الأخبار
أخبار إقليمية
والي الخرطوم يستعين بجنرالات من الجيش لإدارة مكتبه
والي الخرطوم يستعين بجنرالات من الجيش لإدارة مكتبه
 والي الخرطوم يستعين بجنرالات من الجيش لإدارة مكتبه


07-02-2015 11:56 PM
الخرطوم: أبوعبيدة عبدالله
شكَّل والي الخرطوم الفريق أول ركن عبدالرحيم محمد حسين، مكتباً تنفيذياً جديداً، بدلاً عن مكتب والي الخرطوم السابق، حيث جاء بالعميد بدر الدين محمد مديراً للمكتب، والعميد محمد المبارك، والمقدم مأمون الرشيد والمقدم منتصر. وأكد والي الخرطوم في خيمة الصحافيين بفندق القراند هوليدي فيلا مساء أمس الأول، أن هناك عدداً من التحديات الكبيرة التي تواجهه في أداء عمله، مشيراً الى الموارد الشحيحة، وقال لابد من ابتكار وسائل إيراد جديدة. وأضاف وجدنا الحكومات السابقة باعت معظم الأراضي والساحات ووزعتها. وأوضح الوالي أن المعتمدين يمثلون ركيزة أساسية في العمل، مشيراً الى أن اختيارهم لابد أن يكون دقيقاً. وأقرَّ الوالي بوجود مشكلة مياه في عدد من أحياء الخرطوم، وقال لدينا مشكلة في مصادر المياه والشبكات. وأضاف، أول مشكلة واجهتني هي المياه، مشيراً الى أن حوالي «28» حياً من جملة «1600» حي بالخرطوم تعاني من أزمة مياه. وقال رغم أن الأحياء المتأثرة قليلة، ولكنها مشكلة المياه والتي تمثل عصب الحياة. وأضاف (أنا لا ألوم الصحف اذا كتبت جميعها عن تلك المشكلة، لأنها قضية حياة). وكشف عبدالرحيم عن خطة اسعافية لمعالجة المشكلة، وخطة أخرى لكيفية دخول العام القادم بحل المشكلة أو تقليل الأحياء المتأثرة الى اثنين أو ثلاثة. ووصف مشكلة النظافة بالكبيرة، مشيراً الى أن جزءاً كبيراً منها مرتبط بالسلوك البشري، رغم اعترافه بوجود مشكلة في الآليات والمعدات، لكنه أكد السعي لإيجاد حلول مبتكرة لجعل العاصمة جميلة وحضارية وجاذبة لكل الزائرين. وقال الوالي أنا بين طموح المواطن العالي وبين إمكانيات الدولة، وسلوك المواطن، وبين الهجرة المتواصلة للخرطوم. وأضاف (دي بلدنا كلنا مافي واحد عندو حق فيها أكثر من الثاني). وأكد عبدالرحيم أن الخرطوم وُضعت فيها بصمات أشخاص آخرون نحن نبني على ما وضعوه ولا نلغي أدوراهم، مهما كان عطاؤهم قلَّ أو كثُر، لأن ذلك يعني بداية الفشل. وأضاف دورنا أن نراجع ونجوِّد و(نمشي لقدام). وأعرب عن أمله في أن تكون الصحافة عوناً له لا عوناً عليه، وأن تتحمل المسؤولية معه، وألا تنظر بالنظارة السوداء. وقال (أقبل النصيحة من أي شخص مهما كان انتماؤه، لأنني قادم من مؤسسة عسكرية عملت بها 42 عاماً لا هم لها إلا السودان).

الجريدة


تعليقات 12 | إهداء 0 | زيارات 10671

التعليقات
#1297614 [naselhalfiya]
5.00/5 (1 صوت)

07-04-2015 11:38 AM
المويه دخلوها الجيش و الله ما تقوم ليها قائمة تاني و العجب كمان كان عين ناس ابو طيرة و الله الشعب السوداني الفضل طيارته قامت !!! اتلحموا يا اخوة و قوموا لثورتكم يرحمكم الله !!!!

[naselhalfiya]

#1297557 [ابوبكر]
5.00/5 (1 صوت)

07-04-2015 09:31 AM
معقول يا والي

28 حي فقط هي متأثره بمشكلة المياه .... طيب ورينا الـ1572 حي الغير متأثرة (( على الأقل نعرف الأحياء بولاية الخرطوم))

[ابوبكر]

#1297459 [الامدرمانى ودامدرمان]
0.00/5 (0 صوت)

07-04-2015 01:17 AM
لى قدام يا عبد الرحيم و الله معاك

[الامدرمانى ودامدرمان]

#1297317 [Bom]
1.00/5 (1 صوت)

07-03-2015 04:50 PM
العميد محمد المبارك والعميد بدر الدين هم اكثر ظباط مؤهلين اداريا فى القوات المسلحه وهم اولاد ناس ما بيشبهوا الرمم ديل وعشان يضاروا خجله فطيحه الوالى السابق ومكتبه لكن يا لمبى لمن تشيلم الاثنين السرقه حتحصل جوه القياده المره دى

[Bom]

#1297241 [معاويـــــــــــــــــــــــــــــــة]
4.50/5 (2 صوت)

07-03-2015 01:48 PM
يعنى انت يا ابورياله بعد 42 سنه خدمه فى الجيش قضيته كلها فساد ونهب وتشتيت فى الجيش ورفت فى ضباط الجيش المؤهلين وقتل عدد لا يستهلن بع منهم تانى عاوز تشتغل والى ولايه تعتبر وتشكل نص سكان السودان فيها انت بتضحك على نفسك واله شنو روح لف انت ريالتك واصله بطنك تفو عليك داهية تخمك البيسمع بالاسم يقول محضر دكتوراه فى هندسة المشاريع حقير ليس الا وليكم يوم قريب ان شاء الله ..............

[معاويـــــــــــــــــــــــــــــــة]

#1297231 [عمرابي]
5.00/5 (1 صوت)

07-03-2015 01:27 PM
مشكلة المياه دي بسيطة جداً
بتتحلّ بالنظر

ما دايرة دوشة ..

أدعو إلى تكوين (هيئة قومية لمعالجة المياه بالنظر)

[عمرابي]

#1297207 [الجقود ود بري]
5.00/5 (1 صوت)

07-03-2015 12:34 PM
بمويه وكملت. عساكر يحلوا مشاكل ولاية الخرطوم !!!!؟؟؟؟؟
رحم الله الفقيد السودان وأحسن عزاءكم! !!!

[الجقود ود بري]

#1297206 [سكسك]
5.00/5 (1 صوت)

07-03-2015 12:24 PM
يلا اثبت لنا انك ماعبدالرحيم ابوريالة وورينا الشغل الصاح كلام الكاكي ده هنا نحن محتاجين له ملكين ديل عايزين قدوة وليس لحية ودقن فشلك في الميري كثير كان ولكن الخرطوم مابتحمل خلاص وسخنا فاح اوسخ عاصمة افريقية الخرطوم اشتغل بس عليك الله استعين بشركات استشارية احنبية ونجض شغلك وخلينا من شغل الكيزان ودفن الليل ابوكراعن بره وحق اللغف الفي الهوتيلات والفنادق ده خليه في مكتبك او مكان الجولات واخيرا تذكر الله فينا واخيرا الباعو ديل منو ماناسكم وحزبك 25سنة وتجي تتعزر زمان لما بنتحدث اعتقلتو وسجنتو النصحوكم وده عيبكم يااسلامين من ليس معكم مصيره الكبت ولو سمعتو كلام الناس من اول سنة لتغير الحال المهم حاول اعمل ونجض شغلك وابعد شركاتكم واصحابكم وهات باالاكفاء الامناء اولاد الناس والحلال وليس الكيزان للمرة الالف ليس الكيزان وتاكد لو استعنت بكوز واحد وده مستحيل انت وودالخضر في المزبلة واحدة الاول براس وانت بريالة تكون صاح ومع السلام واللهم اني صايم لكن زعلان 26سنة وعايز انفش سكتنا وخرسنا لكن توصل الموية يبقي السكوت حرام

[سكسك]

#1297174 [.د .الزهجان]
5.00/5 (2 صوت)

07-03-2015 10:34 AM
ابتكارات جديدة ..الوحيدالباقي الهواء .وماممكن الناس تستغني عنو اعمل ضريبة نفس والتحصيل يكون الكتروني ...(مش نفس بكري اقصد)..
او ترحل ليك حي قديم ذي ما فعلتو في عشش السوق الشعبي . الديوم او نمرة2 . وله احسن توتي منطقة سياحية بتجيب كويس
؟ القبلةبس الما غيرتوها .العمله تلات مرات الزمن الدراسة جغرافية البلد . الدين ..

[.د .الزهجان]

#1297172 [عبدالواحد المستغرب اشد الإستغراب!!]
5.00/5 (2 صوت)

07-03-2015 10:24 AM
قصدك يا عبدو (لا هم لكم إلا جيوبكم) وبالمناسبه يا شيخنا إذا كنت راجى واحد يجينا من الاقاليم عشان يصحح او يصلح الوضع فى عاصمتها او الاحرى بعواصم البلاد وهى الخرطوم عموم وام درمان والخرطوم بحرى فأنت واهم!! قول لى ليه؟!! الرد ياعُبد الانسان إبن بيئته بمعنى أن البيئة التى ولد وترعرع فيها هى التى تسيطر على عقله وتفكيره عندما يهم بأداء شىء معين حتى إذا ما شاروا اليه عقله لا يستطيع أن يتقبل ما أشاروا به اليه والدليل ما نراه ماثلا أمامنا على مدى 26عاما حسوما تقلد فيها منصب ولاية الخرطوم كما سميتوها وكان الاسم الاصل (العاصمه المثلثه) سيل من البشر الوافدين اليها حديثا من الاقاليم طلبا للعلم فى مدارسها الثانويه او الجامعات او الالتحاق بكلية الجيش او الشرطه وإنقمسوا داخلها الى أن تخرجوا ولم تتاح لهم الفرصه للتعرف على البيئة الجديده التى إنتقلوا اليها فمثلا الصور التى نراها اليوم عندما نرى ستات الشاى وهن جالسات فى الفرندات او تحت ظلال الاشجار يتحلق بهن اعداد من المواطنين يجلسون على البنابر بديلا عن القهاوى التى كانت منتشره وكان صاحب المقهى يوفر لزبائنه جلسه مريحه تناسب وجه العاصمه،وعندما نرى سائقى السيارات وهم يوقفون سياراتهم فى منتصف الطريق ويترجلوا منها ثم يغيبون بالساعات دون أن يراعوا أن الطريق ملك للجميع وغيرها وغيرها من المشاهد التى يمكن أن تراها فى الاقاليم ويكون شيئا طبيعيا ويراها المسئول الاول وهو الوالى أمرا طبيعيا جدا، ولاية الخرطوم يعوزها والى من أبناء الخرطوم او ام درمان او بحرى الذين عاشوا فيها أبا عن جد وعلى علم كيف كانت الخرطوم بعد أن تركها المستعمر خاليه من اى عيب او تشوهات وجعفر نميرى كان قد فطن لهذه المسآله ولم يعين اى محافظ من غير أبنائها (مهدى مصطفى الهادى من ابنا الخرطوم والعميد عبد الله قلندر من ابناء ام درمان على سبيل المثال وليس الحصر)ووقتهم احتفظت العواصم الثلاث برونقها وبهائها وشكلها الحضارى وأضافوا لها الكثير وكانوا سدا منيعا فى مواجهة اى تدهور !!وفى زمن الانقاذ الكل يشهد للمقدم وقتها يوسف عبد الفتاح ومحاولته لاضفاء بعض الجماليات ولكن خزله الانقاذيون أنفسهم لآنه كانت لديهم إهتمامات واولويات آخرى ومعروف أن يوسفا من ابناء الخرطوم بحرى !! خلاصة القول من المؤكد وحتما لاعبد الرحيم بريالته ولا عشره من آمثاله سيسطيعون فعل اى شىء حتى ولو آتى بكل عمداء وعقداء الجيش ليكونوا ظهيرا له!! وماشين بعيد ليه إذا كان عمر البشير بذات نفسه إبن بيئته إنتقل من حوش بانقا وبعد أن مُكن نقل حوش بانقا بغضهاوغضيضهاالى حاضرة البلاد ؟!!.

[عبدالواحد المستغرب اشد الإستغراب!!]

ردود على عبدالواحد المستغرب اشد الإستغراب!!
European Union [ابووليد] 07-03-2015 04:13 PM
كلامك صحيح.مشكلة المحليات في الخرطوم ان معظم منسوبيها ما من العاصمة .عشان كده منظر كوانين الشاى واللقيمات في البرندات والارصفة والشوارع شئ عادي وما شين وتراكم الاوساخ برضه.نفس الشئ ينطبق علي سواقيين الركشات من الاجانب ومن النازحينللعاصمة جهل وفوضي .جايطين الحركة في الشوارع لايعترفوا بقانون .كلامي ما الغرض منه الاساءة للنازحيين بل هي الحقيقة المرة.والحل هو الاستعانة باللجان الشعبية في الاحياء لان ابن الحى هو احرص علي مصلحة حيه من موظف البلدية.الفترة السابقة تم شبه الغاء لدور اللجان الشعبية وكانت النتيجة ما نشاهده الان من اوضاع مزرية للعاصمة.


#1297131 [fatmon]
5.00/5 (4 صوت)

07-03-2015 06:16 AM
خيمة الصحافيين بفندق القراند هوليدي فيلا مساء أمس الأول،
كل يوم فاطرين في حته لكن مشكلة الموية حلها لقدام بعد ( العضات) بتاعت رمضان تخلص
الحكومات السابقة باعت كل شيء دي والله حلوه يعني كل واحد يتنصل براه بالجنبه الشينه منكوره

[fatmon]

#1297076 [اجمد]
5.00/5 (2 صوت)

07-03-2015 01:15 AM
وبالله التوفيق

[اجمد]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة