الأخبار
أخبار إقليمية
المحكمة تستمع للمتحري فى قضية خلط الاسفنج بالاقاشي وتحدد مطلع يوليو لإستجوابه
المحكمة تستمع للمتحري فى قضية خلط الاسفنج بالاقاشي وتحدد مطلع يوليو لإستجوابه
المحكمة تستمع للمتحري  فى قضية خلط الاسفنج بالاقاشي وتحدد مطلع يوليو لإستجوابه


06-24-2015 11:18 AM
الخرطوم / حيدر احمد خيرالله

إنعقدت محكمة السوق بمحلية امدرمان برئاسة مولانا طلال صديق الحاج واستمعت للمتحري الثانى فى القضية التى رفعتها الادارة العامة للشئون الصحية بمحلية امدرمان ضد /صاحب كافتيريا الحنونة الاستاذ / هانى فايز بطرس متهمة إيّاه بانه يخلط الاسفنج بالاقاشي ، وقد ظلت القضية منذ يونيو العام الماضي بالنيابة جدير بالذكر ان المتحري الاصيل للقضية قد نقل من حماية المستهلك وحضر متحري بديل المساعد شرطة / محمد محمود والذى تغيب عن الحضور فى الجلسة الماضية ، وقدم افادته كاملة فى القضية ورفعت المحكمة الجلسة لتعاود الإنعقاد فى 1يوليو 2015.ومن جهته أفاد السيد /هانى بانه الان يجد ان القضية قد سارت بالإتجاه الصحيح لكونها وصلت القضاء ويرى انه قد حوكم اعلاميا بصورة مؤسفة بتصريحات حادة من معتمد امدرمان السيد / اليسع ومن د. نزار العشا مدير الادارة الصحية بالمحلية ، وأكد على إطمئنانه للقضاء السودانى وحيدته،.هذا وقد مثل الدفاع الاساتذة عمر جادو وبدر الدين احمد المحاميان .


تعليقات 8 | إهداء 0 | زيارات 5614

التعليقات
#1292809 [ركابي]
5.00/5 (1 صوت)

06-25-2015 08:24 PM
تلقاهو الناس الاكلت في المطعم ده بيشربوا كترة موية مابيترويهم ههههههه الضمير انعدم في عهد الانقاذ والناس علي دين ملوكهم فعلا

[ركابي]

#1292411 [بكره الكيزان]
5.00/5 (2 صوت)

06-25-2015 08:58 AM
الاقباط ناس ما زمااان عندهم محلات وما بيغشو في تجارتهم
ديل انتو يا كيزان يا اولاد الكلب عايزين تاخدو محل المسكين ده

[بكره الكيزان]

#1292372 [أبو السارة]
0.00/5 (0 صوت)

06-25-2015 07:00 AM
يا شباب الخلطة والطريقة كما ذكرتوها صاح ولكن (الأقاشي) الأصلي لايشوي على الجمر وإنما توضع أعواده في شكل دائري حول النار الموجودة على الأرض ويستوي بالحرارة.

[أبو السارة]

#1292327 [welli]
5.00/5 (2 صوت)

06-25-2015 02:30 AM
يا ام شلوخ شلخوك في هونولولو مثلا؟قال 17 سنه من السودان ما بتعرف الاقاشي,,يا بت اولاد المرغني بعرفو,,,انتو الناس دي عندها مشكله مع بتاع المحل وله كيف؟والله الكيزان ديل حيرو الشيطان في رمضان

[welli]

ردود على welli
[أبوقرجة] 06-25-2015 11:49 AM
والله العظيم أنا ما بعرف الاقاشي دا.. بس بسمع بيه سمع .. رغم أني بمشي اجازات طوالي السودان... لكن بسمع بيه.... سيبها هي ليها 17 سنه..

غير كده أنا ما عايز أقربه لانه أكل بتاع فلاته .. وأنا عنصري في الحته دي عديل كده..


#1292229 [جنوبي]
5.00/5 (3 صوت)

06-24-2015 11:11 PM
بالله هي المهزلة دي لسه ما انتهت ؟!! ياخي الاسفنج ده من يشم النار بسيح ويبقي كتل كتل ويتلبك ولا بتمضغ ولا بتتبلع كيف يخلطوهو مع الاقاشي ؟
الله يضركم زي ما ضريتوا ود الناس ده ,,

[جنوبي]

#1292194 [أم شلوخ]
3.50/5 (3 صوت)

06-24-2015 10:29 PM
الاقاشى ده شنو معليش اختكم ليها 17 سنة من السودان

[أم شلوخ]

ردود على أم شلوخ
[أبوقرجة] 06-25-2015 11:47 AM
ما تأكلي يا أم شلوخ عفن ساكت ... أهو بضيفوا ليه اسفنج ولحم كدايس وكلابس وحمير ... المهم بطلعوا بأكله معفنه كده.

European Union [ابوالسيد77] 06-25-2015 02:20 AM
الأقاشي شرائح لحم تدق ترفق تتتبل ب الزنجبيل والفلفل الحار وبودره الدكوه توضع علي أسياخ كالشيش كباب وتطهي علي الجمر أصلها من غرب إفريقيا نيجيريا تحديدا شائعة جدا في السودان (أيام اللحم راقد )

[teacher] 06-25-2015 12:48 AM
الاقاشي يتكون من لحمة الضأن يضاف اليها بعض التوابل خاصة الفول السوداني , ويتم خلط الكل و طحنه بالمطرقة و يوضع في اسلاك معدنية و يشوى بالجمر ,, يعني بروشيت كباب علي الطريقة السودانية.. ان شاء الله أكون افدتك ,, بعدين الاقاشي قديم جدا و في السنوات الأخيرة شبه اختفى وو ليك حق ما تعرفيه , تحياتي


#1291998 [محمد أحمد الريح الفكى]
5.00/5 (8 صوت)

06-24-2015 03:46 PM
نسأل الله أن ينصر الأخ هانى على هؤلاء اللصوص المجرمين.

[محمد أحمد الريح الفكى]

#1291951 [صادميم]
5.00/5 (8 صوت)

06-24-2015 02:32 PM
يا هاني بطرس انت قائل نفسك في الفاتيكان دي دولة الكيزان البرئ فيها مذنب حتى لو ثبتت براءته و الكوز فيها برئ حتى لو ثبتت ادانته.

[صادميم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة