الأخبار
أخبار إقليمية
الجنائية الدولية تشكو السودان إلى الأمم المتحدة لعدم تنفيذ قرار توقيف البشير
الجنائية الدولية تشكو السودان إلى الأمم المتحدة لعدم تنفيذ قرار توقيف البشير
الجنائية الدولية تشكو السودان إلى الأمم المتحدة لعدم تنفيذ قرار توقيف البشير


06-27-2015 02:28 AM
بروكسل: عبد الله مصطفى

قالت الغرفة التمهيدية الثانية في المحكمة الجنائية الدولية، التي تتخذ من لاهاي مقرا لها، إن دولة السودان فشلت في اعتقال عبد الرحيم محمد حسين وزير الدفاع السابق وحاكم الخرطوم الحالي، والمطلوب للمحكمة، وصدر أمر اعتقال بحقه في مارس (آذار) 2012.
وجاء في قرار المحكمة الذي نشرته، أمس، أن السودان لم تتشاور مع المحكمة، ولم تنسق مع الأجهزة المختصة فيها لتنفيذ مذكرة التوقيف، ولهذا قررت الدائرة الثانية إحالة مسألة عدم تعاون السلطات السودانية إلى مجلس الأمن الدولي الذي يقرر اتخاذ التدابير التي يراها ملائمة.
وأشار بيان المحكمة الذي صدر في لاهاي الهولندية، ووزع عبر البريد الإلكتروني أن السودان رفض باستمرار تسليم أي من مواطنيها المطلوبين للمحكمة الجنائية الدولية، ومنهم عبد الرحيم حسين، الذي لا يزال يتقلد الوظائف العامة في السودان، كما رأت الدائرة الثانية أن عدم تعاون السودان يشكل عدم امتثال لقرار مجلس الأمن رقم 1593 الذي ينص على التزام الدول الأعضاء في الأمم المتحدة بالتعاون الكامل مع الجنائية الدولية.
وأكد البيان أن المحكمة تعتمد أساسا على تعاون الدول والوفاء بالتزاماتها، وقالت المحكمة إنه «عندما يحيل مجلس الأمن ملف دارفور إلى المحكمة على أنه يشكل تهديدا للسلم والأمن الدوليين؛ فمن المتوقع أن ينظر مجلس الأمن أيضا في اتخاذ قرارات بشأن متابعة الأمر».
وكانت الغرفة التمهيدية الأولى قد أصدرت أمر اعتقال في مطلع مارس 2012 ضد عبد الرحيم حسين، بتهمة ارتكاب جرائم ضد الإنسانية وجرائم حرب، يزعم أنها ارتكبت في سياق الوضع في دارفور، وأصبح حسين في يونيو (حزيران) 2015 حاكم الخرطوم، وتقلد أيضا مناصب أخرى، منها وزير الدفاع الوطني والداخلية والممثل الخاص السابق للرئيس السوداني في دارفور.
وقالت المحكمة إن هناك أسبابا معقولة للاعتقاد بأن المطلوب هو مسؤول جنائيا عن ارتكاب جرائم ضد الإنسانية، ومنها الاضطهاد والقتل والتهجير القسري والسجن والأفعال الإنسانية والتعذيب وجرائم حرب منها القتل، والهجمات ضد السكان المدنيين والاغتصاب وتدمير الممتلكات.
وفي مارس 2012 أصدرت المحكمة مذكرة اعتقال بحق وزير الدفاع السوداني وقتها عبد الرحيم محمد حسين، ليكون بذلك سادس شخص تلاحقه المحكمة بتهمة ارتكاب جرائم في إقليم دارفور غرب السودان.
وكانت المحكمة الجنائية قد أصدرت مذكرات اعتقال بحق الرئيس السوداني عمر البشير، ووالي ولاية جنوب كردفان أحمد هارون، وقائد ميليشيات سابق يدعى أحمد كوشيب، لاتهامهم بارتكاب جرائم حرب وجرائم ضد الإنسانية في دارفور.
ﻳُذكر ﺃﻥ ﺍﻟﻮﺿﻊ ﻓﻲ ﺩﺍﺭﻓﻮﺭ ﺃﺣﻴﻞ ﺇﻟﻰ ﺍﻟﻤﺤﻜﻤﺔ ﺍﻟﺠﻨﺎﺋﻴﺔ ﺍلدوﻟﻴﺔ ﺑﻤﻮجب ﻗﺮﺍﺭ ﻣﺠلس ﺍﻷﻣﻦ ﺍﻟﺘﺎﺑﻊ ﻟﻸﻣﻢ ﺍﻟﻤﺘحدة ﺭﻗﻢ 1593 ﺍﻟﺼﺎﺩﺭ ﻓﻲ 31 ﻣﺎﺭﺱ 2005، وذلك ﻭﻓﻘﺎ ﻟﻠﻤﺎﺩﺓ 13 (ﺏ) ﻣﻦ نظام ﺭﻭﻣﺎ ﺍﻷﺳﺎﺳﻲ.

الشرق الاوسط


تعليقات 33 | إهداء 0 | زيارات 20488

التعليقات
#1294440 [العنقالي]
5.00/5 (1 صوت)

06-28-2015 11:35 PM
هل هي عويرة ام شنو؟
يعني تريد مجلس الامن يفرض علينا مزيد من العقوبات , يعني لو قادرين نقبضو ماكنا اتصرفنا معاه وطلعنا اعواد القذافي , لو قادرين نطلع مظاهرات كنا طلعنا , لكن هذا النظام قمعي ومخيف واسس لنفسو مراكز اقتصادية وسياسية اجتماعية اخطبوطية , ولايمكن لثورة سلمية ان تطح به, ايها السادة هم قالوها
ونحن يجب ان نفهم ان ما اخذ بالقوة لايسترد الابالقوة

[العنقالي]

#1294416 [شليل]
0.00/5 (0 صوت)

06-28-2015 10:44 PM
نعم يا mahmoudjadeed والف نعم اسراءيل لا تعنينا فى شئ فهى لم تحتل اراضينا وام تقتل نسائنا و اطفالنا و الراجل جد جد يمشى عليهاعشان يعرف حاجة نحن ما يهمنا همم اخواننا وابناءنا فى دارفور و انتو الظاهر عليكم عديمين وطنية واخلاق و ضمير تتناسون الظلم الواقع عاى اخوانكك فى دارفور و تمشوا تتكلموا عن اسراءيل و غزة ولعلمك دم ناس دارفور ليس برخيص و العدالة حا تاخد مجراها وان طال الزمن

[شليل]

#1294307 [المهندس سلمان إسماعيل بخيت على]
0.00/5 (0 صوت)

06-28-2015 06:00 PM
مجلس الأمن اصدر قراره 2216 بوضع المخلوع صالح والمجرمين المعتدين الحوثين تحت البند السابع وغيرت جلدها وجابت موريتانى ضعيف الشخصية يستجدى ويطلب من صالح والحوثى القبول بكذا وكذا وكنا نتوقع مجلس الأمن يحرك الجيوش ويضرب بيد من حديد
أى دارفورى يتوقع شىء من مجلس الأمن او محكمته الجنائية ضد البشير أو احد رجال يكون واهم وليس له معرفة بما يدور من حولنا
دا زمن الأقوياء حتى لو كانت قوة داعش فهى قوة ولكن قوة غير مشروعة
فمن لم يقدر على لجم عصابات متفلته لن يقدر على محاسبة قائد له جيوش بملايين الأفراد ومصانع تصنع الدبابة والمدفع
لا تنتظروا شىء من مجلس الأمن والبشير تجاوز المحنة ويعيش بنفسية مرتاحة اليوم

[المهندس سلمان إسماعيل بخيت على]

ردود على المهندس سلمان إسماعيل بخيت على
[ميرغني] 06-29-2015 01:11 AM
المهندس سلمان بخيت يقف ضـد اليمن البلد المسكين الفقير المبتلى بحرب جوية جائرة غاشـمة فقط لأن المذكور يعمل في المملكة ويظن ان هذا يتطلب منه الوقوف مع (الكفيل) ولو كان ظالما!!!
لا بارك الله في لقمة العيش التي تدعـو لكل هذا التزلف والنفاق!!

[شليل وينو] 06-28-2015 10:26 PM
عاجلا ام اجلا العقاب العادل سوف يطال البشير جزاء ما اقترفته يداه فى حق ابناء دارفور الكرماء بواسطة محكمة الجنايات العالمية ام غيرها داخل او خارج السودان وبعدين كلامك عن قائد و ملايين الافراد و الدبابات فهذا كلام ساذج
فالعاقل من اتعظ بغيره , الم ترى ما حدث لصدام حسين والذى كان جيشه يتفوق عشرات المرات على الجيش السودانى من ناحية المعدات و التسليح و العددية وحتى نوعية السلاح !! وانا اجزم بان ما تبقى الان من ما كان سابقا يسمى الجيش السودانى والذى اصبح الان جيش الجبهجية لا يستطيع ان يصمدلمدة نصف ساعة فقط امام اية جيش نظامى حديث و الدليل التفوق الاسرائيلى الواضح والذى جعل من الجيش السودانى ملطشة و اضحوكة فى عدم قدرته للتصدى و حماية اجواء البلد!!


#1294229 [عزالدين مهدي]
0.00/5 (0 صوت)

06-28-2015 03:19 PM
اللمبي خلاص انتهي

[عزالدين مهدي]

#1293838 [الزين]
4.00/5 (3 صوت)

06-28-2015 02:54 AM
ماحك جلدك مثل ظفرك
انا شايف بدل نضيع مجهودنا في الكلام اخير نمرق الشارع والناس ديل المره الفاتت كلهم سافرو وقت المظاهرات بشه ده مامحتاج كتير مننا يومين اتنين الناس كلها في الشارع والقصه بتخلص

[الزين]

#1293796 [سودانى ساكت]
3.00/5 (1 صوت)

06-28-2015 12:53 AM
اصبحت فى حيرة كبيرة مع الاخوة المعلقين؟؟؟؟؟؟
هل انتم مع السيد الرئيس البشير كرمز يمثل سيادة البلد ويجب ان لايقدم للمحاكمة لان تقديمه يمس كرامتنا وعزتنا كسودانيين؟؟
هل انتم مقتنعين تماما ان كل هذه التهم ملفقة وسياسية والمقصود منها السودان فى شخص الرئيس ولاتوجد اى ضحايا او جرائم او انتهاك فى حقوق اى مواطن سودانى؟؟؟
الرئيس بعضمة لسانه قال ان الذين قتلوا فى دارفور 10 الف وليس 300 الف ..هل العشرة الف فى رائكم عدد قليل لايستحق كل هذه الزوبعة من مجلس الامن والمحكمة الجنائية ؟؟
ما رائكم ان تاتى المحكمة الجنائية الى السودان تتم المحاكمة داخليا ويدافع السيد الرئيس عن التهم الموجهة اليه امامنا ام هذا ايضا يمس كرامتنا ؟؟
ماذا ترون اخوتى المعلقين وانا انسان بسيط لا حاجة لى فى السياسة واقدركم كصفوة مستنيرة لحل هذه المشكلة حتى نرتاح من مطاردة كل العالم لرئيسنا؟؟
ما ارجوه اخوتى المعلقين الكرام فى تنويرنا بالحلول الابتعاد عن ذكر اسرائيل وامريكا وسوريا نريد حلا لمشكلتنا التى ارقتنا وارقت رئيسنا.. مع الود والتقدير .

[سودانى ساكت]

#1293736 [دارفوري مظلوم]
0.00/5 (0 صوت)

06-27-2015 10:48 PM
عمك بشه هرب
الشردة عيب وشينة
م قلت راجل
قال اسد افريقيا قال
هههههههههههه

[دارفوري مظلوم]

#1293715 [ساره عبداالله]
0.00/5 (0 صوت)

06-27-2015 09:58 PM
طالعتنا الصحف اليوم اللمبى يعين ابنه فى وظيفته فى الولايه على مستوى عال
علما ان هذا الموقع من ارفع الدرجات العلمي لمن يتبوءه وسال احد الصحفيين
هل ابن الوزير الذى لا يخشى الفضائح ان يعين ابنه الكل يعرفه لا مستوى اكاديمى اسقط ثانوى متزوج بنت أخت الوزير الهمامي الصادق الهدى كلها ضرب فى قوت الشعب
السودان
الابن تذاكر سفر وجواز دبلوماسي الابن فى ارقى الهويات فى بريطانيه الصين سادس أبابا السعودي راكب طيارة
صورة وهو يحمل سباءك ذهب إلى دبى هذا هى حالت عبدالرحيم اللمبى عمارات شقق شركات
الجنائي مش كافيه عليه يوم القبض لا ينفع الصادق الهدى ولا غيره
نحن سكان النيل الأبيض يعيشوا أهلنا البسطاء على الزراعة لكن لنا يوم فى المتعافى

[ساره عبداالله]

#1293710 [حمزة بابكر]
3.00/5 (2 صوت)

06-27-2015 09:40 PM
على مجلس الأمن تفعيل ﻗﺮﺍﺭه ﺭﻗﻢ 1593 الخاص بدارفور الصادر تحت الفصل السابع من ميثاق الامم المتحدة الذى يضمن بإستعمال القوة , و عندها سينصاع نظام الإنقاذ لكل شروط مجلس الامن ..
دى عالم ما بتجى إلا بالعين الحمرا ..

[حمزة بابكر]

#1293704 [ود الشمال]
5.00/5 (1 صوت)

06-27-2015 09:23 PM
السودان ليس عضو في محكمة الجنائية الدولية ولم يوقع علي ميثاق هذه المحكمة كيف تريدون منها ان تنفذ لكم قرارات المحكمة وفي مواطنيه امر عجيب !!! وهل للمحكمة الجنائية الدولية ان تشتكي الولايات المتحدة الامريكية بعدم تنفيذ قراراتها ؟ محكمة الجنائية الدولية لم تستطيع ان تلزم الدول الاعضاء فيه بتنفيذ قراراتها والشاهد علي ذلك ما حصل في جنوب افريقيا مع الرئيس السوداني ، وكيف تريد هذه المحكمة ان تنفذ السودان الغير عضو في هذه المحكمة قراراتها ، ام هذا طريق جديد لفرض المزيد من العقوبات الجائرة علي الشعب السوداني بحجة عدم التزام السودان بقرارات هذه المحكمة .

[ود الشمال]

ردود على ود الشمال
[دنيا فرندقس] 06-28-2015 10:36 PM
لا تردد كالببغاء كلام ناس الحكومة, فبالرغم من ان السودان غير عضو فى محكمة الجنايات الا انه عضو فى الامم المتحدة والذى قام مجلس الامن التابع لها بتحويل قضية دارفور الى محكمة الجنايات و لهذا السبب فان المحكمة قامت بمخاطبة مجلس الامن بان السودان لم يتعاون معها. وبعدين دى ما القضية القضية الرئيسة انو هناك رئيس جمهورية بدلا من حماية شعبه والعمل على توفير الامن و العيش الكريم لشعبه قام بالعكس تماما فهو سفك دماء مواطنيه و شردهم و زعزع امنهم ابعد كل هذا تلوكون و تعجنون فى مدى شرعية المحكمة ام لا ؟


#1293701 [احمد]
3.00/5 (2 صوت)

06-27-2015 09:16 PM
فشلوا وسوف یفشلون الی الابد وخاب ظنهم مالم یقبضوا علی القتله الاسرائیلین ویطبقوا علی انفسهم اولا

[احمد]

ردود على احمد
[ابراهيم] 06-28-2015 05:01 PM
هل اسرائيل وامريكا تبريرك للدفاع عن الوزير ام الرئيس .لكي يتم الرد لك علي اكمل وجه ي اخي

[mahmoudjadeed] 06-28-2015 03:51 PM
اسرائيل ان لم تكن تعنيك يا شليل فيجب ان تعني المحكمة الجنائية لأنّ المتداخلين يقصدون بكلامهم المحمكة الجنائية ومن أنت حتى تقول اسرائيل لا تعنينا , أم أن المحكمة الجنائية للضعفاء والافارقة فقط ؟!!.

[شليل] 06-28-2015 12:12 AM
القتلة الاسرائليين لا يعنونا كثيرا لانهم لم يقتلوا اهلنا فى دارفور و جنوب كردفان و النيل الازرق البشير و عصابته و ايران و الصين كلهم متورطينفى 1بح اهلنا فى السودان !


#1293678 [محي الدين الفكي]
2.88/5 (4 صوت)

06-27-2015 07:30 PM
انني حزين لان الاخوة المعلقين يعرضون خارج الحلقة . المسألة ليست لها دخل بالسياسة اطلاقا ان جرائم ارتكبت في حق اهلنا في السودان في كل مديريات السودان التسع والواجب على المتهمين كمواطنين اتهموا باتهامات القتل والاغتصاب لمواطنيهم و ان قتل اي مواطن قتل للشعب السوداني بكامله فاذا اخوك او اختك قتلا فاستعد للقتل او دافع عن اخيك او اختك . هنا المسألة مهمة لكل فرد فينا واكثر اهمية للمتهمين لتبرئة انفسهم مما نسب اليهم والا نحن لا نستحق الحياة التي منحنا الله تعالى لنا .

يجب على كل مواطن بكافة الطرق السلمية والتي قررها الله لنا ان نطلب من السادة المتهمين ان يسلموا انفسهم الى المحكمة الدولية والتي تدافع عن الشعب السوداني عندما عجز الشعب السوداني الدفاع عن نفسه وان نشكر لأبناء وطنا في دارفور ما قاموا به من اجل العدالة ونشكر المحتمع الدولي على ما قام به نحو شعب طيب عاجز عن الدفاع نفسه و اطلب من السادة الاخوة المطلوبين تقديم انفسهم الى العدالة لاثبات التهم الموجهة لهم والرد عليها لانهم مازالوا ابرياء حتى تثبت التهم المنسوبة اليهم بالدليل وان المحاكمة ستكون عادلة وكل الحقوق مكفولة لهم وسيتابغ الشعب السوداني من خلال اجهزة الاعلام سير المحكمة ولازم العدالة ان تتحقق لكل من ارتكب في حقه جرم من اليوم الذي قام به الأخوان بالانقلاب على الشرعية والى ان ينتهي هذا النظام الغير دستوري .

[محي الدين الفكي]

ردود على محي الدين الفكي
United States [nagatabuzaid] 06-27-2015 07:58 PM
محى الدين الفكى تصوم وتفطر على خير من تعليقك اما انك مثالى جدا اما انك لا تعرف من وصفتهم( بالسادة المتهمين ان يسلموا انفسهم) هم ان بسلموا انفسهم كانوا اضطروا الجنائية لهذا الموقف ؟ واما انك متعاطف معهم او منهم بالمختصر المخلوقات دى لن تسلم نفسها بتحب لعبة سك سك والمطاردة والهروب نساله تعالى ان يكونوا عند حسن ظنك


#1293669 [الناهة]
5.00/5 (1 صوت)

06-27-2015 06:57 PM
نعم ينسودا اكثر ذكاءا من اوكامبو حيث من الواضح جدا بانها تسعي سعي دؤوي لتكلل فترة توليها للمحكمة الجنائية بالقبض على المطلوبين للمحكمة الجنائية من قادة الحكومة السودانية والمدهش في الامر بانها لها مقدرة في انعاش مجلس الامن الدولي وتركه امام واجباته وجها لوجه .. عموما يبدو ان منعطف الحرب مع الجنائية الدولية قد اخذ ابعادا لم يصلها من قبل .. فهل هذا الفصل الاخير من السيناريو؟

[الناهة]

ردود على الناهة
[علوي] 06-27-2015 10:00 PM
أنت تعتقد أن بن سودة هي التي يمكن أن تحرك مجلس الأمن؟!!!!! محلس الأمن مؤسسة سياسية تتحرك وفق توازنات سياسية دقيقة ووفق مصالح محددة ولا يهمها تحقيق عدل أو سيادة ظلم يقدرما يهمها مصالح أعضائها!!هذه السيدة توجهت لمجلس الأمن كما فعل أوكامبو من قبل الذي ذهب لمجلس الأمن مرات عديدة والمجلس تعامل مع المضوع وكأنه ميت أو لا يعنيه..
القارئ للأوضاع الدولية يعلم أن المجلس لن يفعل شيئا قي هذا الموضوع للمعارضة الأفريقية والعربية القوية ولأن هناك احتمالا كبيرا جدا أن تستخدم روسيا والصين الفيتو.
مجلس الأمن مشلول تماما ولن يفعل أي شئ اليوم ولا غدا... لثلاثة أسباب أولها أن الموضوع معقد, وأن المجلس ليس له مصلحة يرتجيها من ذلك، وأن روسيا والصين ظلا يتعاملان مع هذا الموضوع بجدية وحساسية شديدة ولن يسمحا به!


#1293637 [أحمد سكاك قطيه]
5.00/5 (2 صوت)

06-27-2015 05:29 PM
أيلا يجب أن يكون رئيس السودان ,, مارأيكم ؟؟؟؟؟؟

[أحمد سكاك قطيه]

#1293613 [منصور محمد صالح العباسي ، شيخ العرب]
5.00/5 (1 صوت)

06-27-2015 04:22 PM
صدقوني لا الامم والمجلس الرمم قادرين يعملو الحاجة ،،، لان الملك بيد الله يؤتيه من يشاء ،، فلا تتعبو انفسكم بالفارقة،،، خليكم في المليانة بس ،،،،

[منصور محمد صالح العباسي ، شيخ العرب]

ردود على منصور محمد صالح العباسي ، شيخ العرب
[دنيا فرندقس] 06-27-2015 09:56 PM
يا شيخ العرب انت تذبح لغة العرب !!!! الفارغة بالغين و ليست بالقاف
فرغ يفرغ فارغ و مفروغ !! الفارقة بالقاف تعطى معنى اخر بعيد كل البعد عن ما تعنيه !!

European Union [ابوشلوخ] 06-27-2015 09:42 PM
بالفـــــــــــــــــــــــــــــــــــارقة

يا شيخ العرب ؟؟؟؟


#1293610 [Kori Ackongue]
0.00/5 (0 صوت)

06-27-2015 04:12 PM
AL BASHER CASE IS ADEFUSE OF JUSRICE, THROUGH THAT INTELLIGENT ESCAPE, AND BASICALLY FOR HIS OWN ASPIRATIONS FULFILLMENT. AND IN THIS CASE HE NORMALLY ACTS IN PROUD, BUT SLUGISH LIKE AN INFECTED FLY WITH CHOLERA HIGH KILLING INFECTION DESEASE WHICH KILLED OVER 300,000 VICTIMS AND IS READY TO DOUBLE THE NUMBER ONCE MORE. WHEN ITS ENDEMIC SPREAD LINES MOVES ON BOTH CURVES HORIZONTAL AND VERTICAL. THEN EVERY THEATRE AROUND FULL OF THE ATTENDANCE INCLUDING HIS LEVELS OF APPLAUD STATES' MEN WOULD BE IN QUESTION OF SUCH POSSIBLE KILLING INFECTION SYMTOMS AT ALL. THIS IS WHAT HAD HAPPENED FROM THIS MACABRE PRESIDENT TO CREATE BY RUNNING AWAY THAT CHAOTIC STATUS IN SOUTH AFRICA, A COUNTRY WHICH RESPECTS THE RULE OF LAW AND THAT IS ALWAYS BOUND TO THE PRINCIPLES OF THE PEOPLE'S CONSTITUTION THERE. SUDAN IS TOTALLY UN-LUCKY COUNTRY TO BE OVER DOZED BY THESE KINDS OF THE STYLIZED RULING FASHION THE MOST FALSE ONE TO PUT CONTINUAL ASHES ON THE EYES OF ALL AROUND THE WORLD. BIN SOADA, DEFINATELY YOU ARE MOVING AHEAD TWARDS THE RIGHT STEPS, FOR AL BASHER AND HIS MEMBERS IN THIS ACCUSED CRIMES ARE NOT LIKE OTHERS GLOBALLY, MAY BE LINKING THEIR ACTS AS PROVEN TO MORE THEATRE OF RACISM AND ETHINCISM.

[Kori Ackongue]

#1293603 [Kori Ackongue]
0.00/5 (0 صوت)

06-27-2015 03:46 PM
Bin Soada,

This man since he came running and hiding himself, dressing something which was not full suit, he did not sleep well. May be he is still dreaming of psychological shock which had strong strike on his soul during the moment he was told that you are in danger if we still keep you here, something un-expected can happen at any time, despites the protection you had it. So that moment was not un-believable to him.

But it is good that you have done so bitter this time because he is still revenging against the Sudanese, especially in the war zone. Continue like that keeping them panicking till the time of capturing him, now he could not sleep smoothly one day at all.

[Kori Ackongue]

#1293595 [ميم كاف]
0.00/5 (0 صوت)

06-27-2015 03:31 PM
يا هدهد المك نمر مات ودفنوه وين

[ميم كاف]

#1293543 [شاهد اثبات]
0.00/5 (0 صوت)

06-27-2015 01:59 PM
بعا ده المسلسل المكسيكي الذى سليهي به البشيرورهطه المفسدين المعارضة المتكلسة وحركات دارفور لمدة خمسة سنة اذا ما مات الامير اوالبعير اوالشعب الفقيروقد وقف حمار الشيخ في العقبة وافلست كل نخب المركز بعد 60 سنة من الصعود الى الهاوية مع الايدولجيات المصرية المعفنة من قوميين وشيوعيين واخوان مسلمين ولم يعد لهم ما يقدموه من اجل الشعب والتغيير
اذا ركزتو مع نيفاشا ودستور 2005 كاقر طريق لديموقراطيةوست منستر وسودان 1 يناير 1956...ما كان البشير ذاتو قدر يترشح لولاية ثالثة مضروبة ويتشرشح...عشان يستمر في الضرر من عاسفة الحزم لي جوهانسبرج

[شاهد اثبات]

#1293535 [ميرغني الديبه]
3.00/5 (2 صوت)

06-27-2015 01:38 PM
امركم غريب يا ناس الجنائية دولة ليست عضوة في الجنائية تكالبوها ان تتعاون معكم .
اتحداكم ان تصدروا مذكرة توقيف في حق اي موطن امريكي

[ميرغني الديبه]

ردود على ميرغني الديبه
[كديس] 06-27-2015 09:59 PM
عمرك سمعت ولا حا تسمع انو رئيس امريكى قام بذبح 300 الف من شعبه ؟؟؟؟؟


#1293502 [freedom fighter]
2.98/5 (10 صوت)

06-27-2015 12:44 PM
وقعتك ة سودة يا عمر البشير مع فاتو بن سودة لقد ذكرت انتن و جماعتك العنصريون بان الغرباوية اذا ما اغتصبهخا الجعلى فهذا شرف لها و فاتو بن سودة من الغرب الجوانى من ( الكمرون ) امشى قول ليها كلامك دا و لا قول ليها يا خادم و انت الجعلى المبجل و الحمد لله سوف تقف امامها كالضب و بكل ادب لانها ممكن جداً تديك نهرة ذيك و ذى اى فاقد تربوى ة فاتنو بن سودة حلا لا لا لا لا لا ته يات نماس احلى امراة فى افريقيا و سوف تقوم بعفص زعماء افريقيا اللصوص و الذين انشئت المحكمة خصيصاً لهم لا لانهم سود و لكن لانهم لصوص هل رايت رئساً اوربياً او امريكياً او يا با نياً لص ؟؟؟؟ قطعاً لا هذة عدالة السماء ضاقت عليكم الارض بما رحبت و حتى اموال ما ليزيا لن تتمتعوا بها لان هناك قانون يحاكم و يجرد الرؤساء اللصوص من اموال الشعب المنهوبة فاين تذهبونم ؟؟؟؟ و سلم لى على عبد تالرحيم

[freedom fighter]

ردود على freedom fighter
[sudani] 06-27-2015 09:02 PM
ههههههه
ياجدادة
شيخ العرب منو ؟؟؟
انت سوداني اذا انت عب عب
عب
احسن لينا نكون اول الافارقة ومانجري وراء العرب فلسنا عندهم الا عبيد
اعتز بسودانيتك بلاش شيخ العرب بلاش كلام فارغ معاك ريحتك طاقة

United States [منصور محمد صالح العباسي ، شيخ العرب] 06-27-2015 04:26 PM
انت رجل حالم،، وعايش علي الخيال ،،، لو مجلس الأمن بتاعك دا قبض علي ولي امر السودان ،،، فسوف أقوم بحلق لحيتي ،،، دعك من الاوهام وعش في سلام ,, مجلس الأمن مات زمان ،، وانتهي الي غير رجعة ،، وسلم لي علي اوكامبو،،،


#1293483 [حموري]
2.88/5 (6 صوت)

06-27-2015 12:00 PM
ضاقت و لما استحكمت حلقاتها -- ضاقت مرة اخرى --
هذا حال البشير مع المحكمة الجنائية الدولية كل عام ترزلون من زنقة لزنقة و من عصرة لعصرة --- يقعد يتزاوق لمتين -- فضحنا نجبنه و خوفه الذي لا يشبه اخلاق السدانيين ---
سبق و طلب الترابي من عمر البشير ان يذهب الي المحكمة الجنائية الدولية و يدافع عن نفسه --- و لكن ( الجعلي العباسي الفالصو ) طلع اي كلام و جر واطي --
تاني نسمعك تقول انا عباسي بنقطع لسانك --
يا وهم -

[حموري]

ردود على حموري
[jafar] 06-27-2015 02:36 PM
بالله عليكم يا جماعة الخير كدى خلونا من حكاية دا جعلى ودا بعلى الكلام الما جايب حقو دا .. نحن فى القرن الواحد والعشرين ولسة بتقولوا دا جعلى ودا زيدى ودا عبيدى .. بالله عليكم الجعل الطايرين بيهم ديل عملوا شنو فى السودان الحديث غير انهم فالحين يجلدوا بعضم فى الاعراس قدام الحريم ..أها دى الرجالة حقتم .. دى عوارة ساي .. ضرب السوط قال .. يضربكم السحائي فى عز النهار ببركة النبى

European Union [هدهد] 06-27-2015 12:40 PM
ياحمورى الراجل ما جعلى هو اساسا بديرى ويسكن حوش بانقا اى فى منطقة الجعليين وقد قالها اخوهو عبدالله احمد البشير بأنهم بديرية وليسوا جعليين كثير من الناس يظنون ان البشير هذا جعلى . هذا محسوب على الجعليين ولا يشرفهم ولا هم يتشرفون به .


#1293476 [الامدرمانى ودامدرمان]
4.75/5 (3 صوت)

06-27-2015 11:46 AM
اللام دا لى اسع لاذم فى حاجه الله يستر على السودان واهل السودان ببركة الشهر الفضيل

[الامدرمانى ودامدرمان]

#1293471 [Productive Urbanization for One Nation]
4.75/5 (4 صوت)

06-27-2015 11:38 AM
تعليق على الصورة :
ودّ عمّو وقاعد معاهو ... ؟؟؟

كسرة غير مجبورة :
يا حبيبي ما تحكي ليّا
عن صِحّة حديثك عن الغرباويّة
الذي رواه عنك شيخ الطريقة الإخوانيّة
والله أنا ذاتي ما رضيانا ليك المرمطة الجنائيّة
طالما نصبت السلطة ثمّ نصّبت نفسك رئيساً للجمهوريّة
ونصيحتي ليك يا ود حبّوبتي البديريّة الدهمشيّة
تاني ما تقول الأميريكان تحت جزمتي دِيّا
الطيّب صالح قد تبرّأ من لقطة الزانديّة
قال إنّها مُجرّد غلطة سينمائيّة
وطيّب إنت ما تقول للجنائيّة
إنّك طلّقت الحركة الإخوانيّة
وإنّ الجرائم كُلّها إخوانيّة
لتغييرات جيمورفولوجيّة

[Productive Urbanization for One Nation]

#1293455 [izo]
5.00/5 (1 صوت)

06-27-2015 11:14 AM
المره ام جضوم دى ماب تقدر على بشه

[izo]

ردود على izo
[عزالدين مهدي] 06-28-2015 03:22 PM
كلام صاح المره كان بقت فاس مابتكسر راس


#1293448 [ود النيل]
4.75/5 (4 صوت)

06-27-2015 11:05 AM
بالله اريتكم البشير لو قبضتوه وريحتونا من الهم اليومي دا

والبشير دا لو عاقل وعنده دم امشي اريح الشعب السوداني دا من الجنائية وما شابة الجنائية اذا اصلا بريء ما سبب ذنب الشعب السوداني يعيش في حصار اقتصادي طول العمر او لما يعجز .

نرجو من البشير رحمة بالشعب الفضل امشي الجنائية وريح الشعب الفضل كل اهل السودان اقسم يدعون عليك ليل نهار وفي الكعبة يدعون عليك لانك كرهتهم الدنيا وسببك تم حصار البلد ووقفت حاله بسبب ذلك فمتى تتخارج من حكم السودان؟

اظنك إلى للمقابر ونسال الله ذلك اليوم قبل الغد عشان الشعب يرتاح ويفك الحصار الاقتصادي العالمي ضد الوطن .

[ود النيل]

#1293429 [عوض الله جابر]
4.82/5 (5 صوت)

06-27-2015 10:37 AM
تبا للإستعمار والإمبريالية ..الناس ديل حسدوا ناس ولاية الخرطوم ومحتاجين لخبرات وعلم عبد الرحيم..مالقو طريقة إلا يلفقوا ليهو تهم وعاوزين يحرمونا من نظرياته ..تلقوها عند الغافل ده بشيش كاشف لعبتكم..والهدية حالفه قسم بشبش ورحومه ما يلبسوا لباسين..واحد بس..لي ...الإتنين..

[عوض الله جابر]

#1293424 [صبور]
4.38/5 (5 صوت)

06-27-2015 10:22 AM
انتهينا من اوكامبو طلعت لنا بن سودا دي مصيبة شنو دي

[صبور]

ردود على صبور
United States [محامى] 06-27-2015 02:40 PM
أوكامبو قاعد وحيجى كمستشار لبن سودة عندما يقبضوا على بشة.


#1293382 [between 1000000 brackets]
4.00/5 (1 صوت)

06-27-2015 07:52 AM
يا معلقين بطلو الإسفاف و خليكم من كلام المشاطات دا !!! قصة المحكمة الجنائية دى قصة مهببة و ما فيها خير للسودان , لا نريد ان تضيع حقوق الناس من الذين قتلوا فى دارفور و اكردفان و النيل الأزرق هباءا و المجرم مش البشير و بس كمان كل قادة الحركات المسلحة و بعدين مجلس الإرهاب الدولى الذى تقودة أمريكا فرعون العصر لية ما حكم على بوش عندما غزا بمفردة العراق و اكل رأى ما أل إلية الوضع و إسرائيل و ما أدراك ما إسرائيل و السيسى و ما ادراك ما السيسى . و الله العظيم ليس دفاعا عن البشير لكن يا جماعة المساواة فى الظلم عدل و أنا متأكد أغلب الدول لا تريد للسودان الخير و يريدون أن يتخلصو من البشير على طريقتهم ليصبح السودان صومال أخر , اللهم بلغت فأشهد !!!!!!!!!!!
الشعب السودانى لا يستحق كل هذا الذل هامش يدمر كل يوم تشتيت فى كل بقاع الدنيا و صراع الحكومة و الحركات و حتى المعارضة السلمية كل يغنى على ليلاه ( السلطة ) و مش مشكلة عندهم فاليذهب السودان للجحيم و أصدق دليل على هذا الكلام مطلبة المدعو مناوى بتقرير مصير للدارفور و هو لا يمثل إلا نفسة و أقول له دارفور بها رجال عقلاء و علماء أنت صفر كبير بجانبهم. الغريب فى الأمر قالوا نحن نحارب بإسم السودان كله ألعب غيرها يامناوى أنت غير حرب العصابات لا يوجد لك أى رصيد علمى و سياسى , أمثالك مستعملون كمخالب تدمير للوطن مقابل مدكم بالسلاح و حفنة من المال و الفنادق السبعة نجوم و الظهور فى الفضائيات .
لفو كلكم بلا يخمكم إنتو و البشير .

[between 1000000 brackets]

ردود على between 1000000 brackets
European Union [الراجل] 06-28-2015 05:05 PM
كلامك كلة عوارة ساكت

European Union [خليل] 06-27-2015 10:11 PM
نتحدث عن ابناءنا و شيوخنا ونساءنا الذين قُتلوا واغتصبوا وعذبوا وشُردوا في ديارنا
يُسرع بعض موالي النظام ليقولوا لك : غزة والعراق وبوش !!
أي منطق هذا ؟؟
نحن نريد العدالة في بلادنا ان تحقق بالامم المتحدة ، بالاتحاد الافريقي ، بالمحكمة الجنائية ، بمحاكمنا (الفاسدة)
بيد الشعب .. لا فرق ..
يا رجل .. مالنا ومال غزة والعراق البعيدة ديك .
وهل نحن امم متحدة ام راعين للعدالة في العالم .
صحيح ان العالم يكيل بمكيالين ايضاً محاكمنا وسلطاتنا تكيل بالف مكيال

العدالة هي المطلوبة يا سادة
بايدينا او بايدي غيرنا مادامت محاكمنا في ايدي السفاحين وتابعة لهم وغير قادرة
على محاكمة هؤلاء فلتحاكمهم محاكم خارجية و تتحقق بايديها العدالة في بلادنا






مالكم كيف تحكمون .

United States [ظفار] 06-27-2015 12:47 PM
أين كنت فى سبتمبر 2013 عندما بدأت المظاهرات وكاد النظام يتهاوى والفيران والقوارض خرجت من جحورها ومخابئهالو كان لدينا العزم والاصرار لكانت الحياة تسير بنمط اخر


#1293356 [ود اب زهانه]
4.97/5 (13 صوت)

06-27-2015 04:42 AM
يارب ببركة الشهر الفضيل ده يقبضهم الاتنين ويريحوا البلد من شرهم

[ود اب زهانه]

ردود على ود اب زهانه
European Union [البصيرة ام حمد] 06-27-2015 11:11 AM
ان شاء الله دعوتك direct لي باب السما ياود اب زهانة يااخوى، لكن المجرمين المطلوبين شلةومعاهم احمد هارون والى شمال كردافان.


#1293354 [حمزه]
4.50/5 (7 صوت)

06-27-2015 04:37 AM
فلتكن الاسماء بمسمياتها
قولو نظام الحرطوم او نظام الكيزان وليس السودان
ثانيا ادا عجزت الامم المتحده والمحكمه ولم تجدي قرارات مجلس الامن وكل المطالبات فما بيد الشعب السوداني قوه ولا حيله حتي ينفد ما عجزت عنه المنظمه الامميه
منظمه عاجزه للاسف الشديد

[حمزه]

#1293345 [ودكوش]
4.94/5 (10 صوت)

06-27-2015 03:49 AM
احسن حاجة التدخل العسكري لقبض الجماعة ديل اصبح واجب اممي يا مجلس الامن.

[ودكوش]

ردود على ودكوش
[محمد الدول] 06-27-2015 03:04 PM
اذا كان الكلام من فضة فالسكوت من ذهب .... سكت دهرا ونطق كفرا بالله انت جادى فى تليقك دا تخل عسكرى ؟

European Union [البروف عوف] 06-27-2015 10:49 AM
لو الشعب جبان الا يتمو مويه بس...... مجلس الامن ما عمل شي مع سوريا و الاسد الكديس تفتكر حيعمل مع السودان و اب ركبه حاجه


#1293344 [ود الراحات و الهوت دوج]
4.98/5 (17 صوت)

06-27-2015 03:46 AM
اللمبي يجب اعتقاله بالليل و ووقت صلاة العشاء و الانوار طافيه

[ود الراحات و الهوت دوج]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة