (المعد)، ولم تعترض سلمى على ذلك الأمر إطلاقاً، فما الذي حدث الآن؟.
السوداني


تعليقات 14 | إهداء 0 | زيارات 8529

التعليقات
#1301617 [ابو عفان]
0.00/5 (0 صوت)

07-11-2015 09:19 AM
سلمي يا سلمي
دي مفتريه يا ود الناس شوف اكل عيشك
ما بتقدر عليها
ولا اقول ليك قالوا مطلقة اتزوجها وخلاص يكون زيتكم في بيتكم .

[ابو عفان]

#1292821 [مشعكل]
0.00/5 (0 صوت)

06-25-2015 09:07 PM
قال ايه تكاليف المحكمة يدفعها الطرف المشكي عليه اللهو سلمي

يعني علي اساس انك كسبان القضية

كلنا مع سلمي

[مشعكل]

#1292538 [عزيزى المشاهد]
5.00/5 (1 صوت)

06-25-2015 12:04 PM
قالو الما عندو ضهر بنضرب فوق بطنو .
سلمى سيد دى ما بتقدرو عليها . موش عشان حلوه والناس مكسرين فيها ...وكده ابدا ياخ... انت مظلوم نعم . لكن حقو نعتذر ليها ﻷنو كﻻم القصير ما بنسمع ... شفت كيف ..........؟

[عزيزى المشاهد]

#1292536 [الصالح العام والخصخصة والتشريد]
5.00/5 (1 صوت)

06-25-2015 12:01 PM
سلمى بت الكيزان ليه بتلبسي كدا ؟

[الصالح العام والخصخصة والتشريد]

#1292530 [أبوقرجة]
5.00/5 (3 صوت)

06-25-2015 11:56 AM
اسفاف اسفاف .. موضوع هايف .. وكمان منو سلمى ديل علشان تكون مذيعه .. والله لليله ما شفت ليه مذيعه أو مذيع في الاعلام السوداني الحالي ...

كله زباله في زباله

[أبوقرجة]

#1292527 [مجا هد]
5.00/5 (2 صوت)

06-25-2015 11:54 AM
الحكاية ظا هرة ما عاوزة شى عاوزين انشوك برة عجبك عجبك وثا نيا سلمة دى واصلة بتعرف معنى واصلة ولا محكمة تفيدك اتوكل على اللة وابعد من شرزمة ناس الوالى وعطاء شمس الدين وربنا اعوضك واهتم بى انتاجك اكثر واقوليك شى سا فر هاجر من البلد الفيهاالمزلة دى00000

[مجا هد]

#1292520 [abu omer]
5.00/5 (1 صوت)

06-25-2015 11:46 AM
عامله لنفسها هيلمانه وشايف نفسها وبرامج مكرر وممل ونفس برامج السنوات السابقة لا جديد

[abu omer]

#1292413 [مصقوع]
5.00/5 (3 صوت)

06-25-2015 09:01 AM
هي سلمى دي زاتة شنو
تجيب ليك ود الامين الما معروف بيعاين في وشها والا في رجلينة وكلام كلو فارغ
غناء في غناء
لا فهم لا ثقافة
بلد سجمانة ساي
بس لكن دي شفايف والا قطائف؟

[مصقوع]

ردود على مصقوع
[ابودعد] 06-25-2015 11:27 AM
يا مصقوع إنتا داسي السطر الأخير ليه المفروض تختو عنوان وبس واللهم إنك صايم


#1292343 [محتار]
5.00/5 (3 صوت)

06-25-2015 03:17 AM
ياخى المذيعة شايفة روحها و انت متشعبط فيها باحث ولا مدير انتج ولا منتج اسا يعنى شغلت تتصل و ترتب اللقاءات دى دايرا ليها مذاكرة زى ما قال الولد السعودى الاتصالات دايرا مزاكرة ولا شهادة ما بس تقول للعميل لو سمحت طفى الجوال و افتح الجوال مرة تانية يشتغل معاك....و انتو عندكم برامج رمضانية لامين ليكم الف جاهلة و متبرجة و كل من هبت و دبت تغنى و فاكرين دى برامج رمضانية ولا كمان ناس الدراما يفقعوا مرارتك و لا خالد ساتى يجيب لينا فى محاكمات لاناس فاشلين..

[محتار]

#1292337 [الحسن والحسين]
5.00/5 (3 صوت)

06-25-2015 03:01 AM
انا الفهمتو بان منتج العمل هى سلمى يعنى هى البتدفع لطاقم العمل وبكون فى عقود طيب انت يا عركى وقعت على ايش معد ولا باحث

[الحسن والحسين]

ردود على الحسن والحسين
[ابودعد] 06-25-2015 11:29 AM
هوا كدا


#1292279 [زول كده]
5.00/5 (2 صوت)

06-25-2015 12:29 AM
عاملين لنفسكم توم وشمار ساي في الفارغه وجاهلين باهم موضوع حكومة السجم القاعده دي

[زول كده]

#1292187 [موسي]
5.00/5 (2 صوت)

06-24-2015 10:14 PM
منتجون ومقدمون وكل المدردم عند المشاهد ليمون والله يكون في العون

[موسي]

#1292115 [ali]
4.25/5 (3 صوت)

06-24-2015 07:38 PM
غايتو ماعرف اقول اية لكن للحقيقة وللتاريخ قبل حكومة السجم والرماد دى ما سمعنا بمشاكل زى دى زمان الناس بتقدم اعمالها وبتمشى همها الاول انو العمل ارضى ويسعد الجمهور بقيتو ماديين لدرجة كبيرة شنو منج وباحث دى شكليات مابتهم المشاهد خلونا نفرح ولو فى السنة مرة

[ali]

#1292083 [ajax]
4.88/5 (6 صوت)

06-24-2015 06:07 PM
شغل دراويش كلام فى كلام مافى اى حاجة مكتوبة - انظمة متخلفة وشعب متخلف .

[ajax]

ردود على ajax
[ابودعد] 06-25-2015 11:34 AM
شغل معد عندنا هو شغل سكرتير يعني سلمى معاها حق لكن شغل المعد الحقيقي هو صاحب (صااااااااااحب) العمل الحقيقي بالمفتشر كدا سلمى شغلتك سكرتير ما تتغشى بحكاية معد دي لأنها وكما قلت بعضمة لسانك طلبت منك عمل كذا وكذا وهذا ليس عمل المعد الحقيقي ان شاء الله انت والجزلي بتاعك تكونوا فهمتو وما تتغشى للمرة التانية في المحكمة لأنوقضيتك باااااايظة

European Union [لودي] 06-25-2015 09:27 AM
والله انت جبت الزيييييييييييييييييييييييييييييت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة