الأخبار
أخبار إقليمية
بلة الغائب : المشايخ اجتمعوا على إغلاق حدود السودان ضد دعوى (داعش)،
بلة الغائب : المشايخ اجتمعوا على إغلاق حدود السودان ضد دعوى (داعش)،
 بلة الغائب : المشايخ اجتمعوا على إغلاق حدود السودان ضد دعوى (داعش)،


أبرز الخدمات التي قدمها لي الجن هو صرف الجنائية عن الرئيس وجاهزية النحل لقتالها.
07-05-2015 11:14 PM
سمية سيد جادو

قال بلة الغائب إن المشايخ اجتمعوا على إغلاق حدود السودان ضد دعوى تنظيم الدولة الإسلامية (داعش)، وأضاف الغائب لــ"أول النهار"؛ المشايخ أغلقوا كل الطرق ولن تجد داعش ودعوتها موطئ قدم في السودان.. وقال أيضاً إن أبرز الخدمات التي قدمها له الجن هو صرف الجنائية عن الرئيس وجاهزية النحل لقتالها.

الواضح أن الغائب ليس بلة بتاع الجن.. الغائب هو وعينا الذي جعلنا نعيش في غيبوبة فكرية ودينية ومجتمعية وسياسية.. الجن السكن البلد وقد يكون بتحريض من بلة.. أصبح هو المحرك لكل شبر فيها شنو هو في السودان البعيد عن الجن.. الشي البحصل كل يوم من الصباح الى مغيب الشمس؛ هل يوجد تفسير له غير جن بلة الغائب؟.. من شاي الصباح الى آخر وجبة فول في العشاء مسكونة بجن الأسعار، قفة الملاح كلها مسكونة بكل أنواع الجن؛ علوي وسفلي وكلكي، وكل الأنواع.. المواصلات من والى مكان العمل مسكونة بالجن الكلكي، من زحمة الناس الى الوقوف في هجير الشمس، الى شماعة بص الوالي أو الوصول الى كرسي الحافلة عبر القفز من الشباك دون مراعاة لكسر الزجاج وما يحدثه من مخاطر محتملة.

الاقتصاد السوداني كله مسكون من الإنتاج والصادر الى جنيهنا الذي تدنَّى الى 9 مقابل واحد.. أراضي السودان كلها يسكنها الجن، بل يشيد فيها القصور ويملؤها بالجواري وأطايب المأكولات وفاره العربات، ولا تعرف سبباً لثروات ساكنيها إلا أن يكون الجن الكلكي.

الأوضاع السياسية والأمنية وما يحدث من حروبات لا يمكن تصور أنها من فعل البشر. المرء يقف حائراً حولها، اللهم إلا اذا اعتمدنا على الجن الأزرق.

الجن الأزرق أشعل الحرب وجعل الدماء بحوراً بين أبناء العمومة لأسباب لا تسوى لقتل بعوضة تحت مسمى الصراعات القبلية.. "يعني لو واحد قال باسم الله لن نجد جن واحد ماسك بندقية".

الجن الساكن بلاد السودان شتت الأحزاب والقوى السياسية. الحوار ينتهي قبل أن يبدأ.. الوساطة الإقليمية والدولية تصيبها تخمة المال والشهرة، يرفع الجن من حاجتنا لها ليسخر لها استمرار الحرب وزيادة الأموال.. يدخل بين الإمام والحكومة وبين الوطني والمعارضة. يطيح بالسبعتين يشتت جمعهم ويفرق بينهم.. يسيطر على عقول الحزب الحاكم، فيضرب بمن حوله من القوى فينفرد بالحكم.. يقف مع حاملي السلاح؛ يحارب معهم، يغريهم بالميدان لتستمر شهوتهم بالحرب.

أها وينك يا بلة الغائب من أولويات تسخير الجن السفلي والعلوي بين هذه القضايا وبين داعش والجنائية، أيهما أهم وأولى بالرعاية.

التغيير


تعليقات 53 | إهداء 0 | زيارات 21094

التعليقات
#1299394 [ود الشبارقة]
5.00/5 (1 صوت)

07-07-2015 11:36 AM
امة جاهلة ... وبله جاهل ساذج كيف تريد لهذه الامة ان تتقدم وفيها مثل هؤلاء الدجاجلة المسنودين بدعم حكومي ... انها امة ضحكت من جهلها الامم ... امة الخرافة والسذاجة ..لذا سيرزح السودان تحت خط الفقر ما دام فينا من يصدق هذا الجاهل الغبي

[ود الشبارقة]

#1299084 [على]
4.75/5 (3 صوت)

07-06-2015 08:06 PM
كيفن ماعرفتها ياالداندورمى دى ما الجنية فاتو بن سودة بتاعت الجنائية الجنية هو بلة دا فكوهو من القيد والذلة ولا شنو كدى طيب شوف لينا الجن بتاعك دا حايرجع لينا حلايب ولا خلاص اتبلعت ولاتنسوا حلايب سودانية

[على]

#1299040 [همت]
4.75/5 (4 صوت)

07-06-2015 05:39 PM
بله الغائب ... فعلاً غائب!

[همت]

#1298985 [الداندورمي.]
4.38/5 (4 صوت)

07-06-2015 04:14 PM
. طيب أبو،،، نظاره عرفته يا،،،هو الدجال بله الغائب
الجنبه دي ماعرفتها بلاله الغائبه ولا،،، شنو؟

[الداندورمي.]

ردود على الداندورمي.
United States [emad] 07-06-2015 07:29 PM
هههههههههههههههههه والله الجنيه دي حيرتتا ما عرفناها


#1298970 [adil a omer]
4.25/5 (4 صوت)

07-06-2015 03:59 PM
.

[adil a omer]

#1298931 [أريج الوطن]
4.69/5 (5 صوت)

07-06-2015 02:56 PM
السودان بلد محكوم بالشعوذة والدجل منذ أيام نميري ، في تاريخ السودان لم يعرف رئيس كان محكوما من عصابة الدجالين غير نميري وواصلت عصابة الجبهة الطريق ، وعندما نقول بأن السودان بلد ممحوق البركة رغم كل الامكانيات المادية لأن الشرك فيه له علم مرفوع يرفرف فوق كل زاوية صوفية معلنا حرب الله ورسوله صلى الله عليه وسلم يأتي أحد المدروشين أو من لهم مصالح في الدروشة ونشر الشرك ويقول : هذا وهابي هذا حنبلي وهذا وهذا ... لن ينصلح حال السودان مالم يشن حرباً تعليمية قوية تبعد بكل قوة الروح الانهزامية الصوفية عن واقع الحياة السودانية ، وتشمر عن سواعد الجد لنشر الدين الحق المبني على توحيد الله وإفراده بالعبادة دون غيره من المخلوقات التي تعبد في السودان وتعيد صياغة الإنسان السوداني ضياغة مبنية على المنهج الشرعي الصحيح القائم على الكتاب والسنة وليس على خزعبلات مشايخ الصوفية الجهلاء الذين كل منهجهم قائم على الكرامات وعبادتهم من أتباعهم الاغرار وتغربل المناهج التعليمية غربلة صحيحة ليذهب الزبد جفاء ويبقى ما ينفع الناس . . عندها ابشروا بنهضة وطن يبارك الله في أهلة وأرضه ... أما غير ذلك فسيظل بله الغايب وغيره من أهل الشعوذة هم الحكام الخفيين لهذا البلد

[أريج الوطن]

#1298922 [observor]
4.50/5 (4 صوت)

07-06-2015 02:43 PM
يا اخوان - الجن موجود - وهو من الد اعداء الانسان وهناك من البشر من يتعامل مع الجن أمثال بله الغائب - ولكن التعامل مع الجن ليس سهلا فهو ثمنه غال يكلف الانسان دنياه واخراه - وهذا الشخص المدعو بله لم يتعامل معه هذا الجن الا بعد ان كفر بالله ورسوله وملائكته واليوم الاخر وخرج تماما من ملة لا اله الا الله محمد رسول الله - فاصبح خادما لهم واضافه لكفره هذا فهم ينكحونه ليلا ونهارا مقابل بعض الاخبار المشوشه عن الغيب ينقلونها له وهذه المعلومات التي ينقلها له الجن اذا وجد بها خبر واح صحيح فإن بها الف خبر كاذب وهذا حال الجن - وهذا البله قد خسر دنياه واخراه وباء بالغضب والخسران المبين عليه من الله اللعنات تترى الى يوم الدين...

[observor]

#1298888 [tom]
4.82/5 (5 صوت)

07-06-2015 02:19 PM
بله بله بله الغائب الغائب الغائب ...... فعلا السودام سودان الجن والخرطوم اب الجن وام الجن .... واولاد الجن الثلاثه الكرام بموتهم ... تنخشع الاشياء وتزول العتمه ويرجع للناس صوابهم

[tom]

#1298863 [بابكر عباس]
4.97/5 (6 صوت)

07-06-2015 01:58 PM
أذكر فى أخريات عام 1988 ظهر فى القضارف رجل رث الثياب من أصول غربأفروية يمشى من مكان لمكان و حينما يجد من يستأنس لهم يصيح..يا ناس..ظهر شيطان إسمو الجبهة..أعملو حساب أولادكم و نسوانكم منو..وكان الناس يتندرون به لحيظات ثم يمضى لحال سبيله

[بابكر عباس]

#1298859 [ابو السمح]
4.44/5 (5 صوت)

07-06-2015 01:54 PM
يا بلة يا غائب زمان ما قلت لجنك يدخلكم كاودا و قال ليك بخاف من كجور النوبة ؟
و بكرة ها يقول ليك بخاف من داعش و ما بحرس الحدود و بعدها شيل شيلتك مع قاطع الرؤس المقنع الشايفه في التلفزيون كيف يجز رأسك المعفن

[ابو السمح]

#1298836 [محمد المبارك]
4.19/5 (5 صوت)

07-06-2015 01:22 PM
ياأهل السودان ، أهل الدين النظيف الذي لا يعرف المجون ولا داعش ولا غيرها ،،، كيف أنتم ، لا أظنكم أحياء ، لأن هذا الفاسق الماجن بلة لا يريد سوط فقط هذا الرجل لا بد من ضرب عنقه والساعة ، وأقول للترابي بالله لماذا قتلت محمود محمد طه وفاسقكم بلة الغائب يصول ويجول كما يريد ،،، أنا بالنسبة لي لا أنتمي لأي شلة متعصبة ولكن غيرتي علي الدين كبيرة لا توصف وبلة فات حدودده وللصبر حدود ، والكلام واضح ياالترابي ويا علماء الشوم أمثال عبد الحي يوسف وغيره ،،، إذا لم تفعلوا نحن سوف نفعل وليس علي بلة الفاسق فقط ، أنتم معه ،،،

[محمد المبارك]

#1298824 [شاويش]
3.85/5 (6 صوت)

07-06-2015 01:05 PM
Those who commented against Mr. Balah(The Absentee ) will be in a danger situation very soon . take care ??? !!!!

[شاويش]

#1298823 [FATIH]
4.19/5 (5 صوت)

07-06-2015 01:03 PM
يارب الارباب ويامجري السحاب يااحد وياصمد اللهم يالله خذ فرعون السودان البشير وحزبه والدجال بلة أخذ عزيز مقتدر, اللهم يالله شردهم ولاتبقي منهم احدا ومزقهم كل ممزق ودمرهم كما دمرت عاد وثمود فانهم لايعجزونك واخرج السودان والسودانيين من بينهم سالمين واعيد للسودان والسودانيين مجدهم وعزهم وسماحتهم وطيبهم واجري بارض السودان الخير والخضار والنماء والرخاء والعز, يامجيب الدعاء ويامعطي السائلين وياهادي الحائرن اللهم استجب - آمين

[FATIH]

#1298782 [مدحت عروة]
4.37/5 (11 صوت)

07-06-2015 12:07 PM
طيب ما تخلى الجن بتاعك ده والنحل يمشوا يحرروا القدس ويرموا اسرائيل فى البحر ويحجموا امريكا والغرب!!!!!
يا امة ضحكت من جهلها وغبائها ودلاهتها الامم!!!!

[مدحت عروة]

ردود على مدحت عروة
[المستعرب الخلوى] 07-07-2015 09:35 AM
يا مدحت بن عروة ..وليه الجن دا يمشى بعيييد لحد القدس ؟ ليه ما يوظف الجن الكلكى دا عشان يصلح لينا بلدنا الماشه كلو يوم لورا ؟


#1298772 [faris]
4.24/5 (9 صوت)

07-06-2015 11:46 AM
ياجماعة الزول دة مافى حد يديهو سوطين على ضهرو ويقول ليهو قوم شوف ليك شغلانة بدل الهرطقة ال انت فيه .

[faris]

#1298769 [الكرباج]
4.36/5 (8 صوت)

07-06-2015 11:45 AM
بله الغائب هذا يذكرنا بالقذافي والساحر بتاعوا الذي خرج في يوم من الايام وفي التلفزيون الرسمي الليبي يتحدث عن الدجاجه التي باضت بيض لونه اخضر كلون الكتاب الاخضر وعلم ليبيا وشعارها الاخضر وما اكثرهم امثال بله الغائب في بلادي والمؤسف حقا المواطن البسيط من شده الجهل والتخلف الذي اصابه يجعله يصدق مثل هذه الخرافات التي يطلقها المشعوذون برعايه كريمه من عصابه النظام و رقيص الرئيس ده ياجماعه لو مافي جن مابرقص كده وحالتو رجلوا معوقهراجل في السبعينات من العمر ويرقص ذي المجنون انا عايز اعرف هو بيقلد منو من رؤساء العالم ديل في الرقيص ( انه الجن )

[الكرباج]

#1298765 [aldafari]
4.46/5 (7 صوت)

07-06-2015 11:40 AM
يا شيخ بله الغائب ابوبالا غايب ، رايك ترسل لينا جند من النحل فقط نقاتل به اسرائيل ونحل مشكلة فلسطين اليوم ونغضي على اليهود او ادخلوا الاسلام ، قبل الجمعة القادمة .

بالله ارسل لجندك لتطهير وطرد الذين يقتلون اهلنا في كل شبر من السودان؟

اذا اصلا حقيقة ما تقوله أما اذا لم تستطع عمل اي من الاثنين اعلاه فان إدعائك وترهاتك الفارغة التي تطلقها لا جدى منها وانك مهووس ليس إلا .

او ارسل لجندك لالقاء القبض على رئيس اسرائيل لنحاكمه على قتل اهل فلسطين العزل.


كلام اظن نوع من الدجل وللمصلحة الدنيوية فقط .

[aldafari]

ردود على aldafari
European Union [Wahid] 07-06-2015 03:08 PM
انت مالك ومال فلسطين كدا خلينا في حال بلدنا


#1298753 [Mohamed ali]
4.43/5 (11 صوت)

07-06-2015 11:30 AM
بله الخايب.. والبشير وعلى عثمان والترابي الأخيب.
كلهم دجالون.. علي عثمان كان معاه واحد نيجيري ما بيعرف كلمة واحدة عربي.
شوف نوعيةالذين يحكمون السودان. انظر صورة البشير واهتمامه بالمدعو شيخ الأمير الذي ينطق كلمتين صاح.

[Mohamed ali]

#1298743 [Kudu]
4.43/5 (11 صوت)

07-06-2015 11:15 AM
فيهو شبه من بتاع البنفو نائب الرئيس؟؟

[Kudu]

#1298713 [ٍSalah AL Deen P]
4.43/5 (8 صوت)

07-06-2015 10:40 AM
كلكي اليكلكلك ان شاء الله ، انت والكيزان بتاعك ببركة الشهر الفضيل

[ٍSalah AL Deen P]

ردود على ٍSalah AL Deen P
United States [ٍSalah AL Deen P] 07-06-2015 12:17 PM
شكلي كدا شايت ضفاري ، الصيام وكدا
بس قصدي الجن الكلكي اليكلكل بلة القايب وكيزانو ، ديل محترفين في الدجل والشعوذة والكذب
تخيل زول كضاب ومشعوذ ومتخلف وامي يكون عندو اموال طائلة وارصدة في البنوك
واساتذة الجامعات والكوادر الطبية وغيرهم من العلماء تهاجر من البلد بسبب الاوضاع المعيشية وبعضهم زاتوا ما لاقين حق قفة الملاح

[ابودعد] 07-06-2015 11:16 AM
انت شايت وين؟؟؟ يمكن الصيام؟؟؟


#1298691 [ميدو]
4.24/5 (12 صوت)

07-06-2015 10:01 AM
بلا غايب بلاحاضر اكبر دجال ساي غائب من شنوووووووووو

[ميدو]

#1298689 [رهام علام]
4.36/5 (12 صوت)

07-06-2015 09:57 AM
ههههههه جيش النحل ده الخلاك تهرب من رهد ابودكنة وطفشك منها ليوم الليلة ؟؟؟؟؟
لكن يا قراء لعلمكم وانا اقسم قسما عظما أن البشير وعلي عثمان يستخدمون الجن والبشير عنده واحد من النيجر ساحر عامل ليهو موية ريحتها عفنة لا تطاق يسقي منها البشير دوما من اجل التثبيت .... وقد نسوا ان الله ينزع الملك ممن يشاء

[رهام علام]

#1298688 [ميمان]
3.50/5 (3 صوت)

07-06-2015 09:57 AM
هل تعلمون أن بله هو من أمر بتغيير ساعة السودان او ما سمي بالبكور حتى يتوقف الزمن عند الإنقاذ!؟ لهذا السبب يصدقه الجماعة ويؤمنوا بقدراته الخارقه!

[ميمان]

#1298686 [رهام علام]
4.17/5 (9 صوت)

07-06-2015 09:55 AM
ههههههه جيش النحل ده الخلاك تهرب من رهد ابودكنة وطفشك منها ليوم الليلة ؟؟؟؟؟
لكن يا قراء لعلمكم وانا اقسم قسما عظما أن البشير وعلي عثمان يستخدمون الجن والبشير عنده واحد من النيجر ساحر عامل ليهو موية ريحتها عفنة لا تطاق يسقي منها البشير دوما من اجل التثبيت .... وقد نسوا ان الله ينزع الملك ممن يشاء

[رهام علام]

#1298682 [دردوق]
4.36/5 (19 صوت)

07-06-2015 09:50 AM
النحل اليعضيك في جع!!!! قول اامين !عالم ووووهم

[دردوق]

ردود على دردوق
[FATIH] 07-06-2015 01:07 PM
اليعضيهو وين ..كمل ياخي ...
موتني من الضحك


#1298678 [sudani original]
4.32/5 (6 صوت)

07-06-2015 09:42 AM
ياسلام طيب يا "ابله" اسف قصدي يابله ماتشوف حالة الجنيه دا مالو ؟
طيب مالك ما رجعتا الحركات المسلحة دي للسلام.
بعدين وين كنت لمن الطائرات الاسرائيلية جات تتدرب في اجواء السودان كم مرة .
انا غايتو شايف ممكن تكون وزير الدفاع المستقبلي احسن من اللمبي لانك تخصص جنيات ومجانين .
الله يشفيك من جهلك دا ويقلع العصابة الحاكماك .

[sudani original]

#1298672 [كلحية]
4.50/5 (4 صوت)

07-06-2015 09:34 AM
بلة الغائب وما أدراك ما بلة الغائب هو تجسيد حى وواقعي لإنحطاط السودان ! بلة الغائب للذين غيب النظام عقولهم من السذج هو اصدق برهان علي أن السودان يعيش خارج العصر بينما دولا علي مرمي حجر في محيطنا الجغرافي شرعت هذه الدول في تطبيق فلسفة الحكومة الذكية متخطية مرحلة الحكومة الإلكترونية والفرق بينهما بداهة لايعرفه السذج من أتباع بلة الغائب وإن حضر !

[كلحية]

#1298651 [Mota Moh Mustafa]
4.50/5 (3 صوت)

07-06-2015 09:11 AM
لا اله الا اله الله محمد رسول اللله(اتقي الله )

[Mota Moh Mustafa]

#1298642 [الشيخ محمد سليمان]
4.50/5 (4 صوت)

07-06-2015 08:49 AM
هذا الرجل مهوس او بالاصح مجنون رسمي لا تسمعو كلامه اذا كان بعرف الجن او رؤساء الجن ناس برقان وزوبعةو شمهروش وغيرهم انا معرفهم اكثر منه لكن الكلام الذي قاله كله كذب و أفتراء وكذالك كلامه عن الشيخ التحاني الشيخ التجاني برئ برائت الزئب من دم يوسف من التعامل مع الجن هذا ولي من اولياء الله و هذا جن شيطان من الشياطين الفرقي واسع بينهم ؟؟؟ وهذه فتنة من فتن الدجال نرجو من الحكومة القبض على هذا الرجل قبل ما يدخل الوهم على الناس كثيرين مثله يا جماعة أفهمو كلامي هذا !!!!!!!؟؟؟؟؟؟؟؟

[الشيخ محمد سليمان]

ردود على الشيخ محمد سليمان
[ابودعد] 07-06-2015 11:21 AM
عربي دا يا مرسي؟؟؟ بعدين يقول ليك قافل البلد من الجنائية تقول اقيضوه إنت عاوز الجنائية تدخل؟؟؟


#1298623 [إندستين]
3.88/5 (4 صوت)

07-06-2015 08:10 AM
بله كداب عامل فيها بطيل عمر النظام بالوهم . الله ارحم ابوسيد .زى ما قال تحكم الدجل الكجور.

[إندستين]

#1298603 [سوداني]
3.75/5 (4 صوت)

07-06-2015 06:53 AM
بله الغايب يفزعنا وينجدنا سره باتع ومابينقدر الجن الأحمر ده اظنه المريخ والجن الأزرق ده اظنه هو الهلال والجن الأخضر نيل الحيصاحيصا والجن الأصفر بالاسود ده اظنه الأمل العطبراوي وهولاب لب وكم في الخط النازل منو الميرغني كسلا ولا هلال الجبال تجيب ضبانة ضكر ونملة عرجاء وسحلية بضنبين وبكرة يسجل ليكم اوكامبو حارس مرمي في الرابطة كوستي ويجيب ليكم بنسودة من شعيراتها ويقلب ليكم المحكمة الدولية اتحاد كورة مدد يا بلة مدد ههههههه عالم صايعة

[سوداني]

#1298599 [سكران لط]
3.75/5 (6 صوت)

07-06-2015 06:15 AM
قولو للغبيان دا مدرسة داعش هم الوهابية المعروفين بانصار السنة المالين الساحات والجامعات وتمويلهم من السعودية وشغالين تحت عينكم قال داعش قال انت فاكرهم خلق بنسلو من السما واللا بجو باللواري ؟ ديل حايمين بينكم من زمااان وبهاجمو فيكم صباح مسا.

[سكران لط]

#1298593 [عودة ديجانقو]
4.44/5 (5 صوت)

07-06-2015 05:32 AM
الأخت سمية سيد جادو
دعينا نضع الأمور فى وضعها الصحيح علها تفيد بعض من أهلنا الطيبين ولا يكون هناك مكان لأمثال هذا المعتوه بله وغيره فى حياتهم.

هناك 3 دعوات دعاهم نبى الله سليمان...ربنا سبحانه وتعالى أستجاب له فى 2 منهم ولم يستجب للثالثه..وواحده من تلك الدعوتين المستجابات أن الله آتاه ملكا لا ينبغى لأحد من بعده.
إنتهى

سأل أحد الصحابه الرسول صلى الله عليه وسلم يارسول الله هل رأيت الجن؟؟..رد عليه الرسول الأعظم لولا دعوة أخينا سليمان لأمسكت به وعلقته على مئذنة هذا المسجد.
إنتهى

معلوم جيدا نوعية بله هذا لا يستطيع العيش إلا فى المجتمعات المتخلفه الجاهله بدينها

[عودة ديجانقو]

#1298579 [السوداني]
4.00/5 (13 صوت)

07-06-2015 03:45 AM
يارب الارباب ويامجري السحاب يااحد وياصمد اللهم يالله خذ فرعون السودان البشير وحزبه والدجال بلة أخذ عزيز مقتدر, اللهم يالله شردهم ولاتبقي منهم احدا ومزقهم كل ممزق ودمرهم كما دمرت عاد وثمود فانهم لايعجزونك واخرج السودان والسودانيين من بينهم سالمين واعيد للسودان والسودانيين مجدهم وعزهم وسماحتهم وطيبهم واجري بارض السودان الخير والخضار والنماء والرخاء والعز, يامجيب الدعاء ويامعطي السائلين وياهادي الحائرن اللهم استجب - آمين

[السوداني]

ردود على السوداني
[ابوايمن الحلاوى] 07-06-2015 08:31 AM
ومن عندى ادعم دعاك وارفع اكفى تضرعا للمولى عز وجل بان يتقبل صالح الدعاء!!!!! ولكن ارجع واقول بان الله يطلب منا ان نعمل وهو الذى يثمن اعمالنا ويكافئنا عليها!! وحتى تثبت الاجر عليك بالعمل،، وحقيقة ما يجرى فى بلادنا ينحدر الى الاسوأ..*** وقل اعملوا فسيرى الله عملكم ورسوله والمؤمنون***ولذا، حتى تزدهر بلادنا ويعم الخير كل البوادى وننعم ولو بقليل من حياة الترطيبه فلا بد لنا من العمل الجاد والجهد الدؤوب بالسعى الى المراد.. ولكن ان تقوقعنا هكذا فالرماد كال حماد وسوف نظل نقبع تحت اذلال هؤلاء!!!!!


#1298577 [جنوبي]
3.38/5 (5 صوت)

07-06-2015 03:41 AM
الحكومه دي زي ادارات المريخ والهلال في السبعينات مبارين الاناطين والدجالين
وكلهم زي الطين

[جنوبي]

#1298568 [ود السودان اصيل]
2.63/5 (4 صوت)

07-06-2015 03:07 AM
كلام بلة كل صحيح حتى انت بقيتوا ما تثقوا فيه هو خلاص مهاجر وتارك البلد قال مهاجر للمغرب والملك الحسن اهدي له بيت في المغرب ..... ومن يحفظ رئيسنا بعد مغادرة الشيخ بلده لبلاد والعبود ؟؟؟

[ود السودان اصيل]

#1298565 [ما مرتاح ....وما مرتاح]
4.47/5 (7 صوت)

07-06-2015 02:52 AM
جني يشلك انت وبشة وكل الكرور

[ما مرتاح ....وما مرتاح]

#1298558 [ابوالسيد77]
3.75/5 (4 صوت)

07-06-2015 02:10 AM
الزول ده بذكرني الساحر بتاع القدافي الكان بجيبوه ايام كان مزنوق
الله يستر!!

[ابوالسيد77]

#1298552 [الراجل]
2.69/5 (5 صوت)

07-06-2015 01:58 AM
يحلنا الحلة بلة

[الراجل]

#1298551 [بت البلد]
3.72/5 (6 صوت)

07-06-2015 01:50 AM
يا بلة الغائب انت والجن حبائب : لكن الجن عدو الله ورسوله والمؤمنين والمؤمنات وكل الحيوانات ...أها أين موقعك هل أنت تحب الله ورسوله والمؤمنين والمؤمنات وللا حبيبك الجن والجنيات ؟؟؟!!! أعوذ بالله

[بت البلد]

#1298550 [ابوصلاح]
4.38/5 (4 صوت)

07-06-2015 01:48 AM
انا شايف جنيه فى الصورة مكنتها 6 بستم

[ابوصلاح]

#1298544 [أحمد سكاك قطيه]
3.75/5 (3 صوت)

07-06-2015 01:37 AM
والله دى الكانت ناقصه ,,, أياها الفضلت ,, كمان جابت ليها جن ,,

[أحمد سكاك قطيه]

#1298533 [Shah]
5.00/5 (2 صوت)

07-06-2015 01:17 AM
الجن الاركبك ... قول امين

[Shah]

#1298529 [ام شلوخ]
3.50/5 (3 صوت)

07-06-2015 01:10 AM
تناول جميل وسلس....رغم قبح الواقع المعاش...شكرا.

[ام شلوخ]

#1298518 [shamy]
4.00/5 (2 صوت)

07-06-2015 01:04 AM
who are those mashaeik. المشايخ اجتمعوا على إغلاق حدود السودان ضد دعوى تنظيم الدولة الإسلامية (داعش)،أبرز الخدمات التي قدمها له الجن هو صرف الجنائية عن الرئيس وجاهزية النحل لقتالها.Takbiiiiir.crap

[shamy]

ردود على shamy
[سالم] 07-06-2015 09:23 AM
والله يا ها الفضلت غمة الانحطاط وين يا شاذ الافاق ربنا ينتقم منكم يا بيتاعين الكجور ربنا ينتقم من الكيزان واخواتهم داعش وكل من والاهم الى يوم الدين


#1298515 [البعير]
3.38/5 (6 صوت)

07-06-2015 12:59 AM
يااستاذة سمية سيد جادو في رمضان الشواطين بمسكهم، ده شنو الدجال الما عنده موضوع ده جن ازرق وجن احمر

[البعير]

#1298506 [سيناريو حوار اليابسة]
4.49/5 (7 صوت)

07-06-2015 12:46 AM
ويوم يحشرهم جميعا ثم يقول للملائكة أهؤلاء إياكم كانوا يعبدون ( 40 ) قالوا سبحانك أنت ولينا من دونهم بل كانوا يعبدون الجن أكثرهم بهم مؤمنون ( 41 ) فاليوم لا يملك بعضكم لبعض نفعا ولا ضرا ونقول للذين ظلموا ذوقوا عذاب النار التي كنتم بها تكذبون ( 42 ) ) .

[سيناريو حوار اليابسة]

#1298498 [داوودي]
4.35/5 (6 صوت)

07-06-2015 12:38 AM
اتوقع الغالبية من المعلقين مقتنعين انو لا يعلم الغيب الا الله فلا بله ولا غيرو بعرفو البحصل بكرة شنو وبنطلع علي كلام الغايب كحب استطلاع .

[داوودي]

#1298496 [عبدالمجيد حسنين]
4.88/5 (4 صوت)

07-06-2015 12:38 AM
الجن ده ياهو المؤتمر الوطنى

[عبدالمجيد حسنين]

ردود على عبدالمجيد حسنين
[aldonglawy] 07-06-2015 05:31 AM
صادق


#1298489 [ابراهيم]
3.82/5 (5 صوت)

07-06-2015 12:29 AM
بله الغائب دا قبل كده بعرف مكان الطائرة الماليزية التي سفطت في المحيط... وللجين المخابرات الامريكية و الروسية و الصينبة وبله الغائب لم بحددوا مكان الظائره. لكن على كل هو مثال حي للدراويش الدين يحكمون السودان منذ 25 سته ولا نستبعد بعد قليل ان يدعوا النبوة.

[ابراهيم]

#1298484 [نهج الأسد باق للأبد]
3.00/5 (3 صوت)

07-06-2015 12:16 AM
المشايخ ديل وهوعلى كل شيء قدير ولا شنو. وبعدين ديل منو هم المشايخ ديل؟ ما تقول لي ديل هم اقطاب الارض الاربعة. تعرف ناس داعش ديل ح يجوا غصب عنك وعنك مشايخك للسودان وهم اسع قاعدين وبقرو كلامك دا وحاكمين عليك كمان بأنك ساحر ودجال وأول ما يسيطرو على البلد منك ومن بشيرك ح يبدو بيك انت قبل البشير سمعت ولا اعيدو ليك... بس ننتظر نشوف داعش القلت انو مشايخك اتفقو انهم يقرعوها من السودان لان السودان في نظرك ونظر مشايخك ديلا ارض مقدسة ما بجوز لداعش تتطاها. ولا السودان بقى ارض السحرة والداجاجلة نشوف. الكلام دا بعد تطلع داعش في السودان قريب دا.

[نهج الأسد باق للأبد]

ردود على نهج الأسد باق للأبد
[ابودعد] 07-06-2015 11:27 AM
ياخي ينوبك ثواب ما تخلي ناس داعش ديل ياخدوه لينا كدا سمبهار


#1298483 [الدرب الطويل]
4.97/5 (8 صوت)

07-06-2015 12:14 AM
بلة يا بلة والرقم جلّا..
البشير حيكم ١٨ سنة..
لا لا جات إشارة..
حيكم ٢٥ سنة..
لا لا جات إشارة..
حيكم ٣١ سنة..
لا لا جات إشارة..
البشير حيبقى ملك على السودان..

الجن ذااااااااتو زهج من اليشير دا..

[الدرب الطويل]

#1298471 [ALIIIIIIIIIIIIIIIIIIIIIIIIIIIIIIIIIIIIII]
4.75/5 (4 صوت)

07-06-2015 12:01 AM
الزول مش مفروض لو في شريعة مامدغمسة يقصو رقبتو ياعمر البشير ولا شريعتك مدغمسة لسع ياامير المؤمنين شبيك لبيك داعش بين ايديك شبيك لبيك حربك بين ايديك شبيك لبيك فسادك بين ايديك شبيك لبيك هروبك من جوهانسبيرج بين ايديك كلو شبيك لبيك نعوذ بالله منك ومنه ومن امثالكم من شياطين الانس عمر البشيروبلة الغائب

[ALIIIIIIIIIIIIIIIIIIIIIIIIIIIIIIIIIIIIII]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة