الأخبار
أخبار إقليمية
بالنظر..والي الخرطوم يقف على مرافق تصريف مياه الامطار ببحري
بالنظر..والي الخرطوم يقف على مرافق تصريف مياه الامطار ببحري
بالنظر..والي الخرطوم يقف على مرافق تصريف مياه الامطار ببحري


06-27-2015 08:47 PM
( سونا) - وقف والي الخرطوم فريق اول مهندس ركن عبد الرحيم محمد حسين ميدانياُ على استعدادات محلية بحري للخريف عبر زيارة موسعة لمرافق تصريف المياه رافقه خلالها دكتور احمد قاسم وزير البنى التحتية والمواصلات ود. ناجي محمد علي معتمد محلية بحري والمهندس خالد محمد خير مدير هيئة الطرق والجسور ومصارف الامطار والمهندس مالك بشير مدير الجهاز المركزي للانذار المبكر ودرء الكوارث ، وشملت الزيارة (17) موقعاً موزعة على نطاق واسع من المحلية في وسط وشرق وغرب وشمال بحري .
واكد الوالي ان العمل الذي تم في تشييد المصارف الخرصانية يمثل اساس لشبكة متكاملة لتصريف مياه الامطار، وطالب الوالي بضرورة وضع خطة واضحة المعالم مبرمجة بجدول زمني للخروج نهائياً من مشاكل تصريف مياه الخريف كما طالب بتحديد المسئوليات وتوزيع المهام بين المهندسين ليصبح كل مهندس مسئولا مسئولية مباشرة عن مصارف محددة يقوم بمتابعتها ويتاكد من سريان المياه داخلها حتى نهايتها عند المصب علي ان ينطبق ذات اسلوب المتابعة على ما يلي المرافق الاخرى في تصريف المياه كالآبار في المناطق المنخفضة والشفط في المناطق التى لا توجد فيها خيارات اخرى غير السحب بالطلمبات .
وقال الوالي ان تخطيط محلية بحري به مزايا عديدة تتيح فرصاً واسعة لفتح الشوارع وتوسعتها من بداية المحلية من الناحية الجنوبية وشمالاً حتى منطقة الجيلي ويمكن ان يتحقق ذلك بتوسعة شارع الانقاذ وشارع السيد علي وشارع النيل وشارع شرق كافوري.
من جهة اخرى وقف والي الخرطوم على النظم المتبعة في محلية بحري في اعمال النظافة بحضور د. مصعب برير مدير الادارة الاشرافية العليا للنظافة.
وطالب الوالي بضرورة اعادة توظيف الآليات العاملة والاطلاع على بعض التجارب المعمول بها في النظافة والتى اثبتت كفاءة وفعالية عالية وذلك من خلال ايجاد معادلة تشرك القائمين على النظافة بكافة مراحلها ليصبحوا شركاء اصيلين في النظافة .


تعليقات 13 | إهداء 0 | زيارات 4208

التعليقات
#1294437 [kimo]
0.00/5 (0 صوت)

06-28-2015 11:29 PM
نحن من سكان بحري ورمضان كريم نصوموا وتفطروا علي خير

نرجو من الوالي والمعتمد ان ياتوا الي وسط بحري لرؤية السوق الكبير المتهالك الذي اكل عليه الدهر وشرب فقد بني هذا السوق في الستينات وكل عام يكاد ان يسقط في روؤسنافي موسم الامطار وغيره غير ذلك هنالك شوارع فرعية تحتاج الي سفلتته وتعبيد ولم تعبد من اكثر من 25 عاما غير الاوساخ والقاذورات في شارع المزاد والمحطة الوسطي والشعبية وموقف الحاج يوسف فاين انت يامعتمد وياوالينا الجديد اللهم بلغنا اللهم فاشاهد

[kimo]

#1294173 [منير البدري]
5.00/5 (1 صوت)

06-28-2015 02:32 PM
اكان كدي خلاص ياها الاتقفلت و تاني ما صرفت و لا بلحة ابدا

الله يكون في عونك يا خرطوم من الخدر الي اللمبي من فاسد الي افسد

[منير البدري]

#1294015 [ٍSalah AL Deen P]
5.00/5 (1 صوت)

06-28-2015 11:02 AM
والي الخرطوم بالنظر ، طبعاً الما وقع تحت نظرك انت ما مسئول منه
بالنسبة للموية كيف؟ هل اذا كانت طافية انوارها هل انت مسئول عنها

[ٍSalah AL Deen P]

#1293853 [دكتور محمد ابراهيم احمد]
5.00/5 (1 صوت)

06-28-2015 04:19 AM
نشكر ونقدر جهود الوالى الجديد ولكن نود ان نذكره ان مربعات ابو سعد رقم 18 و19 تتجمع بها كميات من النفايات ماحصلت فى التاريخ وان مجارى المياه مطموره بالنفايات والكلاب الضاله والركام نرجو من سعاتكم زيارة المربعات بابو سعد ولاسيما18 و19 وشكراو16 و17 و15

[دكتور محمد ابراهيم احمد]

#1293846 [ود احمد]
4.88/5 (4 صوت)

06-28-2015 03:46 AM
اسماء مماكة في غير موضعها كالهر بحكي انتفاضة صولة الاسد
اين الانذار المبكر اطن بالتظر ايضا قال عندما سئل عن التطوير قال بالنظر
حليل زمان من تبدأ المدارس الاجازة توظف البلدية الطلاب لحفر المجاري للسيول بالطواري والكوريك اي من شهر اربعة وما يجي الخريف الا تكون جاهزة طبعا ده كان في عطبرة عاصمة الحديد والنار في السبعينات اما الان صارت حدث ولا حرج لكن برضو اخسن من الخرطوم التي اصبح صوت الضفادع في ارقى الاخياء فما بالك بالهامش
اللهم عليك بهم يااااااارب

[ود احمد]

#1293779 [Bahri]
5.00/5 (1 صوت)

06-28-2015 12:08 AM
رافقه خلالها
دكتور احمد قاسم وزير البنى التحتية والمواصلات
ود. ناجي محمد علي معتمد محلية بحري
والمهندس خالد محمد خير مدير هيئة الطرق والجسور ومصارف الامطار
والمهندس مالك بشير مدير الجهاز المركزي للانذار المبكر ودرء الكوارث ،
ود. مصعب برير مدير الادارة الاشرافية العليا للنظافة.
و......
??????

[Bahri]

#1293759 [babo]
4.75/5 (4 صوت)

06-27-2015 11:31 PM
عايزين موية احنا عطشانين لينا أربعة أيام الموية مقطوعة نهئايا في الكلاكلة المنورة واليوم جابوا وايت ماء ووزعوا لينا الموية وقالوا ده من الحكومة وفي الأخير الخريف سيأتي ككل سنة ولا خور بينفع ولا يحزنزن عاصمة تتبني بدون خطة عمرانية وبدون بنى تحتية ويا دوب عايزين يعملوا مصارف أمطار دي مقت مصاريف ماشي الحال

[babo]

#1293754 [Shah]
4.86/5 (7 صوت)

06-27-2015 11:11 PM
والريالى السايلى دى ... البصرفا شنو؟

[Shah]

#1293718 [adil a omer]
5.00/5 (2 صوت)

06-27-2015 10:09 PM
لا بالله كلو الا بحرى ما ناقصين مساطيل

[adil a omer]

#1293714 [دردوق]
4.72/5 (8 صوت)

06-27-2015 09:56 PM
والله كلام زي العجب ايوه ! كل مهندس يقيف لينا جم خوور ايوه ! ولحدي

تطمنو انو كل المويه اتصرفت ! دا نحنا من زماان الكنا

محتاجيين ليهوو في بحري ! تحيه خاصه ليك من دردوق !

و معاها نجمه كمان ! هعهع

[دردوق]

#1293709 [ابو دنقل]
4.38/5 (5 صوت)

06-27-2015 09:38 PM
كلو كلام فارغ ، وزير البنى التحتية والانذار المبكر ، كلها مسميات وظيفية بلا كفاءات ، وعلى رأسهم أبو ريالة.
يا أبو ريالة ، شوف أولا مياه الشرب ، مدينة بها نيلين والناس عطشانة . تفو على المهندس السوداني.

[ابو دنقل]

#1293700 [nagatabuzaid]
4.82/5 (7 صوت)

06-27-2015 09:14 PM
وليذهب الى محلية كررى ليتفقد بالنظر والشم جبال النفايات المكومة فى الشوارع الداخلية فى حارات غرب الشنقيطى وبالسمع يحقق فى (((فساد)) الاستثمار فى النفايات ولا يكتفى بزيارة المكاتب والمرور بالشارع الرئيسى اذن يتطلب الامر تنشيط ثلاث حواس النظر الشم السمع محليات الموردة والعباسية تمام ناس العباسية قالوا العربية يوميا تاتى ناس الحلفاية حديد اشتروا عربية سلموها للمحلية محلية كررى عندها عربات واظنهم على العليهم بياكلوا قروش العمال خافوا الله يا الناسين حسابوا

[nagatabuzaid]

#1293693 [ركابي]
4.94/5 (10 صوت)

06-27-2015 08:57 PM
ههههههه كدي يمكن سياسة النظر تنفع وينظر لينا لعاصمة جديدة لجمهورية السودان لانو الخرطوم لاتصلح بعد كدة تكون عاصمة

[ركابي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة