الأخبار
أخبار إقليمية
السلطات تداهم محال (شيشة) وتقتاد (17) مُدخِّنة
السلطات تداهم محال (شيشة) وتقتاد (17) مُدخِّنة
السلطات تداهم محال (شيشة) وتقتاد (17) مُدخِّنة
صورة تعبيرية


06-27-2015 04:31 AM
الراكوبة - الخرطوم علمت (الراكوبة) من مصادر واسعة الاطلاع، ان السلطات داهمت في ساعة مبكرة من فجر (الجمعة)، مطعما يقدم "الشيشة"، واقتادت "17" فتاة كنّ يدخنّ الشيشة بالمطعم، وعددا من المدخنين ايضاً، إلى اقسام الشرطة القريب من حي الرياض شرقي الخرطوم.
وأشار شهودٌ عِيان أن قوة من أمن المجتمع داهمت احد المطاعم التي يرتادها مواطنون لتدخين "الشيشة" بحي الرياض شرقي الخرطوم، واقتادت "17" فتاة كنّ يدخنّ الشيشة بالمطعم. واكدوا ان أفراد القوة التي داهمت المطعم جمعوا ادوات الشيشة.


تعليقات 34 | إهداء 0 | زيارات 20900

التعليقات
#1293991 [طارق الباز]
5.00/5 (2 صوت)

06-28-2015 10:27 AM
من قمنا ووعينا فى الدنيا شفنا نسوان بسفن التمباك وبدخنن السجاير وفيهم كمان البشربن الخمر, الجديد شنو على الاقل دفعن حق الشيشة بدل ما تتشطروا على النسوان فى الشيشة المدفوعة الثمن وماسكين شماعة الدين والعادات والتقاليد امشوا انتقدوا السرقو ونهبوا اموال البلد امشوا انتقدوا الرافعين شعار الدين وهم العن من الشيطان, بدل ما تمسكوا فى الشيشة وامن المجتمع والكلام الفارغ الما بودى ولا بجيب.

[طارق الباز]

#1293976 [كلحية]
5.00/5 (1 صوت)

06-28-2015 10:02 AM
الفتاة السودانية التى تركناها هناك ما كانت تدخن أو تتعاطي الشيشة في مكان عام . بغض النظر عن موضوع الحريات الخاصة . البنت السودانية عرفت بعفتها وحياءها وهذا ماتربت عليه في أسرتها ما نشأت عليه من عادات وتقاليد المجتمع من حولها. لكن بعد طوفان 1989 أصبح كل مستهجن وشاذ في السلوك مباحا ومقبولا . ما لا أقبله لزوجتى أو بنتى لا أقبله لغيري من بنات السودان .وهكذا كانت تربيتنا وهكذا تميزنا في محيطنا العربى والأفريقي بهذه التربية وسمو أخلاقنا . نعارض الإنقاذ ليلا ونهارا ولكن نرفض رفضا باتا أن يتهتك نسيجنا الإجتماعي أن تنفرط منظومة قيمنا وأخلاقنا . معذرة لمن لايتفق معنا في هذا الرأي ولكن نحن أبناء السودان ما قبل " مايو " حيث بدأ التفكك والإنحلال ثم جاءت " الإنقاذ " حيث وصلنا مرحلة الإنحطاط والسقوط !! تذهب الإنقاذ مثلما ذهبي مايو وتبقي أخلاق السودانيين وعاداتهم رغم ما اصابها من تشوه وكدمات يمكن إصلاحها بعد عودة الروح للوطن المختطف.

[كلحية]

#1293907 [إيمان]
0.00/5 (0 صوت)

06-28-2015 08:32 AM
يجب أن لا نخلط بين سلوك أحد والآخر...نحن مجتمع رغم كل الظروف والأزمات والفقر لنا بصمتنا في الأخلاق والإلتزام ...والحمد لله نفوق العرب والغرب أدباً وسلوكاً...أما السلوك الشاذ فهؤلاء قلة ويجب علينا أن لا ندعم هذا السلوك بأن نقول فلانة فعلت كذا..علينا كمجتمع أن لا نقلد السلوك المشين بالعكس أن نقوم بقدر ما نقدر سلوك بناتنا وأبناءنا ...لأن ما تبقى لنا كمجتمع هو الأخلاق والتدين...نفخر بأنا سودانيين وسودانيات ورغم كل شئ سيرتنا في خارج البلد جميلة وأخلاقنا الفاضلة يحتذى بها...إنسوا السياسة وإنسوا الإنقاذ وحافظوا على مجتمعكم بقدر ما تقدروا...الشيشة وغيرها من الأماكن قد تكون في ظاهرها قد يراها البعض أمر بسيط ولكنها قد تقود لسلوكيات أعمق وكذلك هناك من نفوسهم ضعيفة من الجنسين ، وبعدها يكون السلوك أم عادي فيقلده القاصي والداني...اللهم أحفظ مجتمعنا .

[إيمان]

#1293684 [amaar]
1.00/5 (1 صوت)

06-27-2015 07:46 PM
خبر ساذج ضعيف

[amaar]

#1293647 [alan]
3.75/5 (3 صوت)

06-27-2015 05:45 PM
ايهما اشرف و اقرب الى الله : المدخنة للشيشة ... ام وداد بابكر .... فاطر رمضان ... ام قاتل الناس (300.000 او 10.000) .. صحابى شرب خمرا ثم (قيل) انه تاب ... ام سودانى فقير مثلك (ود ناس) لم يشرب خمرا قط.

[alan]

#1293638 [Yahia Hassan]
0.00/5 (0 صوت)

06-27-2015 05:30 PM
هذه مصيبة..لاحول ولاقوة إلا بالله العلي العظيم..نساء،اللهم احفظنا واحفظ عرضنا إنك أنت مجيب الدعاء.

[Yahia Hassan]

#1293619 [ابو الكل]
0.00/5 (0 صوت)

06-27-2015 04:46 PM
ربنا يهدى الكل اتمنى ان يكون هناك وعى اجتماعى فى جميع الوسائل المشاهدة والمقروءة

[ابو الكل]

#1293607 [بشه]
2.00/5 (2 صوت)

06-27-2015 03:52 PM
المحيرني انا كمان هم برخصو محلات الشيشة وبجو بتكلمو عن الاخلاق

[بشه]

#1293582 [ود احمد]
4.25/5 (4 صوت)

06-27-2015 03:11 PM
ايهما اولى بالمحاربة اكل اموال الناس بالباطل ام شرب الشيشة؟
افتوني ان كنتم تعلمون؟

[ود احمد]

#1293539 [ابو وليد]
0.00/5 (0 صوت)

06-27-2015 01:43 PM
المسالة بتحكمها عادات وتقاليد وفوق ذالك دين يجب ان تراعي.

[ابو وليد]

#1293526 [kakan]
2.50/5 (2 صوت)

06-27-2015 01:19 PM
في اليمن يستخدم النساء القات والشيشة وفي السعودية الشيشة موجودة ولكن المجتمع السوداني يري في تدخين البنات سفاهة وانحلالا الحل في التوعي والنصح لان البنت الي لاتحترم معتقداتت مجتمعها تنحدى الي الهاوية ولكن هل مجتمعاتنا محترمة وهل يوجد نمط سلوكي يلتزم به الكبار قبل الصغار مجتمعنا اصبح مشوها لدرجة ان الفرد الغلبان بمجرد شرائة لعربة التقسي
ط يقف لخطف اول فتاة تقابله في الطريق لدرجة ان واحد ظريف مستجد نعمة كان ماشي بحري واقف عربته لمن يعتقد انها امراءة ليل ووجدها الخال كلتوم الساكنة الكلاكلو وبعدين اتادب شديد اغسلوا المحتمع من وساخاته وبعدين الشبشة ساهلة

[kakan]

#1293505 [كاروشة]
3.47/5 (8 صوت)

06-27-2015 12:47 PM
اكبر محل لتقديم الشيشة فى السودان مملوك لمحمد ود نافع المانافع !!!

[كاروشة]

#1293504 [abusami]
3.38/5 (6 صوت)

06-27-2015 12:45 PM
ما في حاجة اسمها بنات تاني وداد بتسافر بريطانيا مع الحرامي بتاع اركويت بدون محرم وترهن الدهب في النوك قالو بنات بشربو شيشة هي ممكن شربت وسكي .

[abusami]

#1293493 [hesham]
3.25/5 (6 صوت)

06-27-2015 12:18 PM
دة كلام صاح انتو طبعا زعلانين لانكم عاوزين بارات

[hesham]

ردود على hesham
United States [kola] 06-28-2015 12:55 PM
اهبل وعوير, هي اساسا فاتحة البارات لكن ما علني يالمغيب لو ما عارف وبترخيص حكومي , انت من الناس المتخلفين القاعدين في البلد ساي وما عارفين حاجة

European Union [الداندورمي.] 06-28-2015 03:25 AM
بئر تبلعك للهم إني صائم.68

[كنياتا] 06-27-2015 02:20 PM
هههه عايزين باراااات، وهو البحصل في السودان في زمن الإنقاذ مو أحسن منه البارات ؟؟؟؟

[ســـــارى الـلــيـــل] 06-27-2015 01:29 PM
بارات شنو يا دلاهه ؟
اسكت بس و امشى لى مامى تديك حق الايسكريم يا هطله .


#1293491 [ود الركابي]
3.47/5 (7 صوت)

06-27-2015 12:16 PM
هو الواحد مع الكيزان ديل حرية شخصية في بلده مالاقي . انتم ياتوا بلد في الدنيا بتمنع الشيشة . كيزان السجم والرماد الله لاكسبكم .يعني خلاص بقت علي الشيشة . شبعنا وكرشنا اتملا .

[ود الركابي]

ردود على ود الركابي
[mhamoudhadeed] 06-27-2015 05:51 PM
يا ركابي بنات شنو البدخنوا شيشة ؟ لو انت نسبت منع الشيشة للكيزان ده معناه انت بتمدح الكيزان ( مدح بما يشبه الذم ) . هسي لو اختك دخنت انت بتقلب الدنيا . خليك منطقي بالله .


#1293489 [المحتار]
3.49/5 (9 صوت)

06-27-2015 12:11 PM
المشكلة ليست فى البنات البدخنوا شيشة لانو اى واحد اكبر من 50 سنة اكيد حبوبته كانت يا بترسلو يجيب ليها سجاير و لا صعوط (تمباك ) مانت الدنيا بسيطة و الفهم برئ المشكلة اصبحت فى التدخين مع الاولاد لانو دا ما من عاداتنا زمن حبوباتنا كانو بدخنوا نسوان مع بعض و جوا البيت ما فى شارع او مكان عام ...بس كمان قصة كشة ما قانونية و لا مبلوعة بعدين اذا فى قانون بيمنع كيف تصادر الادوات و بعد دفع اتاوا ترجعها تانى دا تلاعب بعقول و مصالح و ابتذاذ الناس

[المحتار]

#1293480 [ابو الصديق]
4.25/5 (10 صوت)

06-27-2015 11:52 AM
ايه يعنى بنات دخنن معسل مافى بنات اكلن مال الشعب السودانى

[ابو الصديق]

#1293470 [ايهاب]
3.50/5 (5 صوت)

06-27-2015 11:37 AM
البلد دى فيها حاجات كتيرة مدسوسة المغطى ستار متين ينكشف الشرطة والقضاء والنيابة كلهم مرتشين

[ايهاب]

#1293469 [badraldin mm]
3.97/5 (10 صوت)

06-27-2015 11:36 AM
كنت فى دولة مجاورة ...وكان هنالك جماعة دينية تضايق الشباب الموجودين فى الحدائق العامة والاسواق وذلك لمنع الشيشه والاختلاط والحاجات البعتقدو هم انها ما كويسة ...كان لعب الجماعة ضاغط ...وكان فى هذه المدينة الجذء القديم منها مهجور ...فا ستاجرت البيوت الفاضية كل تلاتة اربعة فى بيت ..بعد فترة من الزمن اصبح اكتر من 80% من شباب البلدة مدمن ..انتشر الاغتصاب وحوادث الخطف والنهب ...السادة المسؤولين المحترمين ان محاربة الناس فى الاماكن العامة وفى سلوكهم المقبول ( شيشة ونسة كوتنشنة....) سوف يؤدى الى حياة سرية خلف الابواب وانتو ما بتقدرو على ده

[badraldin mm]

ردود على badraldin mm
European Union [شاكوش] 06-27-2015 02:20 PM
الممنوع مرغوب


#1293466 [alkaleel]
3.00/5 (2 صوت)

06-27-2015 11:32 AM
الحافظ الله

[alkaleel]

#1293446 [Amin]
3.50/5 (11 صوت)

06-27-2015 11:02 AM
ما الجريمة في تدخين الشيشة ؟؟
وما الفرق بين رجل يدخن وفتاة ؟؟؟
إن كان حرصاً على صحة المواطن فليمنعوا بيع السجائر والتمباك
وإن كان للأخلاق فتدخين الرجل الراشد والبنت الراشدة لا يمس ألأخلاق في شئ

ليس هذا مسؤلية الحكومة

[Amin]

ردود على Amin
[أحمد سكاك قطيه] 06-27-2015 11:27 AM
إذا كان الفهم هكذا إيها التافهه الوضيع فعلى السودان السلام ,, وخلى أمك وأختك يمشوا القهوه يدخنوا شيشه يا أمين


#1293442 [عتمني]
3.00/5 (2 صوت)

06-27-2015 10:53 AM
اين بنت السودان واين فارس الفرسان ايام العز خلت واصبحنا امه فاقده الهويه والوطنيه

[عتمني]

ردود على عتمني
European Union [الطيب] 06-27-2015 11:54 AM
لا علاقة للهوية(إن وجدت) بالتدخين. ثم إقرأ لابن تيمية وسيد قطب تجد أن الوطنية التي تتحدث عنها كفر وخارطة داعش تدعم هذا القول.


#1293440 [aldafari]
3.44/5 (5 صوت)

06-27-2015 10:51 AM
يجب الضرب بيد من حديد على كل بنت ليس وال ان يتولى النظام ولايتها ان كان هناك نظام في البلد لعلمي ان قانون الغاب هو الذي يحكمنا بالسودان وليس غيره؟


عشان كدا الفساد تعدد وتنوعت اساليبه لان القانون ضعيف والقضاة والعسكر مرتشيين جميعا واصلا البلد ليس بها قانون؟

عشان كدا تدمرنا وتدمر السودان واهله.

[aldafari]

ردود على aldafari
[كل عين العقل] 06-28-2015 12:03 AM
كلام صح وعين العقل واللي يابوه عايز الرذيلة والفساد

بنات شنو في منتصف الليل وفي المطاعم ويشربن في الشيشة المفروض زاتو يجيبوا اولياءهن لو عندهن اولياء ويجلدوهن ويجلدوهم

كلام عين العقل

European Union [amir] 06-27-2015 11:32 AM
قانون الغاب هو ما تنادي انت به الجريمة واحدة اذا ارتكبها رجل او امرأة والعقوبة كذلك ( هذا اذا كانت هناك جريمة )


#1293437 [المرتاح]
3.00/5 (2 صوت)

06-27-2015 10:47 AM
عملوها ظاهرة لكن.

[المرتاح]

#1293436 [kola]
4.00/5 (10 صوت)

06-27-2015 10:47 AM
يعني البنات ديل لا يعرفن يعرسن لا يتكيفن , بعد دا المفروض ينتحرن ههههههههههه

[kola]

#1293425 [القاضى]
3.50/5 (9 صوت)

06-27-2015 10:25 AM
يعنى خلاص بقت على دى ...المستشفيات اتعدل حالا و المدارس الرواكيب اتبنت و اطفال الشوارع اتلمو و الشوارع نضفت من الوساخة و الجفر و اتنورت ...بقت المشكلة فى سبعتاشر بت بدخنو فى الرياض؟؟؟ ياخى اتلمو

[القاضى]

#1293423 [ممنتصر]
3.00/5 (2 صوت)

06-27-2015 10:17 AM
العقوبة يجب ان تطال المحل وصاحب المحل اولا

[ممنتصر]

#1293408 [زاد الشجون]
3.32/5 (5 صوت)

06-27-2015 09:32 AM
امشوا القراند هوليداي فيلا ( المغطس )... شيشه وبناطلين و لبس كيف اييييك بلااااااااوى متلته

[زاد الشجون]

#1293402 [حيرتونا معاكم]
3.00/5 (4 صوت)

06-27-2015 09:16 AM
ياناس انتو مابعجبكم العجب الشرطة داهمت محلات الشيشة وقامت بي واجبها بدل مانشكرهم ونقول الحمد لله، الشيشة فرقها شنو من المخدرات

[حيرتونا معاكم]

ردود على حيرتونا معاكم
[كلام صاح] 06-28-2015 12:04 AM
كلام صح وعين العقل؟ انا بيعجبني الناس اللي ضد الرزيلة وضد الفساد

European Union [عنفوان] 06-27-2015 03:06 PM
الشيشة ليست من المخدرات.. ممكن تقول فرقها شنو من السجاير وبالتالي لماذا لا يمنعون السجاير.؟ ثم تانيا : الشرطة دي الكسر والنهب وناس تلب الكل يوم ديل ما شايفاهم؟ .. واجبها مداهمة الشيشة؟


#1293378 [مفيش فايده]
2.75/5 (6 صوت)

06-27-2015 07:13 AM
حق العيديه طلع ورمضان كريم

[مفيش فايده]

#1293377 [محمدأحمد عطيه]
3.44/5 (7 صوت)

06-27-2015 07:12 AM
خلاص بقت على الشيشه.... يا ناس ما تخلوا الخلق للخالق

[محمدأحمد عطيه]

#1293374 [سند]
3.47/5 (13 صوت)

06-27-2015 07:05 AM
حولت إدارة مكافحة المخدرات حربها على الشيشة بعد ثبات خلو البلاد من المخدرات

[سند]

ردود على سند
[Aboahmed77] 06-27-2015 12:17 PM
طيب الكونتينرات القبضوها مشت وين لو البلد خاليه من المخدرات؟؟؟؟؟؟؟


#1293370 [مراقب]
3.63/5 (11 صوت)

06-27-2015 06:27 AM
اذا كانو بنات كيزان ما بتجيهم عوجة غير كده حيتجلدوا.

[مراقب]

#1293369 [ود الاهليه]
2.50/5 (5 صوت)

06-27-2015 06:21 AM
سبحان الله وفي هذا الشهر الفضيل الذى انزل فيه القران الكريم اتقو الله

[ود الاهليه]

ردود على ود الاهليه
[كلامك صاح] 06-28-2015 12:05 AM
أسالني دبل يا ودالاهلية؟ دي قلت ادب بس منهن

European Union [كديس فى السروال] 06-27-2015 09:41 AM
ديل عندهم رمضان عادة و ليس شهر عبادة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة