الأخبار
أخبار إقليمية
مجلس موسى هلال يشكو تلكؤ " حزب البشير " في تنفيذ ما اتفقا عليه
مجلس موسى هلال يشكو تلكؤ " حزب البشير " في تنفيذ ما اتفقا عليه
مجلس موسى هلال يشكو تلكؤ


06-26-2015 08:22 PM
الخرطوم: الهضيبي

شكا مجلس الصحوة الثوري بزعامة موسى هلال من تماطل حزب الموتمر الوطني في تنفيذ الاتفاق المبرم بينهما. وقال الناطق الرسمي باسم المجلس هارون مديخير - لقد صبرنا من أجل تنفيذ الاتفاق، ولم يتم شيء فيه، ومضى قائلاً "إن قيادات المجلس باتت تتذمر وتتساءل إلى متى يظل هذا الحال وقد مضى قرابة الشهر منذ حضورنا للمشاركة في تنصيب رئيس الجمهورية لدورة رئاسية جديدة". ونفى أن تكون بمعيه موسى هلال قوات خاصة مؤكداً أن الموجودين بعدد من الفنادق هم في الأصل قيادات أهلية تتبع لمجلس الصحوة الثوري، وإنهم جزء من قضية دارفور.

الصيحة


تعليقات 15 | إهداء 0 | زيارات 5675

التعليقات
#1293894 [ابراهيم مصطفى عثمان]
0.00/5 (0 صوت)

06-28-2015 08:03 AM
موسي هلال احد المطلوبين من المحكمة الجنائية .في الوقت الحالي موسي لا يريد ان يصبح وزيرا للدفاع . الاتفاق السابق ان يزاح كبر من شمال دارفور والسيسي من الاقليم ككل والحكومة استجابت في ازاحة كبر كخطوة اولي واشعلت نيران الخلاف (يا دوبك) مع حزب السيسي/ابو قردة وفي طريقها لتنفيذ الاهم : ان يكون موسي في مكان السيسي مسئولا عن اقليم دارفور بولاياته الخمس . الزعيم القبلي لن يغامر بالوجود في (بطن) الخرطوم حيث يمكن تصفيته بسهولة والسير في جنازته بمهرجان اعلامي خيالي ولفه بالعلم السوداني وطوي صفحته بحداد لاسبوع مثلا . هدف موسي رئاسة اقليم دارفور(لاحظوا زيارته التاريخية لكارنكا في جنوب دار فور قبل القدوم للخرطوم) وما السبب؟ الجنائية . اتفاقية الدوحة ممهورة بشهود من الاسرة الدولية واذ ما (قفز) علي سنام السلطة في الاقليم بديلا للسيسي الذ ي لا يملك مليشيات ولا يعتبر حميدتي ابن خالته كما ان السيسي لم يزوج ابنته (لدبي) كما فعل موسي (وان كانت قد تطلقت كما تقول الاخبار) فان اوضاعه الشخصية قابلة للتوفيق مع الجنائية خاصة اذا نجح في (تهدئة)دارفور بتلك المميزات .

[ابراهيم مصطفى عثمان]

#1293601 [Mohamed Yosif]
0.00/5 (0 صوت)

06-27-2015 03:41 PM
السودان على اعتاب كارثه حقيقيه لانه يبدو ان موسي هلال يضغط علي الحكومه ليصبح وزيراً للدفاع ! ففى الحقيقه قوات الدعم السريع هى الآن اقوى قوه عسكريه لدى الحكومه وولاء هذه القوات لحميدتى وموسى هلال ، والحكومه تحاول ضمان استمرار ولاء هذه القوات باسترضاء موسى هلال بالاضافه لضمان استمرار اغلاق شاد فى وجه حركات دارفور (ابو النسب) وفى نفس الوقت متخوفه من التبعات السياسيه لتسمية موسى هلال وزيراً للدفاع خاصةً ان الحكومه تنتظر ما سوف يسفر عنه تحالفها مع السعوديه حليف الولايات المتحده فى حملة عاصفة الحزم من امكانية رفع الحصار المفروض على الحكومه ولو جزئياً،،، وهذا على ما يبدو سبب "التلكؤ" فى اتخاذ خطوة تسمية موسى هلال وزيراً للدفاع ، القرار المتوقع الذى بالنسبة لى يبرر احالة هيئة الاركان السابقه دفعه واحده للمعاش وتعين عبد الرحيم محمد حسين والياً للخرطوم وتسمية وزير "مكلف" لوزارة الدفاع تمهيداً لتعين موسى هلال وزيراً للدفاع.

ربنا يكذب الشينه لكن اذا حدث ما لا اتمناه وتم تعين موسي هلال وزيراً للدفاع ووجدت قواته موطئ قدم داخل الخرطوم فانهم سينقلبون على الحكومه فى غضون فتره قليله نسبةً لاحساسهم المتنامى بانهم اقوى قوه عسكريه على الارض السودانيه وهذا ما يصدقه الواقع وعبر عنه حميدتى اكثر من مره . واخشى ما اخشى ان السودان مقبل على حقبة مظلمه من حكم الجنج.... عفواً الدعم السريع والعياذ بالله .

[Mohamed Yosif]

#1293462 [هاشم صديق - كندا]
5.00/5 (1 صوت)

06-27-2015 11:26 AM
مهازل لا تحدث إلا في السودان. شوف هذا الصعلوك العربيد الفاجر ، ينادي بأعلى صوته يشكو ( تلكؤ ) حزب البشير . البشير وعده بالمليارات من قوت الشعب وعلى حساب نقص الخدمات العلاجية والتعليمية ، وكذلك وعده بسيارات وقطع أراضي فاخرة . هؤلاء هم أبناء دارفور ينادون للأمن والسلام حتى تهنأ دارفور بالحياة الرغدة .

[هاشم صديق - كندا]

#1293422 [ود النمر فجاق الطبيز]
5.00/5 (1 صوت)

06-27-2015 10:16 AM
انتو جهله وانتهازيين هكذا يتم اللعب بالبراميل الفاضية ضجيجا اعلاميا بدون فعل نحن نعمل ونحن نحزر من قيام الانتخابات في دارفور وبعد اسبوع نناشد كل المحاميد بالتصويت للبشير ونحن حماة الانتخابات بالله امشو شوفوا ليكم سرحة بقر ولا ابل وين بلا هلال بلا مديخير بلا دقلو بلا سافنا بلا خريف بلا ادريس دبي بلا غندور في ستيين جوهانسبيرج

[ود النمر فجاق الطبيز]

#1293351 [سكران لط]
5.00/5 (2 صوت)

06-27-2015 04:30 AM
زي ما قالو مش تورونا اتفقتو على شنو؟ يعني عايزننا في زفتم بدون نعرف اهل العريس واهل العروس؟ تعالو كبو اتفاقكم هنا

[سكران لط]

#1293318 [badraldin mm]
5.00/5 (2 صوت)

06-27-2015 02:08 AM
موسى هلال وحمدتى تدفع لهم اموال طائلة قصاد خدماتهم ...طيب البمنع شنو انو ياخدو اموال من داعش او اى جه اخرى نظير خدمات ...يعنى حا تجى مرحلة البدفع اكتر هو الزبون التمام ...والله ياناس دخلتو البلد فى جحر ضب

[badraldin mm]

#1293311 [حامد]
3.50/5 (3 صوت)

06-27-2015 01:48 AM
يا جماعه ذكرونا موسي هلال ده اتفق متين مع البشير وباى صفه والسبب شنو ؟

[حامد]

#1293282 [ود امبدة]
5.00/5 (2 صوت)

06-27-2015 12:15 AM
كدي قول بسم الله وخلي الرئيس يقوم بالسلامة ويبدا يجمّع شوية.
وبعدين دي آخرتا معاك بعد ما بقي ليك وكيل لي عرس بتك؟
الشفقة تطير ياخي

[ود امبدة]

#1293263 [جون كندى]
5.00/5 (2 صوت)

06-26-2015 11:31 PM
كلهم كرور المجلس والمؤتمر الوثنى

[جون كندى]

#1293259 [الجعلى]
5.00/5 (1 صوت)

06-26-2015 11:22 PM
يا مرتزق ى اهبل داير شنو يعنى ى امى
ورينا يعملوا ليك شنو

[الجعلى]

#1293243 [مواطن]
4.50/5 (2 صوت)

06-26-2015 10:35 PM
مرسي هلال محبوس يا جماعة ومستحيل تاني يرجع لدارفور ، الشرك قبض عشان تاني تعرف الرجالة دي عند الجلابه بس

[مواطن]

#1293237 [د..الزهجان]
5.00/5 (1 صوت)

06-26-2015 10:05 PM
خلي جماعتك يضربو طلقتين تلاتة في الهوا . لوعايز مطالبك تتحقق ..من الرواكيب للفنادق ...
ماشه معاك باقي القصر

[د..الزهجان]

#1293221 [A. Rahman]
5.00/5 (3 صوت)

06-26-2015 09:25 PM
موسى هلال دا وجع راسنا باتفاقه دا مع الحكومة، مع انه عمره لم يقل لنا ما هو الاتفاق أصلا، و من معرفتنا بهذا الارزقي و معرفتنا بالحكومة الارزقية مثله فلا نعتقد ان اتفاقه معها له مصلحة للسودان و لا لانسان دارفور

[A. Rahman]

#1293215 [أنصاري]
5.00/5 (3 صوت)

06-26-2015 09:05 PM
دقسوك.. وغشوك .. وهبولوك.. وانت ماتعرف صليحك من عدوك.. "أشر لي لإتفاقية واحدة إلتزم بها (الوطني) لمن يلتزم معاك.. إتلعبت يا رجل.

[أنصاري]

#1293212 [أنا سوداني انا]
5.00/5 (4 صوت)

06-26-2015 08:49 PM
خلاس فمتو علي الشفقة؟ وعايزين تقبضوا حق التنصيب؟؟
قال بدا المجلس يتذمر وقد مضي شهر ،،،
مستعجل علي آيه يالناطق مديخير،،،داخرنك لي اليوم الزِّي دة يوم الصبر،،،
يا مديخير شيلي صبر،، الوزراء لسة ما ختوا صلبتهم في كراسيهم وفيهن ناس ما جو لسة ،،،
يا اخي الناس صابرة 26 سنة ما ملت الصبر وما لاقية حاجة ،، إنّو قاعدين في الفنادق ماكلين شاربين نايمين والبرتيتة ماشة ،،عايزين شنو ،،؟. ناقصكن شنو ،؟ شغالين ومرتباتكم ماشة والشعب كلو واقف حالو،،،
يعني حيعملو ليكن شنو ؟؟ يعينوكن وزراء؟؟ مش كفاية البين ايديكن؟؟ ولا صحي مستنين يعينو ليكن موسي هلال وزير دفاع؟
صحي هزلت والله بلدنا البقت هاملة،،،، وزير دفاع بي النظر طلع عين ام الجيش وكمان جاي واحد من مقاطيع المحاميد الجايين من غرب الصحراء وما قرا التكتح طمعان في وزير دفاع قال،،، مدفع يفرطقك ويفرطقو،،، والله انا لو في الجيش عسكري بس يعينو وزير دفاع الا اغتالو وامسح بي دمو بلاط القيادة العامة ،،،
ياخي ما تمشي لي نسيبك في تشاد ديبي،،،يبقيك وزير دفاع ولا داخلية ولا أنشالله وزير مقاطيع،،،
أنشالله دبيب يريحنا منك ومن ديبي زاتو

[أنا سوداني انا]

ردود على أنا سوداني انا
European Union [ودامين] 06-26-2015 11:37 PM
ههههه اضحكتنى تسلم كتيررمضان كريم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة