الأخبار
أخبار إقليمية
عبد الرحيم والي الخرطوم : الموارد ضعيفة و(الحتات كلها باعوها)
عبد الرحيم والي الخرطوم : الموارد ضعيفة و(الحتات كلها باعوها)
عبد الرحيم والي الخرطوم : الموارد ضعيفة و(الحتات كلها باعوها)


قال " عندما كلفت بالخرطوم وصفتها للقيادة بأنها أشبه بقصة " جحا وولده والحمار"
07-02-2015 12:58 PM
الخرطوم: اشرف عبدالعزيز
أكد الفريق عبدالرحيم محمد حسين والي ولاية الخرطوم أن ادارة ولأية مثل الخرطوم ليس بالأمر السهل، وقال لدى لقاء جمعه بالصحفيين بخيمتهم التي نظمتها مؤسسة (طيبة برس) بفندق (القراند هوليدي) أمس الاول. قال " إنه عندما كلف بالخرطوم وصفها للقيادة بأنها أشبه بقصة " جحا وولده والحمار" فالقرارات التي سيتخذها لن ترضي جميع الناس.
وأقر حسين بوجود ازمات حقيقية في المياه والنظافة والموصلات مع ضعف في الامكانيات والموارد، وقال " المورد الوحيد كان وزارة التخطيط والتنمية العمرانية ولكن الحتات كلها باعوها" ولابد من البحث عن مورد جديد.
وأوضح الوالي ان همه الشاغل هو تشكيل حكومة تكون اقرب للمواطن خاصة المعتمدين يجب ان يكونوا مع المرضى وفي الشوارع ومع الاهالي في كل مكان.
واضاف بان الهجرات المستمرة من الولايات الى الخرطوم تجعل الطلب على الخدمات في تزايد ولابد من ايجاد معالجات توقف مد التدفق وقال " ناس حلتنا معظمهم جو الخرطوم".
وابدى الوالي استعداده التام للتعاون مع الصحافة ومدها بالمعلومات وأضاف: "ناس الجريدة ديل كل يوم عندهم صور للكوش بلملموها من وين ماعارف لكننا بنستفيد منها ونذهب اليها لتفقد حقيقتها وحتى (الكاركتيرات) الساخرة المنشورة بنشوفا ونضحك، مشددا بانهم ليس لديهم مشكلة مع الاعلام ويقبلون النصيحة من الجميع.

الجريدة


تعليقات 45 | إهداء 0 | زيارات 14789

التعليقات
#1297489 [متسكع]
0.00/5 (0 صوت)

07-04-2015 04:19 AM
الزول ده ما بيعرف يتكلم دي ما حديده
زي ما قال سابقا يراغب طيارات العدو بالنظر
ناس فاقدين حتي الادارة ولهم ٢٥ سنه ما
عرفين يعملوا مصادر دخل لكي يعملوا خدمه
للمواطن هل اذا بعتو الخرطوم كلها ح
يكون هذا حل لا ابدا
اهم شئ قلته كشف عن انكم تبيعوا (الحتات)
وتلهفوا تلت ارباعها ربع يذهب الخدمه
شكر لك اول شخص يعترف بهذه السياسه
ويورط ناس المؤتمر الوطني لكل سزاجة

[متسكع]

#1297145 [بيرم]
4.85/5 (6 صوت)

07-03-2015 07:31 AM
سعادة الوالي ناسك ديل مافي فيهم فايدة كان محليات ولاشرطة .عجزو ا عن ضبط عصابات سرقة اغطية مانهولات تصريفالاممطار مما جعل السير في شوارع الخرطوم كالسير وسط الالغام.الان بداءت اختفاء وسرقة اغطية الصرف الصحى وهى اخطر من سابقتها تهدد المشاة والسيارات.قبل يوميين تم اختفاء عشرة منالاغطية خلال ليلة واحدةفى شارع 61 وخلفه في العمارات.تعالو زورونا وشوفو بعينكم.المحيرنا ان الاغطية دى معروف بتنتهي وين مما يسهل القبض علي المتسببين.لاكن العجز ضارب كل البلد...!!!!!!

[بيرم]

#1297135 [التلب]
4.72/5 (6 صوت)

07-03-2015 06:44 AM
طيب يا سيد عبدالرحيم أنت تحت يدك مستند فساد وانت مسئول أمام الله وأمام الشعب بأن تحاسب من اعتدى على هذا المال العام فقد قلت ( الحتات كلها باعوها ) فأنت مسئول لتعرف للأمن باعها وبكم باعها وأين ذهب عائد بيعها .. !!

[التلب]

#1297116 [النورس]
4.60/5 (6 صوت)

07-03-2015 05:16 AM
ديل منو هم الباعوها ؟

[النورس]

#1297087 [ادروب]
4.46/5 (7 صوت)

07-03-2015 01:50 AM
طيب السجمان اب كلاضيم دا اكان ساكن وين في لاغوس ما كان سجم الخرطوم ما عارف العصابة سجمت شنوا وفحمت شنوا الله لايفضل فيكم زول بركت الشهر الكريم

[ادروب]

#1297082 [badraldin mm]
4.71/5 (7 صوت)

07-03-2015 01:34 AM
الحمدلله بدينا نفهم شوية والاول القيس قطرة....الناس ديل باعو البلد كلها لانك عندما كنت فى وزارة الدفاع عندك صيف عبور وصيف ساخن وصيف حسم وعاوز تقلقل الجنوبين..و...و الحاجات دى كلها بقروش العسكرى دة لمن تجى توديهو العمليات داير مبلغ وقدرو الدبابة دى لمن تجى تسخنها ساى دايرة جاز وقدرو ..عشان كدة موارد البلد كلها ماشة الحرب...يعنى لو ما وقفت الحرب عمرك ما حاتقدر تعمر الخرطوم ولا غيرا...وبعدين الاراضى الباعوها دى قروشها مشت وين ..المشاريع الشايفنها دى ما بتساوى اراض الخرطوم المبيوعة ..شوف الاراضى الاتباعت بكم والمشاريع بكم ورجع الباقى حا اشغلك شوية

[badraldin mm]

#1297070 [دقدق]
4.71/5 (7 صوت)

07-03-2015 01:04 AM
الحل واضح شوف لك جمل من جمال نافع ( لو تكرم عليك بيهو ) واشلخ فوقو وامرق رقبتك من لاهاي كرهك الله فاتح خشمك زي اب رقاي كدي

[دقدق]

#1297064 [abusami]
2.72/5 (6 صوت)

07-03-2015 12:55 AM
الاخ الاستاذ [الرفاعي الكلس] والله ما شاء الله ابدعت وكلامك دة موجة الي كل متاسلم وكل عسكري سوداني لان الجيش السوداني لم يحارب الاعداء بس داخل وطنة اي شعبة وطبعاتربية الاسلاميين دي تربية الترابي وعلي عثمان والناقة البشير,

[abusami]

#1297062 [ظلال النخيل]
4.46/5 (7 صوت)

07-03-2015 12:53 AM
بسيطة .... بيع موية النيل ...
ده مورد ثابت قدر ما تغرف بتزيد

[ظلال النخيل]

#1297045 [ابو جاكومه]
3.82/5 (5 صوت)

07-03-2015 12:20 AM
طيب عين لنا المجانين الجننتوهم افضل لنا من مليون كوز - قال عاوز معتمدين ومسؤلين يكونوا مع المرضى وفي الشوارع - الله يقرفك انت وجميع الكيزان الحراميه انتوا اصلكم ما بتشبعوا ولا بتموتوا اعوذ بالله

[ابو جاكومه]

#1297005 [الأزهري]
4.49/5 (7 صوت)

07-02-2015 10:37 PM
طيب إذا انت جيت وبقيت وزير ووالي على الخرطوم ذاتها الغريب شنو باقي ناس حلتكم يجو الخرطوم؟

[الأزهري]

#1296996 [موسى]
4.47/5 (8 صوت)

07-02-2015 10:20 PM
اذا باعوا الحتات كلها والي أعمل ليك حتات وبيعها
بالله ده كلام من والي !!!!! قال الحتات قال

[موسى]

#1296994 [ركابي]
4.37/5 (11 صوت)

07-02-2015 10:19 PM
الحتات كلها باعوها!!!ديل منو؟؟؟يعني ناس الخضر ماخلوا ليك حاجة هههههه الزول ده غلبان وبيتكلم ساااي حيغطس حجر جماعتو اكتر مما هوغاطس

[ركابي]

#1296990 [رقم صفر]
4.50/5 (18 صوت)

07-02-2015 10:04 PM
طالما الحتات كلها باعوها انصح الوالي بأن يبيع "البتاعات" اعتقد انه ما زال جزء منها موجود. وفي حال ان البتاعات ما غطت، انصحه ببيع جزء من "الهنايات" فالضرورات تبيح المحظورات: (فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ) البقرة/ 173.

[رقم صفر]

#1296982 [خالد حسن]
4.50/5 (13 صوت)

07-02-2015 09:34 PM
حرام .. يعني الخدر ماخلي ليك شي تبيعوا وتسترزق منه
طيب بيع الشعب
( الحتات كلها باعوها وماخلوا لينا حته نبيعها ونسترزق منها .. والمطره صبت بالليل والناس نايمه مانبهتهم برعده ولابرقه) خخخخ

[خالد حسن]

#1296981 [ALIIIIIIIIIIIIIIIIIIIIIIIIIIIIIIIIIIIIII]
4.50/5 (11 صوت)

07-02-2015 09:33 PM
والله ياعبد الرحيم محمد حسين زي ماقال عادل امام الزعيم يلهط على طووول مش كده ده معناتو منه السلام وعليه السلام ولا فائدة منك اصلا
1-علي عثمان محمد طه((لا نستطيع توفير قفة الملاح للمواطن لا في خلال خمسة سنوات
ولا خمسين سنة))
2-عمر حسن احمد البشير((نتحدى أي زول يقول في مسؤول أخد عمولة--لا وجود لفساد رأسي أو فساد ممنهج)) انا حصل غشيتكم بري بري بري
3-عبد الرحيم محمد حسين ((الليمبي))وزير الدفاع سابقا والي الخرطوم حاليا((الموارد ضعيفة والحتات كلها باعوها--ااااا يعني ااا يعني اااا))

[ALIIIIIIIIIIIIIIIIIIIIIIIIIIIIIIIIIIIIII]

#1296963 [الرفاعي الكلس]
4.74/5 (11 صوت)

07-02-2015 08:29 PM
عدم غضبك من الكاريكاتيرات وعدم زعلك من الاتهامات بانك حرامي والقدح في امانتك والطعن في شرفك . دا شي طبيعي لانك انسان لا تملك شرف ولا عندك قيمة ولا معروف اصلك شنو .فانت لست من الشرف العالي ولا من الاصل الكريم . احد زملايي الاطباء عندما ترك المستشفي قام بتسليم كل الاجهزة والمعدات كاملة وسلم حتي المعالق والكبابي . حتي لا يتهم بشي ولا يقدح في شرفه . رغم انه اصلا فوق الشبهات . وكنا نحضر الاجهزة والمعدات بملايين الجنيهات وندفع الترحيل ونسلمها كاملة ومافي احد يعرف من اين احضرناها .دا هو الشعب السوداني ودي اخلاق السودانيين ودي الامان والنزاهة لاباء كل الاسر الكريمة . الناس البتجوع ومابتاكل حرام وتوسخ يدها ولا تلوث شرفها ولا تسيئ . للبيوت الكريمةالطلعت منها. انت معقول سوداني من البلد دي واتربيت في بيت سوداني وطلعت من اسرة . وله انت جايي من وين . والله انت اعجوبة من اعاجيب الدهر . كيف تقدر تعاين في وجوه الناس . وبتقول شنو لابناءك .

[الرفاعي الكلس]

#1296956 [yousif]
4.49/5 (9 صوت)

07-02-2015 07:39 PM
اقلب الطاولة ورجع كل شى الى ما كان علية

[yousif]

#1296943 [عبدالواحد المستغرب اشد الإستغراب!!]
4.49/5 (11 صوت)

07-02-2015 06:58 PM
كل يوم بتشوفو الكاركاتيرات وتضحكوا؟.. الناس كانت غلطانه لما سموك ابورياله ووزير الدفاع بالنظر والعبيط والدلاها؟!! وكمان جابت ليها ميتت قلب كمان ؟!! يابرودك يا شيخ !!بناتك إن شاء قاعدات يشوفن موقع الراكوبه عشان يشوفن (فريد عصرو ده) فى نظر خلق الله ويخجلن شويه كان ما طالعات على الوالد!! أتمنى ذلك ،،

[عبدالواحد المستغرب اشد الإستغراب!!]

#1296942 [ناصر محمد الامين]
4.50/5 (9 صوت)

07-02-2015 06:57 PM
تفريغ شارع النيل..... الواجهة ..... اخلاء المصالح والوزارات ... فهمتو الموضوع ولا اتا غلطان ...مااظن فضلت حاجة كتيرة وقريبا سيشهد فندق القراند هولى دى فيلا اخر مزادات قطع اراضى السودان .

[ناصر محمد الامين]

#1296939 [الدابى]
4.49/5 (11 صوت)

07-02-2015 06:50 PM
حرق الارض هو ما يقوم به هولاء المتاسلمين عند توليهم لاى منصب ما ..... بيع الاراضى ليس فى الخرطوم وحدها فالسودان كله مباع للمستثمرين وذلك حسب اخر تقرير للامم المتحدة ... اخيرا سمعتو بقصة الورل والغنماية....؟ الورل يا سادة بقبض الغنمايةويكتفها بذيله (يعنى سيطرة كاملة )ويرضعها لحدى ما تجيب الدم ونهاية الامر انو ضرع هذه الغنماية بنتهى نهاية السودان المكنكشين فيه ورله ( جمع ورل )بنى كوز .

[الدابى]

#1296935 [عابد مختار المختار]
4.50/5 (9 صوت)

07-02-2015 06:43 PM
يا لقف جاك زول ما بيشبع يا ريت لو خلو الشبعان

[عابد مختار المختار]

#1296913 [ابوالفوارس]
3.99/5 (13 صوت)

07-02-2015 05:43 PM
اللهم اني صائم

[ابوالفوارس]

#1296909 [راسه دايش و رقبته معسمة]
4.74/5 (15 صوت)

07-02-2015 05:33 PM
يا داب فهمت لماذا اطلق الرصاص الحي تجاه مواطني الجريف شرق!!!

[راسه دايش و رقبته معسمة]

#1296907 [ابزرد]
4.87/5 (17 صوت)

07-02-2015 05:24 PM
الله فوق زوزو

[ابزرد]

#1296906 [على على]
4.49/5 (18 صوت)

07-02-2015 05:19 PM
أكيد انت لا جحا لا ولدو.......

[على على]

#1296884 [A. Rahman]
4.49/5 (18 صوت)

07-02-2015 04:49 PM
الحمار عرفناه، لكن جحا و ولده ديل منو يا ربي؟

[A. Rahman]

#1296869 [adil a omer]
4.22/5 (13 صوت)

07-02-2015 04:16 PM
خلاص انته بيع باقى الموارد وشتت

[adil a omer]

#1296859 [همت]
3.99/5 (14 صوت)

07-02-2015 04:00 PM
بالله شوف ده بتكلم كيف! ما إنت ورئيسك وأخوانو وزملائك السفيتو الموارد كلها لغاية ما ضعفت وإنتو البعتو الحتات كلها

[همت]

#1296856 [أشكروا رئيس الجمهورية يا ناس الخرتوم]
3.99/5 (14 صوت)

07-02-2015 03:52 PM
أكيد لما قرر يهديكم عبد الرحيم...

قصد يخفف عليكم...و يوفر ليكم كمية من المواقف و النكات المباشرة الحية...

تقول لي محمد موسى....

قلت لي ناس الحلة كلهم جو...ما كل الحلال باركة هنا....

يعملو شنو...يكوركو ليكم ما تجو...أها يجوكم تكوركو...!

[أشكروا رئيس الجمهورية يا ناس الخرتوم]

#1296850 [شريفة]
3.50/5 (12 صوت)

07-02-2015 03:43 PM
شاهد ماشاف حاجة دةحا يجيب اخر ولاية الخرطوم واطرافها

[شريفة]

#1296826 [MOHMMED YOUSIF]
0.00/5 (0 صوت)

07-02-2015 03:02 PM
كلامك طيب دايرين تفيذ بطيبة

[MOHMMED YOUSIF]

#1296818 [ismatmohammed]
2.86/5 (12 صوت)

07-02-2015 02:55 PM
الصــــــــــــــــــــــــــــــــورة تكـــــــــــــــــــــفي

[ismatmohammed]

#1296815 [دردوق]
4.75/5 (18 صوت)

07-02-2015 02:51 PM
شوف مش لقيت اي شئ باعوهووو ! انت تقوم تبيع ما تبقي من شعب

الولايه ! و بتجيب ايرادت كويسه ما بطاله ! انت يا اللمبي ما سمعتا

بتجارة البشر !! دي احسن تجاره اليومين ديل !!!

وبعدين تكون تفتيحه و تبيع بالدولار ! الجنيه بتاعنا دا بضيعك !!

[دردوق]

#1296792 [الأشــعــة الـحــمــراء]
3.87/5 (8 صوت)

07-02-2015 02:25 PM
بـسـيـطـة .. إعــلان قــرار بـتـكـوين مـلـيـشـيـات مـسـلـحـة لنـزع الأراضـي بـولايـة الخـرطـوم .. و بـيـعـهـا مـرة أخـرى .. ؟؟
:
فـمـن شــابـه ولـى نـعـمـته .. فـمـا ظـلـم .. !!

[الأشــعــة الـحــمــراء]

#1296779 [مفيش فايده]
4.75/5 (16 صوت)

07-02-2015 02:05 PM
اسالوا المرحوم غسان؟

[مفيش فايده]

#1296776 [الجـزيــــــــــرة ابا]
3.99/5 (18 صوت)

07-02-2015 02:02 PM
اﻻنقاذ لديها نقطتين هامتين فى الموارد وتصريفها
اﻻولى كانت البترول وهو مقسوم بين جيوب القيادة وشراء السلاح والذمم وتمويل اﻻرهاب
الثانية هى اﻻراضى فى الوﻻيات .. شغالين فيها لتمويل الحزب وغسيل اﻻموال العربية والشرق اسيوية والمافيا الروسية
الرسوم والجبايات هى مورد غير معلن تصريفه ولكنه اهم زول فى انهم يعيشوا بيه اوﻻدهم .

باقى موردين مخفيات ( ومعلنات بصورة عشوائية ) هما الذهب والذى تشتغل فيه اسرة البشير والذين حوله .. اما المورد التانى ( الفضيحة ) هو مورد مد القرعة والشحدة اﻻقليمية والدولية .. واﻻخير دة عملوا منه اﻻسمنت اﻻسمه كبارى وحيكون معلق فى رقابنا عشان نسدده ﻻنه قروض .

وعشان ناس حلتكم ما يجو كلهم الخرتوم يا اللمبى وناس حلتنا برضو -- عليكم الله امشو حلتكم وخلوا الحكم بدل العواسة التى ودتنا التوج .

[الجـزيــــــــــرة ابا]

ردود على الجـزيــــــــــرة ابا
[نسيت التجارة...التجارة ياخ...] 07-02-2015 03:49 PM
ديل بتاجرو في أي شي...(تخيل أي شي)...

المهم...يجيب قروش...ما بقدر أفصل لأني صائم...أفهمها براك

European Union [ود الزين] 07-02-2015 03:29 PM
كلامك سمح وفي محلو ..


#1296771 [ابو السمح]
3.99/5 (14 صوت)

07-02-2015 01:58 PM
المورد الجديد يا عمك كل حرامية المؤتمر يرجعوا النهبوه من مال الدولة من مصانع و عقارات و أراضي ( فقه السترة )

[ابو السمح]

#1296769 [قائل حق]
4.75/5 (21 صوت)

07-02-2015 01:57 PM
انا اريد ان اسال سؤال...كلمة حتات...يعنى شنو

[قائل حق]

ردود على قائل حق
European Union [man] 07-02-2015 11:55 PM
hehehehe

European Union [دردوق] 07-02-2015 06:20 PM
يعني البتاعات


#1296758 [الهرب من الوطن]
3.00/5 (3 صوت)

07-02-2015 01:45 PM
كلامك طيب, لكن نريدك ان تكون بنفس الروح في عملية التنفيذ, قالوا النية الطيبة زاملة سيدا, ولا مو كدا؟

[الهرب من الوطن]

#1296750 [الدرب الطويل]
3.99/5 (21 صوت)

07-02-2015 01:37 PM
(الحتات كلها باعوها)!؟..يا خرابي!!..
ناس حلتكم كلهم جو الخرطوم؟ انت ما سالت نفسك ليه؟
ربع قرن من الفشل المتواصل..

[الدرب الطويل]

#1296736 [aldafari]
4.47/5 (16 صوت)

07-02-2015 01:25 PM
هل المعتوه ممكن اصلح حالهم ناهيك عن اصلاح بلد كالسودان؟

وين كنت دا كله ما كانت عارفه عن الخرطوم كنت عارف شنو ؟ يعني ما اشتريت من الاراضي التي بيعت في كل العاصمة معقول خاف ربك كم نمرة اشتريتها من تلك المواقع الهامة انت تعرف كل شبر بيع بالخرطوم وممكن في كل ولايات السودان اجمع؟

خاف الله لكن هل ح تاخذوا معكم كل الاراضي للمقابر يوم تدفن ؟

[aldafari]

#1296730 [هدهد]
3.49/5 (13 صوت)

07-02-2015 01:20 PM
المورد الوحيد كان وزارة التخطيط لكن الحتات كلها لقينا باعوها !!!! ماذا يقصد الوالى بهذه العبارة ؟؟؟؟ يعنى عايز يبيع اراضى ويمول بيها شغلو فى النظافة والا انا غلطان لا ادرى ؟؟؟ اذا كان فعلا يقصد تمويل من بيع الاراضى واله دى تكون مصيبة كبيرة وأثبت لينا فعلا الدولة معتمدة فى ايراداتها من بيع الاراضى والجبايات .....نعلم هى معتمدة على الجباياتلكن كمان برضوا بيع اراضى عشان رواتب ومخصصات !!!! دى مصيبة كبيرة ودمار كبير والله المستعان .

[هدهد]

#1296729 [لا احد]
2.00/5 (3 صوت)

07-02-2015 01:19 PM
و الله اول مرة اسمع كلام موزون و منطقي و طالما ان نيته صافية الله يوفقه و كمان وضح ان القادمين من الولايات ليسوا هم الذين وصفهم العنصريون الجدد (من اين اتى هؤلاء) وحدهم لكن حتى ناس حلتهم معاهم و هذا توجه طيب ان الوطن للجميع و ليس هنالك من على راسه ريشة
بعدين الاراضي الاتباعت دي قروشا وين ؟؟؟؟؟؟؟؟!!!!!!!!!!!!!!!

[لا احد]

ردود على لا احد
[سمير الحسين / كســــــــــــلا] 07-02-2015 01:47 PM
ياخي موزون ومنطقي شنو ! إنت حمار وهو حمار اكبر منك .

كيف يعني جاييب يعتمد على بيع الأراضي لتمويل أداء الخدمات بالولاية !


والي و ألا تاجر أراضي !!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة